გიგი უგულავა

პოლიტიკა 1709095765

გიგი უგულავა: ნიკა გვარამია მიუხედავად იმისა, რომ პარტიული არ ყოფილა, „ნაციონალური მოძრაობის“ მთავარი მოტორი იყო, მათ შორის იმ პირობებში როცა სააკაშვილი არ იყო აქ

ნიკა გვარამია მიუხედავად იმისა, რომ პარტიული არ ყოფილა, „ნაციონალური მოძრაობის“ მთავარი მოტორი იყო, მათ შორის იმ პირობებში, როცა სააკაშვილი არ იყო აქ, - განაცხადა გიგი უგულავამ „ტვ პირველის“ თოქშოუში „რეაქცია“.კითხვაზე, რამდენად წაართმევენ ნიკა მელია და ნიკა გვარამია „ნაციონალურ მოძრაობას“ ამომრჩეველს, უგულავამ უპასუხა, რომ ის ამომრჩეველი, რომელიც ან ერთს, ან მეორეს მისცემს ხმას, მათი დიდი უმრავლესობა წინა არჩევნებზე „ნაციონალური მოძრაობის“ ამომრჩეველი იყო.„ვფიქრობ, რომ „ნაციონალური მოძრაობისთვის“ ეს პრობლემაა. მოდი გულწრფელები ვიყოთ, 2012 წლიდან, რაც ნაცმოძრაობა ოპოზიციაშია, მათ შორის იმ პირობებში, როცა სააკაშვილი აქ არ იყო, ნიკა გვარამია ამ პარტიის [ნაციონალური მოძრაობის] მთავარი მოტორი იყო, მიუხედავად იმისა, რომ პარტიული არ ყოფილა. ნიკა მელია ბოლო 5 წელი თავმჯდომარე იყო და თან პოლიტიკური პროცესის შედეგად არჩეული. ბოლო არჩევნებიდან რომ ავიღოთ, ქალაქის მერობის კანდიდატები, ძირითადი უმრავლესობა, სამი-ოთხი, ვინც წარმატებული იყო, მათ პარტია დატოვეს. წინა არჩევნებზე წარმატებული კანდიდატი რომ წავა შენგან, ეს პარტიის პრობლემაა. გამოწვევები სხვადასხვაა, „ნაციონალური მოძრაობისთვის“ ეს პრობლემაა, მაგრამ 2 კვირის დიაპაზონში ორი ახალი პარტია რომ გაიხსნება, ორი ნიკასი, ორი ანზორის ძე და ორივე მეგრული გვარით, მარინე გიორგის ასული ფერაძესავით გამოვა. ისინიც ძალიან მძიმე მდგომარეობაში აღმოჩნდებიან. მათ ექნებათ უფრო მეტად პრობლემა, რადგან „ნაცმოძრაობა“ არის დიდი პარტია და მას აქვს რეგენერირების უნარი“, - განაცხადა გიგი უგულავამ. 

daviti

პოლიტიკა 1707677477

ნიკა გვარამიამ რამდენიც არ უნდა იძახოს „ნაცი“ არ ვარო, არ დაუჯერებს ის, ვისთვისაც „ნაცი“ მიუღებელია - დავით ზურაბიშვილი

 ნიკა გვარამიამ რამდენიც არ უნდა იძახოს "ნაცი" არ ვარო, არ დაუჯერებს ის, ვინც "არა-ნაცი" და მკაცრად "არა-ნაცია". ვისთვისაც "ნაცი" მიუღებელია, ის უბრალოდ ამას არ დაიჯერებს. - ამის შესახებ დავით ზურაბიშვილმა "ტვ პირველის" ეთერში განაცხადა.როგორც ზურაბიშვილმა განმარტა, ის პოლიტიკოსები, რომლებიც "ნაციონალური მოძრაობისგან" გამიჯვნას ცდილობენ, ჯერ კიდევ საზოგადოების უმრავლესობისთვის ამ პარტიასთან ასოცირდებიან. "ნიკა მელიაც, რომელიც 2007 წლამდე საერთოდ "ნაცმოძრაობის" წინააღმდეგ მიტინგებშიც გამოდიოდა და ხატია დეკანოიძეც რომ ავიღოთ, რომელიც ნამდვილად არ არის სისხლისმსმელი "ნაცის" ტიპაჟი, მაგრამ მათი წარსული ბევრისთვის ჯერ კიდევ "ნაცმოძრაობასთანაა". მათ სჭირდებათ დრო, რათა დამოუკიდებელ ფიგურებად წარმოჩნდნენ." - განაცხადა დავით ზურაბიშვილმა.         

საპარლამენტო უმრავლესობა პრემიერ-მინისტრობის კანდიდატს და ნდობის გამოცხადებისათვის წარდგენილ მთავრობის შემადგენლობას შეხვდა

პოლიტიკა 1707396061

ნიკა მელიას ამნისტიაზე არ ვისაუბრებდი იმ ადამიანის პარტიის რიგებიდან, რომელიც ნიკა მელიას გულისთვის გადადგა - ირაკლი კობახიძე

ნიკა მელიას ამნისტიაზე მე არ ვისაუბრებდი იმ პარტიის რიგებიდან, რომელიც ნიკა მელიას გულისთვის გადადგა, მელიას გულისთვის გადამდგარი პარტიის თავმჯდომარე გყავთ და მისი პარტიის წევრი გვესაუბრება მელიას ამნისტიაზე, რომელიც, შეგახსენებთ, 19 აპრილის შეთანხმების შემადგენელი ნაწილია, – ამის შესახებ პრემიერმინისტრობის კანდიდატმა, ირაკლი კობახიძემ პარლამენტში განაცხადა.მისი თქმით, გახარიასთვის არავითარი შეღავათი არ არის სტრასბურგის სასამართლოს გადაწყვეტილება.„ძალიან გიყვართ ეს შეთანხმება, თუმცა დღეს გაირკვა, რომ თურმე არ მოგწონთ. აღარასდროს მოვაწერთ ხელს შეთანხმებას, რომელიც ითვალისწინებდა ქვეყნის გასვლას კონსტიტუციური ჩარჩოებიდან, არავითარი მედიაციით, არავის ჩართულობით ასეთი ტიპის შეთანხმებას აღარასდროს მოვაწერთ ხელს. სტრასბურგის გადაწყვეტილება არავითარი შეღავათი არ არის თქვენთვის, მართალია, საბოლოო ჯამში, იყო ლეგიტიმური ძალა გამოყენებული ჩვენი სპეცრაზმის მხრიდან, მაგრამ გართულებამდე ვითარება მიიყვანა სწორედ იმ უგუნურმა გადაწყვეტილებებმა, რომლებიც მანამდე მიიღო მაშინდელმა შინაგან საქმეთა მინისტრმა, გახარიამ. ძალიან მძიმედ დაუჯდა ეს ქვეყანას, დასახიჩრდნენ ადამიანები, არავითარი შეღავათი არ არის თქვენი ლიდერისთვის სტრასბურგის გადაწყვეტილება“, – განაცხადა კობახიძემ.

სუბარი

პოლიტიკა 1707223310

ჩვენი წინაპრები არ გაქცეულან, ჩვენმა წინაპრებმა იბრძოლეს, საქართველო შეინარჩუნეს აქ და არა პარიზში, გერმანიაში და სხვაგან - სოზარ სუბარი

დიდ პატივს ვცემ იმ ემიგრაციასაც, რომელიც უცხოეთში წავიდა, მაგრამ ვერ მივიღებ დეფიტიზმის ხსენებას სალომე ზურაბიშვილისგან, რადგან ჩვენი წინაპრები არ გაქცეულან,  ჩვენმა წინაპრებმა იბრძოლეს, საქართველო შეინარჩუნეს აქ და არა პარიზში, გერმანიაში და სხვაგან, – ამის შესახებ მოძრაობა „ხალხის ძალის“ წევრმა, სოზარ სუბარმა განაცხადა.სუბარის თქმით, უნდა დავიცვათ ჩვენი სუვერენიტეტი, თვითმყოფადობა და გავაერთიანოთ ქვეყანა.„ჩვენ დავუშვით შეცდომა, დიახ, დავუშვით შეცდომა, რადგან ქართველ ხალხს ვუთხარით, ეს ადამიანი (სალომე ზურაბიშვილი) იქნება გამაერთიანებელი ქვეყნის, ჩვენი დღევანდელობის და ქვეყნის იმ წარსულის, რომელიც ევროპაში გაიქცა ერთი საუკუნის წინ. გაიქცნენ, ჩვენ მათ პატივს ვცემთ, თუმცა ჩვენს წინაპრებს არ დაუტოვებიათ ეს სამშობლო. ჩვენი წინაპრები აქ დარჩნენ, ბევრი მათგანი დაიხვრიტა, გაციმბირდა, ბევრმა მათგანმა იბრძოლა ქვეყნისთვის, შექმნეს ქართული კულტურა. ივანე ჯავახიშვილი იყო, რომელიც კათედრაზე გარდაიცვალა, როცა ლექციას კითხულობდა. გალაქტიონ ტაბიძე იყო, რომლის მეუღლე გადაასახლეს და ამ ადამიანებმა იბრძოლეს, ამ ადამიანებმა შეინარჩუნეს საქართველო. ძალიან დიდ პატივს ვცემ იმ ემიგრაციასაც, რომელიც უცხოეთში წავიდა, მაგრამ მე ვერ მივიღებ სიტყვა დეფიტიზმს ჩვენს ქვეყანასთან და ჩვენს მოქალაქეებთან დაკავშირებით, დეფიტიზმის ხსენებას სალომე ზურაბიშვილისგან, რადგან ჩვენი წინაპრები არ გაქცეულან, ჩვენმა წინაპრებმა იბრძოლეს და საქართველო შეინარჩუნეს აქ, არა პარიზში, გერმანიაში და სხვაგან. კიდევ ერთხელ პატივისცემა მათ, მაგრამ საქართველო აქ გადარჩა და აქ უნდა გადავარჩინოთ ჩვენ. დიახ, ჩვენ უნდა გავიმარჯვოთ, დიახ, ჩვენ უნდა დავიცვათ ჩვენი სუვერენიტეტი, თვითმყოფადობა და ჩვენ უნდა გავაერთიანოთ ჩვენი ქვეყანა. სალომე ზურაბიშვილი ლაპარაკობდა იმ საფრთხეზე, რომელსაც თითქოს ოჩამჩირესთან რუსული სამხედრო საზღვაო ბაზის მშენებლობა იწვევს საქართველოსთვის და რაღაც ზომებისკენ მოგვიწოდა, რა ზომებისკენ, ვერ დააზუსტა და ვერც დააზუსტებს, რადგან ეს ცარიელი სიტყვებია, რომელიც მან უნდა თქვას, რადგან დღეს ასეთი დაკვეთა აქვს. მაგრამ 30 კილომეტრში არის სამხედრო ბაზა ახალგორთან, ბევრად უფრო ახლოს და ბევრად საშიშია ჩვენი ქვეყნისთვის, ვიდრე ის ბაზა, რომელიც შეიძლება, მომავალში აშენდეს ან არ აშენდეს.  ახალგორზე რა ვქნათ, იქნებ, ამაზეც გვითხრას ორი სიტყვა, როგორ გავაერთიანოთ ჩვენი ქვეყანა, როგორ დაველაპარაკოთ ჩვენს ოს და აფხაზ ძმებს, როგორ წარმოუდგენია მათთან ლაპარაკის გარეშე ქვეყნის ტერიტორიული მთლიანობის აღდგენა. ამაზე არცერთი სიტყვა მას არ უთქვამს. სამაგიეროდ, ლაპარაკობს იმაზე, თურმე 19 აპრილის შეთანხმება იყო რაღაც დარღვევა. რა დარღვევა, ქვეყნის კონსტიტუცია დავარღვიეთ იმიტომ, რომ ქვეყანაში მშვიდობა შეგვენარჩუნებინა, ისეთ რამეს მოვაწერეთ ხელი და როცა „ნაციონალურმა მოძრაობამ“ უარი თქვა ხელშეკრულების შესრულებაზე, მხოლოდ შემდეგ გავაუქმეთ ხელშეკრულება. კონსტიტუციის დარღვევის არშესრულება თურმე ქვეყნის ინტერესების ღალატია“, – განაცხადა სოზარ სუბარმა.სუბარის განმარტებით, ქვეყნის ინტერესების ღალატია საქართველოს კონსტიტუციის დარღვევა, რასაც სალომე ზურაბიშვილი ყოველ დღე აკეთებს, როდესაც ის დადის საქართველოს მთავრობის ნებართვის გარეშე უცხოეთში.„დადის უცხოეთში და იქ აკეთებს საქართველოს საწინააღმდეგო საქმეს. დიახ, საქართველოს საწინააღმდეგო საქმე ჰქვია, როდესაც სალომე ზურაბიშვილი დადის და ამბობს, რომ საქართველო არ იმსახურებს ევროკავშირის კანდიდატის სტატუსს, რომ საქართველო არ არის ევროპა, რომ შორს დგას ევროპისგან. ეს არის ტყუილი. საქართველო არის ევროპა, ქართველები ვართ ევროპული ცივილიზაციის და ევროპული კულტურის ხალხი. კიდევ ერთხელ გავუსვამ ხაზს, ეს ევროპული ცივილიზაცია და კულტურა აქ, ამ საქართველოში შევინარჩუნეთ და ჩვენმა მოქალაქეებმა შეინარჩუნეს, იმ მოქალაქეებმა, რომლებმაც საქართველო გადაარჩინეს ომში ჩართვასაც, თავისი ძალიან სწორი პოზიციით, რომლებმაც შეძლეს, რომ საქართველომ მიიღო დღეს ევროკავშირის კანდიდატის სტატუსი და ეს ბოლომდე იქნება“, – განაცხადა სოზარ სუბარმა.ამასთან, სოზარ სუბარმა მოიყვანა ოპოზიციის იმ წარმომადგენლების ციტატები, რომლებიც თავის დროზე სალომე ზურაბიშვილს აკრიტიკებდნენ.„მე არ ვიცი, რას იზამს სალომე ზურაბიშვილი პრეზიდენტ სააკაშვილთან დაკავშირებით, თუმცა საცოდაობაა, როცა დღეს ის გახდა იმ ოპოზიციის ლიდერი, რომელიც წავიკითხავ, რა სიტყვებს ამბობდა მასზე: „რეზიდენტი, რუსეთის აგენტი, ყველაზე სამარცხვინო კანდიდატი საქართველოს პრეზიდენტობის ისტორიაში, ვინც მას ხმას მისცემს, მიმაჩნია ქვეყნის გამყიდველად, მასთან ერთად – ეს თქვა ნიკა გვარამიამ. ამ ქალის ფეხქვეშ უნდა იწვოდეს მიწა, ეს არის ჩვეულებრივი მოღალატე – მიხეილ სააკაშვილი. ისტორიაში შევა, როგორც ყველაზე ცუდი პრეზიდენტი – ხატია დეკანოიძე. მტერი, მოღალატე, ვითომ დამოუკიდებელი კანდიდატი – ნიკა მელია. რუსეთის ერთი გუბერნიის გუბერნატორის მიმართვა რუსეთის მიმართ – უდუმაშვილი. სამარცხვინო, მოღალატეობრივი და კაპიტულანტური განცხადებების ავტორი – ანა ნაცვლიშვილი, პუტინის ნარატივის გამმეორებელი – თინათინ ბოკუჩავა“. გილოცავთ, რომ ეს ადამიანი დღეს არის თქვენი ლიდერი და არ მგონია, მასთან ერთად ძალიან შორს წახვიდეთ. მეტს არ მგონია, ეს ქალბატონი ჩვენგან იმსახურებდეს“, – აღნიშნა სოზარ სუბარმა.

გია აბულაძე

პოლიტიკა 1706552554

VIDEO: „ნიკა მელია თანამშრომლობდა კეზერაშვილთან და ამბობს „მე აღარ ვთანამშრომლობ“, იქნებ მის პერიოდში იყო ეს არაფორმალური მმართველობა...“ - გია აბულაძე

,,ნიკა მელია თანამშრომლობდა კეზერაშვილთან და ამბობს ,,მე აღარ ვთანამშრომლობ", იქნებ მის პერიოდში იყო ეს არაფორმალური მმართველობა..." - ამის შესახებ აჭარის უმაღლესი საბჭოს და  „ნაციონალური მოძრაობის“ წევრმა გია აბულაძემ გადაცემა „ვახო ხუზმიაშვილის თავისუფალ სივრცეში“ განაცხადა. „ვინ რას ამბობს არ ვიცი, მაგრამ ,,ნაციონალურ მოძრაობას" ჰყავს პოლიტსაბჭო, სადაც ხდება საკითხების დაყენება და კენჭისყრა... ჩვენ მანამდე მოვისმინეთ მაგალითად: ნიკა მელია თანამშრომლობდა კეზერაშვილთან, ხო  ანუ თვითონ თანამშრომლობდა და ამბობს, რომ ,,მე აღარ ვთანამშრომლობ", იქნებ მის პერიოდში იყო ეს არაფორმალური მმართველობა. ამ კითხვას რატომ არ სვამს თვითონ?. ასეთი დამოკიდებულება „ნაციონალური მოძრაობის“ შიგნით, რომ პოლიტსაბჭოზე პირადად ვინმემ ჩემზე გავლენის მოხდენას ცდილობდეს, ეს გადაწყვეტილება მივიღო ან არ მივიღო, ეს არ ყოფილა. მსგავსი რამ თუ იქნება, მე ღია ვიქნები ამ საკითხზე“ - განაცხადა გია აბულაძემ. 

tamta megrelishvili

პოლიტიკა 1706083078

არის გათვლა, ზურაბიშვილი „ლელოს“ მიუერთონ და ამ ერთობას 5-%-იანი ბარიერი ასე გადაალახვინონ - ზურაბიშვილის, ხაზარაძის, გვარამიას და მელიას "შუაშისტურ" ძალად წარმოჩენა, მინიმუმ პოლიტიკურ უხერხულობას ქმნის - თამთა მეგრელიშვილი

კოლექტიური "ნაციონალური მოძრაობა" აერთიანებს პარტია „ნაცმოძრაობას“, „ლელოს“, ვაშაძისა და გახარიას პარტიებს, „ევროპულ საქართველოს“, „გირჩი - მეტი თავისუფლებას“, „დროას“ და „ლეიბორისტულ პარტიას“. ამ ძალებს "ნაციონალური მოძრაობა" საკუთარ პოლიტიკურ გასაღებს უკითხავად არგებს და საკუთარი პოლიტიკური საჭიროებებით ათამაშებს, ამ ძალების ერთობა ერთი სენია ქართული სახელმწიფოსთვის, - წერს "ხალხის ძალის" წევრი, თამთა მეგრელიშვილი, რითაც ეხმიანება მოძრაობის მიერ გავრცელებულ განცხადებას, სადაც საუბარია კოლექტიური "ნაცმოძრაობის" გასამართლების აუცილებლობაზე.მისი თქმით, "ნაციონალური მოძრაობა“ „ქართულ ოცნებასთან“  ყველა პოლიტიკურ ბრძოლაში წაგებული ძალაა, რომელსაც არჩევნების გზით ხელისუფლების შეცვლის რესურსი არ გააჩნია, რის გამოც, ხან ღია, ხანაც ფარულ კოალიციაშია სხვა ოპოზიციურ ძალებთან.მეგრელიშვილის განცხადებით, ზურაბიშვილსა და სააკაშვილს შორის საბოლოო არჩევანს „გლობალური ომის პარტია“ არჩევნებამდე ორი თვით ადრე გააკეთებს."„ნაციონალური მოძრაობა“ ეს არის პოლიტიკური ძალა, რომელსაც საავტორო უფლებები გააჩნია ადამიანის წამებაზე, საკუთარი მმართველობის პერიოდში ადამიანის სიცოცხლის ხელყოფაზე, ბიზნესის რეკეტზე, ტელევიზიების მიტაცებაზე, ეკლესიის ნგრევაზე და ღვაწლმოსილი ადამიანების პირდაპირ "ჩარეცხვაზე".ეს არის ძალა რომელიც რეფორმების სახელით აუპატიურებდა და კლავდა ქართველს. მიხეილ სააკაშვილის მოთხოვნით ციხეში პატიმრების წამება იყო პოლიტიკური დირექტივა პატიმრის ნების გასატეხად, პრაგმატული მეთოდი – ციხის სამართავად და სადო-მაზოხისტური ტკბობა – ციხის ადმინისტრაციისთვის.ამ ძალის მმართველობის სისხლიანი ცხრა წელი გამოუსწორებელი, მძიმე შედეგების მატარებელია, თუმცა გვასწავლის იმას, რომ ასეთი ტიპის მმართველობა საქართველოში აღარ უნდა განმეორდეს.2012 წლიდან ქართულ სახელმწიფოში გარდამტეხი ცვლილებები დაიწყო, კერძოდ „ქართული ოცნების“ მმართველობის შედეგად ჩამოყალიბდა ადამიანზე, მისი ღირსების პატივისცემაზე ორიენტირებული სახელმწიფო სისტემა, აღიკვეთა ადამიანებზე ძალადობის მძიმე პრაქტიკა, აღიკვეთა ბიზნესის ტოტალური რეკეტი, დასრულდა ხელისუფლების ტოტალური მონოპოლია მედიასაშუალებებზე, თვისებრივად გაუმჯობესდა ქვეყნის უსაფრთხოება, გაღრმავდა სტრატეგიული თანამშრომლობა ევროკავშირთან, ნატოსთან, ხელი მოეწერა ასოცირების შეთანხმებას, თავისუფალი ვაჭრობის შეთანხმებას, მივიღეთ ვიზალიბერალიზაცია, გაიცა საქართველოსთვის კანდიდატის სტატუსი და ამ გარდამტეხი ცვლილებებისა და წინსვლის ფონზე „ნაციონალური მოძრაობა“ ჩამორჩა ყველა პოლიტიკურ საჭიროებას და დარჩა პარტიად რევანშისტული დღის წესრიგით, პარტიკულარული ინტერესებით, ძალად რომელიც მშვიდობის სახელით ღია პოლიტიკურ ომშია ქართველ ხალხთან.დიახ, "ნაციონალური მოძრაობა“ არის გაცხადებული ანტისახელმწიფოებრივი ძალა, რომელსაც რცხვენია ქართველობის. "ნაციონალური მოძრაობა“ „ქართულ ოცნებასთან“ დღემდე ყველა პოლიტიკურ ბრძოლაში წაგებული ძალაა, რომელსაც არჩევნების გზით ხელისუფლების შეცვლის ელექტორალური რესურსი არ აქვს და ის ხან ღია და ხანაც ფარულ კოალიციაშია სხვა ოპოზიციურ ძალებთან.დიახ, კოლექტიური "ნაციონალური მოძრაობა" აერთიანებს პარტია „ნაცმოძრაობას“, „ლელოს“, ვაშაძისა და გახარიას პარტიებს, „ევროპულ საქართველოს“, „გირჩი - მეტი თავისუფლებას“, „დროას“ და „ლეიბორისტულ პარტიას“.ამ ძალებს "ნაციონალური მოძრაობა" საკუთარ პოლიტიკურ გასაღებს უკითხავად არგებს და საკუთარი პოლიტიკური საჭიროებებით ათამაშებს.ამ ძალების ერთობა ერთი სენია ქართული სახელმწიფოსთვის.ეს ძალები ერთად და ცალ-ცალკე პასუხისმგებლობას იღებენ "ნაციონალური მოძრაობის" სისხლიან მმართველობაზე და საზოგადოების გარკვეულ ნაწილში მინიმუმ სირცხვილისა და უხერხულობის გრძნობა უნდა იყოს ამ ძალის  მხარდაჭერა.ამ ძალების მხარდაჭერა ამომრჩეველში პოლიტიკური სინდისის ქენჯნას უნდა იწვევდეს. სალომე ზურაბიშვილი, ჩვენი ქვეყნის, მაგრამ არა ხალხის პრეზიდენტი  "ნაციონალური მოძრაობის" და მასთან მიტმასნილი ძალების პოლიტიკურ ტყვეობაშია და გამოდის მათი ნაწილია შესაბამისად მათი ყველა დავალების უსიტყვო შემსრულებელია და ამას ყველას დასანახად აკეთებს.სააკაშვილის გათავისუფლება ახლა რომ პოლიტიკურად მომგებიანი იყოს  "ნაციონალური მოძრაობა" და ოპოზიცია სალომე ზურაბიშვილს ამას პირდაპირ დაავალებდნენ, მაგრამ ამ ეტაპზე ისინი  სალომე ზურაბიშვილის იმიჯს უფრთხილდებიან, არის გათვლა ის „ლელოს“  მიუერთონ და ამ ერთობას 5-პროცენტიანი ბარიერი ასე გადაალახვინონ. სალომე ზურაბიშვილსა  და მიხეილ სააკაშვილს შორის საბოლოო არჩევანს „გლობალური ომის პარტია“ ალბათ არჩევნებამდე ორიოდე თვით ადრე გააკეთებს. გააჩნია საარჩევნო პერიოდისათვის სააკაშვილსა და ზურაბიშვილს შორის საარჩევნო რესურსი რომელს უფრო მეტი ექნება.თუ სააკაშვილში დაინახავენ მეტ საარჩევნო რესურსს, მას სალომეს შეაწყალებინებენ, ხოლო თუ სალომეში - სააკაშვილი ციხეში დარჩება, სალომე სექტემბერში პრეზიდენტის თანამდებობიდან გადადგება და „ლელოსთან“ ერთად საპარლამენტო არჩევნებში მიიღებს მონაწილეობას. პარალელურად, „გლობალური ომის პარტია“ გვარამია-მელიას გაერთიანებაზეც მუშაობს. თუ ჩათვლიან, რომ მათ 5-პროცენტიანი ბარიერის დამოუკიდებლად გადალახვის რესურსი აქვთ, ცალკე მიაღებინებენ არჩევნებში მონაწილეობას. წინააღმდეგ შემთხვევაში, მათაც სალომე-„ლელოს“ ბლოკს მიუერთებენ.მათი თამაშის წესები ესაა და ხედავთ უკვე გაშიფრულია."ხალხის ძალა" როგორც ჯერ - ჯერობით უჩინარი ხელი ყველა პოლიტიკურ რებუსს ხსნის და სხვა პოლიტიკურ მოთამაშეთ საკუთარ ხელწერას უტოვებს.ახლა ამომრჩევლის კეთილგონიერებაზეა დამოკიდებული 2024 წლის არჩევნებზე როგორც ამომრჩეველი - პოლიტიკურ არასა და კის ვის ეტყვის.ფაქტია, სალომე ზურაბიშვილის, მამუკა ხაზარაძის, ნიკა გვარამიას და ნიკა მელიას შუაშისტურ ძალად წარმოჩენა უკვე მინიმუმ პოლიტიკურ უხერხულობას ქმნის." - წერს თამთა მეგრელიშვილი სოციალურ ქსელ Facebook-ზე.

თაკო ჩარკვიანი

პოლიტიკა 1705520186

VIDEO: „დიახ, ეს იყო გარიგება გახარიასა და მელიას შორის“ - თაკო ჩარკვიანი

„კანონი და სამართლის“ ხელმძღვანელის, თაკო ჩარკვიანის განცხადებით, გიორგი გახარიამ და ნიკა მელიამ ხალხი მოატყუეს. „დიახ, ეს იყო გარიგება გახარიასა და მელიას შორის. ეს იყო თამაში და მერე ადგილობრივ არჩევნებში ითანამშრომლეს. გახარიამ, რომელიც იმუნიტეტის ახსნას ითხოვდა და დამნაშავედ აცხადებდა მელიას, მერე დამნაშავე მელიასთან ითანამშრომლა? ეს ხომ ნონსენსია, ამიტომ ვამბობ, რომ ცოდვაა ეს ხალხი... ხალხი მარტო მოატყუა გახარიამ? თვალები არ დათხარა?“, - განაცხადა თაკო ჩარკვიანმა გადაცემა „ვახო ხუზმიაშვილის თავისუფალ სივრცეში“. ნახეთ, ვიდეო:

შალვა პაპუაშვილი

პოლიტიკა 1705049146

გიორგი გახარიას სახეცვლილებას თუ დავაკვირდებით, კარგი აღწერა გამოვა, რას ნიშნავს შუბლის ძარღვის გაწყვეტა და რენეგატის გზაზე შედგომა, ასეთი პერსონაჟები ხდებიან კომიკური პერსონაჟები - შალვა პაპუაშვილი

გიორგი გახარიას და მისი პარტიის აქტივობები უკვე კომიკურობამდე არის მისული განცხადებებში, აბსოლუტურად,  დამსგავსებული არიან კომიკური ჟანრის მხატვრულ თუ მულტიპლიკაციური ფილმის პერსონაჟებს, უბრალოდ, თავად საყურებლადაც კი აღარ არის საინტერესო, – ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა, რითაც გიორგი გახარიას მიერ ბიძინა ივანიშვილის დეპატებში გამოწვევას გამოეხმაურა.მისი თქმით, რენეგატის გზა რთულია, ეს ის გზაა, როდესაც შუბლის ძარღვი წყდება და ამ დროს უკვე ბევრი რამის კადრება შეიძლება.„მას შემდეგ, რაც ბიძინა ივანიშვილი ქართულ პოლიტიკაში დაბრუნდა, აბსოლუტურ ისტერიას ვხედავთ – „ნაციონალური მოძრაობის“ ყველა ფლანგი რამდენად აქტიურად არის ჩართული, იქნება ეს თავად „ნაციონალური მოძრაობა“, თუ მისი ფლანგები „ლელოს“, გახარიას პარტიის სახით. რაც შეეხება გიორგი გახარიას და მის პარტიას, ვფიქრობ, მათი აქტივობები უკვე კომიკურობამდე არის მისული განცხადებებში, ქცევებში, სტილში, ტონალობაში, აბსოლუტურად დამსგავსებული არიან კომიკური ჟანრის მხატვრულ, თუ მულტიპლიკაციური ფილმის პერსონაჟებს. უბრალოდ, თავად საყურებლადაც კი აღარ არის საინტერესო. რენეგატის გზა რთულია, ეს ის გზაა, როდესაც შუბლის ძარღვი წყდება და ამ დროს უკვე ბევრი რამის კადრება შეიძლება. მგონი, ვინმე თუ დააკვირდება გიორგი გახარიას და აღწერს მის სახეცვლილებას, ვფიქრობ, კარგი აღწერა გამოვა, რას ნიშნავს შუბლის ძარღვის გაწყვეტა და რენეგატის გზაზე შედგომა. საბოლოო ჯამში, ასეთი პერსონაჟები ამთავრებენ იმით, რომ ხდებიან კომიკური პერსონაჟები. წინა და ძველ საკითხებთან დაკავშირებით გუნდის ის წევრები უფრო კომპეტენტურად ისაუბრებენ, რომლებიც მაშინ იყვნენ. ის გუნდიდან წავიდა მას შემდეგ, რაც იკადრა და აკადრა საქართველოს, საკუთარ გუნდს. ვგულისხმობ ნიკა მელიას დაკავება-არდაკავების საგას“, – აღნიშნა პაპუაშვილმა.

ნიკა მელია

პოლიტიკა 1702573240

მელია: სააკაშვილთან ერთ პარტიაში თანამშრომლობას მომავალში მთლიანად გამოვრიცხავ

 სააკაშვილს რაც შეეხება, გულწრფელად გპასუხობთ აქაც. არ ნიშნავს, რომ მასთან დაკავშირებით კითხვები არ მაქვს, ან არ მქონია და ამასთან დაკავშირებით არაერთხელ მისაუბრია წინა წლებშიც. უბრალოდ მორალურად კომფორტულად არ ვგრძნობ თავს, როდესაც ოთხ კედელშია ადამიანი. რა თქმა უნდა, კითხვები არსებობს, ათასობით ადამიანს დაუსვამს ეს კითხვები სხვადასხვა სივრცეში, რომ შესაძლებელია ეს ყველაფერი მომხდარიყო მის გარეშე? ჩემი სურვილი იქნებოდა, რომ მასზე არ მესაუბრა და ამ სურვილის თანმიმდევრული ვარ, მხოლოდ და მხოლოდ ერთი მიზეზი აქვს ამ ყველაფერს, რომ ის არის ოთხ კედელში. თუმცა, რა თქმა უნდა, განსაკუთრებით იმ ხალხს, ათასობით ადამიანს, ვინც დატოვა ერთიანი ნაციონალური მოძრაობა და მათ, ჩვენ მხარდამჭერს ან პოტენციურ ამომრჩეველს, აქვთ ეს კითხვა და თვეებია ამას სვამენ: შესაძლებელია ეს ყველაფერი მომხდარიყო იმგვარად, რომ ეს მიხეილ სააკაშვილს არ სცოდნოდა? არ მსურს ამ პროცესში შესვლა. ორი პასუხია ამ ეტაპზე ჩემთვის მისაღები, მაგრამ ადამიანს როდესაც თვალებში ჩავხედავ და შევხვდები, აუცილებლად იქნება ჩემი პასუხები თქვენს კითხვებზე. და მორალურად გამიადვილდება. ჩემთვის მორალური პოლიტიკა მნიშვნელოვანია, ჩემთვის ზნეობრივი პოლიტიკა მნიშვნელოვანია.[...] არ ნიშნავს, რომ მასთან [მიხეილ სააკაშვილი] დაკავშირებით კითხვები არ მაქვს - მაქვს, ბუნებრივია და პირველ რიგში, ეს კითხვები დაისმება მას შემდეგ, როცა მექნება [შეხვედრის] შესაძლებლობა. მე მასთან თანამშრომლობას ერთ პარტიაში მომავალში მთლიანად გამოვრიცხავ, ოდესმე ეს ვერ შედგება. ეს იქნება ფანტასტიკის სფეროსთვისაც წარმოუდგენელი - ამას მე თქვენ გეუბნებით გულახდილად. - ამბობს ნიკა მელია რადიო თავისუფლებასთან ინტერვიუში.

“ტაბულას„ რედაქტორი

პოლიტიკა 1702317980

VIDEO: „ნიკა მელია რასაც აკეთებს, ეს ნახევარქათმობაა...“ - თამარ ჩერგოლეიშვილი

„რასაც მელია აკეთებს ნახევარქათმობა არის...“, - ამის შესახებ „ტაბულას“ დამფუძნებელმა, თამარ ჩერგოლეიშვილმა გადაცემა „ვახო ხუზმიაშვილის თავისუფალ სივრცეში“ განაცხადა. „შენ თუ მანკიერებაზე და პოლიტიკური სპექტრის კორუფციაზე ლაპარაკობ და სააკაშვილს არ ახსენებ და სააკაშვილს არ ესხმი თავს, ეს გამოდის ტყუილი. ნახევარი სიმართლე არ არსებობს…“, - განაცხადა თამარ ჩერგოლეიშვილმა. ვრცლად, ნახეთ ვიდეო:

ირაკლი კობახიძე

პოლიტიკა 1702046522

ირაკლი კობახიძე ნიკა მელიაზე: მელიას პერსპექტივები ქართულ პოლიტიკაში დიდი არ არის, თუმცა კარგი ის არის, რომ მას შეუძლია დაახლოებით 1% წაართვას „ნაცმოძრაობას“

 ნიკა მელია არ გადიოდა „ნაცმოძრაობიდან“ სანამ არ გარიცხეს და ამის მერე თქვა, რომ გავიდა პარტიიდან. ეს თავიდან ბოლომდე მეტყველებს მის არათანმიმდევრულობაზე, აქამდე თავმოყვარე კაცი უნდა გასულიყო „ნაცმოძრაობიდან“, - ამის შესახებ „ქართული ოცნების“ თავმჯდომარემ, ირაკლი კობახიძემ ჟურნალისტებთან საუბრისას განაცხადა.ირაკლი კობახიძის თქმით, ნიკა მელიას პერსპექტივები ქართულ პოლიტიკაში დიდი არ არის, თუმცა მას შეუძლია დაახლოებით 1% წაართვას „ნაცმოძრაობას“, რაც დადებითად აისახება არჩევნების შედეგებზე.„ამ უმძიმეს პოლიტიკურ პარტიას ვერ ელეოდა ამდენი ხნის განმავლობაში, ინარჩუნებდა იმედს, რომ მოახერხებდა ნაცმოძრაობაში პოზიციების აღდგენას. ახლა უკვე გარიცხულზე გასვლას რა თქმა უნდა არავითარი ფასი არ აქვს. მთლიანობაში მელიას პერსპექტივები ქართულ პოლიტიკაში მაინცდამაინც დიდი არ არის, თუმცა კარგი ის არის, რომ მას შეუძლია დაახლოებით 1% წაართვას „ნაცმოძრაობას“. შესაბამისად ეს ყველაფერი ბუნებრივია დადებითად აისახება არჩევნების შედეგებზე.“ - განაცხადა ირაკლი კობახიძემ.

ვოლსკი

პოლიტიკა 1702041001

ყველაფერი იქით მიდიოდა, რომ მელიას მოემზადებინა პლატფორმა და შემდეგ შეექმნა პარტია, თითქოსდა მისი პათოსი განსხვავებულია, ერთი ერთში იმეორებს კეზერაშვილისგან დაფინანსებული „ნაცმოძრაობის“ პოზიციას - გია ვოლსკი

ყველაფერი იქით მიდიოდა, რომ მელიას ჯერ მოემზადებინა  პლატფორმა, თავის თავი დაეყენებინა „ნაციონალური მოძრაობისგან“ მოშორებით და შემდეგ შეექმნა პარტია, თითქოსდა მისი პათოსი განსხვავებულია - ამის შესახებ პარლამენტის პირველმა ვიცე-სპიკერმა გია ვოლსკიმ ჟურნალისტებს განუცხადა.მისი თქმით, ნიკა მელია ერთი ერთში იმეორებს იმ პოზიციას, რაც კეზერაშვილისგან დაფინანსებულ „ნაცმოძრაობის“ რგოლს აქვს.„რასაკვირველია, ყველაფერი იქით მიდიოდა, რომ მელიას ჯერ მოემზადებინა  პლატფორმა, თავის თავი „ნაციონალური მოძრაობისგან“ მოშორებით დაეყენებინა, რომელსაც წარსულში სერიოზული სისხლიანი ლაქა ახასიათებს და შემდეგ უკვე შეექმნა პარტია, თითქოსდა განსხვავებულია მისი პათოსი, დამოკიდებულება ქვეყნის მიმართ.  ზუსტად ერთი და იგივეა, ერთი ერთში იმეორებს იმ დამოკიდებულებას, პოზიციას, რაც კეზერაშვილისგან დაფინანსებულ „ნაცმოძრაობის“ რგოლს გააჩნია. ერთადერთი, რითაც განსხვავდებიან ერთმანეთისგან, ეს არის მუდმივი შეჯიბრი იმაში, თუ ვის უფრო მეტი დესტრუქციის რესურსი აქვს“ - განაცხადა გია ვოლსკიმ.