1784129104

Dolce & Gabbana -ს ახალი კოლექციის ჩვენებაზე, ორი ქართველი მოდელი გამოჩნდა

13 ივლისს, იტალიაში,  სიცილიაზე Dolce & Gabbana-ს ახალი კოლექციის ჩვენებაზე ორი ქართველი მოდელი – საბა აბრამიშვილი და სანდრო ვეფხვაძე გამოვიდნენ.ქართველი მოდელების მონაწილეობამ საქართველოში დიდი ინტერესი და დადებითი გამოხმაურება გამოიწვია.ორივე მათგანი სააგენტო Look Models Management-ის მოდელია, რომელმაც საერთაშორისო მოდის ინდუსტრიას არაერთი ქართველი მოდელი წარუდგინა, მათ შორის თაკო ნაცვლიშვილი, მატილდა გვარლიანი და ა.შ.

1779028408

ვარსკვლავთცვენა პოდიუმზე - დემნა გვასალიამ Gucci-ის პირველი კრუიზული კოლექცია წარადგინა

ცოტა ხნის წინ დემნა გვასალიამ „გუჩის“ 2027 წლის პირველი, კრუიზული კოლექცია წარადგინა. ჩვენება ნიუ-იორკში, თაიმს სკვერზე გაიმართა. რეზორტისა და კრუიზის სამოსი იმ ადამიანებისთვისაა განკუთვნილი, რომლებიც ცივ სეზონს თბილ ქვეყნებში ატარებენ. კრუიზული კოლექციის ჩვენებები, ტრადიციულად, აპრილის ბოლოს და მაისის დასაწყისში იმართება.აღსანიშნავია, რომ  „გუჩის“ პირველი მაღაზიაში ნიუ-იორკში სწორედ თაიმს სკვერზე გაიხსნა. „ჩვენების გამართვა ამ ადგილას, ბრენდისთვის  სახლში დაბრუნებას ჰგავდა“,-  განაცხადა დემნა გვასალიამ უცხოური მედიისთვის მიცემულ ინტერვიუში.ქართველი დიზაინერის თქმით, ინსპირაციის წყაროდ რობერტ ლონგოს ფოტოსურათი „კაცები ქალაქებში“ იქცა. სურათებში კორპორატიულ კოსტიუმებში გამოწყობილი ფიგურები ექსტრემალურ მოძრაობებს ასრულებენ. დემნა გვასალია ასეთ სიტყვებს ამბობს: „ამ კოლექციით მინდოდა ის ადამიანები წარმომეჩინა, რომლებსაც ქუჩაში სიარულისას ვხვდებით. ისინი ინდივიდუალურები არიან და მრავალფეროვანი სტილი აქვთ“.კოლექცია საკმაოდ ორიგინალური იყო. ის მდიდრულ კოსტიუმებს, ზოლებით გაფორმებულ სამოსს, დაბალწელიან ჯინსებსა და მოკლე ტოპებს აერთიანებდა. ნიუ-იორკელების მსგავსად, მოდელებს ხელში აიფონები, თაიგულები, გასაღებები და იოგას ხალიჩები ეკავათ.  ჭარბობდა როგორც მუქი, ისე ღია ფერები.  გამოცემა „ვოგის“ ინფორმაციით, დემნამ გუჩის ნივთებს ამერიკული ხასიათი შემატა. საკმაოდ მრავალფეროვანი იყო პოდიუმზე გამოსული მოდელების ჩამონათვალიც. დემნამ არჩევანი ისეთ ცნობილ სახეებზე გააკეთა, როგორებიც სინდი კროუფორდი, ქენდის სვეინპოლი, პერის ჰილტონი, ტომ ბრედი, ანოკ იაი, ემილი რატაკოვსკი, ალექს კონსანი და მარიაკარლა ბოსკონო  არიან.  კრუიზული კოლექციის ჩვენებას არაერთი ვარსკვლავი დაესწრო – მათ შორის კიმ კარდაშიანი და მერაია ქერი.აქვე აუცილებლად უნდა ვახსენოთ შოუს მოსაწვევიც. დემნამ ტრადიციას არც ამჯერად უღალატა და საკმაოდ კრეატიული გადაწყვეტილება მიიღო. ქართველმა დიზაინერმა სტუმრებს ოქროსფერი გასაღები და მისი ჩასადები გაუგზავნა. რა თქმა უნდა, გუჩის ბრენდირებით.ჩვენება სინდი კროუფორდმა დახურა. აღსანიშნავია ის ფაქტიც, რომ შოუს დასასრულ პოდიუმზე თავად ქართველი დიზაინერიც ვიხილეთ.კრუიზული კოლექცია უკვე ხელმისაწვდომია როგორც ონლაინ, ისე გუჩის ოფიციალურად მაღაზიებში. 

1760272274

არა ბეწვეულს - Vogue და სხვა ცნობილი ჟურნალები სარედაქციო პოლიტიკას ცვლიან

 ამერიკულმა მედია კონგლომერატმა Condé Nast ისტორიული გადაწყვეტილება მიიღო — კომპანია თავისი ყველა გამოცემის სარედაქციო და კომერციულ მასალებში ბეწვეულის ჩვენებას კრძალავს. Condé Nast ისეთ ცნობილ ჟურნალებს აერთიანებს, როგორებიცაა The New Yorker, GQ, Vanity Fair და, რაც მთავარია, Vogue. ამ უკანასკნელზე, რომელიც მოდის ინდუსტრიაში ერთ-ერთ გავლენიანი პლატფორმაა, ეს ცვლილება ყველაზე დიდ გავლენას მოახდენს.გამოცემების განახლებული სარედაქციო პოლიტიკა უშვებს გამონაკლისებსაც, როგორიცაა, მაგალითად, აბორიგენული პრაქტიკის ასახვა. თუმცა, სხვა მხრივ, ამ ჟურნალების ფურცლებზე ნატურალური ბეწვეულის სურათებს ვეღარ იხილავთ.Condé Nast-ის ეს გადაწყვეტილება მოდის სამყაროს უახლეს ტენდენციებსაც ასახავს. ინდუსტრიაში ცხოველური წარმოშობის პროდუქციის გამოყენებას უკვე წლებია, ბევრი ადამიანი და ორგანიზაცია აპროტესტებს. მათ შორის არიან ვარსკვლავებიც, მაგალითად, მომღერალმა ბილი აილიშმა, რომელიც ვეგანია, 2021 წლის Met Gala-ზე ოსკარ დე ლა რენტას კაბა მხოლოდ იმ პირობით მოირგო, რომ მოდის სახლი ბეწვის გამოყენებაზე უარს იტყოდა. აილიშმა იმავეს გაკეთებისკენ მოუწოდა სხვა დიზაინერებსაც.2018 და 2019 წლებში ბეწვეულის საკუთარ წარმოებაში გამოყენებაზე უარი თქვეს Chanel-მა და Prada-მ. 2021 წელს მათ შეუერთდა მოდის გიგანტი Kering თავისი ყველა ბრენდით. ამავე წელს ისრაელი მსოფლიოში პირველი ქვეყანა გახდა, რომელმაც მოდის ინდუსტრიაში ბეწვეულით ვაჭრობა საერთოდ აკრძალა.Vogue-მდე ბეწვეულის სურათების ჩვენება თავის ყველა საერთაშორისო გამოცემაში აკრძალა მოდის ჟურნალმა Elle-მაც 2021 წლის მიწურულს. რამდენიმე ქვეყანაში, მათ შორის, გაერთიანებულ სამეფოში, ავსტრიაში, ხორვატიაში, იტალიასა და ნორვეგიაში, ბეწვეულის მისაღებად ფერმერული მეურნეობა კანონით იკრძალება. ამის მიუხედავად, ცხოველთა უფლებადამცველი ორგანიზაციების ცნობით, ყოველწლიურად მილიონობით ცხოველს სასტიკად ხოცავენ მათი ბეწვისგან სამოსის თუ აქსესუარების დასამზადებლად.Condé Nast-ის გადაწყვეტილებას სწორედ ცხოველთა უფლებადამცველების საპროტესტო კამპანია უძღოდა წინ. ცხრათვიანი კამპანიის ფარგლებში, კოალიცია ბეწვეულით ვაჭრობის აკრძალვის მოთხოვნით (CAFT) Vogue-ის რედაქტორების სახლებთან გზას კეტავდა და ჟურნალის ორგანიზებულ ღონისძიებებზე აპროტესტებდა.ბეწვეულის სიყვარულით გამოირჩეოდა Vogue-ის ყოფილი მთავარი რედაქტორი ანა ვინტური, რომელსაც ცხოველთა უფლებადამცველები არაერთხელ დაჰპირისპირებიან. ვინტურს, რომელიც ხელოვნურ ბეწვს გარემოსადმი უფრო საზიანოდ მიიჩნევდა, ერთხელ, რესტორანში ვახშმობისას, თეფშზე მკვდარი ენოტიც კი დაუგდეს. 2005 წელს მას ტოფუს ღვეზელი ესროლეს. ცხოველთა უფლებადამცველმა ორგანიზაცია PETA-მ ვინტურს ცოტა ხნის წინ ადამიანის თმისგან მოქსოვილი შარფიც გაუგზავნა.

1758725369

Gucci-მ დემნა გვასალიას სადებიუტო კოლექციის ფილმის სრული ვერსია გაავრცელა

Gucci-მ გაავრცელა დემნა გვასალიას სადებიუტო კოლექციის ფილმის სრული ვერსია გაავრცელა. „The Tiger" - ასე ჰქვია ქართველი დიზაინერის ნამუშევარს, რომელშიც ერთ-ერთ მთავარ როლში დემი მური გვევლინება. მილანის მოდის კვირეულის გახსნაზე დემნა გვასალია საზოგადოების წინაშე „გუჩის“ კრეატიული დირექტორის ამპლუაში პირველად წარდგა. ქართველი დიზაინერის თქმით, მოკლემეტრაჟიანი კინოსურათის მიზანი იმის ჩვენებაა, თუ როგორ ვცდილობთ ყველანი სრულყოფილები ვიყოთ და რამდენად შეუძლებელია ეს. ასევე, ნამუშევარში საზოგადოება იტალიური მოდის სახლის ისტორიას კიდევ ერთხელ გადაავლებს თვალს. დემნა აღნიშნავს, რომ , „გუჩი“ უფრო მეტია, ვიდრე უბრალოდ ტანისამოსი. 

1758608580

მატილდა გვარლიანი „Muse Magazine“-ის ახალ ფოტოსესიაში გამოჩნდა - ქართველი მოდელის მორიგი წარმატება

მატილდა გვარლიანი „Muse Magazine“-ის ახალ ფოტოსესიაში გამოჩნდა და საკუთარი განსაკუთრებული ენერგიითა და ელეგანტურობით კიდევ ერთხელ მიიპყრო ყურადღება. ფოტოსესია შესრულებულია ისე, რომ მკითხველს ზუსტად იგრძნოს ზამთრის ატმოსფერო – მკვეთრი სიჩუმე, ცივი ფერები.ნახეთ უახლესი ფოტოები:

1757462931

ყავისფერი, კარაქისფერი და წითელი - როგორია 2025 წლის მოდის ტენდენციები

როგორი მაკიაჟი ვატაროთ შემოდგომაზე, რა ფერის ტანისამოსი ჩავიცვათ, როგორი სტილის  ვარცხნილობას უნდა მივანიჭოთ უპირატესობა... ,- ეს ის კითხვებია, რომელიც სეზონის დადგომისთანავე უამრავ ადამიანს გაუჩნდა.საკითხის აქტუალურობიდან გამომდინარე, გადავწყვიტეთ, ჩვენი მაყურებლის ყურადღება ამ თემაზე შეგვეჩეებინა. ტენდენციები მუდმივად იცვლება და ამ მხრივ გამონაკლისი არც წლევანდელი წელი იქნება.როგორც მოდის სფეროს წარმომადგენლები ამბობენ, ყავისფერი შემოდგომის მთავარი ფერია. გამოცემა „ვოგის“ ინფორმაციით, შემოდგომაზე აქტუალური მუქი ყავისფერი შარვლები და ჯინსები იქნება - რომელიც ყველაზე კარგად სეზონის კიდევ ერთ მთავარ ფერთან, წითელთან კომბინაციაში გამოიყურება.  სწორედ ამიტომ, მოდის კრიტიკოსების გირჩევენ ყავისფერი შარვალი წითელ აქსესუარებთან - ქამართან, ჩანთასთან, ასევე ფეხსაცმელთან, პერანგებსა და მაისურებთან ერთად მოირგოთ.აქტუალურობას არ დაკარგავს 2025 წლის მთავარი ფერიც, სახელწოდებით „მოკა მუსი“. ჩვენს მაყურებელს კიდევ ერთხელ შევახსენებთ, რომ „მოკა მუსი"  თბილი ყავის ინსპირაციით შთაგონებული ელფერია, რომელიც რბილი ყავისფერისა და ნეიტრალური ფერების კომბინაციას წარმოადგენს. ამიტომ დიზაინერები გირჩევენ, შემოდგომის სეზონზე გარდერობი პასტელური ფერების მქონე ტანისამოსით შეავსოთ.ცნობილი მოდის სახლების შემოდგომა- ზამთრის კოლექციებში კვლავაც დიდი რაოდენობითაა წარმოდგენილი კარაქისფერი შარვლისა და პიჯაკის კომბინაცია - გამოცემა „ვოგის“ ცნობით,  როგორც ჩანს,  ეს ფერი ზაფხულის შემდეგ, შემოდგომის მთავარ ტენდენციადაც იქცევა.  მოდის სფეროს ექსპერტების თქმით,მიმდინარე სეზონზე შეგიძლიათ აქცენტი სხვა ისეთ აქტუალურ ფერებზეც გააკეთოთ, როგორებიც ხაკისფერი, შინდისფერი, ლურჯი და ზურმუხტისფერია.სხვადასხვა ფერის საუკეთესო კომბინაციები კი ასე გამოიყურება: ნაცრისფერი და ყვითელი, შოკოლადისფერი ცისფერთან ან წითელთან ერთად , ასევე შინდისფერი და ღია კრემისფერი. 

1757343468

მატილდა გვარლიანი ყველაზე მაღალანაზღაურებად მოდელებს შორისაა - რა ინფორმაცია გამოაქვეყნა Models.com-მა

მატილდა გვარლიანი ყველაზე მაღალანაზღაურებად მოდელებს შორის დასახელდა -  ცოტა ხნის წინ,  Models.com -მა „Money List" რეიტინგი განაახლა, რომელშიც  ქართველი მოდელიც არის დამატებული.შეგახსენებთ, რომ  Models.com მოდელების შემოსავლების შესახებ ინფორმაციას სამოდელო სააგენტოებისგან იღებს. შეთანხმების თანახმად, პლატფორმა მათ შემოსავლებს არ ასაჯაროებს. თუმცა, მიღებული ინფორმაციის საფუძველზე ის ყველაზე მაღალანაზღაურებად მოდელების სიას აქვეყნებს.  Models.com-ის ახალი ინფორმაციით, მატილდა ოფიციალურად 'High Earner' მოდელია. აღსანიშნავია, რომ  გვარლიანი პირველი ქართველი მაღალშემოსავლიანი მოდელია Models.com-ის პლატფორმაზე.

1752735720

ჯასტინ ბიბერმა ახალი ბრენდი წარადგინა

 ბოლო დროს ჯასტინ ბიბერმა ყურადღება თავისი უცნაური, თუმცა კომფორტული ჩაცმულობით მიიპყრო, ბევრი კრიტიკა თუ მიმიც დაიმსახურა… ამ ამბავს კი მომღერალი ახალი ბრენდით SKYLRK პასუხობს და გარდერობში ბევრ ფერად სამოსსა თუ აქსესუარს გვთავაზობს. ზუსტად ისეთ ჰუდებს, მაისურებსა და სათვალეებს, რომლებიც ხშირად გამხდარა სოციალური მედიის სამიზნე. სათვალე Fizz-ის, Gum-ისა და Super Blue-ის ფერებში გამოვიდა და, როგორც ამბობენ, კოლექციის დიდი ნაწილი რამდენიმე საათში გაიყიდა! ეს კი მხოლოდ იმაზე მოწმობს, რომ ბიბერის სტილი მომხმარებლებისთვის მიმზიდველია…კოლექცია ნაწილობრივ მულტფილმის, ნაწილობრივ კი სამეცნიერო ფანტასტიკის ჟანრს ასახავს. SKYLRK გაზვიადებულ სილუეტებსა და ბალიშისებრ აქსესუარებს იყენებს, რომლებიც უფრო გალაქტიკათაშორისი სათამაშო მოედნის შთაბეჭდილებას ტოვებს და არა, ქუჩის მოდის. გვეუბნებიან, რომ კოლექციის თითოეული დეტალი იუმორის გრძნობით არის სავსე. მართალია, ზოგი ბიბერის დიზაინს თამამად აქებდა, მაგრამ ბევრიც მოიძებნებოდა ისეთი, რომელიც ადრეული თიზერებისთვის დაცინვას არ იშურებდა… მიუხედავად ამისა, გაყიდვები ყველაფერს ჰფენს ნათელს. ხოლო, გახდება თუ არა SKYLRK ერთ-ერთი წამყვანი ბრენდი მოდის სამყაროში ან დარჩება თუ არა ბიბერის ნიშური აუდიტორიისთვის საყვარელ სამოსად, ამას დრო გვაჩვენებს.

1752683464

„შენი ხედვა არასდროს მიეცემა დავიწყებას" - ნაომი კემპბელი დემნა გვასალიას

ნაომი კემპბელი სოციალურ ქსელში პოსტს აქვეყნებს, სადაც ქართველი დიზაინერის, დემნა გვასალიას შესახებ წერს:„დამთავრდა ერთი ეპოქა!  დემნა, შენი ბოლო ოტ-კუტიურ შოუ საოცარი განაცხადი იყო. მადლობა, რომ შენს ბოლო ჩვენებაში მონაწილეობა მივიღე - შენი ხედვა არასდროს მიეცემა დავიწყებას". შეგახსენებთ, რომ ცოტა ხნის წინ დემნა გვასალიამ BALENCIAGA-სთვის შექმნილი ბოლო ოტ-კუტიურ კოლექცია წარადგინა, რითიც ესპანურ მოდის სახლს დაემშვიდობა.

1751804779

როგორ გამოიყურება Balenciaga-ში დემნას ბოლო ჩვენების მოსაწვევი - ნახეთ ფოტო

Balenciaga-ში დემნას ბოლო ჩვენებამდე სულ რამდენიმე დღე რჩება. ფრანგული მოდის სახლისთვის ქართველი დიზაინერის ბოლო, ოტ-კუტიურ კოლექციას მოუთმენლად ელოდება. ცოტა ხნის წინ, ინტერნეტსივრცეში შოუს მოსაწვევი გასაჯაროვდა, რომელიც ამჯერად  ძაფის გორგალია. როგორც აღწერაში ვკითხულობთ, რომელსაც პარიზის ატელიებში, მკერავები ოტ-კუტიურ კოლექციის შესაქმნელად სწორედ ასეთ ძაფის გორგლებს იყენებენ.            View this post on Instagram                       A post shared by Dedicated to Balenciaga by Demna (@demnagram)

1748413860

მატილდა გვარლიანის მორიგი წარმატება - ქართველი მოდელი  SAINT LAURENT -ის 2025 წლის Pre-Fall კოლექციის კატალოგში

 მატილდა გვარლიანის მორიგ წარმატება - ქართველი მოდელი  SAINT LAURENT -ის 2025 წლის Pre-Fall კოლექციის კატალოგშია. აღსანიშნავია, რომ ეს  მატილდას პირველი თანამშრომლობაა ი  SAINT LAURENT-ის მოდის სახლთან. ნახეთ ფოტოები:

1741010280

როგორი ქურთუკები იქნება პოპულარული 2025 წლის გაზაფხულისთვის

2025 წლის გაზაფხული სიმსუბუქის, თავისუფლებისა და ელეგანტური გარეგნობის დროა. ამ სეზონზე დიზაინერებმა ყურადღება გაამახვილეს კომფორტზე, ფუნქციონალურობაზე და ვინტაჟურ შტრიხებზე, ამიტომ მოდური პიჯაკები აერთიანებს კლასიკურ სილუეტებს თანამედროვე დეტალებთან.ტყავის ქურთუკებიტყავის ქურთუკი გაზაფხულის გარდერობის მრავალწლიანი ფავორიტია, მაგრამ 2025 წელს ის ახალ ფორმებს იღებს. ახლა ტენდენციაშია 90-იანი წლების დიდი ზომის ბაიკერის ქურთუკები მოცულობითი მხრებით, მინიმალისტური ტყავის ქურთუკები მკაფიო ხაზებით და ფერადი ტყავი ღრმა ლურჯი, ღვინის, კარამელის და პიტნის ფერებში.პერანგის ქურთუკებიპერანგის სტილის ქურთუკები რჩება ტენდენციად! ისინი შესანიშნავია გაზაფხულისთვის, რადგან ისინი მსუბუქი, მაგრამ მყუდროა. ჯინსის ქურთუკებიჯინსი არასოდეს გადადის მოდიდან, მაგრამ 2025 წლის გაზაფხულზე დიზაინერები გვთავაზობენ კლასიკური ჯინსის ქურთუკის საინტერესო ვარიაციებს - სწორი ჭრის და მოჭრილი მოდელები, უჩვეულო ფერები - მტვრიანი ვარდისფერი, რუხი-მწვანე, მდიდარი შოკოლადი - ასიმეტრიული ჩანართებით.მოკლე ქურთუკები და პუფებიგაზაფხულს ყოველთვის არ მოაქვს სითბო, ამიტომ მოდაში რჩება მსუბუქი ქურთუკები. ტენდენციაა 90-იანი წლების სტილში შეჭრილი პუფერის ქურთუკები, მქრქალი და პატენტური ტექსტურები, ქურთუკები ქამრით, რომელიც ხაზს უსვამს წელს.