1774455031

მნიშვნელოვანი ინფორმაცია მოსწავლეებისთვის და სტუდენტებისთვის

საქართველოს მთავრობის გადაწყვეტილებით, 2028-2029 სასწავლო წელს სახელმწიფო უნივერსიტეტებში სტუდენტთა მიღების კვოტები გაორმაგდება, ვინაიდან მე-11 და მე-12 კლასების მოსწავლეები სკოლებში სწავლას ერთდროულად დაასრულებენ.ინფორმაციას განათლების, მეცნიერებისა და ახალგაზრდობის სამინისტრო ავრცელებს.ცვლილება ასევე შეეხება მაგისტრატურის საფეხურს – რადგან საბაკალავრო პროგრამების უმეტესობა 3-წლიანი სწავლების მოდელზე გადავიდა, 2027-2028 სასწავლო წელს საბაკალავრო პროგრამებს დაასრულებს, როგორც 2024, ისე 2025 წელს ჩარიცხული სტუდენტების უდიდესი ნაწილი. შესაბამისად, 2028-2029 სასწავლო წლისთვის სახელმწიფო უნივერსიტეტებში სამაგისტრო პროგრამებზე მისაღები სტუდენტების ოდენობაც გაიზრდება.შეგახსენებთ, რომ რეფორმის ფარგლებში იცვლება ზოგადი განათლების საფეხურის ხანგრძლივობა. სკოლის საშუალო საფეხურის ხანგრძლივობა განისაზღვრება X-XI კლასებით. მე-12 კლასი იქნება არჩევითი და მსურველებს, წინასწარი რეგისტრაციის საფუძველზე, შესაძლებლობა ექნებათ სწავლა გააგრძელონ მე-12 კლასში. მე-11 კლასელებისთვის სკოლებში უზრუნველყოფილი იქნება ორგანიზებული რეპეტიტორიუმი, რაც საშუალებას მისცემს მოსწავლეებს, სრულფასოვნად მოემზადონ ეროვნული გამოცდებისთვის. აღნიშნული სიახლე შეეხება მოსწავლეებს, რომლებიც ახლა მეცხრე კლასში სწავლობენ.

1774422238

2028-2029 სასწავლო წელს სახელმწიფო უნივერსიტეტებში მიღების კვოტები გაორმაგდება

 საქართველოს მთავრობის გადაწყვეტილებით, 2028-2029 სასწავლო წელს სახელმწიფო უნივერსიტეტებში სტუდენტთა მიღების კვოტები გაორმაგდება, ვინაიდან მე-11 და მე-12 კლასების მოსწავლეები სკოლებში სწავლას ერთდროულად დაასრულებენ. ინფორმაციას განათლების, მეცნიერებისა და ახალგაზრდობის სამინისტრო ავრცელებს.ცვლილება ასევე შეეხება მაგისტრატურის საფეხურს – რადგან საბაკალავრო პროგრამების უმეტესობა 3-წლიანი სწავლების მოდელზე გადავიდა, 2027-2028 სასწავლო წელს საბაკალავრო პროგრამებს დაასრულებს, როგორც 2024, ისე 2025 წელს ჩარიცხული სტუდენტების უდიდესი ნაწილი. შესაბამისად, 2028-2029 სასწავლო წლისთვის სახელმწიფო უნივერსიტეტებში სამაგისტრო პროგრამებზე მისაღები სტუდენტების ოდენობაც გაიზრდება.შეგახსენებთ, რომ რეფორმის ფარგლებში იცვლება ზოგადი განათლების საფეხურის ხანგრძლივობა. სკოლის საშუალო საფეხურის ხანგრძლივობა განისაზღვრება X-XI კლასებით. მე-12 კლასი იქნება არჩევითი და მსურველებს, წინასწარი რეგისტრაციის საფუძველზე, შესაძლებლობა ექნებათ სწავლა გააგრძელონ მე-12 კლასში.მე-11 კლასელებისთვის სკოლებში უზრუნველყოფილი იქნება ორგანიზებული რეპეტიტორიუმი, რაც საშუალებას მისცემს მოსწავლეებს, სრულფასოვნად მოემზადონ ეროვნული გამოცდებისთვის. აღნიშნული სიახლე შეეხება მოსწავლეებს, რომლებიც ახლა მეცხრე კლასში სწავლობენ.

1774350660

ქუთაისის საერთაშორისო უნივერსიტეტში (KIU) სამეცნიერო-კვლევითი ცენტრი დაფუძნდა

ქუთაისის საერთაშორისო უნივერსიტეტში (KIU), სამეცნიერო კვლევების განვითარებისა და STEM სფეროებში მულტი-დისციპლინური საქმიანობის მხარდაჭერის მიზნით, გიორგი ნიკოლაძის სახელობის სამეცნიერო-კვლევითი ცენტრი დაფუძნდა. ღონისძიება მისასალმებელი სიტყვით KIU-ს რექტორის მოვალეობის შემსრულებელმა, ქუთაისის საუნივერსიტეტო ქალაქის დირექტორმა ვახტანგ ცაგარელმა გახსნა. ცენტრის პრეზენტაციას მოწვეულ სტუმრებთან ერთად, KIU-ს პროგრამების ხელმძღვანელები, ქართველი და უცხოელი პროფესორები, სტუდენტები და ადმინისტრაციის წარმომადგენლები ესწრებოდნენ.კვლევით ცენტრს ქუთაისის საერთაშორისო უნივერსიტეტის პროფესორი, საქართველოს მეცნიერებათა ეროვნული აკადემიის წევრი ალექსანდრე მესხი უხელმძღვანელებს, რომელმაც შეკრებილ საზოგადოებას ცენტრის მისია და ძირითადი მიზნები გააცნო. განსაკუთრებული ყურადღება დაეთმო ახლად დაფუძნებული ცენტრის სამომავლო გეგმებს, ქუთაისის საერთაშორისო უნივერსიტეტის სამეცნიერო მიღწევებსა და პერსპექტივებს STEM მეცნიერების მიმართულებით.გიორგი ნიკოლაძის სახელობის სამეცნიერო-კვლევითი ცენტრი იქნება სივრცე, სადაც მეცნიერები, ახალგაზრდა მკვლევრები და სტუდენტები გაერთიანდებიან ინოვაციური იდეების გარშემო, ჩაერთვებიან STEM კვლევით პროექტებსა და საერთაშორისო ფორუმებში.ცენტრის ძირითადი მიზნებია: საერთაშორისო კვლევით ცენტრებთან ერთად სამეცნიერო ღონისძიებების ორგანიზება; ახალგაზრდა მეცნიერების პროფესიული განვითარების მხარდაჭერა და მათი ჩართულობის გაზრდა STEAM პროექტების შექმნაში; ქუთაისის საერთაშორისო უნივერსიტეტის სამეცნიერო-კვლევითი შესაძლებლობების პოპულარიზაცია; KIU-ს როლის გაძლიერება საერთაშორისო აკადემიურ და სამეცნიერო სივრცეში.აღსანიშნავია, რომ ქუთაისის საერთაშორისო უნივერსიტეტის ერთ-ერთ პრიორიტეტს წარმოადგენს STEM მეცნიერების მიმართულებით პროგრამების განხორციელება და შესაბამისი სამეცნიერო-კვლევითი საქმიანობის მხარდაჭერა, რაც კიდევ უფრო გააძლიერებს KIU-ს, ჩამოყალიბდეს რეგიონში წამყვან ინოვაციურ, ტექნოლოგიურ და სამეწარმეო ჰაბად.ცნობილი ქართველი მათემატიკოსისა და გამომგონებლის, გიორგი ნიკოლაძის სახელს არაერთი მნიშვნელოვანი მეცნიერული ნაშრომი უკავშირდება. საქართველოში დაარსებულია მისი სახელობის პრემია ტექნიკის დარგში საუკეთესო მეცნიერული ნაშრომისთვის.

1774335145

ქუთაისის საერთაშორისო უნივერსიტეტში ღია კარის დღე 27 მარტს გაიმართება

ქუთაისის საერთაშორისო უნივერსიტეტში (KIU) აბიტურიენტებისთვის მორიგი ღია კარის დღე 27 მარტს გაიმართება.ღია კარის დღეების მიზანია აბიტურიენტებისთვის უნივერსიტეტის საგანმანათლებლო ეკოსისტემის, საერთაშორისო სტანდარტების პროგრამებისა და ახალგაზრდული შესაძლებლობების გაცნობა.ვიზიტის ფარგლებში მოსწავლეებს შესაძლებლობა ექნებათ, მიიღონ ამომწურავი ინფორმაცია KIU-ს უნიკალურ საბაკალავრო პროგრამებზე, საგრანტო და გაცვლით პროექტებზე,  სტიპენდიებზე; შეხვდნენ პროგრამების ხელმძღვანელებს, აკადემიურ პერსონალს, სტუდენტებს; დაათვალიერონ კამპუსი და მოინახულონ უნივერსიტეტის ინფრასტრუქტურა.დაინტერესებულმა პირებმა უნდა გაიარონ ელექტრონული რეგისტრაცია შემდეგ ბმულზე:https://forms.office.com/e/8LB7TCFV0J რეგისტრაცია შესაძლებელია 26 მარტის 18:00 საათამდე. ღია კარის დღის დასტურსა და დამატებით ინფორმაციას რეგისტრირებულები მიიღებენ ელექტრონულ ფოსტაზე.აღსანიშნავია, რომ KIU-მ აბიტურიენტებისთვის ორი ღია კარის დღე უკვე გამართა.ქუთაისის საერთაშორისო უნივერსიტეტი (KIU) ყველაზე მასშტაბური საქველმოქმედო მეგა-პროექტია, რომელიც დამოუკიდებელი საქართველოს ისტორიაში დაარსებულ ერთადერთ საერთაშორისო სახელმწიფო უმაღლეს საგანმანათლებლო დაწესებულებას წარმოადგენს.ქუთაისის საერთაშორისო უნივერსიტეტის კურსდამთავრებულები გამოირჩევიან აკადემიური წარმატებით. KIU ხელს უწყობს მათ პროფესიულ და პიროვნულ განვითარებას, ქმნის ინოვაციურ გარემოს, სადაც ახალგაზრდებს შესაძლებლობა აქვთ ჩაერთონ სხვადასხვა საგანმანათლებლო და სამეცნიერო აქტივობაში. KIU-ს სტუდენტები, სასწავლო პროცესის პარალელურად, მონაწილეობენ ტექნოლოგიების საერთაშორისო გლობალურ ცენტრებში გამართულ კონფერენციებშიც. სტუდენტები ამყარებენ საერთაშორისო საქმიან კავშირებს მსოფლიოს წამყვანი ტექნოლოგიური კომპანიებისა და უნივერსიტეტების წარმომადგენლებთან, ეცნობიან ინდუსტრიის ტენდენციებს, რაც მნიშვნელოვნად ხელს უწყობს მათ კარიერულ წინსვლას.KIU მუდმივად ორიენტირებულია მაღალი ხარისხის ევროპული განათლების ხელმისაწვდომობის უზრუნველყოფაზე, ინფრასტრუქტურისა და აკადემიური გარემოს გაუმჯობესებაზე. KIU-ს ერთ-ერთი მთავარი უპირატესობა მისი საუნივერსიტეტო კამპუსია, რომელიც მოიცავს ულტრათანამედროვე სასწავლო და სტუდენტურ საცხოვრებელ კორპუსებს, ბიბლიოთეკას, საკონფერენციო სივრცეებს, კაფეტერიებს, სპორტულ მოედნებსა და რეკრეაციულ ზონებს.  ქუთაისის საუნივერსიტეტო ქალაქში მიმდინარეობს ახალი ინფრასტრუქტურის მშენებლობა. მათ შორისაა როგორც ადმინისტრაციულ- საგანმანათლებლო, ისე საცხოვრებელი კომპლექსი.საერთაშორისო-საქველმოქმედო ფონდი „ქართუ“ KIU-ს განვითარების მიზნით ერთი მილიარდი ევროს ღირებულების ინვესტიციას ახორციელებს.

1773734616

„ისწავლე და დასაქმდი“ ახალ ეტაპზე გადადის და გაზაფხულის სემესტრზე მონაწილეობის მსურველთა მიღებას იწყებს

თბილისის მერიის პროფესიული მომზადება-გადამზადების პროგრამა „ისწავლე და დასაქმდი“ ახალ ეტაპზე გადადის და 17 მარტიდან 1-ელი აპრილის ჩათვლით, გაზაფხულის სემესტრზე მონაწილეობის მსურველთა მიღებას იწყებს.წელს პროგრამა 2 000-მდე თბილისელს 80-ზე მეტ მოთხოვნად კურსს სრულიად უფასოდ სთავაზობს, პროგრამის განმახორციელებელ პარტნიორებს კი, სახელმწიფო სასწავლებლებთან ერთად, ემატა კერძო სექტორიც.პროგრამის ახალი ეტაპის პრეზენტაციაზე მუნიციპალიტეტის მერიასა და „საქართველოს ბიზნეს ასოციაციას“ შორის მემორანდუმი გაფორმდა, რომელიც ითვალისწინებს მხარეთა ურთიერთთანამშრომლობას საგანმანათლებლო და პროფესიული განვითარების სფეროში. აღნიშნული თანამშრომლობა მიზნად ისახავს ბიზნეს სექტორის საჭიროებებზე ორიენტირებული სასწავლო პროექტებისა და პრაქტიკული პროგრამების განხორციელებას, ასევე, კადრების მომზადება/გადამზადებას შრომის ბაზარზე არსებული სამუშაო ძალის დეფიციტის აღმოფხვრისა და მათი შემდგომი დასაქმების ხელშეწყობის მიზნით.მემორანდუმს თბილისის მერმა კახა კალაძემ და „საქართველოს ბიზნეს ასოციაციის“ პრეზიდენტმა სოსო ფხაკაძემ მოაწერეს ხელი.„15 000-ზე მეტი კურსდამთავრებული და 75% დასაქმებული - ეს ის მაჩვენებელია, რომელიც ბოლო წლების განმავლობაში, პროგრამა „ისწავლე და დასაქმდის“ ამოქმედების შემდეგ მივიღეთ.  მერიის ამ მნიშვნელოვან პროგრამას მიმდინარე წელს 2 000-მდე თბილისელი შეუერთდება, რომელიც სრულიად უფასოდ გაივლის 80-ზე მეტ მოთხოვნად კურსს. „ისწავლე და დასაქმდი“ მუნიციპალიტეტის ერთ-ერთი წარმატებული პროექტია, რომელიც სწავლის ხარისხისა და შრომის ბაზრის მოთხოვნებთან ზუსტ თანხვედრაშია. გამომდინარე იქიდან, რომ ბოლო წლებში შრომის ბაზარი ითხოვდა დარგის სპეციალისტებს, რომლებიც სამწუხაროდ, დეფიციტი იყო, მივიღეთ გადაწყვეტილება, მოქალაქეებისთვის მიგვეცა შესაძლებლობა გადამზადების და პროფესიოონალიზმის ამაღლებისთვის“, - განაცხადა კახა კალაძემ.მისი განმარტებით, მუნიციპალიტეტი, საკუთარი შესაძლებლობების ფარგლებში, ყველაფერს გააკეთებს იმისთვის, რომ ხელი შეუწყოს ახალგაზრდების განათლებასა და მათ შემდგომ განვითარებას.„რაც ყველაზე მნიშვნელოვანია, პროგრამის განმახორციელებელ პარტნიორებს, სახელმწიფო სასწავლებლებთან ერთად, დაემატნენ კერძო სექტორის წარმომადგენლები. სწორედ ამიტომ, დღეს მუნიციპალიტეტსა და „საქართველოს ბიზნეს ასოციაციას“ შორის ფორმდება მემორანდუმი. მუნიციპალიტეტი, საკუთარი შესაძლებლობების ფარგლებში, ყველაფერს გააკეთებს იმისთვის, რომ ხელი შეუწყოს ახალგაზრდებს, შეიმუშაოს სხვადასხვა საერთაშორისო პროგრამა, განაგრძოს სტუდენტთა დაფინანსება და მაქსიმალურად მოერგოს თამანედროვე, მსოფლიო სტანდარტებს“, - აღნიშნა დედაქალაქის მერმა და მადლობა გადაუხადა მერიის კულტურის, განათლების, სპორტისა და ახალგაზრდობის საქმეთა საქალაქო სამსახურს პროგრამის განხორციელებისთვის, ასევე, პროგრამის განმახორციელებელი დაწესებულებებისა და ბიზნეს სექტორის წარმომადგენლებს.პროგრამა „ისწავლე და დასაქმდი“ დედაქალაქის მერიის პროექტია, რომელშიც მიმდინარე წლიდან არსებითი ცვლილებები შევიდა. კერძოდ, პროგრამაში მონაწილეობის მინიმალური ასაკი 18-ის ნაცვლად, განისაზღვრა 16 წლით; პროგრამის გადამზადებულთათვის ამოქმედდა კარიერული კონსულტირების სერვისი, რომელიც პროგრამის მონაწილეებს დაეხმარება პოტენციურ დამსაქმებლებთან დაკავშირებასა და კომუნიკაციაში.გარდა ამისა, თანამედროვე გლობალური ტენდენციებისა და ადგილობრივი საჭიროებების გათვალისწინებით, მიმდინარე მიღებაზე გამოიკვეთა ორი პრიორიტეტული სფერო - ტექნოლოგიური ტრანსფორმაცია და ენერგოეფექტურობა, ამ მიმართულებით კი დაემატა ისეთი ახალი კურსები, როგორებიცაა: დრონის მართვის შემსწავლელი კურსი; ელექტროდამტენების სპეციალისტი; ხელოვნური ინტელექტი ლიდერებისა და მენეჯერებისთვის; ვებსაიტების აწყობა ხელოვნური ინტელექტით და სხვა.პროგრამაში მონაწილეობის მსურველთა რეგისტრაცია განხორციელდება ვებგვერდზე - dasakmdi.ge. მასში მონაწილეობა შეუძლია თბილისში რეგისტრირებულ საქართველოს ნებისმიერ მოქალაქეს 16 წლის ასაკიდან. სწავლა სრულად ფინანსდება თბილისის მერიის მიერ.ღონისძიებას საკრებულოს თავმჯდომარე ზურაბ აბაშიძე, მერის მოადგილეები, კულტურის, სპორტის, განათლებისა და ახალგაზრდობის საქმეთა საქალაქო სამსახურის უფროსი ირაკლი გვილავა, საქართველოს პარლამენტის დელეგატები და საკრებულოს წევრები, ასევე, ბიზნეს სექტორის წარმომადგენლები, „ისწავლე და დასაქმდის“ კურსდამთავრებულები და პარტნიორი ორგანიზაციების ხელმძღვანელები ესწრებოდნენ.

1773479206

ზვიად გაბისონია ლაგოდეხის მუნიციპალიტეტში სტუდენტებსა და აბიტურიენტებს შეხვდა

საქართველოს განათლების, მეცნიერებისა და ახალგაზრდობის მინისტრის მოადგილე ზვიად გაბისონია კახეთის რეგიონში, ლაგოდეხის მუნიციპალიტეტში სტუდენტებსა და აბიტურიენტებს შეხვდა.სამინისტროს ინფორმაციით, ზვიად გაბისონიამ დამსწრე საზოგადოებას დეტალურად გააცნო უმაღლესი განათლების სისტემის რეფორმის კონცეფციის ძირითადი მიმართულებები და განსაკუთრებული ყურადღება გაამახვილა იმ შესაძლებლობებზე, რომლებსაც სახელმწიფო აბიტურიენტებსა და სტუდენტებს სთავაზობს.შეხვედრა კითხვა-პასუხის რეჟიმში წარიმართა და მონაწილეებმა მათთვის საინტერესო საკითხებთან დაკავშირებით ამომწურავი ინფორმაცია მიიღეს.ლაგოდეხის მუნიციპალიტეტში გამართულ შეხვედრას პარლამენტის წევრი გურამ მაჭარაშვილი, კახეთის სახელმწიფო რწმუნებულის მოადგილე მამუკა ბურდიაშვილი და ადგილობრივი ხელისუფლების სხვა წარმომადგენლები ესწრებოდნენ.

1773468874

გივი მიქანაძე კახეთის რეგიონში მოსწავლეთა მშობლებს შეხვდა

საქართველოს განათლების, მეცნიერებისა და ახალგაზრდობის მინისტრი გივი მიქანაძე თელავში კახეთის რეგიონის სკოლების მოსწავლეთა მშობლებს შეხვდა.მინისტრმა საუბრისას ზოგადი განათლების სისტემის რეფორმის პრიორიტეტულ მიმართულებებზე გაამახვილა ყურადღება და სკოლებში განსახორციელებელი ინიციატივები მშობლებთან ერთად განიხილა.გივი მიქანაძემ ზოგადი განათლების რეფორმის განხორციელებისა და გადაწყვეტილებების მიღების პროცესში მშობელთა მონაწილეობის მნიშვნელობას გაუსვა ხაზი. როგორც მინისტრმა აღნიშნა, სასკოლო ცხოვრებაში მშობელთა ჩართულობის გარეშე რეფორმა ვერ იქნება ეფექტიანი, ვინაიდან სწორედ ოჯახსა და სკოლას შორის თანამშრომლობა და ძლიერი კავშირები განაპირობებს მოსწავლის აკადემიური მიღწევების გაუმჯობესებას და მის განვითარებას უწყობს ხელს.შეხვედრა კითხვა-პასუხის რეჟიმში წარიმართა. მშობლებს შესაძლებლობა ჰქონდათ, მინისტრისთვის მათთვის მნიშვნელოვან საკითხებზე დაესვათ კითხვები და საკუთარი მოსაზრებები გაეზიარებინათ.მშობლებთან შეხვედრაში მონაწილეობდნენ თელავის, ახმეტის, ყვარლისა და ლაგოდეხის დელეგატი ირაკლი ქადაგიშვილი, სახელმწიფო რწმუნებული კახეთის მხარეში პლატონ კალმახელიძე, თელავის მუნიციპალიტეტის მერი ვაჟა მაღრაძე და თელავის მუნიციპალიტეტის საკრებულოს თავმჯდომარე არჩილ თხლაშიძე.სასკოლო ცხოვრებაში მშობელთა ჩართულობის გაძლიერების მიზნით, მსგავსი ტიპის შეხვედრები ქვეყნის მასშტაბით სხვადასხვა რეგიონში გაიმართება.ინფორმაციას განათლების, მეცნიერებისა და ახალგაზრდობის სამინისტრო ავრცელებს.

1773411007

გივი მიქანაძე თელავის სახელმწიფო უნივერსიტეტის აკადემიურ პერსონალს შეხვდა

საქართველოს განათლების, მეცნიერებისა და ახალგაზრდობის მინისტრმა გივი მიქანაძემ იაკობ გოგებაშვილის სახელობის თელავის სახელმწიფო უნივერსიტეტის აკადემიურ პერსონალთან შეხვედრა გამართა.მინისტრმა, უნივერსიტეტის პროფესორ-მასწავლებლებთან ერთად, უმაღლესი განათლების სფეროში მიმდინარე რეფორმის ძირითადი მიმართულებები და მის ფარგლებში განსახორციელებელი ინიციატივები განიხილა.საუბარი შეეხო რეგიონული უნივერსიტეტების გაძლიერების მხარდაჭერას, უმაღლესი განათლების ხარისხის გაუმჯობესებას, აკადემიური პროგრამების განვითარებას, სტუდენტთა კვოტების განაწილებასა და კვლევითი საქმიანობის ხელშეწყობას.შეხვედრაში მონაწილეობდნენ საქართველოს განათლების, მეცნიერებისა და ახალგაზრდობის მინისტრის მოადგილე ზვიად გაბისონია, თელავის, ახმეტის, ყვარლისა და ლაგოდეხის დელეგატი ირაკლი ქადაგიშვილი და სახელმწიფო რწმუნებული კახეთის მხარეში პლატონ კალმახელიძე.

1773297162

გივი მიქანაძემ სამცხე-ჯავახეთის სახელმწიფო უნივერსიტეტის აკადემიურ პერსონალთან შეხვედრა გამართა

 საქართველოს განათლების, მეცნიერებისა და ახალგაზრდობის მინისტრმა გივი მიქანაძემ სამცხე-ჯავახეთის სახელმწიფო უნივერსიტეტის წარმომადგენლებთან შეხვედრა გამართა და მათ უმაღლესი განათლების სისტემის რეფორმის ძირითადი მიმართულებები გააცნო.მინისტრის განცხადებით, სამცხე-ჯავახეთის სახელმწიფო უნივერსიტეტი მნიშვნელოვან როლს ასრულებს რეგიონში უმაღლესი განათლების განვითარებაში, ახალგაზრდების პროფესიულ წინსვლასა და მრავალეთნიკური საზოგადოების გაძლიერებაში.გივი მიქანაძემ შეხვედრის მონაწილეებთან ერთად განიხილა ისეთი საკითხები, როგორებიცაა: საგანმანათლებლო პროგრამების განვითარება, სწავლების ხარისხის გაუმჯობესება, საგანმანათლებლო პროგრამებზე სტუდენტების მიღების კვოტების გადანაწილება, სტუდენტთა მობილობა და სხვა.შეხვედრა კითხვა-პასუხის რეჟიმში წარიმართა და მონაწილეებმა მათთვის საინტერესო საკითხებთან დაკავშირებით ინფორმაცია მიიღეს.შეხვედრაში მონაწილეობდნენ განათლების, მეცნიერებისა და ახალგაზრდობის მინისტრის მოადგილე ზვიად გაბისონია, სამცხე-ჯავახეთის სახელმწიფო უნივერსიტეტის რექტორი ვახტანგ თაქთაქიძე, სამცხე-ჯავახეთის მხარეში სახელმწიფო რწმუნებული ზაალ გელაშვილი, ახალციხის მერი ვარლამ წიკლაური და ახალციხის საკრებულოს თავმჯდომარე საბა კბილაშვილი.

1773237960

ქუთაისის საერთაშორისო უნივერსიტეტის სტუდენტებმა საერთაშორისო ტექნოლოგიური სტარტაპი შექმნეს

ქუთაისის საერთაშორისო უნივერსიტეტის (KIU) მენეჯმენტის სკოლის FIM სამაგისტრო პროგრამის სტუდენტებმა - ერეკლე ბერიძემ, ლიზი არეშიძემ და თეიმურაზ ფხაკაძემ - ტექნოლოგიური სტარტაპი SilkRoute AI დააფუძნეს. წარმატებულ სტუდენტურ სტარტაპს უკვე ჰყავს საერთაშორისო სტრატეგიული პარტნიორი, წამყვანი ესპანური კომპანია - NatureBrain.აღსანიშნავია, რომ NatureBrain-ის დამფუძნებლები, KIU-ს მოწვეულ ლექტორსა და ტორონტოს უნივერსიტეტის პროფესორ ლუის სეკოსთან ერთად, დარგის აღიარებული ლიდერები - მიგელ ანხელ გარსია და რუბენ მონტერო არიან. ამ პარტნიორობის გათვალისწინებით, საქართველო NatureBrain-ის გლობალურ სისტემაში ტექნოლოგიურ ჰაბად ოფიციალურად მოინიშნა.პროექტი მიზნად ისახავს ხელოვნური ინტელექტისა და მანქანური სწავლების გამოყენებას, ბუნებრივი რესურსების მართვასა და გარემოსდაცვითი გადაწყვეტილებების ოპტიმიზაციას.SilkRoute AI-ს მიერ შესრულებული სამუშაო ისეთ კომპლექსურ მიმართულებებს მოიცავს, როგორებიცაა: გეოსივრცული და სატელიტური მონაცემების ავტომატური დამუშავება; ხელოვნური ინტელექტის (Deep Learning) მოდელების შექმნა; ანალიტიკის დანერგვა კლიმატური რისკების მონიტორინგისთვის. ეკოლოგიური მონაცემების დამუშავების მიზნით, SilkRoute AI-ს გუნდი მუშაობს რთულ ალგორითმზე, რომელიც ეფუძნება ბუნებრივი კაპიტალის დაცვისთვის საჭირო ტექნოლოგიურ არქიტექტურას. კომპანიის მთავარი მისიაა საქართველოსა და საერთაშორისო ბაზრებს (კერძოდ, ევროპასა და ჩინეთს) შორის ტექნოლოგიური თანამშრომლობის ხელშეწყობა.„სტარტაპის განვითარება ეყრდნობა KIU-ში მიღებულ აკადემიურ ცოდნასა და საერთაშორისო გამოცდილებას, მათ შორის შანხაის AI კონფერენციასა (WAIC 2025) და მიუნხენის ტექნიკურ უნივერსიტეტში (TUM) გამართულ სამუშაო შეხვედრებს. SilkRoute AI-ს მაგალითი კიდევ ერთხელ ადასტურებს, რომ სწორ აკადემიურ საფუძველზე დაშენებულ ჩვენს ინიციატივას აქვს რესურსი, წარმატებით ჩაერთოს გლობალურ ეკოსისტემაში და ამასთანავე, საერთაშორისო პარტნიორებს შევთავაზოთ კონკურენტუნარიანი გადაწყვეტილებები,“ - აცხადებენ სტარტაპის ავტორები, KIU-ს სამაგისტრო პროგრამის სტუდენტები.ქუთაისის საერთაშორისო უნივერსიტეტისთვის მნიშვნელოვანია სტუდენტების როგორც პროფესიული, ისე პიროვნული განვითარება. KIU-ს სტუდენტები, სასწავლო პროცესის პარალელურად, მონაწილეობენ ტექნოლოგიების საერთაშორისო გლობალურ ცენტრებში გამართულ კონფერენციებშიც. სტუდენტები ამყარებენ საერთაშორისო საქმიან კავშირებს მსოფლიოს წამყვანი ტექნოლოგიური კომპანიებისა და უნივერსიტეტების წარმომადგენლებთან, ეცნობიან ინდუსტრიის ტენდენციებს, რაც მნიშვნელოვნად ხელს უწყობს მათ კარიერულ წინსვლას.

1773223194

გივი მიქანაძემ გორის სახელმწიფო უნივერსიტეტის აკადემიურ პერსონალთან შეხვედრა გამართა

საქართველოს განათლების, მეცნიერებისა და ახალგაზრდობის მინისტრმა გივი მიქანაძემ გორის სახელმწიფო უნივერსიტეტის აკადემიურ პერსონალთან შეხვედრა გამართა, სადაც უმაღლესი განათლების სისტემის რეფორმის მიმდინარეობასთან დაკავშირებული საკითხები განიხილეს.როგორც მინისტრმა აღნიშნა, რეფორმის განხორციელების თითოეულ ეტაპზე მნიშვნელოვანია პროცესებში აკადემიური პერსონალის აქტიური ჩართულობა. მისი თქმით, სწორედ ამ მიზნით, უმაღლესი საგანმანათლებლო დაწესებულებების წარმომადგენლებთან რეგულარულად იმართება სამუშაო შეხვედრები.საუბრისას მინისტრმა განსაკუთრებული ყურადღება გაამახვილა იმ მიმართულებებზე, რომლებსაც გორის სახელმწიფო უნივერსიტეტი განახორციელებს.გივი მიქანაძემ, შეხვედრის მონაწილეებთან ერთად, არაერთ აქტუალურ საკითხზე იმსჯელა, მათ შორის საგანმანათლებლო პროგრამების განვითარებაზე, სწავლების ხარისხის გაუმჯობესებაზე, სტუდენტთა მიღების კვოტების გადანაწილებაზე, სტუდენტთა მობილობასა და აკრედიტაციის სტანდარტებზე.დამსწრე საზოგადოებას სიტყვით ასევე მიმართეს განათლების, მეცნიერებისა და ახალგაზრდობის მინისტრის მოადგილე ზვიად გაბისონიამ, საქართველოს პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარის მოადგილე გიორგი სოსიაშვილმა და გორის სახელმწიფო უნივერსიტეტის რექტორმა ალექსანდრე მღებრიშვილმა.შეხვედრა კითხვა-პასუხის რეჟიმში წარიმართა და მონაწილეებმა მათთვის საინტერესო საკითხებთან დაკავშირებით ამომწურავი ინფორმაცია მიიღეს.შეხვედრას ესწრებოდნენ შიდა ქართლის მხარეში სახელმწიფო რწმუნებული სიმონ გულედანი, გორის მერი კონსტანტინე ბუზალაძე და გორის საკრებულოს თავმჯდომარე მარლენ ნადირაძე.

1773125577

ქუთაისის საერთაშორისო უნივერსიტეტი მათემატიკის საერთაშორისო დღეს აღნიშნავს

ქუთაისის საერთაშორისო უნივერსიტეტი ((KIU) მათემატიკის საერთაშორისო დღეს (π-DAY) აღნიშნავს. ამ თარიღთან დაკავშირებით, KIU უფროსკლასელებს მათემატიკის კონკურსში -„KIU Pi-Day Math Contest 2026” მონაწილეობის მიღებას სთავაზობს.KIU-ს მათემატიკის სკოლა აღნიშნულ კონკურსს ყოველწლიურად, 14 მარტიდან იწყებს. მასში ჩართვა შეუძლიათ საჯარო და კერძო სკოლების IX-X-XI-XII კლასების მოსწავლეებს.წლევანდელი შეჯიბრი განსხვავებული ფორმატით ჩატარდება: კონკურსი გაიმართება სამ ტურად - ონლაინ და პირისპირ.პირველი ტური ჩატარდება ონლაინ, 2026 წლის 14 მარტს 12:00 საათზე.KIU Pi-Day Math Contest 2026 ჩატარდება „Learn with AI” პლატფორმის გამოყენებით, რომელიც შემუშავებულია ქუთაისის საერთაშორისო უნივერსიტეტის ახალი საბაკალავრო პროგრამისთვის - „მათემატიკა & გამოყენებები: ხელოვნური ინტელექტის, სამეცნიერო გამოთვლების, ფინანსური მათემატიკის საფუძვლები“.საკონკურსო ამოცანები შედგენილია ქუთაისის საერთაშორისო უნივერსიტეტის პირველი კურსის სტუდენტების მიერ.დაინტერესებულმა მოსწავლეებმა რეგისტრაცია უნდა გაიარონ 2026 წლის 13 მარტის 13:00 საათამდე.აღნიშნული კონკურსი KIU-ს მათემატიკის სკოლის ინიციატივით, ყოველწლიურად ტარდება და მასში დამამთავრებელი კლასების მოსწავლეები მონაწილეობენ. კონკურსი განსაკუთრებით პრესტიჟული და პოპულარულია ისეთი სკოლების მოსწავლეებისთვის, რომლებიც STEM დარგების გაძლიერებული სწავლებით გამოირჩევიან.მათემატიკის საერთაშორისო დღე, პი რიცხვის მნიშვნელობის გათვალისწინებით, ყოველი წლის 14 მარტს, UNESCO-ს 2019 წლის 26 ნოემბრის გადაწყვეტილებით აღინიშნება.დაინტერესებულმა მოსწავლეებმა რეგისტრაცია უნდა გაიარონ 2026 წლის 13 მარტის 13:00 საათამდე, შემდეგ ბმულზე - https://forms.office.com/e/dk1uYBeuNH დეტალური ინფორმაცია კონკურსის შესახებ იხილეთ ბმულზე:  https://www.kiu.edu.ge/index.php?m=205&news_id=628&lng=geo