კულტურა
1770467400
VIDEO: ვინ დააახლოვა მუსიკასთან თამარ გვერდწითელი
გადაცემაში „ასე მღერიან საქართველოში“თამარ გვერდწითელის ბენეფისი შედგა. მომღერალმა ისაუბრა დედაზე, რომელიც მისთვის ყველაზე მნიშვნელოვან ადამიანად რჩება, რომელმაც კარიერის შექმნაში დიდი წვლილი შეიტანა:„დედა იყო და არის ჩემთვის ყველაფერი. დედის მეშვეობით გავცურე მუსიკის ოკეანეში“,- აღნიშნავს თამარ გვერდწითელი.
1769425062
ცნობილი იტალიური ჟურნალი clanDestino დათო მაღრაძის ახალი ლექსის თარგმანს აქვეყნებს
ცნობილი იტალიური ჟურნალი clanDestino ქართველი პოეტის, დათო მაღრაძის ახალი ლექსის თარგმანს აქვეყნებს.ლექსი „ფორმულა“ ლუიჯი მაგაროტომ და გაგა შურღაიამ თარგმნეს.„გვაქვს პატივი, გამოვაქვეყნოთ ცნობილი ქართველი პოეტის, დათო მაღრაძის თამამი და ვნებით სავსე ლექსის თარგმანი. ლექსი ეხება ევროპის სულიერ მომენტს, რომელიც შემთხვევით არ არის ომისა და უძლურების თეატრად ქცეული. ასევე, ვაქვეყნებთ მას მშვენიერებისა და ღვინის მოყვარულ ორ ხალხს შორის მეგობრობის ნიშნად“, – წერს იტალიური ჟურნალი.
1769424900
ქართული ნაციონალური ბალეტი „სუხიშვილები“ რამდენიმე დღის წინ, მსოფლიოს ერთ-ერთ ყველაზე პრესტიჟულ სცენაზე, ნიუ-იორკის კარნეგი-ჰოლში (Carnegie Hall), ტრიუმფით წარდგა. ანსამბლის სამხატვრო ხელმძღვანელმა, ნინო სუხიშვილმა, გამოსვლა არა მხოლოდ დასის, არამედ მთელი ქვეყნის გამარჯვებად შეაფასა.როგორც მან აღნიშნა, ეს იყო უპრეცედენტო შემთხვევა, რადგან დარბაზის სპეციფიკიდან გამომდინარე, იქ საცეკვაო დასები მანამდე არასდროს გამოსულან.„კარნეგი-ჰოლი მსოფლიოში ერთ-ერთი პრესტიჟული და დიდი სცენაა, ძალიან ბევრს ნიშნავს ამ სცენაზე გამოსვლა, თან კარნეგი-ჰოლში ცეკვა ჯერ არასდროს ყოფილა წარმოდგენილი, საცეკვაო ანსამბლი იქ არ გამოდის, სხვა ფორმატის დარბაზია, ამიტომ კარნეგი-ჰოლისთვის პირველი იყო ჩვენი საცეკვაო დასი… ძალიან საპასუხისმგებლო იყო, ბოლო მომენტამდე იმდენად დატვირთული ვიყავით ემოციებით… კონცერტის ორგანიზებაში ქართველი გოგო – სალომე ლილუაშვილი იყო ჩართული, სწორედ მისმა საპროდიუსერო კომპანიამ გააკეთა ეს ჩვენი წარდგენა, თვითონაც არ სჯეროდა, რომ ეს გამოვიდოდა…ამ ფასად კარნეგი-ჰოლს ბილეთი არ გაუყიდია აქამდე, ძალიან მაღალი ფასი იყო… დე ნირო შემოვიდა მოსალოცად კონცერტის მერე, თორემ ნაკლები ვარსკვლავები არ იყო დარბაზში, კულტურის ტოპ ხალხი იყო მოსული… ეს ხომ მარტო ჩვენი წარმოდგენა არ იყო, ეს იყო ქვეყნის წარდგენა, საქართველოს წარმატება“, – აღნიშნა ნინო სუხიშვილმა „ფორმულას“ ეთერში. View this post on Instagram A post shared by Emolas Corporation (@emolascorp)
1769422203
მზექალა შანიძეს ილიას სახელმწიფო უნივერსიტეტის სამეცნიერო პრემია და ილიას მედალი გადაეცა
მზექალა შანიძეს ილიას სახელმწიფო უნივერსიტეტის სამეცნიერო პრემია და ილიას მედალი გადაეცა.„მეცნიერებაში ყოველთვის არის წინ გზა, მაგრამ ეს გზა გასავლელად ყოველთვის ადვილი არ არის“ - მზექალა შანიძე ილიას სახელმწიფო უნივერსიტეტის საპატიო დოქტორი, ქართული მეცნიერების ეპოქალური სახე მზექალა შანიძე, 2026 წლის 23 იანვარს დაჯილდოვდა ილიას უნივერსიტეტის სამეცნიერო პრემიითა და ილიას მედლით“,- ნათქვამია გავრცელებულ ინფორმაციაში.
1769407860
მიხეილ ყაველაშვილი რუსთაველის თეატრში სპექტაკლს „მიჯაჭვული პრომეთე“ დაესწრო
საქართველოს პრეზიდენტი მიხეილ ყაველაშვილი რუსთაველის თეატრში კულტურის მინისტრთან თინათინ რუხაძესთან ერთად, სპექტაკლს „მიჯაჭვული პრომეთე“ დაესწრო.პრეზიდენტმა მადლობა გადაუხადა რობერტ სტურუას და რუსთაველის თეატრის დასს უნიკალური სპექტაკლის შექმნისთვის და აღნიშნა, რომ უდიდესი ბედნიერებაა გამორჩეული და გენიალური რეჟისორის შემოქმედების ხილვა.„უდიდესი ბედნიერებაა ჩვენი გამორჩეული და გენიალური რეჟისორის შემოქმედების ხილვა, რომელიც ყოველ ჯერზე ახალ ინტერპრეტაციას გვთავაზობს დაგვაიძულებს, დავფიქრდეთ როგორც კაცობრიობის, ისე ერთი ადამიანის საზრისზე, ბედზე.კიდევ ერთხელ, დიდი მადლობა ბატონ რობიკოს და რუსთაველის თეატრის დასს ამ უნიკალური სპექტაკლის შექმნისთვის“, – აღნიშნა მიხეილ ყაველაშვილმა.რუსთაველის ეროვნულ თეატრში სპექტაკლის „მიჯაჭვული პრომეთე“ პრემიერა 2024 წელს შედგა.
1769333855
19 თებერვალს ბათუმის სახელმწიფო მუსიკალური ცენტრი პოეტ თინათინ მღვდლიაშვილის საღამოს უმასპინძლებს
19 თებერვალს, 19:00 საათზე, ბათუმის სახელმწიფო მუსიკალური ცენტრი ცნობილი და ყველასთვის საყვარელი პოეტის თინათინ მღვდლიაშვილის საღამოს უმასპინძლებს. პოეტი ქართული ესტრადის გამორჩეულ ვარსკვლავებთან ერთად, საზოგადოებას წარუდგენს იმ უკვდავ შემოქმედებას, რომელმაც ათწლეულებს გაუძლო.საღამოზე აჟღერდება სულის შემძვრელი ჰანგები, რომლებიც თითოეული ქართველის გულში პატრიოტულ მუხტსა და ეროვნულ სიამაყეს აღვიძებს.თინათინ მღვდლიაშვილის შემოქმდებას მიეკუთვნება ცნობილი შედევრები: „ქართველები არ კვდებიან“, „ხმალი ავლესოთ, ქართველებო!“, „აღმაშენებელი თბილისში მობრძანდება“, „დადეთ იარაღი, ბიჭებო!“, „მარტოხელა, მარტოსულო ქალბატონო“ და მრავალი სხვა.
1769165344
დათო მაღრაძის „ბარაქიანი მიწა“ ინგუშურ ენაზე ითარგმნა
ქართველი პოეტის, დათო მაღრაძის პოეზიის კავკასიის ხალხთა ენებზე თარგმნა გრძელდება.აფხაზური, ოსური და ჩერქეზული გამოცემების შემდეგ პოემა ამჯერად ინგუშურ ენაზე გამომცემლობა Saar-მა გამოსცა.მთარგმნელი ზეინაპ ალბოგაჩიევა, წიგნის გარეკანზე კი, ალექსანდრე ჩერქეზიშვილის ფოტოა დატანილი.
1769089620
თინათინ რუხაძე საქართველოში ისრაელის ელჩს, ვალიდ აბუ ჰაიას შეხვდა
საქართველოს კულტურის მინისტრი თინათინ რუხაძე საქართველოში ისრაელის სახელმწიფოს ახლად დანიშნულ საგანგებო და სრულუფლებიან ელჩს, ვალიდ აბუ ჰაიას შეხვდა.შეხვედრაზე საუბარი შეეხო საქართველოსა და ისრაელის სახელმწიფოს შორის კინოს, მუსიკის, ლიტერატურისა და კულტურის სხვა სფეროებში თანამშრომლობის გააქტიურებასა და ერთობლივი პროექტების განხორციელების მნიშვნელობას.მხარეებმა კულტურული კავშირების კიდევ უფრო გასამყარებლად ახალი ინიციატივების მხარდაჭერის მზადყოფნა გამოხატეს და გამოთქვეს სურვილი კულტურის სფეროში თანამშრომლობის მემორანდუმის გაფორმების თაობაზე.თინათინ რუხაძემ ვალიდ აბუ ჰაიას მომავალ საქმიანობაში წარმატებები უსურვა.შეხვედრას ესწრებოდნენ საქართველოს კულტურის სამინისტროს საერთაშორისო ურთიერთობის დეპარტამენტის უფროსი ზურაბ ბაკურაძე და ამავე დეპარტამენტის მთავარი სპეციალისტი გიორგი ნადირაშვილი.ინფორმაციას საქართველოს კულტურის სამინისტრო ავრცელებს.
1769065710
არქეოლოგებმა ინდონეზიაში კლდის მხატვრობის უძველესი ნიმუში აღმოაჩინეს
ინდონეზიის კუნძულ სულავესიზე უძველესი კლდის ნახატი იპოვეს. ლიანგ მეტანდუნოს გამოქვაბულში ნაპოვნი ხელის ტრაფარეტული გამოსახულება სულ მცირე 67,8 ათასი წლისაა.ნახატი წარმოადგენს ხელის მტევნის მკრთალ კონტურს, ვიწრო და წაწვეტებული თითებით. მისი შექმნის ტექნიკა კედელზე მიბჯენილ ხელზე პირიდან საღებავის შესხურებას ითვალისწინებდა. მეცნიერთა აზრით, თითების უჩვეულო ფორმა წინასწარ იყო განზრახული და სიმბოლური დატვირთვა ჰქონდა. ტრაფარეტი მოგვიანებით შესრულებულ ცხოველთა გამოსახულებებს შორის აღმოაჩინეს.გამოსახულების სირთულე მიანიშნებს, რომ ის შესაძლოა Homo sapiens-ის მიერ იყოს შესრულებული, თუმცა მკვლევრები არ გამორიცხავენ ადამიანის სხვა სახეობების, მაგალითად, ნეანდერტალელების ან დენისოველების მონაწილეობას.
1768743431
თამარ გვერდწითელი იუბილარია - რა ფოტოს აქვეყნებს მომღერალი
თამარ გვერდწითელი 64 წლის გახდა. ამის შესახებ მომღერალმა სოციალურ ქსელში დაწერა და უამრავი მილოცვა მიიღო.
1768391057
14 იანვარი ქართული თეატრის დღეა
14 იანვარი ქართული თეატრის დღეა. ქართული თეატრს 1850 წლის 14 იანვარს ჩაეყარა საფუძველი, როდესაც თბილისში პირველი სპექტაკლი გიორგი ერისთავის „გაყრა“ დაიდგა.ეს იყო პირველი და იმ დროისთვის ერთადერთი პროფესიული თეატრი საქართველოში. მეოცე საუკუნის ბოლოს საქართველოში სახელმწიფო თეატრების გვერდით, გაჩნდა კერძო პროფესიული თეატრები, კამერული სცენები და ექსპერიმენტული სივრცეები, დღესდღეობით კი ფუნქციონირებს დრამატული, მუსიკალური, პანტომიმური, თოჯინური და მარიონეტული თეატრები.სხვადასხვა თეატრალური დასი წარმატებით მონაწილეობს საერთაშორისო პროექტებში. ქართველი რეჟისორები და სცენოგრაფები ინტენსიურად თანამშრომლობენ მსოფლიოს ცნობილ თეატრებთან.
1768284189
რუსთავის გიგა ლორთქიფანიძის სახელობის დრამატულმა თეატრმა თბილისის ოპერისა და ბალეტის თეატრის საახალწლო გალა კონცერტს უმასპინძლა. ქართული და ევროპული საოპერო შედევრების ფრაგმენტებისგან შემდგარი სანახაობა ორი საათი გაგრძელდა.პროექტი საქართველოს კულტურის სამინისტროს მხარდაჭერით ხორციელდება.
