1789288599

ცნობილია ვენეციის 83-ე კინოფესტივალის გამარჯვებული ფილმი

ვენეციის 83-ე კინოფესტივალის გამარჯვებულები დასახელდნენ. მთავარი ჯილდოს, „ოქროს ლომის“ მფლობელი დანიელი რეჟისორის, მაი ელ-ტუკის ფილმი „ქალი, უცნობი“ გახდა.ჟიურის დიდი პრიზი ლის ჩან-დონის სურათმა „შესაძლო სიყვარულმა“ მიიღო.ჯილდო „ვერცხლის ლომი“ საუკეთესო რეჟისურისთვის ილია ხრჟანოვსკის გადაეცა ფილმისთვის „დაუ“.ჟიურის სპეციალური პრიზი ერგო ისრაელელი რეჟისორების, იუვალ აბრაჰამისა და რაჰელ შორის დოკუმენტურ ფილმს NAZA.კაცის და ქალის როლის საუკეთესო შესრულებისთვის ჯილდოები („ვოლპის თასი“) ჯონ მალკოვიჩმა („ველური ცხენი ნომრით ცხრა“) და მატილდა არსელმა („ქალი, უცნობი“) მიიღეს.საუკეთესო სცენარის ნომინაციაში გამარჯვება სტეფან ბრიზეს, კორალი ამედეოსა და ოლივიე გორსეს ( „კარგი პატარა ჯარისკაცი“) ერგოთ.

1789022117

ვენეციის 83-ე საერთაშორისო კინოფესტივალზე ლევან კოღუაშვილის ფილმის - „გურია“ მსოფლიო პრემიერა გაიმართა

ვენეციის 83-ე საერთაშორისო კინოფესტივალზე ლევან კოღუაშვილის ფილმის „გურია“ მსოფლიო პრემიერა გაიმართა.ფილმი ფესტივალის სექციაში Venice Spotlight არის წარმოდგენილი.„გურიის“ პრემიერას ვენეციის კინოფესტივალის სტუმრები, კინოინდუსტრიის წარმომადგენლები და ოფიციალური პირები დაესწრნენ. 

1788865018

ვენეციის 83-ე საერთაშორისო კინოფესტივალი ოფიციალურად გაიხსნა, რომელზეც 9 სექტემბერს რეჟისორ ლევან კოღუაშვილის ფილმის – „გურია“ მსოფლიო პრემიერა გაიმართება

ვენეციის 83-ე საერთაშორისო კინოფესტივალი ოფიციალურად გაიხსნა, ფესტივალის სექციაში Venice Spotlight, 9 სექტემბერს, რეჟისორ ლევან კოღუაშვილის ფილმის – „გურია“ მსოფლიო პრემიერა გაიმართება. ინფორმაციას ამის შესახებ კულტურის სამინისტრო ავრცელებს.მათივე ცნობით, წელს სექციისთვის მხოლოდ რვა ფილმია შერჩეული.ეროვნული კინოცენტრის პროგრამების დირექტორის, ლევან დვალის თქმით, საპრემიერო ჩვენების გარდა, დაგეგმილია სპეციალური ჩვენება პრესისთვის და ფილმისა და ქვეყნის პოპულარიზაციასთან დაკავშირებული ღონისძიებები, რომლებიც სახელმწიფოს მხარდაჭერით იმართება.„ვენეციის 83-ე კინოფესტივალი განსაკუთრებული აღმოჩნდა ქართული კინოსთვის, იმდენად, რამდენადაც სწორედ აქ გაიმართება ლევან კოღუაშვილის ახალი ფილმის – „გურია“ მსოფლიო პრემიერა. საპრემიერო ჩვენების გარდა, დაგეგმილია ქართული მიღება, სპეციალური ჩვენება პრესისთვის და ფილმისა და ქვეყნის პოპულარიზაციასთან დაკავშირებული ღონისძიებები, რომლებიც სახელმწიფოს მხარდაჭერით იმართება. აღსანიშნავია, რომ დიდი მოლოდინი გვაქვს უცხოელი კინოკრიტიკოსების გამოხმაურებასთან დაკავშირებით, რადგან მსოფლიოს წამყვან გამოცემებში რამდენჯერმე უკვე გაჟღერდა ფილმზე ინფორმაცია. ამასთან, ერთ-ერთმა დიდმა ფრანგულმა კომპანიამ ფილმის საერთაშორისო გაყიდვები საკუთარ თავზე აიღო. ვფიქრობთ, ლევან კოღუაშვილის ნამუშევარი საკმაოდ კარგ გამოხმაურებას დაიმსახურებს, რადგან თამამად შეიძლება ითქვას, რომ „გურია“ ღირსეულად აგრძელებს ქართული კინოს ტრადიციას“, – განაცხადა ეროვნული კინოცენტრის პროგრამების დირექტორმა, ლევან დვალმა.ფილმი გადაღებულია საქართველოს კულტურის სამინისტროს, კინემატოგრაფიის ეროვნული ცენტრის, „შემოქმედებითი საქართველოს“, საზოგადოებრივი მაუწყებლის და სახელმწიფო პროგრამის „გადაიღე საქართველოში“ მხარდაჭერით. „გურია“ შვიდი ქვეყნის (საქართველო, შვეიცარია, ლუქსემბურგი, ბულგარეთი, ნორვეგია, თურქეთი, საუდის არაბეთი) კოპროდუქციაა. ფილმის სცენარის ავტორები ბორის ფრუმინი, ლევან კოღუაშვილი და გიორგი კეკელიძე არიან.აღსანიშნავია ის ფაქტი, რომ საქართველოს კინემატოგრაფიის ეროვნული ცენტრი ლევან კოღუაშვილის ფილმს, ამერიკის კინოაკადემიის ჯილდოზე – „ოსკარი“ საერთაშორისო სრულმეტრაჟიანი ფილმის ნომინაციაში საქართველოს კანდიდატ ფილმად წარადგენს“, – აღნიშნულია კულტურის სამინისტროს ინფორმაციაში.

1788449703

„ის, რომ შენს ქვეყანას წარმოადგენ „ოსკარებზე“ რაღაც მისიაა, პატივია და მიხარია, რომ ჩვენ ფილმს ერგო ეს წილად“ - ლევან კოღუაშვილი

საქართველოს კინემატოგრაფიის ეროვნული ცენტრი ამერიკის კინოაკადემიის ჯილდოზე ქვეყნის სახელით რეჟისორ ლევან კოღუაშვილის ფილმს, „გურიას“ წარადგენს. „ოსკარზე“ ფილმი საერთაშორისო სრულმეტრაჟიანი ფილმის ნომინაციაში იქნება წარდგენილი. კონკურსში ხუთი ფილმი მონაწილეობდა. გადაწყვეტილება ფარული კენჭისყრით მიიღეს.ფილმი „გურია“ შვიდი ქვეყნის: საქართველოს, შვეიცარიის, ლუქსემბურგის, ბულგარეთის, ნორვეგიის, თურქეთის და საუდის არაბეთის ერთობლივი პროდუქციაა.„ჩვენ გადამღებ ჯგუფს და მსახიობებს პირველ რიგში მივულოცავ. ის, რომ შენს ქვეყანას წარმოადგენ ოსკარებზე რაღაცა მისიაა, პატივია და მიხარია, რომ ჩვენ ფილმს ერგო ეს წილად. ჩემი რამდენიმე ფილმი იყო წარდგენილი ოსკარზე. ერთხელ ვმონაწილეობდი ამ კამპანიაში. თავისი სპეციფიკა აქვს. ჩვენი ამოცანაა, რომ ფილმი მაქსიმალურად კარგად წარვადგინოთ, წარვადგინოთ ქართული კინო, ვენეციის კინოფესტივალიც ამაში დაგვეხმარება, იქ იქნება მსოფლიო პრემიერა. იმედი გვაქვს, რომ გაშუქდება და ეს ამ პროცესს წაეხმარება“, - აცხადებს რეჟისორი ლევან კოღუაშვილი.

1788436479

“ოსკარზე“ საქართველოს სახელით ლევან კოღუაშვილის ფილმი „გურია“ იქნება წარდგენილი

საქართველოს კინემატოგრაფიის ეროვნული ცენტრი ამერიკის კინოაკადემიის ჯილდოზე ,,ოსკარი“ ქვეყნის სახელით  რეჟისორ ლევან კოღუაშვილის ფილმს “გურია” წარადგენს. 2027 წლის 99-ე დაჯილდოების ცერემონიაზე კანდიდატი ფილმი საერთაშორისო სრულმეტრაჟიანი ფილმის ნომინაციაში იქნება წარდგენილი.საქართველოს ეროვნული კინოცენტრის მიერ გამოცხადებულ კონკურსში 5 ფილმი მონაწილეობდა:„მთვარე მამაა ჩემი“, რეჟისორი გიორგი ოვაშვილი. პროდიუსერი შპს ვაგონეტი;„ფაზა“, რეჟისორი ნინო ბასილია, პროდიუსერი შპს NB STUDIO;„გააზიარე სიყვარული“, რეჟისორი ნიკოლოზ ხომასურიძე, პროდიუსერი შპს ნიკოლოზფილმსი;„მეორეხარისხოვანი როლი“, რეჟისორი ანა ურუშაძე, პროდიუსერი შპს ზაზაფილმსი;„გურია“, რეჟისორი ლევან კოღუაშილი, პროდიუსერი “კინო იბერიკა“.საქართველოს კანდიდატი ფილმის შესარჩევი კინოჩვენებები საქართველოს ეროვნული არქივის მხარდაჭერით გაიმართა. წარსადგენი კანდიდატი ფილმი სპეციალურმა კომისიამ, რომელსაც საქართველოს კინემატოგრაფიის ეროვნული ცენტრის პროგრამების დირექტორი ლევან დვალი ხელმძღვანელობდა,  არქივის კინოთეატრში ფარული კენჭისყრით გამოავლინა.ამერიკული კინოაკადემიის უმაღლეს ჯილდოზე „ოსკარი“ ქართული ფილმი პირველად ქვეყნის დამოუკიდებლობის აღდგენამდე იყო წარდგენილი. გიორგი დანელიას „შემოდგომის მარათონი“ (1979) და თენგიზ აბულაძის „მონანიება“ (1987)  საუკეთესო უცხოური ფილმის კატეგორიაში საბჭოთა კავშირის სახელით მოხვდა.დამოუკიდებლობის აღდგენის შემდეგ „ოსკარზე“ 20-ზე მეტი ქართული ფილმია წარდგენილი. საქართველოს პირველივე ოფიციალური წარდგენა 1996 წელს წარმატებული იყო. ნანა ჯორჯაძის ფილმი „შეყვარებული მზარეულის 1001 რეცეპტი“ (ფრანგულ-ქართული კოპროდუქცია) საუკეთესო უცხოური ფილმის ხუთეულში მოხვდა და „ოსკარის“ ოფიციალური ნომინაცია მიიღო.

1788352980

კულტურის მინისტრის მოვალეობის შემსრულებელი: რუსთაველის გამზირზე გამოვლენილი არქეოლოგიური მასალა საქართველოს ეროვნულ მუზეუმში იქნება გადატანილი, სადაც მისი მეცნიერული კვლევა გაგრძელდება, შემდგომში კი ამ ექსპონატებს ეროვნული მუზეუმის საგამოფენო სივრცეებში ვიხილავთ

კულტურის მინისტრის მოვალეობის შემსრულებელი მიხეილ კიკნაძე, საქართველოს პარლამენტის თავმჯდომარე შალვა პაპუაშვილთან, თბილისის მერ კახა კალაძესთან და საქართველოს ეროვნული მუზეუმის გენერალურ დირექტორ დავით ლორთქიფანიძესთან ერთად, რუსთაველის გამზირზე მიმდინარე სარეაბილიტაციო სამუშაოების დროს გამოვლენილ არქეოლოგიურ მასალას ადგილზე გაეცნო.„კულტურის სამინისტროს ყველა შესაბამისი უწყება ჩართულია რუსთაველის გამზირზე მიმდინარე სარეაბილიტაციო სამუშაოების დროს აღმოჩენილი არქეოლოგიური ფენებისა და არტეფაქტების კვლევის პროცესში. კულტურული მემკვიდრეობის დაცვის ეროვნული სააგენტო აქტიურად თანამშრომლობს თბილისის მუნიციპალიტეტის მერიასთან. აღნიშნულ ტერიტორიაზე გამოვლენილი არქეოლოგიური მასალა საქართველოს ეროვნულ მუზეუმში იქნება გადატანილი, სადაც მისი მეცნიერული კვლევა გაგრძელდება, შემდგომში კი ამ ექსპონატებს ეროვნული მუზეუმის საგამოფენო სივრცეებში ვიხილავთ“, - განაცხადა მიხეილ კიკნაძემ.საქართველოს ეროვნული მუზეუმისა და მოსწავლე-ახალგაზრდობის ეროვნული სასახლის მიმდებარე ტერიტორიაზე არქეოლოგიურ სამუშაოებს საქართველოს ეროვნული მუზეუმის არქეოლოგი მერაბ ძნელაძე უძღვება. გათხრებში მონაწილეობენ საქართველოს ტექნიკური უნივერსიტეტის სტუდენტებიც. აღმოჩენილი არქეოლოგიური მასალა, ძირითადად, X–XII საუკუნეებით თარიღდება და შუა საუკუნეების თბილისის ისტორიის შესახებ მნიშვნელოვან ინფორმაციას გვაწვდის.რუსთაველის გამზირზე მიმდინარე სარეაბილიტაციო სამუშაოების დროს არქეოლოგიური ფენის გამოვლენისთანავე, აღნიშნულ მონაკვეთზე სამუშაოები შეჩერდა. საქართველოს კულტურული მემკვიდრეობის დაცვის ეროვნულმა სააგენტომ არქეოლოგიური სამუშაოების განხორციელების ნებართვა გასცა, რის შემდეგაც ტერიტორიაზე არქეოლოგიური გათხრები დაიწყო.

1787817614

„ღამის სერენადების“ ბათუმის კონცერტები ტრიუმფით დასრულდა

ლიანა ისაკაძის სახელობის საერთაშორისო ფესტივალი „ღამის სერენადები“  ბათუმში დასრულდა. ბათუმის დრამატული თეატრის სცენაზე სპეციალურად „ღამის სერენადებისთვის“ შექმნილი უნიკალური მუსიკალური პროექტი „ტანგო – ოპერაციონე“  წარმოადგინეს მსოფლიოში აღიარებულმა, ახალგაზრდა ქართველმა მუსიკოსებმა - პიანისტმა გლორია კამპანერიმ, ბანდონეონისტმა მარიო სტეფანო პიეტროდარკიმ, სოპრანომ მარიკა მაჩიტიძემ და ფლეიტისტმა ნიკოლოზ ვადაჭკორიამ. ვირტუოზი ქართველი და უცხოელი შემსრულებლების პერფორმანსს მაყურებლის მქუხარე აპლოდისმენტები მოჰყვა. უნიკალური მუსიკალური პროექტის ფარგლებში შესრულდა ასტორ პიაცოლას „მარტოობა“, „შემოდგომა“ და „ზაფხული“ „ბუენოს-აირესის წელიწადის დროებიდან“, „ობლივიონი“, „სამხრეთი“; Le Grand Tango; Libertango; „ხარების მილონგა“ ოპერიდან „მარია ბუენოს-აირესიდან“; ჟორჟ ბიზეს „ჰაბანერა“ ოპერიდან „კარმენი“.წლევანდელი „ღამის სერენადები“ ლეგენდარული ქართველი მევიოლინის, ლიანა ისაკაძის დაბადებიდან 80 წლის იუბილეს მიეძღვნა. ფესტივალმა წელსაც ტრადიციულად ქართველი და უცხოელი ვირტუოზი მუსიკოსები და მუსიკალური სამყაროს წარმომადგენლები შეკრიბა.საერთაშორისო მუსიკალური ფესტივალი “ღამის სერენადები”, რომელიც 1982 წელს სახელგანთქმული ქართველი მევიოლინე ლიანას ისაკაძის მიერ დაარსდა, საიუბილეო თარიღთან დაკავშირებით წელს საქართველოს სამ ქალაქში შვიდ გამორჩეულ კონცერტს აერთიანებს. „ღამის სერენადები“ 19 ივლისს ბორჯომში გაიხსნა,  21, 23 და 25 აგვისტოს ბათუმში გადაინაცვლა, დასკვნითი კონცერტები 16, 18 და 20 სექტემბერს თბილისში გაიმართება.ფესტივალი  საქართველოს კულტურის სამინისტროს, სსიპ „შემოქმედებითი საქართველო“, აჭარის ავტონომიური რესპუბლიკის კულტურის სამინისტროს, თბილისის, ბათუმის, ბორჯომის მერიების, საქართველოში იტალიის საელჩოს, თბილისის ზაქარია ფალიაშვილის სახელობის ცენტრალური სამუსიკო სკოლის „ნიჭიერთა ათწლედი“ მხარდაჭერით ტარდება. ფესტივალის „ღამის სერენადები“ სამხატვრო ხელმძღვანელია გიორგი ისაკაძე, ორგანიზატორი კომპანია „არტ ალიანსი“, ფესტივალის დირექტორი კი ნინა ცაგარელი.როგორც ფესტივალის “ღამის სერენადების“ სამხატვრო ხელმძღვანელმა გიორგი ისაკაძემ განაცხადა, ბორჯომის გახსნითი და ბათუმის სამი კონცერტით ფესტივალის საზაფხულო ნაწილი დასრულდა, თბილისის კონცერტებზე კი განსაკუთრებულად საინტერესო და მრავალფეროვანი პროგრამა ელოდება. „ჩემთვის განსაკუთრებით სასიხარულოა, რომ წელს, ლიანა ისაკაძის 80 წლის იუბილესადმი მიძღვნილ ფესტივალზე, მაყურებელმა ასეთი დიდი ინტერესი და სიყვარული გამოავლინა. ბათუმში ერთმანეთისგან სრულიად განსხვავებული, მაგრამ ძალიან ემოციური და დასამახსოვრებელი საღამოები შედგა, შესანიშნავი მუსიკოსებით, მრავალფეროვანი პროგრამებით და, რაც ყველაზე მთავარია, საოცარი მაყურებლით. დარბაზის რეაქცია და ის ემოცია, რომელსაც ამ დღეებში ვგრძნობდით, ჩვენთვის საუკეთესო შეფასებაა. მაგრამ „ღამის სერენადები 2026“ ჯერ არ დასრულებულა. წინ თბილისია და მინდა, ყველა მუსიკის მოყვარულს  ვუთხრა - გელოდებით!“-აღნიშნა გიორგი ისაკაძემ.წლევანდელი ფესტივალი ორმაგად ემოციური და საპასუხისმგებლოა ფესტივალის დირექტორის ნინა ცაგარელისთვის. მისი სიტყვებით, "ბათუმში კონცერტები დავასრულეთ სპეციალურად ფესტივალისთვის შექმნილი მუსიკალური პროექტით "ტანგო ოპერაციონე", რომელიც ტანგოს ცეცხლოვან რიტმებსა და ოპერის კლასიკურ ვოკალს აერთიანებს. მაყურებლის ოვაციები, ბისები და აღფრთოვანება ჩვენ ძალიან გვახარებს. წელს ფესტივალი ლიანა ისაკაძის 80 წლის იუბილეს აღნიშნავს, ამიტომ ეს წელი ჩვენთვის ორმაგად ემოციური და საპასუხისმებლოა“.ემოციურია ფესტივალის მონაწილეთა შეფასებებიც.გლორია კამპანერი, პიანისტი: „უბედნიერესი ვარ, რომ დავბრუნდი საქართველოში. ბათუმში პირველად ვარ ლიანა ისაკაძის საერთაშორისო ფესტივალის ფარგლებში. დაუვიწყარი კონცერტი იყო. საოცარი მონაწილეებითა და არაჩვეულებრივი მსმენელით. მოხარული ვარ, რომ ამ კონცერტში ჩემს მეგობართან მარიო სტეფანო პიეტრო დარკისთან და არაჩვეულებრივ ქართველ სოპრანოსთან მარიკა მაჩიტიძესთან ერთად მივიღე მონაწილეობა."ალესანდრო ბარიკო, მუსიკალური კრიტიკოსი: „პირველად ვარ საქართველოში, ბათუმში. ფანტასტიური ქვეყანა და გასაოცარი ხალხია. ძალიან სასიამოვნო და შთამბეჭდავი საღამო იყო. გავიცანი და აღმოვაჩინე არაჩვეულებრივი მუსიკოსები და შემსრულებლები. ასტორ პიაცოლას შემოქმედებას ათასობით თაყვანისმცემელი ჰყავს, ერთ-ერთი მეც გახლავართ და მესიამოვნა ამ საღამოს მისი მოსმენა ვირტუოზი მუსიკოსების შესრულებით. წარმატებებს ვუსურვებ ფესტივალს და მის შემოქმედებით გუნდს."მარიო სტეფანო პიეტროდარკი, ბანდონეონისტი: „ძალიან მიხარია, რომ წელსაც ვიღებ მონაწილეობას ლიანა ისაკაძის საერთაშორისო ფესტივალში. უნიჭიერეს პიანისტთან გლორია კამპანერთან, სოპრანო მარიკასთან,  ფლეიტისტ ნიკა ვადაჭკორიასთან და  ქართველ მუსიკოსებთან ერთად წარმოვადგინეთ მუსიკალური პროექტი, რომელმაც მსმენელის დიდი მოწონება დაიმსახურა. ჩემთვის უდიდესი პატივია ამ ფესტივალში მონაწილეობა."მარიკა მაჩიტიძე, სოპრანო: „უსაზღვროდ ბედნიერი ვარ და ძალიან მიხარია, რომ მომეცა შესაძლებლობა მონაწილეობა მიმეღო ლიანა ისაკაძის საერთაშორისო ფესტივალში. წლევანდელი ფესტივალი განსაკუთრებულია, რადგან ქალბატონი ლიანას 80 წლის იუბილეს ეძღვნება. ჩემთვის უდიდესი პატივია, რომ ვმონაწილეობდი ორ ძალიან ლამაზ და გამორჩეულ კონცერტში, რომელიც ბათუმელ მსმენელს ვაჩუქეთ. ეს პროგრამა ჩემთვის სიახლე იყო, მოკლე დროში მომიწია შესწავლა. დაუვიწყარი ემოციები მომცა ბრწყინვალე მუსიკოსებთან  თანამშრომლობამ. იმედი მაქვს, რომ ფესტივალთან და მის არაჩვეულებრივ მონაწილეებთან ჩემი თანამშრომლობა ამით არ დასრულდება და მომავალშიც გაგრძელდება. დიდ წარმატებას ვუსურვებ ჩვენი ქვეყნისთვის უმნიშვნელოვანეს "ღამის სერენადებს".ფესტივალი მასპინძელი სასტუმროები: „ბორჯომი ლიკანი“ და „Hilton Garden Inn Tbilisi“.პარტნიორი კომპანიები: პარფიუმერულ მაღაზიათა ქსელი „ლუტეცია“, მცენარეული კოსმეტიკის ფუძემდებელი „ივ როშე“, ნატურალური კოსმეტიკის ქართული წარმოების ბრენდი „პიელ ნატურალსი“, კომპანია „სარაჯიშვილი“, ღვინის კომპანია „პავილიონ ვაინსი“, ფარმაცევტული კომპანია „პსპ“, “გუდვილი” – პირველი ჰიპერმარკეტების ქსელი საქართველოში და ავეჯის სახლი „ნიტა“.საინფორმაციო მხარდამჭერები: აჭარის საზოგადოებრივი მაუწყებელი, საქართველოს პირველი არხი, ტელეკომპანია „რუსთავი 2“, ტელეკომპანია „იმედი“, ტელეკომპანია „პოს ტვ“, „Euronews Georgia“, Billboard Georgia, საპატრიარქოს ტელევიზია „ერთსულოვნება“, მედია და ციფრული კომუნიკაციების სააგენტო „კლიპ არტი“, პალიტრა ნიუსი , საინფორმაციო სააგენტო„პრაიმ ტაიმი“, ინგლისურენოვანი გაზეთი ,,Georgia Today’’, ყოველდღიური ინგლისურენოვანი გაზეთი ,, The Messenger’’, ჟურნალი „სარკე“, გაზეთი „აჭარა“, „აჭარა თაიმსი“, რადიო ჰოლდინგი„ფორტუნა“ და ვებ-პლატფორმა Fortuna.ge.

1787736936

თურქეთში ლეოპარდზე ამხედრებული ადამიანის 11 000 წლის ქანდაკება იპოვეს

არქეოლოგებმა თურქეთის სამხრეთ-აღმოსავლეთით მდებარე ყარახანთეფეს ნეოლითური ხანის არქეოლოგიურ კომპლექსში 11 000 წლის ქვის ქანდაკება აღმოაჩინეს, რომელიც ლეოპარდზე ამხედრებულ ადამიანს გამოსახავს.თურქეთის კულტურისა და ტურიზმის მინისტრმა მეჰმეთ ნური ერსოიმ სოციალურ ქსელ NSosyal-ში გამოქვეყნებულ პოსტში აღმოჩენა აღწერა, როგორც „კომპოზიციური ქანდაკება“ ისეთი სტილით, როგორიც ამ ტერიტორიაზე მანამდე არ შეხვედრიათ. მისი თქმით, 70 სანტიმეტრის სიმაღლის ქანდაკება დაახლოებით 3 მეტრის დიამეტრის მქონე სტრუქტურის კედლის გასწვრივ იპოვეს.ეს აღმოჩენა თურქეთში მიმდინარე პროექტის „მემკვიდრეობა მომავალს“ (Heritage to the Future) ნაწილია, რომლის მიზანიც ქვეყნის მასშტაბით არქეოლოგიური კვლევებისა და ისტორიული ძეგლების კონსერვაციის გაფართოებაა.ერსოის თქმით, აღმოჩენა „ახალ კითხვებს ბადებს კაცობრიობის ისტორიის ყველაზე ადრეული პერიოდების შესახებ“ და სამეცნიერო საზოგადოებაზე დიდი გავლენა ექნება.

1787572740

„ღამის სერენადების“ მონაწილეები აღტაცებულმა მაყურებელმა ბისზე რამდენჯერმე მიიწვია

ლიანა ისაკაძის სახელობის საერთაშორისო ფესტივალი „ღამის სერენადები 2026“ ბათუმში გრძელდება. ფესტივალი საქართველოს კულტურის სამინისტროს, სსიპ „შემოქმედებითი საქართველოს“, აჭარის ავტონომიური რესპუბლიკის კულტურის სამინისტროს,  ბათუმის, თბილისის და ბორჯომის მერიების მხარდაჭერით იმართება.ილია ჭავჭავაძის სახელობის ბათუმის დრამატულ თეატრში ჩატარებულ კონცერტში მონაწილეობა მიიღეს მევიოლინემ და დირიჟორმა ანდრეს გაბეტამ, ბანდონეონისტმა მარიო სტეფანო პიეტროდარკიმ, სოპრანომ  მარიამ მაჩიტიძემ, ფესტივალის საბაზო ორკესტრმა საქართველოს ვირტუოზები, პირველმა ვიოლინომ - ლელა მჭედლიძემ. დამსწრე საზოგადოებამ მოისმინა ბაროკოსა და ტანგოს გამორჩეული მუსიკალური სინთეზი - "მარია ბუენოს-აირესიდან – გადატვირთვა". აღფრთოვანებულმა მაყურებელმა ვირტუოზები მქუხარე აპლოდისმენტების თანხლებით ბისზე რამდენჯერმე მიიწვია."ღამის სერენადების" წლევანდელი საკონცერტო პროგრამა ჟანრობრივად განსაკუთრებულად მრავალფეროვანია – შვიდი გამორჩეული კონცერტით აღინიშნება ლეგენდარული ქართველი მევიოლინის, ლიანა ისაკაძის, დაბადებიდან 80 წლის იუბილე. ფესტივალში მონაწილეობას მიიღებენ მსოფლიოში აღიარებული ქართველი და უცხოელი მუსიკოსები, ასევე ახალგაზრდა ნიჭიერი შემსრულებლები.გიორგი ისაკაძე, "ღამის სერენადების" სამხატვრო ხელმძღვანელი:"დიდი მადლობა საქართველოს კულტურის სამინისტროს, სსიპ „შემოქმედებით საქართველოს“, აჭარის ავტონომიური რესპუბლიკის კულტურის სამინისტროს,  ბათუმის, თბილისის და ბორჯომის მერიებს, იტალიის საელჩოს საქართველოში ფესტივალის მხარდაჭერისთვის.  არაჩვეულებრივმა მუსიკოსებმა - ანდრეს გაბეტამ, მარიო-სტეფანო პიეტროდარკმა, მარიკა მაჩიტიძემ და ფესტივალის საბაზო ორკესტრმა "საქართველოს ვირტუოზებმა" წარადგინეს სპეციალურად ფესტივალის საიუბილეო თარიღისთვის შექმნილი პროგრამა, "მარია-ბუენოს აირესიდან - გადატვირთვა". ეს პროგრამა აიგო ასტორ პიაცოლას ტანგო ოპერის "მარია-ბუენოს აირესიდან" ირგვლივ და წარმოადგენს უაღრესად საინტერესო დიალოგს ბაროკოს ეპოქასა და ტანგოს სამყაროს შორის. ძალიან განსაკუთრებული და დასამახსოვრებელი კონცერტი გამოვიდა, რაც მსმენელთა მქუხარე ოვაციებმა  დაადასტურა. ველით ყველას ბათუმის სერიის დასკვნით კონცერტზე 25 აგვისტოს ილია ჭავჭავაძის სახელობის დრამატულ თეატრში პროგრამაზე "ტანგო ოპერაციონე".ანდრეს გაბეტა, დირიჟორი, მევიოლინე:"საოცარი მსმენელი გვესტუმრა კონცერტზე. მათი ენერგია გადმოდიოდა ჩვენზე, ძალიან ემოციური საღამო იყო. მადლობა ორგანიზატორებს. მიხარია, რომ მსმენელმა ასე თბილად მიგვიღო."მარიო სტეფანო პიეტროდარკი, ბანდონეონისტი:"საქართველოს განსაკუთრებული მსმენელი ჰყავს. მათით ყოველთვის აღფრთოვანებული ვარ ხოლმე. არ წყდებოდა აპლოდისმენტები. ეს საოცარი შეგრძნებაა არტისტისთვის. მადლობა ორგანიზატორებს ამ უდიდესი სიამოვნებისათვის."ფესტივალის „ღამის სერენადები“ დამფუძნებელია ლეგენდარული მევიოლინე ლიანა ისაკაძე.სამხატვრო ხელმძღვანელი: გიორგი ისაკაძე;ორგანიზატორი: კომპანია „არტ ალიანსი“;ფესტივალის დირექტორი: ნინა ცაგარელიფესტივალის მხარდამჭერები: საქართველოს კულტურის სამინისტრო; სსიპ „შემოქმედებითი საქართველო“; აჭარის ავტონომიური რესპუბლიკის კულტურის სამინისტრო; თბილისის მერია; ბათუმის მერია; ბორჯომის მერია; იტალიის საელჩო საქართველოში; თბილისის ზაქარია ფალიაშვილის სახელობის ცენტრალური სამუსიკო სკოლა – „ნიჭიერთა ათწლედი“.მასპინძელი სასტუმროები: „ბორჯომი ლიკანი“ და „Hilton Garden Inn Tbilisi“.პარტნიორი კომპანიები: პარფიუმერულ მაღაზიათა ქსელი „ლუტეცია“, მცენარეული კოსმეტიკის ფუძემდებელი საფრანგეთიდან „ივ როშე“, ნატურალური კოსმეტიკის ქართული წარმოების ბრენდი „პიელ ნატურალსი“, კომპანია „სარაჯიშვილი“, ღვინის კომპანია „პავილიონ ვაინსი“, ფარმაცევტული კომპანია „პსპ“, “გუდვილი” – პირველი ჰიპერმარკეტების ქსელი საქართველოში და ავეჯის სახლი „ნიტა“.საინფორმაციო მხარდამჭერები: აჭარის საზოგადოებრივი მაუწყებელი, საქართველოს პირველი არხი, ტელეკომპანია „რუსთავი 2“, ტელეკომპანია „იმედი“, ტელეკომპანია „პოს ტვ“, „Euronews Georgia“, Billboard Georgia, საპატრიარქოს ტელევიზია „ერთსულოვნება“, მედია და ციფრული კომუნიკაციების სააგენტო „კლიპ არტი“, პალიტრა ნიუსი , საინფორმაციო სააგენტო„პრაიმ ტაიმი“, ინგლისურენოვანი გაზეთი ,,Georgia Today’’, ყოველდღიური ინგლისურენოვანი გაზეთი ,, The Messenger’’, ჟურნალი „სარკე“, გაზეთი „აჭარა“, „აჭარა თაიმსი“, რადიო ჰოლდინგი„ფორტუნა“ და ვებ-პლატფორმა Fortuna.ge.

1787232420

ლიანა ისაკაძის სახელობის საერთაშორისო ფესტივალი „ღამის სერენადები 2026“ ბორჯომში საზეიმოდ გაიხსნა

საქართველოს კულტურის სამინისტროს სსიპ „შემოქმედებითი საქართველოს“, აჭარის ავტონომიური რესპუბლიკის კულტურის სამინისტროს, ბორჯომის მერიის, თბილისის მერიისა და ბათუმის მერიის მხარდაჭერით, ლიანა ისაკაძის სახელობის საერთაშორისო ფესტივალი „ღამის სერენადები 2026“ ტრადიციულად ბორჯომში, სასტუმრო „ბორჯომ-ლიკანში“ გაიხსნა.ფესტივალის ორგანიზატორთა ინფორმაციით, წლევანდელი ფესტივალის პროგრამა ჟანრობრივად განსაკუთრებულად მრავალფეროვანია – შვიდი გამორჩეული კონცერტით აღინიშნება ლეგენდარული ქართველი მევიოლინის, ლიანა ისაკაძის დაბადებიდან 80 წლის იუბილე. ფესტივალში მონაწილეობას იღებენ მსოფლიოში აღიარებული ქართველი და უცხოელი მუსიკოსები, ასევე, ახალგაზრდა ნიჭიერი შემსრულებლები: ბეატრიჩე ვენეცი – დირიჟორი; იუკი სერინო – ვიოლინო; ანდრეს გაბეტა – ვიოლინო; მარიო სტეფანო პიეტროდარკი – ბანდონეონი; გლორია კამპანერი – ფორტეპიანო; იან-ერიკ გუსტავსიონი – ჩელო; ანა-ლიზა ბეზროდნი – ვიოლინო; სანდრო ნებიერიძე – ფორტეპიანო; სანდრო გეგეჭკორი – ფორტეპიანო; ნელო სალცა – საყვირი; მარიამ მაჩიტიძე – სოპრანო; ნიკოლოზ ვადაჭკორია – საყვირი; გიორგი შიოლაშვილი – ფორტეპიანო; ფესტივალის საბაზო ორკესტრი „საქართველოს ვირტუოზები“ – პირველი ვიოლინო ლელა მჭედლიძე, გია ყანჩელის სახელობის ახალგაზრდული ორკესტრი.21, 23 და 25 აგვისტოს ფესტივალის საკონცერტო საღამოები ქალაქ ბათუმში, დრამატულ თეატრში გადაინაცვლებს.„ქალაქ ბორჯომში ჩატარდა ლიანა ისაკაძის სახელობის საერთაშორისო ფესტივალის გახსნითი კონცერტი, ჩვენი სასიქადულო მუსიკოსის და დიდი ამაგის მქონე ადამიანის, რომელმაც მუსიკის განვითარებაში დიდი წვლილი შეიტანა. ასევე, აღვნიშნავთ მისი დაბადებიდან 80 წლის იუბილეს. სწორედ მისი იდეითა და ორგანიზებით ჩაეყარა საფუძველი ამ ფესტივალს ქალაქ ბორჯომში, სამცხე-ჯავახეთში და ბორჯომს დღეს უამრავი ადამიანი სტუმრობს. ბედნიერი ვარ, რომ მომეცა საშუალება, დავსწრებოდი ამ მნიშვნელოვანი ფესტივალის გახსნას“, – განაცხადა სამცხე-ჯავახეთის მხარის სახელმწიფო რწმუნებულმა, იოსებ ალიბეგაშვილმა.ბორჯომის მუნიციპალიტეტის მერის, მამუკა გელაშვილის განცხადებით, დიდი პატივია ტრადიციულად ქალაქ ბორჯომში უმაღლესი დონის ფესტივალის, „ღამის სერენადების“ ჩატარება.„ბორჯომის მუნიციპალიტეტი მზადაა, ყოველთვის მხარი დაუჭიროს ფესტივალს. მინდა, დიდი მადლობა გადავუხადო ორგანიზატორებს, სტუმრებსა და ქართველ და უცხოელ ვირტუოზ მუსიკოსებს აღნიშნული ფესტივალის ჩატარებისათვის“, – აღნიშნა ბორჯომის მუნიციპალიტეტის მერმა.ფესტივალ „ღამის სერენადების“ სამხატვრო ხელმძღვანელის, გიორგი ისაკაძის განცხადებით, უმნიშვნელოვანესია ბორჯომში ფესტივალის გამართვა და მნიშვნელოვანია, რომ ეს ტრადიცია აღდგა.„ბრწყინვალედ ჩაიარა გახსნითმა კონცერტმა, შესანიშნავად შეასრულეს გამორჩეული პროგრამა დირიჟორმა ბეატრიჩე ვენეციმ, სოლისტმა მევიოლინემ, იუკი სერინომ და ფესტივალის საბაზო ორკესტრმა, „საქართველოს ვირტუოზებმა“, პირველმა ვიოლინომ, ლელა მჭედლიძემ. ახლა კი ფესტივალი გადაინაცვლებს ქალაქ ბათუმში, სამი უმნიშვნელოვანესი კონცერტი გველოდება. წლევანდელი ფესტივალი ქალაქ თბილისში საზეიმოდ დაიხურება“, – განაცხადა გიორგი ისაკაძემ.„პირველად ვარ ქალაქ ბორჯომში, მოხარული ვარ, საოცრად ემოციური წუთებია. მსმენელის ემოციები, რომელიც ჩვენზე გადმოდის, სასწაულია. მიხარია, რომ ასეთი გულთბილი მაყურებელი და მსმენელი გვსტუმრობდა“, – აღნიშნა დირიჟორმა ბეატრიჩე ვენეციმ.ფესტივალის საინფორმაციო მხარდამჭერებს შორისაა საქართველოს პირველი არხი.

1787226592

„ღამის სერენადები 2026“ ბორჯომში საზეიმოდ გაიხსნა

ლიანა ისაკაძის  სახელობის საერთაშორისო ფესტივალი „ღამის სერენადები 2026“ ტრადიციულად ბორჯომში, სასტუმრო ბორჯომ-ლიკანში გაიხსნა საქართველოს კულტურის სამინისტროს, სსიპ „შემოქმედებითი საქართველოს“, აჭარის ავტონომიური რესპუბლიკის კულტურის სამინისტროს, ბორჯომის მერიის, თბილისის მერიის, ბათუმის მერიის მხარდაჭერით. გახსნითი საღამო მქუხარე აპლოდისმენტების თანხლებით მიმდინარეობდა.წლევანდელი ფესტივალის პროგრამა ჟანრობრივად განსაკუთრებულად მრავალფორვანია – შვიდი გამორჩეული კონცერტით აღინიშნება ლეგენდარული ქართველი მევიოლინის, ლიანა ისაკაძის, დაბადებიდან 80 წლის იუბილე. ფესტივალში მონაწილეობას იღებენ მსოფლიოში აღიარებული ქართველი და უცხოელი მუსიკოსები, ასევე ახალგაზრდა ნიჭიერი შემსრულებლები: ბეატრიჩე ვენეცი - დირიჟორი; იუკი სერინო - ვიოლინო; ანდრეს გაბეტა - ვიოლინო; მარიო სტეფანო პიეტროდარკი - ბანდონეონი; გლორია კამპანერი - ფორტეპიანო; იან-ერიკ გუსტავსიონი - ჩელო; ანა-ლიზა ბეზროდნი - ვიოლინო; სანდრო ნებიერიძე - ფორტეპიანო; სანდრო გეგეჭკორი - ფორტეპიანო; ნელო სალცა - საყვირი; მარიამ მაჩიტიძე - სოპრანო; ნიკოლოზ ვადაჭკორია- საყვირი; გიორგი შიოლაშვილი - ფორტეპიანო; ფესტივალის საბაზო ორკესტრი „საქართველოს ვირტუოზები“ - პირველი ვიოლინო ლელა მჭედლიძე, გია ყანჩელის სახელობის ახალგაზრდული ორკესტრი.21, 23 და 25 აგვისტოს ფესტივალის საკონცერტო საღამოები ქალაქ ბათუმში დრამატულ თეატრში გადაინაცვლებს.იოსებ ალიბეგაშვილი, სამცხე-ჯავახეთის მხარის სახელმწიფო რწმუნებული:"ქალაქ ბორჯომში ჩატარდა ლიანა ისაკაძის სახელობის საერთაშორისო ფესტივალის გახსნითი კონცერტი, ჩვენი სასიქადულო მუსიკოსის და დიდი ამაგის მქონე ადამიანის, რომელმაც მუსიკის განვითარებაში დიდი წვლილი შეიტანა. ასევე ავღნიშნავთ მისი დაბადებიდან 80 წლის იუბილეს, სწორედ მისი იდეითა და ორგანიზებით ჩაეყარა საფუძველი ამ ფესტივალს ქალაქ ბორჯომში, სამცხე ჯავახეთში და ბორჯომს დღეს უამრავი ადამიანი სტუმრობს. ბედნიერი ვარ, რომ მომეცა საშუალება, დავსწრებოდი ამ მნიშვნელოვანი ფესტივალის გახსნას."მამუკა გელაშვილი, ბორჯომის მუნიციპალიტეტის მერი:"ჩვენთვის დიდი პატივია ტრადიციულად ქალაქ ბორჯომში უმაღლესი დონის ფესტივალის ,,ღამის სერენადების" ჩატარება, ბორჯომის მუნიციპალიტეტი მზადაა ყოველთვის მხარი დაუჭიროს ფესტივალს. დიდი მადლობა მინდა გადავუხადო ორგანიზატორებს, სტუმრებსა და ქართველ და უცხოელ ვირტუოზ მუსიკოსებს აღნიშნული ფესტივალის ჩატარებისათვის."გიორგი ისაკაძე, ფესტივალის ,,ღამის სერენადები" სამხატვრო ხელმძღვანელი:"ჩვენთვის უმნიშვნელოვანესია ქალაქ ბორჯომში ფესტივალის გამართვა. მნიშვნელოვანია, რომ ეს ტრადიცია აღდგა." ბრწყინვალედ ჩაიარა გახსნითმა კონცერტმა, შესანიშნავად შეასრულეს გამორჩეული პროგრამა დირიჟორმა ბიატრიჩე ვენეციმ, სოლისტმა მევიოლინე იუკი სერინომ და ფესტივალის საბაზო ორკესტრმა "საქართველოს ვირტუოზები" პირველი ვიოლინო ლელა მჭედლიძე. ახლა კი ფესტივალი გადაინაცვლებს ქალაქ ბათუმში, სამი უმნიშვნელოვანესი კონცერტი გველოდება. წლევანდელი ფესტივალი ქალაქ თბილისში საზეიმოდ დაიხურება.ბიატრიჩე ვენეცი, დირიჟორი:"პირველად ვარ ქალაქ ბორჯომში, მოხარული ვარ, საოცრად ემოციური წუთებია, მსმენელის ემოციები, რომელიც ჩვენზე გადმოდის, სასწაულია. მიხარია, რომ ასეთი გულთბილი მაყურებელი და მსმენელი გვსტუმრობდა."მხარდამჭერი: თბილისის ზაქარია ფალიაშვილის სახელობის ცენტრალური სამუსიკო სკოლა — „ნიჭიერთა ათწლედი“ მასპინძელი სასტუმროები: „ბორჯომი ლიკანი“ და „Hilton Garden Inn Tbilisi“.პარტნიორი კომპანიები: პარფიუმერულ მაღაზიათა ქსელი „ლუტეცია“, მცენარეული კოსმეტიკის ფუძემდებელი საფრანგეთიდან „ივ როშე“, ნატურალური კოსმეტიკის ქართული წარმოების ბრენდი „პიელ ნატურალსი“, კომპანია „სარაჯიშვილი“, ღვინის კომპანია „პავილიონ ვაინსი“, ფარმაცევტული კომპანია „პსპ“ და ავეჯის სახლი „ნიტა“.საინფორმაციო მხარდამჭერები: აჭარის საზოგადოებრივი მაუწყებელი, საქართველოს პირველი არხი, ტელეკომპანია „რუსთავი 2“, ტელეკომპანია „იმედი“, ტელეკომპანია „პოს ტვ“, „Euronews Georgia“, Billboard Georgia, საპატრიარქოს ტელევიზია „ერთსულოვნება“, მედია და ციფრული კომუნიკაციების სააგენტო „კლიპ არტი“, პალიტრა მედია, საინფორმაციო სააგენტო„პრაიმ ტაიმი“, ინგლისურენოვანი გაზეთი ,,Georgia Today’’, ყოველდღიური ინგლისურენოვანი გაზეთი ,, The Messenger’’, ჟურნალი „სარკე“, გაზეთი „აჭარა“, „აჭარა თაიმსი“, რადიო ჰოლდინგი„ფორტუნა“ და ვებ-პლატფორმა Fortuna.ge.

1787213239

აშშ-ის საელჩო: თითქმის ნახევარი საუკუნე გავიდა, რაც „ჩაკრულომ” კოსმოსური მოგზაურობა დაიწყო, ასე იქცა უნიკალური ქართული მრავალხმიანობა კაცობრიობის საერთო გზავნილის ნაწილად

დღეს თითქმის ნახევარი საუკუნე გავიდა, რაც „ჩაკრულომ“ კოსმოსური მოგზაურობა დაიწყო, – ამის შესახებ საქართველოში შეერთებული შტატების საეჩო სოციალურ ქსელში წერს.როგორც საელჩო წერს, 1977 წლის 20 აგვისტოს, ფლორიდის შტატის კეიპ კანავერალის კოსმოსური ცენტრიდან, NASA-მ გაუშვა ხომალდი Voyager 2, რომელმაც შორეულ კოსმოსში „ოქროს ფირფიტა“ წაიღო.„ეს ფირფიტა წარმოადგენდა ერთგვარ გზავნილს დედამიწიდან, იმ შემთხვევაში, თუ როდისმე მას სხვა ცივილიზაცია აღმოაჩენდა. მასზე ჩაწერილი მუსიკით, ფოტოებითა და მისასალმებელი სიტყვებით, მპოვნელი შეძლებდა გაეგო, თუ როგორი იყო სამყარო, საიდანაც ეს ხომალდი გაუშვეს. სწორედ ამერიკელთა ჯგუფის მიერ შერჩეულ ეგზემპლარებს შორის იყო ქართული „ჩაკრულო”. ასე იქცა უნიკალური ქართული მრავალხმიანობა კაცობრიობის საერთო გზავნილის ნაწილად“, – ნათქვამია აშშ-ის საელჩოს განცხადებაში.