კულტურა
1777529928
"ჩემი წიგნი" - საპატრიარქოს ახალგაზრდულმა მოძრაობა "დავითიანმა" სასკოლო კონკურსი გამართა
"ჩემი წიგნი" - საპატრიარქოს ახალგაზრდულმა მოძრაობა "დავითიანმა" სასკოლო კონკურსი გამართა.ღონისძიება პროექტ "წიგნიერი ლიდერის" ფარგლებში მოეწყო. მონაწილეებმა საკუთარი ნამუშევრები წარმოადგინეს.პროექტის მიზნად ახალგაზრდა თაობაში წიგნიერების დონის ამაღლება და ლიდერული უნარების განვითარება სახელდება.
1777448780
თქვენ იცით, რამხელაა ამ ანსამბლის წვლილი ჩვენი კულტურის განვითარებაში, ჩვენი თვითმყოფადობის შენარჩუნებაში და ახალი სასახლე, ახალი შენობა მისცემს მათ საშუალებას, რომ ძალიან დიდ წარმატებებს მიაღწიონ მომავალში, - განაცხადა პრემიერ-მინისტრმა, ირაკლი კობახიძემ ანსამბლ "ერისიონისთვის" ახალი შენობის გადაცემის საკითხზე საუბრისას.„ახლა უკვე სრულიად ახალ სივრცეში შეუძლიათ განაგრძონ შემოქმედებითი საქმიანობა. თქვენ იცით, რამხელაა ამ ანსამბლის წვლილი ჩვენი კულტურის განვითარებაში, ჩვენი თვითმყოფადობის შენარჩუნებაში და ახალი სასახლე, ახალი შენობა მისცემს მათ საშუალებას, რომ ძალიან დიდ წარმატებებს მიაღწიონ მომავალში და გააგრძელონ ის საქმე, რომელიც ათწლეულების წინ დაიწყო," - განაცხადა პრემიერმა.საქართველოს მთავრობისა და კულტურის სამინისტროს მხარდაჭერით, ქართული ხალხური სიმღერისა და ცეკვის სახელმწიფო აკადემიურ ანსამბლ "ერისიონს", არსებობის ისტორიაში პირველად, საკუთარი შენობა აქვს.4080 კვ.მ. თანამედროვე სტანდარტების ნაგებობა მოიცავს ორ სარეპეტიციო დარბაზს, აქედან ერთ-ერთი საკონცერტო დანიშნულებისაც არის, რომელშიც 100-მდე მაყურებელი ეტევა, ერისიონის სკოლა-სტუდიის 900-მდე ბავშვისთვის სარეპეტიციო 3 დარბაზს, მსახიობების საგრიმიოროებს, ხმის ჩამწერ სტუდიას, ანსამბლის ადმინისტრაციის საოფისე სივრცეებს, სასცენო სამოსის შესანახ სივრცეებს, შეზღუდული შესაძლებლობის პირებისათვის მოწყობილია პანდუსები და ლიფტი და სხვა.
1777410351
„დილით ადგომის დროს ჩაის კოვზით ნაკურთხი წყალი მიიღოს“ - განკურნების მეთოდი მამა ვიტალის წერილებიდან
რწმენით განკურნება რომ შესაძლებელია, ეს მორწმუნემ იცის. მრავალი წელი იტანჯებოდა ქალი სისხლდენით, მაგრამ მაცხოვარს, კალთაზე, რწმენით შეეხეო თუ არა, მაშინვე განიკურნა. შენმა რწმენამ განგკურნაო, ეუბნება მას იესო. ამდენად რწმენით მიღებული ნაკურთხი წყალი, წასმული ზეთი და წმინდა ნაწილებთან მიახლება - გვკურნავს.ამონარიდი სქიმარქიმანდრიტი ვიტალის (სიდორენკო) წერილიდან, სადაც იგი განკურნების ასეთ მეთოდს იძლევა:„დილით ადგომის დროს ერთხელ თქვას – „მამაო ჩვენო“ და ერთხელ – „ღვთისმშობელო ქალწულო, გიხაროდენ,“ ერთი მეტანია, ჩაის კოვზით ნაკურთხი წყალი მიიღოს.საღამოს ძილის წინ: ერთხელ – „მამაო ჩვენო“, ერთხელ – „ღვთისმშობელო ქალწულო, გიხაროდენ“, ერთი მეტანია, ნაკურთხი ზეთი იცხოს მტკივნეულ მკერდზე, თან თქვას: „სახელითა მამისათა და ძისათა და სულისა წმინდისათა, ამინ.“ასე გააკეთოს 40 დღის განმავლობაში და კარგად იქნება.ეს ყველა ავადმყოფობის წამალია, – ამბობდა იოანე კიეველი, როდესაც ადამიანებს ასწავლიდა, როგორ უნდა შეენარჩუნებინათ ჯანმრთელობა.“
1777389731
თურქეთში ათენას მარმარილოს ქანდაკება იპოვეს
თურქეთის ანტიკურ ქალაქ ლაოდიკეაში ძველბერძნული ქალღმერთის, ათენას ქანდაკება აღმოაჩინეს. ის დასავლეთ თეატრში მიმდინარე გათხრებისა და სარესტავრაციო სამუშაოების დროს იპოვეს.დასავლეთ თეატრი, სადაც ათენას ქანდაკება იპოვეს, ძვ. წ. II საუკუნით თარიღდება. სკულპტურა ნაგებობის კედელში, ნანგრევების ქვეშ იყო მოქცეული. სავარაუდოდ, ის ნიშაში ან სვეტებს შორის იდგა.ქანდაკება თეთრი მარმარილოსგან არის შესრულებული და სიმაღლეში დაახლოებით 2 მეტრს აღწევს. ათენა მრგვალ საფუძველზე დგას, თუმცა მას თავი არ აქვს. სკულპტურაზე დეტალურადაა გამოსახული ტრადიციული ბერძნული სამოსი - პეპლოსი, რომელსაც მოსასხამი ასრულებს.ათენას მკერდზე განთავსებულია ეგიდი გველებით გარშემორტყმული მედუზას თავით. ექსპერტები აღნიშნავენ, რომ სამოსის ნაოჭების რთული კვეთა და ქსოვილის ნატურალისტური გადმოცემა მოქანდაკის მაღალ ოსტატობაზე მეტყველებს.ამ ქანდაკებას უნიკალურს ხდის ის, რომ მსგავს სკულპტურებში მოსასხამი იშვიათად გვხვდება. ათენას უკანა ნაწილი უხეშად დამუშავებული ჩანს. არქეოლოგების აზრით, ეს ნამუშევარი ავგუსტუსის ეპოქის (ძვ. წ. 27 - ახ. წ. 14 წწ.) ხელოვნებას განეკუთვნება.
1777271517
ჰარუკი მურაკამიმ პირველად დაწერა რომანი, რომლის მთავარი გმირი ქალია
იაპონელი მწერალი ჰარუკი მურაკამი გამოაქვეყნებს თავის პირველ რომანს, რომელშიც მთავარი პერსონაჟი ქალია. წიგნი სახელწოდებით „კაჰოს ისტორია“ 3 ივლისს გამოვა.The Guardian-ი წერს, რომ მწერალი ადრე არაერთხელ გამხდარა კრიტიკის ობიექტი იმის გამო, რომ მის რომანებში ქალები მეტისმეტად სექსუალიზებულები და ერთგანზომილებიანები იყვნენ.„ჩემს ისტორიებში ქალები მედიუმები არიან, მომავალი სამყაროს მაცნეები. ამიტომაც ისინი თავად მოდიან ჩემს მთავარ გმირთან; ის მათთან არ მიდის“, - განაცხადა მურაკამიმ 2004 წელს Paris Review-სთან ინტერვიუში.ავტორის ახალი წიგნი 26 წლის მწერალ კაჰოს ეძღვნება. The New York Times-თან ინტერვიუში მურაკამიმ მთავარი გმირი დაახასიათა, როგორც „ძალიან ჩვეულებრივი გოგონა, არც ისე ლამაზი და არც ისე ჭკვიანი“, რომელსაც თავს „ძალიან ბევრი უცნაური ამბავი გადახდება“.მურაკამისთვის ქალის სახელით რომანის წერა უჩვეულო გამოცდილება აღმოჩნდა. „მე ის გავხდი“, - თქვა მან. მწერალმა ასევე აღნიშნა, რომ წიგნი მის წინა ნამუშევრებთან შედარებით უფრო ოპტიმისტური გამოვიდა.
1777108326
„კლასიკური კონცერტები ბათუმში“ - საერთაშორისო ფესტივალი გალა კონცერტით დაიხურა
საერთაშორისო ფესტივალი „კლასიკური კონცერტები ბათუმში“ დასრულდა. გალა კონცერტში „ჯადოსნური მოცარტი“ მონაწილეობდნენ იტალიელი პიანისტი, ეროვნული და საერთაშორისო ჯილდოს მფლობელი, ალესანდრო მარანგონი და ბათუმის სახელმწიფო მუსიკალური ცენტრის სიმფონიური ორკესტრი, დავით მუქერიას დირიჟორობით.საერთაშორისო ფესტივალი აჭარის მთავრობისა და კულტურის სამინისტროს მხარდაჭერითა და ბათუმის სახელმწიფო მუსიკალური ცენტრის ორგანიზებით განხორციელდა. ფესტივალი 21 აპრილს გაიხსნა და 24 აპრილს დაიხურა. ოთხდღიანი პროგრამა აერთიანებდა კლასიკურ კონცერტებს - „კლასიკური ჰარმონია“, „ქართულ-იტალიური მუსიკალური დიალოგი“, „ანატოლიის ლირიკული მემკვიდრეობა“, „ჯადოსნური მოცარტი“. კონცერტებში მონაწილეობდნენ მსოფლიო დონის შემსრულებლები. გალა საღამოებზე შესრულდა ცნობილი კლასიკოსების გამორჩეული ნაწარმოებები, საოპერო არიები. საერთაშორისო ფესტივალის მიზანს წარმოადგენს საერთაშორისო კულტურული დიალოგის განმტკიცება, რეგიონის პოპულარიზაცია და ცნობადობის გაზრდა.
1776944614
კულტურის მინისტრი თინათინ რუხაძე თბილისის სახელმწიფო უნივერსიტეტში ივანე ჯავახიშვილის დაბადებიდან 150 წლისთავისადმი მიძღვნილი საერთაშორისო სამეცნიერო კონფერენციის გახსნას დაესწრო, - ინფორმაციას კულტურის სამინისტრო ავრცელებს.უწყების ცნობით, კონფერენციაზე ხაზი გაესვა ივანე ჯავახიშვილის განსაკუთრებულ როლს საქართველოსა და კავკასიის რეგიონში პირველი უნივერსიტეტის დაფუძნებაში, მის წვლილს განათლების და მეცნიერების განვითარებაში.„ღონისძიებაზე შედგა მარიკა ბაკურაძის დოკუმენტური ფილმის - „ივანე ჯავახიშვილის“ პრეზენტაცია. ფილმი, რომელიც ქართველი მეცნიერისა და საზოგადო მოღვაწის ღვაწლს ეძღვნება, საქართველოს კულტურის სამინისტროს, ტელეკომპანია „იმედისა“ და თბილისის სახელმწიფო უნივერსიტეტის მხარდაჭერით შეიქმნა.„ივანე ჯავახიშვილმა ჩვენს ქვეყანას უდიდესი მემკვიდრეობა დაუტოვა. ის იყო მსოფლიო მნიშვნელობის მეცნიერი და, რაც განსაკუთრებით აღსანიშნავია - თბილისის სახელმწიფო უნივერსიტეტის დამფუძნებელი. ევროპული მოდელის ეს უმაღლესი სასწავლებელი ყველაზე ძველია არა მხოლოდ საქართველოში, არამედ კავკასიის რეგიონშიც. ამით ჩვენ ყოველთვის ვამაყობდით და ვიამაყებთ. ფილმი, რომელიც ივანე ჯავახიშვილს ეძღვნება, გვარწმუნებს იმაში, რომ განათლებას, რომელიც ეროვნული იდენტობის ძლიერ საძირკველზე დგას, ვერავინ და ვერაფერი მოერევა.მადლობას ვუხდი ფილმის ავტორს - მარიკა ბაკურაძესა და შემოქმედებით ჯგუფს. ვფიქრობ, რომ ეს ფილმი არის მნიშვნელოვანი ნამუშევარი ივანე ჯავახიშვილის როლის, უნივერსიტეტის იდეისა და ჩვენი მთავარი ღირებულებების შესახებ და დარწმუნებული ვარ, ჩვენი საზოგადოება მას სათანადოდ შეაფასებს. მინდა აღვნიშნო, რომ კასპის მუნიციპალიტეტში, ხოვლეში ვახორციელებთ ივანე ჯავახიშვილის სახლ-მუზეუმის მთლიან რეაბილიტაციას და ძალიან მალე ყველას ექნება მისი დათვალიერების საშუალება“, - განაცხადა თინათინ რუხაძემ.ღონისძიება თბილისის სახელმწიფო უნივერსიტეტის მიერ ორგანიზებული ივანე ჯავახიშვილის 150 წლის იუბილესადმი მიძღვნილი კვირეულის ფარგლებში გაიმართა“, - აღნიშნულია გავრცელებულ ინფორმაციაში.
1776846276
„კლასიკური კონცერტები ბათუმში“ - ბათუმი საერთაშორისო ფესტივალს მასპინძლობს
საერთაშორისო ფესტივალი ,,კლასიკური კონცერტები ბათუმში“ ოფიციალურად გაიხსნა. გალა კონცერტზე „კლასიკური ჰარმონია“ მსმენელის წინაშე წარსდგნენ ცნობილი პიანისტი ელენ მერსიე და ვირტუოზი მევიოლინე დანიელ ლოზაკოვიჩი. შესრულდა ცნობილი კომპოზიტორების გამორჩეული ნაწარმოებები.საერთაშორისო ფესტივალი - „კლასიკური კონცერტები ბათუმში“ ხორციელდება აჭარის მთავრობისა და კულტურის სამინისტროს მხარდაჭერითა და ბათუმის სახელმწიფო მუსიკალური ცენტრის ორგანიზებით. პროექტის მიზანია საერთაშორისო კულტურული დიალოგის განმტკიცება, რეგიონის პოპულარიზაცია და ცნობადობის გაზრდა.ფესტივალის გახსნას ესწრებოდნენ აჭარის კულტურის მინისტრი, ელისო ბოლქვაძე, საქართველოს პარლამენტის წევრები, აჭარის უმაღლესი საბჭოს, აღმასრულებელი ხელისუფლების, ადგილობრივი თვითმმართველობის წარმომადგენლები, დიპლომატები, მოწვეული სტუმრები და კლასიკური მუსიკის მოყვარულები.საერთაშორისო ფესტივალი ,,კლასიკური კონცერტები ბათუმში“ 24 აპრილის ჩათვლით გაგრძელდება. ოთხდღიანი პროგრამა აერთიანებს მრავალფეროვან კლასიკურ კონცერტებს, რომლებშიც მონაწილეობენ მსოფლიო დონის შემსრულებლები.
1776834868
გორის ერისთავის თეატრში კათოლიკოს-პატრიარქ, ილია მეორის ხსოვნისადმი მიძღვნილ საღამოზე მისი უწმინდესობის ცხოვრება და მრავალწლიანი მოღვაწეობა გაიხსენეს. შესრულდა პატრიარქის საგალობლები, ხოლო ახალგაზრდებმა, პოეტ ვანო ჩხიკვაძესთან ერთად, წაიკითხეს ლექსები.პროექტი გორისა და ატენის მიტროპოლიტის, მეუფე ანდრიას ინიციატივით, მერიისა და სტუდია „ოქონას“ თანადაფინანსებით განხორციელდა.
1776750162
ბოლნისის სიონის სარეაბილიტაციო სამუშაოები ხორციელდება საქართველოს კულტურული მემკვიდრეობის დაცვის ეროვნული სააგენტოს დაკვეთითა და კანონმდებლობით დადგენილი წესით გაცემული შესაბამისი ნებართვის საფუძველზე, – ამის შესახებ საქართველოს კულტურული მემკვიდრეობის დაცვის ეროვნული სააგენტოს განცხადებაშია ნათქვამი.სააგენტოს ცნობით, მიმდინარე სამუშაოები მოიცავს, მათ შორის, ტაძრის ინტერიერში 1970-იან წლებში მოწყობილი ბაზალტის იატაკის დემონტაჟს, რომელიც განთავსებულია ბეტონის დუღაბზე.„ჩატარებული კვლევითი სამუშაოების ფარგლებში, ინტერიერში განხორციელებული შურფირების შედეგად, სამხრეთი კედლის პილასტრის ძირში და სამხრეთი მინაშენის დასავლეთ ნაწილში გამოვლინდა ადრინდელი პერიოდის იატაკი, აგრეთვე პილასტრის ბაზა სრულყოფილი სახით. აღნიშნულიდან გამომდინარე, პროექტი ითვალისწინებს 1970-იან წლებში მოწყობილი იატაკის დემონტაჟს არქეოლოგიური ზედამხედველობის პირობებში და ახალი, ღია ფერის ქვით იატაკის მოწყობას ტრადიციული ქართული წყობის გამოყენებით. ამასთან, არსებული იატაკის ნიშნული დაიწევა რამდენიმე სანტიმეტრით, რაც უზრუნველყოფს გამოვლენილი სვეტებისა და პილასტრების პროპორციების სრულფასოვან აღქმას.გვიანდელი ბეტონისა და ბაზალტის ფენების მოხსნის პროცესში, ტექნოლოგიური აუცილებლობიდან გამომდინარე, გარკვეულ, ძნელად მოსახსნელ ადგილებში, გამოყენებულია შესაბამისი მექანიკური საბურღ-სატეხი საშუალება, რაც დასაშვებია პროფესიული პრაქტიკის ფარგლებში, რომელიც არ უქმნის საფრთხეს ძეგლის კონსტრუქციულ მდგრადობასა და არ იწვევს მის დაზიანებას.სამუშაოები მიმდინარეობს არქეოლოგისა და დარგის შესაბამისი სპეციალისტების მუდმივი ზედამხედველობის ქვეშ, პროცესის თითოეული ეტაპის დოკუმენტირებითა და კონტროლით“, – აღნიშნულია განცხადებაში.
1776591091
საქართველოს კულტურის მინისტრი თინათინ რუხაძე UNESCO-ს გენერალურ დირექტორს, ხალედ ელ-ენანის შეხვდა
საფრანგეთში სამუშაო ვიზიტის ფარგლებში, საქართველოს კულტურის მინისტრი თინათინ რუხაძე UNESCO-ს გენერალურ დირექტორს, ხალედ ელ-ენანის შეხვდა. შეხვედრისას აღინიშნა UNESCO-ს მნიშვნელოვანი წვლილი საქართველოს კულტურული მემკვიდრეობის, მრავალფეროვანი კულტურის შენარჩუნებისა და პოპულარიზაციის საქმეში. განსაკუთრებული ყურადღება დაეთმო ქართული კულტურის საერთაშორისო აღიარებას, მათ შორის, 2025 წელს ქართული ხორბლის კულტურის - ტრადიციებისა და რიტუალების UNESCO-ს არამატერიალური კულტურული მემკვიდრეობის ნუსხაში შეტანას და 2026 წლის ახალ ნომინაციას - „ქართული ცხენოსნური თამაშები - ისინდი, ცხენბურთი, ყაბახი, მარულა“. აღინიშნა, რომ მზადდება ნომინაცია დმანისის ჰომინიდების ძეგლის მსოფლიო მემკვიდრეობის ნუსხაში წარსადგენად.შეხვედრაზე განიხილეს UNESCO-სთან თანამშრომლობის ფარგლებში დაგეგმილი ღონისძიებები, მათ შორის, 2026 წელს კულტურული მრავალფეროვნების დღისა და არამატერიალური კულტურული მემკვიდრეობის საერთაშორისო დღის აღნიშვნაში საქართველოს აქტიური მონაწილეობა, ასევე, 2027 წელს ილუსტრატორისა და მხატვრის, მიხაი ზიჩის იუბილეს უნგრეთთან ერთად აღნიშვნის საკითხი. ყურადღება დაეთმო საქართველოს ჩართულობას „MONDIACULT 2025-ში" და ხაზი გაესვა კულტურული მემკვიდრეობის დაცვის მნიშვნელობას კრიზისულ ვითარებებში. ყურადღება გამახვილდა კულტურული უფლებებისა და კულტურის ეკონომიკის მიმართულებით საქართველოს მიღწევებსა და გამოწვევებზე.საუბარი შეეხო საქართველოს მიერ განხორციელებულ პროექტებს კულტურული მემკვიდრეობის დაცვის კუთხით, მათ შორის, გელათის მონასტრის სარეაბილიტაციო პროცესს, რომელიც UNESCO-ს მსოფლიო მემკვიდრეობის კომიტეტთან და შესაბამის საკონსულტაციო ორგანოებთან თანამშრომლობით მიმდინარეობს. ისაუბრეს მცხეთაში UNESCO-ს ექსპერტთა მისიის შესახებ. ხაზი გაესვა კულტურის მნიშვნელობას მდგრადი განვითარების მიზნების მიღწევისა და მშვიდობის ხელშეწყობის პროცესში და აღინიშნა UNESCO-ს მნიშვნელოვანი როლი ამ მიმართულებით. მხარეებმა ხაზი გაუსვეს კულტურის სფეროში ერთობლივი პროექტების მნიშვნელობას და თანამშრომლობის გაგრძელების მზადყოფნა დაადასტურეს.თინათინ რუხაძემ UNESCO-ს გენერალური დირექტორი საქართველოში მოიწვია. შეხვედრაზე შეთანხმდნენ, რომ ხალედ ელ-ენანი საქართველოს სამუშაო ვიზიტით უახლოეს მომავალში ეწვევა.შეხვედრას ესწრებოდნენ საქართველოს კულტურის სამინისტროს საერთაშორისო ურთიერთობების დეპარტამენტის უფროსი ზურაბ ბაკურაძე და საქართველოს საგანგებო და სრულუფლებიანი ელჩი საფრანგეთის რესპუბლიკაში, საქართველოს მუდმივი წარმომადგენელი UNESCO-ში ირაკლი ყურაშვილი.
1776349260
ელისო ბოლქვაძემ უმაღლეს საბჭოს აჭარის კულტურის სამინისტროს საქმიანობის ანგარიში წარუდგინა
აჭარის კულტურის მინისტრმა, ელისო ბოლქვაძემ უმაღლესი საბჭოს პლენარულ სხდომაზე, „მინისტრის საათის“ ფორმატში სამინისტროს გასული წლის საქმიანობის ანგარიში წარადგინა. სხდომას უმაღლესი საბჭოს თავმჯდომარე, ცოტნე ანანიძე უძღვებოდა.მინისტრმა ისაუბრა აჭარის რეგიონში კულტურის სფეროს განვითარების მიმართულებით განხორციელებულ და მიმდინარე პროექტებზე.კულტურის სამინისტროს გასული წლის ბიუჯეტი 44 მილიონ ლარს შეადგენდა, აქედან 41 მილიონი პროგრამულ დაფინანსებაზე იყო გათვალისწინებული, რომლის ფარგლებში განხორციელდა პროგრამები და ქვეპროგრამები შემდეგი მიმართულებით -კულტურის პოპულარიზაცია და შემოქმედებითი პროცესების მხარდაჭერა, კულტურის ორგანიზაციების განვითარება, ფოლკლორის პოპულარიზაცია, კულტურის სფეროს წარმომადგენელთა პროფესიული განვითარება, კულტურული მემკვიდრეობის დაცვა, განვითარება და პოპულარიზაცია, მუზეუმებისა და გალერეების განვითარება, სასცენო და სამუსიკო ხელოვნების ხელშეწყობა, ლიტერატურული ცხოვრების განვითარებისა და სახელოვნებო განათლების ხელშეწყობა.დაფინანსდა სახალხო დღესასწაულები, გაიმართა აჭარის სიმღერისა და ცეკვის ბავშვთა ფოლკლორული ანსამბლების ოლიმპიადა, რომელშიც 80-მდე ფოლკლორული ანსამბლი და 2000-მდე შემსრულებელი მონაწილეობდა, სასცენო სამოსი და აქსესუარები გადაეცა 6 ანსამბლის 350 შემსრულებელს, ეროვნული სამოსი და ხალხური საკრავები გადაეცათ ხულოს, შუახევის, ქედის, ხელვაჩაურის და ქობულეთის მუნიციპალიტეტების კულტურის ცენტრებს, ასევე, სალოტბარო სკოლებს.კულტურის პოპულარიზაციისა და შემოქმედებითი პროცესების მხარდაჭერის პროგრამის ფარგლებში 2025 წელს დაფინანსდა 20 ფესტივალი, 24 შემოქმედებითი პროექტი და 20-მდე კულტურული ინიციატივა. განხორციელებული პროექტები მოიცავდა კულტურის სხვადასხვა მიმართულებას და ასაკობრივ ჯგუფს. სამინისტროს პროგრამებისა და ქვეპროგრამების განხორციელებაში მონაწილეობდნენ სამინისტროს სისტემაში შემავალი ორგანიზაციები (9 სსიპ და 9 ააიპ). წლის განმავლობაში განხორციელდა 700-მდე კულტურული ღონისძიება.მინისტრმა ყურადღება გაამახვილა ახალგაზრდების ხელშემწყობ პროექტებზე, ხელოვანთა პროფესიულ გაძლიერებაზე, ინკლუზიური სახელოვნებო განათლების განვითარებაზე, საერთაშორისო პროექტებსა და კულტურის ორგანიზაციების ინსტიტუციური გაძლიერების საკითხებზე.ელისო ბოლქვაძის განცხადებით, აჭარის მთავრობის მხარდაჭერით, კულტურის სამინისტრო განახლებული პროგრამებითა და სტრატეგიულ პრიორიტეტებზე დაფუძნებული ინიციატივებით აქტიურად განაგრძობს კულტურის სფეროს განვითარებას.მისივე თქმით, სამინისტროს 2026 წლის ბიუჯეტი გასულ წელთან შედარებით 8 მილიონი ლარით არის გაზრდილი და 52 მილიონ ლარს შეადგენს, რომლის ფარგლებში გაგრძელდება რეგიონში კულტურის პოლიტიკის გაძლიერება.მინისტრმა განსაკუთრებული მადლობა გადაუხადა აჭარის მთავრობის თავმჯდომარეს, სულხან თამაზაშვილს, კულტურის სამინისტროს მუდმივი მხარდაჭერისთვის და აღნიშნა, რომ ერთობლივი მუშაობით, რომელიც დაფუძნებულია ეროვნულ ღირებულებებზე, აჭარა სულ მალე გახდება მსოფლიო კულტურული ჰაბი, ქვეყნის საკეთილდღეოდ.მოხსენების შემდეგ მინისტრმა უპასუხა კანონმდებლების შეკითხვებს. უმაღლესმა საბჭომ ანგარიში ცნობად მიიღო.
