1747027370

როგორ აღმოჩნდა ლეონარდო დიკაპრიო Met Gala-ს კულისებში - ნახეთ აქამდე უცნობი ფოტო

 მეთ გალა 2025“ კვლავ მსოფლიო მედიის ყურადღების ცენტრშია  ცოტა ხნის წინ ცნობილი გახდა, რომ მოდის ინდუსტრიის ერთ-ერთ ყველაზე პრესტიჟულ მოვლენას ლეონარდო დიკაპრიო საიდუმლოდ ესწრებოდა. მართალია, მსახიობი წითელ ხალიჩაზე არ გამოჩენილა, თუმცა ღონისძიებას მოგვიანებით, საქველმოქმედო ვახშამზე შეუერთდა.აღსანიშნავია, რომ ეს პირველი შემთხვევაა, როდესაც დიკაპრიო მეთ გალას დაესწრო. ის მოდელ ვიტორია ჩერეტისთან ერთად იმყოფებოდა. გამოცემა „ფეიჯ სიქსის“ ინფორმაციით დიკაპრიო და 26 წლის იტალიელი მოდელი ერთად 2023 წლის აგვისტოდან არიან. თავად წყვილი ამ თემაზე საჯაროდ საუბარს ერიდება. 

1746126348

(ფოტოები) "სოფი ლორენის შვილი მცხეთაში მოინათლა და გაბრიელი დაერქვა..." - ნახეთ, რას წერს მამა გაბრიელის სულიერი შვილი

იტალიელი დირიჟორი კარლო პონტი მართლმადიდებლად მოინათლა. თქვენ იცით, რომ კარლო მსოფლიო ლეგენდის - სოფი ლორენისა და ასევე ლეგენდარული რეჟისორის - კარლო პონტის უფროსი ვაჟია.56 წლის მუსიკოსს ქართველი საცოლე ჰყავს. მარიამ შარმანაშვილსაც იცნობს ქართველი (და უკვე მსოფლიო) პუბლიკა.წყვილმა პანდემიის დროს ინტერნეტით გაიცნო ერთმანეთი. მალე ქართველ ქალზე თავდავიწყებით შეყვარებული კარლო საქართველოში ჩამოვიდა. მას შემდეგ წყვილი თავს ბედნიერად გრძნობს. სხვადასხვა ქვეყნებში მოგზაურობენ, როცა კი ამის საშუალებას დირიჟორის გრაფიკი იძლევა. მარიამი რამდენიმე თვის წინ იტალიელი ვარსკვლავის 90 წლის საიუბილეო საღამოზე იმყოფებოდა და სადედამთილოს პირადად მიულოცა დაბადების დღე. გუშინ კი, მცხეთის სამთავროს მონასტერში კარლო მოინათლა. მას ჩვენი წმინდა მამის, მამა გაბრიელის პატივსაცემად დაერქვა გაბრიელი. "მეგობრებო, საოცარი რამ მოხდა სამთავროს მონასტერში. გუშინ მოინათლა სოფი ლორენის შვილი და მას დაერქვა გაბრიელი. ქორწილს აქ აპირებს და როგორც ითქვა, ქორწილში სოფი ლორენი ჩამოდის" - წერს ფეისბუქზე მალხაზ ჯინორია, მამა გაბრიელის სულიერი შვილი. 

1746105660

მსოფლიო მოდის ბაზარზე ტირანოზავრი რექსის „ტყავისგან“ დამზადებული ჩანთები გამოვა

რამდენიმე კომპანია გაერთიანდა იმისთვის, რომ მოდის ბაზარზე ტირანოზავრი რექსის (Tyrannosaurus rex) „ტყავისგან“ დამზადებული პრემიუმ კლასის ჩანთები გამოვიდეს.სპეციალისტები აღნიშნავენ, რომ ეს, რა თქმა უნდა, არ იქნება ტირანოზავრი რექსის ნამდვილი ტყავი. მას ლაბორატორიაში შექმნიან, ის ეკოლოგიურად სუფთა პროდუქტად და ბუნებრივი ტყავის ალტერნატივად უნდა იქცეს.პროექტის ირგვლივ გაერთიანდნენ სააგენტო VML, ბიოტექნოლოგიური კომპანიები Lab-Grown Leather Ltd და The Organoid Company. ისინი აპირებენ შექმნან ახალი მასალა ტირანოზავრის გაქვავებული კოლაგენის მეშვეობით. მეცნიერები ახალ მასალას ხელოვნურად შექმნილი დნმ-ის საფუძველზე დაამზადებენ. ნამდვილი ტირანოზავრის ტყავის მიღება შეუძლებელია, რადგან მისი დნმ არ არსებობს. სპეციალისტები მის ხელოვნურად შექმნას ტირანოზავრის ძვლებში აღმოჩენილი კოლაგენის საფუძველზე აპირებენ.კომპანიები, რომლებიც ამ პროექტზე მუშაობენ აღნიშნავენ, რომ ლაბორატორიაში შექმნილი ახალი ტყავი არა მარტო ერთგვარ ისტორიას მოიცავს, არამედ ის მოდის ინდუსტრიაში მეტი ეთიკურობის შეტანას გულისხმობს. კომპანიები აღნიშნავენ, რომ ახალი ტყავის მეშვეობით დატვირთვა გარემოზე შემცირდება.

1746095962

ევროვიზია 2025-ზე საქართველოს ჟიურის ქულებს ნუცა ბუზალაძე გამოაცხადებს

17 მაისს, ევროვიზია 2025-ის ფინალურ შოუზე საქართველოს ჟიურის ქულებს ნუცა ბუზალაძე გამოაცხადებს.ნუცა ბუზალაძე საქართველოს ევროვიზია 2024-ზე, სიმღერით Firefight წარადგენდა, სადაც ფინალურ შოუზე 21-ე ადგილი დაიკავა.ევროვიზია 2025-ზე საქართველოს მარიამ შენგელია, სიმღერით Freedom წარადგენს, რომელიც მეორე ნახევარფინალურ შოუზე, 15 მაისს წარდგება მაყურებლის წინაშე.წლევანდელი სიმღერის კონკურსი 13, 15 და 17 მაისს შვეიცარიის ქალაქ ბაზელში გაიმართება, რომლის პირდაპირ ტრანსლაციას ტრადიციულად პირველი არხი შემოგთავაზებთ.

1746094024

ამერიკელი მომღერალი და კომპოზიტორი მაიკლ ბოლტონი სიმსივნეზე მკურნალობის შემდეგ „სიცოცხლისთვის მადლიერია“

ამერიკელი მომღერალი და კომპოზიტორი მაიკლ ბოლტონი ამბობს, რომ სიმსივნეზე მკურნალობის შემდეგ მას „სიცოცხლის მიმართ მადლიერების გრძნობა გაუმძაფრდა“. ინფორმაციას CNN-ი ავრცელებს.72 წლის მომღერლის თქმით, მას შემდეგ, რაც მან გაიგო, რომ თავის ტვინის სიმსივნის დამარცხება შეძლო, სიცოცხლისადმი ახალი სიყვარული და მადლიერების გრძნობა გაუჩნდა.თავის ტვინის სიმსივნე (გლიობლასტომა) მას 2023 წელს დაუდგინეს. ექიმებმა სიმსივნის მთლიანად ამოჭრა შეძლეს, თუმცა შარშან ბოლტონს თავის ტვინზე მეორე ოპერაციის ჩატარება დასჭირდა ინფექციის განვითარების გამო.ქიმიოთერაპიისა და სხივური თერაპიის კურსი ბოლტონმა ოქტომბერში დაასრულა. ახლა ის ორ თვეში ერთხელ მაგნიტურ რეზონანსულ ტომოგრაფიას იკეთებს, რათა დაავადების რეციდივი არ გამორჩეს. ბოლტონის თქმით, მკურნალობის დროს მეტ დროს ის სახლში სამ ქალიშვილთან და ექვს შვილიშვილთან ერთად ატარებდა.„ყოველთვის, როდესაც თქვენ რთულ სიტუაციაში აღმოჩნდებით, იმის გააზრება, რომ მარტო არ ხართ, ძალიან ბევრს ნიშნავს“, - განაცხადა ბოლტონმა.მაიკლ ბოლტონი 1990-ი წლების ლეგენდარული მომღერალია. მისი სიმღერები «When a Man Loves a Woman» და «How Am I Supposed to Live Without You?» ნამდვილ ჰიტებად იქცა.

1746090179

პარიზში იმ ათი ადამიანის სასამართლო პროცესი მიმდინარეობს, რომლებიც კიმ კარდაშიანის გაქურდვაში არიან ბრალდებულები

პარიზში იმ ათი ადამიანის სასამართლო პროცესი დაიწყო, რომლებიც პარიზში 2016 წელს კიმ კარდაშიანის გაქურდვაში არიან ბრალდებულები. ინფორმაციას BBC-ი ავრცელებს.კიმ კარდაშიანს, რომელიც პარიზის მოდის კვირეულზე იყო ჩასული, ათი მილიონი დოლარის ღირებულების ძვირფასეულობა წაართვეს.13 მაისს კიმ კარდაშიანი მომხდართან დაკავშირებით ჩვენებას მისცემს. სასამართლო პროცესს, რომელიც 23 მაისამდე გაგრძელდება, 400 ჟურნალისტი გააშუქებს.უცხოურმა პრესამ ბრალდებულებს „ბაბუა-მძარცველები უწოდეს“, რადგან ზოგიერთი მათგანი 80 წელს გადაცილებულია. ნაწილს კარდაშიანის გაქურდვაში ედება ბრალი, ნაწილს კი დანაშაულის ორგანიზების დახმარებაში.

1746011499

ლონდონში ჯანი ვერსაჩეს მიერ შექმნილი კოლექციების უმსხვილესი გამოფენა გაიმართება

16 ივლისს ლონდონის Arches London Bridge-ში ჯანი ვერსაჩეს მიერ შექმნილი კოლექციების უმსხვილესი გამოფენა გაიმართება. ინფორმაციას BBC-ი ავრცელებს.გამოფენაზე წარმოდგენილი იქნება 450-ზე მეტი ორიგინალური სამოსი, მათ შორის პრინცესა დიანასთვის, ქეით მოსისთვის, ელტონ ჯონისთვის, ნაომი კემპბელისთვის და ჯორჯ მაიკლისთვის შექმნილი კაბები და კოსტიუმები.ჯანი ვერსაჩე მისი თაობის ერთ-ერთი ყველაზე გავლენიანი დიზაინერი იყო. იგი 1997 წელს მოკლეს. ჯანი ვერსაჩეს სიკვდილის შემდეგ მისი საქმე მისმა დამ - დონატელა ვერსაჩემ გააგრძელა.„ჯანი ვერსაჩეს თამამმა, უკომპრომისო ხედვამ მოდის სფეროში რევოლუცია მოახდინა და ეს ქალაქი [ლონდონი], რომელიც კულტურითა და ხელოვნებით არის მდიდარი, იდეალური სცენაა მისი დანატოვრის საჩვენებლად“, - განაცხადა გამოფენის კურატორმა კარლ ფონ დერ აჰემ.

1745919080

დღეს, "რუსთავი 2-ზე", ახალი გრანდიოზული მეგა შოუ "საქართველოს ხმა" იწყება

"რუსთავი 2"-ის მთელი შემოქმედებითი გუნდი მორიგი გამოწვევისთვის ემზადება. დღეს, ახალი, ყველაზე მუსიკალური მეგა შოუ "საქართველოს ხმა" სტარტს იღებს.პირველად საქართველოში, მუსიკალური მეგა შოუს  სამი ქალი წამყვანი წარუძღვება. თიკა ფაცაცია, თაკო ჩორგოლაშვილი და მარიამ სანოგო იდგებიან ახალი პროექტის დიდ  სცენაზე და გაამხნევებენ კონკურსანტებს მაშინ, როდესაც ისინი ჟიურის და მაყურებლის შეფასების მოლოდინში იქნებიან.ქართული რეპერტუარი, გემოვნება და უნიკალური ვოკალური მონაცემები ის ძირითადი მახასიათებლებია, რომლითაც მონაწილეები ერთმანეთს უპირისპირდებიან.საქართველოს ხმას და ახალ ვარსკვალვს კი მაყურებელთან ერთად, სამი სუპერ პროფესიონალი ჟიურის წევრი - რუსა მორჩილაძე, დავით ფორჩხიძე  და გიორგი ძოწენიძე აღმოაჩენს.მონაწილეებს რამდენიმე ტურის გადალახვა მოუწევთ იმისთვის, რომ საუკეთესოთა ათეულში მოხვდნენ და ფილარმონიის დიდ სცენაზე პირდაპირ ეთერში ფართო აუდიტორიის წინაშე წარსდგნენ. თუმცა, აღსანიშნავია ისიც, რომ ჟიურის სამივე წევრს გააჩნია ერთი ოქროს ბილეთი, რომლის მოპოვების შემთხვევაში, მონაწილე ავტომატურად გამოტოვებს ორ ურთულეს საკონკურსო ეტაპს.29 აპრილიდან ყოველ სამშაბათს 22:00 საათზე, "რუსთავი 2"-ის საღამოს ეთერში შესაძლებლობა გექნებათ თვალი ადევნოთ იმ მუსიკალურ პროექტს, რომელიც ქართული სიმღერის უბადლო შემსრულებლებს გაგაცნობთ. საბოოლოდ კი ერთად გავიგებთ, ვინ გახდება ქვეყნის საუკეთესო ხმის მქონე გამარჯვებული, რომელსაც ჯილდოდ ბინა გადაეცემა.

1745766139

ამეტირა, თვალები ამეწვა, მაგრამ პასუხს აზრი არ ჰქონდა და აღარც გავეცი… - მაიკო კაჭკაშიშვილი ემოციურ პოსტს აქვეყნებს

კომპოზიტორი მაია კაჭკაჭიშვილი სოციალურ ქსელში ემოციურ პოსტს ავრცელებს."ძალიან რთული პროფესია მაქვს ძალიან. ფაქტიურად, სულის გაყიდვის ტოლფასი, რატომ?იმიტომ რომ რასაც წერ და რაც შენ არ გეკუთვნის, იმიტომ რომ შენ რომ გეკუთვნოდეს ყოველ წუთას დაწერდი!მუზა როდის მოვა მარტო ზემოდან იციან, ამიტომ დასანანია სიმღერის “გაყიდვა” მასზე ვინც არ იმსახურებს და სათანადოდ არ უვლის შენს შემოქმედებას !მაგრამ როცა სახლში პროდუქტი გაქვს საყიდელი ამ სისათუთეზე ვეღარ ფიქრობ და ამდენი ლამაზი სიმღერა გავფანტე უგზო-უკვლოდ!ისე მეწვის ყველაფერი, რომ ვერ ავხსნი!დათუნამ მკითხა, მას ორი საკუთარი სიმღერა აქვს დაწერილი უკვე, არ გენანება რომ სხვას აძლევო? მე ვერაფრით ვერ გავიმეტებო და ამეტირა თვალები ამეწვა, მაგრამ პასუხს აზრი არ ჰქონდა და აღარც გავეცი…..ამ ასაკში მენანება კი არა სასტიკად მენანება ყველა ის სიმღერა, რაც გავფანტე ფულის, ჰონორარის გამო, მაგრამ სხვა გზა არ იყო" - წერს მაია კაჭკაჭიშვილი.

1745695996

ჩინეთში რობოტი-კურიერი ავარიაში მოყვა და შემთხვევის ადგილიდან მიიმალა

ჩინეთში რობოტი-კურიერი მოპედს დაეჯახა და შემთხვევის ადგილიდან მიიმალა. კადრები ტელეგრამის არხმა No Limits-მა გამოაქვეყნა. ავარიის შესახებ ვიდეოც გავრცელდა.დაზიანებული მოპედის მძღოლის ბედი უცნობია.

1745616014

"ვესაუბრებოდი ღმერთს და ვთხოვდი დახმარებას. იმ დროს მასთან უფრო ახლოს ვგრძნობდი თავს" - როგორ გამოიყურება ახლა ბრაიან დიკონი ფილმიდან "იესო"

უკვე 47 წელი გავიდა მას შემდეგ, რაც გამოვიდა ფილმი, რომელმაც უამრავი ადამიანის ცხოვრება შეცვალა. ეს არის ფილმი იესოზე, რომელიც დაფუძნებულია ლუკას სახარებაზე.1979 წელს ეკრანებზე გამოსულ ფილმში მაცხოვრის სახეს ბრიტანელი მსახიობი ბრაიან დიკონი ასახიერებს. "იესო" 6 მილიარდზე მეტმა ადამიანმა 220 ქვეყანაში ნახა, კინო ისტორიაში ყველაზე ბევრჯერ ნანახი ფილმია. ვარაუდობენ, რომ სწორედ ამ ფილმმა მილიონზე მეტ ადამიანს შესძინა რწმენა, მოაქცია და გახადა ქრისტიანი. ბევრიც იესოს, სახით, ბრაიან დიკონს ამსგავსებენ. გთავაზობთ ბრაიანის ძველ ინტერვიუს. ვფიქრობთ, დაგაინტერესებთ.  ***- ბრაიან, იესოს როლისთვის ქასთინგი ათასობით მსახიობმა გაიარა, თქვენ დაგამტკიცეს. თუმცა, როგორც ცნობილია, თქვენი აგენტი ცოტათი ნერვიულობდა როლზე განაცხადის გამო...ბრაიან დიკონი: დიახ, ჩემმა აგენტმა დამირეკა და მითხრა: „გსურს ხვალ გაიარო ტესტირება და ქასთინგი იესოს შესახებ ფილმისთვის?“ მე ვუთხარი: „კი, რატომაც არა?! და რა როლზე?“ მან მიპასუხა: „იესოს სახის შესაქმნელად.“ 30 წლის მსახიობი გახლდით. ჩემი კარიერა საკმაოდ წარმატებული იყო და ვფიქრობ, რომ გამოწვევა ისეთი იყო, რომ უნდა მიმეღო. მაგრამ მე ვიცოდი, რომ მსახიობებს, რომლებმაც მაცხოვრის როლი შეასრულეს, სამომავლოდ კარიერის გაგრძელება აღარ სურდათ. ერთმა მითხრა: „ძალიან რთული იქნება სხვა როლებზე შენი დამტკიცება, რადგან შენ ითამაშე იესო“.ფილმი გამოვიდა, ამერიკაში მქონდა გასტროლები და ლოს-ანჯელესში აგენტმა მითხრა: „ძალიან რთული იქნება სხვა როლებზე შენი დამტკიცება, რადგან შენ იესო განასახიერე... გაუჭირდებათ შენი, მაგალითად, ბოროტმოქმედის ან შეყვარებულის როლში ხილვა“. უცებ მივხვდი, რომ გავლენის სფეროში ვიყავი; ფრთხილად უნდა ვყოფილიყავი ჩემს მიერ გაკეთებული სხვა არჩევანზე, რაც საკმაოდ მტკივნეული იქნებოდა. მე ვიფიქრე: „დიახ, ვიცი, რომ აქ იესოზე ვსაუბრობთ, მაგრამ მე ვარ მსახიობი, რომელიც ამა თუ იმ როლს ირგებს და ასეც უნდა აღვიქვათ.“ თუმც, სამწუხაროდ, ეს შემთხვევა ასე არ არის. ახლა მესმის რატომაც...- როგორ მოემზადეთ როლისთვის? ლუკას სახარება 20-ჯერ წაგიკითხავთ.- ოჰ, მეტჯერ. სახარებას, ალბათ, ყოველდღე ვკითხულობ, ყოველ საღამოს, გადაღებების შემდეგ. ფილმზე მომუშავე პერსონალი ძალიან საფუძვლიანად ეცნობოდა ყველაფერს. მათ ჰქონდათ დაახლოებით 300-გვერდიანი დოკუმენტური მასალა, რომელიც შედგენილი იყო სხვადასხვა რელიგიურ მკვლევართა მიერ და რომელიც გაძლევდა ზღვა ინფორმაციას. ლუკას სახარება საკმაოდ საფუძვლიანად წავიკითხე. მე უბრალოდ ვცდილობდი მენახა, რას ვგრძნობდი ამის შესახებ; რა მემართებოდა, როცა ემოციურად, ინტელექტუალურად ვკითხულობდი.მახსოვს, წავიკითხე ჯიმ კავიზელის (ქრისტეს როლის შემსრულებელი მელ გიბსონის ფილმში "ქრისტეს ვნებანი" - Passion Of The Christ) ინტერვიუ, სადაც ის ამბობს: „არ მგონია, ქრისტეს თამაში შეძლო, თუ ერთგული ქრისტიანი არ ხარ“. მე კი არ ვეთანხმები ამას, რადგან ყველა მსახიობმა გარკვეული სკეპტიციზმით უნდა შეასრულოს როლი.- როგორი იყო ისრაელში გადაღებების ის შვიდი თვე?კარგი დღეები იყო. ჩვეულებრივ დილის 4 საათზე ვიღვიძებდი, ადგომიდან 15 წუთის შემდეგ უკვე მსვამდნენ და მიკეთებდნენ მაკიაჟს, ცხვირის პროთეზირებას... შემდეგ ჩვენ გვქონდა სწრაფი შესვენება, რის შემდეგაც მანქანით საათ-ნახევრიანი გზით მივდიოდით გადასაღებ ლოკაციებზე. უკან ვბრუნდებოდით დაახლოებით საღამოს 7 საათისთვის. ასე რომ, გრძელი დღეები იყო. ასე იყო კვირაში ექვსი დღე. მკვდარი ზღვისკენ მიმავალ გზაზე 40 გრადუსი სიცხე იქნებოდა. საკმაოდ საინტერესო იყო ასეთ სიცხეში გარეთ ყოფნა და მთელი დღის მთის წვერზე გატარება.ჩვენ გვყავდა ორი რეჟისორი, რაც სამწუხარო იყო, რადგან გაქვს იმედი, რომ რეჟისორი, რომელიც ფილმს იწყებს, დაასრულებს კიდეც მას. და ვფიქრობ, ჩვენ გვყავდა სამი ან შესაძლოა ოთხი განათების სპეციალისტი და ოპერატორი. იყო დღეები, როცა უთანხმოებაც კი გვქონდა. ერთ დღეს "მოწაფეებიც" გაიფიცნენ (იცინის). ***ერთ ღამეს თელ-ავივის სასტუმროში დავბინავდი, მე-15 სართულზე ვიყავი და... ხანძარი გაჩნდა ქვედა სართულზე. ძალიან საშიში იყო, რადგან შენობის დატოვებას საჭიროება დადგა. და მეორე დღეს გავიცანი ბიჭი, ტომი; ზეთისხილის ხის ქვეშ ვისხედით და როგორც მახსოვს, ქადაგების სცენას ვიღებდით მთაზე. მან თქვა: ”მე გავიგე ხანძრის შესახებ სასტუმროში. თქვენ აქ აკეთებთ ღვთის საქმეს და, რა თქმა უნდა, ეს არ სიამოვნებს სატანას...“ ეს საკმაოდ შემაშფოთებელი აღმოჩნდა ჩემთვის და გავიფიქრე: „მე ნამდვილად არ მინდა, რომ პატარა ჭია მღრღნიდეს და ასე ვიფიქრო, რადგან მაშინ პარანოიდი გავხდები“.მე მესმის, რომ ბევრი იტყვის, რომ სწორედ ამიტომ იყო ფილმში ამდენი სირთულე, წინაღობები. რომ არსებობდნენ ადამიანები, ერთგვარი ძალები ან სულები, ან რაიმე სხვა, რომელთაც სურდათ ამ ფილმის გადაღების შეფერხება შეძლებისდაგვარად.- მინდა მიამბოთ იმ სცენებზე, რომლებმაც ყველაზე მეტად გაგაოცათ ან ყველაზე მეტად გაგიჭირდათ.- ხშირად ის სცენები, რომლებიც ყველაზე მეტად მაღელვებდა, ძალიან მარტივი იყო გადასაღებად. მაგალითად, 12 წლის გოგონას მკვდრეთით აღდგინება, ბრმა კაცის განკურნება. მსგავსი სცენები სამუშაოდ საკმაოდ ადვილად წავიდა... მათში იყო ჰუმანურობა. ყოველ ჯერზე, როცა ლუკას ვკითხულობდი, ამ ჰუმანურობას ვაწყდებოდი. როცა იესოს აპატიმრებენ გეთსიმანიაში, მან იცის, რომ ტკივილს განიცდის ისე, როგორც ყველა ჩვენგანი. ის რატომღაც არ არის განთავისუფლებული ამისგან. ემოციურად რთული იყო ჯვარცმის გადაღება. არავის უთქვამს, რა როგორ უნდა გამეკეთებინა ამ სცენაში. რაც შეეხება ინტერპრეტაციას, თავს საკმაოდ დამოუკიდებლად ვგრძნობდი. დიდი ხანია არ მინახავს, ​​მაგრამ ადრე ყოველთვის ვუყურებდი. მე ვხედავ ყველა შეცდომას, რაც ჩვენ დავუშვით და სასოწარკვეთილთ გვინდოდა ხელახლა მივბრუნებოდით იმ საქმეს. მაგრამ ამავდროულად ამ სურათს აქვს გული. ფილმში არის რაღაც, რაც სწვდება შინაგანს, მოდის ახლოს, და ეს მიგრძნია ყოველთვის, როცა კი მინახავს. ამ ფილმში არის რაღაც, რაც გიბიძგებს და აღწევს შენამდე.- ბრაიან, როგორ აღწერდით თქვენს სულიერებას დღეს.- ვიტყოდი, რომ ჯერ კიდევ ვეძებ. ვფიქრობ, ეს არის მოგზაურობა, რომელსაც მე ჯერ კიდევ ვაგრძელებ. მე საკმაოდ თავისუფლად ვიყავი აღზრდილი, როგორც კათოლიკე. მეგონა, რომ ჩვენ ყველანი ერთსა და იმავე სიმღერას ვმღეროდით, მაგრამ იმის მოსმენა, რომ ქრისტიანული ეკლესიის შიგნით კამათობენ სხვადასხვა ინტერპრეტაციების შესახებ - ამან თავი გამანება, უნდა ვთქვა.მაგრამ მე არასოდეს მიმიტოვებია რწმენა. ეს ძალიან ჩემია... ქრისტიანობაში არაფერია ისეთი, რაშიც პრობლემას ვხედავდე. ვფიქრობ, ათი მცნება საკმაოდ კარგი სისტემაა ყველა ჩვენგანისთვის, რომ ვიცხოვროთ მისი მიხედვით. იქ არაფერია რთული; ის გეუბნებათ, როგორ წარმართოთ კარგი ცხოვრება. ჩემი რწმენა, მე ვფიქრობ, რომ ჯერ კიდევ ქრისტიანულ მოძღვრებაზეა დაფუძნებული, თუმცა სხვა სარწმუნოებებშიც  არის საკმაოდ გონივრული რამეები. ეს ყოველთვის პირადი საქმე იყო ჩემთვის.ფილმის გადაღების დროს ნამდვილი მორწმუნე ვიყავი, ისე, როგორც არასდროს. საკუთარ თავში გარკვეული საკითხების დაყენება მომიწია. იყო მომენტები, როცა თავს, ემოციური კუთხით, საკმაოდ უხერხულად ვგრძნობდი. მე ვუბრუნდებოდი სახარებას და იმ დროს ვესაუბრებოდი ღმერთს ან მამა ღმერთს და ვთხოვდი დახმარებას და ხელმძღვანელობას. დანამდვილებით არ ვიცი, იყო თუ არა ის ჩემ გვერდით, თუმცა იმ დროს, მე ღმერთთან უფრო ახლოს ვგრძნობდი თავს.პროდიუსერმა ჯონ ჰეიმანმა მითხრა, მე მჯერა, რომ შენ ღმერთი შეგეხო მხარზე და აგირჩია მის განსასახიერებლად… ეს იქნება ყველაზე მნიშვნელოვანი როლი, რომლის შესრულებასაც ოდესმე აპირებო. რა თქმა უნდა, არ მინდოდა ამის დაჯერება. ეს ჩემი კარიერის დასასრულს ნიშნავდა. მაგრამ მე მესმოდა, რასაც მეუბნებოდა და იმ დროს საკმაოდ გამიჭირდა ამ აზრის მიღება ან უარყოფა.ალბათ, მინდა ვიფიქრო, რომ, დიახ, არის რაღაც მიღმა; არსებობს უმაღლესი ძალა, რომელიც არის ყოვლისმცოდნე, ყოვლისშემძლე და გვეხმარება, თუ დახმარებას ვითხოვთ. მაგრამ მე უბრალოდ არ შემიძლია ბოლო ნაბიჯის გადადგმა. ამაზე მეტს ნამდვილად ვერ ვიტყვი. ასევე, მე არ შემიძლია დავიჯერო, რომ ღმერთი არსებობს, თუკი ის არ არის - კეთილი, მზრუნველი და გამგები, რადგან ის არის ყოვლისმცოდნე და ყოვლისშემძლე. მაგრამ თუ ის ეს ყველაფერია, აბა, მაშ ჯოჯოხეთის ცეცხლი და წყევლა? რატომ შექმნა ღმერთმა სისტემა, რომელიც მარადიულად იწვის? ვიღაც იწვის, მეორე კი სამოთხეში ცხოვრობს? რატომ სურს ღმერთს ამის გაკეთება? აი, აქ ვხვდები, რომ ვერ მივუახლოვდი ამ თემას.- და ამდენი წლის შემდეგ, ამ გადმოსახედიდან რას ფიქრობთ, განასახიერებდით ისევ ქრისტეს?- ალბათ, იგივე ენთუზიაზმით, როგორც მაშინ. კიდევ ერთხელ განვიცდიდი, რომ ეს არის რთული როლი და განსაკუთრებული შესაძლებლობა, რომელიც ძალიან ცოტა ადამიანს აქვს. დარწმუნებული ვარ, წავიკითხავდი, აღფრთოვანებული ვიქნებოდი, მოვყვებოდი ამბავს და მივცემდი ადამიანებს მისი ნახვის შესაძლებლობას. დღეს ბრაიანი 76 წლისაა... 

1745567160

Wednesday-ის მეორე სეზონის დაანონსებამ გულშემატკივრები გაანაწყენა

Wednesday-ის მეორე სეზონის გამოსვლის თარიღმა გულშემატკივრები გაანაწყენა, რადგან ის ორად არის გაყოფილი. დიახ, მიუხედავად იმისა, რომ ნეტფლიქსმა ცოტა ხნის წინ მსგავსი პრაქტიკისგან თავის შეკავება დაიწყო, Wednesday-ის მეორე სეზონი მაინც ორად იქნება გაყოფილი: პირველი ნაწილი 2026 წლის 6 აგვისტოს გამოვა, ხოლო მეორე ნაწილი - 3 სექტემბერს.მიზანი ცხადია - ნეტფლიქსს სურს, გამოწერა ორი თვის გაახანგრძლივოთ და თუნდაც მხოლოდ ამ შოუსთვის დაბრუნდეთ პლატფორმაზე.ორივე ნაწილი 4-4 ეპიზოდს მოიცავს. ზუსტად ისე, როგორც პირველ სეზონში, თუმცა ამჯერად სერიებს შორის ერთი თვეა წყვეტა. ნეტფლიქსი ადრე ამას ძირითადად იმ შემთხვევაში აკეთებდა, თუ გადაღებები დაგეგმილზე დიდხანს გრძელდებოდა. თუმცა, ბოლო წლებში ისინი მსგავს პრაქტიკას უფრო ხშირად მიმართავენ. ძირითადად მიზეზის გარეშე, უბრალოდ გამოწერის ხანგრძლივობის გასაზრდელად.ნეტფლიქსმა თარიღის გამოცხადებასთან ერთად, ახალი თიზერიც გაავრცელა.  "ვენსდეი ადამსი (ჯენა ორტეგა) ბრუნდება და კვლავ ნევერმორის აკადემიის გოთიკურ დერეფნებში დააბიჯებს, სადაც ახალი საფრთხეები და გამოწვევები ელოდება. ამ სეზონში ვენსდეის მოუწევს გაუმკლავდეს ოჯახურ პრობლემებს, მეგობრებსა და ძველ მტრებს, რაც მას ახალ, ბნელ და უჩვეულო ქაოსში ჩაითრევს. ვენსდეის სარკაზმული გონება და უემოციო ხიბლი კვლავ მის განუყრელ "იარაღად" რჩება. მას ახალი, საზარელი ზებუნებრივი საიდუმლოს ამოხსნა მოუწევს" - ვკითხულობთ მეორე სეზონის ოფიციალურ სინოფსისში.მეორე სეზონი უფრო მეტად ვენსდეის ოჯახზე კონცენტრირდება, მათ შორის, ეკრანზე გამოჩნდება გაზრდილი პაგსლი. სერიალს ბევრი ახალი მსახიობი შემოუერთდება(დიახ, თიზერში სტივ ბუშემი იყო).Wednesday კიდევ ერთხელ ამტკიცებს, რომ რთულია წინასწარ განსაზღვრო, რომელი შოუ გახდება ჰიტი ნეტფლიქსზე - სერიალს ასეთ წარმატებას ბევრი ვერ უწინასწარმეტყველებდა. და აი, დღეს ის სტრიმინგ ეპოქის ერთ-ერთ ყველაზე ყურებად შოუდ მოგვევლინა.