1761224512

მედია: ბერლინის ერთ-ერთი ცნობილი „დრაგ ქუინის“ წინააღმდეგ გამოძიება ბავშვთა პორნოგრა

გერმანული მედია ბერლინის ერთ-ერთი ცნობილი „დრაგ ქუინის“ Jurassica Parka-ს შესახებ სტატიას აქვეყნებს, რომლის წინააღმდეგაც გამოძიება ბავშვთა პორნოგრაფიის გავრცელებისა და შენახვის ბრალდებით მიმდინარეობს.როგორც სტატიაშია აღნიშნული, ის ბერლინის ერთ-ერთი ყველაზე ცნობილი „დრაგ ქუინია“, ხოლო ახლა მის მიმართ მძიმე ბრალდებები გაჩნდა.თავდაპირველად გავრცელდა ჭორი, რომ პოლიციამ მის ბინაში ჩხრეკა ჩაატარა. მოგვიანებით, ბერლინის პროკურატურის პრესსპიკერმა გამოცემა Berliner Zeitung-თან საუბარში დაადასტურა, რომ: „2025 წლის ივლისის დასაწყისში, ბერლინის პოლიციის თანამშრომლებმა პროკურატურის დავალებით ბავშვთა პორნოგრაფიის გავრცელებისა და შენახვის ეჭვის საფუძველზე, ბერლინში ეჭვმიტანილის საცხოვრებელი სახლი გაჩხრიკეს - მას ბრალად ბავშვთა პორნოგრაფიის გავრცელება და შენახვა ედება“.სტატიაში აღნიშნულია, რომ ამის შესახებ ინფორმაცია ამერიკის შეერთებული შტატებიდან მოვიდა. როგორც პროკურატურის პრესსპიკერმა განაცხადა, გამოძიება ჯერ დასრულებული არ არის და ამ საქმესთან დაკავშირებით უდანაშაულობის პრეზუმფცია მოქმედებს.თავად ეჭვმიტანილის ადვოკატმა განაცხადა, რომ გამოძიებასთან დაკავშირებით კომენტარს არ გააკეთებდა. მანვე აღნიშნა, რომ ჯერ მისთვის არცერთი ბრალდება არ წაუყენებიათ და არც განაჩენი გამოუტანიათ.

1760993297

"ასაკში ვისწავლე, რომ ადამიანებს არ სჭირდებათ სიმართლის მოსმენა" - რუსა მორჩილაძე

მუსიკოსი რუსა მორჩილაძე ყოველთვის აქტიურად მუშაობს ახალ კომპოზიციებზე და მის მიერ შექმნილი ყველა სიმღერა ჰიტი ხდება. რუსა ახლა გრანდიოზული კონცერტისთვის ემზადება, რის შესახებაც  «პრაიმ ტაიმთან» ისაუბრა. - ვფიქრობ, რა მინდა და მგონი, მინდა, ჩემი საავტორო კონცერტი. არაჩვეულებრივი და გრანდიოზული უნდა იყოს ეს საღამო. ბევრი პრობლემა არის მოსაგვარებელი და ამ პრობლემების მოგვარებაში წავა დრო. პირველ რიგში, ფინანსური პრობლემებია მოსაგვარებელი, უფულოდ კარგი არაფერი არ გაკეთდება. ცუდები კეთდება და არ მომწონს. მე ისეთი მინდა, რომელიც მე მომეწონება და მაგას ბევრი ფული უნდა.- როგორც ტიტულიანი და არაერთი ჰიტის ავტორ-შემსრულებელი, როგორ შეაფასებთ ქართულ შოუბიზნესში არსებულ მდგომარეობას? - რომ ვუყურებ შოუბიზნესში რაც ხდება, 80 % მე არ მომწონს. თითქოს ხელი აკლია. გასაცხრილი და მოსაჭიმია ყველაფერი. უგემოვნობა შეერია შოუბიზნესს. უკეთესი შეგვიძლია.- რუსა არასდროს საუბრობთ შვილზე, როგორი დედა ხართ?- მეგონა, რომ კარგი დედა ვიყავი, მაგრამ ახლა გადავხედე ჩემს დედობას და აზრი შემეცვალა. მკაცრი დედა არ ვიყავი და ვფიქრობ, სიმკაცრე საჭიროა. ჩემს შვილს არ უყვარს დიდად, მასზე რომ ვსაუბრობ, ამიტომ თავი დამანებეთ. - მის არჩევანში თუ ერევით? - არასდროს ჩავრეულვარ მის არჩევანში, იმიტომ რომ კარგი გემოვნება აქვს.- თქვენ ცნობილი ხართ თქვენი პირდაპირობით, ახლა ხომ არ ნანობთ ხასიათის ამ თვისებას?- ასაკში ვისწავლე რომ ადამიანებს არ სჭირდებათ სიმართლეების მოსმენა და უნდა იყო შენთვის წყნარად. პირდაპირობა არაა საჭირო, რადგან ამის გამო ბევრჯერ მინანია.

1760948589

„44 წლის ასაკში ყველას დაუმტკიცა, რომ ცდებოდნენ...“ - ადრიანა ლიმას მზადება Victoria Secret-ის შოუსთვის

 „ვიქტორია სეკრეტის“  ახალი შოუ კვლავ მსოფლიო მედიის ყურადღების ცენტრშია.  ალბათ, არ გაგიკვირდებათ თუ გეტყვით, რომ განსაკუთრებით დიდი გამოხმაურება პოდიუმზე ადრიანა ლიმას გამოჩენას მოჰყვა.  44 წლის სუპერმოდელი ჩვენებაზე ორჯერ ვიხილეთ - პირველად მან ცეცხლის ინსპირაციით შექმნილი ფრთები და მბზინავი, გამჭვირვალე სამოსი მოირგო. მეორედ კი საზოგადოებას ვერცხლისფერ ფრთებსა და შავი ფერის ქალის თეთრეულში მოევლინა.სოციალური ქსელის მომხმარებლები აქტიურად წერენ, რომ სუპერმოდელმა დრო გააჩერა და მისთვის ასაკი დიდი ხანია მხოლოდ ციფრებადაა ქცეული.  როგორ ახერხებს ის იდეალური ფორმების შენარჩუნებას და რა არის ადრიანა ლიმას სილამაზის საიდუმლო - ეს ის კითხვებია, რომელსაც საზოგადოება ბოლო რამდენიმე დღეა აქტიურად სვამს.  ამ თემაზე ვრცლად სუპერმოდელმა გამოცემა „ვოგისთვის“ მიცემულ ინტერვიუში ისაუბრა.  ლიმამ გაამხილა ის, თუ როგორ ემზადებოდა ის „ვიქტორია სეკრეტის“ შოუსთვის. ადრიანა ლიმას თქმით,  ბოლო რამდენიმე წელია, რაც მისთვის სპორტდარბაზი ნამდვილ სახლად იქცა. გასულ წელს მან სოციალურ ქსელში ვიდეოც გაავრცელა, სადაც ჩანს თუ როგორ აკეთებს ის სხვადასხვა სახის ვარჯიშს. როგორც სუპერმოდელი ამბობს, ის უპირატესობას ანიჭებს ისეთ კარდიო ვარჯიშებს, როგორებიცაა: ფეხით სიარული საშუალო ტემპში  დაახლოებით 5 კმ. საათში,  ველოსიპედი, თოკის საშუალებით ვარჯიში და ა.შ.  ტრენერების თქმით, კარდიო ხელს უშლის ზედმეტი კილოგრამების მომატებას და სხეულს იდეალურ ფორმაში ამყოფებს. ასევე, ლიმას თქმით, ის დაკავებული იყო პილატესითა და კრივით.  სპორტდარბაზში გატარებული საათების პარალელურად, ადრიანა ლიმას საკმაოდ მკაცრი კვების რაციონი  აქვს.  როგორც ვიქტორია სეკრეტის ანგელოზმა განაცხადა,  ის დილას შვრიის ფაფით, ავოკადოს ტოსტითა და  პროტეინის შეიკით იწყებს. მის მოსამზადებლად ლიმა ისპანახს, ბანანსა და ნუშის რძეს იყენებს. ლანჩზე სუპერმოდელი გრილზე შემწვარ ქათამსა და ბოსტნეულის სალათს მიირთმევს, ხოლო ვახშამზე ორაგულს ან ტუნას. ასევე, ლიმა არც  მცირე რაოდენობით შოკოლადის მირთმევაზე ამბობს უარს. მოდელის თქმით, ხილისა და ტკბილეულის მიღება მას ენერგიას აძლევს და უფრო პროდუქტიულს ხდის.  სხვათა შორის,  გარკვეული პერიოდის განმავლობაში საერთაშორისო მედია აქტიურად წერდა, რომ ლიმამ ცხიმის მოშორების პროცედურას, სხვადასხვა ქირურგიულ ჩარევასა და  პლასტიკურ ოპერაციებს მიმართა. თუმცა, ეს ინფორმაცია 2023 წელს ლიმამ საჯაროდ უარყო და სოციალურ ქსელში ფილტრისა და მაკიაჟის გარეშე გადაღებული ვიდეო გამოაქვეყნა.  აქვე კიდევ ერთხელ უნდა აღვნიშნოთ ისიც, რომ ვიქტორია სეკრეტის ანგელოზი პოდიუმზე გამოსვლას არც ორსულობის პერიოდში ერიდებოდა. ის თამამ სამოსსაც ირგებდა და ხმამაღლა აცხადებდა, რომ „ორსულობისა და მშობიარობის შემდეგ მომატებული კილოგრამების არცერთ ქალს არ უნდა შერცხვენოდა“.  ლიმას ამ ნაბიჯმა მაშინ უამრავ ადამიანს მოტივაცია შემატა და საკუთარი თავის რწმენა დაუბრუნა. სუპერმოდელი გაჩერებას არც ახლა აპირებს, როგორც ლიმა ამბობს, უახლოეს მომავალში კიდევ არაერთ სტერეოტიპს დაამსხვრევს და დაამტკიცებს, რომ ქალები  ამქვეყნად ყველაზე ძლიერი და ლამაზი არსებები არიან.   

1760698100

ბრიჯიტ ბარდო ჰოსპიტალიზებულია

ფრანგული კინოს ლეგენდა და ცხოველთა უფლებების დამცველი, 91 წლის ბრიჯიტ ბარდო, ტულონის კერძო საავადმყოფოშია გადაყვანილი.როგორც ფრანგული მედია წერს, მსახიობს ჯანმრთელობის სერიოზული პრობლემები აქვს და ქირურგიული ჩარევა ჩაუტარდა.მისი მდგომარეობა ამჟამად სტაბილურია, თუმცა ექიმები კვლავ აკვირდებიან. მედიკოსების შეფასებით, მსახიობი კლინიკას რამდენიმე დღეში დატოვებს.

1760622840

Duolingo-მ ანიმე-სერიალი გამოუშვა

ენების შემსწავლელმა აპლიკაციამ Duolingo თავისი პირველ მინი-სერიალი გამოუშვა, სახელწოდებით „უკანასკნელი ტესტი“ (The Final Test). პროექტი აპლიკაციის სიმბოლოს - მწვანე ბუ დუოსა და მისი მეგობრების შესახებ ისტორიას წარმოადგენს.სერიალი ხუთი 60-წამიანი ეპიზოდისგან შედგება. ის ანიმე-სტილშია შესრულებული, იაპონური გახმოვანებით და სუბტიტრებით ცხრა ენაზე. მაყურებელი გაიგებს დუოს წარმოშობის ისტორიას და იმას თუ როგორ დაიწყო მისი მისია, რომლის მიზანიც ადამიანებისთვის უცხო ენების სწავლებაა.„უკანასკნელი ტესტის“ პრემიერა 13 ოქტომბერს შედგა. ეს კომპანიისთვის პირველი ექსპერიმენტია მოკლე სერიალის ფორმატში, რომელიც აერთიანებს სწავლას, იუმორსა და იაპონური ანიმაციის პოპ-კულტურულ ესთეტიკას.

1760602320

დაიან კიტონის ოჯახი მსახიობის გარდაცვალების მიზეზებზე საუბრობს

დაიან კიტონის გარდაცვალების შემდეგ მისი ახლობლები მსახიობის შესახებ საუბრობენ.PEOPLE-ისთვის ექსკლუზიურ განცხადებაში ოსკარის მფლობელი მსახიობის ოჯახმა დაადასტურა, რომ ის 11 ოქტომბერს პნევმონიით გარდაიცვალა. ოჯახმა ფანებს მხარდაჭერისთვის მადლობა გადაუხადა. „კიტონების ოჯახი ძალიან მადლიერია იმ არაჩვეულებრივი სიყვარულისა და მხარდაჭერისთვის, რომელიც მათ ბოლო რამდენიმე დღის განმავლობაში მიიღეს მათი საყვარელი დაიანის სახელით, რომელიც 11 ოქტომბერს პნევმონიით გარდაიცვალა“, - ნათქვამია განცხადებაში.ამერიკელი ოსკაროსანი მსახიობი, დაიან კიტონი 79 წლის იყო.კიტონს, რომელმაც პოპულარობა 1970-იან წლებში მოიპოვა, ცნობილ ფილმებში აქვს როლები შესრულებული, მათ შორის, "ნათლია," "ენი ჰოლი," "სიყვარული წესების გარეშე" და "პირველი ცოლების კლუბი".

1760602176

ტეილორ სვიფტმა საკუთარი რეკორდი მესამედ გაიმეორა

„ბილბორდის ცხელი ასეულის” 67 წლიან ისტორიაში, ტეილორ სვიფტმა ჩარტის ტოპ ათეული მესამედ დაიკავა. საქმე ისაა, რომ წინამორბედი ორი დისკის ჰიტების მსგავსად, იგივე ბედი გაიზიარა არტისტის ახალი ალბომის სიმღერებმაც.აღსანიშნავია, რომ სვიფტი ერთადერთი მომღერალია, რომელმაც 1956 წლიდან ამ დრომდე საკულტო ჰიტ აღლუმის საუკეთესო ათეულის ოკუპაცია სრულად, თან მესამედ მოახერხა. ამასთან, კრებულის თორმეტივე ჩანაწერი რეიტინგის თორმეტეულში მოხვდა.შეგახსენებთ, რომ ტეილორ სვიფტმა მეთორმეტე სტუდიური ალბომი – The Life of a Showgirl 3 ოქტომბერს გამოუშვა. სადებიუტო კვირაში ფირფიტის ოთხ მილიონზე მეტი ეგზემპლარი გაიყიდა. შედეგად, მან ახალი რეკორდიც დაამყარა, რაც გულისხმობს თანამედროვე ეპოქაში ალბომის ყველაზე მაღალი გაყიდვების მაჩვენებელს ერთ კვირაში. ის აქამდე ადელს ეკუთვნოდა.

1760595060

როგორ წარდგა Victoria’s Secret-ის შოუზე მატილდა გვარლიანი - კადრები

ქართველი მოდელი, მატილდა გვარლიანი, Victoria Secret-ის შოუზე ორჯერ გამოვიდა.Victoria’s Secret-ის დაბრუნება არა მხოლოდ მოდის მოყვარულთათვის, არამედ ბრენდის ისტორიისთვისაც მნიშვნელოვანი ეტაპია. ის ცდილობს კვლავ დაიბრუნოს თავისი ადგილი, როგორც თავდაჯერებულობისა და ქალურობის სიმბოლო, და დაამტკიცოს, რომ თუნდაც წლების შემდეგ, მისი ანგელოზები კვლავ მზად არიან მსოფლიოს პოდიუმი დაიპყრონ. ნახეთ, კადრები როგორ ჩაიარა VS-ის  ჩვენებამ: 

1760556580

ექსკლუზივი: „ვერასდროს ვიფიქრებდი, რომ ერთმანეთის მიმართ სიმპათიები გაგვიჩნდებოდა...“ - თიკა ჯამბურია პირადზე

ბიზნესის დაწყების შანსი ჩემმა შეყვარებულმა მომცა, ჩვენ ღრმა ბავშვობის მეგობრები ვართ,- მომღერალი თიკა ჯამბურია პირად ცხოვრებაზე პირველად «პრაიმ ტაიმთან» ალაპარაკდა. ვინც თიკას ადევნებს თვალყურს აშკარაა, რომ, ბოლო წლებში, ის სულ სხვანაირი გახდა, რადიკალურად შეიცვალა და საკუთარი ბიზნესიც დაიწყო. თიკამ საკუთარი კაფე გახსნა, სადაც სტუმრებს მისი რეცეპტით შექმნილი უგემრიელესი კერძებით და დესერტებით უმასპინძლდება. თიკას თქმით, მისი ცხოვრების რადიკალური ცვლილება სწორედ მისი შეყვარებულის დამსახურებაა. - ჩემმა შეყვარებულმა მომცა შანსი გამეკეთებინა ეს კაფე და დამეწყო საკუთარი ბიზნესი. როდესაც კულინარიულ პროექტში «მასტერშეფში» მივიღე მონაწილეობა, სწორედ მან გადამაწყვეტინა, დამეწყო ბიზნესი. ოთხი წელია, შეყვარებულები ვართ, მაგრამ არ უყვარს, როცა მასზე ვსაუბრობ და არასდროს მილაპარაკია ამაზე.- სად გაიცანით ერთმანეთი?- ძალიან ღრმა ბავშვობის მეგობრები ვართ. იმდენად მეგობრები ვიყავით, ვერასდროს ვიფიქრებდით, თუ სიმპათიები გაგვიჩნდებოდა. ოთხი წლის წინ, სულ სხვანაირი თვალით შევხედეთ ერთმანეთს და ძალიან კარგიც მოხდა. მისი დამსახურებაა, რომ მეორედ დავიბადე და თავიდან შევდექი ადამიანად. ქალს გვერდზე როგორი მამაკაცი ჰყავს, ამას ძალიან დიდი მნიშვნელობა აქვს.

1760513318

ცნობილი მომღერალი გარდაიცვალა

ამერიკელი R&B და ნეო-სოულ შემსრულებელი და პროდიუსერი დი'ენჯელო (ნამდვილი სახელი მაიკლ იუჯინ არჩერი) 51 წლისა გარდაიცვალა.მუსიკოსის ოჯახის მიერ გავრცელებულ განცხადებაში ნათქვამია, რომ ის ონკოლოგიურ დაავადებასთან „ხანგრძლივი და მამაცური ბრძოლის“ შემდეგ დაიღუპა.დი'ენჯელომ ​სამი ალბომი გამოუშვა: სადებიუტო Brown Sugar (1995 წელს), Voodoo (2000 წელს) და ბოლო ალბომი Black Messiah (2014 წელს). შემსრულებლის ყველაზე ცნობილ სიმღერებს შორის არის Untitled (How Does It Feel), Brown Sugar და Lady. მან ასევე შეასრულა სიმღერა Unshaken 2019 წელს გამოსული ვიდეოთამაშის Red Dead Redemption II საუნდტრეკისთვის.

1760427715

ტეილორ სვიფტი The Eras Tour-ის შესახებ დოკუმენტურ სერიალს და საკონცერტო ფილმს გამოუშვებს

ტეილორ სვიფტი თავისი მსოფლიო ტურნეს, The Eras Tour-ის შესახებ, ექვსსერიან დოკუმენტურ სერიალს და საკონცერტო ფილმს Disney+-ის პლატფორმაზე გამოუშვებს.Variety-ს ინფორმაციით, სერიალში სვიფტის მსოფლიო ტურის „ინტიმური ხედვა“ იქნება ნაჩვენები. ეპიზოდებში გამოჩნდებიან მომღერლის მუსიკოსები, ოჯახის წევრები და მეგობრები, მათ შორის ედ შირანი, საბრინა კარპენტერი და გრეისი აბრამსი.საკონცერტო ფილმი Taylor Swift | The Eras Tour | The Final Show ტურნეს ბოლო კონცერტზეა გადაღებული, რომელიც ვანკუვერში გაიმართა. მასში შევა ალბომის Tortured Poets Department-ის საკონცერტო ნაწილიც, რომელიც მომღერლის ბოლოსწინა ალბომს ეძღვნება და შოუს უკვე ტურნეს დაწყების შემდეგ დაემატა.ფილმისა და სერიალის პირველი ორი ეპიზოდის პრემიერა 12 დეკემბერს შედგება. ამის შემდეგ, პლატფორმაზე ყოველ ორ კვირაში ორი ახალი სერია გამოვა.ტეილორ სვიფტმა 2023 წელს უკვე გამოუშვა საკონცერტო ფილმი, რომელიც ამ მსოფლიო ტურნეს ეძღვნება - Taylor Swift: The Eras Tour, თუმცა, მასში არ მოხვდა შოუს ბოლო ნაწილი, სადაც სვიფტი 2024 წლის აპრილში გამოშვებული ალბომის, The Tortured Poets Department-ის, სიმღერებს ასრულებდა.The Eras Tour-ი 2023 წლის მარტში დაიწყო და 21 თვეს გაგრძელდა. ტურნეს ფარგლებში სვიფტმა 149 კონცერტი გამართა, რამაც მომღერალს $2 მილიარდის შემოსავალი მოუტანა. ეს ტურნე ისტორიაში ყველაზე შემოსავლიანი გახდა.

1760360330

„ბრიჯერტონის“ მეოთხე სეზონის გამოსვლის თარიღი ცნობილია

Netflix-მა თავისი ერთ-ერთი ყველაზე პოპულარული სერიალის „ბრიჯერტონის“ მეოთხე სეზონის პრემიერის თარიღი დაასახელა.სეზონი 2 ნაწილად არის დაყოფილი.პირველი ნახევრის ნახვას მაყურებელი 29 იანვარს, მეორის კი 26 თებერვალს შეძლებს.  Do we rise to the occasion or do we bury oneself deeper amidst society’s secrets? We shall find out soon enough… Bridgerton Season 4 shall arrive in two parts, Part 1: January 29; Part 2: February 26. pic.twitter.com/A9t8FDOC58 — Bridgerton (@bridgerton) October 13, 2025