შოუბიზნესი
1777357864
HBO-მ „დრაკონის სახლის“ მესამე სეზონის თრეილერი გამოაქვეყნა
სტრიმინგ სერვისმა HBO პოპულარული სერიალის, „დრაკონის სახლის“ მესამე სეზონის თრეილერი წარადგინა. ვიდეო HBO Max-ის ოფიციალურ YouTube-არხზე გამოქვეყნდა.სიუჟეტის ცენტრში ტარგარიენების დინასტიის შიგნით ძალაუფლებისთვის ბრძოლაა. წინა სეზონებში გაჩაღებული პოლიტიკური ინტრიგები ახალ ფაზაში გადადის - სასტიკ და დაუნდობელ ომში ტახტისა და გავლენისთვის.
1776603684
ოთო ნემსაძე, 4 მაისს, მსმენელს ახალ მუსიკალურ თავგადასავალზე ეპატიჟება
ოთო ნემსაძე და ჯგუფი LIMBO მსმენელს სრულიად ახალ მუსიკალურ თავგადასავალზე ეპატიჟება — სადებიუტო ალბომის „სხვა“ პრეზენტაციაზე.ეს იქნება განსაკუთრებული კონცერტი, სადაც პირველად ცოცხლად შესრულდება ალბომის კომპოზიციები. პროექტი აერთიანებს თანამედროვე ქართულ როკს და ალტერნატიულ ჟღერადობას, რომლებიც მუსიკას განსხვავებულ ატმოსფეროს სძენს.ალბომი „სხვა“ წარმოადგენს მუსიკალურ გზავნილს მათთვის, ვინც ეძებს ახალ ხმას ქართულ სცენაზე — უფრო გულწრფელს, უფრო თავისუფალს და უფრო ნამდვილს. კონცერტზე მსმენელს ელოდება ცოცხალი შესრულება, ახალი სიმღერები და განსაკუთრებული სცენური ენერგია, რომელიც ოთო ნემსაძის და LIMBO-ს მუსიკალურ ხელწერას განსაზღვრავს.ეს იქნება საღამო, სადაც მუსიკა, ემოცია და სცენური ძალა ერთ სივრცეში შეიკრიბება.კონცერტი გაიმართება მარჯანიშვილის თეატრის სცენაზე.პროექტის მხარდამჭერები არიან: საქართველოს კულტურის სამინისტრო, შემოქმედებითი საქართველო, თბილისის მერია, ავტობანი, ქონექთი, ლაიონ ტრანსი, ფეთვერსი, TKT.ge.საინფორმაციო მხარდაჭერა: რუსთავი 2, რადიო ფორტუნა.ბილეთების შესაძენად გადადით ლინკზე
1776432780
ლევის ჰამილტონი და კიმ კარდაშიანი ლოს-ანჯელესში დააფიქსირეს - ფოტოები
F1-ის ტიტულოვანი მრბოლელი ლევის ჰამილტონი და კიმ კარდაშიანი ლოს-ანჯელესში დააფიქსირეს.კიმი და ლევისი ერთმანეთს 2026 წლის თებერვლიდან ხვდება ერთმანეთს. ბევრს ეგონა, რომ მათი ურთიერთობა მხოლოდ დროებითი გატაცება იყო, თუმცა ჯერჯერობით როგორც ჩანს ეს ასე არ არის.პირიქით, წყვილმა ურთიერთობა ინსტაგრამზეც გაასაჯაროვა „In Relationship” სტატუსით.კიმ კარდაშიანი და ლევის ჰამილტონი ლოს-ანჯელესის ქუჩებში გამოჩენამდე, გასულ უქმეებზე ამერიკის ყველაზე მასშტაბურ ფესტივალს Coachella-ს სტუმრობდნენ და ჯასტინ ბიბერის გამოსვლას დაესწრნენ.ცნობისთვის, კიმ კარდაშიანი და ლევის ჰამილტონი ერთმანეთს 12 წელია იცნობენ და წლების განმავლობაში საკმაოდ ახლო და მეგობრული ურთიერთობა ჰქონდათ, რომელიც როგორც უკვე აღვნიშნეთ ამ წლის თებერვლიდან სასიყვარულო ურთიერთობად გადაიქცა.
1776429120
„საქართველო, მოვდივარ!“ - ალექსანდრე ზაზარაშვილი თბილისში სოლო კონცერტს გამართავს
მომღერალი ალექსანდრე ზაზარაშვილი, რომელიც 12 წლის ასაკიდან აშშ-ში ცხოვრობს, სოციალურ ქსელში სასიხარულო ინფორმაციას გვიზიარებს.იგი 10 მაისს, 18:00 საათზე თბილისში, ვახტანგ სალარიძის საკონცერტო დარბაზში კონცერტს გამართავს:„საქართველო, მოვდივარ! ჩემი პირველი სოლო კონცერტი თბილისში…დავიწყეთ ამერიკით, და უკვე, ჩემი ლამაზი ქვეყნის, ლამაზ დედაქალაქში გადმოვინაცვლეთ!10 მაისი, ჩემი ცხოვრების ერთ-ერთი ყველაზე მნიშვნელოვანი დღე იქნება!რამდენ შტატში ჩავატარეთ ეს კონცერტი და ასეთი გახარებული მგონი არც ერთზე არ ვყოფილვარ.ერთი სული მაქვს ყველას ჩაგეხუტოთ და მოგეფეროთ!“,- წერს ალექსანდრე ზაზარაშვილი.“,
1776177792
„შიმშილის თამაშების“ პრიქველის პირველი თრეილერი გამოქვეყნდა
სტუდიამ Lionsgate Movies „შიმშილის თამაშების“ პრიქველის - „მოსავლის განთიადის“ პირველი სრულფასოვანი თრეილერი გამოაქვეყნა. ფილმის სცენარი სიუზენ კოლინზის ახალ წიგნზეა დაფუძნებული, მოვლენები მასში ორიგინალურ ტრილოგიამდე 24 წლით ადრე ვითარდება. ფილმი ეკრანებზე 2026 წლის ნოემბერში გამოვა. მისი რეჟისორის ფრენსის ლოურენსია. სუთარში თამაშობენ: ჯოზეფ ზადა, მაია ჰოუკი, ჯესი პლემონსი, რეიფ ფაინსი, კირან კალკინი, მაკენა გრეისი, ელ ფანინგი და სხვები.სიუზენ კოლინზის ტრილოგიის „შიმშილის თამაშების“ ტრილოგიის ადაპტაცია ეკრანებზე 2012-2015 წლებში გამოდიოდა. ამ ფილმებმა შემოსავლების მხრივ არაერთი რეკორდი დაამყარეს და ფრანშიზა დღემდე სტუდია Lionsgate-ის ყველაზე მომგებიან პროექტად რჩება.
1775666559
ბათუმში, 14 მაისს, 20 საათზე, სახელმწიფო მუსიკალური ცენტრში, გექნებათ უნიკალური შანსი, მოისმინოთ ლეგენდარული სიმღერები ქართული ფილმებიდან. მაყურებლის წინაშე წარდგებიან ცნობილი ქართველი მომღერლები და მსახიობები _ თამარ გვერდწითელი - ზურა ყიფშიძე - მაია ჯაბუა - გურამ ჯაში _ ნუგზარ კვაშალი _ვახტანგ ტატიშვილი _ანი კეკუა _ხვიჩა მაღლაკელიძე _ მანანა თოდაძე _დავით ძიძიგური _აჩიკო გოგიტიძე _ინგა ჯახუტაშვილი _მერაბ დოლიძე _გიორგი ნაკაშიძეღონისძიების ორგანიზატორია მაია გაგუა.ბილეთების შეძენისთვის გადადით ლინკზე
1775547703
„ეშმაკი ატარებს პრადას“ სიქველის ფინალური თრეილერი გამოქვეყნდა
სტუდიამ 20th Century Studios საკულტო ფილმის „ეშმაკი ატარებს პრადას“ გაგრძელების ფინალური თრეილერი გამოუშვა.სიუჟეტი ორიგინალი ფილმის მოვლენებიდან წლების შემდეგ ვითარდება. ენდი საქსი ბრუნდება ჟურნალ Runway-ში, თუმცა ამჯერად სტატიების განყოფილების რედაქტორის პოზიციაზე.თავიანთ როლებს დაუბრუნდნენ პირველი ნაწილის მთავარი როლების შემსრულებლები - მერილ სტრიპი (მირანდა პრისტლი), ენ ჰეთუეი (ანდრეა საქსი), ემილი ბლანტი (ემილი) და სტენლი ტუჩი (ნაიჯელი). ფილმის საერთაშორისო გაქირავებაში გამოსვლა 1 მაისს არის დაგეგმილი.
1775543465
ტოკიოში The Beatles-ის აქამდე უცნობი ფოტოები აღმოაჩინეს
ტოკიოში The Beatles-ის 102 აქამდე უცნობი ფოტო აღმოაჩინეს, რომლებიც 1966 წლის ზაფხულში, ჯგუფის იაპონიაში ყოფნის დროსაა გადაღებული.ადგილობრივი გამოცემა Yomiuri Shimbun-ს ცნობით, შავ-თეთრი ნეგატივები ტოკიოს სპორტული დარბაზის, „ნიპონ ბუდოკანის“ არქივში იპოვეს, სადაც ჯგუფმა ერთი კონცერტი გამართა. The Beatles-ის შოუ ამ მოედანზე გამართული პირველი მუსიკალური გამოსვლა გახდა - მანამდე დარბაზი მხოლოდ იაპონური საბრძოლო ხელოვნების შეჯიბრებებისთვის გამოიყენებოდა.ერთ-ერთ ფოტოზე ჯონ ლენონი ტრადიციულ იაპონურ თილისმასთან, „ფუკუსუკესთან“ პოზირებს, რომელსაც იღბალი და სიმდიდრე მოაქვს. მოგვიანებით ეს თილისმა ჯგუფის მერვე ალბომის, Sgt. Pepper's Lonely Hearts Club Band-ის გარეკანზე გამოჩნდება, რომელიც ჯგუფის იაპონური გასტროლებიდან ერთი წლის შემდეგ გამოიცა.
1775325960
გიორგი თორაძემ ლელა წურწუმიას ბენდის დატოვების მიზეზი ახსნა
მომღერალმა და მსახიობმა გიორგი თორაძემ, რომელსაც „თორჩოს“ სახელითაც იცნობენ, ლელა წურწუმიას ბენდი დატოვა. ის ბენდში ბექ-ვოკალისტი იყო. ბენდის დატოვების შესახებ მომღერალმა „ფუპოდკასში“ ისაუბრა.„მამულიჩა კარგი უფროსია, თუმცა ახლა უკვე ყოფილი უფროსი, რადგან წამოვედი ბენდიდან, აღარ ვმუშაობ მანდ. გადავწყვიტე მთელი ჩემი რესურსი ჩემს თავს მოვახმარო“ - ამბობს გიორგი თორაძე.
1774874340
დეა კულუმბეგაშვილი ახალ ფილმზე ემა სტოუნთან ერთად მუშაობს
დეა კულუმბეგაშვილი ახალ ფილმზე ემა სტოუნთან ერთად მუშაობს. უცხოური მედიის ცნობით, ფილმი, დეას წარსული ნამუშევრების მსგავსად, ქალებსა და ბავშვებს შეეხება და ამჯერად აშშ-ში იქნება გადაღებული.როგორც ქართველი რეჟისორი ამბობს, ეს ფილმი მისთვის ახალი გამოწვევა და განვითარების შესაძლებლობაა. ემასთან მუშაობით კი ძალიან კმაყოფილია: „ემა სტოუნთან თანამშრომლობა საოცარია. ის არა მხოლოდ ბრწყინვალე მსახიობია, არამედ ისეთ რისკებზეც მიდის, რომლებიც ჰოლივუდს ყოველთვის არ მოსწონს. ის მზადაა, რომ გამოიწვიოს ინდუსტრია და იმუშაოს პროექტებზე, რომლებიც არსებულ საზღვრებს არღვევს, ეს ყველაფერი კი თავად ამ ინდუსტრიის გადააზრებაში გვეხმარება. ეს სწორედ ისეთი სიმამაცეა, რომელსაც ცვლილებები მოაქვს".
1774871760
ცოტა ხნის წინ, საერთაშორისო მედიამ ინფორმაცია გაავრცელა, რომლის მიხედვითაც სელინ დიონი სცენაზე უახლოეს მომავალში დაბრუნდება. უცხოური გამოცემების ცნობით, მომღერალი კონცერტებს მიმდინარე წლის სექტემბერსა და ოქტომბერში, პარიზში გამართავს.მართალია, დიონის წარმომადგენლებს ჯერჯერობით ამ თემაზე კომენტარი არ გაუკეთებიათ - თუმცა, პარიზის ქუჩებში ათობით სარეკლამო დაფა უკვე გამოჩნდა, რომლებზეც ვარსკვლავის ცნობილი სიმღერების სათაურებია გამოსახული. აღსანიშნავია, რომ არტისტის ბოლო შესრულება მაყურებელმა 2024 წელს, პარიზის ოლიმპიური თამაშების გახსნაზე იხილა. ჯანმრთელობის პრობლემების გამო, ბოლო დროს სელინ დიონი საჯაროდ საკმაოდ იშვიათად ჩნდება. 2022 წლის სექტემბერში, მას უიშვიათესი ნევროლოგიური დაავადების დიაგნოზი დაუსვეს, რომელიც გაშეშებული ადამიანის სინდრომის სახელითაა ცნობილი. ის კუნთოვან გაშეშებას, ტკივილსა და კრუნჩხვებს იწვევს.დაავადებულებებს ხშირად „ქანდაკებებადაც“ მოიხსენიებენ, რადგან სიმპტომები თანდათან პროგრესირებს და ბოლოს ადამიანს სიარული და ლაპარაკი აღარ შეუძლია. მისი განკურნების გზა არ არსებობს, თუმცა, მკურნალობით მისი პროგრესირების შენელება შესაძლებელია.
1774253711
4-წლიანი პაუზის შემდეგ, BTS-მა სეულში პირველი კონცერტი გამართა
კეი-პოპ ჯგუფი BTS სცენაზე დაბრუნდა. 4-წლიანი პაუზის შემდეგ, მათ სეულში, გვანგჰვამუნის მოედანზე გამართეს კონცერტი. ღონისძიების პირდაპირი ტრანსლაცია Netflix-ზე მსოფლიოს 190-ზე მეტ ქვეყანაში გადაიცემოდა.ღონისძიება უფასო იყო. უშუალოდ შემოღობილ ტერიტორიაზე მოხვედრა 22 000-მა იღბლიანმა შეძლო, ათობით ათასი ადამიანი კი შუს ქუჩის დიდ ეკრანებზე ადევნებდა თვალს.ახალი სიმღერების გარდა, რომლებიც გასულ კვირას გამოსულ ალბომში Arirang შედის, შესრულდა ისეთი ცნობილი ჰიტები, როგორიცაა Butter, MIC Drop და Mikrokosmos. კონცერტამდე ჯგუფის ლიდერმა, RM-მა, რეპეტიციაზე ტრავმა მიიღო - მან კოჭი იღრძო, რასაც იოგების დაჭიმვა და დაბეჟილობა მოჰყვა. ამის გამო, ის საცეკვაო ნომრებში მონაწილეობას არ იღებდა.ეს იყო ჯგუფის პირველი გამოსვლა სრული შემადგენლობით 2022 წლის შემდეგ. BTS-მა მუსიკალური მოღვაწეობა სამხედრო სამსახურის გამო შეაჩერა. ჯგუფის ყველა წევრი ჯარიდან 2025 წლის ივნისში დაბრუნდა და ახლა მსოფლიო ტურში მიემგზავრებიან, რომლის ფარგლებშიც 82 კონცერტია დაგეგმილი.ამასთან, კონცერტის შემდეგ, კომპანია Hybe-ის აქციების ფასი, რომელიც BTS-ს წარმოადგენს, რეკორდულად, თითქმის 15%-ით დაეცა. ამის მიზეზად კი ის სახელდება, რომ სეულში გამართულ შოუს დაახლოებით 104 ათასი მაყურებელი დაესწრო და არა 250 ათასი, როგორც ამას ორგანიზატორები ვარაუდობდნენ.
