1793264451

ნინო ლაცაბიძე: ახალგაზრდებთან შეხვედრებს და ქალაქის განვითარებაზე მათი შეხედულებების გაზიარებას ვაგრძელებთ

რუსთავის მერია ახალგაზრდული პოლიტიკის ფარგლებში, ახალგაზრდებთან სხვადასხვა ფორმატის შეხვედრებს აგრძელებს.რუსთავის მერმა ნინო ლაცაბიძემ N24 და N4 სკოლების უფროსკლასელებს ახალი არტ პავილიონი დაათვალიერებინა და უახლოეს მომავალში დაგეგმილი სხვადასხვა პროექტები გააცნო. არტ პავილიონის სივრცეში გამართულ შეხვედრაზე, ნინო ლაცაბიძემ ახალგაზრდების შეკითხვებს უპასუხა და რუსთავის განვითარებაზე მათი კონცეფციებიც მოისმინა.„ახალგაზრდებთან შეხვედრებს და ქალაქის განვითარებაზე მათი შეხედულებების გაზიარებას ვაგრძელებთ. ძალიან საინტერესო ახალგაზრდებს შევხვდით დღეს ჩვენს არტ პავილიონში. ეს გოგო-ბიჭები ჯერ კიდევ სკოლის მოსწავლეები არიან. მათი თვალით დანახული რუსთავი, ის ინოვაციური ხედვა, რომელიც დღეს წარმოგვიდგინეს, თანამედროვე სერვისების დანერგვაში და ისეთი ქალაქის შექმნაში დაგვეხმარება, როგორსაც ჩვენი ახალი თაობა ითხოვს და იმსახურებს“, - განაცხადა რუსთავის მერმა ნინო ლაცაბიძემ.რუსთავში არტ პავილიონი რამდენიმე კვირის წინ გახსნა. ძველი კულტურის სახლის რესტავრაციისა და თანამედროვე არტ პავილიონად მოდერნიზაციის იდეა, რუსთავის მერს ნინო ლაცაბიძეს ეკუთვნის. შენობის რესტავრაცია არქიტექტურული სტილის სრული შენარჩუნებით განხორციელდა. პარალელურად, შეიცვალა და თანამედროვეობას მოერგო მისი კონცეფციაც.განათების და გახმოვანების ულტრათანამედროვე ტექნიკით და პროფესიონალური საკონცერტო სცენით უზრუნველყოფილ დარბაზში, კლასიკური თუ კლუბური ივენთის ჩასატარებლად, საუკეთესო პირობებია შექმნილი. დარბაზი 230 მაყურებელზეა გათვლილი.ორსართულიან შენობაში მოწყობილია სხვადასხვა პროფილის სარეპეტიციო სივრცეები და პროფესიონალური ხმის ჩამწერი სტუდია. შენობის გარე პერიმეტრზე, კი ღია საზაფხულო ამფითეატრია განთავსებული.

1793261901

მცხეთა-სტეფანწმინდა-ლარსის გზაზე 20 კმ-იანი მონაკვეთის რეაბილიტაცია მიმდინარეობს

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, საერთაშორისო მნიშვნელობის მცხეთა-სტეფანწმინდა-ლარსის საავტომობილო გზის კმ37-კმ57 მონაკვეთის სარეაბილიტაციო სამუშოები აქტიურად მიმდინარეობს. ამ ეტაპზე ასფალტის მოწყობის სამუშაოები ხორციელდება.პროექტის ფარგლებში სრული რეაბილიტაცია უტარდება 20 კმ-იან მონაკვეთს, რეაბილიტაცია ეტაპობრივად განხორციელდება. გზის სავალ ნაწილზე დაიგება ასფალტ-ბეტონის საფარი, მოეწყობა ახალი სანიაღვრე სისტემა, ზედა და ქვედა საყრდენი კედლები და რეაბილიტაცია ჩაუტარდება მონაკვეთზე არსებულ 8 სახიდე გადასასვლელს. ასევე, გათვალისწინებულია მეწყერულ მონაკვეთზე შესაბამისი პრევენციული ღონისძიებების გატარება. აღნიშნული სამუშაოები სრულად მოაგვარებს არსებულ პრობლემებს და გადაადგილება უსაფრთხო და კომფორტული გახდება.პროექტი 2 ლოტად არის დაყოფილი და მისი ჯამური ღირებულება 70 მლნ. ლარამდეა. სამუშაოები სრულად სახელმწიფო ბიუჯეტიდან ფინანსდება.

1793255362

ჩაქვის სანერგე მეურნეობაში ქარსაფარი ზოლების მოსაწყობად 500 ძირი იაპონური კრიპტომერია დაირგო

აჭარის ა.რ. სოფლის მეურნეობისა და გარემოს დაცვის სამინისტროს ა(ა)იპ აგროსერვის ცენტრის ჩაქვის ციტრუსოვანთა და სუბტროპიკულ კულტურათა სანერგე მეურნეობის ტერიტორიაზე, ქარსაფარი ზოლების მოწყობის მიზნით, 500 ძირი იაპონური კრიპტომერია დაირგო.ქარსაფარი ზოლების მოწყობის  ღონისძიებაში  ა(ა)იპ აგროსერვის ცენტრის დირექტორის მოვალეობის შემსრულებელი მირზა სუქნიშვილი და  პროგრამების ხელმძღვანელი ლაშა მელაძე ქობულეთის მუნიციპალიტეტის მე-6 საჯარო სკოლის მოსწავლეებთან ერთად ჩაერთო.საჯარო სკოლის მოსწავლეებმა  საკუთარი წვლილი შეიტანეს მწვანე გარემოს შექმნასა და ბუნებაზე ზრუნვის საქმეში.ქარსაფარი ზოლების მოწყობა ხელს უწყობს მიკროკლიმატის გაუმჯობესებას  და სანერგე მეურნეობაში არსებული ნერგების დაცვას

1793170915

ქობულეთის შემოვლითი გზის ოთხზოლიან მაგისტრალად მოდერნიზაციის პროექტთან დაკავშირებით საკონსულტაციო შეხვედრა გაიმართა

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტმა საერთაშორისო მნიშვნელობის E70 საავტომობილო გზის ქობულეთის შემოვლითი მონაკვეთის ოთხზოლიან მაგისტრალად მოდერნიზაციის პროექტთან დაკავშირებით საკონსულტაციო შეხვედრა გამართა. შეხვედრაში მონაწილეობდნენ დაინტერესებული მხარეები, მათ შორის არასამთავრობო ორგანიზაციების წარმომადგენლები.შეხვედრა გაიმართა პროექტის ბუნებრივ და სოციალურ გარემოზე ზემოქმედების შეფასებისა და მიწის შესყიდვისა და განსახლების გეგმის მომზადების ფარგლებში.მონაწილეებს მიეწოდათ ინფორმაცია დაგეგმილი სამუშაოების, მოსალოდნელი გარემოსდაცვითი და სოციალური ზემოქმედებისა და შესაბამისი შემარბილებელი ღონისძიებების შესახებ. შეხვედრის მიზანი ასევე იყო დაინტერესებული მხარეების მოსაზრებების, შენიშვნებისა და რეკომენდაციების მიღება შეფასებისა და დაგეგმვის პროცესში გასათვალისწინებლად.შეხვედრა ღია იყო ყველა დაინტერესებული პირისთვის. მონაწილეებს შესაძლებლობა ჰქონდათ, დაესვათ კითხვები და წარმოედგინათ თავიანთი მოსაზრებები და წინადადებები.პროექტი ითვალისწინებს ქობულეთის შემოვლითი გზის დაახლოებით 31 კილომეტრიან მონაკვეთზე არსებული ორი ზოლის პარალელურად დამატებითი ორი ზოლის მშენებლობას.პროექტის გარემოსდაცვითი დოკუმენტაცია ხელმისაწვდომია გარემოსდაცვით საინფორმაციო პორტალზე: https://ei.gov.ge/ka/info/b3e4bbf2-3323-42e4-b4b7-851799173862. 

1793169070

სოფელ დარჩელის N2 საჯარო სკოლას რეკონსტრუქცია-რეაბილიტაცია ჩაუტარდება

რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი ზუგდიდის მუნიციპალიტეტის სოფელ დარჩელის N2  სკოლის რეკონსტრუქცია-რეაბილიტაციას იწყებს.საჯარო სკოლის აღდგენის მიზნით ფონდმა ხელშეკრულება გააფორმა ტენდერში გამარჯვებულ კომპანიასთან.პროექტის ფარგლებში  სკოლაში სასწავლო ოთახები განახლდება თანამედროვე სასწავლო პროცესის მოთხოვნების შესაბამისად, მოწესრიგდება ასევე  ადმინისტრაციული სივრცეები და საინჟინრო კომუნიკაციები.სკოლის რეაბილიტაციის შედეგად,  დარჩელის N2  საჯარო სკოლის მოსწავლეებისთვის და პედაგოგებისთვის შეიქმნება უსაფრთხო და კეთილმოწყობილი საგანმანათლებლო  გარემო.

1793168171

ცაგერის მუნიციპალიტეტში სახალხო დღესასწაული „ლეჩხუმობა-2026“ აღინიშნა

ღონისძიების ფარგლებში, სოფელ ბარდნალაში, ლადო ასათიანის სახლ-მუზეუმში, გაიმართა მუსიკალურ-ლიტერატურული საღამო, სადაც გაიხსენეს ეპიზოდები პოეტის ცხოვრებიდან და მიმოიხილეს მისი შემოქმედება. ქალაქ ცაგერში კი ლადო ასათიანის ძეგლი გვირგვინითა და ყვავილებით შეამკეს.„მწვანე თეატრის“ მიმდებარე ტერიტორიაზე რაჭა-ლეჩხუმისა და ქვემო სვანეთის მუნიციპალიტეტებმა ფოლკლორული ჯგუფების მონაწილეობით კულტურული პროგრამა წარმოადგინეს. მოეწყო ეთნოგრაფიული ნიმუშების გამოფენა-გაყიდვა და კულინარიული სივრცე.„მწვანე თეატრში“ 2026 წლის საპატიო ლეჩხუმელების დაჯილდოების ცერემონია გაიმართა. საპატიო ლეჩხუმელის წოდება გადაეცათ გოჩა ენუქიძეს, გოჩა ბაკურაძეს, აკაკი მდივანს, თამაზ საღინაძეს, დარეჯან საღინაძეს, დავით ყურაშვილს, კახა გასვიანს, დიმიტრი ალავიძეს და მამა ილარიონს (ვასილ სახელაშვილი).სახალხო დღესასწაული ჯგუფ „ურსას“ გალა კონცერტით დასრულდა.ღონისძიებას ესწრებოდნენ: რაჭა-ლეჩხუმ ქვემო სვანეთის სახელმწიფო რწმუნებული პაპუნა მარგველიძე, რაჭა-ლეჩხუმ სვანეთის დელეგატი საქართველოს პარლამენტში გოჩა ენუქიძე, საქართველოს თავდაცვის მინისტრი, ვიცე პრემიერი ირაკლი ჩიქოვანი, საქართველოს პირველი ლედი თამარ ბაგრატიონი, ცაგერის მუნიციპალიტეტის მერი ჭაბუკი ჭაბუკიანი, საკრებულოს თავმჯდომარე ვასილ საღინაძე, საქართველოს პარლამენტის წევრები, ცენტრალური და ადგილობრივი ხელისუფლების წარმომადგენლები.

1793090241

რუსთავში გიორგი ლეონიძის სახელობის ქუჩის რეაბილიტაცია მიმდინარეობს

რუსთავში, საგზაო ინფრასტრუქტურის რეაბილიტაციის კიდევ ერთი მასშტაბური პროექტი სრულდება. ურბანული და სატრანსპორტო თვალსაზრისით ერთ-ერთ ყველაზე დატვირთულ - გიორგი ლეონიძის სახელობის ქუჩაზე, საავტომობილო გზა 13 000 კვადრატულ მეტრ ფართობზე განახლდება.სანიაღვრე ქსელის, წყალმომარაგებისა და წყალარინების სისტემის რეაბილიტაცია უკვე დასრულდა და დღეისათვის ასფალტის საფარის მეორე ფენა იგება.ინფრასტრუქტურული პროექტის მიმდინარეობას, რუსთავის მერი ნინო ლაცაბიძე, ქალაქის საკრებულოს წევრებთან და მერიის შესაბამისი სამსახურების წარმომადგენლებთან ერთად გაეცნო.„რუსთავში ვაგრძელებთ საგზაო ინფრასტრუქტურის რეაბილიტაციას. ურბანული და სატრანსპორტო თვალსაზრისით ერთ-ერთ ყველაზე დატვირთული - ლეონიძის ქუჩის სრული რეაბილიტაცია მიმდინარეობს. საგზაო სამუშაოების დაწყებამდე კი ახალი სანიაღვრე ქსელი მოვაწყვეთ, კომპანია GWP-იმ  წყლისა და წყალარინების სისტემა განაახლა. ამ ეტაპზე, ლეონიძის ქუჩაზე ასფალტის საფარის მეორე ფენის დაგება მიმდინარეობს. ისევე როგორც ყველა პროექტში, აქაც გათვალისწინებული გვაქვს ახალი მწვანე სივრცეების შექმნა, მოეწყობა ველობილიკები, ტრანსპორტის მოსაცდელები და საპარკინგე ზონა. პროექტის დასრულების შემდეგ, რუსთავში კიდევ ერთი გალამაზებული, კომფორტული და უსაფრთხო ქუჩა გვექნება“, - განაცხადა რუსთავის მერმა ნინო ლაცაბიძემ.ინფრასტრუქტურული პროექტის ფარგლებში, ლეონიძის ქუჩაზე სამფენიანი გზის საფარი დაიგება, მოეწყობა ტროტუარები, ველობილიკი, მწვანე სივრცეები და პარკინგი.პროექტის მიხედვით ლეონიძის ქუჩაზე გარე განათების ქსელის, საგზაო ნიშნების, მუნიციპალური ტრანსპორტის მოსაცდელებისა და  სასმელი წყლის შადრევნების მოწყობაა გათვალისწინებული.პროექტის ღირებულება 3 934 439 ლარია და სრულად სახელმწიფო ბიუჯეტიდან ფინანსდება.

1793002207

ონის შესასვლელთან საავტომობილო გზაზე მოძრაობა სრულად აღდგენილია

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, ქალაქ ონის შესასვლელთან, შიდასახელმწიფოებრივი მნიშვნელობის ქუთაისი (ჭომა)-ალპანა–მამისონის უღელტეხილის საავტომობილო გზის კმ107–კმ112 მონაკვეთზე მეწყრული პროცესების სტაბილიზაციისა და დაზიანებული გზის აღდგენის სამუშაოები დასრულდა.აღნიშნულ მონაკვეთზე ყველა სახის ავტოტრანსპორტის მოძრაობა სრულად აღდგენილია.სამუშაოების ფარგლებში განხორციელდა მეწყრული უბნის გამაგრება, დაზიანებული გზის აღდგენა და დამცავი კედლის მოწყობა. ჩატარებული სამუშაოების მიზანი იყო ფერდობის სტაბილიზაცია და საავტომობილო გზაზე უსაფრთხო გადაადგილების უზრუნველყოფა.შეგახსენებთ, რომ 2026 წლის 11 ივლისს ქალაქ ონის შესასვლელთან, მთის ფერდობზე განვითარებული მეწყრული პროცესების შედეგად, საავტომობილო გზის სავალი ნაწილი დაზიანდა, რის გამოც ძირითად გზაზე ავტოტრანსპორტის მოძრაობა შეიზღუდა.მოძრაობის უწყვეტობის უზრუნველსაყოფად მოეწყო დროებითი შემოვლითი გზა, რომლითაც ავტოტრანსპორტი ძირითადი გზის აღდგენის პერიოდში გადაადგილდებოდა.აღდგენითი სამუშაოების დასრულების შემდეგ ავტოტრანსპორტის მოძრაობა კვლავ ძირითად გზაზე ხორციელდება.

1793000890

დუშეთის მუნიციპალიტეტში ორი სკოლის რეკონსტრუქცია-რეაბილიტაცია იწყება

რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი საჯარო სკოლების აღდგენას  იწყებს დუშეთის  მუნიციპალიტეტის ორ სოფელში -  ქვეშეთსა და საკრამულაში.შესაბამისი ხელშეკრულება, ფონდმა ტენდერებში გამარჯვებულ კომპანიებთან გააფორმა.პროექტების ფარგლებში, თანამედროვე საგანმანათლებლო სტანდარტების შესაბამისად განახლდება  ქვეშეთისა და საკრამულის  სკოლების საკლასო ოთახები, ადმინისტრაციული სივრცეები და საინჟინრო ინფრასტრუქტურა. მოეწყობა გათბობის, ვენტილაციისა და წყალმომარაგების სისტემები.დუშეთის მუნიციპალიტეტის საჯარო სკოლების რეაბილიტაციის შემდეგ მოსწავლეებისთვის  უსაფრთხო და  კეთილმოწყობილი  საგანმანათლებლო გარემო შეიქმნება.

1792993402

ონის კულტურის სახლში ფოლკლორის ცენტრის გუნდის და რაჭის სალოტბარო სკოლების კონცერტი გაიმართა

ონის კულტურის სახლში ფოლკლორის ცენტრის გუნდის და რაჭის სალოტბარო სკოლების კონცერტი გაიმართა.შესრულდა ქართული ხალხური სიმღერისა და ტრადიციული გალობის გამორჩეული ნიმუშები.კონცერტს უძღვებოდა გუნდის ერთ-ერთი ლოტბარი, რაჭული ფოლკლორის მკვლევარი თორნიკე სხიერელი.ანზორ ერქომაიშვილის სახელობის თბილისის სახელმწიფო ცენტრის აღმასრულებელმა დირექტორმა გიორგი დონაძემ გუნდის შექმნის იდეასა და სალოტბარო სკოლების მნიშვნელობაზე ისაუბრა.ქრისტინა კობახიძემ მადლობა გადაუხადა ფოლკლორის ეროვნული ცენტრის ხელმძღვანელს, გიორგი დონაძეს, ცენტრის გუნდსა და ღონისძიებაში მონაწილე სალოტბარო სკოლებს ქართული ფოლკლორის პოპულარიზაციისა და მისი განვითარებისთვის გაწეული საქმიანობისთვის.მან ასევე აღნიშნა, რომ ონის მუნიციპალიტეტის მერიის ინიციატივითა და მხარდაჭერით, უახლოეს პერიოდში ონის სალოტბარო სკოლის მოსწავლეებს საჩუქრად სასცენო ფორმები გადაეცემათ.ფოლკლორის ცენტრის გუნდი, გიორგი დონაძის ინიციატივით და კულტურის სამინისტროს მხარდაჭერით, 2023 წელს შეიქმნა და მას ხუთი ლოტბარი ჰყავს: ლიკა ლიპარტელიანი, გიორგი ხუნაშვილი, სერგო ურუშაძე, თორნიკე სხიერელი და გიორგი დონაძე.გუნდის წევრები არიან სალოტბარო სკოლის და გალობის უნივერსიტეტის კურსდამთავრებულები და სხვადასხვა ცნობილი ანსამბლების წარმომადგენლები.

1792738381

ოზურგეთი-ნატანები-ურეკის გზაზე მდინარე მერიაზე არსებული ხიდის რეაბილიტაცია სრულდება

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის ოზურგეთი-ნატანები-ურეკის საავტომობილო გზის მე-9 კმ-ზე, მდინარე მერიაზე არსებული სახიდე გადასასვლელის სარეაბილიტაციო სამუშაოები დასრულების ეტაპზეა. არსებული ხიდის ტექნიკური მდგომარეობა არადამაკმაყოფილებელი იყო და რეაბილიტაციას საჭიროებდა. ხიდი ერთმალიანია და მისი მთლიანი სიგრძე 23,10 მ-ს შეადგენს.პროექტის შესაბამისად, მდინარე მერიაზე არსებულ სახიდე გადასასვლელზე რეაბილიტაციის  ფარგლებში ტექნიკური პარამეტრები გაუმჯობესდა.  განახლებულ ხიდზე გაიზრდება დატვირთვის დონე და მალის ნაშენის სიგრძე, რაც წყლის ნაკადის შეუფერხებლად გატარებას უზრუნველყოფს, ხოლო ბურჯები და სარეგულაციო კედლები მოეწყო ხიმინჯოვან ფუძეზე.სარეაბილიტაციო სამუშაოები სახელმწიფო ბიუჯეტიდან ფინანსდება და მისი ღირებულება 1,1 მლნ. ლარს შეადგენს.

1792668489

სამცხე-ჯავახეთის სახელმწიფო რწმუნებული ტიმოთესუბნის ტაძარში სადღესასწაულო წირვა-ლოცვას დაესწრო

სამცხე-ჯავახეთის მხარეში სახელმწიფო რწმუნებული იოსებ ალიბეგაშვილი, ბორჯომის მუნიციპალიტეტის მერ მამუკა გელაშვილთან და საკრებულოს თავმჯდომარე გიორგი ფერაძესთან ერთად, სოფელ ტიმოთესუბნის ღვთისმშობლის სახელობის ტაძარში საქართველოში ქრისტიანობის სახელმწიფო რელიგიად გამოცხადების 1700 წლისთავისადმი მიძღვნილ სადღესასწაულო წირვა-ლოცვას დაესწრო.სადღესასწაულო წირვა ჭიათურისა და საჩხერის, ბორჯომისა და ბაკურიანის მიტროპოლიტმა დანიელმა, ახალქალაქისა და კუმურდოს მიტროპოლიტ ნიკოლოზთან და სხვა სასულიერო პირებთან ერთად აღავლინა.სადღესასწაულო ლოცვას ასევე ესწრებოდნენ სამცხე-ჯავახეთის მხარეში სახელმწიფო რწმუნებულის მოადგილეები — დავით მუმლაძე და ვახტანგ მერაბიშვილი, სახელმწიფო რწმუნებულის ადმინისტრაციის ხელმძღვანელი თორნიკე ხმალაძე, ბორჯომის მუნიციპალიტეტის მერის მოადგილეები — ბიბო პაპიძე და გელა მაღრაძე, აგრეთვე სამხარეო ადმინისტრაციისა და ადგილობრივი თვითმმართველობის სხვა წარმომადგენლები.