1794296861

ონში მსოფლიო ჩემპიონატის ბრინჯაოს პრიზიორ მირიან მაისურაძეს საზეიმო დახვედრა მოუწყვეს

ონის მუნიციპალიტეტის მერიის ორგანიზებით, ბეერ-შევას სახელობის პარკში, გულშემატკივრებმა, 2026 წლის მსოფლიო ჩემპიონატის ბრინჯაოს პრიზიორს თავისუფალ ჭიდაობაში - მირიან მაისურაძეს საზეიმო დახვედრა მოუწყვეს.მშობლიურ ქალაქში ადგილობრივი ხელისუფლების წარმომადგენლები, მეგობრები და გულშემატკივრები სიყვარულით შეხვდნენ საამაყო სპორტსმენს.სპორტული ღონისძიებასიმბოლურად ახალ საჭიდაო დარბაზში გაიმართა, სადაც ასევე მონაწილეობა მიიღეს ფოლკლორულმა ანსამბლმა “რაჭა” და ცეკვის ანსამბლმა “ორბა”.ღონისძიებას ესწრებოდნენ რაჭა-ლეჩუმისა და ქვემო სვანეთის მხარის რწმუნებული პაპუნა მარგველიძე, პირველი მოადგილე - ქრისტინა კობახიძე, ონის მუნიციპალიტეტის მერი- სერგი ხიდეშელი, საკრებულოს თავმჯდომარე- ბაჩანა მარკოიშვილი.ადგილობრივი და რეგიონული ხელისუფლების წარმომადგენლებმა კიდევ ერთხელ მიულოცეს სახელოვან ქართველ სპორტსმენს ვიცე-ჩემპიონის ტიტული, ასევე მადლობის სიგელებთან ერთად სპორტსმენს ფულადი ჯილდო 10 000 ლარის ოდენობით რაჭა-ლეჩხუმ-სვანეთის მაჟორიტარი დეპუტატის-გოჩა ენუქიძის ინიციატივითა და სახელისუფლებო გუნდის მხარდაჭერით გადასცეს.გაცნობებთ, რომ ყაზახეთის დედაქალაქ ასტანაში მსოფლიო პირველობა გაიმართა, სადაც ონელმა მირიან მაისურაძემ (92კგ) ბრინჯაოს მედალი მოიპოვა. ქართველი მოჭიდავე პლანეტის პირველობაზე მესამედ დაეუფლა მედალს.

1794293509

ნაქერალას უღელტეხილზე მისაბმელიანი და ნახევრადმისაბმელიანი ავტოტრანსპორტის მოძრაობა აღდგა

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის  ქუთაისი(მოწამეთა)-ტყიბული-ამბროლაურის საავტომობილო გზის კმ39-კმ50 (ნაქერალას უღელტეხილი) მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აღდგენილია.

1794229508

დვირსა და საკირეში საგზაო ინფრასტრუქტურული პროექტები დასრულდა

ბორჯომის მუნიციპალიტეტის სოფლებში — დვირსა და საკირეში საგზაო ინფრასტრუქტურული პროექტები დასრულდა, სოფელ ტაძრისში კი სამუშაოები აქტიურად მიმდინარეობს.ადგილობრივი მოსახლეობისთვის გადაადგილების პირობების გაუმჯობესების მიზნით, მუნიციპალიტეტის მასშტაბით საგზაო ინფრასტრუქტურის მოწესრიგება ეტაპობრივად ხორციელდება.ამ ეტაპზე სამუშაოები სამ სოფელს მოიცავს: სოფელ დვირში, ნანეტაშვილების უბანში, 936 გრძივ მეტრზე მოეწყო ბეტონის საფარი და მოწესრიგდა ეზოებში შესასვლელები;სოფელ საკირეში, კაპანაძეების უბანში, 500 გრძივ მეტრზე დაიგო ბეტონის საფარი. ასევე მოეწყო 30-მეტრიანი საყრდენი კედელი, კიუვეტები და სანიაღვრე ცხაურები; სოფელ ტაძრისში, წმინდა გიორგი მთაწმინდელის სახელობის ტაძართან მისასვლელი გზის 310 გრძივ მეტრზე იგება ბეტონის საფარი. პროექტი ასევე ითვალისწინებს სანიაღვრე არხებისა და საპარკინგე სივრცის მოწყობას.აღნიშნული ინფრასტრუქტურული პროექტები ადგილობრივი და ცენტრალური ბიუჯეტების თანადაფინანსებით ხორციელდება.

1794227902

რუსთაველი პირველკლასელები პროგრამაში „ჩემი პირველი ნერგი“ ჩაერთნენ

საქართველოს  მთავრობის ინიციატივით განხორციელებულ გარემოსდაცვით პროგრამაში- ,,ჩემი პირველი ნერგი“, დღეს  რუსთავის 1436 პირველკლასელი ჩაერთო.რუსთავი ერთ-ერთი მუნიციპალიტეტია, სადაც საქართველოს  მთავრობის, საქართველოს გარემოს დაცვის და სოფლის მეურნეობის სამინისტოს, სსიპ გარემოსდაცვითი ინფორმაციისა და განათლების ცენტრის, საქართველოს განათლების, მეცნიერების  და ახალგაზრდობის სამინისტროს ჩართულობით, ეკოლოგიური პროგრამა ,, ჩემი პირველი ნერგი“ განხორციელდა.ხეების დარგვის პროცესი, რუსთავში დილის 10.00 საათიდან დაიწყო და რუსთაველმა პირველკლასელებმა, მშობლიური  ქალაქის ფლორა,  14 00-ზე მეტი ახალი ნარგავით გაამდიდრეს.მწვანე აქციაში მონაწილეობა,  სახელმწიფო რწმუნებულმა ქვემო ქართლის მხარეში ილია ჯალაღანიამ,  გარემოადაცვითი ინფორმაციიისა და განათლების ცენტრის დირექტორმა თამთა დევდარიანმა, რუსთავის საკრებულოს თავმჯდომარე მამუკა რეხვიაშვილმა და დეპუტატებმა,  რუსთავის მერის მოადგილეებმა,  საჯარო სკოლების პედაგოგებმა და საგანმანათლებლო რესურსცენტრის წარმომადგენლებმა მიიღეს.პროგრამის - ,,ჩემი პირველი ნერგი“ ფარგლებში,  საქართველოს სხვადასხვა მუნიციპალიტეტში, 12 სხვადასხვა სახეობის ნერგი რეგიონების ენდემური  კლიმატის გათვალისწინებით დაირგო და მასში მონაწილეობა, 41  000-ზე მეტმა პირველკლასელმა მიიღო.

1794208312

ჩხაკაურა-ბახმაროს მონაკვეთსა და ოზურგეთი-შემოქმედი-ბჟუჟჰესი-გომისმთას გზის კმ14-კმ33 მონაკვეთზე ავტოტრანსპორტის მოძრაობა აკრძალულია

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, რთული მეტეოროლოგიური პირობების (თოვა, ქარბუქი, შეზღუდული ხილვადობა) გამო, შიდასახელმწიფოებრივი მნიშვნელობის ჩოხატაური-ბახმაროს საავტომობილო გზის კმ34-კმ53 (ჩხაკაურა-ბახმარო) მონაკვეთზე იკრძალება ყველა სახის ავტოტრანსპორტის მოძრაობა. საავტომობილო გზის კმ1-კმ33  (ჩოხატაური-ჩხაკაურა)  მონაკვეთზე ავტოტრანსპორტის მოძრაობა თავისუფალია. ასევე, რთული მეტეოროლოგიური პირობების (თოვა, ქარბუქი, შეზღუდული ხილვადობა) გამო, შიდასახელმწიფოებრივი მნიშვნელობის ოზურგეთი-შემოქმედი-ბჟუჟჰესი-გომისმთას საავტომობილო გზის კმ14-კმ33 მონაკვეთზე იკრძალება ყველა სახის ავტოტრანსპორტის მოძრაობა. საავტომობილო გზის კმ1-კმ13 მონაკვეთზე ავტოტრანსპორტის მოძრაობა თავისუფალია.

1794204265

ნაქერალას უღელტეხილზე მისაბმელიანი და ნახევრადმისაბმელიანი ავტოტრანსპორტის მოძრაობა აკრძალულია

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, ინტენსიური თოვის გამო, შიდასახელმწიფოებრივი მნიშვნელობის ქუთაისი(მოწამეთა)-ტყიბული-ამბროლაურის საავტომობილო გზის კმ39-კმ50 (ნაქერალას უღელტეხილი) მონაკვეთზე, დროებით აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის გადაადგილება თავისუფალია.

1794060255

ონის მუნიციპალიტეტის მერიის  და “ავერსის” კლინიკის მრავალპროფილური სამედიცინო და დიაგნოსტიკური ცენტრის თანამშრომლობით, ქალაქ ონში მორიგი უფასო სამედიცინო აქცია გაიმართა

ადგილობრივი ხელისუფლების წარმომადგენლები  ადგილზე იმყოფებოდნენ და აქციის მიმდინარეობას გაეცნენ.“ავერსის” კლინიკის მრავალპროფილური სამედიცინო და დიაგნოსტიკური ცენტრის პროფესიონალმა მედიკოსებმა ადგილობრივ მოსახლეობას უფასო სამედიცინო დახმარება გაუწიეს სხვადასხვა მიმართულებით.აქციის ფარგლებში მოქალაქეებს  ჩაუტარდა სხვადასხვა ინსტრუმენტალური კვლევა, გაეწიათ კონსულტაცია და მიღებული შედეგების გათვალისწინებით, მიეცათ შესაბამისი დანიშნულება. უფასო კონსულტაციით, 120-ზე მეტმა ადგილობრივმა მოქალაქემ ისარგებლა.ადგილობრივი ხელისუფლების წარმომადგენლებმა მადლობა გადაუხადეს “ავერსის” კლინიკის მრავალპროფილური სამედიცინო და დიაგნოსტიკური ცენტრის პროფესიონალ ექიმებს  გაწეული გულისხმიერებისა და კეთილი საქმისთვის

1794034095

ქობულეთში ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ახალი მომსახურების ცენტრი გაიხსნა

ქობულეთში ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ახალი მომსახურების ცენტრი გაიხსნა.სერვისცენტრი დაინტერესებულ პირებს შესაძლებლობას აძლევს, ადგილზე, უმოკლეს ვადაში, „ერთი ფანჯრის პრინციპის“ ფარგლებში, შეუფერხებლად და მაღალკვალიფიციურად მიიღონ სამინისტროს სისტემაში არსებული პროგრამებით გათვალისწინებული მომსახურებები.ცვლილება მიზნად ისახავს მოქალაქეებისთვის მომსახურების ხელმისაწვდომობის კიდევ უფრო გაუმჯობესებასა და მათთვის უფრო კომფორტული გარემოს შექმნას.სერვისცენტრი მოქალაქეებს ყოველდღე, 09:00 საათიდან 18:00 საათამდე, შოთა რუსთაველის ქუჩა № 136გ-ში მოემსახურება.

1793969287

ოზურგეთის მუნიციპალიტეტის მერიის ადმინისტრაციის სამსახურის უფროსის მოვალეობის შემსრულებლად, ლელა სარიშვილი დაინიშნა

 ოზურგეთის მუნიციპალიტეტის მერიის ადმინისტრაციის სამსახურის უფროსის მოვალეობის შემსრულებლად, ლელა სარიშვილი დაინიშნა.აღნიშნული გადაწყვეტილება ოზურგეთის მერის მოვალეობის შემსრულებელმა გია ანთაძემ 5 ნოემბერს მიიღო.ლელა სარიშვილი, ოზურგეთის მერიაში კულტურის სამსახურში მუშაობდა, შემდეგ კი ოზურგეთის მერიის განათლების განყოფილების უფროსი გახლდათ.აღნიშნული გადაწყვეტილების შესახებ ინფორმაცია ოზურგეთის მერიის პიარმა ნინო ბახტაძემ დაადასტურა.

1793952667

ცანა-ლასდილის და უშგული-ლასდილის მონაკვეთებზე მაღალი გამავლობის ავტოტრანსპორტის მოძრაობა აღდგა

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის ქუთაისი (წყალტუბოს გადასახვევი)-წყალტუბო-ცაგერი-ლენტეხი-ლასდილის საავტომობილო გზის კმ141-კმ151 (ცანა-ლასდილი) და შიდასახელმწიფოებრივი მნიშვნელობის ზუგდიდი-ჯვარი-მესტია-ლასდილის საავტომობილო გზის კმ181-კმ189 (უშგული-ლასდილი) საუღელტეხილო მონაკვეთებზე, მაღალი გამავლობის (ორი და მეტი წამყვანი ხიდის მქონე) ავტოტრანსპორტის მოძრაობა აღდგენილია, ხოლო დანარჩენი სახის ავტოტრანსპორტის გადაადგილება აკრძალულია.საავტომობილო გზების დანარჩენ მონაკვეთებზე ავტოტრანსპორტის მოძრაობა თავისუფალია.

1793881198

ტყიბულის მუნიციპალიტეტის მერიასა და ხელნაწერთა ეროვნულ ცენტრს შორის ურთიერთთანამშრომლობის მემორანდუმი გაფორმდა

ტყიბულის მუნიციპალიტეტის მერიასა და კორნელი კეკელიძის სახელობის საქართველოს ხელნაწერთა ეროვნულ ცენტრს შორის ურთიერთთანამშრომლობის მემორანდუმი გაფორმდა. დოკუმენტს ხელი ტყიბულის მუნიციპალიტეტის მერმა დავით კუბლაშვილმა და ცენტრის დირექტორმა ზაზა აბაშიძემ მოაწერეს.თანამშრომლობის ფარგლებში ტყიბულის ბიბლიოთეკაში გაიმართა პროექტი „ქართული დამწერლობა და ხელნაწერი მემკვიდრეობა - ისტორიის ცოცხალი გაკვეთილი ტყიბულში".ღონისძიებას მერთან ერთად ესწრებოდნენ, იმერეთში სახელმწიფო რწმუნებულის მოადგილე გრიგოლ დალაქიშვილი, საკრებულოს თავმჯდომარე იზოლდა ნემსაძე, მერის პირველი მოადგილე ლევან ჩხიკვაძე, მოადგილე მურმან ვერულაშვილი, ისტორიკოსი ომარ ნიშნიანიძე და ადგილობრივი თვითმმართველობის სხვა წარმომადგენლები.პროექტი კულტურულ-საგანმანათლებლო შინაარსს მოიცავდა და საქართველოს ხელნაწერთა ეროვნული ცენტრის ჩართულობით მოიწყო.ხელნაწერთა ცენტრის დირექტორმა, ისტორიკოსმა ზაზა აბაშიძემ, ლექცია გამართა საქართველოს გაქრისტიანების 1700 წლის ისტორიულ-კულტურულ მნიშვნელობაზე. მოეწყო ეროვნულ ცენტრში დაცული ხელნაწერი წიგნის მულაჟების, მათ შორის, გელათის სახარებისა და წერეთლისეული ვეფხისტყაოსნის გამოფენა.გაიმართა მუნიციპალიტეტის საჯარო სკოლების მოსწავლეთა კონფერენცია ქრისტიანულ თემატიკაზე. ასევე, შედგა სამხატვრო სკოლის მოსწავლეთა ნამუშევრების გამოფენა. მაყვალა ქასრაშვილის ხელოვნების სკოლის მოსწავლეებმა და პედაგოგებმა შეასრულეს საგალობლები.კულტურულ-საგანმანათლებლო ღონისძიებას ორგანიზება ტყიბულის მუნიციპალიტეტის მერიის კულტურის, განათლების, ტურიზმისა და სპორტის მხარდაჭერის სამსახურმა გაუწია.

1793865603

ასპინძის მუნიციპალიტეტის მერიაში საინფორმაციო შეხვედრა გაიმართა

კომუნიკაციების ომბუდსმენი გვანცა ჩხეიძე, სამსახურის წარმომადგენლებთან ერთად, ასპინძის მუნიციპალიტეტის მერიაში დასაქმებულ თანამშრომლებს შეხვდა.შეხვედრის ფარგლებში მონაწილეებს მიეწოდათ ინფორმაცია სატელეკომუნიკაციო სფეროში მომხმარებელთა უფლებების დაცვის მექანიზმების, სამსახურის საქმიანობისა და ფუნქციების შესახებ.ასევე, განხილულ იქნა სატელეკომუნიკაციო მომსახურებასთან დაკავშირებული აქტუალური საკითხები, მათ შორის მომსახურების შეფერხების, პირველადი ჩართვისა და ინტერნეტმომსახურების ხელმისაწვდომობის პრობლემები.შეხვედრის მონაწილეებს შესაძლებლობა ჰქონდათ, მიეღოთ კონსულტაციები და გაცნობოდნენ მომხმარებელთა უფლებების დაცვის საკითხებზე მომზადებულ საინფორმაციო მასალებს.