1786609620

ლინდსი კლენსის საქმის დეტალები - დედა, რომელსაც 3 შვილის მკვლელობა ედება ბრალად

მთელი მსოფლიოს ყურადღება ახლა ერთი სასამართლო პროცესისკენაა მიმართული - ლინდსი კლენსის საქმე.დედა, რომელსაც 3 შვილის მკვლელობა ედება ბრალად.საქმეს უკვე უწოდეს „ამერიკის ყველაზე ტრაგიკული სასამართლო“.საგამოძიებო მასალების მიხედვით, 2023 წლის 24 იანვარს ლინდსი კლენსიმ თავისი სამი შვილი - 5 წლის კორა, 3 წლის დოუსონი და 8 თვის კალანი - სავარჯიშო ზოლების გამოყენებით მოკლა.დაცვის მხარე ამტკიცებს, რომ ახალგაზრდა დედის მიერ შვილების მკვლელობა მშობიარობის შემდგომმა ფსიქოზმა გამოიწვია.გასულ კვირას კი ლინდსი კლენსის საქმის ნაფიცმა მსაჯულებმა ფსიქიკური ჯანმრთელობის სპეციალისტების, კონსულტანტების, ფსიქიატრებისა და მედიკამენტების ექსპერტებისგან მოისმინეს, რა ვითარებაში მოკლა ახალგაზრდა დედამ სამი შვილი.საქმემ მთელი ამერიკის ყურადღება მიიპყრო, განსაკუთრებით იმის გამო, რომ კლენსის სამართლებრივ დაცვას მისი ახლა უკვე ყოფილი ქმარი უჭერს მხარს.გასულ კვირას წარმოდგენილმა მტკიცებულებებმა გააძლიერა დაცვის მხარის პოზიცია, რომლის მიხედვითაც კლენსის ზედმეტად ბევრი მედიკამენტი ჰქონდა დანიშნული და საჭირო დახმარებას სათანადოდ ვერ იღებდა. დაცვის ვერსიით, ახალგაზრდა დედა დახმარების მიღებას ცდილობდა, თუმცა საბოლოოდ ფსიქოტური ეპიზოდი განუვითარდა, რასაც დაუდგენელი მშობიარობის შემდგომი დეპრესია კიდევ უფრო ამძიმებდა. დაცვის მხარე ასევე ამტკიცებს, რომ კლენსის სამედიცინო გუნდმა მასზე ზრუნვის ვალდებულება სათანადოდ ვერ შეასრულა.სამმა ფსიქიატრმა, რომლებიც კლენსის 2023 წლის იანვარში მომხდარ მკვლელობებამდე რამდენიმე თვის განმავლობაში აკვირდებოდნენ, ისაუბრეს იმაზე, თუ რატომ არ დაუსვეს მას მშობიარობის შემდგომი ფსიქოზის დიაგნოზი.ექიმმა ალია გუდჰარტმა განაცხადა, რომ კლენსის „დაბალი რისკის“ პაციენტად მიიჩნევდა. კლენსიმ მას უთხრა, რომ უძილობა და სუიციდური ფიქრები ჰქონდა, თუმცა მათი განხორციელების გეგმა არ გააჩნდა.კიდევ ერთმა ფსიქიატრმა, ექიმმა ჯენიფერ ტაფტსმა, სასამართლოს განუცხადა, რომ კლენსი წუხდა, შესაძლოა, თუ თავს კვლავ ცუდად იგრძნობდა, მომავალში სუიციდური ფიქრები გასჩენოდა. თუმცა, ექიმის თქმით, მას მანიაკალური ეპიზოდის ნიშნები არ აღენიშნებოდა.ტაფტსი და გუდჰარტი იმ ექიმებს შორის არიან, რომლებიც კლენსისა და მისი ყოფილი ქმრის მიერ შეტანილ სამედიცინო დაუდევრობის სარჩელში არიან მოხსენიებული.სასამართლოში გაჟღერდა ინფორმაცია, რომ მკვლელობამდე რამდენიმე თვის განმავლობაში კლენსის ფსიქიატრიული პრობლემების გამო 13 სხვადასხვა მედიკამენტი ჰქონდა დანიშნული.კლენსი არ უარყოფს, რომ შვილები მოკლა, თუმცა მისი დაცვის მხარე ამტკიცებს, რომ მშობიარობის შემდგომმა ფსიქოზმა რეალობის აღქმა დაუმახინჯა.მას შემდეგ, რაც კლენსიმ სამი შვილი - რვა თვის კალანი, ხუთი წლის კორა და სამი წლის დოუსონი მოკლა, 32 წლის ქალმა სიცოცხლის თვითდაზიანებით დასრულება სცადა და მეორე სართულის ფანჯრიდან გადახტა. შედეგად, მას წელის ქვემოთ დამბლა განუვითარდა.სასამართლომ ასევე მოისმინა შტატის პოლიციის გამომძიებლის ჩვენება, რომლის მიხედვითაც, გამოძიებამ ვერ აღმოაჩინა რაიმე მტკიცებულება იმისა, რომ კლენსი ოდესმე შვილებზე ძალადობდა.კლენსის ბავშვობის მეგობარმა, ემი ბივინსმა, ის აღწერა როგორც „კარგი ადამიანი, კარგი მეგობარი და კარგი დედა“. მისი თქმით, კლენსი ღიად საუბრობდა ფსიქიკური ჯანმრთელობის პრობლემებზე და მეგობარს უთხრა, რომ ერთ-ერთი მედიკამენტი, რომელსაც იღებდა, მას „ბნელ ფიქრებს“ უჩენდა.

1786567631

ნაფიცი მსაჯულები შევიდნენ სახლში, სადაც, ლინდსი კლენსმა 3 შვილი მოკლა - რა დეტალები ხდება ცნობილი

ნაფიცმა მსაჯულებმა მასაჩუსეტსში ის სახლი დაათვალიერეს, სადაც, ბრალდების მიხედვით, ლინდსი კლენსიმ სამი შვილი მოკლა. ეს იშვიათი ვიზიტი მათ საშუალებას აძლევდა, საკუთარი თვალით ენახათ ადგილი, სადაც ერთი შეხედვით ჩვეულებრივი ოჯახური ცხოვრება ტრაგედიით დასრულდა.ნაფიცი მსაჯულები ექვსკაციან ჯგუფებად შეიყვანეს სახლში, სადაც მოკლული ბავშვები იპოვეს.დაახლოებით 40-წუთიანი ვიზიტის დროს ისინი მივიდნენ იმ ადგილასაც, სადაც კლენსი მეორე სართულის ფანჯრიდან გადახტომის შემდეგ იპოვეს.ჟურნალისტებს პოლიციის მიერ მოწყობილი ბარიერის მიღმა დარჩენა მოუწიათ. თუმცა, შორიდან ჩანდა, როგორ მიჰყავდათ სასამართლოს თანამშრომლებს ნაფიცი მსაჯულები ავტობუსიდან სახლში და უკან.სახლს ახლა ახალი მფლობელი ჰყავს.თავად კლენსი სახლის დათვალიერებას არ დასწრებია. მკვლელობების დღის შემდეგ მას ეს სახლი აღარ უნახავს.კლენსის საქმის ნაფიცმა მსაჯულებმა გაიარეს ის მარშრუტიც, რომლითაც იმ ღამეს კლენსის ყოფილმა ქმარმა, პატრიკ კლენსიმ, იმგზავრა მას შემდეგ, რაც ლინდსიმ სთხოვა, მათ ხუთი წლის ქალიშვილ კორასთვის მზა საკვები და წამალი ეყიდა.პროკურატურა ამტკიცებს, რომ საკვებისა და წამლის ყიდვა - კლენსის მიერ მოფიქრებული მიზეზი იყო, რათა ქმარი სახლიდან გაეყვანა.დაცვის მხარის ადვოკატების განცხადებით, კლენსის სჯეროდა, რომ ხმა ეუბნებოდა: „მოკალი ბავშვები, რათა შემდეგ საკუთარი თავის მოკვლაც შეძლო.“იმ ღამეს თვითმკვლელობის მცდელობის შემდეგ კლენსი წელს ქვემოთ პარალიზებულია.თუ კლენსის მკვლელობაში დამნაშავედ ცნობენ, მას უვადო პატიმრობა, ვადამდე გათავისუფლების შესაძლებლობის გარეშე, ემუქრება.

1786564380

ცნობილი ხდება, ლინდსი კლენსის საქმეზე ტოქსიკოლოგიური ანალიზის შედეგები - დედა, რომელმაც 3 შვილი მოკლა განაჩენის მოლოდინშია

დედა, რომელმაც 3 შვილი მოკლა განაჩენის მოლოდინშია - ცნობილი ხდება, ლინდსი კლენსის საქმეზე ტოქსიკოლოგიური ანალიზის შედეგები.ლინდის კლენსის სასამართლო პროცესი მსოფლიო მედიის ყურადღების ცენტრშია.სასამართლოში ჩვენება მისცა სასამართლო ტოქსიკოლოგიის ექსპერტმა, რომელმაც ისაუბრა ბრალდებულის სისხლში აღმოჩენილი მედიკამენტების სახეობებსა და მათ კონცენტრაციებზე.ჯასტინ ბროუერმა, NMS-ის ლაბორატორიების სასამართლო ტოქსიკოლოგმა, განაცხადა, რომ მისმა ლაბორატორიამ კლენსის სისხლში ოთხი ფსიქიატრიული მედიკამენტის დონე შეისწავლა. აღნიშნული პრეპარატები მის სისხლში მას შემდეგ აღმოაჩინეს, რაც, ბრალდების მიხედვით, მან შვილები სიცოცხლეს გამოასალმა და შემდეგ თვითმკვლელობა სცადა.აღმოჩენილ მედიკამენტებს შორის იყო ანტიდეპრესანტი მირტაზაპინი, განწყობის სტაბილიზატორი ლამოტრიჯინი, ანტიდეპრესანტი ტრაზოდონი და ქუეტიაპინი - პრეპარატი, რომელიც შიზოფრენიის, ბიპოლარული აშლილობისა და მძიმე დეპრესიული აშლილობის სამკურნალოდ გამოიყენება.კითხვაზე, განსხვავდებოდა თუ არა სისხლში მედიკამენტების კონცენტრაცია ექიმის მიერ დანიშნული დოზებისგან, ბროუერმა განაცხადა, რომ მხოლოდ ქუეტიაპინის დონე ჩანდა ოდნავ მომატებული.„ჩვეულებრივ, ადამიანები, რომლებიც საკუთარ თავს ზიანის მიყენებას ან სიცოცხლის დასრულებას ცდილობენ, დიდი რაოდენობით აბებს იღებენ და ეს შემთხვევა ამას არ შეესაბამება“, - განაცხადა ბროუერმა სასამართლოში.მოგვიანებით, კლენსის დაცვის ადვოკატის კითხვაზე პასუხისას, მან აღნიშნა, რომ ტოქსიკოლოგიური კვლევის შედეგები „მთელ სურათს არ გვიჩვენებს“.პროკურატურა ამტკიცებს, რომ კლენსიმ შვილების მკვლელობა განზრახ ჩაიდინა.სასამართლომ უკვე მოისმინა პროკურატურის მიერ მოწვეული სხვადასხვა ექსპერტის ჩვენებები. პროცესის მიმდინარეობისას სხდომა რამდენჯერმე შეჩერდა, როდესაც მოწმეები, მათ შორის კლენსის ყოფილი ქმარი პატრიკ კლენსი, ან თავად ბრალდებული ემოციურად მძიმე მდგომარეობაში აღმოჩნდნენ.სასამართლო პროცესზე გამოიკითხა ძიძაც.  ელეინ როსის, ჰკითხეს, ჰქონია თუ არა ოდესმე ეჭვი კლენსის მხრიდან შვილების მოვლასთან დაკავშირებით.„საერთოდ არა. ის შესანიშნავი დედა იყო“, - განაცხადა როსიმ. „მე ვხედავდი შესანიშნავ დედას, რომელსაც შვილები უყვარდა.“თუ კლენსის დამნაშავედ ცნობენ, მას შესაძლოა უვადო პატიმრობა, ვადამდე გათავისუფლების შესაძლებლობის გარეშე, დაემუქროს. ხოლო თუ სასამართლო მიიჩნევს, რომ დანაშაულის ჩადენის დროს კლენსის საკუთარი ქმედებების კონტროლისა და მათი მნიშვნელობის გააზრების უნარი არ ჰქონდა, ის შესაძლოა ფსიქიკური ჯანმრთელობის სახელმწიფო დაწესებულებაში გადაიყვანონ.

1786460978

სოფელ ბაკურციხეში მაღაზია დააყაჩაღეს - დაკავებულია ერთი ადამიანი

გურჯაანის მუნიციპალიტეტში, შეიარაღებული მამაკაცი ქსელურ მაღაზია „ორ ნაბიჯში“ შეიჭრა.შემთხვევა სოფელ ბაკურციხეში მოხდა.თვითმხილველების ინფორმაციით, თავდამსხმელი ცეცხლსასროლი იარაღის მუქარით, თანამშრომლებისგან თანხას ითხოვდა.მაღაზიაში მყოფმა პირებმა პოლიციას შეატყობინეს. მამაკაცმა მაღაზიიდან თანხის წაღება ვერ შეძლო, თუმცა, სიგარეტისა და სხვა პროდუქციის გატაცება მაინც მოახერხა.თავდამსხმელი პოლიციამ მომხდარი შემთხვევიდან მალევე დააკავა. დაკავებული სოფელ კოლაგის მცხოვრებია.გამოძიება მომხდარ ფაქტზე, სისხლის სამართლის კოდექსის 179-ე, ყაჩაღობისა და 236-ე, ცეცხლსასროლი იარაღის მართლსაწინააღმდეგო შეძენა-შენახვა-ტარების მუხლებით დაიწყო.

1785444937

გორის ერთ-ერთ რესტორანში დაპირისპირება იყო - რა დეტალებია ცნობილი

გორში, რესტორან პაბში, დაპირისპირება იყო. ინფორმაციას „ქართლის ამბები“ ავრცელებს.ადგილობრივი მედიის ცნობით, დაჭრილია 2 ადამიანი.ადგილზე ამ წუთებში საგამოძიებო მოქმედებები მიმდინარეობს. ტერიტორია ყვითელი ლენტით არის შემოსაზღვრული.„პრაიმტაიმი“ დეტალების გარკვევას შინაგან საქმეთა სამინისტროსთან ცდილობს.

1784797862

ცნობილი ხდება ვერაზე მომხდარი მკვლელობის ახალი დეტალები

ვერაზე მომხდარი დაპირისპირების ახალი დეტალები ხდება ცნობილი."კურიერის" ინფორმაციით, სამართალდამცველებმა თავდამსხმელი საკუთარ სახლში დააკავეს. შინაგან საქმეთა სამინისტროს მიერ გავრცელებული ინფორმაციის მიხედვით, ბრალდებულმა სამართალდამცველების გამოჩენისთანავე ცეცხლი გახსნა და მათ წინააღმდეგობა გაუწია, შემდეგ კი თვითდაზიანება მიიყენა თითებზე.დამამძიმებელ გარემოში ჩადენილი განზრახ მკვლელობის მცდელობისთვის, ნიკა კაპანაძეა დაკავებული. "კურიერის" ინფორმაციით, ის სხვადასხვა დანაშაულისთვის უკვე ნასამართლევია.რაც შეეხება მოტივს, გავრცელებული ინფორმაციით, კაპანაძესა და ახალგაზრდებს შორის სროლამდე სიტყვიერი დაპირისპირება მოხდა. თვითმხილველები იხსენებენ, რომ დაახლოებით ათამდე გასროლის ხმა გაიგეს, გარეთ გამოსულს კი დაჭრილი ახალგაზრდები დახვდათ.შეგახსენებთ, სროლის დროს სულ ოთხი ადამიანი დაიჭრა, მათ შორის იყვნენ არასრულწლოვნები. ერთ-ერთი არასრულწლოვანი კლინიკაში შეყვანისთანავე გარდაიცვალა.

1784753072

ვერაზე დაჭრილი არასრულწლოვანი კლინიკაში გარდაიცვალა - შსს განცხადებას ავრცელებს

თბილისში, ვერაზე მომხდარ სროლის ფაქტთან დაკავშირებით შინაგან საქმეთა სამინისტრო განცხადებას ავრცელებს. უწყების ცნობით, დაჭრილებიდან ერთი არასრულწლოვანი გარდაიცვალა. „შინაგან საქმეთა სამინისტროს თბილისის პოლიციის დეპარტამენტის თანამშრომლებმა, ორი ან მეტი პირის მიმართ დამამძიმებელ გარემოებებში ჩადენილი განზრახ მკვლელობის მცდელობის ბრალდებით, ერთი პირი ცხელ კვალზე დააკავეს.გამოძიებით დადგინდა, რომ ბრალდებულმა მიმდინარე წლის 22 ივლისს, თბილისში, ცეცხლსასროლი იარაღიდან გასროლით ოთხი პირი დაჭრა და შემთხვევის ადგილიდან მიიმალა.დაჭრილებს შორის 2 არასრულწლოვანია.ოთხივე მათგანი სამედიცინო დახმარების გაწევის მიზნით კლინიკაში გადაიყვანეს, თუმცა მიყენებული დაზიანების შედეგად, ერთ-ერთი არასრულწლოვანი საავადმყოფოში მიყვანიდან მალევე გარდაიცვალა.სამართალდამცველებმა, ცხელ კვალზე ჩატარებული ოპერატიული ღონისძიებებისა და საგამოძიებო მოქმედებების შედეგად, დანაშაულის ჩამდენი პირი მომხდარიდან მალევე დააკავეს.ბრალდებულმა დაკავებისას სამართალდამცველებს შეიარაღებული წინააღმდეგობა გაუწია. დაკავებისას ბრალდებულმა ხელის თითებზე დაზიანება მიიღო.გამოძიება საქართველოს სისხლის სამართლის კოდექსის 19-109-ე მუხლით მიმდინარეობს, რაც 20 წლამდე ან უვადო თავისუფლების აღკვეთას ითვალისწინებს“, - ნათქვამია განცხადებაში.

1784752903

ვერაზე მომხდარი სროლის ფაქტზე დაკავებულმა პოლიციელებს ცეცხლი გაუხსნა 

ვერაზე მომხდარი დანაშაულის ჩამდენი პირი დაკავებულია. მან დაკავებისას პოლიციელებს შეიარაღებული წინააღმდეგობა გაუწია. ამის შესახებ ინფორმაციას ტელეკომპანია „იმედი“ ავრცელებს.გავრცელებული ინფორმაციით, თბილისში, ვერაზე სროლის შედეგად 3 ადამიანია დაჭრილი. როგორც თვითმხილველები ჰყვებიან, დაჭრილებს შორის ერთი, გამვლელი ქალია, ორი კი 17 და 18 წლის ბიჭები.სასწრაფო დახმარების ჯგუფმა დაჭრილები კლინიკაში გადაიყვანა. მათი ჯანმრთელობის მდგომარეობა უცნობია.„პრაიმტაიმი“ დამატებით დეტალებს შინაგან საქმეთა სამინისტროში არკვევს.

1784744509

თბილისში, ვერაზე სროლა იყო - რა ხდება ამ წუთებში ადგილზე

ცოტა ხნის წინ თბილისში, ვერაზე სროლა იყო. არსებული ინფორმაციით, სროლის შედეგად 3 ადამიანია დაჭრილი.ადგილზე სამართალდამცველები და სასწრაფო დახმარების ჯგუფია მობილიზებული.„პრაიმტაიმი“ დამატებით დეტალებს შინაგან საქმეთა სამინისტროში არკვევს.

1784733143

სროლა ბათუმში - რა ხდება ამ წუთებში ადგილზე

ცოტა ხნის წინ ბათუმში, ფიროსმანის ქუჩაზე სროლა იყო. ინფორმაციას „აჭარა თაიმსი“ ავრცელებს. როგორც თვითმხილველები ადგილობრივ მედიასთან ჰყვებიან, დაჭრილია 31 წლის კაცი, რომელიც სასწრაფო სამედიცინო დახმარების ჯგუფმა კლინიკაში გადაიყვანა. მათივე თქმით, ახალგაზრდას ამ დროისთვის დაუდგენელმა პირმა, რომელიც მოპედით გადაადგილდებოდა, რამდენჯერმე ესროლა და გაიქცა.შემთხვევის ადგილი ყვითელი ლენტით არის შემოსაზღვრული, ადგილზე სამართალდამცველები იმყოფებიან.დაჭრილის მდგომარეობა ამ ეტაპზე უცნობია.„პრაიმტაიმი“ დამატებით დეტალებს არკვევს. 

1784577000

„ოჯახი, მანიაკი, თუ...“ - 3 წლის გოგონას გაუჩინარების ბურუსით მოცული საქმე

წამებში, ტრაგედიად ქცეული ერთი ჩვეულებრივი ოჯახური შეკრება. 3 წლის ულამაზესი მადელინ მაკენი იმდენად უცნაურ ვითარებაში გაუჩინარდა, რომ გოგონას ოჯახი, რომელიც დახმარებას ითხოვდა, თავად აღმოჩნდა გამოძიების სამიზნე.თუმცა, მოგვიანებით, ქეით და გერი მაკენებს ეჭვმიტანილის სტატუსი მოეხსნათ.მშობლები გარკვეული დროით ეჭვმიტანილებადაც კი გამოცხადდნენ. როდესაც ტრაგედია დატრიალდა, ბრიტანელი მაკენების ოჯახი პორტუგალიაში ისვენებდა.საქმე იმდენად ბურუსით იყო მოსილი, 2008 წელს, პორტუგალიის ხელისუფლებამ ოფიციალური გამოძიება დახურა, რადგან საკმარისი მტკიცებულება ვერ მოიპოვა. მიუხედავად ამისა, მადლენის ოჯახი და ბრიტანელი გამომძიებლები ძებნას აგრძელებდნენ. 2020 წელს გამოძიებაში ახალი ფიგურა გამოჩნდა — კრისტიან ბრუკნერი.იმ დროს ის უკვე გერმანიის ციხეში იხდიდა სასჯელს სხვა სექსუალური დანაშაულისთვის, თუმცა გერმანელმა გამომძიებლებმა მისი წარსულის შესწავლა დაიწყეს და მადლენ მაკენის გაუჩინარებასთან შესაძლო კავშირი დაინახეს.აღმოჩნდა, რომ ბრუკნერის მობილურის სიგნალი გოგონას გაუჩინარების ღამეს ახლომდებარე ადგილას დაფიქსირდა. კრისტიან ბრუკნერს 3 წლის მადლენის გაუჩინარების საქმეზე ბრალი ოფიციალურად არ წარსდგენია.ის 2025 წელს სხვა დანაშაულებზე სასჯელის მოხდის შემდეგ გაათავისუფლეს. მიუხედავად მილიონობით დახარჯული თანხისა და ათასობით გადამოწმებული ვერსიისა, მთავარი კითხვა პასუხგაუცემელია...

1784576136

დაკავებულია სამი „კანონიერი ქურდი“ მეტსახელად „პიზა“, „პაკა“ და გია მეფორია

აფხაზეთში სამი „კანონიერი ქურდი“  რაულ ბარცბა (მეტსახელად „პიზა“), სტანისლავ ციშბა (მეტსახელად „პაკა“) და გია მეფორია დააკავეს.ინფორმაციას რუსული სააგენტოები ავრცელებენ.ვრცელდება დაკავებული „კრიმინალური ავტორიტეტების“ ფოტოებიც.