1783416089

ჩინეთში, კლინიკების ფარული ქსელი აღმოაჩინეს, სადაც ფეხებს აგრძელებდნენ

 ქვეყანაში ასეთი ოპერაციები 2006 წლიდან აკრძალულია. Jiemian News-ის ცნობით, ამ სერვისებს ძირითადად სილამაზისა და ელექტრონული კომერციის ინდუსტრიებში დასაქმებული 18-30 წლის ქალები მიმართავენ, იმ იმედით, რომ კარიერულ წინსვლას რამდენიმე დამატებითი სანტიმეტრით შეძლებენ.პროცედურის ღირებულება 100 000-დან 1 მილიონ იუანამდე მერყეობს. ყოფილი პაციენტები ახალ კლიენტებს აგზავნიან და თითოეული კლიენტისთვის 80 000 იუანამდე საკომისიოს იღებენ. აკრძალვის გვერდის ავლით, პაციენტებს ფიქციურ დიაგნოზებს უსვამენ ან უცხოურ კლინიკებში აგზავნიან.ოპერაცია ძვლების გაჭრას და მათ ნელ-ნელა დაჭიმვას გულისხმობს. ექიმები რისკების შესახებ აფრთხილებენ, მათ შორის ნერვებისა და სისხლძარღვების დაზიანებაზე, ძვლების შეხორცების დარღვევასა და ინვალიდობაზე. სერიოზული გართულებების შესახებ ინფორმაცია გავრცელდა: ერთ ბლოგერს ლაოსში ოპერაციის შემდეგ ინფექცია განუვითარდა და ამჟამად ტკივილგამაყუჩებლებზეა დამოკიდებული, მეორეს კი თურქეთში ჩატარებული პროცედურის შემდეგ ძვლების ქრონიკული ანთება და ტერფის დეფორმაცია აწუხებდა.

1783415624

ეგვიპტეში ხელუხლებელი აკლდამები, გრანიტის სარკოფაგი და „ოქროს ენები“ აღმოაჩინეს

ეგვიპტეს ჩრდილოეთით, ანტიკურ ქალაქი მარინა-ელ-ალამეინში მნიშვნელოვანი არქეოლოგიური აღმოჩენა გაკეთდა. არქეოლოგები ვარაუდობენ, რომ ძველად აქ იყო ქალაქი ლევკესპიდი, რომლის შესახებაც ბერძენი გეოგრაფი სტრაბონი წერდა. დასახლებამ განვითარების პიკს ჩვენი წელთაღრიცხვის პირველ საუკუნეებში მიაღწია.ეს არქეოლოგიური ძეგლი 1986 წელს, სამშენებლო სამუშაოების დროს აღმოაჩინეს და მას შემდეგ აქ მასშტაბური გათხრები მიმდინარეობს. მეცნიერებმა შეძლეს ეგვიპტეში ერთ-ერთი ყველაზე კარგად შენახული ანტიკური სანაპირო ქალაქის გათხრა. ნაპოვნია სახლები, საზოგადოებრივი შენობები, პორტი, სავაჭრო უბნები და ვრცელი ნეკროპოლისები.ახლა კი არქეოლოგები ახალი მნიშვნელოვანი აღმოჩენების შესახებ იტყობინებიან. გათხრილია სხვადასხვა ტიპის 18 აკლდამა, მრავალი მიწისზედა სამარხი, ნაპოვნია სარკოფაგები და სხვა საინტერესო არტეფაქტები.აღმოჩენილ სამარხებს შორისაა კლდეში ნაკვეთი თერთმეტი მიწისქვეშა აკლდამა, რომელთა საშუალო სიღრმე 8 მეტრია, ასევე კირქვის ბლოკებით ნაგები შვიდი მიწისზედა ნაგებობა. ზოგიერთი ეს დაკრძალვის კომპლექსი გამორჩეულად კარგ მდგომარეობაშია: ქვის ფილებით დალუქული დასაკრძალი კამერები ანტიკური ხანიდან მოყოლებული ხელუხლებლადაა შემონახული.არქეოლოგებმა არტეფაქტების მდიდარი კოლექცია შეაგროვეს: კერამიკული ჭურჭელი, ამფორები, ზეთის ლამპები, თეფშები, საკურთხევლები და კირქვის თასები. ყველაზე მნიშვნელოვან მიგნებებს შორის არის მსხვერპლშეწირვის ქვის საკურთხეველი, რომლის ფასადიც იმეორებს ე.წ. „ცრუ კარს“, რაც ფარაონების დროინდელი ეგვიპტის დაკრძალვის ტრადიციებისთვის იყო დამახასიათებელი.ამ საგნის გვერდით ნაპოვნია მარმარილოს დაუსრულებელი ქანდაკება, რომელიც, სავარაუდოდ, აფროდიტეს გამოსახავს, კირქვის საფლავის სტელა მჯდომარე კაცის გამოსახულებით, რომელსაც ხელში ფრინველი უჭირავს, და რამდენიმე შუშის ჭურჭელი.

1783414987

დამასკოში ემანუელ მაკრონის ვიზიტის დროს აფეთქებები მოხდა - Reuters

სირიაში, იმ სასტუმროსთან ახლოს, სადაც ემანუელ მაკრონი იყო დაბინავებული, აფეთქებების ხმა გაისმა. ამასთან, ელისეის სასახლის ინფორმაციით, საფრანგეთის პრეზიდენტს ეს აფეთქებები არ გაუგია და შემთხვევიან მალევე, ის სირიის პრეზიდენტ აჰმედ ალ-შარაას შეხვდა.მედიის ინფორმაციით, აფეთქებები ხაზს უსვამს სირიაში უსაფრთხოების სერიოზულ პრობლემებს.Reuters-ს თვითმხილველმა განუცხადა, რომ აფეთქებების ხმა გაიგო და სქელი კვამლიც ჩანდა. ამასთან, სხვა წყაროს ცნობით, აფეთქების შემდეგ, გზები გადაიკეტა და უსაფრთხოების შესაბამისი ზომები იქნა მიღებული.ელისეის სასახლის განცხადებით, პრეზიდენტის ავტოკოლონიდან აფეთქებების ხმა არ ისმოდა. ამასთან, მაკრონის პრესჯგუფის წარმომადგენელმა, Reuters-ის ჟურნალისტმა აღნიშნა, რომ საფრანგეთის პრეზიდენტის დილის ღონისძიებების დროს, აფეთქების ხმა არ გაუგია და არც არეულობა შეუნიშნავს.ცნობისთვის, მაკრონი ევროკავშირის პირველი სახელმწიფოს მეთაური გახდა, რომელიც ქვეყანას ეწვია მას შემდეგ, რაც ამბოხებულებმა, ალ-შარაას მეთაურობით, 2024 წელს ბაშარ ალ-ასადი დაამხეს.

1783414421

ვენესუელაში მიწისძვრის შედეგად დაღუპულთა რიცხვი 3 535-მდე გაიზარდა

ვენესუელაში მიწისძვრის შედეგად დაღუპულთა რიცხვი 3 535-მდე გაიზარდა. კატასტროფიდან თითქმის ორი კვირის შემდეგ, მაშველები ნანგრევებში სამძებრო-სამაშველო სამუშაოებს განაგრძობენ.ოფიციალური მონაცემებით, სტიქიის შედეგად თითქმის 17 000 ადამიანი დაშავდა, 6 500 ადამიანის გადარჩენა მოხერხდა, 30 000-ზე მეტი უგზო-უკვლოდ დაკარგულად ითვლება.24 ივნისს, ერთწუთიანი ინტერვალით, ქვეყანაში ორი ძლიერი მიწისძვრა მოხდა. დაზიანდა 850-ზე მეტი შენობა.

1783413124

ილჰამ ალიევი: დონალდ ტრამპმა განსაკუთრებული როლი ითამაშა აზერბაიჯანსა და სომხეთს შორის სამშვიდობო დღის წესრიგის წინსვლაში

დონალდ ტრამპმა განსაკუთრებული როლი ითამაშა აზერბაიჯანსა და სომხეთს შორის სამშვიდობო დღის წესრიგის წინსვლაში, – ამის შესახებ აზერბაიჯანის პრეზიდენტმა, ილჰამ ალიევმა აშშ-ის სენატის საგარეო ურთიერთობათა კომიტეტის წევრისა და ევროპული და რეგიონული უსაფრთხოების თანამშრომლობის ქვეკომიტეტის თავმჯდომარის, სენატორ სტივ დეინსის მიღებისას განაცხადა.ილჰამ ალიევმა ხაზი გაუსვა, რომ დონალდ ტრამპის აშშ-ის პრეზიდენტად მეორედ არჩევის შემდეგ, თანამშრომლობასა და ურთიერთნდობაზე დაფუძნებული ორმხრივი ურთიერთობები წარმატებით ვითარდება.აზერბაიჯანის პრეზიდენტის მტკიცებით, ურთიერთობები სტრატეგიული პარტნიორობის დონემდე ავიდა, რაც ძალიან მნიშვნელოვანია როგორც ორივე ქვეყნისთვის, ასევე რეგიონისთვის.ალიევმა ორმხრივი ურთიერთობების გაფართოების თვალსაზრისით აზერბაიჯანის რესპუბლიკის მთავრობასა და ამერიკის შეერთებული შტატების მთავრობას შორის სტრატეგიული პარტნიორობის ქარტიის ხელმოწერის მნიშვნელობაზე ისაუბრა.სენატორმა სტივ დეინსმა, თავის მხრივ, აღნიშნა, რომ ქვეყნებს შორის ურთიერთობები ბოლო დროს წარმატებით ვითარდება და ხაზი გაუსვა, რომ გასული წლის აგვისტოში აზერბაიჯანის პრეზიდენტის ვაშინგტონში ვიზიტი მნიშვნელოვანი მოვლენა იყო.სტივ დეინსმა მადლობა გადაუხადა ილჰამ ალიევს აზერბაიჯანსა და სომხეთს შორის ურთიერთობების ნორმალიზებისა და სამშვიდობო დღის წესრიგის საკითხში მისი ლიდერობისთვის.

1783412889

მონაკოში, უკრაინელი ბიზნესმენის მკვლელობის მცდელობაში ეჭვმიტანილი ქალი მოკლული იპოვეს - რა წერს მედია

მონაკოში უკრაინელი ბიზნესმენის, ვადიმ ერმოლაევის მკვლელობის მცდელობის საქმეზე ეჭვმიტანილი ქალის ცხედარი კიევის მახლობლად აღმოაჩინეს. ინფორმაციას უკრაინული მედია, საკუთარ წყაროებზე დაყრდნობით, ავრცელებს.გამოცემა „უკრაინსკაია პრავდა“ წერს, რომ ქალის ცხედარი 6 ივლისს, დაახლოებით 23:00 საათზე იპოვეს. გამოცემის წყაროების ინფორმაციით, ქალი ცეცხლსასროლი იარაღითაა მოკლული.ამავე გამოცემის კიდევ ერთი წყაროს ცნობით, მონაკოში მომხდარი თავდასხმის საქმეზე ამ დროისთვის ორი ეჭვმიტანილია დაკავებული. გავრცელებული ინფორმაციით, ერთ-ერთი მათგანი უკრაინის თავდაცვის სამინისტროს დაზვერვის მთავარი სამმართველოს (HUR) მოქმედი ოფიცერია, ხოლო მეორე – სამართალდამცავი ორგანოების ყოფილი თანამშრომელი.შეგახსენებთ, რომ 29 ივნისს მონაკოში, ერთ-ერთ საცხოვრებელ შენობაში, ასაფეთქებელი მოწყობილობის აფეთქების შედეგად სამი ადამიანი მძიმედ დაშავდა. დაშავებულებს შორის იყვნენ უკრაინელი ბიზნესმენი ვადიმ ერმოლაევი და მისი ოჯახის წევრები.თავდასხმის შემდეგ სამართალდამცავებმა ეჭვმიტანილის დასაკავებლად ფართომასშტაბიანი ოპერაცია დაიწყეს. გამოძიების ინფორმაციით, მან მონაკოდან გაქცევა შეძლო და საფრანგეთის ტერიტორიაზე გადავიდა.საქმეზე გამოძიება გრძელდება, ხოლო სამართალდამცავები თავდასხმის ორგანიზატორებისა და შესაძლო თანამზრახველების დადგენას ცდილობენ.

1783412536

მარკ რუტე აცხადებს, რომ ნატო ახალ სადაზვერვო თვითმფრინავებსა და დრონების ფლოტს შეიძენს

ნატო ახალ სადაზვერვო თვითმფრინავებსა და დრონების ფლოტს შეიძენს, – ამის შესახებ ნატოს გენერალურმა მდივანმა, მარკ რუტემ, ალიანსის სამიტის გახსნის დროს თავდაცვის ინდუსტრიის ფორუმზე განაცხადა.რუტეს თქმით, ალიანსი შეიძენს 10 Saab Globaleye-ის ტიპის სათვალთვალო თვითმფრინავს, რათა ჩაანაცვლოს მისი ამჟამინდელი მოძველებული საჰაერო გაფრთხილებისა და კონტროლის სისტემის (AWACS) ფლოტი.შვედური მწარმოებელი Saab ამერიკული ფირმა Boeing-ის მიერ აგებული პოპულარული და ხშირად გამოყენებული თვითმფრინავის ალტერნატივას წარმოადგენს. ნატო-ს ფლოტს პირველად დაემატება ხუთი Triton-ის მაღალი სიმაღლის სათვალთვალო დრონი, რომლებიც Northrop Grumman-მა შექმნა.რუტეს თქმით, წევრი სახელმწიფოები: ნორვეგია, ფინეთი, გერმანია და დანია, ხელს მოაწერენ შესყიდვის განზრახვის წერილს. გარდა ამისა, ალიანსი Airbus A400M თვითმფრინავების სტრატეგიული საჰაერო გადაზიდვების ფლოტს შექმნის.

1783410450

მარტა კოსმა სომხური გარგარისგან ჯემი გააკეთა - „გარგარი იმ ცვლილებების სიმბოლოა, რომელიც დღეს სომხეთში მიმდინარეობს“

ევროკომისარმა გაფართოების საკითხებში მარტა კოსმა სოციალურ ქსელში სომხური გარგარისგან მომზადებული ჯემის ქილებით გადაღებული ფოტო გამოაქვეყნა.როგორც კოსმა აღნიშნა, ქილებში სომხური გარგარისგან მომზადებული ჯემია. თავად გარგარი მას სომხეთში განხორციელებული ვიზიტის დროს აჩუქეს.„ეს არის ჯემი, რომელიც სომხური გარგარისგან მოვამზადე. გარგარი იმ ცვლილებების სიმბოლოა, რომელიც დღეს სომხეთში მიმდინარეობს. გასულ თვეს ჩატარებულ არჩევნებზე სომხების უმრავლესობამ მხარი დაუჭირა იმ პარტიებს, რომლებსაც ევროკავშირთან უფრო მჭიდრო პარტნიორობა სურთ. რუსეთი ცდილობდა, არჩევნებზე გავლენა მოეხდინა სომხური ხილისა და ყვავილების იმპორტის შეზღუდვით. ამის საპასუხოდ, ევროკავშირმა სომხეთს დახმარება გაუწია და საკუთარი ბაზარი ამ პროდუქციისთვის უფრო ფართოდ გახსნა. სწორედ ამიტომ, როდესაც გასულ კვირას სომხეთში ვიყავი, ბრიუსელში გარგარით სავსე დიდი კალათით დავბრუნდი. მისი დიდი ნაწილი მეგობრებს გავუნაწილე, დარჩენილი გარგარისგან კი ჯემი მოვამზადე. ერთმა მეგობარმა ჯემს შეხედა და თქვა: „თავისუფლების ქილები“. ვფიქრობ, ეს ძალიან ლამაზი გამოთქმაა“, - დაწერა კოსმაევროკომისარი გაფართოების საკითხებში ადამიანებს მოუწოდებს სუპერმარკეტებში ყოფნის დროს ყურადღება მიაქციონ სომხურ გარგარს, ქლიავსა და ალუბალს.„ეს არის პატარა შესაძლებლობა, დაეხმაროთ სომეხ ფერმერებს და მხარი დაუჭიროთ მათი ქვეყნის დემოკრატიულ არჩევანს“, - დასძინა მან. 

1783407122

მილიონობით ამაყი ირანელი ერთიანობის ნიშნად შეიკრიბა. ვერც ისინი და ვერც ჩვენი მამაცი შეიარაღებული ძალები ვერანაირმა მუქარამ ვერ შეაშინა - აბას არაღჩი

"საბოლოო შეთანხმებაზე მოლაპარაკებები არ დაიწყება, თუ მუქარები გაგრძელდება", - ამის შესახებ ირანის საგარეო საქმეთა მინისტრი აბას არაღჩი სოციალურ ქსელ X-ზე წერს და აშშ-ს მოუწოდებს, პატივი სცენ ურთიერთგაგების მემორანდუმზე საკუთარ ხელმოწერას."მილიონობით ამაყი ირანელი ერთიანობის ნიშნად შეიკრიბა, რათა პატივი მიეგო დიდი აიათოლა ხამენეისთვის და მისი მემკვიდრეობისთვის. ვერც ისინი და ვერც ჩვენი მამაცი შეიარაღებული ძალები ვერანაირმა მუქარამ ვერ შეაშინა.ურთიერთგაგების მემორანდუმის მე-13 პუნქტი ნათლად განსაზღვრავს: საბოლოო შეთანხმებაზე მოლაპარაკებები არ დაიწყება, თუ მუქარები გაგრძელდება. პატივი ეცით თქვენს ხელმოწერას", - აცხადებს არაღჩი.

1783407031

მოსკოვის მერი აცხადებს, რომ დედაქალაქზე დრონებით მასშტაბური თავდასხმა განხორციელდა, ფრენაზე შეზღუდვები დაწესდა მოსკოვის აეროპორტებში

მოსკოვის მერის, სერგეი სობიანინის განცხადებით, დედაქალაქზე დრონებით მასშტაბური თავდასხმა განხორციელდა.როგორც სობიანინმა სოციალურ ქსელში დაწერა, მოსკოვის დროით, დილის 06:00 საათამდე დედაქალაქის მიმართულებით 430-ზე მეტი უპილოტო საფრენი აპარატი მიემართებოდა, რომელთა უმეტესობაც საჰაერო თავდაცვის ძალებმა ქალაქიდან შორეულ მისადგომებთან გაანეიტრალეს.სობიანინმა ასევე აღნიშნა, რომ მოსკოვთან ახლოს 36 დრონი ჩამოაგდეს.ამასთან, რუსეთის საავიაციო უწყებამ ღამის განმავლობაში ფრენაზე შეზღუდვები დააწესა მოსკოვის ყველა აეროპორტში – დომოდედოვოს, ვნუკოვოს, ჟუკოვსკისა და შერემეტიევოს აეროპორტებში.დრონების საფრთხის გამო შეზღუდვები ასევე დაწესდა კალუგის, ნიჟნი-ნოვგოროდის, კრასნოდარის, სოჭის, სარატოვის, პენზისა და სხვა ქალაქების აეროპორტებშიც.უკრაინის სამხედროებს მოსკოვზე დრონებით მასშტაბური თავდასხმის შესახებ ინფორმაცია არ გაუვრცელებია.

1783406673

საფრანგეთის პრეზიდენტი სირიაში ჩავიდა

საფრანგეთის პრეზიდენტი ემანუელ მაკრონი სირიაში ჩავიდა. ეს ევროკავშირის წევრი ქვეყნის ლიდერის პირველი ვიზიტია დამასკოში მას შემდეგ, რაც 2024 წელს პრეზიდენტ აჰმედ ალ-შარაას ხელმძღვანელობით მოქმედმა მეამბოხეებმა ბაშარ ალ-ასადის რეჟიმი დაამხეს.ეს ვიზიტი სირიაში მიმდინარე გეოპოლიტიკურ ცვლილებებს უსვამს ხაზს. ალ-შარაა, რომელიც წარსულში "ალ-ქაიდას" მეთაური იყო, დღეს დასავლეთისა და ახლო აღმოსავლეთის იმ ქვეყნებთან თანამშრომლობს, რომლებიც ასადის რეჟიმს წლების განმავლობაში ემიჯნებოდნენ. მისი მთავარი მიზანი კი 13-წლიანი ომით განადგურებული ქვეყნის აღდგენაა.დამასკოს აეროპორტში მაკრონს სირიის საგარეო საქმეთა მინისტრი ასაად ალ-შაიბანი დახვდა.საფრანგეთის პრეზიდენტი ალ-შარაასთან სამუშაო ვახშამს გამართავს, ხოლო სამშაბათს მხარეები მოლაპარაკებებს გააგრძელებენ. ვიზიტის ერთ-ერთი მთავარი თემა სირიის აღდგენა იქნება.მაკრონს თან ახლავს ფრანგი ბიზნესმენების დელეგაცია, მათ შორის TotalEnergies-ისა და CMA CGM-ის აღმასრულებელი დირექტორები.საფრანგეთის პრეზიდენტის ადმინისტრაციის განცხადებით, მათი მონაწილეობა ქვეყნის აღდგენის პროცესში კერძო სექტორის შესაძლო ჩართულობაზე მიუთითებს.ელისეს სასახლის ცნობით, მაკრონი კიდევ ერთხელ დაადასტურებს საფრანგეთის მხარდაჭერას თავისუფალი და მრავალფეროვანი სირიის მიმართ, სადაც დაცული იქნება ყველა თემის უფლებები. ვიზიტის ფარგლებში ის სხვადასხვა წარმომავლობისა და შეხედულების მქონე სირიელებსაც შეხვდება

1783406231

„აქსიოსი“: გასულ ღამეს ირანის სამხედრო ძალებმა ჰორმუზის სრუტეში კომერციულ გემებს, სულ მცირე, ორი რაკეტა ესროლეს

ირანის სამხედრო ძალებმა გასულ ღამეს ჰორმუზის სრუტეში მიმავალ კომერციულ გემებს, სულ მცირე, ორი რაკეტა ესროლეს. ინფორმაციას გამოცემა „აქსიოსი“ ორ ამერიკელ ოფიციალურ პირზე დაყრდნობით ავრცელებს.გამოცემის ცნობით, დიდი ბრიტანეთის საზღვაო სავაჭრო ოპერაციების სამსახურმა მიიღო შეტყობინება, რომ ომანის სანაპიროსთან, ჰორმუზის სრუტის მიმდებარედ, სამხრეთის მიმართულებით მიმავალ ტანკერს ჭურვი მოხვდა, რის შედეგადაც გემზე ხანძარი გაჩნდა.ამერიკელი მაღალჩინოსნის განცხადებით, ირანულმა რაკეტამ მეორე კომერციული გემიც დააზიანა. ორივე ხომალდმა მნიშვნელოვანი ზიანი მიიღო, თუმცა შემთხვევის შედეგად არავინ დაშავებულა.შეგახსენებთ, გასულ კვირას დოჰაში აშშ-სა და ირანს შორის ჰორმუზის სრუტის საკითხზე გამართული არაპირდაპირი მოლაპარაკებების რაუნდი პროგრესის გარეშე დასრულდა.