1793345896

პრემიერი: ეკონომიკური თანამშრომლობა საქართველოსა და აზერბაიჯანის სტრატეგიული პარტნიორობის ერთ-ერთი მთავარი საყრდენია, ჩვენი მიზანია შედეგების განვითარება, ქართული პროდუქციის საექსპორტო პოტენციალის უკეთ ათვისება, საინვესტიციო აქტივობის მეტად წახალისება

ეკონომიკური თანამშრომლობა საქართველოსა და აზერბაიჯანის სტრატეგიული პარტნიორობის ერთ-ერთი მთავარი საყრდენია. აზერბაიჯანი საქართველოს უმსხვილეს სავაჭრო პარტნიორებს შორისაა, ხოლო ორმხრივი სავაჭრო ბრუნვის მზარდი დინამიკა ეკონომიკური კავშირების მუდმივ გაღრმავებაზე მიუთითებს, - ამის შესახებ საქართველოს პრემიერ-მინისტრმა ირაკლი კობახიძემ საქართველოსა და აზერბაიჯანს შორის ეკონომიკური თანამშრომლობის მთავრობათაშორისი კომისიის რიგით მე-11 სხდომაზე განაცხადა.როგორც მთავრობის მეთაურმა აღნიშნა, საქართველოს მიზანია მიღწეული შედეგების შემდგომი განვითარება, მათ შორის, ქართული პროდუქციის საექსპორტო პოტენციალის უკეთ ათვისება, სავაჭრო ურთიერთობების შემდგომი დივერსიფიკაცია და საინვესტიციო აქტივობის კიდევ უფრო მეტად წახალისება."სავაჭრო-ეკონომიკური კავშირების გაძლიერებასთან ერთად, განსაკუთრებულ ყურადღებას ვუთმობთ შუა დერეფნის განვითარებას, რომელიც კასპიისა და შავი ზღვის გავლით აზიას ევროპასთან აკავშირებს. ჩვენი საერთო მიზანია აღნიშნული მარშრუტის გამტარუნარიანობის, ეფექტიანობისა და კონკურენტუნარიანობის შემდგომი ზრდა.ამ მიზნის მისაღწევად საქართველო ახორციელებს მასშტაბურ ინფრასტრუქტურულ პროექტებს. მიმდინარეობს აღმოსავლეთ-დასავლეთის მაგისტრალის მშენებლობა, დასრულებულია საქართველოს რკინიგზის მოდერნიზაცია და გრძელდება ჩვენი რკინიგზის რესურსების კიდევ უფრო მეტად განვითარება. ბაქო-თბილისი-ყარსის რკინიგზა რეგიონული სატრანსპორტო ქსელის განუყოფელ ნაწილად იქცა და მოხარულები ვართ, რომ ჩვენ წარმატებით დავასრულეთ ამ პროექტის განხორციელება. ანაკლიის ღრმაწყლოვანი ნავსადგურისა და თბილისის ახალი საერთაშორისო აეროპორტის პროექტები მომავალში კიდევ უფრო გაზრდის ქვეყნის სატრანზიტო და ლოგისტიკურ პოტენციალს, რაც ორმხრივი ურთიერთობების განვითარებისთვისაც არის მნიშვნელოვანი", - განაცხადა პრემიერმა.

1793345760

პრემიერი: მიმდინარე გეოპოლიტიკური ცვლილებების ფონზე, განსაკუთრებული მნიშვნელობა ენიჭება სამხრეთ კავკასიის ქვეყნებს შორის მშვიდობის და სტაბილურობის განმტკიცებას, საქართველო ყოველთვის იყო რეგიონში მშვიდობიანი თანაცხოვრების და დიალოგის მტკიცე მხარდამჭერი

დღეს, რეგიონში მიმდინარე გეოპოლიტიკური ცვლილებების ფონზე, განსაკუთრებული მნიშვნელობა ენიჭება სამხრეთ კავკასიის ქვეყნებს შორის მშვიდობისა და სტაბილურობის განმტკიცებას. საქართველო ყოველთვის იყო რეგიონში მშვიდობიანი თანაცხოვრებისა და დიალოგის მტკიცე მხარდამჭერი, - ამის შესახებ საქართველოს პრემიერ-მინისტრმა ირაკლი კობახიძემ საქართველოსა და აზერბაიჯანის რესპუბლიკას შორის ეკონომიკური თანამშრომლობის ერთობლივი მთავრობათაშორისი კომისიის რიგით მე-11 სხდომაზე განაცხადა.როგორც მთავრობის მეთაურმა აღნიშნა, საქართველოსა და აზერბაიჯანს მრავალსაუკუნოვანი მეგობრობა და კეთილმეზობლური ურთიერთობები აკავშირებს."მოხარული ვარ, ვუმასპინძლო აზერბაიჯანის რესპუბლიკის დელეგაციას საქართველოში და თანათავმჯდომარის რანგში გავხსნა საქართველოსა და აზერბაიჯანის რესპუბლიკას შორის ეკონომიკური თანამშრომლობის ერთობლივი მთავრობათაშორისი კომისიის რიგით მე-11 სხდომა.საქართველოსა და აზერბაიჯანს მრავალსაუკუნოვანი მეგობრობა და კეთილმეზობლური ურთიერთობები აკავშირებს. ჩვენი ხალხები საუკუნეების განმავლობაში გვერდიგვერდ ცხოვრობდნენ, ერთმანეთის ტრადიციებისა და ეროვნული ინტერესების პატივისცემით, და სწორედ ეს ურთიერთპატივისცემა იყო და რჩება ჩვენი პარტნიორობის მყარ საფუძვლად. ჩვენს სტრატეგიულ პარტნიორობას თან სდევს უმაღლეს დონეზე არსებული რეგულარული პოლიტიკური დიალოგი. ამ კონტექსტში, მსურს, გამოვყო აზერბაიჯანის რესპუბლიკის პრეზიდენტის, ბატონი ილჰამ ალიევის ბოლო ვიზიტი საქართველოში, რომელმაც კიდევ ერთხელ დაადასტურა ურთიერთობების განვითარებისა და კიდევ უფრო გაღრმავების ორმხრივი ინტერესი.დღეს, რეგიონში მიმდინარე გეოპოლიტიკური ცვლილებების ფონზე, განსაკუთრებული მნიშვნელობა ენიჭება სამხრეთ კავკასიის ქვეყნებს შორის მშვიდობისა და სტაბილურობის განმტკიცებას. საქართველო ყოველთვის იყო რეგიონში მშვიდობიანი თანაცხოვრებისა და დიალოგის მტკიცე მხარდამჭერი. შესაბამისად, მივესალმებით ჩვენს მეზობელ ქვეყნებს შორის დაწყებულ სამშვიდობო პროცესს და იმედს გამოვთქვამთ, რომ აღნიშნული რეგიონში გრძელვადიანი მშვიდობის დამყარებისა და მისი ეკონომიკური განვითარების წინაპირობა გახდება", - განაცხადა ირაკლი კობახიძემ.

1793345016

რევაზ სოხაძე - მომავალი წლიდან საქართველოში მაგისტრალების მშენებლობა უპრეცედენტო მასშტაბით, ერთდროულად რამდენიმე მიმართულებით დაიწყება

საქართველოს რეგიონული განვითარებისა და ინფრასტრუქტურის მინისტრმა რევაზ სოხაძემ ერთ-ერთ სატელევიზიო გადაცემაში ქვეყანაში მსხვილი ინფრასტრუქტურული პროექტების მიმდინარეობასა და მომავალი წლის გეგმებზე ისაუბრა. მისი განცხადებით, მიმდინარე წელს უკვე რამდენიმე მილიარდი ლარის ინფრასტრუქტურული პროექტების ტენდერები გამოცხადდა, რომელთა უმეტესობაზეც კონტრაქტები გაფორმებულია.მინისტრის ინფორმაციით, მომავალი წლიდან საქართველოში მაგისტრალების მშენებლობა უპრეცედენტო მასშტაბით გაგრძელდება და სამშენებლო სამუშაოები ერთდროულად რამდენიმე სტრატეგიული მნიშვნელობის მიმართულებაზე დაიწყება.საგზაო ინფრასტრუქტურის მიმართულებით ერთ-ერთი მნიშვნელოვანი პროექტია რუსთავი-სადახლოსა და რუსთავი-წითელი ხიდის მონაკვეთების მშენებლობა. აღნიშნულ პროექტებზე ტენდერები უკვე გამოცხადებულია და ამ ეტაპზე შეფასების პროცესი მიმდინარეობს.მომავალი წლიდან აქტიური სამშენებლო სამუშაოები დაიწყება თბილისის შემოვლით გზაზე, რომელიც ოთხ მონაკვეთად არის დაყოფილი და ოთხივე მონაკვეთზე პარალელურად განხორციელდება. ასევე გაგრძელდება კახეთის მიმართულებით მაგისტრალის მშენებლობა ბადიაურიდან ბაკურციხემდე.მნიშვნელოვანი პროექტებია ქობულეთის შემოვლითი გზის ოთხზოლიანად გადაკეთება, სარფის გვირაბის მშენებლობა, სტეფანწმინდის შემოვლითი გზის მშენებლობა და ნატახტარი-ჟინვალის ახალი მაგისტრალის პროექტი.მინისტრმა ყურადღება გაამახვილა ქვეშეთის-კობის მონაკვეთზე თაღოვანი ხიდის მშენებლობის მნიშვნელოვან ეტაპზეც. მისი განცხადებით, ხიდის რკალის შეკვრა ერთ-ერთი ყველაზე რთული საინჟინრო სამუშაოს წარმატებით დასრულებას ნიშნავს.„ვიღაცისთვის შეიძლება ეს უბრალოდ ერთ-ერთი სამშენებლო ეტაპი იყოს, თუმცა ჩვენთვის ეს ძალიან მნიშვნელოვანია. ყველაზე რთული საინჟინრო სამუშაო წარმატებით დასრულდა და ამას ძალიან დიდი მნიშვნელობა ჰქონდა“- განაცხადა რევაზ სოხაძემ.მინისტრის შეფასებით, მომავალი წლიდან ერთდროულად რამდენიმე მიმართულებით ასეთი მასშტაბის სამშენებლო სამუშაოების დაწყება ქვეყნის სატრანზიტო და ლოგისტიკური ფუნქციის გაძლიერებასთან ერთად, მნიშვნელოვნად გააუმჯობესებს ქვეყნის შიგნით გადაადგილებასაც.„მე თამამად შემიძლია გითხრათ, რომ მსგავსი მოცულობისა და ტემპის მაგისტრალების მშენებლობა ამ ქვეყანაში არასდროს ყოფილა და ერთდროულად ამდენი მიმართულებით სამუშაოები არ დაწყებულა. ეს ნიშნავს ჩვენი სატრანზიტო ფუნქციის გაძლიერებას, ქვეყნის შიგნით მობილობის გაუმჯობესებას, რაც პირდაპირ აისახება ჩვენი მოქალაქეების კეთილდღეობაზე. გადაადგილება გაცილებით მარტივი, კომფორტული და უსაფრთხო გახდება“- აღნიშნა მინისტრმა.რევაზ სოხაძემ ასევე ისაუბრა შიდასახელმწიფოებრივი გზების რეაბილიტაციაზე და განაცხადა, რომ მომავალი წლის განმავლობაში ამ მიმართულებით სამუშაოები აქტიურ რეჟიმში გაგრძელდება, რისთვისაც მილიარდ ლარზე მეტი დაიხარჯება.მინისტრმა ყურადღება გაამახვილა ქვეყანაში არსებული საგზაო ინფრასტრუქტურის შესახებ გავრცელებულ შეფასებებზეც და აღნიშნა, რომ ცალკეული პრობლემური მონაკვეთების საფუძველზე მთლიანად ქვეყნის ინფრასტრუქტურის მდგომარეობის შეფასება და წინა პერიოდებთან არასწორი შედარებების გაკეთება უსამართლოა.რევაზ სოხაძის განცხადებით, მსხვილი ინფრასტრუქტურული პროექტების განხორციელება მხოლოდ საგზაო მიმართულებით არ იგეგმება. მომავალი წლიდან მნიშვნელოვანი სამუშაოები იქნება სამოქალაქო და სპორტული ინფრასტრუქტურის მშენებლობის მიმართულებითაც.

1793344476

რევაზ სოხაძე - მთავრობის მიზანია, ყველა კომპანიას თანაბარ პირობებში, სამართლიანი და გამჭვირვალე წესებით შეეძლოს ინფრასტრუქტურულ სექტორში საქმიანობა

,,თავდაპირველად ჩვენს გულწრფელ დამოკიდებულებაზე და საუბრებზე ბიზნესის ნაწილს ქონდა სპეკტიკური დამოკიდებულება, ცოტა ეჭვის თვალით უყურებდნენ, თუნდაც ხარისხზე როდესაც დავიწყეთ საუბარი. იგრძნობოდა, რომ აი, ახალი მინისტრია ახალი პოზიცია აქვს და გავა დრო და მილევად რეჟიმში გადავა. ჩვენ ყოველდღიური ურთიერთობა გვაქვს ბიზნესთან და ჩვენი მხრიდან ვცდილობთ, ბიუროკრატია მაქსიმალურად მოქნილი გავხადოთ, რომ მათთვის კომფორტული იყოს ბიზნესის კეთება’’-ამის შესახებ რეგიონული განვითარებისა და ინფრასტრუქტურის მინისტრმა რევაზ სოხაძემ ერთ-ერთ სატელევიზიო გადაცემაში საუბრისას განაცხადა.მინისტრმა სამშენებლო სექტორში კონკურენტული გარემოს გაუმჯობესების, ბიზნესთან თანამშრომლობისა და სახელმწიფო შესყიდვებში ახალი კომპანიების ჩართულობის მნიშვნელობაზე ისაუბრა.მისი განცხადებით, მთავრობის მიზანია, ყველა კომპანიას თანაბარ პირობებში, სამართლიანი და გამჭვირვალე წესებით შეეძლოს ინფრასტრუქტურულ სექტორში საქმიანობა. ამ მიზნით, სახელმწიფო მუშაობს ბიუროკრატიული პროცედურების გამარტივებასა და ბიზნესისთვის მოქნილი გარემოს შექმნაზე.რევაზ სოხაძის თქმით, ბიზნესსა და სახელმწიფოს შორის გარკვეულ საკითხებზე განსხვავებული პოზიციების არსებობა ბუნებრივი და ჯანსაღი პროცესია, რადგან მხარეებს განსხვავებული ინტერესები აქვთ. თუმცა, მნიშვნელოვანია, არსებობდეს საერთო ხედვა სექტორის განვითარებისა და ხარისხიანი ინფრასტრუქტურის შექმნის მიმართულებით.„ბუნებრივია, იარსებებს საკითხები, რომლებზეც ვერ შევთანხმდებით, რადგან ბიზნესი ორიენტირებულია, რაც შეიძლება მეტი მოგება მიიღოს, ჩვენ კი - რაც შეიძლება ხარისხიანი ინფრასტრუქტურა ავაშენოთ და ამასთან, მაქსიმალურად ხარჯეფექტურები ვიყოთ. ეს აბსოლუტურად ჯანსაღი პროცესია. თუმცა, არის ძალიან მნიშვნელოვანი საკითხები, რომლებზეც ვთანხმდებით და მთავრობა ყველა ნაბიჯს დგამს იმისთვის, რომ ნებისმიერ ბიზნესმენს ამ სექტორში საქმიანობის თანაბარი პირობები და სამართლიანი თამაშის წესები ჰქონდეს’’ - განაცხადა მინისტრმა.რევაზ სოხაძემ ერთ-ერთ მნიშვნელოვან ცვლილებად სატენდერო პირობების გადახედვა დაასახელა, რომლის შედეგადაც საგზაო ინფრასტრუქტურის პროექტებში მონაწილეობის შესაძლებლობა სამოქალაქო მშენებლობის სფეროში გამოცდილ კომპანიებსაც მიეცათ.მინისტრის განცხადებით, ამ ცვლილების პირველი კონკრეტული შედეგია გომბორის გზის რეაბილიტაციის პროექტია. ეს პირველი შემთხვევაა, როდესაც კომპანია, რომელსაც მანამდე საგზაო ინფრასტრუქტურის მიმართულებით არ უმუშავია, ამ სფეროში სახელმწიფო ტენდერის გამარჯვებული გახდა.მინისტრმა იმედი გამოთქვა, რომ ეს მაგალითი სხვა კომპანიებისთვისაც იქნება მოტივაცია ჩაერთონ საგზაო ინფრასტრუქტურის პროექტებში. მისივე თქმით, მნიშვნელოვანია სექტორში ახალი მოთამაშეების გამოჩენა, რაც კონკურენციას გაზრდის და სამშენებლო ბაზრის გაჯანსაღებას შეუწყობს ხელს.რევაზ სოხაძის განცხადებით, დადებითი ტენდენცია შეინიშნება სამოქალაქო მშენებლობის მიმართულებითაც - სახელმწიფო ტენდერებში მონაწილეობა დაიწყეს ისეთმა კომპანიებმა, რომლებიც მანამდე ამ პროცესში საერთოდ არ მონაწილეობდნენ. ეს კი, მინისტრის შეფასებით, სახელმწიფო ტენდერების მიმართ ნდობის ზრდაზე მიუთითებს.მინისტრის თქმით, მიუხედავად მიღწეული პროგრესისა, სექტორში კვლავ არსებობს გამოწვევები და სახელმწიფო მუშაობას აგრძელებს მათი დროულად აღმოფხვრისთვის.

1793344234

რევაზ სოხაძე - ჩვენი მიზანია ძლიერი ქართული სამშენებლო კომპანიების შექმნა და სექტორის განვითარებისთვის ჯანსაღი, გამჭვირვალე გარემოს უზრუნველყოფა

საქართველოს რეგიონული განვითარებისა და ინფრასტრუქტურის მინისტრმა რევაზ სოხაძემ ერთ-ერთ სატელევიზიო გადაცემაში სამშენებლო სექტორის გაჯანსაღების მიმართულებით მთავრობის მიერ გადადგმულ ნაბიჯებზე, შესყიდვების პროცესის გამჭვირვალობის მნიშვნელობასა და ძლიერი ქართული სამშენებლო კომპანიების განვითარების ხელშეწყობაზე ისაუბრა.მინისტრის განცხადებით, საქართველოს მთავრობის პოზიცია კორუფციისა და კორუფციული რისკების მიმართ მკაფიო და პრინციპულია, რასაც ამ მიმართულებით გადადგმული ნაბიჯებიც ადასტურებს. მისივე თქმით, სექტორში მომუშავე კომპანიებსა და ყველა ჩართულ მხარეს ნათლად აქვს გააზრებული, რამდენად მკაცრია სახელმწიფოს დამოკიდებულება მსგავსი გამოვლინებების მიმართ.რევაზ სოხაძემ აღნიშნა, რომ სამშენებლო სექტორში პროცესების გაჯანსაღება კომპლექსური მიდგომით მიმდინარეობს და მოიცავს შესყიდვების კანონმდებლობის, პროცედურებისა და სატენდერო პირობების ცვლილებას, რაც მიზნად ისახავს პროცესების კიდევ უფრო გამჭვირვალობას და ეფექტიანობას.მინისტრის განცხადებით, სახელმწიფოს ერთ-ერთი მნიშვნელოვანი მიზანი არა მხოლოდ მასშტაბური ინფრასტრუქტურული პროექტების განხორციელება, არამედ ძლიერი ქართული სამშენებლო კომპანიების ჩამოყალიბებისა და განვითარების ხელშეწყობაცაა.მისივე განმარტებით, ძლიერი სამშენებლო კომპანიები ქვეყნის ეკონომიკური განვითარების, ახალი სამუშაო ადგილების შექმნისა და პროფესიული კადრების დასაქმების ერთ-ერთი მნიშვნელოვანი წინაპირობაა. ამასთან, სექტორის განვითარებისთვის აუცილებელია კვალიფიციური სპეციალისტების მომზადება, რომელთა ნაკლებობაც დღეს ქვეყანაში ერთ-ერთ გამოწვევად რჩება.მინისტრმა ამ კონტექსტში ყურადღება გაამახვილა განათლების რეფორმასა და ინფრასტრუქტურული სექტორის განვითარების ურთიერთკავშირზე. მისი თქმით, მთავრობის ხედვა ითვალისწინებს ისეთი ერთიანი სისტემის ჩამოყალიბებას, სადაც განათლების მიმართულებით განხორციელებული ცვლილებები და ინფრასტრუქტურული სექტორის გაძლიერება ერთმანეთს ავსებს.„წლების განმავლობაში სათანადო ყურადღება არ ექცეოდა ტექნიკური პროფესიების განვითარებას, რის გამოც დღეს ქვეყანაში პროფესიული კადრების დეფიციტია. განათლების რეფორმის ერთ-ერთი მიზანია, დეფიციტური პროფესიები უფრო მოთხოვნადი გახდეს, ამ მიმართულებით ახალგაზრდების განათლება დაფინანსდეს და კვალიფიციური კადრები მომზადდეს. მეორე მხრივ, ინფრასტრუქტურული სექტორის გაძლიერება ამ ახალგაზრდებს დასაქმებისა და პროფესიული განვითარების შესაძლებლობას მისცემს. ეს ყველაფერი ქვეყნის განვითარების ერთიანი ხედვის ნაწილია, რომლის მიზანია, ქვეყანა წინ წავიდეს და განვითარების პროცესი შეუქცევადი გახდეს“ -აღნიშნა მინისტრმა.

1793342519

რევაზ სოხაძე - ინდექსაცია ფასების ავტომატურ ზრდას არ ნიშნავს, ის ბაზარზე არსებულ ფასებს უნდა ასახავდეს

საქართველოს ინფრასტრუქტურის მინისტრმა რევაზ სოხაძემ ერთ-ერთ სატელევიზიო გადაცემაში სამშენებლო სექტორში განხორციელებულ და დაგეგმილ ცვლილებებზე, სახელმწიფოსა და ბიზნესს შორის პარტნიორობის მნიშვნელობასა და კონტრაქტების ინდექსაციის მექანიზმზე ისაუბრა.მინისტრის განცხადებით, ქვეყანაში მიმდინარე და დაგეგმილი მასშტაბური ინფრასტრუქტურული პროექტების განხორციელება ბიზნესთან მჭიდრო თანამშრომლობის გარეშე შეუძლებელია. შესაბამისად, სახელმწიფო და კერძო სექტორი მნიშვნელოვანი ინფრასტრუქტურის შექმნის პროცესში პარტნიორები არიან.„იმ უამრავი პროექტის განხორციელება, რომელიც ახლა მიმდინარეობს და სამომავლოდ არის დაგეგმილი, ბიზნესის გარეშე შეუძლებელია. ისინი ჩვენი პარტნიორები არიან ამ საქმეში და ჩვენ ერთად უნდა შევქმნათ ის ინფრასტრუქტურა, რომელიც საბოლოო ჯამში ძლიერ ქვეყანასა და ძლიერ სახელმწიფოს ნიშნავს“-განაცხადა რევაზ სოხაძემ.მინისტრის განმარტებით, საქართველოს მთავრობამ სამშენებლო სექტორის გაჯანსაღებისა და მისი განვითარების ხელშეწყობის მიზნით არაერთი მნიშვნელოვანი ნაბიჯი გადადგა, რომელთა შორის ერთ-ერთი  ინდექსაციის მექანიზმია.რევაზ სოხაძემ ხაზგასმით აღნიშნა, რომ ინდექსაცია არ გულისხმობს ფასების ცალმხრივ ან ავტომატურ ზრდას. მისი მიზანია, ხელშეკრულებით გათვალისწინებული ფასები ბაზარზე კონკრეტულ მომენტში არსებულ რეალობას შეესაბამებოდეს.„ინდექსაცია არ ნიშნავს ყოველთვის, აუცილებლად ფასების ზრდას. ეს ნიშნავს ფასების კორექტირებას იმ მომენტში ბაზარზე არსებული ადეკვატური ფასების მიხედვით. თუ რომელიმე კონკრეტულ პროდუქტზე ფასი იზრდება, შესაბამისად, იზრდება კონტრაქტით გათვალისწინებული ფასიც, რათა ბიზნესი არ ჩავაყენოთ არასახარბიელო მდგომარეობაში. ხოლო თუ ფასი იკლებს, კორექტირება ამ მიმართულებითაც ხდება და, რა თქმა უნდა, ამ თვალსაზრისით სარგებელს სახელმწიფოიც იღებს“- განაცხადა მინისტრმა.მისივე თქმით, ინდექსაციის მექანიზმის დანერგვა ერთ-ერთი მნიშვნელოვანი ნაბიჯია სამშენებლო სექტორის გაჯანსაღებისთვის, რაც ინფრასტრუქტურული პროექტების ეფექტიანად განხორციელებასა და სახელმწიფოსა და ბიზნესს შორის ჯანსაღი პარტნიორობის ჩამოყალიბებას უწყობს ხელს.

1793342253

რევაზ სოხაძე - ინფრასტრუქტურული პროექტების ხარისხი და დროული დასრულება მნიშვნელოვანი პრიორიტეტებია

„ბოლო დღეების განმავლობაში შემხვდა, მათ შორის სოციალურ ქსელებში, ჩემი ნათქვამის ძალიან არასწორი ინტერპრეტაცია, თითქოს მე სადმე ვთქვი, რომ გაჭიანურებული პროექტები გამოწვეულია იმით, რომ ჩვენ გვინდა ხარისხიანი პროდუქტის შექმნა. რა თქმა უნდა, ეს ასე არ არის. ჩვენ ვსაუბრობთ იმაზე, რომ როდესაც არჩევანი დგას ხარისხსა და დროს შორის, მხოლოდ იმისთვის, რომ ობიექტი დროულად დასრულებულად ჩაითვალოს, ეს ხარისხის ხარჯზე ვერ მოხდება“- განაცხადა რევაზ სოხაძემ.საქართველოს რეგიონული განვითარებისა და ინფრასტრუქტურის მინისტრმა რევაზ სოხაძემ ერთ-ერთ სატელევიზიო გადაცემაში ინფრასტრუქტურული პროექტების ხარისხისა და მათი დროულად დასრულების მნიშვნელობაზე ისაუბრა. მინისტრმა ასევე განმარტა, რომ მისი განცხადებების არასწორი ინტერპრეტაცია მოხდა, თითქოს პროექტების გაჭიანურების მიზეზი ხარისხიანი ინფრასტრუქტურის შექმნის სურვილია.რევაზ სოხაძის განცხადებით, ხარისხი სახელმწიფოსთვის უმთავრესი პრიორიტეტია, თუმცა ეს არ ნიშნავს, რომ პროექტების დაგვიანება ამ მიზეზით უნდა გამართლდეს. მისი თქმით, სახელმწიფოს პასუხისმგებლობაა, უზრუნველყოს როგორც მაღალი ხარისხის ინფრასტრუქტურის შექმნა, ისე ობიექტების ხელშეკრულებით გათვალისწინებულ ვადებში დასრულება.მინისტრის განმარტებით, სახელმწიფოს ვალდებულებაა ისეთი ინფრასტრუქტურის შექმნა, რომელიც წლების განმავლობაში იქნება გამძლე და ფუნქციური. მისივე თქმით, საზოგადოების სამართლიანი უკმაყოფილების საფუძველია შემთხვევები, როდესაც ახლადრეაბილიტირებული გზა ან სკოლა მალევე კვლავ საჭიროებს სარეაბილიტაციო სამუშაოებს.„ჩვენ ვალდებულები ვართ, ავაშენოთ და შევქმნათ ისეთი ინფრასტრუქტურა, რომელიც წლებს გაუძლებს. ხშირად მოისმენთ, რომ გზა რამდენიმე ხნის წინ დაიგო და ხელახლა არის გასაკეთებელი, სკოლა რეაბილიტირდა და კვლავ სარეაბილიტაციოა. ბუნებრივია, ასეთ შემთხვევაში საზოგადოების გულისწყრომა აბსოლუტურად სამართლიანია და ჩვენ ყველაფერი უნდა გავაკეთოთ იმისთვის, რომ ეს აღარ მოხდეს’’- აღნიშნა მინისტრმა.რევაზ სოხაძის განცხადებით, სახელმწიფოს მიზანია ისეთი კონტროლისა და ზედამხედველობის სისტემის შექმნა, რომელიც არაკეთილსინდისიერ კომპანიებს უხარისხო სამუშაოების შესრულების შესაძლებლობას არ მისცემს.მინისტრმა ასევე ხაზი გაუსვა ინფრასტრუქტურული პროექტების დროული დასრულების მნიშვნელობას და აღნიშნა, რომ ამ მიმართულებით პასუხისმგებლობას სახელმწიფო სრულად აცნობიერებს. განსაკუთრებით მნიშვნელოვანია სკოლებისა და გზების დროულად დასრულება და მათი ექსპლუატაციაში დროულად შესვლა.„ჩვენი პასუხისმგებლობაა, ყველა პროექტი დროულად ჩაბარდეს. ეს მნიშვნელოვანი ამოცანაა, მითუმეტეს, როდესაც საუბარია ისეთ ინფრასტრუქტურაზე, როგორიცაა სკოლები და გზები, სადაც სასიცოცხლოდ მნიშვნელოვანია, პროექტები დროულად დასრულდეს და დროულად შევიდეს ექსპლუატაციაში“- განაცხადა რევაზ სოხაძემ.

1793341589

საქართველოს შინაგან საქმეთა მინისტრის მოადგილე ალექსანდრე დარახველიძე ჩინეთში სამუშაო ვიზიტით იმყოფება

საქართველოს შინაგან საქმეთა მინისტრის მოადგილე ალექსანდრე დარახველიძე, ჩინეთის სახალხო რესპუბლიკაში, სამუშაო ვიზიტით დელეგაციასთან ერთად იმყოფება.ვიზიტის ფარგლებში, ალექსანდრე დარახველიძემ მონაწილეობა მიიღო საერთაშორისო საპოლიციო თანამშრომლობის შესახებ გამართულ საერთაშორისო ფორუმში.მინისტრის მოადგილემ, მონაწილეებს სიტყვით მიმართა და ტრანსნაციონალური ორგანიზებული დანაშაულის წინააღმდეგ ბრძოლაზე, მის პრევენციასა და სამართალდაცვით სფეროში საერთაშორისო თანამშრომლობის მნიშვნელობაზე ისაუბრა.სამუშაო ვიზიტის ფარგლებში, ალექსანდრე დარახველიძემ, ასევე ორმხრივი შეხვედრა გამართა ვიცე-გუბერნატორთან და საზოგადოებრივი უსაფრთხოების დეპარტამენტის გენერალურ დირექტორთან, ვანგ დონგბინთან, რომელიც საქართველოს დელეგაციას მასპინძლობს.შეხვედრაზე მხარეებმა მიმოიხილეს საქართველოსა და ჩინეთის სახალხო რესპუბლიკის სამართალდამცავ უწყებებს შორის არსებული თანამშრომლობა და მისი შემდგომი განვითარების პერსპექტივებზე ისაუბრეს.შეხვედრის დასასრულს, ალექსანდრე დარახველიძემ, ვიცე-გუბერნატორს მასპინძლობისთვის მადლობა გადაუხადა და საპასუხო ვიზიტით საქართველოში მოიწვია.შინაგან საქმეთა მინისტრის მოადგილესთან ერთად, დელეგაციის შემადგენლობაში არიან უწყების სხვადასხვა დანაყოფის ხელმძღვანელი პირები.ინფორმაციას საქართველოს შინაგან საქმეთა სამინისტრო ავრცელებს.

1793337177

ისრაელის ოპოზიცია ნეთანიაჰუს არჩევნების დელეგიტიმიზაციის მცდელობაში ადანაშაულებს - BBC

 ისრაელის მთავარი ოპოზიციური ლიდერი გადი აიზენკოტი და არაბული პარტიების ლიდერები პრემიერ-მინისტრ ბენიამინ ნეთანიაჰუს აკრიტიკებენ. მათი განცხადებები, უცხოურ ჩარევასთან დაკავშირებით ნეთანიაჰუს ბრალდებას მოჰყვა, მას შემდეგ, რაც არჩევნების შედეგად მისმა კოალიციამ საპარლამენტო უმრავლესობა დაკარგა.ნეთანიაჰუს პარტია "ლიკუდმა" ისრაელის არაბულ პარტიებს არჩევნების "მოპარვაში" დასდო ბრალი. ამავდროულად, ისრაელის შიდა უსაფრთხოების სამსახური "შინ ბეტი" იძიებს, მიიღეს თუ არა ამ პარტიებმა უკანონო დაფინანსება კატარისგან და თურქეთისგან.კატარის საგარეო საქმეთა სამინისტრომ ბრალდებებს "საღ აზრს მოკლებული და სახიფათო" უწოდა, უარყო ისინი და ისრაელელი პოლიტიკოსები დოჰას წინააღმდეგ დეზინფორმაციული კამპანიის წარმოებაში დაადანაშაულა.არჩევნების საბოლოო შედეგებმა დაადასტურა, რომ პარლამენტში უმრავლესობის მოპოვება ვერც ნეთანიაჰუს პოლიტიკურმა ბლოკმა შეძლო და ვერც ებრაულმა ოპოზიციამ. არაბული პარტიების ორმა საარჩევნო გაერთიანებამ - "ერთიანი სია" და პარტია "რაამ", რეკორდული შედეგი აჩვენა და 120-ადგილიან ქნესეთში 19 მანდატი მოიპოვა.მედიის განმარტებით, შედეგი არაბ ამომრჩევლებში აქტივობის მკვეთრმა ზრდამ განაპირობა. ეს შედეგი არაბულ პარტიებს გადამწყვეტი როლის მქონე ძალად აქცევს, რადგან მათ შეუძლიათ განსაზღვრონ, ვინ შეძლებს მთავრობის ფორმირებას.ნეთანიაჰუს პოლიტიკურმა ბლოკმა 53 მანდატი მოიპოვა, ხოლო მისი კონკურენტის, გადი აიზენკოტის ბლოკმა - 48.ხუთშაბათს, პარტია "ლიკუდმა" განაცხადა, რომ ამომრჩევლებს არაბული პარტიებისთვის ხმის მიცემის სანაცვლოდ ფულს უხდიდნენ. ეს განცხადება ცენტრალური საარჩევნო კომისიის (CEC) ხელმძღვანელის გადაწყვეტილებას მოჰყვა, რომელმაც შიდა უსაფრთხოების სამსახურ "შინ ბეტს" მიმართა და უცხოური ჩარევის "სერიოზული ეჭვების" გამოძიება სთხოვა.ორივე არაბულმა პარტიამ ბრალდება კატეგორიულად უარყო. არაბული მოსახლეობის უმრავლესობით დაკომპლექტებულმა ალიანსმა "ერთიანი სია" ბრალდებას ყოველგვარ საფუძველს მოკლებული უწოდა.ნეთანიაჰუს კრიტიკოსები მიიჩნევენ, რომ ეს დაპირისპირება არაბული პარტიების ლეგიტიმურობის ეჭვქვეშ დაყენების მცდელობაა. მათი აზრით, ამით ნეთანიაჰუ ცდილობს, პოლიტიკურად შეუძლებელი გახადოს აიზენკოტის თანამშრომლობა არაბულ პარტიებთან. ამჟამად კი, სწორედ მათთან ალიანსის შექმნა წარმოადგენს აიზენკოტის პოლიტიკური ბლოკისთვისხელისუფლებაში მოსვლის ერთადერთ გზას.BBC ისრაელის მედიაზე დაყრდნობით წერს, რომ ცენტრალურ საარჩევნო კომისიას წარუდგინეს ინფორმაცია, რომლის თანახმადაც, კატარმა არაბულ თემებში ამომრჩეველთა აქტივობის გაზრდის მიზნით ფინანსური დახმარება გამოყო. თუმცა, კატარის საგარეო საქმეთა სამინისტრომ აღნიშნული ბრალდებები კატეგორიულად უარყო. ნეთანიაჰუმ და მისმა პარტია "ლიკუდმა" ეს ბრალდებები "პოლიტიკური მიწისძვრად" და დემოკრატიაზე თავდასხმად შეაფასეს, რომლის მიზანიც მათი მემარჯვენე მთავრობის ხელისუფლებიდან ჩამოშორებაა.

1793335042

,,ნაციონალური მოძრაობის“ ყოფილი თავმჯდომარე თინა ბოკუჩავა მოქმედ ლიდერებს მწვავედ აკრიტიკებს

,,ნაციონალური მოძრაობის“ ყოფილი თავმჯდომარე მოქმედ ლიდერებს მწვავედ აკრიტიკებს და მათ საქმიანობას იწუნებს. თინა ბოკუჩავა კონკრეტულ გვარებს არ ასახელებს, თუმცა ახლანდელ ხელმძღვანელებს ღიად უპირისპირდება. ბოკუჩავა აღიარებს, რომ ოპოზიციას ქართულმა ოცნებამ მოუგო.საკონსტიტუციო სასამართლოს სხდომების შეფასებისას „ნაციონალური მოძრაობის“ ყოფილი თავმჯდომარე უკმაყოფილებას გამოთქვამს.„გარდა ამ ძალდატანებული ფორსირებული შემთხვევისა, რომელიც არა ჩვენი მოქმედებით, არამედ ივანიშვილის მოქმედებით არის განპირობებული, სამწუხაროდ, ახალი მენეჯმენტის პირობებში გაცილებით უფრო იზოლაციონასტურია. თავად ივანიშვილმა ერთ ნავში ჩასვა ოპოზიცია, მაგრამ ეს ივანიშვილს კი არ უნდა გაეკეთებინა, ეს თავად ჩვენ უნდა გაგვეკეთებინა“, - აცხადებს ბოკუჩავა.

1793333419

ირაკლი კობახიძემ ოფიციალურ ვახშამზე საქართველოში ვიზიტით მყოფ აზერბაიჯანის პრემიერ-მინისტრს უმასპინძლა

 საქართველოს პრემიერ-მინისტრმა, ირაკლი კობახიძემ ოფიციალურ ვახშამზე უმასპინძლა აზერბაიჯანის რესპუბლიკის პრემიერ-მინისტრ ალი ასადოვს, რომელიც საქართველოს, დელეგაციასთან ერთად, სამუშაო ვიზიტით ეწვია.მთავრობის მეთაურმა აზერბაიჯანელ კოლეგას ვიზიტისთვის მადლობა გადაუხადა და ორი ქვეყნის სტრატეგიული პარტნიორობის მაღალ დონეზე გაამახვილა ყურადღება.აზერბაიჯანის სამთავრობო დელეგაციის ვიზიტის ფარგლებში, დღეს ორი ქვეყნის პრემიერ-მინისტრების თანათავმჯდომარეობით, საქართველო-აზერბაიჯანის ეკონომიკური თანამშრომლობის მთავრობათაშორისი კომისიის მე-11 სხდომა გაიმართება.

1793333221

5 ოპოზიციური პარტიის არაკონსტიტუციურად ცნობასთან დაკავშირებით სასამართლო სხდომა დღეს 11:00 საათზე განახლდება

5 ოპოზიციური პარტიის არაკონსტიტუციურად ცნობასთან დაკავშირებით სასამართლო სხდომა დღეს 11:00 საათზე განახლდება. პროცესი „ლელო-ძლიერი საქართველოს“ წარმომადგენლის, გიორგი სიორიძის ახსნა-განმარტებით გაგრძელდება. სხდომაზე გათვალისწინებულია „გახარია საქართველოსთვის“ წარმომადგენლების ახსნა- განმარტებების მოსმენაც.გუშინ გამართულ სასამართლო სხდომაზე კი ნიკა გვარამიას მოუსმინეს. მისი განცხადება მოგვიანებით არჩილ გორდულაძემ შეაფასა და ტყუილი უწოდა. მისივე თქმით, გვარამიამ ცინიკურად განაცხადა, რომ ნანობს მისი ხელისუფლების ქმედებას, რომელიც თითქოს „ქართული ოცნების“ დამფუძნებელსა და საპატიო თავმჯდომარეს ბიძინა ივანიშვილს ბიუჯეტში გადასახადებს არ ახდევინებდა, ხოლო შემდეგ ბიუჯეტის ფულით ხელისუფლებაში მოვიდა. არჩილ გორდულაძემ განაცხადა, რომ ბიძინა ივანიშვილს, არასოდეს მისი მოღვაწეობის მანძილზე არათუ ბიუჯეტის თანხა არ მიუღია, ის წლების განმავლობაში პირადად ავსებდა ქვეყნის ბიუჯეტს, როდესაც სწორედ ნაცმოძრაობის ხელისუფლებაში ყოფნის პერიოდში ხაზინას პრობლემები ჰქონდა.