მსოფლიო • 1728209688

„ბევრი აღარ დამრჩა" - ელტონ ჯონმა ფილმის პრემიერისას ჯანმრთელობაზე ისაუბრა

 როგორც ლეგენდარული მუსიკოსი, ნაწილობრივ ხუმრობით, ამბობს, "ბევრი აღარ დარჩენია" და სურს დრო ოჯახსა და საყვარელ ადამიანებს დაუთმოს.მომღერალმა განცხადება სამშაბათს ნიუ იორკის კინოფესტივალზე გააკეთა, სადაც დისნეი პლიუსმა მის ცხოვრებაზე გადაღებული დოკუმენტური ფილმის, ელტონ ჯონი: არასდროსაა გვიანი, პრემიერა წარადგინა.„მართალი გითხრათ, ბევრი არ დამრჩენია. არ მაქვს ადენოიდები ან აპენდიქსი. მე არ მაქვს პროსტატა. მე არ მაქვს არც მარცხენა მუხლი, არც მარჯვენა მუხლი, არც მარჯვენა თეძო. ფაქტობრივად, ერთადერთი რაც დამრჩა არის ჩემი მარცხენა თეძო. ამ ყველაფრის მიუხედავად, მე მაინც აქ ვარ, რადგან თქვენ ხართ ჩემი წარმატების მიზეზი და ამისთვის უზომოდ მადლიერი ვარ",- ნაწილობრივ ხუმრობით განაცხადა ელტონმა.მუსიკოსმა მადლობა თავის ქმარს, დავიდ ფურნიშს, და შვილებსაც გადაუხადა.„მათი წყალობით ვარ ყველაზე ბედნიერი კაცი დედამიწაზე",- თქვა ელტონმა. რაც შეეხება ფილმს, ის ელტონ ჯონის 50 წლიანი კარიერას დეტალურად აღწერს. ფილმი შეიცავს დოკუმენტურ კადრებს და ინტერვიუს ელტონთან, რომელშიც ის ჰყვება, როგორ ძალადობდნენ მშობლები მასზე ბავშვობაში, როგორ იპოვა სიყვარული და სასმელსა და კოკაინზე დამოკიდებულება დაძლია.აღსანიშნავი ფაქტია, რომ ფილმში მისი და ჯონ ლენონის მეგობრობაცაა მოთხრობილი და 1974 წლის Madison Square Garden-ის კონცერტის ვრცელი კადრებია დართული, რომელშიც ბიტლზი მოულოდნელი სტუმარი იყო.

პოლიტიკა • 1728209353

პარტია „ქართული ოცნება - დემოკრატიული საქართველოს“ წინასაარჩევნო კამპანიის ფარგლებში შეხვედრები თელავის მუნიციპალიტეტში გრძელდება

„ქართული ოცნება- დემოკრატიული საქართველოს" თელავის, ახმეტის, ყვარლისა და ლაგოდეხის დელეგატი ირაკლი ქადაგიშვილი, თელავის მუნიციპალიტეტში სოფლების: ლალისყურის, ფშაველისა და ართანას მოსახლეობას შეხვდა.დელეგატმა ისაუბრა 26 ოქტომბრის არჩევნების მნიშვნელობაზე, მოსახლეობის ჩართულობის აუცილებლობაზე. ასევე მოქალაქეებთან შეხვედრისას, დელეგატმა ისაუბრა პროექტებზე, რომლებიც ადგილობრივი მოსახლეობის ცხოვრების პირობების გაუმჯობესებისთვის განხორციელდა.

შემთხვევა • 1728209100

ქედაში ავარიას ბავშვი ემსხვერპლა - ავტომობილი სიმაღლიდან გადავარდა

ავტოსაგზაო შემთხვევა ქედის მუნიციპალიტეტში, სოფელ ბზუბზუსთან მსხვერპლით დასრულდა. მსუბუქი ავტომობილი, რომელშიც რამდენიმე ადამიანი იმყოფებოდა, ხევში გადავარდა. შემთხვევის შედეგად, ბავშვი დაიღუპა.დაშავებულია რამდენიმე ადამიანი, ისინი კლინიკაში არიან გადაყვანილები. მძღოლი კი  დაკავებულია.შინაგან საქმეთა სამინისტროს ინფორმაციით, გამოძიება 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს. 

პოლიტიკა • 1728207840

"ქართული ოცნების“ სამგორის რაიონის დელეგატი ვარლამ ლიპარტელიანი ვარკეთილის მოსახლეობას შეხვდა

"ქართული ოცნების“ სამგორის რაიონის დელეგატი ვარლამ ლიპარტელიანი ვარკეთილის მესამე მასივის მოსახლეობას შეხვდა. ახლად რეაბილიტირებულ სკვერში გამართულ შეხვედრაზე საუბარი შეეხო ქვეყანაში არსებულ სოციალურ და პოლიტიკურ მდგომარეობას. აღინიშნა, რომ მშვიდობის შენარჩუნება მმართველი გუნდის მონაპოვარია და შესაბამისად, იმისათვის, რომ გაგრძელდეს მშვიდობიან და სტაბილურ გარემოში ქვეყნის წინსვლა და განვითარება, 26 ოქტომბრის არჩევნებზე მოქალაქეებმა სწორედ „ქართულ ოცნებას“ უნდა მისცენ ხმა.შეხვედრას სამგორის რაიონის გამგებელი, „ქართული ოცნების“ სამგორის საარჩევნო შტაბის ხელმძღვანელი კახა სამხარაძე ესწრებოდა.

პოლიტიკა • 1728207613

გია ჭყონია: მშვიდობით და ერთიანი ძალისხმევით, ჩვენ ავაშენებთ უკეთეს სოფელს, ქალაქსა და ქვეყანას - „ქართული ოცნება“ საარჩევნო კამპანიის ფარგლებში შეხვედრებს აგრძელებს

"ქართული ოცნება- დემოკრატიული საქართველოს" ქობულეთის დელეგატი გია ჭყონია, ქობულეთში სოფლების: კონდითისა და ხუცუბნის მოსახლეობას შეხვდა. შეხვედრებზე დელეგატმა 26 ოქტომბრის არჩევნების მნიშვნელობაზე ისაუბრა.მოისმინა მოსახლეობისთვის მნიშვნელოვან საკითხები, ასევე დაიგეგმა სამომავლოდ განსახორციელებელი პროექტები. „მოსახლეობის აზრი მნიშვნელოვანია ჩვენთვის და აუცილებლად ვითვალისწინებთ შემდგომ საქმიანობაში. მადლობას ვუხდი თითოეულ ადამიანს ჩართულობისთვის და მხარდაჭერისთვის. მშვიდობით და ერთიანი ძალისხმევით, ჩვენ ავაშენებთ უკეთეს სოფელს, ქალაქსა და ქვეყანას. ვაგრძელებთ შეხვედრებს და მუშაობას ჩვენი ქვეყნის საკეთილდღეოდ,“- განაცხადა გია ჭყონიამ.