1760710349
ვიდეოები
1759320285
ეკონომიკის სამინისტრო - „მსოფლიო ეკონომიკური თავისუფლების“ 2025 წლის რეიტინგში საქართველო რვა ადგილით დაწინაურდა და 165 ქვეყანას შორის 25-ე ადგილი დაიკავა2025 წელს „მსოფლიო ეკონომიკური თავისუფლების“ რეიტინგში საქართველო რვა ადგილით დაწინაურდა და მსოფლიოს 165 ქვეყანას შორის, 7,69 ქულით, 25-ე ადგილი დაიკავა, – ინფორმაციას ამის შესახებ ეკონომიკის სამინისტრო ავრცელებს.როგორც სამინისტროს ინფორმაციაშია აღნიშნული, საქართველომ რეიტინგში, ორივე – როგორც პოზიცია, ასევე ქულა გაიუმჯობესა.უწყების ცნობით, „მსოფლიო ეკონომიკური თავისუფლების“ ინდექსში საქართველოს წარმატების აღიარება განსაკუთრებით მნიშვნელოვანია, რამდენადაც აღნიშნული რეიტინგი ზომავს, თუ ქვეყნის პოლიტიკა და ინსტიტუტები რამდენად აძლევს ადამიანებს შესაძლებლობას გააკეთონ საკუთარი ეკონომიკური არჩევანი.„რეიტინგი ზომავს ქვეყანაში ეკონომიკური თავისუფლების ხარისხს, აფასებს კანონის უზენაესობას, სასამართლოს დამოუკიდებლობას, კერძო საკუთრების დაცულობას, ინფლაციას, ბიუროკრატიის წნეხს, ვალუტის სტაბილურობას, ადგილობრივ და საერთაშორისო ბაზარზე შესვლის შესაძლებლობას და სხვა მახასიათებლებს.რეიტინგი „მსოფლიო ეკონომიკური თავისუფლება“ ქვეყნებს ხუთი ძირითადი მიმართულებით აფასებს; ესენია – მთავრობის ზომა, სამართლებრივი სისტემა და საკუთრების უფლებები, წვდომა მყარ ვალუტაზე, საერთაშორისო ვაჭრობის თავისუფლება და რეგულაციები (კრედიტი, შრომა და ბიზნესი).„მსოფლიო ეკონომიკური თავისუფლების“ რეიტინგში, საქართველო უსწრებს ევროკავშირის წევრ 17 ქვეყანას: ჩეხეთი, ავსტრია, შვედეთი, ლატვია, ლიეტუვა, საფრანგეთი, ბელგია, სლოვაკეთი, იტალია, ნორვეგია, რუმინეთი, ხორვატია, საბერძნეთი, ბულგარეთი, სლოვენია პოლონეთი და უნგრეთი. ამასთან, საქართველო რეიტინგში უპირობო ლიდერია ევროკავშირის წევრობის ყველა კანდიდატ ქვეყანასა (ალბანეთი, მონტენეგრო, ჩრდ. მაკედონია, მოლდოვა, სერბეთი, ბოსნია და ჰერცეგოვინა, უკრაინა და თურქეთი) და ფართო რეგიონის ქვეყნებს შორის.აღსანიშნავია, რომ საქართველოს უმაღლესი, ათქულიანი საუკეთესო შეფასება აქვს შემდეგ კომპონენტებსა და ქვე-კომპონენტებში: ზედა ზღვრული საგადასახადო განაკვეთი; უცხოურ ვალუტაში ნომინირებული საბანკო ანგარიშები; შავ ბაზარზე არსებული ვალუტის გაცვლითი კურსებთან მიმართებით არსებული მდგომარეობა; ზედა ზღვრული საშემოსავლო გადასახადი (top marginal income tax); ზედა ზღვრული შემოსავალი და სახელფასო საგადასახადო განაკვეთი (Top marginal income and payroll tax rate); კომერციული ბანკების ფლობის თავისუფლება; საპროცენტო განაკვეთების რეგულირება/უარყოფითი რეალური საპროცენტო განაკვეთები.რეიტინგში პოზიციის გაუმჯობესება განპირობებულია რიგი პოზიტიური ფაქტორებით, როგორიცაა სასამართლოს დამოუკიდებლობა, საკრედიტო ბაზრის ეფექტიანი რეგულირება, დაბალი ინფლაცია, ხელსაყრელი ბიზნეს გარემოს ფორმირება და სხვ.„მსოფლიოს ეკონომიკური თავისუფლება“ შემუშავებულია კანადური Frazer Institute-ისა და ეკონომიკური თავისუფლების მსოფლიო ქსელის წევრი ინსტიტუტების მონაწილეობით. რეიტინგი ზომავს ქვეყანაში განხორციელებული პოლიტიკური კურსისა და ინსტიტუციების ხარისხს, რაც განსაზღვრავს ქვეყნის ეკონომიკურ თავისუფლებას. რეიტინგში გამოყენებული მონაცემების ნაწილი ეფუძნება ისეთ ავტორიტეტულ საერთაშორისო ორგანიზების კვლევასა და შეფასებებს, როგორიცაა საერთაშორისო სავალუტო ფონდი, მსოფლიო ბანკი, მსოფლიო ეკონომიკური ფორუმი და სხვა“, – აღნიშნულია ინფორმაციაში.
1760644247
1757016870
-15 ქულა და ფულადი ჯარიმა - მნიშვნელოვანი ინფორმაცია მძღოლებისთვის
საგზაო მოძრაობის მონაწილის შეცდომაში შეყვანის მიზნით, სატრანსპორტო საშუალებაზე კანონმდებლობით განსაზღვრული ფერისგან განსხვავებული ნებისმიერი სხვა ფერის ციმციმა სიგნალის დაყენება აიკრძალება. შესაბამისი ცვლილება „საგზაო მოძრაობის შესახებ“ კანონში შედის.ცვლილებების მიხედვით, აღნიშნული ქმედება გამოიწვევს დაჯარიმებას 2 000 ლარის ოდენობით, ასევე ციმციმა სიგნალის კონფისკაციასა და სატრანსპორტო საშუალების მართვის მოწმობისთვის მინიჭებული ქულათა რაოდენობის შემცირებას 15 ქულით.კანონპროექტში აღნიშნულია, რომ დასჯადი იქნება ქმედების განმეორებით ჩადენა, რისთვისაც სანქციის სახით განისაზღვრება ჯარიმა 2 500 ლარის ოდენობით, აგრეთვე ციმციმა სიგნალის კონფისკაცია და სატრანსპორტო საშუალების მართვის მოწმობისთვის მინიჭებული ქულათა რაოდენობის 20 ქულით შემცირება.
სხვა სიახლეები
საზოგადოება • 1760819408
„მშობლებო, დაიცავით ბავშვები!“ - ინფლუენსერი და ფიტნეს ტრენერი „ჩერი“ მიმართვას ავრცელებს
სოციალურ ქსელში ინფლუენსერი, ფიტნეს-ტრენერი ნინო ჩერქეზიშვილი ("ჩერი") ვიდეომიმართვას ავრცელებს და მშობლებს აფრთხილებს.„ეს „სთორი“ ეძღვნებათ მშობლებს. უნდა გაავრცელოთ და ხმა მიაწვდინოთკიდეც. გუშინ „ტიკ-ტოკზე“ შევედი, ჩემი მეგობრის შვილი აკეთებს „ტიკ-ტოკის ფილტრებს და ვიფიქრე, რომ მხარდაჭერის მიზნით, მეც გავაკეთებდი. რომ შედიხარ ფილტრებში ჩანს ვინ გამოიყენა. შოკში ვიყავი, ყველა ვისაც კი გამოყენებული ჰქონდა ეს ფილტრი არიან ბავშვები. მშობლებო, გაიგეთ, რომ ტიკ-ტოკი არის 16+ პლატფორმა“, - ამბობს „ჩერი“ ვიდეოში. @cherrys_fitness დაიცავით ბავშვების მენტალური ჰიგიენა! ტიკტოკი არ არის ბავშვების პლატფორმა. ♬ original sound - Cherry
მსოფლიო • 1760819330
ზაპოროჟიეს ატომური ელექტროსადგურის ტერიტორიაზე დაზიანებული ელექტროგადამცემი ხაზების შეკეთების სამუშაოები დაიწყო, - ამის შესახებ განცხადებას ატომური ენერგიის საერთაშორისო სააგენტო ავრცელებს.ატომური ენერგიის საერთაშორისო სააგენტოს დირექტორის, რაფაელ გროსის განცხადებით, ელექტროენერგიის მიწოდების 4-კვირიანი შეჩერების შემდეგ, სამუშაოები ცეცხლის შეწყვეტის ადგილობრივი ზონების შექმნის შედეგად დაიწყო.„ელექტროგადამცემი ხაზების აღდგენა ბირთვული უსაფრთხოებისთვის კრიტიკულად მნიშვნელოვანია. კომპლექსური სარემონტო გეგმის განსახორციელებლად სააგენტოსთან ორივე მხარემ კონსტრუქციულად ითანამშრომლა“, - აღნიშნა გროსიმ.
მსოფლიო • 1760819023
აშშ-ის პრეზიდენტი დონალდ ტრამპი აცხადებს, რომ აშშ-მა ვენესუელაში ნარკოტიკული საშუალებებს გადამტან წყალქვეშა ნავზე იერიში მიიტანა, დაღუპულია ორი ადამიანი.მისი თქმით, აღნიშნულ ნავს ნაპირზე გამოსვლის შესაძლებლობა თუ მიეცემოდა, სულ მცირე, 25 000 ამერიკელი დაიღუპებოდა.„ჩემთვის დიდი პატივი იყო ძალიან დიდი წყალქვეშა ნავის განადგურება, რომელსაც ნარკოტიკები შეერთებული შტატებისკენ მიჰქონდა. აშშ-ის დაზვერვამ დაადასტურა, რომ ეს წყალქვეშა ნავი ძირითადად ფენტანილით და სხვა უკანონო ნარკოტიკული საშუალებებით იყო დატვირთული. ბორტზე ოთხი ცნობილი ნარკოტერორისტი იმყოფებოდა. ორი ტერორისტი დაიღუპა. სულ მცირე, 25 000 ამერიკელი დაიღუპებოდა, თუ ამ ნავის ნაპირზე გამოსვლას დავუშვებდი. ორი გადარჩენილი ტერორისტი დააბრუნეს თავიანთ ქვეყნებში, ეკვადორსა და კოლუმბიაში. ამ დარტყმის დროს აშშ-ის არცერთი სამხედრო პერსონალი არ დაშავებულა. ჩემი ხელმძღვანელობით, ამერიკის შეერთებული შტატები არ შეეგუება ნარკოტერორისტების მიერ უკანონო ნარკოტიკებით ვაჭრობას, ხმელეთით თუ ზღვით“, – წერს დონალდ ტრამპი.
საზოგადოება • 1760818958
„მოსალოდნელია თოვლი, წვიმა-ელჭექით...“ - მომდევნო დღეების ამინდის პროგნოზი
19 ოქტომბერიდასავლეთ საქართველოში - დროგამოშვებით ღრუბლიანობის მომატება. ღამით უმეტესად უნალექოდ, დღის მეორე ნახევარში ზოგან ხანმოკლე წვიმა და ელჭექი, დასავლეთის ქარი 10-15 მ/წმ. ჰაერის ტემპერატურა: დაბლობში ღამით +10, +15°, დღისი+18, +23°; მთაში ღამით +3, +8°, დღისით +17, +22°; მაღალმთაში ღამით 0, +5°, დღისით +12, +17°.აღმოსავლეთ საქართველოში - დროგამოშვებით ღრუბლიანობის მომატება. ღამით უმეტესად უნალექოდ, დღის ბოლოს ზოგან ხანმოკლე წვიმა და ელჭექი, დასავლეთის ქარი 10-15 მ/წმ. ჰაერის ტემპერატურა: ბარში ღამით +9, +14°, დღისით +17, +22°; მთაში ღამით +3, +8°, დღისით +15, +20°; მაღალმთაში ღამით -1,+4°, დღისით +10, +15°.20 ოქტომბერიდასავლეთ საქართველოში - დროგამოშვებით ღრუბლიანობის მომატება. უმეტეს რაიონში წვიმა და ელჭექი, მაღალმთიან რაიონებში თოვლჭყაპი, დღისით ზოგან ძლიერი. დასავლეთის ქარი 10-15მ/წმ, ზოგან შესაძლებელია ძლიერი 17-22 მ/წმ. ტემპერატურა: დაბლობში ღამით +10,+15°, დღისით +14, +19°; მთაში ღამით +7, +12°, დღისით +12, +17°; მაღალმთაში ღამით +2, +7°, დღისით +7, +12°.აღმოსავლეთ საქართველოში - დროგამოშვებით ღრუბლიანობის მომატება. ღამით ზოგიერთ, დღის II ნახევრიდან უმეტეს რაიონში ხანმოკლე წვიმა და ელჭექი, მაღალმთაში თოვლჭყაპი. დასავლეთის ქარი 10-15 მ/წმ, დღისით ზოგან შესაძლებელია ძლიერი 17-22 მ/წმ. ჰაერის ტემპერატურა: ბარში ღამით +8, +13°, დღისით +18, +23°; მთაში ღამით +4, +9°, დღისით +15, +20°, მაღალმთაში ღამით +1, +6°, დღისით +6, +11°, ზოგან +15°-მდე.21 ოქტომბერიდასავლეთ საქართველოში - დროგამოშვებით ღრუბლიანობის მომატება. ღამით უმეტეს, დღისით ზოგიერთ რაიონშიწვიმა და ელჭექი, მაღალმთაში ზოგან თოვლი, ღამით ზოგან შესაძლებელია ძლიერი. დასავლეთის ქარი 10-15მ/წმ, ღამით ზოგან შესაძლებელია ძლიერი 17-22 მ/წმ. ჰაერის ტემპერატურა: დაბლობშიღამით +8,+13°, დღისით +15, +20°; მთაში ღამით +4, +9°, დღისით +13, +18°; მაღალმთაში ღამით 0, +5°, დღისით +7, +12°.აღმოსავლეთ საქართველოში - დროგამოშვებით ღრუბლიანობის მომატება. ღამით უმეტეს, დღისით ზოგიერთ რაიონში ხანმოკლე წვიმა და ელჭექი, მაღალმთაში ზოგან თოვლი, ღამით ზოგან შესაძლებელია ძლიერი, დასავლეთის ქარი 10-15 მ/წმ, ზოგან ძლიერი 17-22 მ/წმ. ჰაერის ტემპერატურა: ბარში ღამით +7, +12°, დღისით +15, +20°; მთაში ღამით +4, +9°, დღისით +10,+15°, მაღალმთაში ღამით -1, +4°, დღისით +3, +8°, ზოგან +12°-მდე.
საზოგადოება • 1760818784
„დახლებიდან ეტაპობრივად გაქრება!“ - ქვეყანაში ახალი რეგულაცია ამოქმედდება
პლასტმასის დანები, ჩანგლები, თეფშები და სხვა ნივთები მაღაზიების დახლებიდან ეტაპობრივად გაქრება. მომხმარებლებს, მათ ნაცვლად, ალტერნატიული, უსაფრთხო მასალისგან დამზადებული პროდუქცია დახვდებათ. ოფიციალური მონაცემებით, საქართველოში ყოველწლიურად 3-იდან 6 000 ტონამდე პლასტმასის პროდუქტი გამოიყენება, რაც სერიოზულ ეკოლოგიურ გამოწვევად რჩება.საკვებთან შემხებლობაში მყოფი პლასტმასის მასალის გამოყენების შეზღუდვის ერთ-ერთი აქტიური მხარდამჭერი ჯანდაცვის სამინისტროა.ჯანდაცვის სფეროს წარმომადგენლებთან ერთად, რეგულაციებს მიესალმებიან გარემოს დამცველებიც. მათი თქმით, ყველაზე მეტად დაბინძურებულია ტურისტული ზონები, ტყეები, მდინარეები და საპიკნიკე ადგილები. ბუნებაში მოხვედრის შემდეგ მავნე ნივთიერებები საფრთხეს უქმნის როგორც ადამიანებს, ისე ცხოველებსა და ზღვის ეკოსისტემას.მანამ, სანამ ქვეყანა ახალ რეგულაციებს მიიღებს, გარემოს დაცვისა და სოფლის მეურნეობის სამინისტრო საინფორმაციო კამპანიას ატარებს. მიმდინარეობს შეხვედრები სხვადასხვა სფეროს წარმომადგენლებთან - ბიზნესთან, გარემოს დამცველებთან და ჯანდაცვის სექტორის წარმომადგენლებთან. ბოლო შეხვედრა სკოლის მოსწავლეებთან შედგა.მოსალოდნელ ცვლილებებთან ადაპტაციას ბიზნესი უკვე იწყებს. მეწარმეებმა სამინისტროსგან მიიღეს ინფორმაცია, რომ პლასტმასის ნაწარმის იმპორტი და ადგილობრივი ბაზრებისთვის მიწოდება აიკრძალება, ხოლო წარმოება მხოლოდ ექსპორტისთვის იქნება ნებადართული. კომპანიები უსაფრთხო ალტერნატივებზე გადადიან - ხე, ბამბუკი და ქაღალდი, მათ შორის ყველაზე პოპულარული მასალებია. დაგეგმილია თანამშრომლების გადამზადებაც.გარემოს დაცვისა და სოფლის მეურნეობის სამინისტროში აცხადებენ, რომ რეგულაციის სამუშაო ვერსია უკვე მზადაა. ინიციატივის მიხედვით, საქართველოში აიკრძალება პლასტმასის დანების, თეფშების, ჩხირების, ჭიქების და მათი თავსახურების გაყიდვა.ახალი რეგულაციების დანერგვის მიზანია ადამიანის ჯანმრთელობის დაცვა, ქვეყნის საერთაშორისო სტანდარტებთან დაახლოება და გარემოს, მათ შორის შავი ზღვის დაბინძურების ხარისხის შემცირება. ცვლილებები ქვეყანაში სავარაუდოდ მომავალი წლიდან ამოქმედდება.
