კორონავირუსი

1664342174

კორონავირუსით ინფიცირებულთან კონტაქტში მყოფი პირები იზოლაციას არ ექვემდებარებიან

კორონავირუსით ინფიცირებულთან კონტაქტში მყოფი პირები იზოლაციას აღარ ექვემდებარებიან. ამის შესახებ საქართველოს მთავრობის დადგენილებაშია ნათქვამი, რომელიც 27 სექტემბრით თარიღდება.როგორც დადგენილებაშია აღნიშნული, ინფიცირებულთან კონტაქტში მყოფ პირებს ეძლევათ ნიღბის მოხმარების მკაცრი რეკომენდაცია.„COVID-19-ით დაავადებულთან კონტაქტში მყოფი პირები არ ექვემდებარებიან იზოლაციას, ამასთან, ეძლევათ ნიღბის მოხმარების მკაცრი რეკომენდაცია მაღალი რისკის კონტაქტის შეწყვეტიდან მომდევნო 10 კალენდარული დღის განმავლობაში (მათ შორის, დაბალი რისკის გარემოში მოხვედრისას, საზოგადოებრივი თავშეყრის ადგილებში, საზოგადოებრივ ტრანსპორტში, საცხოვრისში, თავის არიდება ისეთი ადგილებისგან, სადაც ნიღბის გამოყენება შეუძლებელია, მაგ: საზკვების დაწესებულებებში და ა.შ“,- აღნიშნულია დადგენილებაში.

პანდემია

1664307174

ექსკურსია ახლო წარსულში - პანდემია, კურიოზები, ისტერიკა და „კიტრების რევოლუცია“

არც ისე შორეულ წარსულში პანდემიამ თავზარი დასცა დედამიწის მოსახლეობას. არ დარჩენილა კუთხე და კუნჭული, სადაც ვირუსს არ შეუღწევია. 2019 წლის სექტემბერში, უხანში კოვიდის პირველი შემთხვევა დადასტურდა, 2020 წლის იანვრიდან უკვე გაისმა განცხადებები იმის შესახებ, რომ მკვლელი ვირუსი მსოფლიოს მოედებოდა და პანდემია გარდაუვალი იქნებოდა.  საქართველოში კოვიდი უკვ 2020 წლის მარტში გამოჩნდა.ბუნებრივია, ყველას გახსოვთ, რა გზა გავიარეთ - აკრძალვები, შეზღუდვები, კარანტინი, კომენდანტის საათი, უამრავი გარდაცვლილი ადამიანი, ყოველ დილით ვითვლიდით ახალ შემთხვევებს, ვირუსით გარდაცვლილებსა და გამოჯანმრთელებულ ადამიანებს.ჯერ კიდევ შეუსწავლელი ვირუსი იძულებულს ხდიდა ექიმებს, რომ მკურნალობის გარკვეული მეთოდები შეემუშავებინათ. ყველა დამაიმედებელ ინფორმაციას გულისყურით ვეკიდებოდით და სიხარულით ვხვდებოდით.იყვნენ ისეთებიც, ვინც ნაყიდ პროდუქტებს საპნიანი წყლით რეცხავდა ან და სადეზინფექციო ხსნარში ატარებდა...ჩვენც, ჟურნალისტები უწყვეტ ნაკადად ვაწვდიდით ინფორმაციას მოსახლეობას და თითოეულ ინფიცირებულსა და მასთან კონტაქტში მყოფებსაც კი  ლამის პირადად ვიცნობდით.დღევანდელი გადმოსახედიდან, როცა უკვე კოვიდმა ჩვეულებრივი გრიპის ვირუსის სტატუსი და თვისებები შეიძინა და აღარაა საშიში საზოგადოებისთვის, თანაც - მეცნიერებმა ვირუსის ქცევა და მისი მართვაც კარგად შეისწავლეს, ბევრი რამ, რაც მაშინ ხდებოდა, უკვე სასაცილოდ გვეჩვენება.გადავხედეთ მაშინდელ მედიაში გამოქვეყნებულ სტატიებს და ღიმილიც კი მომგვარა.გადავწყვიტეთ, გაგახსენოთ „ის დრო“, „მწარე რომ იყო და ახლა ტბილად გვახსენდება“ და ერთგვარი ექსკურსი გავაკეთოთ არც თუ ისე შორეულ წარსულში. 2020 წლის მარტის დასაწყისში თითოეული ადამიანის ვინაობა ვიცოდით, ვისაც სიცხე ჰქონდა. „ბაკურიანიდან ინფექციურში გადმოყვანილი გოგოს ანალიზის პასუხი ცნობილია“, - წერდნენ გამოცემები და ვისაც აღნიშნული პუბლიკაცია თვალში მოხვდებოდა, ყველა ინტერესდებოდა, როგორი პასუხი ჰქონდა გოგონას. გახსოვთ ალბათ, როდესაც გაკეთდა განცხადებები იმის შესახებ, რომ შესაძლოა, კარანტინი გამოცხადებულიყო და ადამიანები იძულებული გავხდებოდით, სახლებში გამოვკეტილიყავით, მაღაზიებში რიგები დადგა და დაიტაცეს ფქვილი, შაქარი, ბურღულეული, ტუალეტის ქაღალდი და ათობით კილოგრამი სხვა პროდუქტი. მთავრობა განცხადებას განცხადებაზე აკეთებდა, რომ პროდუქტზე დეფიციტი არ წარმოიქმნებოდა, მაგრამ ბევრმა თადარიგი მაინც დაიჭირა. ასე გამოქვეყნდა სტატია მედიაში, სათაურით - „ადამიანებმა ტუალეტის ქაღალდი დაიტაცეს“.„მალტაზე კორონავირუსი 12 წლის გოგოს დაუდგინდა“ - ეს იმ დროს ძალიან მნიშვნელოვანი ინფორმაცია იყო, დამეთანხმეთ. „სამედიცინო ნიღბით ქუჩაში სიარული აბსოლუტურად არასაჭირო და არაეფექტურია“ - თქვა თენგიზ ცერცვაძემ ერთ-ერთ თავის გამოსვლაში, 2020 წლის 7 მარტს. თუმცა, გახსოვთ ალბათ, რომ ცოტა მოგვიანებით, პირბადის გარეშე გარეთ გამოსვლა ჯარიმას ითვალისწინებდა.  მაშინ ცერცვაძე ამბობდა: „ინფექცია არ გადაეცემა ჰაეროვანი გზით, რაც ნიშნავს, რომ ინფიცირებული პირის რაიმე სივრცეში მოხვედრის შემთხვევაში ის ინფექცია იმავე სივრცეში მყოფ სხვა პირებს არ გადაეცემათ. რაც შეეხება წვეთოვანი გზით გადაცემას, ინფიცირებულ პირთან ახლო კონტაქტის შემთხვევაში ინფიცირების რისკი არსებობს.„ამოფრქვეული ვირუსის ნაწილაკები სხვადასხვა საგნის ზედაპირზე ილექება, ტანსაცმელზე, მობილურზე, ყველაფერზე. საკმარისია, ჩვენ ისეთ ნივთს შევეხოთ, რომელსაც პაციენტი მოიხმარდა, ჩვენი ხელები დაინფიცირდება. შემდეგ მას მივიტანთ პირთან, თვალთან და მოხდება გადაცემა კონტაქტური გზით. კონტაქტური გზით ინფექციის გადაცემა თავიდან რომ ავიცილოთ, ამისთვის საჭიროა, ხელების ხშირი დაბანა. თუ არ არის ხელის დაბანის შესაძლებლობა, უნდა გამოვიყენოთ სადეზინფექციო ხსნარები. თუ საეჭვო პაციენტია, მაშინ საჭიროა ხშირი განიავება და სველი წესით დასუფთავება. ყველაზე დიდ ინტერესს ეს იწვევს. ნიღბები გამოვიყენოთ თუ არა. ეს ერთ-ერთი ყველაზე გავრცელებული კითხვაა. ნიღაბი აუცილებლად უნდა გაიკეთოს პაციენტმა. ასეთ შემთხვევაში ნიღაბი ეფექტიანია და ხელს უშლის, პაციენტმა ვირუსული ნაწილაკები გამოაფრქვიოს. რაც შეეხება, უნდა გაიკეთოს თუ არა სხვა პირმა, რომელიც კონტაქტშია პაციენტთან, ძირითადად სამედიცინო პერსონალმა, თუ ის უვლის პაციენტს, მკურნალობს ან ცხოვრობს მასთან ერთად ოთახში, ან მასთან ერთად ტრანსპორტით მგზავრობს, ასეთ შემთხვევაში უნდა გაიკეთოს. სრულიად გაუმართლებელია, როდესაც ხალხი ქუჩაში დადის და ნიღაბი უკეთია“. - ამბობდა ის. როგორც გჩვევიათ ხოლმე, გიყვართ ქართული მედიის გაკრიტიკება და ახლა იმასაც იტყვით, რომ სხვა საქმე არ გქონდათ ჟურნალისტებსო. „ფეისბუკი“ ადასტურებს, რომ აშშ-ის ქალაქ სიეტლში, მათი ოფისის თანამშრომელი კორონავირუსით არის დაინფიცირებული“. - ამის შესახებ BBC - წერდა.„ქუთაისის ინფექციურ საავადმყოფოში მაღალი ტემპერატურით 7 წლის ბავშვი მოათავსეს“ - წერდა მედია და საქართველოს მოსახლეობა გულშემატკივრობდა ყველა სიცხიან ბავშვს.პანდემიით ხელიც კი მოითბო ზოგიერთმა არაკეთილსინდისიერმა. მაგალითად, „ტაილანდში გამოყენებულ სამედიცინო ნიღბებს რეცხავდნენ, აუთოვებდნენ და შემდეგ ყიდიან“ - წერდა უცხოური პრესა.პანდემიის გამო ირანის ციხეებში Covid-19-ის გავრცელების შესაჩერებლად დროებით 54 ათასი პატიმარიც კი გაათავისუფლეს. სასამართლოს ოფიციალური წარმომადგენლის განცხადებით, პატიმრები მას შემდეგ გამოუშვეს, რაც მათ ანალიზებმა Covid-19-ით ინფიცირება არ დაუდგინეს. მან ასევე აღნიშნა, რომ მხოლოდ ის მსჯავრდადებულები გამოუშვეს, რომლებსაც 5 წელზე ნაკლები ჰქონდათ მისჯილი.რაღა თქმა უნდა კურიოზების გარეშე არც პანდემია ჩაივლიდა: მაგალითად, იტალუირი პრესა წერდა: „კორონავირუსით დაინფიცირებული 71 წლის კაცი საავადმყოფოდან გაიქცა. მამაკაცს კორონავირუსი რამდენიმე დღის წინ აღმოუჩინეს. ის ინფექციურ დაავადებათა იზოლატორში მოათავსეს.როგორც ადგილობრივი გამოცემა იუწყებოდა, მამაკაცი კარგად გრძნობდა თავს. ჩაალაგა ბარგი და ტაქსით გაიქცა.მომხდარის შესახებ საავადმყოფოს პერსონალმა პოლიციას შეატყობინა. კარაბინიერებმა მამაკაცი პალატაში დააბრუნეს. ამასთან, მამაკაცი თავის საქციელს იმით ხნის, რომ მისი შვილი ექიმია და საჭიროების შემთხვევაში დაეხმარებოდა.პაციენტს მთავრობის დადგენილების დაუმორჩილებლობა წაუყენეს ბრალად. ტაქსის მძღოლი ამჟამად თვითიზოლაციაშია“.ამ ამბავმა ალბათ ყველას ჩვენი ირანელი სტუმარი გაგახსენათ, რომელიც ინფექციური კლინიკიდან გამოიპარა და ჟურნალისტებს ინტერვიუს აძლევდა, რომ მას კორონავირუსი არ დაუდგინდა და ჯანმრთელია. მან მადლობა გადაუხადა ქართველ ექიმებს, რა დროსაც მედპერსონალი გარეთ გამოვიდა და პაციენტი ისევ უკან შეაბრუნეს.  - “ვერ არის ეს კარგად, ვერა“ - მედდის ეს ნათქვამი მფრინავ ფრაზადაც კი იქცა. საქართველოში მომხდარ ინციდენტს Mail-იც გამოეხმაურა: ,,გასაოცარი მომენტი, როდესაც მედპერსონალმა უკან გააბრუნა კორონავირუსის პაციენტი, რომელიც ინტერვიუს იძლეოდა“. - წერდა გამოცემა.ისიც გავიხსენოთ, ინდოეთში იმ ადამიანებს, ვინც კარანტინს არ ემორჩილებოდა, ჯოხებით სცემდნენ.„კორონავირუსი შესაძლოა სეზონურ ინფექციად იქცეს“ - წერდა მედია ჯერ კიდევ 2020 წლის 3 მარტს და ალბათ ეს ერთადერთი „წინასწარმეტყველება“ იყო, რომელიც გამართლდა.„ეძებენ პირებს, რომელთაც კორონავირუსით ინფიცირებულთან ჰქონდათ შეხება“ - ამბობდა ამირან გამყრელიძე და ექიმებთან ერთად კლასტერებად ვალაგებდით საზოგადოებას, - ბათუმის კლასტერი, მარნეულის კლასტერი, ღვანკითის კლასტერი...გაზაფხულზე ლამის „კიტრების რევოლუციაც“ კი გამოგვივიდა, როცა მარნეულელ ფერმერებს მოსავალი გასაყიდად ვერ გამოჰქონდათ სხვა რეგიონებში და ამას მასობრივი პროტესტიც კი მოჰყვა. „ირანში მასობრივ სამარხებს აკეთებენ - თანამგზავრიდან გადაღებული ფოტოები“ - წერდა მედია და დაზაფრულები ვათვალიერებდით ფოტოებს. ამ დროს კი „აშშ-ში კორონავირუსი დაუდგინდა მღვდელს, რომელმაც ასობით ადამიანს ხელი ჩამოართვა“.„ჩინეთის წამყვანი ექსპერტები ვარაუდობენ, რომ COVID-19 მსოფლიო მასშტაბით მინიმუმ ივნისამდე გაგრძელდება“. ამის შესახებ უცხოური მედია აპრილში წერდა, თუმცა, კოვიდი 2021 და 2022 წელსაც გრძელდება და ჩინელმა მეცნიერებმა ზუსტი თარი რაღა თქმა უნდა, ვერ დაასახელეს. დღეს პანიკა უკვე აღარ არსებობს და მსოფლიოს ჯანდაცვის ორგანიზაციამ ისიც კი თქვა, რომ პანდემია შეგვიძლია, დასრულებულად გამოვაცხადოთო. ის კი, რაც 2 წლის განმავლობაში ჩვენს თავს ხდებოდა, ალბათ მეხსიერებიდან არასოდეს წაიშლება და ზოგი ხალისით გავიხსენებთ და ზოგიც - დიდი ტკივილით, ოჯახის წევრებისა და ახლობლების გარდაცვალების გამო. თემის განვრცობა რაღა თქმა უნდა, გაცილებით მეტადაა შესაძლებელი, მაგრამ „პრაიმტაიმი“ თქვენ გიტოვებთ  შანსს და შეგიძლიათ, კომენტარებში გაიხსენოთ თქვენი კურიოზები და ისიც, თქვენ როგორ გახსოვთ პანდემიის პერიოდი. 

pkhakadze giorgi

1664124363

კორონავირუსი შეიძლება დარჩეს ცხიმოვან ქსოვილებში... დროა იფიქროთ, როგორ მოიშოროთ ზედმეტი წონა - გიორგი ფხაკაძე

ჯანდაცვის დამოუკიდებელი ექსპერტი გიორგი ფხაკაძე მეცნიერულ კვლევებზე დაყრდნობით განმარტავს, რომ ჭარბწონიანი ადამიანებისთვის კორონავირუსი განსაკუთრებით საშიშია.„ჭარბი წონა საშიშია. კორონავირუსი შეიძლება დარჩეს ცხიმოვან ქსოვილებში გამოჯანმრთელების შემდეგაც. ეს დასკვნა სტენფორდის უნივერსიტეტის მეცნიერებმა გააკეთეს. კოვიდი აინფიცირებს ცხიმოვან ქსოვილს, სადაც გამრავლებისას ახალ სიმპტომებს იწვევს. დროა იფიქროთ, თუ როგორ უნდა მოიშოროთ ზედმეტი წონა.“ - წერს ფხაკაძე.

მაიმუნის

1663052061

„მაიმუნის ყვავილით“ გარდაცვალების პირველი შემთხვევა დაფიქსირდა ლოს ანჯელესში

ლოს ანჯელესში „მაიმუნის ყვავილის“ შედეგად გარდაცვალების პირველი შემთხვევა დაფიქსირდა. ამის შესახებ CNN წერს. აშშ-ის დაავადებათა კონტროლისა და პრევენციის ცენტრის ცნობით, ინფიცირებულს დასუსტებული ჰქონდა იმუნური სისტემა, რის გამოც ის ჰოსპიტალიზებული იყო.„ძლიერი იმუნოდეფიციტის მქონე პირებს, რომლებსაც „მაიმუნის ყვავილის“ სავარაუდო ნიშნები აქვთ, მოვუწოდებთ მიმართონ სამედიცინო დახმარებას, დაიწყონ ადრეული მკურნალობა და დარჩნენ მეთვალყურეობის ქვეშ დაავადების დროს“, – ნათქვამია უწყების განცხადებაში.აშშ-ში სულ აღრიცხულია „მაიმუნის ყვავილის“ 22 ათასამდე სავარაუდო ან დადასტურებული შემთხვევა. აქედან ყველაზე მეტი – 4 300 შემთხვევა კალიფორნიაში.აშშ-ის დაავადებათა კონტროლისა და პრევენციის ცენტრის მონაცემებით, გლობალური მასშტაბით გამოვლენილია „მაიმუნის ყვავილის“ თითქმის 58 ათასი შემთხვევა და დადასტურდა 18 გარდაცვალება.

cercvadze

1662746455

თენგიზ ცერცვაძე სპეციალურ განცხადებას ავრცელებს

თენგიზ ცერცვაძე საქართველოში მოსახლეობის ინფორმირების მიზნით, სპეციალურ განცხადებას ავრცელებს და დეტალურად აწვდის ინფორმაციას, თუ რა ვითარებაა დღეისთვის COVID-19-ის ეპიდსიტუაციასთან დაკავშირებით.განცხადებას უცვლელად გთავაზობთ:„საქართველოში COVID-19-ის ეპიდსიტუაცია რჩება სტაბილური, ახალი შემთხვევების კლების ტენდენციით, კერძოდ ბოლო ერთი კვირის მანძილზე გამოვლინდა 12 787 ახალი შემთხვევა (დღეში საშუალოდ 1826 ახალი შემთხვევა) მაშინ, როდესაც წინა კვირას იყო 13 737 ახალი შემთხვევა (დღეში საშუალოდ 1962 ახალი შემთხვევა). მათგან კლინიკებში კვირის ბოლოს მკურნალობდა 850 პაციენტი (6,7%), ხოლო დანარჩენი 11 936 პაციენტი მკურნალობდა ბინაზე. ბოლო 1 კვირის მანძილზე სულ ჩატარებულია 73 436 ტესტი, დადებითობის მაჩვენებელია 17,41%, ხოლო ე.წ. რეპროდუქციის ინდექსი (RT): 0.95, რაც ასევე ინფექციის გავრცელების კლების ტენდენციებზე მიუთითებს. რაც ყველაზე მნიშვნელოვანია - ბოლო თვეებში COVID შემთხვევების მატების და COVID ვაქცინაციით დაბალი მოცვის მიუხედავად, საქართველოში უკვე მეხუთე თვეა ვინარჩუნებთ COVID-19-ით გარდაცვალების შემთხვევების რაოდენობას მინიმალურ ნიშნულზე. კერძოდ ბოლო კვირაში (და არა ერთ დღეში) იყო გარდაცვალების 8 შემთხვევა (დღეში საშუალოდ 1 გარდაცვალება), რაც მხოლოდ ცოტათი აღემატება გრიპის ეპიდემიების დროს გარდაცვალების მაჩვენებელს. სადღეისოდ თამამად შეიძლება ითქვას, რომ საქართველოში მოსახლეობის COVID- უსაფრთხოება საიმედოდაა უზრუნველყოფილი ჯანდაცვის სისტემის მიერ, უკლებლივ ყველა პაციენტს მიეწოდება დროული და ხარისხიანი სამედიცინო მომსახურება და ჩვენებების შემთხვევაში ხდება მათი პროაქტიური მკურნალობა ყველაზე თანამედროვე მედიკამენტებით და მეთოდებით.სწორედ ამის შედეგია, რომ ბოლო ხუთი თვის მანძილზე ყოველ ერთ მილიონ მოსახლეზე გადაანგარიშებით საქართველოში COVID-19-ით გარდაცვალების შემთხვევები ბევრად ნაკლებია ვიდრე ამერიკის, ევროპის და დანარჩენი მსოფლიოს ქვეყნების უმრავლესობაში. ასე მაგალითად: საქართველოში ბოლო 5 თვის მანძილზე ყოველ ერთ მილიონ მოსახლეზე გადაანგარიშებით გვქონდა COVID-19-ით 37 გარდაცვალების შემთხვევა. მაშინ როდესაც COVID-19-ის მართვაში სამაგალითოდ მიჩნეულ ქვეყნებშიც კი გარდაცვალების შემთხვევები ბევრად მეტი იყო: აშშ (204 გარდაცვალება 5 თვეში 1 მილიონ მოსახლეზე), ავსტრია (366 გარდაცვალება), დიდი ბრიტანეთი (317 გარდაცვალება), გერმანია (199 გარდაცვალება), იტალია (263 გარდაცვალება), ესპანეთი (215 გარდაცვალება), საფრანგეთი (173 გარდაცვალება), ფინეთი (437 გარდაცვალება), შვედეთი (146 გარდაცვალება), დანია (196 გარდაცვალება), ისლანდია (221 გარდაცვალება), ლიტვა (159 გარდაცვალება), ლატვია (173 გარდაცვალება), ესტონეთი (132 გარდაცვალება), მოლდოვა (78 გარდაცვალება), ისრაელი (114 გარდაცვალება), იაპონია (102 გარდაცვალება), სამხრეთ კორეა (185 გარდაცვალება), ავსტრალია (291 გარდაცვალება), ახალი ზელანდია (479 გარდაცვალება) და ა.შ.“,- ნათქვამია თენგიზ ცერცვაძის მიერ გავრცელებულ ინფორმაციაში.

kovidis kvleva

1662491010

ჩინეთმა დაამტკიცა მსოფლიოში პირველი საინჰალაციო Covid ვაქცინა

ჩინეთი გახდა პირველი ქვეყანა, რომელმაც მწვანე შუქი აუნთო კოვიდის ინჰალაციურ ვაქცინას, რაც გზას გაუხსნის ვაქცინის ნემსის გარეშე გამოყენებას ქვეყანაში, სადაც Covid-19-ის გავრცელების შეჩერება რჩება მთავარ პრიორიტეტად.ვაქცინის მწარმოებელმა CanSino Biologics-მა განაცხადა, რომ ჩინეთის წამლების მარეგულირებელმა დაამტკიცა ინჰალაციური დოზა გადაუდებელი გამოყენებისთვის, როგორც გამაძლიერებელი ვაქცინა.პროდუქტი, რომელიც ცნობილია როგორც Convidecia Air, ვაქცინის დოზას აწვდის ჰაერის ფენით, რომელიც შემდეგ შეისუნთქება პირის ღრუში. CanSino Convidecia Covid-19 ვაქცინა უკვე გამოიყენება ჩინეთში და დამტკიცებულია რამდენიმე სხვა ქვეყანაში.ჯანდაცვის მსოფლიო ორგანიზაციის (WHO) მონაცემთა ბაზის მიხედვით, CanSino-ს ახალი პროდუქტი არის ერთ-ერთი იმ ორი საინჰალაციო ვაქცინადან, რომლებიც მიაღწიეს კლინიკური განვითარების ფაზას, რადგან მთელ მსოფლიოში მრავალი კომპანია იკვლევს ინოვაციურ გზებს Covid-ისგან დაცვის მიზნით.ჩინეთი აგრძელებს მკაცრ ნულოვან Covid-ის პოლიტიკას მაშინაც კი, როდესაც დანარჩენი მსოფლიო სწავლობს ვირუსთან ერთად ცხოვრებას.ჩინეთის 70-ზე მეტი ქალაქი სრულად ან ნაწილობრივადაა ჩაკეტილი აგვისტოს ბოლოდან. ხანდაზმულებში ვაქცინაციის დაბალი მაჩვენებელი არის ერთ-ერთი მიზეზი, რომელსაც ჩინეთის ხელისუფლება იყენებს დაავადების კონტროლის მიმდინარე ღონისძიებების გასამართლებლად. იმავდროულად, კორონავირუსის ახალმა ვარიანტებმა გავლენა მოახდინა დაცვის მექანიზმზე, რომელსაც პირველი თაობის ვაქცინები ახორციელებენ. ჩინეთში ვაქცინაციის კამპანიები გრძელდება, ისევე როგორც შემდეგი თაობის პროდუქტების განვითარება.CanSino-ს მკვლევრებმა განაცხადეს, რომ ადამიანებში, რომლებმაც მიიღეს CoronaVac ვაქცინის ორი დოზა, ინჰალაციური ვაქცინა ზრდის ანტისხეულების დონეს, CoronaVac-ის მესამე დოზასთან შედარებით. კვლევის საშუალებით არ არის დადგენილი, იცავს თუ არა ინჰალაციური დოზა ადამიანებს ინფიცირებისგან ან ხელს უშლის Covid-ის სხვებზე გადაცემას.ამჟამად მიმდინარეობს კლინიკური კვლევები ათზე მეტი აეროზოლური ვაქცინის შესამოწმებლად, რათა დადგინდეს, შეუძლიათ თუ არა მათ შექმნან ლორწოვანის იმუნიტეტი. ის აძლიერებს გარკვეულ ანტისხეულებს ცხვირსა და პირში, განსაკუთრებით იმისთვის, რომ თავიდან აიცილოს ინფექციის გავრცელება. იმედია, რომ  ვაქცინებს, რომლებიც მიიღება სპრეის ან ტაბლეტების სახით პირში და ცხვირში, ასევე შეუძლიათ თავიდან აიცილონ ინფექციის გავრცელება ადამიანიდან ადამიანზე, რაც საინიექციო ვაქცინებს არ შეუძლიათ.ჯანდაცვის მსოფლიო ორგანიზაციამ რეკომენდაცია გასცა Convidecia-ს საინჰალაციო ვერსიის გადაუდებელი გამოყენებისთვის.

კორონავირუსი საქართველო

1662451324

როგორია ბოლო 7 დღის კოვიდ სტატისტიკა საქართველოში

გასული ერთი კვირის (28.08-02.09) განმავლობაში საქართველოში კორონავირუსის 12 787 ახალი შემთხვევა გამოვლინდა. ქვეყანაში 14 257 ადამიანი გამოჯანმრთელდა. ერთი კვირის მონაცემებით, კორონავირუსით გარდაიცვალა რვა პაციენტი. ამის შესახებ ინფორმაციას დაავადებათა კონტროლის ეროვნული ცენტრი ავრცელებს.ერთ კვირაში ქვეყანაში ჩატარდა 73 436 ტესტი. 7-დღიანი ტესტირების დადებითობის მაჩვენებელია – 17.41%.წინა კვირის (21.08-28.08) მონაცემებით, საქართველოში კორონავირუსის 13 737 ახალი შემთხვევა გამოვლინდა, გამოჯანმრთელდა 14 486 პირი, გარდაიცვალა სამი პაციენტი.

კორონავირუსი

1662100963

რა რისკის ქვეშ არიან კოვიდგადატანილები - კვლევა

გასულ წელს ჩატარებული კვლევის მიხედვით, Covid-19-ისგან გამოჯანმრთელებულ პირებს ინფექციის განვითარებიდან ერთი წლის შემდეგ გულის უკმარისობისა და თრომბის წარმოქმნის რისკი ემუქრებათ. გამოცემა Bloomberg-ის ცნობით, ეს ეხება იმ პირებსაც, რომლებსაც დაავადება რთული ფორმით არ გადაუტანიათ.დღესდღეობით მსოფლიოში გარდაცვალების ყველაზე გავრცელებულ მიზეზად გულის დაავადებები და ინსულტი სახელდება. კორონავირუსისგან გამოჯანმრთელებულებს შორის მაღალია გულის დაავადებები.”Covid-19–ის შედეგები ძალიან საყურადღებოა”,- განაცხადა კვლევის ხელმძღვანელმა, მისურის კლინიკური ეპიდემიოლოგიური ცენტრის დირექტორმა, ზიად ალ-ალიმ.”მთავრობებმა და ჯანდაცვის სისტემებმა თვალი უნდა გაუსწორონ იმ რეალობას, რომ Covid-19 ხანგრძლივი დაავადების სახით ჩრდილად მოგვედო. მე შეშფოთებული ვარ, რომ ჩვენ ამას საკმარისად სერიოზულად არ ვეკიდებით “, - აღნიშნა მან.მეცნიერებმა დაადგინეს, რომ Covid-ის დამარცხებიდან პირველი 12 თვის განმავლობაში გულის შეტევის, ინსულტის ან გულ-სისხლძარღვთა სხვა მნიშვნელოვანი პრობლემების რისკი მნიშვნელოვნად გაზრდილია.მკვლევრებმა კოვიდგადატანილი 151 195 ადამიანის გულის დაავადებების რისკი შეადარეს მათ 3,6 მილიონზე მეტ თანატოლს, რომლებსაც ვირუსი არ შეხვედრიათ.კვლევებით დადგინდა, რომ იმ პაციენტებში, რომლებსაც ჰოსპიტალიზაცია არ დასჭირვებიათ, ინფექციის გადატანიდან ერთ წელში, გულის უკმარისობის განვითარების 39%-იანი რისკი ჰქონდათ, ხოლო სისხლის შედედების რისკი 2.2-ჯერ იყო გაზრდილი შედარებით მათთან, ვისაც კოვიდი არ გადაუტანია.კვლევამ ასევე აჩვენა, რომ იმ პაციენტებში, ვისაც ჰოსპიტალიზაცია დასჭირდა, გულის გაჩერების რისკი 5,8-ჯერ იზრდება, ხოლო მიოკარდიტის ალბათობა თითქმის თოთხმეტჯერ არის მომატებული.კვლევის ავტორები, კოვიდგადატანილებს ჯანმრთელობის პარამეტრების მუდმივი კონტროლისკენ მოუწოდებენ.

ჩინეთი კოვიდი

1662060273

„თითოეულ ოჯახს უფლება ექნება, დღეში ერთი ადამიანი გაგზავნოს სურსათის საყიდლად“ - ჩინეთში 80 ათასი ტურისტი გამოკეტეს კოვიდის გავრცელების გამო

ხელისუფლება აწესებს ფართო შეზღუდვებს, რადგან ჩინეთი მტკიცედ იცავს ნულოვანი Covid-ის პოლიტიკას.ჩინეთის ქალაქ ჩენდუში დაახლოებით 21 მილიონი ადამიანი ჩაკეტილია, რადგან ხელისუფლებას ახალი Covid-19-ის გავრცელების შეკავება სურს.ჩინეთი ერთგულია ნულოვანი Covid პოლიტიკის მიმართ, აჩერებს ვირუსის გავრცელებას მასობრივი ტესტირებითა და ხანგრძლივი ჩაკეტვით.ჩენდუ, სამხრეთ-დასავლეთით მდებარე  ქალაქია, რომელმაც გამოაცხადა იზოლაცია და ოფიციალურ განცხადებაში თქვა, რომ ქალაქის მცხოვრებლები „პრინციპულად უნდა დარჩნენ სახლში“ ხუთშაბათს, საღამოს 6 საათიდან, რათა ებრძოლონ ინფექციების ახალ ტალღას.თითოეულ ოჯახს უფლება ექნება, დღეში ერთი ადამიანი გაგზავნოს სასურსათო და აუცილებელი ნივთების საყიდლად, იმ პირობით, რომ ტესტი უარყოფითი იქნება წინა 24 საათის განმავლობაში, ნათქვამია შეტყობინებაში.ასევე, ყველა მცხოვრებს ჩაუტარდება ტესტირება ვირუსზე ხუთშაბათიდან კვირამდე შუალედში და მოუწოდებს მოქალაქეებს, არ დატოვონ ქალაქი, თუ ეს არ იქნება აუცილებელი.„ეპიდემიის კონტროლის ამჟამინდელი მდგომარეობა არანორმალური, რთული და მძიმეა“, - ნათქვამია განცხადებაში და დასძენენ, რომ შეზღუდვა მიზნად ისახავს ყველა მოქალაქის ჯანმრთელობის შენარჩუნებას“.დღეს ჩენდუში დაფიქსირდა 157 ახალი შემთხვევა.ჩინეთის ახალ სასწავლო წელს მინიმუმ 10 ქალაქსა და პროვინციაში ბავშვები ონლაინ სწავლის რეჟიმზე გადავლენ.სინინგიში, დასავლეთ პროვინციის დედაქალაქში, სადაც 2,5 მილიონი ადამიანი ცხოვრობს, სკოლებს გაკვეთილების ჩატარება ონლაინ მოუწევთ. ამასთან, დაიწყო მასიური ტესტის კამპანია და მოქალაქეები კვირაში 3 დღე იმუშავებენ სახლიდან.რაიონის მთავრობამ გასცა ბრძანება გასართობი ადგილების დახურვის შესახებ, მათ შორის ბარები, კინოთეატრები და კარაოკე კლუბები.  ცოტა ხნის წინ ტურისტებმა სამხრეთ კუნძულის პროვინცია ჰაინანში საპროტესტო აქცია ჩაატარეს მას შემდეგ, რაც 80 000-ზე მეტი ტურისტი საკურორტო ქალაქში კოვიდის გავრცელების გამო გამოკეტეს.ს

tengiz cercvadze

1662054183

თენგიზ ცერცვაძე განცხადებას ავრცელებს

თბილისის ინფექციური საავადმყოფოს ხელმძღვანელი თენგიზ ცერცვაძე სოციალურ ქსელში, მსოფლიოსა და საქართველოში COVID-19 თან დაკავშირებით არსებულ სიტუაციასთან დაკავშირებით განცხადებას და შესაბამის მონაცემებს აქვეყნებს.ინფექციონისტის განცხადებას უცვლელად გთავაზობთ:,,COVID-19 სიტუაცია მსოფლიოსა და საქართველოში - ბოლო ერთი კვირის მონაცემები----------------------ბოლო ერთი კვირის მანძილზე მსოფლიოში COVID-19-ის ახალი შემთხვევების და გარდაცვალების შემთხვევების რაოდენობა დაახლოებით ისეთივე იყო, როგორც წინა კვირებში, კერძოდ: დღეში საშუალოდ ფიქსირდებოდა 1 მილიონამდე COVID ახალი შემთხვევა და 2000-ზე მეტი გარდაცვალება, რაც პანდემიის პიკურ მაჩვენებლებთან შედარებით ნაკლებია, მაგრამ სრული ვაქცინაციის და ომიკრონის შტამებით გამოწვეული დაავადების შედარებით მსუბუქი მიმდინარეობის გათვალისწინებით ცოტა მაინც არ არის.საქართველოში COVID-19-ის ეპიდსიტუაცია რჩება სტაბილური, ახალი შემთხვევების მცირე მატების ტენდენციით, კერძოდ ბოლო ერთი კვირის მანძილზე გამოვლინდა 13 737 ახალი შემთხვევა მაშინ, როდესაც წინა კვირას იყო 12 535 ახალი შემთხვევა. სადღეისოდ ქვეყანაში არის COVID-ის 13 299 აქტიური შემთხვევა. მათგან კლინიკებში მკურნალობს 930 პაციენტი (7%), ხოლო დანარჩენი 12 369 პაციენტი მკურნალობს ბინაზე. ბოლო 1 კვირის მანძილზე სულ ჩატარებულია 76 704 ტესტი, დადებითობის მაჩვენებელია 17,91%, ხოლო ე.წ. რეპროდუქციის ინდექსი (RT): 1.08, რაც ინფექციის ზომიერ გავრცელებაზე მიუთითებს.რაც ყველაზე მნიშვნელოვანია - COVID ახალი შემთხვევების მატების და ვაქცინაციით დაბალი მოცვის მიუხედავად, საქართველოში უკვე მეხუთე თვეა ვინარჩუნებთ COVID-19-ით გარდაცვალების შემთხვევების რაოდენობას მინიმალურ ნიშნულზე. კერძოდ ბოლო კვირაში (და არა ერთ დღეში) იყო გარდაცვალების მხოლოდ 3 (სამი) შემთხვევა, რაც ყველაზე დაბალი მაჩვენებელია საქართველოსთვის და არამარტო საქართველოსთვის - ძალიან ბევრი ქვეყნისთვის, COVID პანდემიის ბოლო 2 წლის მანძილზე (წინა კვირებში იყო გარდაცვალების 6-8 შემთხვევა, რაც ასევე ძალიან დაბალია). ეს იმას ნიშნავს, რომ ბოლო კვირაში ყოველი 4000-მდე COVID-19-ით ავადმყოფისგან საშუალოდ მხოლოდ ერთი ავადმყოფის (0.025%) გადარჩენა ვერ ხერხდება, რაც თითქმის არ აღემატება გრიპის ეპიდემიების დროს გარდაცვალების მაჩვენებელს. რა თქმა უნდა, გარდაცვალების ასეთი ძალიან დაბალი მაჩვენებლის მუდმივად შენარჩუნება ადვილი არ იქნება, მაგრამ ყველაფერი უნდა ვიღონოთ, რათა გარდაცვალების შემთხვევების რაოდენობა სტაბილურად შევინარჩუნოთ რაც შეიძლება დაბალ ნიშნულზე, რათა თავიდან ავიცილოთ COVID-19-ის ნეგატიური გავლენა ადამიანების ცხოვრების ხარისხსა და ეკონომიკაზე.სადღეისოდ თამამად შეიძლება ითქვას, რომ საქართველოში მოსახლეობის COVID- უსაფრთხოება საიმედოდაა უზრუნველყოფილი ჯანდაცვის სისტემის მიერ, უკლებლივ ყველა პაციენტს მიეწოდება დროული და ხარისხიანი სამედიცინო მომსახურება და ჩვენებების შემთხვევაში ხდება მათი პროაქტიური მკურნალობა ყველაზე თანამედროვე მედიკამენტებით და მეთოდებით. ჩვენ, ცალკეული პირების მხრიდან სერიოზული მცდელობის მიუხედავად, კატეგორიული უარი ვთქვით იმ მედიკამენტების (ივერმექტინი, ფლუვოქსამინი, ფავიპირავირი, აზითრომიცინი, ავიპტადილი და სხვ.) გამოყენებაზე, რომელთა ეფექტიანობა არ არის დადასტურებული სერიოზული კლინიკური კვლევებით და არა აქვთ ავტორიტეტული მარეგულირებლების (FDA, EMA და სხვ.) რეკომენდაცია. განსაკუთრებით გაუმართლებელი და არაკორექტული მცდელობა იყო რიგი კლინიკის ხელმძღვანელებისა და ექსპერტების მხრიდან ავიპტადილზე. სამაგიეროდ საჭირო დროს და საჭირო ჩვენებებით ფართოდ ვიყენებდით და ვიყენებთ პაქსლოვიდს, რემდესივირს, მონოკლონურ ანტისხეულებს, ბარიციტინიბს, ტოცილიზუმაბს და სხვა სიცოცხლის გადამრჩენ მედიკამენტებს. სწორედ ამის შედეგია, რომ ბოლო ოთხი თვის მანძილზე ყოველ ერთ მილიონ მოსახლეზე გადაანგარიშებით საქართველოში COVID-19-ით გარდაცვალების შემთხვევები ბევრად ნაკლებია ვიდრე ამერიკის, ევროპის და დანარჩენი მსოფლიოს ქვეყნების უმრავლესობაში.ნიშანდობლივია, რომ ანგაჟირებული ტელევიზიები და ცალკეული ე.წ. ექსპერტები საქართველო COVID გარდაცვალების შემთხვევების მატების ან ავადმყოფების ჰოსპიტალიზაციაში 2-3 დღიანი შეფერხებების შექმნისთანავე (ასეთი შეფერხებები უცხოეთის წამყვან ქვეყნებში გაცილებით უფრო მეტი იყო) დაუფარავი კმაყოფილებით და ნიშნის მოგებით აკრიტიკებდნენ საქართველოს ჯანდაცვას და ამბობდნენ, რომ COVID პანდემია ძალიან ცუდად იმართება. იგივე ადამიანები ბოლო 5 თვის მანძილზე ხმას არ იღებენ და მაქსიმალურად აიგნორირებენ ქვეყანაში COVID-ის ძალიან წარმატებულ კლინიკურ მართვას. რას იზამ, ბოღმიან ადამიანებს რა გამოლევს, მაგრამ ეს ჩვენ ნაკლებად გვაღელვებს. ღმერთმა ხელი მოუმართოთ. ჩვენთვის მთავარია მოსახლეობის COVID უსაფრთხოება იყოს უზრუნველყოფილი. ისე. მაინც მინდა მოვიყვანო COVID-ის მართვაში ყველაზე წარმატებული ზოგიერთი ქვეყნის ბოლო 4 თვეში გარდაცვალების მაჩვენებლები 1 მილიონ მოსახლეზე გადაანგარიშებით: აშშ (147 გარდაცვალება 4 თვეში 1 მილიონ მოსახლეზე), დიდი ბრიტანეთი (190), გერმანია (135), ისრაელი (99), ფინეთი (294), ავსტრია (135), დანია (130), შვედეთი (97), ისრეალი (99), იაპონია (80), სამხრეთ კორეა (77) და სხვ. საქართველოში სულ 23 გარდაცვალება ბოლო 4 თვის მანძილზე 1 მილიონ მოსახლეზე გადანგარიშებით.მინდა მოსახლეობამ იცოდეს, რომ საქართველოში ბოლო თვეებში დაფიქსირებულ COVID-19-ის ერთეულ გარდაცვალების შემთხვევებსაც თითქმის ყოველთვის ადგილი ჰქონდა იმ პაციენტებში, რომლებმაც გვიან ჩაიტარეს COVID-ზე ტესტირება, გვიან შევიდნენ ან საერთოდ არ შესულან კომუნიკაციაში ექიმთან და შესაბამისად დაგვიანებით მიმართეს COVID კლინიკას. პრაქტიკულად არცერთ ავადმყოფთან, რომლებმაც პირველივე სიმპტომების გაჩენისთანავე ჩაიტარეს COVID-ზე ტესტირება და დადებითი პასუხის შემთხვევაში პირველივე დღეებში ჰქონდათ კომუნიკაცია ექიმთან და ასრულებდნენ მათ რეკომენდაციებს, მათ შორის ჩვენებების შემთხვევაში იღებდნენ პაქსლოვიდს ან რემდესივირს, ლეტალური შედეგი არ დამდგარა. შესაბამისად, უკიდურესად, სასიცოცხლოდ მნიშვნელოვანია, რომ ყველა პიროვნებამ, ვისაც გამოუვლინდება COVID-19-ის სიმპტომები, დაუყოვნებლივ ჩაიტაროს ტესტი COVID-ზე.მინდა ვურჩიო მოსახლეობას, აქტიურად გააგრძელონ ვაქცინაცია, მათ შორის ე.წ. ბუსტერ დოზებით.მინდა დაბეჯითებით ვურჩიო ყველა ოჯახის ექიმს, ყველა COVID- კლინიკას და COVID-19-ით ყველა პაციენტს, პირველივე სიმპტომის გაჩენისთანავე ჩაიტარონ ტესტირება და სათანადო ჩვენების შემთხვევაში დროულად, პირველივე დღეებში გამოიყენონ პაქსლოვიდი ან რემდესივირი. ამით ჩვენ გადავარჩენთ ათასობით COVID-19-ით პაციენტის სიცოცხლეს", - წერს თენგიზ ცერცვაძე სოციალურ ქსელში.

კოვიდი ბავშვებში

1662050043

Covid-ის კლინიკები ახალი ტარიფებით იმუშავებენ

საქართველომ ახალი ტარიფები დააწესა კოვიდ კლინიკებზე. მთავრობის შესაბამისი დადგენილება „საკანონმდებლო მაცნეს“ ვებგვერდზეა გამოქვეყნებული.საქართველოში სახელმწიფო სრულად იხდის კოვიდ-19-ით დაავადებული პაციენტების ჰოსპიტალიზაციის ხარჯს. იმ შემთხვევაში, თუ დაავადება მსუბუქად მიმდინარეობს, მოქალაქეებს შეუძლიათ, ოჯახის ექიმის უფასო კონსულტაცია მიიღონ. სახელმწიფო ამიერიდან კოვიდ კლინიკებს 950 ლარს აუნაზღაურებს იმ პაციენტების მკურნალობისთვის,  რომლებიც ექვემდებარებიან თერაპიულ ჩარევას და არ მკურნალობენ ინტენსიური თერაპიის განყოფილებაში.თუ სტაციონარული მკურნალობის დროს პაციენტი გადაყვანილია ინტენსიური თერაპიის განყოფილებაში და მას დასჭირდება ინვაზიური ან არაინვაზიური ვენტილაცია, BIPAP/CPAP თერაპია (CPAP/BIPAP), სახელმწიფო საავადმყოფოს აუნაზღაურებს 4,5 ათას ლარს.იმ შემთხვევაში, თუ პაციენტი საავადმყოფოში სხვა მიზეზების გამო მოხვდება, კლინიკას გადაეცემა COVID-19-ის მკურნალობისთვის დადგენილი ტარიფის ნახევარი. რაც შეეხება ძირითად დაავადებას, მისი მკურნალობა სრულად, სახელმწიფო პროგრამით დადგენილი ოდენობით დაფინანსდება.დადგენილების მიხედვით, ტარიფებში შედის მკურნალობა ან/და დიაგნოსტიკასთან დაკავშირებული ყველა ხარჯი, მათ შორის კვება, ასევე სამედიცინო პერსონალის ხელფასები, კომუნალური და საყოფაცხოვრებო ხარჯები.თბილისის პედიატრიული ქირურგიის ცენტრის დირექტორი, ირაკლი გამყრელიძე არ გამორიცხავს, ​​რომ ახალი ტარიფებით კოვიდ კლინიკებში მომსახურების ხარისხი შემცირდეს.„ვფიქრობ, ამ რაოდენობის დაფინანსებით კლინიკები ვერ მიაწვდიან პაციენტებს იმას, რაც აქამდე შეეძლოთ“, - განაცხადა გამყრელიძემ bm.ge-სთვის მიცემულ კომენტარში.ის ეჭვობს, რომ ტარიფით განსაზღვრული თანხა საკმარისი იქნება იმ პაციენტებისთვის, რომლებიც საავადმყოფოებში ოთხ დღეზე მეტ ხანს დარჩებიან.გამყრელიძის თქმით, უპირველეს ყოვლისა, ახალი დებულებები გავლენას მოახდენს სამედიცინო პერსონალის ანაზღაურებაზე. „თუ გადავხედავთ ხარჯებს, რაც საშუალოდ ჰქონდათ კლინიკებს კოვიდის მართვის პერიოდში და რამდენად დააფინანსეს, ეს მაჩვენებლები ახლოსაა რეალურ ხარჯებთან. მაგრამ ამ თანხის გარდა, კლინიკებმა აიღეს საფასური საწოლების მობილიზაციისთვის და სამედიცინო პერსონალის ხელფასების სპეციალური დანამატებისთვის“, - იხსენებს ის.ამ დრომდე სახელმწიფო ანაზღაურებდა კოვიდ კლინიკებს თითოეული პაციენტისთვის გაწეულ მომსახურებას, ფაქტობრივი ხარჯების მიხედვით. ადრეც, ფაქტობრივ ხარჯებთან ერთად, საავადმყოფოებს უხდიდნენ საწოლის დღე-ღამის ღირებულებას. კლინიკების დატვირთვა ამაზე არანაირად არ მოქმედებდა.

ექიმი

1662007320

დაინფიცირებიდან ორი წლის შემდეგ, კორონავირუსმა შეიძლება ტვინთან დაკავშირებული დარღვევები გამოიწვიოს - კვლევა

„კორონავირუსი მნიშვნელოვნად ზრდის დემენციის, ფსიქოზისა და გონების დაბინდვის სინდრომის (კოგნიტური დეფიციტის) განვითარების რისკს ინფიცირებიდან ორი წლის შემდეგ“, - ამის შესახებ დაავადების ნევროლოგიური და ფსიქიატრიული ეფექტების შესახებ ჩატარებულ პირველ ვრცელ კვლევაშია აღნიშნული. ინფორმაციას Financial Times-ი ავრცელებს.კვლევის თანახმად, გრძელვადიანი ეფექტები ნაკლებად ვლინდება ბავშვებში, თუმცა, ამ კატეგორიაში, ინფექცია ეპილეფსიის რისკს აორმაგებს.ოქსფორდის უნივერსიტეტის მკვლევარებმა ორი წლის წინ ინფიცირებული 1.25 მილიონი ადამიანის ჯანმრთელობის ელექტრონული ჩანაწერები გააანალიზეს.