1789492950

პრემიერი - პროექტი Downtown Tbilisi და მის მთავარ სიმბოლოდ ჩაფიქრებული Trump Tower Tbilisi სცდება მხოლოდ ურბანული მშენებლობის ჩარჩოებს, 2 მილიარდი დოლარის ინვესტიცია, 600 ათასი კვადრატული მეტრი თანამედროვე სივრცე დედაქალაქის ცენტრში ქვეყნისთვის ახალ რეალობას, გამორჩეულ ეკონომიკურ და ტურისტულ მიზიდულობას შექმნის

დღევანდელი დღე, თამამად შეიძლება ითქვას, არის ისტორიული ჩვენი ქვეყნისთვის და ჩვენი დედაქალაქის განვითარებისთვის, - ამის შესახებ საქართველოს პრემიერ-მინისტრმა ირაკლი კობახიძემ Trump Tower Tbilisi-ის პროექტის პრეზენტაციაზე სიტყვით გამოსვლისას განაცხადა.მთავრობის მეთაურის თქმით, პროექტი Downtown Tbilisi და მის მთავარ სიმბოლოდ ჩაფიქრებული Trump Tower Tbilisi სცდება მხოლოდ ურბანული მშენებლობის ჩარჩოებს.„2 მილიარდი დოლარის ინვესტიცია, 600 ათასი კვადრატული მეტრი თანამედროვე სივრცე დედაქალაქის ცენტრში ქვეყნისთვის ახალ რეალობას, გამორჩეულ ეკონომიკურ და ტურისტულ მიზიდულობას შექმნის.ეს არის 280 მეტრის სიმაღლის 62-სართულიანი თაუერი, რაც გახლავთ  თამამი განაცხადი, რომელიც თბილისს ახალ მიზიდულობას შესძენს მსოფლიოს წამყვანი ურბანული ცენტრების გვერდით.ეს მასშტაბური თანამშრომლობა არის აბსოლუტურად ბუნებრივი და  კანონზომიერი: საქართველო არის ბუნებრივი დამაკავშირებელი ხიდი ევროპასა და აზიას შორის მრავალი თვალსაზრისით. ჩვენ გვაქვს თანმიმდევრული პოლიტიკა, ღია ეკონომიკა და ამის შედეგია, რომ  თბილისი და ზოგადად ჩვენი ქვეყანა გლობალური ინვესტორებისთვის ერთ-ერთ ყველაზე საიმედო და მიმზიდველ მიმართულებად ყალიბდება.ასეთი მასშტაბური პროექტის განხორციელებას ალბათ 5 წლის წინაც კი ძალიან რთულად წარმოვიდგენით, თუმცა ამ წლების განმავლობაში ჩვენი ქვეყანა ძალიან სწრაფი ტემპით ვითარდება. დღეს აღინიშნა, რომ  ჩვენს ქვეყანას აქვს გამორჩეული ეკონომიკური ზრდის ტემპი ამ წლების განმავლობაში. მხოლოდ ამ 5 წელიწადში საქართველოს ეკონომიკა დოლარში თითქმის 2.5-ჯერ გაიზარდა. რა თქმა უნდა, ასეთი ტენდენცია, ასეთი დინამიკა იძლევა ახალი მასშტაბის პროექტების განხორციელების შესაძლებლობას“, -  განაცხადა ირაკლი კობახიძემ.როგორც პრემიერმა აღნიშნა, გლობალური ბრენდის - „ტრამპის ორგანიზაციისა“ და მსოფლიოს წამყვანი არქიტექტურული ფირმის, Gensler-ის ვაშინგტონის ოფისის ჩართულობა ამ პროექტის წარმატების ძალიან  მყარ გარანტიას ქმნის.„განსაკუთრებით აღსანიშნავია, რომ მსოფლიო გიგანტების ღირსეული და სრულფასოვანი პარტნიორია ქართული ბიზნესი. ეს არის ნათელი დადასტურება იმისა, რომ ქართულ კომპანიებს და კაპიტალს გლობალური მასშტაბის იდეების განხორციელების რესურსი და შესაძლებლობა აქვს. ეს პროექტი ნიშნავს ათასობით  სამუშაო ადგილს ჩვენს ქვეყანაში, მრავალწლიან დაკვეთებს ქართული სამშენებლო სექტორისთვის და ამდენად, უდიდეს სტიმულს ჩვენი ქვეყნის ეკონომიკისთვის. 2031 წელს, როდესაც ტრამპ თაუერი აშენდება და 2033 წელს, როდესაც მთლიანი უბანი დასრულდება, თბილისი მიიღებს სრულიად გამორჩეულ სივრცეს, რომელიც ჰარმონიულად შეერწყმება განახლებულ ცენტრალურ პარკს. საქართველოს მთავრობა მომავალშიც მტკიცედ დაუჭერს მხარს ასეთ პროექტებს, თითოეულ ინვესტორს მსგავსი მასშტაბური და გრძელვადიანი პროექტების განხორციელებაში. მინდა, მადლობა გადავუხადო თითოეულ ჩართულ კომპანიას - მადლობა „არქის“, „ინვიას“, „საფირ ორგანიზაციას“, „ფინვესტს“, „ბლოქსტოუნ კაპიტალს“ და „ვექტორ ჯგუფს“ ამ ინიციატივისთვის და წარმატებას ვუსურვებ. მადლობას ვუხდი Downtown Tbilisi-ს და Trump Tower-ს, ჩვენს ინვესტორებს ამ პროექტის განხორციელებისთვის, მხარდაჭერისთვის. ეს მხარდაჭერა ჩვენთვის არის ძალიან მნიშვნელოვანი. ღრმად ვარ დარწმუნებული, რომ ეს პროექტი გახდება ჩვენი ქვეყნის ეკონომიკური სიძლიერის, მშვიდობისა და პროგრესის კიდევ ერთი თვალსაჩინო სიმბოლო, საქართველოს, როგორც სანდო, საიმედო და სტაბილური სახელმწიფოს სავიზიტო ბარათი“, - განაცხადა პრემიერმა.

1789492622

„ყველაფერი დაიწყო მაშინ, როდესაც ჩვენ ვსაუბრობდით საქართველოზე, როგორც წარმოუდგენლად კარგ ქვეყანაზე“ - ერიკ ტრამპი თბილისში Trump Tower-ის მშენებლობაზე

The Trump Organization-ის აღმასრულებელმა ვიცე-პრეზიდენტმა, ერიკ ფრედერიკ ტრამპმა, Trump Tower Tbilisi-ის პროექტის პრეზენტაციაზე ჩართვისას განაცხადა, რომ პროექტის განხორციელება ქვეყნის სწრაფმა ეკონომიკურმა ზრდამ, საინვესტიციო კლიმატმა და ბუნებრივმა პოტენციალმა განაპირობა.მან ხაზი გაუსვა საქართველოს ეკონომიკურ პროგრესს და განაცხადა, რომ თბილისი თავისი კლიმატითა და სტუმართმოყვარეობით არის ქალაქი, სადაც ყველას სურს ყოფნა:„უპირველეს ყოვლისა დიდი მადლობა პრემიერ-მინისტრს და ყველას, მთელს გუნდს. ეს ყველაფერი დაიწყო Mar-a-Lago-ში, როდესაც ჩვენ ვსაუბრობდით საქართველოზე, როგორც წარმოუდგენლად კარგ ქვეყანაზე.ქართველ ხალხს უყვარს ამერიკა და ამერიკას უყვარს ქართველი ხალხი. ჩვენ ვუყურებთ ეკონომიკას, ვუსმენდით ეკონომიკის მინისტრს და ასეთი, მზარდი, 10% მშპ ყოველწლიურად და ევროპაში ნებისმიერ სხვა ქვეყანასთან, მსოფლიოს სხვა ქვეყნებთან შედარებით საქართველო უფრო სწრაფად იზრდება.როდესაც ვუყურებთ ჩვენ საქართველოს კულტურულ ასპექტს, ტრანსპორტირებასთან დაკავშირებით არსებულ მდგომარეობას, როდესაც ვუყურებთ ბუნებრივ სილამაზეს - ეს არის ქალაქი, სადაც ყველას უნდა ყოფნა. როდესაც ჩვენ პროექტებს ვახორციელებთ, ჩვენთვის მნიშვნელოვანია მთლიანად ეს კლიმატი, რადგანაც ჩვენ საუკეთესო შენობებს ვაშენებთ ქვეყნებში, სადაც არის ძალიან დიდი სტუმართმოყვარეობა.გვინდა, რომ ნამდვილად გამორჩეული შენობები გვქონდეს მსოფლიოს სხვადასხვა ქვეყანაში და ამას მხარს უჭერს მამაჩემიც“, - განაცხადა ერიკ ფრედერიკ ტრამპმა.

1789491360

პრემიერი: Trump Tower Tbilisi სცდება მხოლოდ ურბანული მშენებლობის ჩარჩოებს, 2 მილიარდი დოლარის ინვესტიცია, 600 000 კვადრატული მეტრი თანამედროვე სივრცე დედაქალაქის ცენტრში ქვეყნისთვის ახალ რეალობას, გამორჩეულ ეკონომიკურ და ტურისტულ მიზიდულობას შექმნის

დღევანდელი დღე, თამამად შეიძლება ითქვას, არის ისტორიული ჩვენი ქვეყნისთვის და ჩვენი დედაქალაქის განვითარებისთვის, - ამის შესახებ საქართველოს პრემიერ-მინისტრმა ირაკლი კობახიძემ Trump Tower Tbilisi-ის პროექტის პრეზენტაციაზე სიტყვით გამოსვლისას განაცხადა. მთავრობის მეთაურის თქმით, პროექტი Downtown Tbilisi და მის მთავარ სიმბოლოდ ჩაფიქრებული Trump Tower Tbilisi სცდება მხოლოდ ურბანული მშენებლობის ჩარჩოებს. "2 მილიარდი დოლარის ინვესტიცია, 600 ათასი კვადრატული მეტრი თანამედროვე სივრცე დედაქალაქის ცენტრში ქვეყნისთვის ახალ რეალობას, გამორჩეულ ეკონომიკურ და ტურისტულ მიზიდულობას შექმნის. ეს არის 280 მეტრის სიმაღლის 62-სართულიანი თაუერი, რაც გახლავთ  თამამი განაცხადი, რომელიც თბილისს ახალ მიზიდულობას შესძენს მსოფლიოს წამყვანი ურბანული ცენტრების გვერდით. ეს მასშტაბური თანამშრომლობა არის აბსოლუტურად ბუნებრივი და  კანონზომიერი: საქართველო არის ბუნებრივი დამაკავშირებელი ხიდი ევროპასა და აზიას შორის მრავალი თვალსაზრისით.  ჩვენ გვაქვს თანმიმდევრული პოლიტიკა, ღია ეკონომიკა და ამის შედეგია, რომ  თბილისი და ზოგადად ჩვენი ქვეყანა გლობალური ინვესტორებისთვის ერთ-ერთ ყველაზე საიმედო და მიმზიდველ მიმართულებად ყალიბდება. ასეთი მასშტაბური პროექტის განხორციელებას ალბათ 5 წლის წინაც კი ძალიან რთულად წარმოვიდგენით, თუმცა ამ წლების განმავლობაში ჩვენი ქვეყანა ძალიან სწრაფი ტემპით ვითარდება. დღეს აღინიშნა, რომ  ჩვენს ქვეყანას აქვს გამორჩეული ეკონომიკური ზრდის ტემპი ამ წლების განმავლობაში. მხოლოდ ამ 5 წელიწადში საქართველოს ეკონომიკა დოლარში თითქმის 2.5-ჯერ გაიზარდა. რა თქმა უნდა, ასეთი ტენდენცია, ასეთი დინამიკა იძლევა ახალი მასშტაბის პროექტების განხორციელების შესაძლებლობას“, -  განაცხადა ირაკლი კობახიძემ. როგორც პრემიერმა აღნიშნა, გლობალური ბრენდის - „ტრამპის ორგანიზაციისა“ და მსოფლიოს წამყვანი არქიტექტურული ფირმის, Gensler-ის ვაშინგტონის ოფისის ჩართულობა ამ პროექტის წარმატების ძალიან  მყარ გარანტიას ქმნის. „განსაკუთრებით აღსანიშნავია, რომ მსოფლიო გიგანტების ღირსეული და სრულფასოვანი პარტნიორია ქართული ბიზნესი.  ეს არის ნათელი დადასტურება იმისა, რომ ქართულ კომპანიებს და კაპიტალს გლობალური მასშტაბის იდეების განხორციელების რესურსი და შესაძლებლობა აქვს.ეს პროექტი ნიშნავს ათასობით  სამუშაო ადგილს ჩვენს ქვეყანაში, მრავალწლიან დაკვეთებს ქართული სამშენებლო სექტორისთვის და ამდენად, უდიდეს სტიმულს ჩვენი ქვეყნის ეკონომიკისთვის.  2031 წელს, როდესაც ტრამპ თაუერი აშენდება და 2033 წელს, როდესაც მთლიანი უბანი დასრულდება, თბილისი მიიღებს სრულიად გამორჩეულ სივრცეს, რომელიც ჰარმონიულად შეერწყმება განახლებულ ცენტრალურ პარკს. საქართველოს მთავრობა მომავალშიც მტკიცედ დაუჭერს მხარს ასეთ პროექტებს, თითოეულ ინვესტორს მსგავსი მასშტაბური და გრძელვადიანი პროექტების განხორციელებაში. მინდა, მადლობა გადავუხადო თითოეულ ჩართულ კომპანიას - მადლობა „არქის“, „ინვიას“, „საფირ ორგანიზაციას“, „ფინვესტს“, „ბლოქსტოუნ კაპიტალს“ და „ვექტორ ჯგუფს“ ამ ინიციატივისთვის და წარმატებას ვუსურვებ.  მადლობას ვუხდი Downtown Tbilisi-ს და Trump Tower-ს, ჩვენს ინვესტორებს ამ პროექტის განხორციელებისთვის, მხარდაჭერისთვის. ეს მხარდაჭერა ჩვენთვის არის ძალიან მნიშვნელოვანი. ღრმად ვარ დარწმუნებული, რომ ეს პროექტი გახდება ჩვენი ქვეყნის ეკონომიკური სიძლიერის, მშვიდობისა და პროგრესის კიდევ ერთი თვალსაჩინო სიმბოლო, საქართველოს, როგორც სანდო, საიმედო და სტაბილური სახელმწიფოს სავიზიტო ბარათი“, -  განაცხადა პრემიერმა.

1789490940

მარიამ ქვრივიშვილი: Trump Tower Tbilisi საქართველოს დედაქალაქს იმ გლობალური ქსელის ნაწილად აქცევს, რომელსაც ტრამპის ორგანიზაცია ათწლეულების განმავლობაში ქმნის

„Trump Tower Tbilisi, რომელიც ფართომასშტაბიანი პროექტის - Downtown Tbilisi-ის მთავარ და გამორჩეულ ელემენტს წარმოადგენს, საქართველოს დედაქალაქს იმ გლობალური ქსელის ნაწილად აქცევს, რომელსაც ტრამპის ორგანიზაცია ათწლეულების განმავლობაში ქმნის და რომელიც უძრავი ქონების სფეროში მსოფლიოში ერთ-ერთ ყველაზე ცნობად ბრენდად ჩამოყალიბდა“ - განაცხადა ეკონომიკისა და მდგრადი განვითარების მინისტრმა მარიამ ქვრივიშვილმა Trump Tower Tbilisi-ს პროექტის პრეზენტაციაზე სიტყვით გამოსვლისას.მინისტრმა სიტყვით გამოსვლისას მადლობა გადაუხადა პროექტის პარტნიორებს საქართველოსადმი გამოჩენილი ნდობისა და მასშტაბური საინვესტიციო გადაწყვეტილებისთვის.„თბილისში იწყება მასშტაბური პროექტი, რომელიც საინვესტიციო მოცულობით, კონცეფციითა და მასში ჩართული საერთაშორისო პარტნიორების შემადგენლობით მნიშვნელოვან ადგილს დაიკავებს საქართველოს ეკონომიკურ და საინვესტიციო რუკაზე. დარწმუნებული ვარ, ქართულ და ამერიკულ კაპიტალზე დაფუძნებული ეს უმსხვილესი საერთაშორისო პროექტი თბილისის ახალ სავიზიტო ბარათად იქცევა და მნიშვნელოვან წვლილს შეიტანს მთელი ქვეყნის საინვესტიციო მიმზიდველობისა და საერთაშორისო ცნობადობის შემდგომ ზრდაში“, - აღნიშნა მარიამ ქვრივიშვილმა.ეკონომიკის მინისტრმა გამოსვლისას ხაზი გაუსვა, რომ პროექტის მნიშვნელობა მხოლოდ მისი მასშტაბითა და განვითარების არეალით არ შემოიფარგლება.„პირველ რიგში, ეს არის საქართველოს მზარდი საინვესტიციო მიმზიდველობის მნიშვნელოვანი დასტური და ნდობის გამოხატულება მისი ეკონომიკის, სტაბილურობის, განვითარების დინამიკისა და გრძელვადიანი პერსპექტივის მიმართ. ნდობის საფუძველს  ქმნის სტაბილური და პროგნოზირებადი ეკონომიკური გარემო, რომლის ჩამოყალიბებასაც ბოლო წლების განმავლობაში საქართველოს მთავრობის თანმიმდევრული ეკონომიკური პოლიტიკა და ძალისხმევა ემსახურებოდა“ - განაცხადა მარიამ ქვრივიშვილმა.

1789490340

„ტრაპთაუერი“ არის ნახტომი უძრავი ქონების დღევანდელ ბაზარსა და მომავლის ბაზარს შორის - ილია წულაია

„ტრაპთაუერი“ არ არის მხოლოდ ჩვეულებრივი უძრავი ქონების პროექტი, ეს არის ნახტომი დღევანდელი უძრავი ქონების ბაზარს და მომავლის ბაზარს შორის, – ამის შესახებ „არქი ჯგუფის“ დამფუძნებელმა და აღმასრულებელმა დირექტორმა, ილია წულაიამ  „ტრამპთაუერ თბილისის“ პროექტის პრეზენტაციაზე განაცხადა.„ძალიან მნიშვნელოვანი დღეა დღეს. ეს პროექტი არის ხიდი დღევანდელობასა და ხვალინდელობას შორის უძრავ ქონებასთან მიმართებაში.„ტრაპთაუერი“ არ არის მხოლოდ ჩვეულებრივი უძრავი ქონების პროექტი, ეს არის ნახტომი დღევანდელი უძრავი ქონების რეალურ ბაზარს და მომავლის ბაზარს შორის. ჩვენ ბევრჯერ გვისაუბრია პარტნიორებთან, „ტრამპთაუერი“ უფრო რეალური იქნებოდა, რომ 5 წლის შემდეგ გავკეთებინა, ან 10 წლის შემდეგ გაგვეკეთებინა, მაგრამ ჩვენ გავუსწარით დროს და გადავწყვიტეთ, რომ ახლა გაგვეკეთებინა „ტრამპთაუერი“ და უფრო აგვეწია ტრამპის ორგანიზაციასთან, ჩვენ პარტნიორებთან ერთად, ქართული უძრავი ქონების ბაზარი. ამისთვის მე მინდა, ძალიან დიდი მადლობა გადავუხადო ჩვენს პარტნიორებს. პარტნიორებს ჩამოვთვლი, ყველა გაბედული და საქართველოს პატრიოტი ადამიანია, რადგან ძალიან მნიშვნელოვანი გადაწყვეტილება მივიღეთ: ძმები ფხაკაძეები, ჩვენი მეგობრები, ალექს საფირი, რომელიც საფირ ორგანიზაციას წარმოადგენს და მისი დამსახურება იყო ჩვენი დაკავშირება ტრამპის ორგანიზაციასთან, ლაშა მელაძე და  ლაშა კვაჭაძე, ბატონი კახა კობა ივანოვი. მინდა, ყველა იმ ადამიანს, ვინც ამ პროექტში ჩაერთო და მხარი დაგვიჭირა, დიდი მადლობა გადავუხადო, მადლობა გადავუხადო ჩემს პარტნიორებს, ზაზა ფაჩულიას, რომელიც სან ფრანცისკოდან ჩამოვიდა და მხარს გვიჭერს, ასევე მენი ბენიში – ჩვენი 20 წლის პარტნიორი, რომელიც ასევე მთელი ისრაელის დელეგაციით ჩამოვიდა ამ პროექტში და მე მინდა, თითოეულ მათგანს ძალიან დიდი მადლობა გადავუხადო“, – განაცხადა ილია წულაიამ.მისი თქმით, ამ პროექტის განხორციელება შეუძლებელი იქნებოდა ბოლო წლების წარმატების გარეშე, რაც საქართველოში ხდება, კერძოდ, ბოლო ხუთი წლის განმავლობაში დაახლოებით 9%-იანი ეკონომიკური ზრდა გვაქვს.„უძრავი ქონების ბაზარიც შესაბამისად 10-15%-ით იზრდება. ქვეყნის განვითარების ამ ტემპმა მოგცა ჩვენ იმის გამბედაობა, რომ ასეთი გადაწყვეტილება მიგვეღო და ასეთ მასშტაბურ პროექტს შევჭიდებოდით, რომელიც იქნება ორი მილიარდი დოლარის ინვესტიციის პროექტი, სადაც იქნება ექვსი თაუერი და „ტრამპთაუერი“ იქნება პირველი თაუერი იმ უბანში, რასაც ჩვენ ვახორციელებთ და ეს იქნება ახალი უბანი „დაუნთაუნ თბილისი“. იქნება „დაუნთაუნ თბილისი“, სადაც იქნება ლუქს კლასის სასტუმროები, პირველი თაუერი, რა თქმა უნდა, „ტრამპთაუერი“, სხვა ბრენდული თაუერები, ბიზნეს ცენტრი, ლუქს სავაჭრო სივრცეები და ეს ყველაფერი გაკეთება თბილისში და ამ ყველაფრით თბილისი დადგება ისეთი დიდი ქალაქების გვერდით, სადაც უკვე არის განხორციელებული „ტრამპთაუერები“. ასეთი ქალებია ნიუ იორკი, ჩიკაგო, ლას ვეგასი, მაიამი და ასე შემდეგ.ძალიან დიდი მადლობა თითოეულ თქვენგანს, მაგრამ მე მინდა, განსაკუთრებით გამოვყო ორგანიზაციის ვიცე-პრეზიდენტი ერიკ ტრამპი. დღესაც გვქონდა, სხვათა შორის, საუბარი, ძალიან დიდი სურვილი ჰქონდა, რომ საქართველოში ჩამოსულიყო, ტელეფონით რამდენჯერმე დარეკა, აინტერესებდა, როგორ მიდიოდა ეს პროცესი. როდესაც პირველად შევხვდით, იმდენად თბილად, იმდენად გულით ისაუბრა საქართველოზე, იმდენად ენთუზიაზმით იყო აღსავსე, რომ საქართველოში „ტრამპთაუერი“ გაკეთებულიყო. ჩვენ ფაქტობრივად მაშინვე გადავწყვიტეთ. მეგობრები და პარტნიორები ვიყავით ჩასული ამერიკის შეერთებული შტატებში და მაშინვე მივიღეთ გადაწყვეტილება და ხელი მოვაწერეთ „ტრამპთაუერის“ შემოყვანას.  სწორედ ერიკი იყო, ვინც ჩვენ ამის გამბედაობა და ენთუზიაზმი მოგვცა და ასეთ დიდ პროექტს შევეჭიდეთ. ამიტომ, განსაკუთრებული მადლობა მინდა გადავუხადო ერიკ ტრამპს“, – განაცხადა ილია წულაიამ.

1789056531

მსოფლიო ეკონომიკის ზრდა 2026 წელს 3%-ს მიაღწევს - საერთაშორისო სავალუტო ფონდი

საერთაშორისო სავალუტო ფონდის (IMF) ინფორმაციით, მსოფლიო ეკონომიკის ზრდა 2026 წელს 3%-ს მიაღწევს.საერთაშორისო სავალუტო ფონდის სპიკერის, ჯული კოზაკის განცხადებით, გლობალურმა ეკონომიკამ ახლო აღმოსავლეთში ომის შედეგად გამოწვეული ენერგეტიკული შოკი მეტ-ნაკლებად გადაიტანა. მისივე თქმით, მოსალოდნელია, რომ გლობალური ეკონომიკური წარმოება 2026 წელს დაახლოებით 3%-ით გაიზრდება, თუმცა ვითარების გაუარესების რისკები კვლავ მაღალი რჩება.ამასთან, კოზაკის განცხადებით, 2026 წელს გაიზრდება გლობალური ვალის მოცულობაც, ინფლაცია კი მსოფლიოში წელსაც მაღალი იქნება.რაც შეეხება ცალკეულ ქვეყნებს, IMF-ის პროგნოზის მიხედვით, 2026 წლის ბოლომდე აშშ-ის ეკონომიკური ზრდის მაჩვენებელი 2.3% იქნება, ევროპაში – 0.9%, იაპონიაში – 0.6%, კანადაში – 1.1%, ჩინეთში – 4.5%, რუსეთში კი – 1.1%.ამასთან, IMF-ის ცნობით, 2027 წელს გლობალური ეკონომიკური ზრდა 3.4%-მდე უნდა გაიზარდოს.

1788969840

ვმუშაობთ იმისთვის, რომ ვიყოთ საიმედო პარტნიორები მსოფლიო სავაჭრო სისტემისთვის - თამარ იოსელიანი

„ჩვენ უდიდეს მნიშვნელობას ვანიჭებთ სატრანსპორტო სექტორს და შესაბამისად, არსებობს ის გრძელვადიანი ხედვა, თუ როგორ უნდა განვითარდეს ეს სექტორი და ამ გეგმას ჩვენ თანმიმდევრულად მივყვებით“, - ამის შესახებ ეკონომიკისა და მდგრადი განვითარების მინისტრის მოადგილემ, თამარ იოსელიანმა ბათუმში გამართულ საქართველოს საერთაშორისო საზღვაო ფორუმზე საუბრისას განაცხადა.მინისტრის მოადგილის განცხადებით, საქართველოს საერთაშორისო საზღვაო ფორუმი იქცა მნიშვნელოვან პლატფორმად ქვეყნის მიერ განხორციელებული პროექტებისა და დაგეგმილი ღონისძიებების განხილვისთვის.„რეგიონულ ჭრილში ვისაუბრეთ შუა დერეფნის როლზე მსოფლიო სავაჭრო სისტემებში და იმაზე, თუ რას ვაკეთებთ ჩვენ, პარტნიორი სახელმწიფოები ერთად იმისთვის, რომ შუა დერეფანი გახდეს უფრო კონკურენტუნარიანი და ამ მიმართულებით ვიყოთ საიმედო პარტნიორები მსოფლიოს სავაჭრო სისტემისთვის. ფორუმის ფარგლებში გვქონდა ძალიან მნიშვნელოვანი ორმხრივი შეხვედრებიც და გამოვყოფდი საერთაშორისო საზღვაო ორგანიზაციის როლს და გენერალური მდივნის ვიზიტს, იქიდან გამომდინარე, რომ მისი ვიზიტი ნამდვილად ხაზს უსვამს თვითონ ფორუმის და იმ თემების აქტუალობას, რომელიც ფორუმზე განვიხილეთ. გამოვყოფდი იმ კერძო სექტორსაც, რომელსაც ჩვენ შევხვდით, ეს იქნება Columbia Shipmanagement, რომელიც არის ერთ-ერთი ყველაზე მსხვილი დამსაქმებელი ქართველი მეზღვაურების, ასევე COSCO Shipping, რომელიც წარმოადგენს ერთ-ერთ ძირითად საკონტეინერო ხაზს და აქვე გამოვყოფდი Abu Dhabi Ports. მათთან გვქონდა ძალიან მნიშვნელოვანი ორმხრივი შეხვედრები“, - აღნიშნა თამარ იოსელიანმა.მინისტრის მოადგილის თქმით, ასევე მნიშვნელოვანი ორმხრივი შეხვედრები შედგა პარტნიორი ქვეყნების - ყაზახეთის, თურქეთისა და სომხეთის წარმომადგენლებთან, რომლებთანაც ძალიან მნიშვნელოვანი დისკუსიები გაიმართა.„ასეთი მაღალი დონის დიალოგი ქმნის იმის შესაძლებლობას, რომ განვიხილოთ მნიშვნელოვანი თანამშრომლობის საკითხები, დავგეგმოთ მომავალი თანამშრომლობა და აქედან გამომდინარე, მივაღწიოთ იმ მნიშვნელოვან შედეგებს, რომელსაც წლების განმავლობაში უკვე საქართველოს სატრანსპორტო სექტორში ვხედავთ“, - განაცხადა თამარ იოსელიანმა.საქართველოს საერთაშორისო საზღვაო ფორუმი ბათუმში 7-8 სექტემბერს გაიმართა და მას 300-ზე მეტი დელეგატი ესწრებოდა.

1788864376

ტურისტული ბაზრების დივერსიფიკაცია და ახალი პირდაპირი ფრენები - ტურიზმის ეროვნული ადმინისტრაცია აზიასა და ევროპაში მარკეტინგულ კამპანიებს აფართოებს

ტურისტული ბაზრების დივერსიფიკაციისა და სამიზნე ქვეყნების არეალის გაფართოების მიზნით, ტურიზმის ეროვნული ადმინისტრაცია საერთაშორისო ბაზრებზე აქტიურ მარკეტინგულ კამპანიებს განაგრძობს.ტურიზმის ეროვნული ადმინისტრაციის ხელმძღვანელის მაია ომიაძის თქმით, ევროკავშირის ქვეყნებიდან, დიდი ბრიტანეთიდან ჩინეთიდან და შუა აზიიდან ტურისტული ნაკადების ზრდა პირდაპირ უკავშირდება პირდაპირი ავიამიმოსვლის გაფართოებას და ამ ბაზრებზე განხორციელებულ მარკეტინგულ აქტივობებს. როგორც მაია ომიაძე განმარტავს, ბაზრების დივერსიფიკაციასა და პირდაპირ ფრენებს გადამწყვეტი მნიშვნელობა აქვს შორ მანძილზე არსებული ბაზრებიდან ტურისტების მოსაზიდად.„როდესაც გასულ წელს დაგვემატა British Airways და easyJet ლონდონის მიმართულებით, კვირაში 6 სიხშირით, მალე, შემდეგ კვარტალში, როგორც კი სტატისტიკა მივიღეთ დიდი ბრიტანეთი ტოპ 10 ქვეყანაში იყო შესული და პირდაპირმა ფრენამ ეს შედეგი მოგვიტანა. ზუსტად იგივე ითქმის ჩინეთზეც. როდესაც შანხაის მიმართულებით დაგვემატა ახალი რეისი, ჩვენ ავიაკომპანიასთან ერთად თვალყურს ვადევნებთ დატვირთულობას და აღმოჩნდა რომ რეისზე მგზავრთა 98 პროცენტი აზიელი მოგზაურია. შანხაი მხოლოდ ჩინელი მოგზაურებისგან არ შედგება, რადგან ეს არის ჰაბი. როდესაც იაპონიიდან ან სამხრეთ კორეიდან მოგზაურს საქართველოში უნდა წამოსვლა მისთვის ყველაზე ახლოს შანხაის აეროპორტია“,- აღნიშნავს მაია ომიაძე.ტურიზმის ეროვნული ადმინისტრაციის ხელმძღვანელის თქმით, ტურისტული ნაკადების დივერსიფიკაციის ქვეყნის ცნობადობის ამაღლებისა და კერძო სექტორის მხარდაჭერის მიზნით, ტურიზმის ეროვნული ადმინისტრაცია საქართველოს აეროპორტების გაერთიანებასთან და ტურისტულ ინდუსტრიასთან პარტნიორობით საერთაშორისო ბაზრებზე Roadshow-ებსა და B2B შეხვედრებს განაგრძობს. მაია ომიაძის განცადებით, სექტემბრის ბოლოს, იაპონიაში მასშტაბური პრეზენტაცია და გამოფენა იგეგმება, სადაც ადმინისტრაციასთან ერთად 20-მდე ქართული ტურისტული კომპანია მიიღებს მონაწილეობას.როგორც მაია ომიაძე აღნიშნავს, უკვე დაწყებულია აქტიური სამზადისი ზამთრის ტურისტული სეზონისთვის და შესაბამისი საერთაშორისო მარკეტინგული კამპანიები სხვადასხვა ტურისტულ ბაზარზე  მიმდინარეობს.

1788759300

2026 წლის აგვისტოს მდგომარეობით, საქართველოს მთლიანი საერთაშორისო რეზერვები ისტორიულ მაქსიმუმზეა და 8.14 მილიარდ აშშ დოლარს შეადგენს

 2026 წლის აგვისტოს მდგომარეობით, საქართველოს მთლიანი საერთაშორისო რეზერვები წინა წელთან შედარებით 56.4 პროცენტით გაიზარდა და ისტორიულ მაქსიმუმს, 8.14 მლრდ აშშ დოლარს მიაღწია. წინა თვესთან შედარებით საერთაშორისო რეზერვები 613 მლნ აშშ დოლარით გაიზარდა. გაუმჯობესდა რეზერვების ადეკვატურობის მაჩვენებლებიც. საერთაშორისო სავალუტო რეზერვების მიმდინარე დონე საერთაშორისო სავალუტო ფონდის მეთოდოლოგიით განსაზღვრულ (ARA metric) ადეკვატურობის 100%-იან ზღვარს აღემატება და 128.2%-ს შეადგენს.საერთაშორისო რეზერვები ქვეყნის მაკროეკონომიკური სტაბილურობის მნიშვნელოვანი გარანტორია. სწორედ აქედან გამომდინარე საქართველოს ეროვნული ბანკის გრძელვადიანი პოლიტიკა ყოველთვის მიმართულია რეზერვების დაგროვებასა და სარეზერვო აქტივების ეფექტურ მართვაზე. როდესაც სავალუტო ბაზარი და მაკროეკონომიკური მდგომარეობა ამის შესაძლებლობას იძლევა ეროვნული ბანკი სავალუტო რეზერვებს ავსებს. საქართველოს ეროვნული ბანკის პოლიტიკის შედეგად, ბოლო ორ წელიწადში, 2024 წლის ოქტომბერთან შედარებით, რეზერვების მოცულობა გაორმაგდა. 2026 წლის განმავლობაში, სავალუტო ბაზრის ხელსაყრელი პირობებიდან გამომდინარე, სებ-ი რეზერვების შევსებას ახორციელებს და 2026 იანვარ-ივლისში ჯამურად წმინდა შესყიდვებმა 2.566.6 მლნ აშშ დოლარი შეადგინა. ხოლო, 2026 წლის აგვისტოს წმინდა შესყიდვების სტატისტიკა 25 სექტემბერს გამოქვეყნდება.აღსანიშნავია, რომ 2024 წელს სებ-მა რეზერვების დივერსიფიკაციის შესახებ სტრატეგიული გადაწყვეტილება მიიღო და ოქროში პირველი ინვესტიცია განახორციელა. მას შემდეგ ოქროს ფასი მნიშვნელოვნად გაიზარდა, რამაც საერთაშორისო რეზერვების მოცულობის დამატებით ზრდას შეუწყო ხელი. 2026 წლის ივნისში სებ-მა მთლიანი საერთაშორისო რეზერვებისთვის დამატებით 100 მლნ აშშ დოლარის ღირებულების მონეტარული ოქრო შეიძინა. 2026 წლის აგვისტოს მდგომარეობით, ოქროს ფასის ცვლილების შედეგად, მონეტარული ოქროს ღირებულება წინა თვესთან შედარებით 135 მლნ აშშ დოლარით გაიზარდა და 1.149.2 მლნ აშშ დოლარი შეადგინა. მონეტარული ოქროს წილი მთლიან საერთაშორისო რეზერვებში 14.1%-ს შეადგენს.საქართველოს ეროვნული ბანკი მთლიანი საერთაშორისო რეზერვების შესახებ განახლებულ მონაცემებს 2026 წლის 7 ოქტომბერს გამოაქვეყნებს.

1788173517

საქართველოში დაფუძნებული საინვესტიციო ფონდების მართვის ქვეშ არსებული აქტივების მოცულობამ 540 მილიონ ლარს გადააჭარბა

 საქართველოს საინვესტიციო ფონდების ბაზარი დინამიკურად ზრდას განაგრძობს. 2026 წლის მეორე კვარტლის ბოლოს, საინვესტიციო ფონდების მართვის ქვეშ არსებული აქტივების ჯამური მოცულობა წინა წლის იმავე მაჩვენებელთან შედარებით 2.4-ჯერ გაიზარდა და 546 მილიონ ლარს მიაღწია. 2026 წლის 30 ივნისის მდგომარეობით, საქართველოს საინვესტიციო ფონდების ბაზარზე, ეროვნული ბანკის მარეგულირებელი ჩარჩოს ფარგლებში, 11 აქტივების მმართველი კომპანია და 24 საინვესტიციო ფონდი იყო წარმოდგენილი.დიაგრამა: საინვესტიციო ფონდები და აქტივების მმართველი კომპანიები საქართველოს ეროვნული ბანკი ასევე იწყებს საინვესტიციო ფონდების მართვის ქვეშ არსებული აქტივების მოცულობის შესახებ ინდივიდუალური მონაცემების გამოქვეყნებას. ინფორმაცია ხელმისაწვდომია ეროვნული ბანკის ვებგვერდზე. აღნიშნული მონაცემები ქვეყნდება საქართველოს ეროვნული ბანკის პრეზიდენტის 2020 წლის 22 სექტემბრის №170/04 ბრძანებით დამტკიცებული „საინვესტიციო ფონდის ავტორიზაციის, რეგისტრაციის, აღიარებისა და რეგულირების წესის“ შესაბამისად.აღსანიშნავია, რომ საინვესტიციო ფონდებისა და აქტივების მმართველი კომპანიების საქმიანობას საქართველოში „საინვესტიციო ფონდების შესახებ“ კანონი და ეროვნული ბანკის მიერ მის საფუძველზე შემუშავებული ჩარჩო არეგულირებს. ჩარჩო ევროკავშირის შესაბამისი დირექტივებისა და ფასიანი ქაღალდების კომისიათა საერთაშორისო ორგანიზაციის (IOSCO) ძირითად პრინციპებზეა დაფუძნებული.

1787741823

მაია ომიაძე: ტურიზმის ზრდასთან ერთად, ქვეყანაში სტუმარმასპინძლობის ინდუსტრიაც აქტიურად ვითარდება

ტურიზმის ზრდასთან ერთად ქვეყანაში სტუმარმასპინძლობის ინდუსტრიაც აქტიურად ვითარდება - ამის შესახებ ტურიზმის ეროვნული ადმინისტრაციის ხელმძღვანელმა, მაია ომიაძემ განაცხადა.მისი თქმით, გასულ 2025 წელს ქვეყანამ 6 მილიონზე მეტი სტუმარი მიიღო.ტურიზმის ადმინისტრაციის ხელმძღვანელის განმარტებით, საწოლი ადგილების ყველაზე დიდი კონცენტრაცია ორ მსხვილ ქალაქზე - თბილისსა და ბათუმზე მოდის, თუმცა დარჩენილი რესურსი პროპორციულად ნაწილდება საქართველოს სხვადასხვა რეგიონზეც.“ნიშანდობლივია ის ფაქტი, რომ სწორედ სტატისტიკური მონაცემების თანახმად, სტუმარმასპინძლობის ინდუსტრიამ უმასპინძლა იმ ქვეყნებიდან ვიზიტორებს, რომელიც მეორე მხრივ ტურიზმის ეროვნული ადმინისტრაციის პრიორიტეტულ ქვეყნებში და სტრატეგიულ ბაზრებში ზის, მათ შორის არიან ევროკავშირის ქვეყნები, ისრაელი, ჩინეთი და, რა თქმა უნდა, მეზობელი ქვეყნები“, - აღნიშნა მაია ომიაძემ.2025 წელს საქართველოს სასტუმროები და სასტუმროს ტიპის დაწესებულებები 6.2 მილიონ სტუმარს მოემსახურა, რაც 6.5 პროცენტით მეტია წინა წლის შესაბამის მაჩვენებელზე. სტუმართა 62.7 პროცენტს უცხოელები შეადგენდნენ და მათი უმეტესობა, 555.4 ათასი (სტუმრების ჯამური რაოდენობის 14.3 პროცენტი), ისრაელის მოქალაქე იყო, რაც 2024 წლის შესაბამის მაჩვენებელზე 1.0 პროცენტით მეტია. ევროკავშირის მოქალაქეები უცხოელი სტუმრების მთლიანი რაოდენობის 10.4 პროცენტს შეადგენდნენ.

1787741469

მაია ომიაძე: სტატისტიკური მონაცემის თანახმად ევროკავშირის ქვეყნებიდან საქართველოში არასოდეს ამდენი მოგზაური არ ჩამოსულა - თუნდაც 2026 წლის პირველ კვარტალში და საერთო სტატისტიკაში მათი წილი 9,1%-ია

 ტურიზმის ეროვნული ადმინისტრაციის სამოქმედო გეგმის შესაბამისად, უწყების მთავარ მიზანს ბაზრების დივერსიფიკაცია წარმოადგენს, რისთვისაც ყოველწლიურად მრავალმხრივი აქტივობები ხორციელდება - ამის შესახებ ტურიზმის ეროვნული ადმინისტრაციის ხელმძღვანელმა, მაია ომიაძემ განაცხადა.მისი თქმით, მიზნობრივი მარკეტინგული კამპანიები და საქართველოს აეროპორტების გაერთიანებასთან მჭიდრო თანამშრომლობა ახალი ავიაკომპანიების მოზიდვას უზრუნველყოფს და ერთობლივი ძალისხმევა პირდაპირ აისახება ვიზიტორთა სტატისტიკაზე, სადაც ტოპ ათეულში ქვეყნების მრავალფეროვნება ფიქსირდება.„სწორედ ეს არის ის დივერსიფიცირებული ბაზარი და ის სტატისტიკური მონაცემები, რასაც რეალურად ტურიზმის ინდუსტრიიდან ვიღებთ. ჩვენ სტატისტიკურ ათეულში, ხვდება ისეთი ქვეყნები ჩვენი ბაზრებიდან, როგორიც არის ჩინეთი, ინდოეთი, ევროკავშირის ქვეყნები, გალფის ქვეყნები და რა თქმა უნდა ისრაელი, მეზობელი ქვეყნებიც. ჩვენი სტრატეგიის თანახმად ყოველწლიურად მათთან ვმუშაობთ იმისთვის, რომ ბევრად მეტი მოგზაური ჩამოვიდეს საქართველოში“, - აღნიშნა მაია ომიაძემ.ტურიზმის ეროვნული ადმინისტრაციის ხელმძღვანელი ამბობს, რომ სწორედ დაგეგმილმა დივერსიფიკაციის პოლიტიკამ განაპირობა ქვეყანაში მოგზაურთა ნაკადის სტაბილური ზრდა.„სწორედ დაგეგმილმა დივერსიფიკაციის მიზნით მომუშავე სამოქმედო გეგმამ უზრუნველყო ის, რომ წლიდან წლამდე საქართველოში წილი მოგზაურებისა იზრდება. სტატისტიკური მონაცემის თანახმად ევროკავშირის ქვეყნებიდან საქართველოში არასოდეს ამდენი მოგზაური არ ჩამოსულა, რაც თუნდაც 2026 წლის პირველ კვარტალში და საერთო სტატისტიკაში მათი წილი 9,1%-ია“, - აღნიშნა ომიაძემ.