ეკონომიკა

1784223293

ივანე აბაშიძე: საქართველოს ნავსადგურებში შემოსული გემების საერთო ტონაჟი დაახლოებით 20%-ით არის გაზრდილი

2026 წლის ექვსი თვის მონაცემებით, საქართველოს ნავსადგურებში შემოსული გემების საერთო ტონაჟი 2025 წლის ანალოგიურ პერიოდთან შედარებით დაახლოებით 20%-ით არის გაზრდილი, – აცხადებს ეკონომიკისა და მდგრადი განვითარების სსიპ საზღვაო ტრანსპორტის სააგენტოს თავმჯდომარე ივანე აბაშიძე.მისი თქმით, მნიშვნელოვანია, რომ ეს შედეგი საჯარო და კერძო სექტორების მჭიდრო თანამშრომლობისა და საოპერაციო ეფექტიანობის გაზრდის ხარჯზე იქნა მიღწეული.„განსაკუთრებით აღსანიშნავია ფსკერდაღრმავებითი სამუშაოები და საზღვაო „ერთი ფანჯრის“ სისტემის გამართული მუშაობა, რის ხარჯზეც გემების გაფორმების ბიუროკრატიული პროცედურები 24 საათიდან მინიმუმამდე – ერთ საათამდე შემცირდა. აღნიშნული შედეგი მოწმობს, რომ საქართველოს ნავსადგურებში გემების მოცდენის მაჩვენებელი ყოველდღიურად იკლებს და რაც მთავარია, იზრდება გემების საერთო ტონაჟი და მოცულობა, რაც ავტომატურად აისახება ტვირთების გადაზიდვის მაჩვენებელზეც“, – აღნიშნა ივანე აბაშიძემ.საზღვაო ტრანსპორტის სააგენტოს ინფორმაციით, 2026 წლის ექვს თვეში საქართველოს პორტებში მიღებული გემების ჯამური ტვირთამწეობა (გროს ტონაჟი) წინა წლის ანალოგიურ პერიოდთან შედარებით 19%-ით გაიზარდა და 10.7 მილიონ GT-ს მიაღწია.

1784218665

ლაშა ხუციშვილი: საქართველოსა და თურქმენეთს შორის მჭიდრო თანამშრომლობა, განსაკუთრებულ როლს შეასრულებს ორ რეგიონს შორის ვაჭრობისა და ინვესტიციების შემდგომი გააქტიურების მიმართულებით

„საქართველოსა და თურქმენეთს შორის მჭიდრო თანამშრომლობა, განსაკუთრებულ როლს შეასრულებს ორ რეგიონს შორის ვაჭრობისა და ინვესტიციების შემდგომი გააქტიურების მიმართულებით“, - განაცხადა ფინანსთა მინისტრმა, ლაშა ხუციშვილმა საქართველო-თურქმენეთის ბიზნესფორუმზე სიტყვით გამოსვლისას.მან ისაუბრა საქართველოსა და თურქმენეთს შორის სავაჭრო და საინვესტიციო ურთიერთობების პოტენციალზე და იმედი გამოთქვა, რომ საქართველო-თურქმენეთის ბიზნესფორუმი ხელს შეუწყობს ორი ქვეყნის კერძო სექტორის განვითარებას.ფინანსთა მინისტრმა ყურადღება გაამახვილა საქართველოს მთავრობის მიერ განხორციელებულ ეკონომიკურ პოლიტიკაზე, რომლის შედეგადაც ეკონომიკური ზრდა ბოლო 5 წელიწადში, წლიურად, საშუალოდ 9.3%-ს აღემატება, ხოლო მიმდინარე წლის პირველი 5 თვის მონაცემებით, 7.8%-ს შეადგენს. მისი თქმით, საქართველოს ფისკალური პარამეტრები ჯანსაღ დონეზე ნარჩუნდება. 2025 წლის ბოლოსთვის მიმდინარე ანგარიშის დეფიციტი ისტორიულად დაბალ, 2.6%-მდე, ხოლო ფისკალური დეფიციტი 1.4%-მდე შემცირდა. აღნიშნული, თავის მხრივ, განაპირობებს ვალის დაბალ და უსაფრთხო დონეზე შენარჩუნებას.„წარმატებულმა ფისკალურმა და ეკონომიკურმა პოლიტიკამ საშუალება მოგვცა, რომ ბოლო ათწლეულის მანძილზე მშპ-ის 7%-8%-მდე მიგვემართა კაპიტალურ დანახარჯებზე და შეგვექმნა ისეთი ინფრასტრუქტურა, როგორიცაა: აღმოსავლეთ-დასავლეთის ჩქაროსნული მაგისტრალი, ახალი ენერგეტიკული გადამცემი ქსელები, რკინიგზის ინფრასტრუქტურის განახლება და სხვა. ასეთი ტიპის ინფრასტრუქტურა უმნიშვნელოვანეს როლს თამაშობს შუა დერეფნის დაკავშირებადობის უზრუნველყოფასა და გამტარუნარიანობის ზრდაში“, - განაცხადა ფინანსთა მინისტრმა, ლაშა ხუციშვილმა.სიტყვით გამოსვლისას, მან ხაზი გაუსვა რეგიონული მასშტაბის ინფრასტრუქტურული პროექტების მნიშვნელობას, ასევე ისაუბრა ენერგეტიკული შუა დერეფნის განვითარების პერსპექტივებზე.„საქართველო აქტიურად მუშაობს შავი ზღვის წყალქვეშა კაბელის მშენებლობის პროექტზე, რომლითაც საქართველოს მეშვეობით სამხრეთ კავკასიის ქსელი დაუკავშირდება ევროპულ ენერგეტიკულ ქსელს, რაც გააჩენს სრულიად ახალ შესაძლებლობებს რეგიონისთვის. თავის მხრივ, ეს იქნება ახალი შესაძლებლობა ცენტრალური აზიის ქვეყნებისთვის, რომ დაკავშირებადობის მსგავსი პროექტების განხორციელებით, სრულიად ახალი, ენერგეტიკული შუა დერეფნის ჩამოყალიბება რეალობად იქცეს“, - აღნიშნა ფინანსთა მინისტრმა, ლაშა ხუციშვილმა.მისი თქმით, საქართველო წარმოადგენს საიმედო და სტაბილურ ეკონომიკას უცხოური ინვესტიციების მოზიდვის მიმართულებით.

1784139100

მარიამ ქვრივიშვილი China Eastern Airlines-ის ვიცე-პრეზიდენტს შეხვდა

დღეს საქართველოს ავიაციის ინდუსტრიაში ძალიან მნიშვნელოვანი დღეა, ძალიან ბევრი წლის ერთობლივმა შრომამ ნაყოფიერი და ხელშესახები შედეგი გამოიღო, - განაცხადა ეკონომიკისა და მდგრადი განვითარების მინისტრმა მარიამ ქვრივიშვილმა თბილისი-შანხაის საინაუგურაციო რეისთან დაკავშირებით გამართულ ღონისძიებაზე.თბილისსა და შანხაის შორის ისტორიული, პირდაპირი რეგულარული რეისი ჩინეთის ერთ-ერთი უმსხვილესმა და წამყვანმა ავიაკომპანია China Eastern Airlines შეასრულა. ავიაკომპანია პირდაპირ ფრენებს კვირაში სამჯერ: ოთხშაბათს, პარასკევსა და კვირას შეასრულებს.სიტყვით გამოსვლისას ეკონომიკის მინისტრმა აღნიშნა, რომ თბილისსა და შანხაის შორის პირდაპირი რეგულარული ავიამიმოსვლა არის უმნიშვნელოვანესი წინგადადგმული ნაბიჯი, რომელიც კიდევ უფრო მეტად დააახლოებს საქართველოსა და ჩინეთს ერთმანეთთან და სწორედ ის გადაწყვეტილებაა, რომელიც ამყარებს ქვეყნებს შორის გაფორმებულ სტრატეგიულ თანამშრომლობას.„ეს არის ნამდვილად კიდევ ერთი მნიშვნელოვანი დემონსტრირება, თუ რას ნიშნავს სტრატეგიული პარტნიორობა, როგორ ითარგმნება სტრატეგიული პარტნიორობა ეკონომიკურ აქტივობაში, როგორ ითარგმნება ტურიზმში, როგორ ითარგმნება პირდაპირ ფრენებში და ეს ყველაფერი როგორ აძლიერებს ჩვენი ქვეყნის ეკონომიკას. განსაკუთრებით მოხარული ვარ, რომ დღეს თითოეული ჩვენგანი მონაწილეობს ამ ისტორიულ დღეში, რადგან ეს არის პირველი რეგულარული ფრენა, რომელიც შესრულდა ჩვენი დედაქალაქიდან და შესრულდება დღეს მოგვიანებით შანხაის მიმართულებით, რომელიც გულისხმობს რეალურად ყველაზე შორი მანძილის ფრენას“, - აღნიშნა მარიამ ქვრივიშვილმა.შანხაისა და თბილისს შორის პირდაპირი ფრენების დაწყების შესახებ გადაწყვეტილება საქართველოს ეკონომიკისა და მდგრადი განვითარების მინისტრის, მარიამ ქვრივიშვილისა და ჩინური ავიაკომპანია China Eastern Airlines-ის ხელმძღვანელების შეხვედრაზე იქნა მიღებული, რომელიც მიმდინარე წლის აპრილში ჩინეთის სახალხო რესპუბლიკაში მინისტრის ოფიციალური ვიზიტის ფარგლებში გაიმართა.„ეს არის ერთის მხრივ, ძალიან მნიშვნელოვანი და ღირსშესანიშნავი, მაგრამ მეორე მხრივ, ჩემთვის განსაკუთრებით გასახარი იყო, რომ რეისი, ფაქტობრივად სავსე ჩამოვიდა- 98%-იანი დატვირთულობის კოეფიციენტით, რაც ძალიან დიდი წარმატებაა ავიაკომპანიის, მისი მენეჯმენტის, მისი მმართველი გუნდის და, ასევე ვფიქრობ, რომ ჩვენი ქვეყნის დიდი წარმატებაა. ეს არის დიდი ალბათობით და მეტწილად, ასევე შედეგი იმ აქტიური მარკეტინგული კამპანიების, რასაც ჩვენი ხელისუფლება, ამ შემთხვევაში, ტურიზმის ეროვნული ადმინისტრაცია ჩინეთში ახორციელებს. ყოველწლიურად 7 მილიონი ლარის მოცულობის ინვესტიცია ხორციელდება იმისთვის, რომ ჩინეთში გაიზარდოს საქართველოს, როგორც მიმზიდველი ტურისტული მიმართულების ცნობადობა“, - განაცხადა მარიამ ქვრივიშვილმა.საინაუგურაციო რეისთან დაკავშირებულ ღონისძიებაში მონაწილეობა მიიღეს საქართველოში ჩინეთის სახალხო რესპუბლიკის საგანგებო და სრულუფლებიამა ელჩმა ჭოუ ციენმა, China Eastern Airlines-ის ვიცე-პრეზიდენტმა ხე სიაოცუენმა, საქართველოს საავიაციო სფეროსა და აეროპორტების სექტორის წარმომადგენლებმა.

1784138400

მარიამ ქვრივიშვილი: თბილისი-შანხაის პირველი პირდაპირი რეისი, ფაქტობრივად, სავსე ჩამოვიდა - 98%-იანი დატვირთულობის კოეფიციენტით, რაც ავიაკომპანიის, მისი მენეჯმენტის, მმართველი გუნდის და ასევე ჩვენი ქვეყნის დიდი წარმატებაა

1784137740

მარიამ ქვრივიშვილი: დარწმუნებული ვარ, რომ ჩვენი ერთობლივი ძალისხმევით ვნახავთ კიდევ უფრო მეტ რეისს კიდევ უფრო მეტი მიმართულებიდან

დარწმუნებული ვარ, რომ ჩვენ China Eastern Airlines-თან ერთად ვწერთ ახალ ისტორიას, - განაცხადა ეკონომიკისა და მდგრადი განვითარების მინისტრმა, მარიამ ქვრივიშვილმა საინაუგურაციო რეისთან დაკავშირებით გამართულ ღონისძიებაზე სიტყვით გამოსვლისას.მინისტრმა აღნიშნა, რომ China Eastern Airlines-ის მიერ თბილისსა და შანხაის შორის პირდაპირი რეისების შესრულება იქნება მათი კომერციული საქმიანობის კიდევ უფრო მეტად გაძლიერების წინაპირობა.„დარწმუნებულები ვართ, რომ მათი ოპერირების დაწყება საქართველოში იქნება მათი კომერციული ოპერირების კიდევ უფრო მეტად გაძლიერება და დარწმუნებული ვარ, რომ ჩვენი ერთობლივი ძალისხმევით ვნახავთ კიდევ უფრო მეტ რეისს, კიდევ უფრო მეტი მიმართულებიდან ჩვენი ქვეყნის მიმართულებით“, - აღნიშნა მარიამ ქვრივიშვილმა.მანვე მადლობა გადაუხადა საქართველოში ჩინეთის ელჩს ჭოუ ციენს.„მინდა განსაკუთრებით მადლობა გადავუხადო ჩინეთის სახალხო რესპუბლიკის საგანგებო და სრულუფლებიან ელჩს, რომელსაც მისი ჩვენს ქვეყანაში ყოფნის პერიოდში ძალიან დიდი წვლილი მიუძღვის ორი ქვეყნის კიდევ უფრო მჭიდროდ დაკავშირებაში და მათ შორის დღევანდელი დღეც სიმბოლურია, რადგან თქვენი ძალისხმევით, თქვენი მხარდაჭერით, ჩვენ დღეს ასეთ მნიშვნელოვან დღეს ერთად ვზეიმობთ“, - აღნიშნა მარიამ ქვრივიშვილმა სიტყვით გამოსვლისას.China Eastern Airlines თბილისსა და შანხაის შორის პირდაპირ ფრენებს კვირაში სამჯერ: ოთხშაბათს, პარასკევსა და კვირას შეასრულებს.შანხაისა და თბილისს შორის პირდაპირი ფრენების დაწყების შესახებ გადაწყვეტილება საქართველოს ეკონომიკისა და მდგრადი განვითარების მინისტრის, მარიამ ქვრივიშვილისა და ჩინური ავიაკომპანია China Eastern Airlines-ის ხელმძღვანელების შეხვედრაზე იქნა მიღებული, რომელიც ჩინეთის სახალხო რესპუბლიკაში მინისტრის ოფიციალური ვიზიტის ფარგლებში, მიმდინარე წლის აპრილში გაიმართა.

1784120025

თიბისი კაპიტალმა მაკროეკონომიკური განახლება გამოაქვეყნა

ბოლო ოთხ კვარტალში მიმდინარე ანგარიშის ბალანსი, რეინვესტიციების გარეშე, დადებითიაპირველ კვარტალში მიმდინარე ანგარიშის სეზონურად შესწორებულმა პროფიციტმა, რეინვესტირებული შემოსავლების გამორიცხვით, მშპ-ის 0.1% შეადგინა (სეზონურად შესწორებამდე მშპ-ის 3.2%-ის დეფიციტი). ერთი მხრივ, დადებითი ბალანსი წინა სამ კვარტალთან შედარებით საკმაოდ შემცირებულია. მეორე მხრივ, აღსანიშნავია, რომ პროფიციტი შენარჩუნდა ახლო აღმოსავლეთში მიმდინარე აქტიური საომარი მოქმედებების მიუხედავად, თიბისი კაპიტალის მოლოდინების შესაბამისად, რაც, მათ შორის, მარტში ექსპორტის მხრიდან ტურიზმის დანაკლისისა და ნავთობის გაძვირებული იმპორტის დაბალანსებას უკავშირდება.პრაქტიკული თვალსაზრისით, მიმდინარე ანგარიშის პროფიციტი ნიშნავს, რომ საქართველო დანარჩენი მსოფლიოს მიმართ წმინდა კრედიტორი იყო, ანუ უცხოურ ვალუტაში რეზიდენტების შემოსავლები ხარჯებს აღემატებოდა. მიმდინარე ანგარიში სწორედ ამ ბალანსს ასახავს - ქვეყანა მეტ შემოსავალს იღებს თუ მეტს ხარჯავს დანარჩენ მსოფლიოსთან საგარეო ვაჭრობისა და ფულადი ნაკადების (მათ შორის, ფულადი გზავნილები, შრომის ანაზღაურება, დივიდენდები, რეინვესტიცია, საპროცენტო ხარჯები) ჭრილში. სარკისებური პრინციპით, ფინანსური ანგარიში მიუთითებს, თუ როგორ დაიხარჯა პროფიციტი საზღვარგარეთ ან როგორ დაფინანსდა დეფიციტი საზღვარგარეთიდან (მაგალითად, პირდაპირი ან პორტფელური ინვესტიციების გზით).2025 წლამდე მიმდინარე ანგარიშის სეზონურად შესწორებული პროფიციტი მხოლოდ ერთხელ, 2022 წლის მესამე კვარტალში ფიქსირდებოდა, რუსეთ-უკრაინის ომის დაწყებიდან მალევე. 2025 წლის მეორე კვარტლიდან კი ეს ბალანსი, ზედიზედ ოთხი კვარტალია, დადებითია და ამ პერიოდში მშპ-ის 1%-ს შეადგენს, რაც ისტორიული მონაცემების ჭრილში ყველაზე მაღალი მაჩვენებელია. აღნიშნული გასული ერთ წლის განმავლობაში ლარის გაცვლითი კურსისა და სავალუტო რეზერვების ზრდის ერთ-ერთ ძირითად მხარდამჭერ ფაქტორს წარმოადგენს.რა განსაზღვრავს საგარეო ბალანსს? ბოლო ოთხ კვარტალში, სავალუტო შემოდინებების მხრივ, ყველაზე მსხვილი კომპონენტები საქონლის ექსპორტი (მშპ-ის 26.4%), ტურიზმიდან შემოსავლები (12.3%), წმინდა ფულადი გზავნილები (10.9%) და ინფორმაციისა და კომუნიკაციის ტექნოლოგიების (ICT) მომსახურების ექსპორტი (3.8%) იყო. გასავლების კუთხით, ყველაზე მსხვილი ნაკადი კვლავ საქონლის იმპორტია (44.1%), ხოლო დივიდენდებსა და საპროცენტო ხარჯებზე ერთობლივად მშპ-ის 4.5% მოდიოდა. საერთო ჯამში, როგორც ზემოთ აღინიშნა, მიმდინარე ანგარიში რეინვესტირებული შემოსავლების გამოკლებით პროფიციტშია, მისი ჩათვლით (მშპ-ის 2.9%) კი დეფიციტი მშპ-ის 1.9%-ს შეადგენს.რაც შეეხება უშუალოდ 2026 წლის პირველ კვარტალს, სეზონური ფაქტორების გამორიცხვამდე, მიმდინარე ანგარიშის ბალანსში 298 მილიონი აშშ დოლარის დეფიციტი ფიქსირდებოდა. ამასთან, დეფიციტი გასული წლის პირველ კვარტალთან შედარებით 271 მილიონი აშშ დოლარით, ანუ 48%-ით არის შემცირებული. საგარეო ბალანსის გაუმჯობესებას, ისევე როგორც 2025 წელს, მეტწილად ICT სექტორის მომსახურების ექსპორტი განაპირობებდა, რომელიც წლიურად 167 მილიონი აშშ დოლარით გაიზარდა. დამატებით 190 მილიონი აშშ დოლარის ზრდა მოდიოდა ფულადი გზავნილების მატებაზე, გადახდილი დივიდენდების შემცირებაზე, საქონლით ვაჭრობის ბალანსის გაუმჯობესებასა და უცხოეთში დასაქმებიდან მიღებული შემოსავლების ზრდაზე. საპირისპიროდ, 84 მილიონი აშშ დოლარით გაუარესდა ტრანსპორტირების მომსახურების წმინდა ექსპორტი, სატვირთო გადაზიდვების მომსახურების როგორც ექსპორტის კლების, ასევე იმპორტის ზრდის ფონზე.ფინანსური ანგარიშის მხრივ, პირდაპირმა უცხოურმა ინვესტიციებმა, რეინვესტირებული შემოსავლების გამორიცხვით, პირველ კვარტალში 110 მილიონი აშშ დოლარი შეადგინა და, წინა წლების დინამიკის მსგავსად, შედარებით დაბალ ნიშნულზე რჩება.პორტფელური ინვესტიციებიდან წმინდა შემოდინებებმა 452 მილიონ აშშ დოლარს მიაღწია, საიდანაც 265 მილიონი აშშ დოლარი რეზიდენტების მიერ უცხოური აქტივების რეალიზაციაზე მოდიოდა - ძირითადად, სავალო ფასიანი ქაღალდების გაყიდვის შედეგად - ხოლო 187 მილიონი აშშ დოლარი - საზღვარგარეთიდან მოზიდულ ახალ სახსრებზე. ამ ფონზე, საქართველოს რეზიდენტების მფლობელობაში არსებული უცხოური პორტფელური აქტივების მოცულობა, რომელიც ბოლო წლებში მნიშვნელოვნად გაიზარდა, მარტის მდგომარეობით, 2025 წლის ბოლოსთან შედარებით, 4.5%-ით შემცირდა 4.6 მილიარდ აშშ დოლარამდე, რაც მშპ-ის 11.7%-ია.ამავდროულად, ქვეყანამ 137 მილიონი აშშ დოლარით მეტი საგარეო ვალი დაფარა, ვიდრე აიღო, რაც გასული წლის დინამიკასთან თანხვედრაშია. მათ შორის, მთავრობის ვალის წმინდა კლებაზე 73 მილიონი აშშ დოლარი მოდიოდა.ჯამურად, ვინაიდან ერთობლივი შემოდინებები გასავლებს აღემატებოდა, მთლიანი სავალუტო რეზერვები პირველ კვარტალში 148 მილიონი აშშ დოლარით გაიზარდა. უახლესი მონაცემებით, ზრდა მეორე კვარტალში კიდევ უფრო დაჩქარდა, რაც სავალუტო ბაზარზე ბოლო თვეებში არსებულ სიჭარბეს უკავშირდება. ივნისის მდგომარეობით, მთლიანმა რეზერვებმა 7.1 მილიარდ აშშ დოლარს მიაღწია, რაც წინა კვარტალთან შედარებით 800 მილიონი აშშ დოლარით მეტია. ამავე პერიოდში წმინდა სავალუტო რეზერვებმა, საერთაშორისო სავალუტო ფონდის ნასესხობის სპეციალური უფლების გარეშე (469 მილიონი აშშ დოლარი), ჩვენი შეფასებით, 4.6 მილიარდი აშშ დოლარი შეადგინა.გაზრდილი წმინდა სავალუტო შემოდინებების გათვალისწინებით, მოსალოდნელია, რომ მიმდინარე ანგარიშის ბალანსი მეორე კვარტალში დამატებით გაუმჯობესდა. წლის მეორე ნახევარში საბაზო სცენარი კვლავ სავალუტო შემოდინებების შედარებით ნორმალიზებას მოიაზრებს, თუმცა ახლო აღმოსავლეთში ხელახალი ესკალაციის ფონზე გაურკვევლობის დონე კვლავ გაზრდილია. თიბისი კაპიტალის პროგნოზით, 2026 წელს მიმდინარე ანგარიშის დეფიციტი მშპ-ის 1.5% იქნება, რეინვესტირებული შემოსავლების გამორიცხვით კი პროფიციტი, დაახლოებით, 1%-ს მიაღწევს.იხილეთ პუბლიკაციის სრული ვერსია შემდეგ ბმულზე: https://tbccapital.ge/ge/publications/all-publications/singleview/30007587-macro-update-georgia

1783520238

აზერბაიჯანის ენერგეტიკის მინისტრის მოადგილე: ვიმედოვნებთ, რომ „მწვანე ენერგიის დერეფნის“ პროექტით გავაგრძელებთ ჩვენს სტრატეგიულ პარტნიორობას და ეს უზრუნველყოფს, რომ მწვანე ენერგია აზერბაიჯანიდან, საქართველოდან, კასპიისა და შავი ზღვის რეგიონებიდან მიაღწევს ევროპის იმ ბაზრებამდე, სადაც ამის დიდი საჭიროებაა

„აზერბაიჯანს საქართველოსთან სტრატეგიული პარტნიორობა აკავშირებს, ჩვენ მრავალი ერთობლივი, ნავთობისა და გაზის პროექტი გვაქვს. ტრადიციული ენერგეტიკის სფეროში საქართველო ჩვენი ბუნებრივი სტრატეგიული და სატრანზიტო პარტნიორია“, - განაცხადა აზერბაიჯანის ენერგეტიკის მინისტრის მოადგილე ორჰან ზეინალოვმა.საქართველოსა და აზერბაიჯანს შორის ენერგეტიკის სექტორში, მსხვილ რეგიონულ პროექტებში თანამშრომლობის მნიშვნელობაზე აზერბაიჯანის ენერგეტიკის მინისტრის მოადგილემ ბაქოში გამართული „მწავნე ენერგეტიული დერეფნის“ მე-12 მინისტერიალის მიმდინარეობისას ისაუბრა.„ვიმედოვნებთ, რომ „მწვანე ენერგიის დერეფნის“ პროექტით გავაგრძელებთ ჩვენს სტრატეგიულ პარტნიორობას და ეს უზრუნველყოფს, რომ მწვანე ენერგია აზერბაიჯანიდან, საქართველოდან, კასპიისა და შავი ზღვის რეგიონებიდან მიაღწევს ევროპის იმ ბაზრებამდე, სადაც ამის დიდი საჭიროებაა. ეს ასევე ხელს შეუწყობს ევროპაში ფასების სტაბილიზაციას, ტრანსსასაზღვრო ურთიერთდაკავშირებადობის ტენდენციებს და დაგვეხმარება ახალი ინფრასტრუქტურის შექმნაში ახალ რეგიონებთან დასაკავშირებლად, მაგალითად, აზერბაიჯანს შეეძლება ცენტრალურ აზიასა და სხვა რეგიონებზე გასვლა, ხოლო საქართველოს კი, შავი ზღვის მეშვეობით, შეეძლება მიაღწიოს ევროპულ, პრემიუმ კლასის ბაზრებს“, - აღნიშნა ორჰან ზეინალოვმა.ამასთან, მისი შეფასებით, „მწვანე ენერგეტიკული დერეფნის“ პროექტი დიდ სარგებელს მოუტანს საქართველოს და აზერბაიჯანს, ასევე პროექტის მონაწილე სხვა ქვეყნებსაც.„უაღრესად კმაყოფილნი ვართ ჩვენს ქართველ პარტნიორებთან, ეკონომიკის სამინისტროსთან და საქართველოს სხვა დაინტერესებულ მხარეებთან არსებული თანამშრომლობით და ვიმედოვნებთ, რომ მომავალშიც შევინარჩუნებთ ამ დინამიკას“, - განაცხადა აზერბაიჯანის ენერგეტიკის მინისტრის მოადგილემ.

1783006080

ეკონომიკისა და მდგრადი განვითარების მინისტრის მოადგილე თამარ იოსელიანი გაეროს საერთაშორისო საზღვაო ორგანიზაციის (IMO) გენერალურ მდივანს, არსენიო დომინგესს შეხვდა

ეკონომიკისა და მდგრადი განვითარების მინისტრის მოადგილე თამარ იოსელიანი გაეროს საერთაშორისო საზღვაო ორგანიზაციის (IMO) გენერალურ მდივანს, არსენიო დომინგესს შეხვდა. ინფორმაციას ეკონომიკისა და მდგრადი განვითარების სამინისტრო ავრცელებს.შეხვედრა თურქეთის საზღვაო სამიტის ფარგლებში გაიმართა. საუბარი შეეხო საზღვაო სექტორში მიმდინარე რეფორმებს, საერთაშორისო სტანდარტების დანერგვის პროცესსა და სამომავლო პარტნიორობის გაძლიერების შესაძლებლობებს. ყურადღება გამახვილდა საზღვაო უსაფრთხოების, მეზღვაურთა მხარდაჭერის, ციფრული ტრანსფორმაციისა და საქართველოს, როგორც შავი ზღვის რეგიონის მნიშვნელოვანი საზღვაო ჰაბის როლის გაძლიერების საკითხებზე.განსაკუთრებული აქცენტი გაკეთდა საქართველოში, როგორც შუა დერეფნის საკვანძო ქვეყანაში სატრანსპორტო - ლოგისტიკური ინფრასტრუქტურის განვითარებაზე, მათ შორის, საპორტო სექტორში. მინისტრის მოადგილის თქმით, საქართველო საკუთარ გეოგრაფიულ უპირატესობას თანამედროვე, საიმედო და კონკურენტუნარიან სატრანსპორტო-ლოგისტიკურ ჰაბად აქცევს და 2032 წლისთვის ქვეყანა გეგმავს დაახლოებით 7 მლრდ აშშ დოლარის ინვესტირებას სატრანსპორტო ქსელის მოდერნიზაციაში, რაც მოიცავს საზღვაო, სარკინიგზო, საგზაო და ციფრული მიმართულებების ერთიან განვითარებას.ამ კონტექსტში, მინისტრის მოადგილემ განსაკუთრებული ყურადღება გაამახვილა ანაკლიის ღრმაწყლოვან პორტზე. თამარ იოსელიანის თქმით, პროექტის საზღვაო ინფრასტრუქტურის სამუშაოებს უკვე აქტიურად ახორციელებს საერთაშორისოდ აღიარებული ბელგიური კომპანია Jan De Nul და 2029 წლისთვის, პირველი ფაზის დასრულებისას, პორტის გამტარუნარიანობა მინიმუმ 600,000 TEU იქნება, რაც ქვეყანას Panamax-ის კლასის დიდი გემების მიღების შესაძლებლობას მისცემს.აღინიშნა, რომ შუა დერეფნის გაძლიერება პირდაპირ უწყობს ხელს გლობალური მიწოდების ჯაჭვის მდგრად და შეუფერხებელ ფუნქციონირებას.IMO-ს გენერალურმა მდივანმა დადებითი შეფასება მისცა საქართველოს საზღვაო სექტორში ბოლო პერიოდში მიღწეულ შედეგებს.შეხვედრაში მონაწილეობა მიიღო საზღვაო ტრანსპორტის სააგენტოს დირექტორმა ივანე აბაშიძემ.

1782837563

Moody's-მა საქართველოს 2026 წლის ეკონომიკური ზრდის პროგნოზი 6%-დან 6.4%-მდე გააუმჯობესა

Moody's-მა საქართველოს 2026 წლის ეკონომიკური ზრდის პროგნოზი 6%-დან 6.4%-მდე გააუმჯობესა.სარეიტინგო სააგენტო Moody’s-მა შეაფასა საქართველოს სუვერენული საკრედიტო რეიტინგი და გააუმჯობესა პერსპექტივა ნეგატიურიდან სტაბილურამდე, ხოლო რეიტინგი კვლავ Ba2 დონეზე შეაფასა. აღნიშნულ რეიტინგს განაპირობებს საერთაშორისო გამოწვევების მიუხედავად არსებული ქვეყნის ძლიერი ეკონომიკური და ფისკალური პოზიცია.Moody’s-ის ანგარიშში აღნიშნულია, რომ მყარმა ეკონომიკურმა მაჩვენებლებმა შეამსუბუქა გეოპოლიტიკური გამოწვევებიდან მომდინარე რისკები. ამასთან, დადებითად არის შეფასებული საერთაშორისო პარტნიორებთან თანამშრომლობის გაგრძელება, რაც ხელს უწყობს ფისკალური და მონეტარული პოლიტიკის ეფექტიანობას და ეკონომიკას მეტად მდგრადს ხდის შოკების მიმართ.სარეიტინგო სააგენტოს მოლოდინით, 2026 წელს საქართველოს ეკონომიკა გაიზრდება 6.4%-ით, ხოლო 2027 წელს ზრდა მოსალოდნელია 5.5%-ზე. მთავრობის ვალი კი მოსალოდნელია, კვლავ შემცირდეს და მშპ-ის 30%-მდე ნიშნულს დაუახლოვდეს.Moody’s აღნიშნავს, რომ ეკონომიკური ზრდის ხელშემწყობი ფაქტორები მოხმარება და ინვესტიციები იქნება, რაც ვალის გონივრულ მართვასთან ერთად ხელს შეუწყობს ფისკალურ სიჯანსაღეს. ზრდის ხელშემწყობად ასევე აღნიშნულია ტურიზმი, რაც მნიშვნელოვნად იზრდება და ხასიათდება ვიზიტორების დივერსიფიკაციით.Moody’s ხაზს უსვამს საქართველოს, როგორც მნიშვნელოვანი სატრანსპორტო-ლოგისტიკური კვანძის, სტრატეგიულ პოზიციას შუა დერეფანში, რაც ხელს უწყობს ვაჭრობის დივერსიფიკაციასა და ინვესტიციების მოზიდვას. ამასთან, სარეიტინგო კომპანია დადებითად აფასებს ფისკალური და მონეტარული კუთხით განხორციელებულ რეფორმებსა და ღონისძიებებს.

1782310550

საერთაშორისო სავალუტო რეზერვების აღდგენას ხელი შეუწყო მომსახურების ექსპორტის ძლიერმა ზრდამ, ოქროს ფასების მატებამ და ეკონომიკის დედოლარიზაციის პროცესმა - IMF

საერთაშორისო სავალუტო ფონდი განახლებულ პუბლიკაციას დასახელებით „საერთაშორისო რეზერვების ადეკვატურობა საქართველოში: რა მოცულობაა საკმარისი“ აქვეყნებს.ნაშრომი აფასებს საქართველოსთვის საერთაშორისო სავალუტო რეზერვების ოპტიმალურ დონეს, გაზრდილი საგარეო გაურკვევლობის პირობებში.რეზერვების შეფასების სტანდარტულ დანახარჯ-სარგებლიანობის ჩარჩოზე დაყრდნობით, ანალიზი დამატებით ითვალისწინებს სამ მნიშვნელოვან ფაქტორს: სახელმწიფოს საგარეო სესხების ღირებულებას, კერძო სექტორის დოლარიზაციას და სავალუტო ინტერვენციების (FXI) საჭიროებას, რათა შემცირდეს გაცვლითი კურსის მერყეობა.კვლევის შედეგები აჩვენებს, რომ რეზერვები უზრუნველყოფს დაზღვევისა და სანდოობის უფრო ფართო სარგებელს, ვიდრე ეს სტანდარტული მაჩვენებლებით ჩანს. შესაბამისად, რეზერვების ოპტიმალური დონე შეფასებულია ARA-ის (IMF-ის რეზერვების ადეკვატურობის მეტრიკის) დაახლოებით 145–150 პროცენტის ფარგლებში, რაც აღემატება ტრადიციულ ადეკვატურობის ნიშნულებს.„2025 წელს საქართველოში საერთაშორისო სავალუტო რეზერვები მნიშვნელოვნად გაიზარდა, რის შედეგადაც მათი მოცულობა რეზერვების ადეკვატურობის აღიარებულ სტანდარტულ ნიშნულებს გაუტოლდა. საქართველოს საერთაშორისო რეზერვები აღდგა და 2025 წლის ბოლოსთვის ARA-ს 100%-იან დონეს მიაღწია. ამას ხელი შეუწყო მომსახურების ექსპორტის ძლიერმა ზრდამ, ოქროს ფასების მატებამ და ეკონომიკის დედოლარიზაციის პროცესმა“, - წერს IMF-ი.ამასთან, საერთაშორისო სავალუტო ფონდის შეფასებით, ეროვნული ბანკის მიერ რეზერვების დაგროვების გაგრძელებამ კიდევ უფრო გააძლიერა ბაზრის ნდობა, რამაც 2026 წლის დასაწყისში ევრობონდების წარმატებულ რეფინანსირებას შეუწყო ხელი.„მიუხედავად იმისა, რომ ახლო აღმოსავლეთში მიმდინარე ომთან დაკავშირებული ენერგორესურსების ფასების ზრდა და მიმდინარე ანგარიშზე შესაძლო ზეწოლა კვლავ გამოწვევად რჩება, ლარის გაცვლითი კურსი ძირითადად სტაბილურია. ეს მიუთითებს ეროვნული ვალუტის მიმართ ნდობის გაუმჯობესებაზე, რაც ნაწილობრივ უფრო ძლიერი სავალუტო რეზერვების არსებობით არის განპირობებული“, - აღნიშნულია IMF-ის ანგარიშში.

1782310449

ლარის გაცვლითი კურსი ძირითადად სტაბილურია - ეს მიუთითებს ეროვნული ვალუტის მიმართ ნდობის გაუმჯობესებაზე, რაც ნაწილობრივ უფრო ძლიერი სავალუტო რეზერვების არსებობით არის განპირობებული - IMF

საერთაშორისო სავალუტო ფონდი განახლებულ პუბლიკაციას დასახელებით „საერთაშორისო რეზერვების ადეკვატურობა საქართველოში: რა მოცულობაა საკმარისი“ აქვეყნებს.ნაშრომი აფასებს საქართველოსთვის საერთაშორისო სავალუტო რეზერვების ოპტიმალურ დონეს, გაზრდილი საგარეო გაურკვევლობის პირობებში.რეზერვების შეფასების სტანდარტულ დანახარჯ-სარგებლიანობის ჩარჩოზე დაყრდნობით, ანალიზი დამატებით ითვალისწინებს სამ მნიშვნელოვან ფაქტორს: სახელმწიფოს საგარეო სესხების ღირებულებას, კერძო სექტორის დოლარიზაციას და სავალუტო ინტერვენციების (FXI) საჭიროებას, რათა შემცირდეს გაცვლითი კურსის მერყეობა.კვლევის შედეგები აჩვენებს, რომ რეზერვები უზრუნველყოფს დაზღვევისა და სანდოობის უფრო ფართო სარგებელს, ვიდრე ეს სტანდარტული მაჩვენებლებით ჩანს. შესაბამისად, რეზერვების ოპტიმალური დონე შეფასებულია ARA-ის (IMF-ის რეზერვების ადეკვატურობის მეტრიკის) დაახლოებით 145–150 პროცენტის ფარგლებში, რაც აღემატება ტრადიციულ ადეკვატურობის ნიშნულებს.„2025 წელს საქართველოში საერთაშორისო სავალუტო რეზერვები მნიშვნელოვნად გაიზარდა, რის შედეგადაც მათი მოცულობა რეზერვების ადეკვატურობის აღიარებულ სტანდარტულ ნიშნულებს გაუტოლდა. საქართველოს საერთაშორისო რეზერვები აღდგა და 2025 წლის ბოლოსთვის ARA-ს 100%-იან დონეს მიაღწია. ამას ხელი შეუწყო მომსახურების ექსპორტის ძლიერმა ზრდამ, ოქროს ფასების მატებამ და ეკონომიკის დედოლარიზაციის პროცესმა“, - წერს IMF-ი.ამასთან, საერთაშორისო სავალუტო ფონდის შეფასებით, ეროვნული ბანკის მიერ რეზერვების დაგროვების გაგრძელებამ კიდევ უფრო გააძლიერა ბაზრის ნდობა, რამაც 2026 წლის დასაწყისში ევრობონდების წარმატებულ რეფინანსირებას შეუწყო ხელი.„მიუხედავად იმისა, რომ ახლო აღმოსავლეთში მიმდინარე ომთან დაკავშირებული ენერგორესურსების ფასების ზრდა და მიმდინარე ანგარიშზე შესაძლო ზეწოლა კვლავ გამოწვევად რჩება, ლარის გაცვლითი კურსი ძირითადად სტაბილურია. ეს მიუთითებს ეროვნული ვალუტის მიმართ ნდობის გაუმჯობესებაზე, რაც ნაწილობრივ უფრო ძლიერი სავალუტო რეზერვების არსებობით არის განპირობებული”, - აღნიშნულია IMF-ის ანგარიშში.

1782310341

2025 წელს საქართველოში საერთაშორისო სავალუტო რეზერვები მნიშვნელოვნად გაიზარდა, რის შედეგადაც მათი მოცულობა რეზერვების ადეკვატურობის აღიარებულ სტანდარტულ ნიშნულებს გაუტოლდა - IMF

საერთაშორისო სავალუტო ფონდი განახლებულ პუბლიკაციას დასახელებით „საერთაშორისო რეზერვების ადეკვატურობა საქართველოში: რა მოცულობაა საკმარისი” აქვეყნებს.ნაშრომი აფასებს საქართველოსთვის საერთაშორისო სავალუტო რეზერვების ოპტიმალურ დონეს, გაზრდილი საგარეო გაურკვევლობის პირობებში.რეზერვების შეფასების სტანდარტულ დანახარჯ-სარგებლიანობის ჩარჩოზე დაყრდნობით, ანალიზი დამატებით ითვალისწინებს სამ მნიშვნელოვან ფაქტორს: სახელმწიფოს საგარეო სესხების ღირებულებას, კერძო სექტორის დოლარიზაციას და სავალუტო ინტერვენციების (FXI) საჭიროებას, რათა შემცირდეს გაცვლითი კურსის მერყეობა.კვლევის შედეგები აჩვენებს, რომ რეზერვები უზრუნველყოფს დაზღვევისა და სანდოობის უფრო ფართო სარგებელს, ვიდრე ეს სტანდარტული მაჩვენებლებით ჩანს. შესაბამისად, რეზერვების ოპტიმალური დონე შეფასებულია ARA-ის (IMF-ის რეზერვების ადეკვატურობის მეტრიკის) დაახლოებით 145–150 პროცენტის ფარგლებში, რაც აღემატება ტრადიციულ ადეკვატურობის ნიშნულებს.„2025 წელს საქართველოში საერთაშორისო სავალუტო რეზერვები მნიშვნელოვნად გაიზარდა, რის შედეგადაც მათი მოცულობა რეზერვების ადეკვატურობის აღიარებულ სტანდარტულ ნიშნულებს გაუტოლდა. საქართველოს საერთაშორისო რეზერვები აღდგა და 2025 წლის ბოლოსთვის ARA-ს 100%-იან დონეს მიაღწია. ამას ხელი შეუწყო მომსახურების ექსპორტის ძლიერმა ზრდამ, ოქროს ფასების მატებამ და ეკონომიკის დედოლარიზაციის პროცესმა“, - წერს IMF-ი.ამასთან, საერთაშორისო სავალუტო ფონდის შეფასებით, ეროვნული ბანკის მიერ რეზერვების დაგროვების გაგრძელებამ კიდევ უფრო გააძლიერა ბაზრის ნდობა, რამაც 2026 წლის დასაწყისში ევრობონდების წარმატებულ რეფინანსირებას შეუწყო ხელი.„მიუხედავად იმისა, რომ ახლო აღმოსავლეთში მიმდინარე ომთან დაკავშირებული ენერგორესურსების ფასების ზრდა და მიმდინარე ანგარიშზე შესაძლო ზეწოლა კვლავ გამოწვევად რჩება, ლარის გაცვლითი კურსი ძირითადად სტაბილურია. ეს მიუთითებს ეროვნული ვალუტის მიმართ ნდობის გაუმჯობესებაზე, რაც ნაწილობრივ უფრო ძლიერი სავალუტო რეზერვების არსებობით არის განპირობებული”, - აღნიშნულია IMF-ის ანგარიშში.