1793599579

ტრამპი ირანის კონფლიქტზე: ჩვენ მას ძალიან მალე დავასრულებთ, ან შეთანხმებით, ან კიდევ ერთი აშშ-ის შეტევით

აშშ-ის პრეზიდენტი დონალდ ტრამპი კვლავ აცხადებს, რომ ირანთან კონფლიქტი მალე დასრულდება, ან შეთანხმების მიღწევით, ან კიდევ ერთი ამერიკული შეტევით.„ჩვენ უდიდესი გამარჯვება მოვიპოვეთ და ძალიან მალე, ასე თუ ისე, ამ ყველაფერს დავასრულებთ“, - განუცხადა დონალდ ტრამპმა მედიასაშუალება Right Side Broadcasting Network-ს.„ან ისინი შეთანხმებას დადებენ, ან ჩვენ უბრალოდ დავასრულებთ ყველაფერს. დავასრულებთ, ალბათ შეიძლება ითქვას, რომ მარტივი გზით“, - განაცხადა მან და მიანიშნა, რომ აშშ-ის ახალი სამხედრო ოპერაცია წინა ოპერაციებზე უფრო წარმატებული იქნება.მოგვიანებით, აიოვაში გამართულ წინასაარჩევნო შეხვედრაზე ტრამპმა განაცხადა, რომ შესაძლოა, რაღაც მომენტში თეირანის წინააღმდეგ „მძიმე დარტყმის“ განხორციელება მოუწიოს.„ერთადერთი მიზეზი, რის გამოც ირანთან ურთიერთობა ჯერ არ დამისრულებია, არის ის, რომ მსურს კეთილი ვიყო. მინდა, თუ შევძლებ, ყველა ადამიანის სიცოცხლე გადავარჩინო... მაგრამ დადგება მომენტი, როცა მათთვის მძიმე დარტყმის მიყენება მოგვიწევს“, - განუცხადა ამერიკის ლიდერმა მხარდამჭერებს. 

1793599529

ფლორიდაში, დონალდ ტრამპის მარ-ა-ლაგოს რეზიდენციიდან რამდენიმე კილომეტრში კერძო თვითმფრინავი ჩამოვარდა, ბორტზე მყოფი ცხრავე პირი ადგილზე დაიღუპა

აშშ-ში, ფლორიდის შტატში კერძო თვითმფრინავი ჩამოვარდა და აფეთქდა. ბორტზე ცხრა ადამიანი იმყოფებოდა. მედიის ცნობით, ბორტზე მყოფი ცხრავე პირი ადგილზე დაიღუპა.შემთხვევა დონალდ ტრამპის რეზიდენციიდან, მარ-ა-ლაგოდან დაახლოებით 14 კილომეტრში მოხდა.აშშ-ის ფედერალური საავიაციო ადმინისტრაციის (FAA) ინფორმაციით, ავიაკატასტროფა ადგილობრივი დროით დაახლოებით 12:50 საათზე მოხდა. უწყების ცნობით, თვითმფრინავი ტეხასის შტატიდან ბაჰამის კუნძულებისკენ მიემართებოდა.ამ წუთებში შემთხვევის ადგილზე საგანგებო სამსახურები მუშაობენ.შემთხვევის გამომწვევი მიზეზების დასადგენად აშშ-ის ფედერალურმა საავიაციო ადმინისტრაციამ და ტრანსპორტის უსაფრთხოების ეროვნულმა საბჭომ გამოძიება დაიწყეს.სოციალურ ქსელებში გავრცელებულ ვიდეოკადრებში ჩანს, როგორ ეშვება თვითმფრინავი, რის შემდეგაც აფეთქება ხდება.

1793599219

6400 აბონენტს გაზის მიწოდება დროებით შეუწყდება - „თბილისი ენერჯის“ გაფრთხილება

გაზსადენის რეკონსტრუქციის გამო, ვარკეთილსა და ვაზისუბანში გაზის მიწოდება 6400 აბონენტს დროებით შეუწყდება.კერძოდ, „თბილისი ენერჯის“ ცნობით, გაზსადენზე სარეკონსტრუქციო სამუშაოების გამო, ორშაბათს - 2 ნოემბრის 22:00 სთ-დან 3 ნოემბრის 10:00 სთ-მდე გაზის მიწოდება შეუწყდება:შანდორ პეტეფის ქუჩაზე, ნაკვ. 04/043-ში მდებარე შპს ,,ტრიუმფ გრუპი"-ს, შანდორ პეტეფის ქ. 48-ში მდებარე შპს ,,ოდა"-ს, შანდორ პეტეფის ქ. 42-ში მდებარე შპს ,,პლატინიუმ ვაზისუბნაი"-ს საცხოვრებელი კორპუსის, ვარკეთილის 4-3, კორპ. 1, 2, 3, 4, 5, 6, 7, 10, 11, 11ა, 12, 13, 14, 15, წულუკიძის ქ. 27, 31/33, 35, წულუკიძის III შეს. 2, წულუკიძის III შეს. 4, წულუკიძის III შეს. 5, წულუკიძის III შეს. 6, წულუკიძის III შეს. 7, წულუკიძის III შეს. 8, წულუკიძის III შეს. 9, წულუკიძის III შეს. 10, წულუკიძის III შეს. 11, წულუკიძის III შეს. 12, წულუკიძის IV შ.1, IV შ.3, IV შ.4, IV შ.5, IV შ.6, IV შ.7, IV შ.8, IV შ.9, IV შ.10, IV შ.11, IV შ.13, IV შ.15, იოსებ და ლეონ ორბელების ქ. 90დ-ში(ალ. წულუკიძის ქუჩა – კორპ. 88-სა და #121-ე საჯარო სკოლის მიმდებარედ), იოსებ და ლეონ ორბელების ქ. 62-ში მდებარე შპს ,,რეზიდენს პალასი"-ს საცხ. კორპუსის, ვაზისუბნის დას. ქუჩა 5, 90-ე სკოლისა და და 23 კორპუსის მიმდებარედ მდებარე ამხ. ,,ვაზისუბანი 5"-ის, ვაზისუბნის დასახლების კორპ. # 1, 2, 2ა, 3, 4, 5, 6, 7, 8, 9, 10, 10ა, 11, 12, 12ა, 13, 14, 15ა, 16ა, 17, 17ა, 18, 18ა, 18ბ, 19, 19ა, 20, 21, 21ა, 22, 154 (ყოფილი ბ/ბაღი # 154), 26, 27, დავით კვაჭანტირაძის ქ. 5-ში (ჩოჩუას მიმდებარედ) შპს ,,მს დეველოპერის" და შპს ,,სი აი ჯი"-ს (ნაწილი ზის 79-ზე), კვაჭანტირაძის ქ. 7, კვაჭანტირაძის ქ. 8-ში მდებარე შპს ,,ექს სითი ვაზისუბანი"-ს, კვაჭანტირაძის ქ. 22-ში - შპს ,,დეველოპმენტ ჯორჯია"-ს საცხოვრებელი კორპუსების მოსახლეობას, ასევე შანდორ პეტეფის ქუჩაზე, ვაზისუბნის ქ. 7ა, ვაზისუბნის დასახლების კორპ. 5-ის მიმდებარედ შპს ,,მოლი პლიუსი"-ს საცხოვრებელი კორპუსის, ასევე მიმდებარედ მცხოვრებ კერძო სექტორის მოსახლეობის ნაწილს.„გაზმომარაგება ასევე შეუწყდება სკოლა # 157-ს, კერძო სკოლა "ალბიონს" და ,,საჯარო სკოლა # 90"-ს, ი/მ ვასილ ლომიძეს. გაზის მიწოდების აღდგენა დაიწყება 3 ნოემბრის 11:00 სთ-დან და დასრულდება 20:00 სთ-მდე. გთხოვთ ყურადღებით იყოთ და არ დატოვოთ გაზის ონკანები ღია მდგომარეობაში.თუ იგრძენით გაზის სუნი დარეკეთ მითითებულ ნომრებზე: ცხელი ხაზი: +995 32 2404004სწრაფი რეაგირების სამსახური 114“,- აღნიშნულია ინფორმაციაში.

1793599102

საფრანგეთში საპროტესტო აქციებზე ბოლო რამდენიმე დღეში 800-მდე ადამიანი დააკავეს - დემონსტრანტებმა პოლიციელებს ქვები და ე.წ. მოლოტოვის კოქტეილები ესროლეს

საფრანგეთში საპროტესტო აქციებზე პოლიციამ ბოლო რამდენიმე დღეში კიდევ 800-მდე ადამიანი დააკავა. ქვეყნის შინაგან საქმეთა სამინისტროს საბოლოო მონაცემებით, დემონსტრანტებთან შეტაკებების დროს 116 სამართალდამცველი დაშავდა.პარიზში, პოლიციელებს ქვები და ე.წ. მოლოტოვის კოქტეილები ესროლეს. აფეთქების შედეგად ერთ-ერთ ჟანდარმს ცეცხლი წაეკიდა, მან დამწვრობა მიიღო.პარიზის პროკურატურამ მომხდარზე გამოძიება საჯარო მოხელის მკვლელობის მცდელობის მუხლით დაიწყო. ვიდეოჩანაწერების მეშვეობით სამი ეჭვმიტანილი უკვე იდენტიფიცირებულია. საფრანგეთის სისხლის სამართლის კოდექსით, სამართალდამცველის ან საჯარო ხელისუფლების სხვა წარმომადგენლის მკვლელობის მცდელობა უმძიმეს დანაშაულთა კატეგორიას განეკუთვნება და მაქსიმალურ სასჯელად უვადო თავისუფლების აღკვეთას ითვალისწინებს.

1793599021

უკრაინის ქალაქ ოლეშკიში ცეცხლის შეწყვეტის შეთანხმების ვადა ამოიწურა, ქალაქიდან 500-ზე მეტი ადამიანის ევაკუაცია განხორციელდა

უკრაინის ქალაქ ოლეშკიში ცეცხლის შეწყვეტის შეთანხმების ვადა ამოიწურა. ცეცხლის შეწყვეტის რეჟიმის პერიოდში ქალაქიდან 500-ზე მეტი ადამიანის ევაკუაცია განხორციელდა.ისინი რუსეთის ტერიტორიაზე გადაიყვანეს, საიდანაც ბელარუსში გაემგზავრნენ, შემდეგ კი უკრაინაში დაბრუნდნენ. ქალაქში დარჩენილ მოსახლეობას ჰუმანიტარული დახმარება მიაწოდეს.როგორც მედია წერს, ეს ცეცხლის შეწყვეტის ყველაზე ხანგრძლივი შეთანხმება იყო მას შემდეგ, რაც რუსეთმა 2022 წელს უკრაინაში სრულმასშტაბიანი ომი დაიწყო.ოლეშკიში ცეცხლის შეწყვეტის შესახებ შეთანხმება აშშ-ის პირველი ლედის, მელანია ტრამპის შუამავლობისა და რომის პაპის მონაწილეობით შედგა.

1793598803

ლონდონის პოლიციის ინფორმაციით, აკრძალული ორგანიზაციის, „პალესტინის მოქმედების“ მხარდასაჭერ აქციაზე 325 ადამიანი დააკავეს

ლონდონში, აშშ-ის საელჩოსთან გამართულ საპროტესტო აქციაზე, რომლის მონაწილეებიც აკრძალულ ორგანიზაცია „პალესტინის მოქმედებას“ უჭერდნენ მხარს, პოლიციამ 325 ადამიანი დააკავა.ლონდონში, აშშ-ის საელჩოსთან გამართულ აქციაზე ასობით ადამიანი შეიკრიბა.ლონდონის მეტროპოლიტენის პოლიციის ინფორმაციით, დაკავებულთაგან 320 პირს ტერორიზმის შესახებ კანონმდებლობით აკრძალული ორგანიზაციის მხარდაჭერის საჯაროდ გამოხატვას ედავებიან.ჯამში, ორგანიზაციის აკრძალვის შემდეგ, დიდ ბრიტანეთში სულ მცირე, 4000 ადამიანი დააკავეს. ორგანიზაცია „პალესტინის მოქმედება“ დიდ ბრიტანეთში 2025 წლის ივლისში აიკრძალა.დაკავებები გააკრიტიკა საერთაშორისო უფლებადამცველი ორგანიზაცია Amnesty International-ის ბრიტანულმა წარმომადგენლობამ, რომელმაც მთავრობას „პალესტინის მოქმედების“ აკრძალვის გაუქმებისკენ მოუწოდა.

1793598656

ზელენსკიმ რუსეთის ნავთობგადამამუშავებელ ქარხნებზე თავდასხმებს სამართლიანი უწოდა და აღნიშნა, რომ უკრაინას ამის უფლება აქვს

უკრაინის პრეზიდენტმა, ვოლოდიმირ ზელენსკიმ რუსეთის ნავთობგადამამუშავებელ ქარხნებზე თავდასხმებს სამართლიანი უწოდა და აღნიშნა, რომ უკრაინას ამის უფლება აქვს.„სამართლიანია თუ არა ეს? მიმაჩნია, რომ აბსოლუტურად სამართლიანია. ამის უფლება გვაქვს. ვუტევთ თუ არა რუსეთის დიზელის საწვავის წარმოებას? დიახ. მაგრამ ახდენს თუ არა ეს გავლენას ფასებზე აშშ-სა და მთელ მსოფლიოში? არა“,- განაცხადა ზელენსკიმ.მისი თქმით, მსოფლიო ექსპორტში რუსეთის წილი ამჟამად დაახლოებით 2.2%-ს შეადგენს, რის გამოც მის გავლენას გლობალურ ბაზარზე უმნიშვნელოდ მიიჩნევს.ამასთან, უკრაინის პრეზიდენტის განცხადებით, ენერგომატარებლების ფასებზე გაცილებით დიდ გავლენას ახლო აღმოსავლეთში მიმდინარე ომი ახდენს. ზელენსკიმ ფასების ზრდის ერთ-ერთ მთავარ მიზეზად ჰორმუზის სრუტის ჩაკეტვა დაასახელა.„ვიცით, რომ ახლო აღმოსავლეთში მიმდინარე ომს გაცილებით დიდი გავლენა აქვს. მსოფლიოს მრავალ ქვეყანაში, მათ შორის უკრაინაში, ენერგომატარებლების ფასები მნიშვნელოვნად გაიზარდა. ამის მთავარი მიზეზი ჰორმუზის სრუტის ჩაკეტვაა. ამიტომ, თუ აშშ-ს ნამდვილად სურს ფასების შემცირება, იქ ომი უნდა დასრულდეს და სრუტე გაიხსნას“,- აღნიშნა ზელენსკიმ.

1793598603

ბულგარეთის საპრეზიდენტო არჩევნების მეორე ტურში ილიანა იოტოვამ გაიმარჯვა

ბულგარეთის ცენტრალური საარჩევნო კომისიის განცხადებით, ბიულეტენების 99.66%-ის დათვლის შემდეგ, ბულგარეთის საპრეზიდენტო არჩევნების მეორე ტურში მოქმედმა პრეზიდენტმა, ილიანა იოტოვამ გაიმარჯვა. იოტოვამ ხმების 57.66% მიიღო. მისმა მეტოქემ, ყოფილმა პრემიერ-მინისტრმა, ანდრეი გიუროვმა კი 39.38%.ილიანა იოტოვა ბულგარეთის ისტორიაში არჩევნების გზით არჩეული პირველი ქალი პრეზიდენტი გახდა. როგორც იოტოვამ განაცხადა, არჩევნების შედეგების გამოცხადების შემდეგ გიუროვი მას ტელეფონით დაუკავშირდა და გამარჯვება მიულოცა.„დღეს ბულგარელმა ხალხმა წარსულის ნაცვლად მომავალი აირჩია; მათ მშვიდობა აირჩიეს. მათ აირჩიეს სტაბილურობა, ნორმალური ცხოვრება და მდგრადი, მკაფიო გზა წინსვლისკენ. ბულგარეთის მოქალაქეებს ვესაუბრეთ იმ საკითხებზე, რომლებიც მათ ყოველდღიურ ცხოვრებაზე ახდენს გავლენას. დღეს გამოჩნდა, რომ მათ გაიგეს ჩვენი გზავნილი. ცოტა ხნის წინ ბატონმა გიუროვმა დამირეკა და გამარჯვება მომილოცა. მან გამოთქვა რწმენა, რომ ღირსეული პრეზიდენტი ვიქნები, ისეთი, ვინც ყველასთან დიალოგის დამყარებას შეძლებს”, – განაცხადა იოტოვამ.ცნობისთვის, ბულგარეთში პრეზიდენტს ხუთი წლის ვადით ირჩევენ.

1793598435

მშობლებმა 10 წლის შვილი აეროპორტში მარტო დატოვეს და თავად გაფრინდნენ - მათ წინააღმდეგ სამართლებრივი პროცედურები დაიწყო

ესპანეთში მომხდარმა შემთხვევამ საზოგადოებაში დიდი აღშფოთება გამოიწვია. მშობლებმა 10 წლის ვაჟი ბარსელონას აეროპორტში მარტო დატოვეს, თავად კი სხვა შვილთან ერთად თვითმფრინავში ჩასხდნენ და გამგზავრებას აპირებდნენ. მიზეზი ბავშვის სამგზავრო დოკუმენტებთან დაკავშირებული პრობლემა გახდა.შემთხვევა ივლისის ბოლოს, ბარსელონას ელ-პრატის საერთაშორისო აეროპორტში მოხდა. როგორც უცხოური მედია წერს, ოჯახი დასასვენებლად მიემგზავრებოდა, თუმცა რეგისტრაციის დროს გაირკვა, რომ ბავშვის ესპანურ პასპორტს ვადა ჰქონდა გასული, ხოლო მეორე სამგზავრო დოკუმენტით მგზავრობისთვის საჭირო ვიზა არ ჰქონდა.ამის გამო 10 წლის ბიჭს თვითმფრინავში ასვლის უფლება არ მისცეს. მშობლებმა კი, იმის ნაცვლად, რომ რეისზე უარი ეთქვათ და შვილთან დარჩენილიყვნენ, აეროპორტის თანამშრომლების ინფორმაციით, გადაწყვიტეს, ბავშვი ტერმინალში დაეტოვებინათ და ნათესავისთვის დაერეკათ, რომელიც მოგვიანებით მის წასაყვანად მივიდოდა.მომხდარის შესახებ აეროპორტის თანამშრომელმა, ლილიანმა, სოციალურ ქსელში ვიდეო გაავრცელა. მისი თქმით, როდესაც ბავშვი მარტო შენიშნეს, შესაბამის სამსახურებს შეატყობინეს. ბიჭმა სამართალდამცველებს უთხრა, რომ მშობლები უკვე თვითმფრინავში იმყოფებოდნენ და სამშობლოში დასასვენებლად მიფრინავდნენ.„როგორ შეიძლება მშობლებმა 10 წლის შვილი ტერმინალში დატოვონ მხოლოდ იმიტომ, რომ მას მგზავრობისთვის საჭირო დოკუმენტები არ აქვს? ნათესავს შეიძლება ნახევარი საათი, ერთი საათი ან სამი საათიც დასჭირდეს მისვლამდე, ისინი კი მშვიდად ადიან თვითმფრინავში და ბავშვს მარტო ტოვებენ“,- აღნიშნა აეროპორტის თანამშრომელმა.მისი ინფორმაციით, პოლიციამ თვითმფრინავის პილოტს დაუკავშირდა. რეისის გამგზავრება შეაჩერეს, ოჯახის ბარგი თვითმფრინავიდან ჩამოიტანეს, ხოლო მშობლები და მათი მეორე შვილი სამართალდამცველებთან გადაიყვანეს. საბოლოოდ, ოჯახი იმავე აეროპორტში დატოვებულ ბიჭთან დააბრუნეს.უცხოური მედიის ცნობით, ესპანეთის პოლიციამ მომხდართან დაკავშირებით ბავშვის მიტოვების ფაქტზე რეაგირება მოახდინა. შემთხვევის შემდეგ გავრცელებული ინფორმაციით, მშობლების წინააღმდეგ შესაბამისი სამართლებრივი პროცედურებიც დაიწყო.

1793597792

როგორი ამინდია მოსალოდნელი საქართველოში დღეს

 2 ნოემბერს საქართველოში უმეტესად ცვალებადი ღრუბლიანობაა მოსალოდნელი. ქვეყნის აღმოსავლეთ ნაწილში ზოგან ხანმოკლე წვიმა იქნება შესაძლებელი, დასავლეთში კი დღის მეორე ნახევრიდან ცალკეულ რაიონებში წვიმა და ელჭექია ნავარაუდევი.გარემოს ეროვნული სააგენტოს ინფორმაციით, დასავლეთ საქართველოში დაბლობში ჰაერის ტემპერატურა დღისით +20, +25 გრადუსამდე მოიმატებს, მთაში +17, +22 გრადუსი იქნება, მაღალმთიან რაიონებში კი +12, +17 გრადუსია მოსალოდნელი.აღმოსავლეთ საქართველოში ბარში დღისით +15, +20 გრადუსი დაფიქსირდება, მთაში +13, +18 გრადუსი, მაღალმთიან რაიონებში კი +6, +11 გრადუსი იქნება.თბილისში დღის განმავლობაში ღრუბლიანობა თანდათან შემცირდება. ჰაერის ტემპერატურა +18 გრადუსამდე მოიმატებს.

1793597332

ლონდონში აშშ-ის საელჩოსთან გამართულ აქციაზე პოლიციამ 325 ადამიანი დააკავა

დემონსტრაციების მორიგი ტალღა ევროპაში - ლონდონში, შეერთებული შტატების საელჩოსთან საპროტესტო აქციაზე, პოლიციამ 325 ადამიანი დააკავა. თითქმის ყველა მათგანს ბრალად ედება ტერორიზმის შესახებ კანონით აკრძალული პროპალესტინური ორგანიზაციის მხარდაჭერა. დემონსტრანტების ნაწილი დაკავებისას პოლიციის მითითებებს არ დაემორჩილა, რის გამოც სამართალდამცველებმა ისინი ტერიტორიიდან იძულებით გაიყვანეს."პალესტინის მოქმედება" - ასე ჰქვია ორგანიზაციას, რომელიც ბრიტანეთის ხელისუფლებამ შარშან ტერორისტულ ორგანიზაციათა სიაში შეიყვანა, ჯგუფთან კავშირისა და მისი მხარდაჭერისთვის ქვეყნის მასშტაბით 4 000-ზე მეტი ადამიანია დაკავებული.

1793596902

ტურიზმის ეროვნული ადმინისტრაცია ლონდონის საერთაშორისო გამოფენაში - World Travel Market მიიღებს მონაწილეობას

საქართველოს ტურიზმის ეროვნული ადმინისტრაციის ხელმძღვანელი მაია ომიაძე 3-5 ნოემბერს დიდ ბრიტანეთში, ტურიზმის სფეროში მსოფლიოში ერთ-ერთ უმსხვილეს და პრესტიჟულ საერთაშორისო გამოფენაში World Travel Market (WTM) London მიიღებს მონაწილეობას.ადმინისტრაციასთან ერთად, გამოფენაში 20-მდე ქართული ტურისტული კომპანია, აჭარის ტურიზმისა და კურორტების დეპარტამენტი და იმერეთის დანიშნულების ადგილის მართვის ორგანიზაცია (DMO) მიიღებს მონაწილეობას, რომლებიც უცხოელ ტუროპერატორებთან და საერთაშორისო პარტნიორებთან საქმიან შეხვედრებს გამართავენ.საქართველოს ეროვნულ სტენდთან ვიზიტორებს შესაძლებლობა ექნებათ ქვეყნის ტურისტულ მიმართულებებსა და პროდუქტებს, კულტურულ-ისტორიულ მემკვიდრეობასა და ტურისტულ შესაძლებლობებს გაეცნონ.გამოფენის ფარგლებში, დაგეგმილია შეხვედრები საერთაშორისო მედიაკომპანიების, დაჯავშნისა და მოგზაურობის გლობალურ პლატფორმების, მარკეტინგული სააგენტოების, ავიაციისა და ტექნოლოგიების სფეროს, გასართობი და კინოინდუსტრიის კორპორაციების წარმომადგენლებთან.დიდი ბრიტანეთიდან მოგზაურთა ინტერესი დინამიურად იზრდება. 2026 წლის მესამე კვარტალში (ივლისი-სექტემბერი) გაერთიანებული სამეფოდან ვიზიტების რაოდენობა +18.2%-ითაა გაზრდილი.