1792342448

თბილისის მუნიციპალიტეტის საკრებულოს წევრმა გურამ ნიკოლაშვილმა 2025-2026 წლების ანგარიში წარადგინა

თბილისის მუნიციპალიტეტის საკრებულოს წევრმა გურამ ნიკოლაშვილმა 2025-2026 წლებში გაწეული საქმიანობის ანგარიში წარადგინა.შეხვედრაზე დეპუტატმა დეტალურად ისაუბრა საკრებულოს სხდომებში, კომისიებსა და ფრაქციების მუშაობაში მონაწილეობის შესახებ.ანგარიშის წარდგენისას ხაზი გაესვა თბილისის 2026 წლის ბიუჯეტის პროექტის, მასში შესატანი ცვლილებებისა და ბიუჯეტთან დაკავშირებული რეკომენდაციების განხილვის პროცესს. დეპუტატმა ისაუბრა დედაქალაქის ინფრასტრუქტურულ პროექტებზე, მათ შორის რუსთაველის გამზირის რეაბილიტაციაზე, ურბანულ განვითარებაზე,მუნიციპალური ქონების მართვაზე, ტრანსპორტსა და ჯანდაცვისა თუ ეკონომიკურიგანვითარების პროგრამებზე.გურამ ნიკოლაშვილმა ყურადღება გაამახვილა მერიის საქალაქო სამსახურებსა და მუნიციპალურ ორგანიზაციებთან მჭიდრო თანამშრომლობაზე. საანგარიშო პერიოდში სამუშაო შეხვედრები გაიმართა ინფრასტრუქტურის განვითარების საქალაქო სამსახურის, ქონების მართვის სააგენტოს, ტრანსპორტისა და ურბანული განვითარებისსააგენტოს, ეკონომიკური განვითარების საქალაქო სამსახურის ხელმძღვანელებთან.ანგარიშის წარდგენას მოწვეული სტუმრები ესწრებოდნენ.

1792342398

„იჭყიპებიან ასეთი პაციენტები წამლებით და შედეგი მაინც არ აქვთ...“ - გასტროენტეროლოგი მიმართვას ავრცელებს

გასტროენტეროლოგი, გიგა სორდია საზოგადოებას მიმართავს.„შებერილობის მკურნალობის ერთ-ერთი მეთოდი არის ვარჯიშები. მენჯის ფსკერის ვარჯიშებს რასაც უძახიან. პაციენტები რომ ჰყვებიან, „მუცელი თითქოს 6 თვის ორსულივით მაქვსო“, ერთსა და იმავეს ჰყვება ბევრი პაციენტი. ეს არის აბდომინოფრენიული დისინერგია, ეს ახალი სინდრომია, გარკვეული პროცესების შემდგომ, მაგალითად მშობიარობა ან სხვადასხვა პროცესები, დიაფრაგმის მახვილი კუთხე ბლაგვდება და ჩამოდის ქვემოთ, სივრცე ცოტა რჩება და მუცელი მოდის წინ და არის გამოხატული შებერილობა – ამას რომელი შებერილობის წამალი მოუხსნის? ვერანაირი. იჭყიპებიან ასეთი პაციენტები (წამლებით) და შედეგი მაინც არ აქვთ...“ – ამბობს გასტროენტეროლოგი.  

1792342244

VIDEO: „დედას ჩემს თვალწინ მანქანამ დაარტყა… დღესაც ჩამესმის ჩემი შემზარავი ხმა „არ გადააფაროთ, ხელი არ მოკიდოთ!“ – ნინო მეუნარგია დედის ტრაგიკულ გარდაცვალებაზე

ჟურნალისტი ნინო მეუნარგია ტელეკომპანია „იმედის“ გადაცემას „სხვა რაკურსი“ სტუმრობს, სადაც დედის გარდაცვალებაზე და საუბრობს.„დედაზე საუბარი მიჭირს იმიტომ, რომ ჩემი დიდი ბედნიერება და ძალიან დიდი ტკივილია. მე დედა მენატრება, დედასთან ჩახუტება მენატრება… რაც დრო გადის მე ამ მონატრებას ვერ ვერევი. გამიგებენ ის ადამიანები, რომლებსაც დედა აღარ ჰყავთ. იმ მომენტში, როდესაც დედა 59 წლის ასაკში დედა ტრაგიკულად დაიღუპა… და ეს მოხდა ჩემს თვალწინ, როდესაც მას მანქანამ დაარტყა. მე მეგონა, რომ სამყარო საერთოდ დასრულდა… ჩემი არსებობა სამყაროში დასრულდა… ამის გადმოცემა წარმოუდგენელია.  დღესაც ჩამესმის ჩემი შემზარავი ხმა „არ გადააფაროთ, ხელი არ მოკიდოთ...“, – აცხადებს ნინო მეუნარგია.

1792341248

კახა კალაძე „ფეხბურთის ოქროს კვირეულის“ ფარგლებში საქართველოში იტალიის ელჩს და ფრანჩესკო ტოტის შეხვდა

იტალიის სერია A-ს ჩემპიონატის თასი თბილისშია. Golden Week of Football-ის ფარგლებში, იტალიის ელჩის რეზიდენციაში შეხვედრა გაიმართა, რომელსაც იტალიის რესპუბლიკის ელჩი საქართველოში მასიმილიანო დ’ანტუონო და იტალიის საფეხბურთო კლუბების - „რომასა“ და „მილანის“ ლეგენდები, ფრანჩესკოტოტი და კახა კალაძე დაესწრნენ.სპეციალურად „ფეხბურთის ოქროს კვირეულის“ (Golden Week of Football) ფარგლებში, საქართველოში იტალიის ჩემპიონატის თასი სერია A-ს წარმომადგენელმა ჩამოიტანა.თბილისის მერმა კახა კალაძემ და ფრანჩესკო ტოტიმ, როგორც იტალიის ჩემპიონებმა, თასთან სამახსოვრო ფოტოები გადაიღეს.

1792337667

აშშ თუ პუტინის მხარეს დადგება, ეს ისტორიული შეცდომა იქნება - ზელენსკი

რაინის პრეზიდენტმა, ვოლოდიმირ ზელენსკიმ განაცხადა, რომ აშშ-ის მიერ რუსეთის პრეზიდენტ ვლადიმერ პუტინის მხარეს დადგომა ისტორიული შეცდომა იქნება.„ჩვენ გვინდა, რომ მას ვენდობოდეთ. იმედი მაქვს, ის გადაწყვეტილებებს შეცვლის, რადგან, ჩემი აზრით, ეს ყველაფერი შეცდომებია და არც ჩვენ დაგვეხმარება და არც შეერთებულ შტატებს“, – განაცხადა ზელენსკიმ „ენბისი ნიუსთან“ ინტერვიუში.ზელენსკის თქმით, აშშ-მა უკრაინას გარკვეული დროით შეუზღუდა სადაზვერვო ინფორმაციის მიწოდება, რის გამოც ქვეყანა რუსეთიდან გაშვებული ბალისტიკური რაკეტების შესახებ ინფორმაციას ვეღარ იღებდა. მოგვიანებით ინფორმაციის გაზიარება აღდგა.„ამისთვის ძალიან მადლიერები ვართ. ახლა ის კვლავ მუშაობს“, – განაცხადა უკრაინის პრეზიდენტმა.მისი განმარტებით, სადაზვერვო ინფორმაციის მიწოდების რამდენიმე დღით შეჩერების საკითხი უკვე მოგვარებულია, თუმცა უკრაინას კვლავ აქვს შეზღუდვები Starlink-ის სამხედრო ვერსიის, Starshield-ის გამოყენების სიჩქარესთან დაკავშირებით. ზელენსკის განცხადებით, უკრაინელი ოფიციალური პირები მიიჩნევენ, რომ SpaceX-ის მიერ დაწესებული შეზღუდვა „ამერიკის მთავრობის გზავნილს“ უკავშირდებოდა.კითხვაზე, ფიქრობს თუ არა, რომ გადაწყვეტილება უშუალოდ ტრამპმა ან SpaceX-ის მფლობელმა, ილონ მასკმა მიიღო, ზელენსკიმ უპასუხა, რომ ზუსტად არ იცის, თუმცა, მისი აზრით, ამ პროცესში ორივე მონაწილეობდა.უკრაინის პრეზიდენტის თქმით, ტრამპი ხვალ შეზღუდვის მოხსნას თუ გადაწყვეტს, „ყველაფერი დაუყოვნებლივ ისე იმუშავებს, როგორც ადრე“.რაც შეეხება ჟურნალისტის კითხვას ტრამპის განცხადებასთან დაკავშირებით, სადაც აშშ-ის პრეზიდენტმა აღნიშნა, რომ ზელენსკისთან ურთიერთობა უფრო რთულია, ვიდრე პუტინთან, ზელენსკიმ უპასუხა, რომ ტრამპთან გულწრფელია.„შესაძლოა, ეს ძალიან თავაზიანი არ არის, მაგრამ სჯობს, გყავდეს პარტნიორები, რომლებიც ღიად და მკაფიოდ საუბრობენ, ვიდრე ისეთი ადამიანები, რომლებიც მკვლელები არიან, თუნდაც სახეზე ღიმილი ჰქონდეთ“, – განაცხადა ზელენსკიმ.უკრაინის პრეზიდენტმა აღნიშნა, რომ აშშ და რუსეთი ერთ მხარეს თუ აღმოჩნდებიან, უკრაინას წინააღმდეგობის გაწევა გაუჭირდება.„ეს ორი ქვეყანა ერთად თუ იქნება, ჩვენ ვერ გავიმარჯვებთ და ვეღარც გავუძლებთ“, – განაცხადა ზელენსკიმ.ზელენსკიმ ასევე სინანული გამოთქვა, რომ ტრამპმა სანქციების ამოქმედება გადადო. ზელენსკის თქმით, გარდაცვლილი სენატორი, ლინდსი გრემი უკრაინისა და მშვიდობის დიდი მხარდამჭერი იყო.„მან თავისი ცხოვრება და დრო ჩადო ამ საქმეში, რადგან ნამდვილად სჯეროდა უკრაინის“, – განაცხადა უკრაინის პრეზიდენტმა.უკრაინის პრეზიდენტის თქმით, დღეს სატელეფონო საუბარს გეგმავს აშშ-ის მომლაპარაკებლებთან და მომდევნო დღეებში შეხვედრის იმედიც აქვს.„ამისთვის ძალიან ღია ვარ, მიუხედავად ყველა იმ რთული გარემოებისა, რომელშიც ახლა ვიმყოფებით“, – განაცხადა ზელენსკიმ.

1792336718

„ბოტულიზმის ბაქტერია, სახლის პირობებში სტერილიზაციის შემდეგ არ კვდება" - სურსათის უვნებლობის ექსპერტის გაფრთხილება

სურსათის უვნებლობის სპეციალისტი ირაკლი არაბული გადაცემა ირაკლი არაბული „დღის პოსტს“ ესტუმრა, სადაც ბოტულიზმის შესახებ ისაუბრა. ირაკლი არაბულის განცხადებით, „ბოტულიზმის ბაქტერია, სახლის პირობებში სტერილიზაციის შემდეგ არ კვდება“.„ბოტულიზმი – ეს კვებითი ინტოქსიკაცია ძალიან საფრთხილო ამბავია. ერთ- ერთი ყველაზე მაღალი ფატალურობით გამოირჩევა თვითონ ეს ბაქტერია, ამ დაავადებას რომელიც იწვევს კლოსტრიდიუმ ბოტულინუმი. ჩვეულებრივ, შეიძლება ბინადრობდეს მიწაზე და როდესაც რაიმე პროდუქტს მოვკრეფთ, შესაძლოა წამოყვეს ამ პროდუქტს და დაბინძურებული იყოს.ეს ბაქტერია მრავლდება უჟანგბადო გარემოში. დახურული და დაკონსერვებული ქილა კი ისეთი გარემოა, სადაც იწყებს გამრავლებას.ხშირ შემთხვევაში, გარეცხვა 100%-ით არ აცილებს ამ ბაქტერიას და არც ის არის, რომ აუცილებლად წამოჰყვება ეს ბაქტერია, ამის რისკიც არსებობს, მაგრამ ყოველთვის ასე არ ხდება, მაგრამ გარეცხვა საფუძვლიანად თითქმის ბოლომდე აცილებს სხვადასხვა მიკრობებს და პათოგენებს.ბოტულოტოქსინი არის ძალიან მავნე, ნერვულ სისტემას ურტყამს და როდესაც ადამიანი კომპოტს მიირთმევს და თვალების შეშუპება დაეწყება, მაშინ უნდა მიმართოს ექიმს.ყველაზე მაღალი რისკის პროდუქტებია დაბალ მჟავიანი პროდუქტები, რომლებიც მიწასთან ახლოს არის. მაგალითად: ბადრიჯანი, კარტოფილი, სტაფილო, სოკო და ა.შ. ანუ ისეთი პროდუქტები, რომლებიც მიწიდან მოიპოვება და არის დაბალ მჟავიანი.თუ უკვე ლპობის პროცესია დაწყებული, ან სუნი აქვს, იქ უკვე დიდი ხნის განმავლობაში ბინადრობს ეს ბაქტერია.როდესაც სახლის პირობებში ხდება სხვადასხვა კონსერვის დამზადება, მაქსიმალური ტემპერატურა, რასაც შეიძლება რომ სახლის პირობებში მივაღწიოთ არის 100 გრადუსი, ბოტულინის გამომწვევი ბაქტერია კი 100 გრადუსზეც მდგრადი არის და სჭირდება მინიმუმ 130 გრადუსი მაინც, რომ განადგურდეს.ჩირი ერთ-ერთი ყველაზე კარგი პროდუქტია, რომელიც ჯობია მურაბას, კომპოტს. ბუნებრივად მოპოვებულია, გამომშრალია და მისგან გამოსულია ზედმეტი ტენი, რაც ხანგრძლივ შენახვასაც უზრუნველყოფს. უნდა მივაქციოთ ყურადღებას, რომ მაქსიმალურად კარგად გამოშრეს. ჩირს ობის პატარა ნაწილაკიც რომ ჰქონდეს ნიშნავს რომ უვარგისია“, – აცხადებს ირაკლი არაბული. 

1792335732

საპატრიარქოს საზოგადოებასთან ურთიერთობის სამსახური ინფორმაციას ავრცელებს

საპატრიარქოს საზოგადოებასთან ურთიერთობის სამსახურის ინფორმაციით საქართველოს პატრიარქმა შიო მესამემ საქართველოში სტუმრად მყოფი  ბელგრადის წმინდა საბა სერბელის სახელობის სასულიერო სემინარიის პროფესორები და სტუდენტები დალოცა.„უწმინდესმა და უნეტარესმა, სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა შიო III-მ თბილისის ყოვლადწმინდა სამების სახელობის საპატრიარქო ტაძართან არსებულ ახალგაზრდულ ცენტრში ბელგრადის წმინდა საბა სერბელის სახელობის სასულიერო სემინარიის პროფესორები და სტუდენტები დალოცა.საქართველოს საპატრიარქოს საზოგადოებასთან ურთიერთობის სამსახურის ინფორმაციით, ისინი საქართველოში მისი უწმინდესობის, პეჩის მთავარეპისკოპოსის, ბელგრად-კარლოვცის მიტროპოლიტისა და სერბეთის პატრიარქის პორფირეს ლოცვა-კურთხევით იმყოფებიან.“ - წერია გავრცელებულ ინფორმაციაში. 

1792334840

„სულ ის მეფიქრება, როგორი სხვანაირი იქნებოდა ყველაფერი, შენ რომ ჩვენს გვერდით ყოფილიყავი...“ - ელენე ბასლანძე გარდაცვლილ მამაზე

ბიზნესმენისა და მუსიკალური პროდიუსერის, ლაშა ბასლანძის გარდაცვალებიდან თითქმის ერთი წელი გავიდა. თარიღთან დაკავშირებით მისმა შვილმა ელენე ბასლანძემ სოციალურ ქსელში ემოციური პოსტი გაავრცელა და მამა კიდევ ერთხელ გაიხსენა:„ყოველდღე, ყოველ წამს, ყველგან და ყველაფერში იგრძნობა უშენობა ჩემო მართლაც რომ ერთადერთო და განუმეორებელო! სულ ის მეფიქრება, როგორი სხვანაირი იქნებოდა ყველაფერი, დღეს შენ რომ ჩვენ გვერდით ყოფილიყავი... ჩემო ყოვლისშემძლე, ადამიანების სიყვარულისა და ერთგულების ნიჭით დაჯილდოებულო მამიკო!“, - წერს ელენე ბასლანძე.შეგახსენებთ, ბიზნესმენი და მუსიკალური პროდიუსერი ლაშა ბასლანძე 2025 წლის 27 ოქტომბერს, 40 წლის ასაკში გარდაიცვალა.

1792334327

დაკავებულთა რეკორდული რიცხვი, ერთი გარდაცვლილი და დაშავებული პოლიციელები - საფრანგეთში მაღალი ფასებისა და საჯარო სერვისების წინააღმდეგ პროტესტი გრძელდება

პროტესტი მაღალი ფასებისა და საჯარო სერვისების წინააღმდეგ. დაკავებულთა რეკორდული რიცხვი, ერთი გარდაცვლილი და დაშავებული პოლიციელები - ასე გათენდა 18 ოქტომბერი საფრანგეთში. მედიის ინფორმაციით, ქვეყნის მასშტაბით, პროტესტის 1800 მონაწილე დაკავებულია, დაშავებულია ასობით პოლიციელი. პარიზის საპროტესტო აქციაზე დაკავებების დროს, ერთი დემონსტრანტი გულის შეტევით გარდაიცვალა.ქვეყნის მასშტაბით გამართული დემონსტრაციები არეულობაში მას შემდეგ გადაიზარდა, რაც აქციის მონაწილეებმა გადაწვეს მერია, გაძარცვეს მაღაზიები, შენობები გრაფიტით შეღებეს. სხვადასხვა ქალაქში, ძალადობრივი ჯგუფები პოლიციას დაუპირისპირდნენ. დაშავებულია 500-ზე მეტი პოლიციის ოფიცერი.გაზრდილი საყოფაცხოვრებო ხარჯები და გაუარესებული საჯარო სერვისები - ამ საკითხებს უკავშირდება საფრანგეთის ათობით ქალაქში გამართული მსვლელობებში, რომელშიც ნახევარ მილიონზე მეტი ადამიანი მონაწილეობდა. სოციალური პირობებით უკმაყოფილო მოქალაქეები სტუდენტურ მოძრაობას შეუერთდნენ, რომელიც საფრანგეთში ერთი თვეა, მიმდინარეობსაქციის მონაწილეები აცხადებდნენ, რომ პროტესტი მშვიდობიანი იყო. თუმცა, ძალადობრივმა დაჯგუფებებმა იერში მიიტანეს სამთავრობო შენობებზე, გაძარცვეს ძვირად ღირებული მაღაზიები და სუპერმარკეტები. თავს დაესხნენ სამართალდამცველებს. დაწვეს პოლიციის თანამშრომლების მანქანები.საფრანგეთის შინაგან საქმეთა მინისტრის ცნობით, უკვე არსებობს მოძალადე დემონსტრანტების იდენტიფიცირებისთვის საკმარისი ვიდეომასალა. მან ამავე გააკრიტიკა ულტრამემარცხენე ძალების წარმომადგენლები, რომლებმაც მისი თქმით, ღიად მოუწოდეს საზოგადოებას აჯანყებისკენ.დარბეული ადმინისტრაციული შენობები, დამტვრეული ვიტრინები, დამწვარი ველოსიპედები, საღებავით მოხატული კედლები - ასე გამოიყურება პარიზი ახლა. იგივე მდგომარეობაა ქვეყნის მასშტაბით, ლილიდან მარსელამდე და სტრასბურგიდან ბორდომდე. ქალაქებში მასშტაბური დასუფთავების სამუშაოები დაიწყო. ლიმოჟში ქალაქის მერიის 143-წლოვან შენობაზე მიყენებულ ზარალს აფასებენ, რომელიც ცეცხლის წაკიდების შედეგად ნაწილობრივ განადგურდა.საფრანგეთის პრემიერ-მინისტრმა განაცხადა, რომ მთავრობა ძალადობით "ვერ შეშინდება" და არეულობაზე პასუხისმგებლობა "ულტრამემარცხენეებსა" და დამნაშავეებს დააკისრა.პრეზიდენტმა ემანუელ მაკრონმა კი სოციალურ ქსელში დაწერა, რომ საფრანგეთში ძალადობის ადგილი არ არის და დაისჯება ყველა, ვინც თავს დაესხა პრეფექტურებსა, მერიებს და ბიზნესობიექტებს.საპროტესტო აქციების ფონზე, პრეზიდენტი მაკრონი ფრანგ ხალხს დღეს, პარიზის დროით, 8 საათზე მიმართავს.პროტესტი ერთი თვის წინ, პარიზის გარეუბნების სკოლებში არსებული პირობებისა და მასწავლებელთა დეფიციტის გამო დაიწყო, შემდეგ კი ფართო მოძრაობაში გადაიზარდა.

1792333585

2–25 ოქტომბერს, თბილისის ოპერისა და ბალეტის თეატრში გაეტანო დონიცეტის კომიკური ოპერა „სიყვარულის ნექტარი“ გაიმართება

22–25 ოქტომბერს, თბილისის ოპერისა და ბალეტის თეატრში გაეტანო დონიცეტის კომიკური ოპერა "სიყვარულის ნექტარი" გაიმართება.მაყურებელი იხილავს კოლუმბიელი მხატვრისა და მოქანდაკის, ფერნანდო ბოტეროს მიერ შექმნილ გამორჩეულ ვერსიას, რომლის სცენოგრაფიაშიც მისთვის დამახასიათებელი, უტრირებული ფორმები და ფერადოვნება იკვეთება.სპექტაკლის მხატვარი და სცენოგრაფია ფერნანდო ბოტეროს ეკუთვნის, რეჟისორია ვიქტორ გარსია სიერა. წარმოდგენაში თბილისის ოპერის თეატრის სოლისტები, მოწვეული მომღერლები, გუნდი და ორკესტრი მიიღებენ მონაწილეობას.

1792331807

საფრანგეთში ძალადობისა და ძარცვის ფაქტებთან დაკავშირებით დაახლოებით 2000 ადამიანი დააკავეს

საფრანგეთში ძალადობისა და ძარცვის ფაქტებთან დაკავშირებით დაახლოებით 2000 ადამიანი დააკავეს. ამის შესახებ საფრანგეთის შინაგან საქმეთა მინისტრმა, ლორან ნიუნიესმა განაცხადა.საფრანგეთის შინაგან საქმეთა მინისტრის ინფორმაციით, არეულობის დროს 600-ზე მეტი პოლიციელი, ჟანდარმი და მეხანძრე დაშავდა.მისივე თქმით, ეს მონაცემები საბოლოო არ არის და დაშავებულთა რაოდენობა შესაძლოა, გაიზარდოს.ლორან ნიუნიესი ხვალ მარსელში ჩავა, სადაც საფრანგეთის შინაგან საქმეთა მინისტრის განცხადებით, თავდასხმები რამდენიმე ათასმა ულტრამემარცხენე აქტივისტმა განახორციელა. მათ მოგვიანებით კრიმინალური ჯგუფები შეუერთდნენ და არაერთი სავაჭრო ობიექტი გაძარცვეს და დაარბიეს.პარიზის პროკურატურის მონაცემებით, შაბათს ქალაქში მომხდარი ძალადობისა და ძარცვის ფაქტებთან დაკავშირებით 557 ადამიანი დააკავეს, მათ შორის 381 სრულწლოვანი და 151 არასრულწლოვანია. კიდევ 25 დაკავებულის ასაკი ამ დროისთვის დადგენილი არ არის. პროკურატურის განცხადებით, მონაცემები ჯერ საბოლოო არ არის.დაკავებები მთელი ღამის განმავლობაში, დაახლოებით დილის ექვს საათამდე გრძელდებოდა. დაკავებულთა უმეტესობას მოპარული ნივთების მიღებასა და შენახვას, ძალადობის ჩადენის მიზნით ჯგუფურად შეკრებასა და ქონების დაზიანებას ედავებიან. სხვა საქმეები იარაღის ტარებასა და ასაფეთქებელი ნივთიერებების ფლობას უკავშირდება.ამასთან, საფრანგეთის პრეზიდენტი ემანუელ მაკრონი დღეს, ადგილობრივი დროით 20:00 საათზე საზოგადოებას მიმართავს.

1792330909

არუნ ხათრი ასახელებს ყველაზე უსარგებლო პროდუქტებს ყოველდღიურ რაციონში

„ყველაზე უსარგებლო პროდუქტები ყოველდღიურ რაციონში | რა უნდა გავითვალისწინოთ დღის რაციონში“ – აღნიშნულ თემებზე სასაუბროდ „აიურვედას“ სპეციალისტი არუნ ხათრი „დილა მშვიდობისა საქართველოს“ ეთერში საუბრობს.„ სასარგებლო პროდუქტებია : ხორცი, კვერცხი, პარკოსანი (ლობიო, ოსპი), ხილი და ბოსტნეული. ეს 5 პროდუქტი კვირაში რამდენჯერმე უნდა მიიღოს ორგანიზმმა. ასევე, თევზი“, – აცხადებს არუნ ხათრი. როდესაც 6 დღე ჭამს ადამიანი სწორად და ერთ დღეს აჩუქებენ თავიან ორგანიზმს. ამას არ ვეთანხმები. მთელი კვირა დაელოდება მერე ტვინი, როდის მოვა ეს დღე. ან ჭამე, ან არ ჭამო.უნდა დავაბალანსოთ კვება. ჯერ მიირთვით ბოსტნეული, მერე ჭამეთ, ხაჭაპური და ხინკალიც. 70%-ით შემცირდება ზიანი.მსუბუქად ჭამა არასწორია. სიმინდის ფანტელები რომ იყიდება, ეს არაჯანსაღია. 15 წლის ბავშვს ღვიძლი აქვთ გაცხიმიანებული. ე.წ. ხილის წვენები... დილით რომ შეჭამთ სიმინდის ფანტელს, თუნდაც ცოტა რძესთან, 1 საათში ისევ მშიერი ხარ. გამოიყოფა ინსულინი და წლების მერე ინსულინრეზისტენტობა განვითარდება და სიმსუქნე, ღვიძლის, დიაბეტის და ჩიყვის პრობლემები მოიმატებს.დილითაც შეგიძლიათ დღე ხორცით ან კვერცხით დაიწყოთ. ყველა კვებაში ცილა უნდა იყოს. პური, ბრინჯი, კარტოფილი – როდესაც ამ პროდუქტებს ადამიანი იღებს, ეს აძლევს ენერგიას. თუ ღამით ჭამ და შემდეგ უნდა დაიძინო, ენერგია შეინახება. შენახული ენერგია მავნეა! თუ ჭამ, და გარეთ დადიხარ, ან ვარჯიშობ, მაშინ ეს ენერგია დაიხარჯება და ბალანსია.გადამუშავებული ხორცპროდუქტები კეთდება სპეციალური საღებავებისგან და არაჯანსაღია“, – აცხადებს არუნ ხათრი.