1793742334

იწვევს თუ არა ბუასილი კიბოს – რას ამბობს პროქტოლოგი

პროქტოლოგი, ბექა კევლიშვილი ოთარ ტატიშვილის გადაცემაში „ოთარი ექიმო“ ეხმაურება გავრცელებულ მოსაზრებას იმის შესახებ, რომ თითქოს ბუასილი კიბოს იწვევს.„სამწუხაროდ არის ძალიან გავრცელებული ასეთი შეხედულება, რომ „ბუასილი კიბოში გადამეზარდა“ – ეს არის სრული ტყუილი, არასოდეს ბუასილი კიბოში არ გადადის, არ არის აღწერილი არცერთი შემთხვევა, რომ მორფოლოგიურად ეს უჯრედები გადაიზარდოს კიბოში. მაქსიმალურად ცუდი რაც შეიძლება მოხდეს ეს არის, რომ შესაძლოა გამოიწვიოს ანემია ხშირმა სისხლდენებმა.მე პირადად ასეთ პრინციპს მივყვები, რომ თუ ჩაიტარა პაციენტმა მკურნალობა და გამოისწორა ანემია, პარალელურად დაიწყო მკურნალობა, ამ პერიოდში კარგად არის და შემდეგ ისევ დაეწყო ხშირი და უხვი სისხლდენა, რომელიც ისევ ანემიისკენ წავა, ამ დროს უკვე ვთავაზობ ოპერაციას. ყველა სხვა შემთხვევაში პაციენტს ბუასილის გამო მე არასოდეს არ ვთავაზობ, რადგან მე არ ვიცი რამდენად შეწუხებულია ამ დაავადებით. ხშირად უთქვამთ მომბეზრდა „ბექა ექიმო, სტუმრად ვეღარ წავსულვარ…“ , – ამბობს ექიმი.

1793742195

ბუნებრივი ანტიბიოტიკი ბოსტნიდან: ხალხური მედიცინის ექსპერტები მწვანე ხახვის სასარგებლო თვისებებს გვიზიარებენ

მწვანე ხახვი ბევრს მხოლოდ კერძების გემოვნურ დანამატად მიაჩნია. სინამდვილეში, ეს ხელმისაწვდომი პროდუქტი ნამდვილი „ბუნებრივი ანტიბიოტიკია“, რომელიც უძველესი დროიდან გამოიყენება სხვადასხვა დაავადების პრევენციისა და ორგანიზმის გაძლიერებისთვის.სპეციალისტებმა დაასახელეს მწვანე ხახვის 4 მთავარი თვისება, რომელთა გამოც ის თქვენს ყოველდღიურ მენიუში აუცილებლად უნდა შეიტანოთ:ძლიერი იმუნური ბარიერი და ანტიბაქტერიული ეფექტიმწვანე ხახვი მდიდარია ფიტონციდებით - ბიოლოგიურად აქტიური ნივთიერებებით, რომლებიც თრგუნავენ ბაქტერიების, ვირუსებისა და სოკოების ზრდა-გამრავლებას. სწორედ ამ თვისების გამო უწოდებენ მას ბუნებრივ ანტიბიოტიკს. გარდა ამისა, ის შეიცავს დიდი რაოდენობით C ვიტამინს, რომელიც აუცილებელია იმუნური სისტემის გამართული მუშაობისთვის, უჯრედების რეგენერაციისა და ინფექციებისგან თავდაცვისთვის.გულ-სისხლძარღვთა სისტემის მხარდაჭერაამ მწვანილის შემადგენლობაში შედის ალიცინი - ნაერთი, რომელიც ამცირებს სისხლძარღვების კედლების სიხისტეს და ხელს უწყობს არტერიული წნევის დარეგულირებას. მწვანე ხახვის რეგულარული მოხმარება გვეხმარება სისხლში „ცუდი“ ქოლესტერინის დონის შემცირებაში, რაც საგრძნობლად აქვეითებს ათეროსკლეროზის, ინფარქტისა და ინსულტის განვითარების რისკებს.ძვლების სიმტკიცე და სისხლის შედედებამწვანე ხახვი არის K ვიტამინის საუკეთესო წყარო. ეს ვიტამინი გადამწყვეტ როლს თამაშობს ორგანიზმში კალციუმის სწორად ათვისებასა და ძვლოვანი ქსოვილის სიმტკიცის შენარჩუნებაში, რაც ოსტეოპოროზის საუკეთესო პრევენციაა. ასევე, K ვიტამინი პასუხისმგებელია სისხლის ნორმალურ შედედებაზე.საჭმლის მონელების გაუმჯობესება და წონის კონტროლიმწვანე ხახვი მდიდარია მცენარეული ბოჭკოთი (უჯრედისით), რომელიც აუმჯობესებს კუჭ-ნაწლავის ტრაქტის პერისტალტიკას და ხელს უწყობს ნაწლავის ჯანსაღი მიკროფლორის განვითარებას. მას აქვს ძალიან დაბალი კალორიულობა, თუმცა კერძებს აძლევს მდიდარ არომატს, რაც გვეხმარება მარილის მოხმარების შემცირებაში და იდეალურია მათთვის, ვინც წონის კლებასა თუ ჯანსაღი ფორმის შენარჩუნებაზე ზრუნავს.წყარო

1793742009

ლოცვა უშვილო წყვილებისთვის წმინდათა მართალთა იოაკიმესა და ანას მიმართ

ეს ლოცვა უშვილობის დროს უნდა წაიკითხოთ.„ისმინე ჩუენი, მოწყალეო და ყოვლადძლიერო ღმერთო, რათა ვედრებისაებრ ჩუენისა მოგუეცეს ჩუენ მადლი შენი. მოწყალე იქმენ, უფალო, ლოცვათა მიმართ ჩუენთა, მოიხსენე ჰსჯული შენი გამრავლებისათვის კაცთა ნათესავისა და იყავნ სახიერ-მფარველ, რათა შენითა შემწეობითა დაცულ იქმნეს სიტყუაი იგი, რომელი ბრძანე შენ.შენ ძლევამოსილითა ძალითა შენითა არარაისაგან ყოველივე ჰქმენ და მიეც დასაბამ ყოველსა ყოფიერსა _ კაცნიცა ჰქმენ ხატად თვისად და დიდითა საიდუმლოებითა წმიდა ჰყვენ კავშირი ცოლ-ქმრობისა, ნიშნად ქრისტესა და ეკლესიისა საიდუმლო ერთობისასა. მოჰხედენ, მოწყალეო მონათა ამათ შენთა (სახელები) ცოლ-ქმრობის კავშირით შეერთებულთა და შენისა შემწეობისა მიმართ შევრდომილთა, რათა გარდამოევლინოს წყალობაი შენი მათ ზედა. ნაყოფიერ ჰყვენ იგინი, რათა იხილონ ძენი ძეთა თვისთანი მესამესა და მეოთხესა მოდგმადმდეც და მიიწივნენ ჟამსა სანატრელისა სიბერისასა და შევიდენ სასუფეველსა ცათასა მეოხებითა უფლისა ჩუენისა იესო ქრისტესითა, რომელსა ჰშვენის ყოველი დიდება, პატივი და თაყვანისცემა თანა სულით წმიდითურთ, უკუნისამდე. ამინ.წმინდათა მართალთა იოაკიმესა და ანას მიმართტროპარი:რომელი სჯულსა შინა მადლისა მიერ განმართლდეს და ყრმა ღვთივ-მონიჭებული გვიშვეს ჩვენ, იოაკიმ და ანა, ამისთვისცა დღეს ბრწყინვალედ განცხრების სოფელი და დღესასწაულობს ეკლესია ღმრთისა პატიოსანსა ხსენებასა მათსა და ადიდებს ღმერთსა, რომელმან აღგვიდგინა ჩვენ რქა ცხოვრებისა სახლსა დავითისსა.კონდაკი:იხარებს აწ ანა, ბერწობისა საკრველთაგან ხსნილი, და ზრდის ყოვლად-უხრწნელსა, თანად მომწოდებელი ყოველთა გალობად, რომელმან მოანიჭა საშოით მისით კაცთა მხოლოდ დედა, ქმრისა გამოუცდელი.“

1793741849

გოგა მანია ნოემბრის ფავორიტ ზოდიაქოს ნიშნებს ასახელებს

ეზოთერიკოსი გოგა მანია ასახელებს ზოდიაქოს ნიშნებს, რომლებისთვისაც ნოემბერი განსაკუთრებით მნიშვნელოვანი და წარმატებული პერიოდი იქნება.ლომი - თვითგამოხატვისა და საკუთარი თავის აღიარების დროლომებისთვის ეს პერიოდი საკუთარი შესაძლებლობების გამოვლენას, თვითგამოხატვასა და საკუთარი თავის უკეთ გაცნობიერებას უკავშირდება. მათ შესაძლებლობა ექნებათ, უფრო თამამად წარმოაჩინონ საკუთარი თავი და დაინახონ საკუთარი ღირებულება.მშვილდოსანი - წინსვლა და მნიშვნელოვანი ცვლილებებიმშვილდოსნებისთვის შემოდგომა პროფესიული წინსვლისა და მნიშვნელოვანი ცვლილებების პერიოდად სახელდება. შესაძლებელია ახალი შესაძლებლობების გამოჩენა, მოგზაურობა, პირად ცხოვრებაში მნიშვნელოვანი ნაბიჯების გადადგმა, დაოჯახება ან ოჯახში დიდი ხნის ნანატრი სიხარულის მიღება.კირჩხიბი - ოჯახი და მატერიალური საკითხებიკირჩხიბებისთვის ყურადღების ცენტრში ოჯახური ურთიერთობები და მატერიალური გეგმები მოექცევა. ეს პერიოდი ხელს შეუწყობს ახლობლებთან მნიშვნელოვან საუბრებს, სამომავლო გეგმების დასახვასა და ფინანსურ საკითხებზე დაფიქრებას.ქალწული - მიზნების ასრულებისა და კარიერული წინსვლის პერიოდიქალწულებისთვის შემოდგომა სწორ გზაზე სვლისა და მიზნების განხორციელების შესაძლებლობას უკავშირდება. კარიერული განვითარება და სურვილების ასრულება განსაკუთრებით აქტუალური გახდება. გოგა მანიას პროგნოზით, ქალწულების ცხოვრებაში შესაძლოა ისეთი სასიამოვნო ცვლილებები მოხდეს, რომ მათი ცხოვრება ლამაზ ზღაპარს დაემსგავსოს.კურო - რთული პერიოდის დასრულება და ახალი შესაძლებლობებიკუროებისთვის ბოლო სამი წელი გაურკვევლობით და პრიორიტეტების ძიებით იყო დატვირთული. ახლა კი მათთვის ხელსაყრელი პერიოდი იწყება, როდესაც მნიშვნელოვანია, გადახედონ საკუთარ მიზნებსა და სურვილებს. განსაკუთრებული ყურადღება უნდა დაუთმონ მოგზაურობას, პირად განვითარებასა და ჯანმრთელობაზე ზრუნვას.გოგა მანიას თქმით, კუროებს ეს პერიოდი განსაკუთრებით სწყალობს და მათ ახალი შესაძლებლობების გამოყენების შანსი ეძლევათ.

1793741720

მნიშვნელოვანი ინფორმაცია „მწვანე ბარათის“ შესახებ - სიახლეები და წესები

აშშ-ის სასამართლოს ახალი გადაწყვეტილების თანახმად, DV-2027 (მწვანე ბარათის 2027 წლის) გათამაშების რეგისტრაცია 2026 წლის პირველ ნოემბერს დაიწყოტრადიციულად, მწვანე ბარათის ლატარიის მიღება ყოველი წლის შემოდგომაზე (ოქტომბრის დასაწყისიდან ნოემბრის დასაწყისამდე) მიმდინარეობდა, თუმცა წელს (DV-2027 პროგრამისთვის) სახელმწიფო დეპარტამენტმა ვადები შეაფერხა, რის გამოც საქმე სასამართლომდე მივიდა.რა გადაწყვიტა სასამართლომ?კალიფორნიის სასამართლოს მიერ მიღებული წინასწარი განჩინების/ბრძანების საფუძველზე, აშშ-ის სახელმწიფო დეპარტამენტს მკაცრი გრაფიკი დაუწესდა:2026 წლის 29 ოქტომბერი: სახელმწიფო დეპარტამენტი ვალდებულია, ოფიციალურად გამოაქვეყნოს რეგისტრაციის დეტალური პირობები, წესები და ოფიციალური ვებგვერდი.2026 წლის 1 ნოემბერი: ოფიციალურად იხსნება ელექტრონული რეგისტრაცია (შეერთებული შტატების აღმოსავლეთ დროით მიტინგის მიხედვით).სარეგისტრაციო პერიოდი: განაცხადების მიღება სავალდებულო წესით გაგრძელდება მინიმუმ 30 დღის განმავლობაში (ანუ ნოემბრის ბოლომდე / დეკემბრის დასაწყისამდე).მნიშვნელოვანი სიახლეები და წესები DV-2027-ისთვის:იმის გამო, რომ რეგისტრაციის ოფიციალური თარიღი ჯერ არ დამდგარა, ინტერნეტში შესაძლოა გამოჩნდეს არაოფიციალური ან თაღლითური ვებგვერდები, რომლებიც „წინასწარ რეგისტრაციას“ ან გარანტირებულ მოგებას გვთავაზობენ. გახსოვდეთ:განაცხადის შეტანა ხდება მხოლოდ ოფიციალური და ერთადერთი სამთავრობო პორტალის მეშვეობით: dvprogram.state.gov.

1793741695

დღეს ყაზანის ყოვლადწმიდა ღმრთისმშობლის ხატის დღესასწაულია - ლოცვა, რომელიც უნდა წაიკითხოთ

დღეს ყაზანის ყოვლადწმიდა ღმრთისმშობლის ხატის დღესასწაულია - ლოცვა, რომელიც უნდა წაიკითხოთ:ტროპარიმხურვალე შუამდგომელო, დედაო ღვთისა მაღლისაო, ყოველთათჳს ევედრე ძესა შენსა, ქრსიტჱსა ღმერთსა ჩუენსა და აცხოვნენ დაბადებულნი ყოველნი, რომელნი სარწმუნოებით მოილტვიან ქუეშე ყოვლადძლიერისა საფარველისა შენისასა. დედუფალო, მეოხ-მეყავ ყოველთა, რომელნი განსაცდელსა და მწუხარებასა შინა ვიურვით, მრავალნი სნეულებანი ცოდვათა ჩუენთანი გჳტვირთავს წარდგომილთა ამათ წინაშე შენსა და ყოვლითა სულითა და შემუსვრილებითა გულისათა ცრემლით გევედრებით შენ - წინაშე ყოვლადწმიდისა ხატისა შენისა და შეუორგულებელსა სასოებასა დავსდებთ წინაშე შენსა, ყოვლისაგან ბოროტისა მიცვენ ჩუენ და სიკეთეჲ მომმადლენ ყოველთა, მიჴსნენ ყოველნი, ღვთისმშობელო ქალწულო, რამეთუ შენ ხარ საფარველი ღვთაებრივი მონათა შენთათვის.

1793741463

როგორი ამინდი იქნება საქართველოში მომდევნო ერთი კვირის განმავლობაში – პროგნოზი

მომდევნო დღეების განმავლობაში საქართველოში ამინდის ცვალებადობაა მოსალოდნელი. სინოპტიკოსების პროგნოზის მიხედვით, მნიშვნელოვანია როგორც ტემპერატურის ცვლილება, ისე ნალექის გავრცელების არეალი.4-5 ნოემბერს ზოგიერთ რაიონში ხანმოკლე წვიმაა ნავარაუდევი.6 ნოემბრიდან ტემპერატურა დაიკლებს. 7-9 ნოემბერს ამინდი შედარებით ცივი და ღრუბლიანი იქნება, ღამის საათებში კი ტემპერატურა კიდევ უფრო დაიკლებს.თბილისში: 4 ნოემბერს დღისით დაახლოებით 19-20 გრადუსია მოსალოდნელი, 5 ნოემბერს ტემპერატურა 16 გრადუსამდე დაიკლებს, მომდევნო დღეებში კი დაახლოებით 13-15 გრადუსი იქნება.

1793739198

ილია დარჩიაშვილი გაერთიანებული სამეფოს პარლამენტის თემთა პალატის თავმჯდომარეს, სერ ლინდსი ჰოილს შეხვდა

დიდ ბრიტანეთში საქართველოს ელჩმა, ილია დარჩიაშვილმა გაერთიანებული სამეფოს პარლამენტის თემთა პალატის თავმჯდომარესთან, სერ ლინდსი ჰოილთან შეხვედრა გამართა.დიდ ბრიტანეთში საქართველოს საელჩოს ცნობით, თემთა პალატის თავმჯდომარემ საქართველოს ელჩს თანამდებობაზე დანიშვნა მიულოცა და მომავალ საქმიანობაში წარმატებები უსურვა.„შეხვედრის ფარგლებში განხილულ იქნა საქართველოსა და გაერთიანებულ სამეფოს შორის ორმხრივი ურთიერთობები და ყურადღება გამახვილდა საპარლამენტო დიპლომატიის მნიშვნელოვან როლზე ქვეყნებს შორის კავშირების შემდგომი გაღრმავების პროცესში.ასევე, საუბარი შეეხო რეგიონში მიმდინარე პროცესებსა და უსაფრთხოების გამოწვევებს“,  – ნათქვამია საელჩოს ინფორმაციაში.

1793737694

ქუთაისში ტრაგიკულად დაღუპული მეორე ახალგაზრდის ვინაობაც ცნობილია

ქუთაისში, ტრაგიკულად დაღუპული მეორე ახალგაზრდა მათე ობოლაძეა.ის ბერდია ხაბულიანთან ერთად იმ ავტომობილში იმყოფებოდა, რომელიც მდინარე რიონში გადავარდა. ტრაგიკულად დაღუპულ ბიჭებს სოციალურ ქსელში ემშვიდობებიან. 

1793736952

სალომე კაპანაძეს მელანომის დიაგნოზის შემდეგ თურქეთში ოპერაცია ჩაუტარდა - ცნობილია მისი ჯანმრთელობის მდგომარეობა

ინფლუენსერის, სალომე კაპანაძის ოპერაციამ წარმატებით ჩაიარა. ამის შესახებ მისი სოცქსელებიდან ხდება ცნობილი.„კვანძები, ჯირკვლები, მელანომები, ხალები, ჯოჯოები და მაჯლაჯუნები ჩემი ცხოვრებიდან „პაკა!“ - წერს ვლოგერი.რამდენიმე კვირის წინ, ცნობილი გახდა, რომ მას თურქეთში, მელანომის პირველი სტადიის დიაგნოზი დაუსვეს.„პეტი გადავიღე და მეტასტაზები ორგანიზმში არ არის. მელანომას პირველი სტადიაა, რომ არ მოგატყუოთ, გამიკვირდა, იმიტომ რომ 2 წელი პატარა დრო არ არის და მადლობა ღმერთს, რომ საწყის ეტაპზე აღმოვაჩინეთ“, - წერდა სალომე.ასევე ნახეთ: "ნელ-ნელა შეიცვალა ფერი და ზომა..." - სალომე კაპანაძე, მძიმე დიაგნოზის დასმის შემდეგ, თურქეთში გაემგზავრა

1793736877

გიორგი გაბუნია: ჩვენ ევროკავშირთან გვსურს კარგი ურთიერთობა და არა კარგი ფოტოები. ზელენსკის უამრავი ბრწყინვალე ფოტო აქვს ალბათ ფონ დერ ლაიენთან, მარტა კოსთან და კაია კალასთან, მაგრამ სისხლში და ფერფლშია გახვეული უკრაინა

ზელენსკის უამრავი  ბრწყინვალე ფოტო  აქვს ალბათ  ფონ დერ ლაიენთან,  მარტა კოსთან და კაია კალასთან, მაგრამ  სისხლში და ფერფლშია გახვეული უკრაინა,- ასე გამოეხმაურა საპარლამენტო უმრავლესობის წევრი გიორგი გაბუნია ბრიუსელში, პრემიერ ირაკლი კობახიძის მიმართ “ევრონიუსის” ჟურნალისტის მიერ დასმულ შეკითხვას იმის თაობაზე, პრემიერმა იცის თუ არა, რომ ევროპაში არიან სახელმწიფო ლიდერები, რომლებსაც მასთან ერთად ფოტოს გადაღება არ სურთ.როგორც გაბუნიამ აღნიშნა, საქართველოს ხელისუფლებას ევროკავშირთან კარგი ურთიერთობა სურს და არა კარგი ფოტოები.“როდიდან გახდა ფოტოების გადაღება ევროინტეგრაციის ახალი კრიტერიუმი არ ვიცი, მაგრამ ჩვენ ევროკავშირთან გვსურს კარგი ურთიერთობა და არა კარგი ფოტოები..ზელენსკის უამრავი  ბრწყინვალე ფოტო  აქვს ალბათ  ფონ დერ ლაიენთან,  მარტა კოსთან და კაია კალასთან, მაგრამ  სისხლში და ფერფლშია გახვეული უკრაინა..”- წერს გიორგი გაბუნია.

1793736352

„შვილებო, რა ტრაგედიაა თქვენი დაკარგვა...“ - ქუთაისში, ავარიის შედეგად დაღუპულ ბიჭებს ემშვიდობებიან

ქუთაისში, ავტოსაგზაო შემთხვევის შედეგად დაღუპულ ბიჭებს ემშვიდობებიან.ავტომობილი, რომელშიც ორი ახალგაზრდა იმყოფებოდა, მდინარე რიონში გადავარდა. ART Georgia-ს ინფორმაციით, ქუთაისში, ავარიის დროს დაღუპული ერთ-ერთი ახალგაზრდა ბერდია ხაბულიანია.ტრაგიკულად დაღუპულ ბიჭებს სოციალურ ქსელში ემშვიდობებიან:„რა ტრაგედიაა შვილებო, თქვენი დაკარგვა, რა სიმწარეა...“. „ბერდო, რა დღე გაუთენე შენს მშობლებს, შენ ოჯახს“.  „ვაიმე, ახალგაზრდებო... ნათელი და სანთელი არ მოჰკლებოდეს თქვენს თბილ სულს, ღმერთმადაგიმკვიდროთ ცათა სასუფეველი, სადაც მართალნი განისვენებენ. ოჯახებს გამძლეობა“, - წერენ კომენტარებში. მეორე ახალგაზრდის ვინაობა ამ დროისთვის უცნობია.