1794770948

სტრატეგიული პარტნიორობის ფარგლებში მიღებულმა გადაწყვეტილებამ, ვიზების გაუქმების შესახებ, ორივე ქვეყნის მოქალაქეებისთვის ძალიან დადებითი ეფექტი მოახდინა ტურიზმის სექტორში ზრდის დინამიკაზე და ხალხთაშორის კავშირების გაღრმავებაზე - მარიამ ქვრივიშვილი

სტრატეგიული პარტნიორობის ფარგლებში მიღებულმა გადაწყვეტილებამ, რომ ორმა სახელმწიფომ გააუქმა ვიზები ორივე ქვეყნის მოქალაქეებისთვის ძალიან დადებითი ეფექტი მოახდინა ტურიზმის სექტორში ზრდის დინამიკაზე, - ამის შესახებ ჩინეთ-საქართველოს ურთიერთობებზე საუბრისას საქართველოს ვიცე-პრემიერმა ეკონომიკისა და მდგრადი განვითარების მინისტრმა მარიამ ქვრივიშვილმა გადაცემაში "იმედის კვირა" განაცხადა.მარიამ ქვრივიშვილმა ჩინეთის სახალხო რესპუბლიკაში ვიზიტი შეაჯამა, სადაც მნიშვნელოვანი შეხვედრები გამართა.„გვქონდა ნაყოფიერი შეხვედრა ადგილობრივ ავიაგადამზიდველებთან. მოხარული ვარ, რომ შანხაი-თბილისის მიმართულებით არსებული კვირაში სამი სიხშირე მოლაპარაკების საფუძველზე მომდევნო წლიდან გახდება კვირაში ხუთი სიხშირე. ვხედავთ, რომ სტრატეგიული პარტნიორობის ფარგლებში მიღებულმა გადაწყვეტილებამ, რომ ორმა სახელმწიფომ გააუქმა ვიზები ორივე ქვეყნის მოქალაქეებისთვის ძალიან დადებითი ეფექტი მოახდინა ტურიზმის სექტორში ზრდის დინამიკაზე და ზოგადად ხალხთაშორის კავშირების გაღრმავებაზე“, - აღნიშნა მარიამ ქვრივიშვილმა.ვიცე-პრემიერის განცხადებით, მოსალოდნელია, რომ ორ ქვეყანას შორის ტურისტული კავშირები სამომავლოდ კიდევ უფრო გაღრმავდება, რაზეც მარკეტინგული კამპანიებიც მოახდენს გავლენას.„ვფიქრობთ, რომ ეს დინამიკა კიდევ უფრო მეტად გაძლიერდება და გააქტიურდება, რადგან ჩვენ უზრუნველვყოფთ ძალიან ფართომასშტაბიანი მარკეტინგული კამპანიის წარმოებას ჩინეთში იმისთვის, რომ გაიზარდოს ჩვენი ქვეყნის, როგორც ტურისტულად მიმზიდველი ქვეყნის ცნობადობა“,- აღნიშნა მარიამ ქვრივიშვილმა.

1794770941

დედამიწაზე ჟანგბადი იწურება - NASA-ს მეცნიერებმა პროგნოზი გააკეთეს

დედამიწა ყოველთვის საცხოვრებლად ვარგისი არ იქნება. NASA-ს მეცნიერებისა და ტოჰოს უნივერსიტეტის გამოთვლებით, დაახლოებით ერთ მილიარდ წელიწადში პლანეტის ატმოსფეროდან  ჟანგბადი გაქრება, რაც შეუძლებელს გახდის სიცოცხლის არსებობას.მკვლევრები განმარტავენ, რომ მზის თანდათანობით დათბობასთან ერთად, ნახშირორჟანგის მოლეკულები დაიწყებენ დაშლას. CO₂-ის გარეშე მცენარეები ვერ შეძლებენ ფოტოსინთეზს, რაც იმას ნიშნავს, რომ ისინი შეწყვეტენ ჟანგბადის გამომუშავებას. ეს გამოიწვევს ჯაჭვურ რეაქციას: ტყეები გაქრება, ატმოსფერული ჟანგბადი გამოილევა და ცხოველები და ადამიანები ვეღარ შეძლებენ გადარჩენას.როდესაც პროცესი შეუქცევადი გახდება, დედამიწაზე მხოლოდ ანაერობული მიკროორგანიზმები გადარჩებიან, რომლებსაც ჟანგბადის გარეშე ცხოვრება შეუძლიათ. ამავდროულად, მეთანის კონცენტრაცია გაიზრდება, ჰაერი ტოქსიკური გახდება და პლანეტა თანდათან უნაყოფო კლდედ გადაიქცევა, ისევე როგორც მილიარდობით წლის წინ იყო.ოზონის ფენა და რადიაციაჟანგბადთან ერთად, ოზონის შრეც გაქრება. ეს პლანეტის ზედაპირს მზის რადიაციისგან დაუცველს დატოვებს, რაც ნებისმიერ სიცოცხლეს კიდევ უფრო დაუცველს გახდის.„ის პლანეტაც კი, რომელსაც ჩვენ მარადიულად სტუმართმოყვარედ აღვიქვამთ, სინამდვილეში დროებითია“, - ხაზს უსვამენ კვლევის ავტორები.მათი თქმით, ეს დასკვნები ხელს უწყობს დედამიწის ევოლუციის და საცხოვრებლად ვარგისი ეგზოპლანეტების პოვნის კრიტერიუმების უკეთ გაგებას.მიუხედავად იმისა, რომ „ჟანგბადის ეპოქის“ დასასრული მალე არ არის მოსალოდნელი, მეცნიერები აღნიშნავენ, რომ აღმოჩენა ჩვენი ატმოსფეროს მყიფეობისა და მისი შენარჩუნების მნიშვნელობის შეხსენებაა.

1794770825

მუდმივ რეჟიმში ვთანამშრომლობთ ჩვენს პარტნიორებთან და მათთან ერთად გავწერეთ საერთო რეგიონული აქტივობები იმისთვის, რომ შუა დერეფანმა 2029 წლისთვის შეძლოს დაახლოებით 30 მილიონი ტონა ტვირთის გატარება - მარიამ ქვრივიშვილი

ძალიან მჭიდროდ ვთანამშრომლობთ პარტნიორ ქვეყნებთან შუა დერეფნის კონტექსტში: ეს გახლავთ ყაზახეთი, აზერბაიჯანი, - ამის შესახებ "იმედის კვირასთან" საქართველოს ვიცე-პრემიერმა, ეკონომიკისა და მდგრადი განვითარების მინისტრმა მარიამ ქვრივიშვილმა განაცხადა.მინისტრმა აღნიშნა, რომ პარტნიორებთან ერთად უკვე გაწერილია გეგმა, რომელიც 2029 წლისთვის შუა დერეფანში 30 მილიონი ტონა ტვირთის გატარებას ითვალისწინებს."მუდმივ რეჟიმში ვთანამშრომლობთ ჩვენს პარტნიორებთან და მათთან ერთად გავწერეთ საერთო რეგიონული აქტივობები იმისთვის, რომ შუა დერეფანმა 2029 წლისთვის შეძლოს დაახლოებით 30 მილიონი ტონა ტვირთის გატარება. აქ, რა თქმა უნდა, ჩვენი ქვეყნის როლი არის განსაკუთრებით მნიშვნელოვანი, სწორედ ასე გაიწერა ჩვენი, მეტ-ნაკლებად მოკლე და საშუალოვადიანი გეგმა 2029 წლამდე, რისთვისაც სახელმწიფო, ზოგადად, სატრანსპორტო სექტორში დაახლოებით 7 მილიარდი დოლარის ინვესტიციას განახორციელებს, რაც თავის მხრივ გულისხმობს ინვესტირებას და ინფრასტრუქტურის განვითარებას: საპორტო, სარკინიგზო, სახმელეთო და საავიაციო სატრანსპორტო მიმართულებით", - აღნიშნა მარიამ ქვრივიშვილმა.

1794770378

16 ნოემბრის ასტროლოგიური პროგნოზი

ვერძი დღე ენერგიულად დაიწყება. კარგი დროა ახალი საქმეების წამოსაწყებად და მნიშვნელოვანი გადაწყვეტილებების მისაღებად. პირად ურთიერთობებში მეტი მოთმინება გამოიჩინეთ.კურო ფინანსურ საკითხებს განსაკუთრებული ყურადღება მიაქციეთ. შესაძლოა, საინტერესო შესაძლებლობა გამოჩნდეს. საყვარელ ადამიანთან გულწრფელი საუბარი ურთიერთობას გააუმჯობესებს.ტყუპები აქტიური და სიახლეებით დატვირთული დღე გელით. კომუნიკაცია და ახალი ნაცნობობა წარმატებას მოგიტანთ. მოერიდეთ ნაჩქარევ დაპირებებს.კირჩხიბი ემოციური ფონი შესაძლოა ცვალებადი იყოს. ეცადეთ, სხვისი პრობლემები საკუთარ თავზე არ აიღოთ. სამსახურში მოთმინება და თანმიმდევრულობა დაგეხმარებათ.ლომი თქვენი ინიციატივა და თავდაჯერებულობა სასურველ შედეგს მოგიტანთ. კარგი დღეა პროფესიული გეგმებისა და პირადი ურთიერთობების გასაუმჯობესებლად.ქალწულიყურადღება ყოველდღიურ საქმეებსა და ჯანმრთელობას დაუთმეთ. ნუ გადაიღლებით ზედმეტი პასუხისმგებლობებით. ფინანსურ საკითხებში სიფრთხილე გამოიჩინეთ.სასწორი სასიამოვნო შეხვედრებისა და რომანტიკული სიახლეების დღეა. შესაძლოა, მიიღოთ პასუხი კითხვაზე, რომელიც ბოლო დროს გაწუხებდათ. ენდეთ საკუთარ ინტუიციას.მორიელიმნიშვნელოვანი საკითხების გარკვევის შესაძლებლობა მოგეცემათ. ოჯახურ ურთიერთობებში გულწრფელობა განსაკუთრებით მნიშვნელოვანია. ნუ იჩქარებთ გადაწყვეტილებების მიღებას.მშვილდოსანი ახალი იდეებისა და საინტერესო შესაძლებლობების დღეა. ხელსაყრელი პერიოდია მოლაპარაკებებისთვის, სწავლისა და სამომავლო გეგმების დასახვისთვის.თხის რქა პროფესიულ საქმიანობაში თქვენი შრომა დაფასდება. შესაძლოა, ფინანსური საკითხის მოგვარებაც შეძლოთ. პირად ცხოვრებაში მეტი სითბო და ყურადღება გამოიჩინეთ.მერწყული მოულოდნელმა ამბავმა შესაძლოა თქვენი გეგმები შეცვალოს. სიახლეებს გახსნილად შეხვდით. კარგი დღეა შემოქმედებითი საქმიანობისა და ახალი იდეების განხორციელებისთვის.თევზები ინტუიცია სწორი მიმართულების არჩევაში დაგეხმარებათ. მოერიდეთ ზედმეტ ემოციურობას და ყურადღება საკუთარ სურვილებს დაუთმეთ. საღამო სასიამოვნო განწყობას მოგიტანთ.

1794769373

აღმოაჩინეს გულის სისხლძარღვებში საშიში, ათეროსკლეროზული ფოლაქების მოშორების გზა

გულ-სისხლძარღვთა დაავადებები თანამედროვე სამყაროში ჯანმრთელობის ერთ-ერთ მთავარ გამოწვევას წარმოადგენს. საბედნიეროდ, მეცნიერება მუდმივად ეძებს და პოულობს ახალ გზებს სისხლძარღვების გასასუფთავებლად და გულის დაავადებების პროფილაქტიკისთვის. უახლესი კვლევები აჩვენებს, რომ როგორც ინტენსიური მედიკამენტური თერაპია, ისე სწორად შერჩეული პროდუქტები მნიშვნელოვან გავლენას ახდენს ორგანიზმში „ცუდი“ ქოლესტერინის დონესა და სისხლძარღვების მდგომარეობაზე. ინტენსიური მედიკამენტური თერაპია და ათეროსკლეროზული ფოლაქების შემცირებაჟურნალ JAMA Cardiology-ში გამოქვეყნებული კლინიკური კვლევის თანახმად, ორი პრეპარატის კომბინაციით „ცუდი“ ქოლესტერინის დონის ინტენსიურად დაქვეითებას შეუძლია მნიშვნელოვნად შეამციროს ათეროსკლეროზული ფოლაქები გულის არტერიებში.კვლევაში მონაწილეობდა 104 დანიელი პაციენტი კორონარული დაავადებითა და მძიმედ შევიწროებული არტერიებით, რომლებსაცამდე სტატინები არ მიუღიათ. მონაწილეები ორ ჯგუფად გაიყვნენ: პირველი იღებდა ატორვასტატინს, ხოლო მეორე — როზუვასტატინისა და ეზეტიმიბის კომბინაციას. 18 თვის განმავლობაში ჩატარებულმა კომპიუტერულმა ტომოგრაფიამ აჩვენა, რომ:კომბინირებულმა თერაპიამ LDL („ცუდი“) ქოლესტერინის დონე 65 პროცენტით შეამცირა (სტანდარტული თერაპიის 38%-ის წინააღმდეგ).ფოლაქების საერთო მოცულობა, შესაბამისად, 21.1%-ით და 13.6%-ით შემცირდა.განსაკუთრებით შესამჩნევი იყო რბილი ცხიმოვანი ფოლაქების შემცირება (რომლებიც გახეთქვის მაღალი რისკის გამო ყველაზე საშიშია) — კომბინირებული თერაპიისას მათი მოცულობა 28.2 პროცენტით შემცირდა. განაგრძეთ კითხვა...

1794769078

იორდანიის სასამართლომ ეკლესიაზე თავდასხმაში ბრალდებულ სამ მამაკაცს სიკვდილით დასჯა მიუსაჯა

იორდანიის სახელმწიფო უსაფრთხოების სასამართლომ სამ მამაკაცს სიკვდილით დასჯა მიუსაჯა. მამაკაცები გასულ თვეში კარაკის სამხრეთ პროვინციაში ეკლესიაზე თავდასხმაში არიან ბრალდებულები, რომლის დროსაც ცხრა ადამიანი დაიღუპა. ინფორმაციას „როიტერი“ ავრცელებს.მედიის ცნობით, სასამართლომ მამაკაცები დამნაშავედ ცნო ტერორისტული აქტების განხორციელებაში, რამაც სიკვდილი გამოიწვია. ისინი ასევე დამნაშავედ ცნეს ტერორისტული მიზნებისთვის იარაღისა და საბრძოლო მასალის ფლობაში და ტერორისტული ჯგუფის იდეოლოგიის ხელშეწყობაში.სასამართლოს განცხადებით, გადაწყვეტილება საკასაციო სასამართლოს მიერ გასაჩივრებასა და ავტომატურ გადახედვას ექვემდებარება.ცნობისთვის, 23 ოქტომბერს, შეიარაღებულმა პირებმა იორდანიის ბერძნულ მართლმადიდებლურ ეკლესიაში დაკრძალვის ცერემონიის დროს ცეცხლი გახსნეს. ხელისუფლების ცნობით, თავდასხმის დროს დაიღუპა ცხრა და დაიჭრა 34 ადამიანი.

1794767689

ცნობილია ახალგაზრდა კაცის ვინაობა, რომელსაც ლანჩხუთში მატარებელი დაეჯახა

ცნობილია ახალგაზრდა კაცის ვინაობა, რომელსაც ლანჩხუთში მატარებელი დაეჯახა. ტრაგიკული შემთხვევის შედეგად ქობულეთელი გიორგი ცეცხლაძე დაიღუპა.„სამაგალითო მშობლების საუკეთესო შვილი...  როგორ მენანება მშობლები ამ საშინელი ტკივილის ასატანად.  უფალმა დაუმკვიდროს ცათა სასუფეველი. დიდი დანაკლისია ასეთი ღირსეული ახალგაზრდა ადამიანის დაკარგვა“, - წერს ოჯახის ახლობელი.შსს-ს ცნობით, საქმეზე გამოძიება სისხლის სამართლის 275-ე მუხლით მიმდინარეობს, რაც რკინიგზის ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს  

1794766584

გასახდომი ინექციების უკუჩვენებები - შესაძლოა თუ არა წონის დასაკლებად გამოყენებულმა პოპულარულმა პრეპარატებმა მხედველობის დაზიანება გამოიწვიოს

სილამაზის დამკვიდრებულმა სტანდარტებმა და წონის სწრაფად კლების სურვილმა გასახდომი ინექციები ერთ-ერთ ყველაზე მოთხოვნად პროდუქტად აქცია.თავდაპირველად, GLP-1 რეცეპტორების აგონისტები შაქრიანი დიაბეტის მქონე პაციენტებისთვის შეიქმნა. მოგვიანებით, სიმსუქნის სამკურნალოდაც დამტკიცდა, თუმცა მალევე, მთელ მსოფლიოში, ამ ინექციების თვითნებური გამოყენება დაიწყეს შესაბამისი სამედიცინო ჩვენების გარეშე, მხოლოდ წონის დაწყების მიზნით. ამ ეტაპზე, მათი მოხმარების მაჩვენებელი რეკორდულად მაღალია. ერთი თვის წინ, სამართალდამცველებმა ბრიტანეთში ფალსიფიცირებული ინექციების საცავი აღმოაჩინეს, საიდანაც მედიკამენტებს რეცეპტის გარეშე ყიდდნენ, ვრცელდება ინფორმაცია მის შემადგენლობაში დარიშხანის აღმოჩენის შესახებაც.პრეპარატების გაყალბების შემთხვევები მათზე ხელმისაწვდომობის სირთულეს უკავშირდება. მაღალია მოთხოვნა და რთულია მიწოდების ბალანსი.ამ ჯგუფის ინექციების შეძენა აფთიაქებში, მხოლოდ რეცეპტის საფუძველზე არის შესაძლებელი. ექიმთან კონსულტაციის გვერდის ავლით კი პრეპარატებს მსოფლიო მასშტაბით შავ ბაზარზე ყიდულობენ. ამ დროს კითხვის ნიშნის ქვეშ დგას წამლის ხარისხი, შენახვის ტემპერატურის პირობები და, შესაბამისად, იზრდება ისედაც არაერთი უკუჩვენების მქონე წამლის გამოყენების საფრთხეები.წონის კლების მსურველები მარტივ გზას საქართველოშიც მიმართავენ. განცხადებები მრავლად არის ინტერნეტ სივრცეში.გასახდომი ინექციების რეალიზატორები, მიუხედავად იმისა, რომ არც ექიმები არიან და არც ფარმაცევტული საქმიანობის ლიცენზიას ფლობენ, თამამად ურჩევენ პაციენტებს საკმაოდ ბევრი უკუჩვენების მქონე პრეპარატებს და არწმუნებენ, რომ ეს უსაფრთხოა.რეალურად კი GLP აგონისტების გამოყენებისას, იმ შემთხვევაშიც კი, თუ პრეპარატი ექიმის მიერ არის დანიშნული და აფთიაქში შეძენილი - გართულებაც ხშირია.მათი ყველაზე გავრცელებული გვერდითი მოვლენა საჭმლის მომნელებელი სისტემას უკავშირდება, ხშირია პანკრეატიტის შემთხვევები, ნაღვლის ბუშტის დაავადებები, თირკმლის ფუნქციის გაუარესება და სისხლში შაქრის დონის უეცარი ვარდნაა.გასახდომ ინექციებთან დაკავშირებით მუდმივად განახლებად რეჟიმშია როგორც ამერიკის სურსათისა და მედიკამენტების ადმინისტრაციის, ისე ევროპის წამლის სააგენტოს რეკომენდაციები. უახლესი აღმოჩენა FDA-მ რამდენიმე დღის წინ გამოაქვეყნა, რომლის მიხედვითაც GLP 1 პრეპარატების გამოყენებას შესაძლოა უკავშირდებოდეს უეცარი ნაწილობრივი ან სრული სიბრმავე - დაავადება ნეიონის სახელწოდებით. სააგენტო მწარმოებლებს ავალდებულებს, მედიკამენტის ანოტაციას უკუჩვენებებში დაურთოს მხედველობის პრობლემები.წონის სწრაფი კლება მიმზიდველ პერსპექტივად გამოიყურება, მაგრამ მისი ფასი არ უნდა იყოს ჯანმრთელობა.GLP 1 აგონისტები ფარმაცევტული ინდუსტრიის წარმატებულ მიღწევად ითვლება, მხოლოდ იმ შემთხვევაში, თუ მისი გამოყენება ჩვენები შესაბამისად ექიმის დანიშნულებით ხდება.მთავარი რეკომენდაციაა, არ მოხდეს მისი გამოყენება მედიკოსების ჩართულობის გარეშე, არ მოხდეს მისი შეძენა შავ ბაზარზე და, გვერდითი მოვლენების შემთხვევაში, განმეორდეს კონსულტაცია ექიმთან. 

1794765778

წყალი 21 საათით შეწყდება - გადაამოწმეთ მისამართები

16 ნოემბერს, ჯორჯიან უოთერ ენდ ფაუერი მთაწმინდის რაიონში, რუსთაველის გამზირის სრული რეაბილიტაციის ფარგლებში, ჭავჭავაძისა და არსენას ქუჩების კვეთაზე, წყალმომარაგების ახლად მოწყობილ ქსელზე ბოლო ეტაპის გადაერთებით სამუშაოებს ჩაატარებს.კომპანიის ცნობით, წყალი 11:00 საათიდან 17 ნოემბრის 08:00 საათამდე შეწყდება.„განახლებული მაგისტრალური მილის ექსპლუატაციაში შესვლის მიზნით, კომპანიის ტექნიკური ჯგუფები სამუშაოებს, 16 ნოემბერს, დილის 11:00 საათზე დაიწყებენ და მთელი დღის განმავლობაში, ინტენსიურ რეჟიმში შეასრულებენ.აღნიშნულთან დაკავშირებით აუცილებელია მაგისტრალური ქსელის წყლისგან დაცლა, რის გამოც, 16 ნოემბერს, 11:00 საათიდან, 17 ნოემბრის დილის 08:00 საათამდე წყალმომარაგება შეეზღუდება:რუსთაველის გამზირს. გუდიაშვილის, ფურცელაძის, ვაჩნაძის, გრ.აბაშიძის, ჯორჯაძის, ვ.აბაშიძის, რ.ლაღიძის, მესხიას, ზანდუკელი, გაბაშვილის, ძმები კაკაბაძეების, ქიაჩელის, ბოცვაძის, ახვლედიანის, ეკალაძის, უშანგი ჩხეიძის, მარჯანიშვილის N1-13, N2-22, თაბუკაშვილის ქუჩა N25-51, N30-48, კოსტავას გამზ. N1-25, ვაშლოვანის, მიმინოშვილის, კობახიძის, ნიკო ნიკოლაძის N 1, 3, 5, N2-4, მიხეილ ჯავახიშვილის,ზუბალაშვილების, გრიბოედოვის, მიტროფანე ლაღიძის, ბესიკის, ჟორდანიას, ჭანტურიას, ზალდასტანიშვილის, სეფერთელაძის, სარაჯიშვილის, აბაკელიას; ცხემის შესახვევს და ჩიხს, რიწის ქუჩა N1-5, ალ.ჭავჭავაძის, ზაალ ქიქოძის, სულიკო ჟღენტის, შევჩენკოს, ლესია უკრაინკას, 8 მარტის, ბორბალოს, არსენას, ალ. ჭავჭვაძის, ბესიკის, მთაწმინდის, კოტეტიშვილის, თხინვალის და სულიკო ჟღენტის ქუჩებს, ვეძინის, თორაძის, ხოშტარიას, ა. ქუთათელაძის, ჯუღელის, მერაბ კოსტავას 1 შესხვევს, კოტე მესხის, ვეძინის, ელიზბარ ზედგენიძის, გიორგი გიგაურის ქუჩებს, ალ.ჭავჭავაძის I , II ჩიხის და შესახვევს.ჯორჯიან უოთერ ენდ ფაუერი ბოდიშს უხდის მოსახლეობას შექმნილი დისკომფორტისთვის.წყალმომარაგების შეზღუდვისა და აღდგენის შესახებ ინფორმაციას, ჯორჯიან უოთერ ენდ ფაუერი აბონენტებს წინასწარ, SMS-შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით,“ - ვკითხულობთ განცხადებაში.

1794764973

დაცარიელებული მაცივრები, გამორთული საყინულეები, მილიონობით ევროს ზარალი და გადაყრილი სურსათი - ჰაკერული თავდასხმა ევროპის ქვეყნების სუპერმარკეტების სამაცივრე სისტემებზე

დაცარიელებული მაცივრები, გამორთული საყინულეები, მილიონობით ევროს ზარალი და გადაყრილი სურსათი - კადრები ევროპის სუპერმარკეტებში მასშტაბური კიბერშეტევების შედეგებს ასახავს. ამჯერად, სუპერმარკეტში შეჭრისა და პროდუქტების ადგილზე დაზიანების ნაცვლად, მაცივრების ტემპერატურა დისტანციურად შეცვალეს, გაგრილების რეჟიმი ისე დაარეგულირეს, რომ საკვები პროდუქტები მალევე გაფუჭებულიყო.კიბერშეტევის ტალღა ოქტომბერში, საფრანგეთში დაიწყო და 700 სუპერმარკეტი მოიცვა. თავდასხმის სრული მასშტაბი კი ასე გამოიყურება - ევროპის 11 ქვეყანაში 800-ზე მეტი სავაჭრო და სასურსათო ობიექტი დაზარალდა. მომხდარი ჰაკერულ თავდასხმად შეფასდა.კიბერშეტევის შედეგები მხოლოდ სავაჭრო ქსელებით არ შემოიფარგლა. 5 ნოემბერს ცრუ შეტყობინებები ევროპის მასშტაბით თითქმის 30 ავიარეისს შეეხო. უსაფრთხოების შესაძლო საფრთხის გამო, რამდენიმე თვითმფრინავი ალტერნატიულ აეროპორტებში გადაამისამართეს, ზოგიერთ რეისს კი სამხედრო გამანადგურებლები აცილებდნენ. თვითმფრინავები უსაფრთხოების შემოწმების მიზნით გააჩერეს და დაათვალიერეს, თუმცა ასაფეთქებელი ნივთიერებები არ აღმოუჩენიათ.ცრუ განგაშის ზარები შევიდა საგანმანათლებლო დაწესებულებებშიც. მხოლოდ იტალიაში, 11 ნოემბერს, ბომბის შესახებ ელექტრონული ფოსტის მეშვეობით შეტყობინება დაახლოებით 6 300-მა სკოლამ მიიღო და 300 სკოლის ევაკუაცია გახდა საჭირო. იტალიის პრემიერ-მინისტრმა მომხდარზე საგანგებო სხდომა მოიწვია.კიბერშეტევა მოხდა საფრანგეთის სისხლის ცენტრზე. განგაშის სისტემებმა თანამშრომლებს დროული რეაგირების საშუალება მისცა, სისხლის პროდუქტები სხვა საცავებში გადაიტანეს და მარაგი დაზიანებას გადაურჩა.თავდასხმებმა ისეთი მასშტაბი მიიღო, რომ ევროკომისიამ, კიბერუსაფრთხოების სააგენტომ და Europol-მა ერთობლივი განცხადება გაავრცელეს.ბოლო შემთხვევებმა აჩვენა, რომ კიბერშეტევის სამიზნე ყოველთვის სახელმწიფო უწყებების კომპიუტერული სისტემები არ არის. თავდასხმისთვის ზოგჯერ საკმარისია ერთი დაუცველი სისტემის აღმოჩენა და მასზე წვდომის მოპოვება. ეს ევროპის წინაშე მდგარი ახალი გამოწვევაა: დაიცვას არა მხოლოდ საკუთარი ციფრული სივრცე, არამედ კრიტიკული ინფრასტრუქტურაც და ყველა ის სისტემა, რომელთა მართვაც ციფრულ ტექნოლოგიებზეა დამოკიდებული.

1794764837

ტოპ 3 ზოდიაქოს ნიშანი, რომელიც ურთიერთობებში ყველაზე ხშირად ღალატობს

ასტროლოგი სოფია ბზეკალავა „ზმნას“ ეთერში ტოპ 3 ზოდიაქოს ნიშნის შესახებ საუბრობს, რომლებიც ურთიერთობებში ყველაზე ხშირად ღალატობენ.„ტოპ 3 ზოდიაქოს ნიშანი, რომელიც ურთიერთობებში ყველაზე ხშირად ღალატობს. სიის სათავეში, რა თქმა უნდა არის მშვილდოსანი. ამ ნიშნით დაბადებული ადამიანები ბუნებით იდეალისტები არიან და ყოველ ჯერზე როდესაც ის შეყვარებულია, გულწრფელად არის დარწმუნებული იმაში რომ ეს მისი ბოლო სიყვარულია. თუმცა როგორც წესი ხშირად ეს ასე არ არის ხოლმე, რადგან ობიექტი არ შეესაბამება ხოლმე მის მიერ წარმოდგენილ იდეალს. როდესაც მშვილდოსანი როდესაც ხვდება, რომ შეცდა ყოველგვარი სინდისის ქენჯნის გარეშე მიდის ახალი იდეალის საძებნელად.მეორე ნიშანი, რომელსაც ხშირად სდებენ ბრალს არასტაბილურობაში არის ტყუპები. ამ ნიშნით დაბადებული ადამიანისთვის ძალიან მნიშვნელოვანია ინტელექტუალობა და თავის პარტნიორში სწორედ ამ თვისებას ეძებს. თუ თქვენ რუტინული ბრძანდებით ტყუპი აუცილებლად მოძებნის ისეთ მოსაუბრეს, რომელთანაც ახალ და საინტერესო თემებზე საუბარი იქნება შესაძლებელი. ამიტომ ნუ იქნებით უბრალოდ მოსაწყენი.მესამე ზოდიაქოს ნიშანი, რომელიც ასევე ხშირად არის მოღალატე, არის ვერძი. ამ ნიშნით დაბადებული ადამიანები მუდმივად მომავლისკენ მიიჩქარიან. მოქმედებაში არიან და ყველაფერი ძველი მოსაწყენია. თუკი თქვენ ფეხს ვერ აუწყობთ ვერძს შეიძლება გზაში დაიკარგო და უკან არც მოგხედავთ. ამ ნიშნით დაბადებული ადამიანისთვის მნიშვნელოვანია ისეთი პარტნიორი, რომელიც მასთან ერთად ვითარდება. თუ ეს ასე არ ხდება ის ძალიან მარტივად იპოვის ახალ თანამეინახეს“, – ამბობს სოფია ბზეკალავა. 

1794764045

ქართველი რეჟისორების ფილმებმა სხვადასხვა ქვეყნის საერთაშორისო კინოფესტივალებზე მნიშვნელოვანი ჯილდოები მოიპოვეს

ქართული კინო საერთაშორისო ასპარეზზე კვლავ წარმატებას აღწევს - ამჯერად ორი ქართველი რეჟისორის ფილმებმა სხვადასხვა ქვეყნის საერთაშორისო კინოფესტივალებზე მნიშვნელოვანი ჯილდოები მოიპოვეს.დიდ ბრიტანეთში, მანჩესტერის ანიმაციური კინოფესტივალის გამარჯვებული გახდა რეჟისორ მამუკა ტყეშელაშვილის თოჯინური ანიმაციური ფილმი „როცა ზღვა იყო მშვიდი“. სოხუმის თემაზე შექმნილმა კინოსურათმა საუკეთესო მოკლემეტრაჟიანი ანიმაციური ფილმის ჯილდო დაიმსახურა.ბულგარეთში, საერთაშორისო კინოფესტივალ „სინელიბრის“ მთავარი ჯილდო საუკეთესო მოკლემეტრაჟიანი ლიტერატურული ადაპტაციისთვის რეჟისორ რევაზ ნასიძის ფილმს „ტრაგედია უგმიროთ“ გადაეცა. ის ცნობილი ქართველი მწერლის ნიკო ლორთქიფანიძის ამავე სახელწოდების მინიატურის ეკრანიზაციაა.ორივე ფილმი საქართველოს კინემატოგრაფიის ეროვნული ცენტრის მხარდაჭერით შეიქმნა.