1794508910

„თითოეული ლარი მნიშვნელოვანია“ - პატარა გიორგის საზოგადოების დახმარება სჭირდება

პატარა გიორგი, რომელიც 2025 წლის ივლისში სავაჭრო ცენტრ „ჰუალინგ პლაზას“ მესამე სართულიდან გადმოვარდა, სიცოცხლისა და ჯანმრთელობისთვის ბრძოლას აგრძელებს. მძიმე ტრავმებისა და არაერთი ურთულესი ოპერაციის შემდეგ პატარას გადაუდებელი გამოკვლევები და მკურნალობა ესაჭიროება. ოჯახმა მკურნალობისთვის უკვე 800 000 ლარზე მეტი დახარჯა და ფინანსური რესურსი ამოწურა. გიორგის გადასარჩენად ახლა 64 000 აშშ დოლარია საჭირო. ოჯახი საზოგადოებას დახმარებისა და თანადგომისკენ მოუწოდებს.„მეგობრებო, ვირაზმებით პატარა გიორგის გადასარჩენად! #გიოსთვისდღეს ჩემს მეგობრებს, ნუცას და ბექას, ჩვენი თანადგომა ისე სჭირდებათ, როგორც არასდროს.უკვე წელიწად-ნახევარია, მშობლები საკუთარი შვილის ჯანმრთელობისა და სიცოცხლისთვის იბრძვიან.4 წლის გიორგი 2025 წლის 22 ივლისს, სავაჭრო ცენტრ „ჰუალინგ პლაზას“, მესამე სართულის მოაჯირიდან 16,363 მეტრის სიმაღლიდან გადმოვარდა. სავაჭრო ცენტრ „ჰუალინგ პლაზას“, არ ჰქონდა ელემენტარული შრომის უსაფრთხოების ნორმები დაცული რამაც გამოიწვია გიორგის ვარდნა, ამ ვარდნის შედეგად გიორგიმ მიიღო თავის ტვინის უმძიმესი დაზიანება, მკვეთრად დაუქვეითდა მხედველობა, დაკარგა მეტყველების უნარი და განუვითარდა მარჯვენამხრივი ჰემიპარეზი.გიოს ჩაუტარდა არაერთი ურთულესი ოპერაცია: ელენთის ამოკვეთა, მარცხენა ფეხის ოპერაცია, კრანიოტომია (თავის ქალის ძვლის დროებითი ამოღება) და კრანიოპლასტიკა (თავის ქალის აღდგენა იმპლანტებით). ძლიერი სისხლდენის გამო საავადმყოფოში მიყვანისას გიოს გული ორჯერ გაუჩერდა... ქართველმა ექიმებმა კერძოდ ინგოროყვას ბავშვთა რეანიმაციის გუნდმა კი სასწაული შეძლეს და პატარას სიცოცხლე შეუნარჩუნეს.2025 წლის 27 აგვისტოს გიო მკურნალობის გასაგრძელებლად თურქეთში, აჩიბადენის კლინიკაში გადაიყვანეს. თავდაპირველად „ჰუალინგი პლაზამ“ აიღო მომხდარი ფაქტის გამო პასუხისმგებლობა და დააფინანსა გიორგის 2 თვის მკურნალობა თურქეთში, მაგრამ 2 თვის მერე უარი თქვა გიორგის მკურნალობის ხარჯების დაფინანსებაზე. ამ წელიწად-ნახევრის განმავლობაში მშობლებმა საკუთარი სახსრებითა და ახლობლების დახმარებით 800 000 ლარზე მეტი დახარჯეს. დღეს ოჯახს ფინანსური რესურსი სრულად ამოწურული აქვს.გიოს ბრძოლა გრძელდება!ბოლო პერიოდში დაეწყო გაურკვეველი ხასიათის გულყრები, რომელთა დროსაც აღინიშნება სხეულის ძლიერი დაჭიმულობა. მიმდინარეობს გულყრების ტიპის დაზუსტება, მათ შორის განიხილება სპაზმური ან ეპილეფსიური ხასიათის ეპიზოდების შესაძლებლობა.გიორგის ეს გულყრები მალე უნდა დამთავრდეს, რადგან მისი მიღწეული განვითარების ტემპმა არ დაიწყოსუკუსვლა. საჭიროებს მხედველობის მდგომარეობის დამატებით გამოკვლევას, სასწრაფო მკურნალობასა და კვლევების მიხედვით დადგენილ დამატებით სამედიცინო ჩარევებს.შესაგროვებელი თანხა: 64,000 აშშ დოლარი.თანხა საჭიროა გიორგის სრული სამედიცინო გამოკვლევების, მკურნალობისა და აუცილებელი სამედიცინო ჩარევების დასაფინანსებლად, ასევე თურქეთში სამ თვეში ერთხელ გამგზავრებისთვის. ფინანსური რესურსების არქონის გამო, ოჯახმა გაზაფხულზე თურქეთში გამგზავრება ვერ შეძლო.გთხოვთ, ნუ დავტოვებთ ამ გადასარევ ოჯახს მარტო! თითოეული ლარი მნიშვნელოვანია. ვისაც რამდენის შესაძლებლობა გაქვთ, დაგვეხმარეთ პატარა გიოსთვის. თუ თანხის ჩარიცხვას ვერ ახერხებთ, გააზიარეთ ეს პოსტი იქნებ თქვენი ერთი გაზიარება გადამწყვეტი აღმოჩნდეს!მე მჯერა ქართველი ხალხის ერთობის !!!! “ - წერს თათა ცინცაძე.მიმღები დედა: ნინო ბარაბაძეTBC : #GE11TB7309545063300011BOG: #GE55BG0000000611323211PayPal: #paypal.me/NutsaBarabadze

1794508164

გაფრთხილება მომხმარებლებს! საქართველოს ფოსტის სახელით თაღლითური SMS-შეტყობინებები ვრცელდება

საქართველოს ფოსტა მოქალაქეებს აფრთხილებს, რომ მისი სახელით თაღლითური SMS-შეტყობინებები ვრცელდება. უწყების განცხადებით, შეტყობინებები ოფიციალურად არ არის გაგზავნილი და მომხმარებლებს მოუწოდებენ, არ გადავიდნენ საეჭვო ბმულებზე და არ შეიყვანონ პირადი ან საბანკო მონაცემები.„ძვირფასო მომხმარებლებო, გაცნობებთ, რომ საქართველოს ფოსტის სახელით ვრცელდება თაღლითური SMS-შეტყობინებები. გთხოვთ, არ გადახვიდეთ საეჭვო ბმულებზე და არ შეიყვანოთ პირადი ან საბანკო მონაცემები. აღნიშნული შეტყობინებები საქართველოს ფოსტის მიერ არ არის გაგზავნილი. გზავნილების შესახებ ინფორმაცია შეგიძლიათ მიიღოთ მხოლოდ საქართველოს ფოსტის ოფიციალური არხებით“, - ვკითხულობთ გავრცელებულ ინფორმაციაში.

1794507798

„სერიოზულად უნდა დავფიქრდეთ ადვოკატები...“ - ტარიელ კაკაბაძე მიმართვას ავრცელებს

ადვოკატი ტარიელ კაკაბაძე სოციალურ ქსელში მიმართვას ავრცელებს.„დაზარალებულის ადვოკატს არ აქვს გამოძიების ჩატარების უფლება. გამოძიებას ატარებს საგამოძიებო ორგანო.დაზარალებულის ადვოკატს არ აქვს საქმის სენსიტიურ დეტალებზე საჯაროდ საუბრის უფლება, რომ გამოძიება არ დააზიანოს.სერიოზულად უნდა დავფიქრდეთ ადვოკატები. სანამ დაჩაგრული დაზარალებულის უანგაროდ დაცვას გადავწყვეტთ. თუ საგამოძიებო ორგანოს თვეები დასჭირდა, შეიძლება ადვოკატს დაგაბრალონ. არის რისკი რომ სიკეთე აქეთ შემოგიბრუნდება.საზოგადოებას სჭირდება მეტი სამართლებრივი განათლება და ამაში ჩვენი, ადვოკატების როლი დიდია“, - წერს კაკაბაძე.

1794507681

არაბთა გაერთიანებულ საამიროებში ავარიას 14 ადამიანი ემსხვერპლა, 30 კი დაშავდა

არაბთა გაერთიანებული საამიროების ცნობით, ქალაქ ფუჯაირაში ავტოსაგზაო შემთხვევის შედეგად 14 ადამიანი დაიღუპა, 30 კი დაშავდა.ფუჯაირას პოლიციის ცნობით, სატვირთო მანქანის მძღოლმა მართვაზე კონტროლი დაკარგა. სატვირთო მანქანა სხვა ავტომობილს დაეჯახა, შემდეგ გადაბრუნდა და რამდენიმე მანქანას შეეჯახა. სამართალდამცველების ინფორმაციით, შეჯახების შედეგად ხანძარი თავდაპირველად სატვირთო მანქანაში გაჩნდა და რამდენიმე დაზიანებულ ავტომობილზე გავრცელდა.დაშავებულთაგან 15 საავადმყოფოდან გაწერეს, ხოლო 15 კვლავ მკურნალობას გადის.ამ დროისათვის არსებული ინფორმაციით, დაღუპულებს შორის ყველა არაბთა გაერთიანებული საამიროების მოქალაქეა.

1794507316

76 წლის მასწავლებელი მოსწავლის მიმართ გარყვნილი ქმედების ბრალდებით დააკავეს

თბილისში, სკოლაში 76 წლის მასწავლებელი მოსწავლის მიმართ გარყვნილი ქმედების ბრალდებით დააკავეს.გავრცელებული ინფორმაციით, მშობლები ამბობენ, რომ მოზარდმა მეგობრის დახმარებით ვიდეომტკიცებულების გადაღება შეძლო, რის შემდეგაც პოლიციას მიმართა.„პრაიმტაიმს“ შსს-ში უთხრეს, რომ ფაქტზე გამოძიება სისხლის სამართლის კოდექსის 141-ე მუხლით დაიწყო.

1794505200

ირაკლი კობახიძე: ძალიან დიდი იმედი გვაქვს, რომ საბოლოო ჯამში გადაწყვეტილებები იქნება მიღებული უკრაინელი ხალხის ინტერესების შესაბამისად, რაც აქამდე არ ხდებოდა, რეალურად, საქმე მიიყვანეს ძალიან მძიმე ვითარებამდე უკრაინელი ხალხისთვის

ჩვენ ძალიან დიდი იმედი გვაქვს, რომ საბოლოო ჯამში გადაწყვეტილებები იქნება მიღებული უკრაინელი ხალხის ინტერესების შესაბამისად, რაც აქამდე არ ხდებოდა. რეალურად, საქმე მიიყვანეს ძალიან მძიმე ვითარებამდე უკრაინელი ხალხისთვის, - ამის შესახებ პრემიერ-მინისტრმა ირაკლი კობახიძემ ჟურნალისტის კითხვის პასუხად აღნიშნა, რომელიც უკრაინასთან დაკავშირებით კაია კალასის განცხადებას შეეხებოდა.მთავრობის მეთაურმა იმედი გამოთქვა, რომ მიმდინარე მოლაპარაკების პროცესში მაინც გაითვალისწინებენ უკრაინელი ხალხის ინტერესებს.„ჩვენ ამაში, პრინციპში, ვერ ჩავერევით, ერთმანეთში უნდა მოგვარდნენ ევროკავშირი და აშშ. რა თქმა უნდა, აქ ყველაზე მნიშვნელოვანია უკრაინელი ხალხის ინტერესების გათვალისწინება და უკრაინის სუვერენიტეტისა და ტერიტორიული მთლიანობის პრინციპის გათვალისწინება. ჩვენ ძალიან დიდი იმედი გვაქვს, რომ საბოლოო ჯამში გადაწყვეტილებები იქნება მიღებული უკრაინელი ხალხის ინტერესების შესაბამისად, რაც აქამდე არ ხდებოდა. რეალურად, საქმე მიიყვანეს ძალიან მძიმე ვითარებამდე უკრაინელი ხალხისთვის. ყველას ძალიან კარგად უნდა სცოდნოდა, თუ რა გაგრძელება მოჰყვებოდა კონკრეტულ პროცესებს, მაგალითად 2013 წელს და მოგვიანებით. შესაძლებელი იყო უკრაინაში როგორც პირველი, ისე მეორე ომის თავიდან აცილება, თუმცა კონკრეტული ძალები პირიქით, ყველაფერს აკეთებდნენ იმისთვის, რომ ეს ომი შემდგარიყო და რუსეთი შეჭრილიყო უკრაინაში. ძალიან სამწუხაროა, რაც მოხდა. არავინ გაითვალისწინა უკრაინელი ხალხის ინტერესები. იმედია ახლა, ამ მოლაპარაკების პროცესში მაინც გაითვალისწინებენ უკრაინელი ხალხის ინტერესებს,“- განაცხადა პრემიერმა.

1794505140

ირაკლი კობახიძე: კონკრეტულმა პოლიტიკურმა პარტიამ, რომელიც იყო ხელისუფლებაში, ხელისუფლების სახელით ჩაიდინა კონკრეტული დანაშაულები და გადადგა მოღალატეობრივი ნაბიჯები - როდესაც ხდებოდა ადამიანების წამება, ესეც ხდებოდა ხელისუფლების სახელით, ამ ყველაფერში დამნაშავე იყო კონკრეტული რეჟიმი და ის პოლიტიკური პარტია, რომელიც მაშინ განასახიერებდა ამ რეჟიმს

კონკრეტულმა პოლიტიკურმა პარტიამ, რომელიც იყო ხელისუფლებაში, ხელისუფლების სახელით ჩაიდინა კონკრეტული დანაშაულები და გადადგა მოღალატეობრივი ნაბიჯები, - ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს დუბლინში განუცხადა.მთავრობის მეთაურის თქმით, როდესაც ხდებოდა ადამიანების წამება, ესეც ხდებოდა ხელისუფლების სახელით და ამ ყველაფერში დამნაშავე იყო კონკრეტული რეჟიმი და ის პოლიტიკური პარტია, რომელიც მაშინ განასახიერებდა ამ რეჟიმს.„იყო კონკრეტული პოლიტიკური პარტია, რომელიც იყო მაშინ ხელისუფლებაში. ამ პარტიამ, სამწუხაროდ, ხელისუფლების სახელით მაშინ ჩაიდინა კონკრეტული დანაშაულები და გადადგა მოღალატეობრივი ნაბიჯები. იგივე, 2008 წელს, ომთან მიმართებაში. როდესაც ხდებოდა ადამიანების წამება, ესეც ხდებოდა ფორმალურად, ხელისუფლების სახელით, მაგრამ ამ ყველაფერში დამნაშავე იყო კონკრეტული რეჟიმი და ის პოლიტიკური პარტია, რომელიც მაშინ განასახიერებდა ამ რეჟიმს, შესაბამისად, ასეთი განცხადებები არის არა მარტო უპასუხისმგებლობის, არამედ არაკომპეტენტურობის გამოვლინება. მათ არ აქვთ რესურსი, რომ დაიცვან საკუთარი თავი, იმიტომ, რომ არ აქვთ ობიექტურად არგუმენტები. ასეთ პირობებში, უწევთ ისეთი განცხადებების კეთება, რომელიც აცდენილია სიმართლეს“, - განაცხადა პრემიერმა.

1794504617

ლოცვა, რომელიც ყოველ დილას უნდა წაიკითხოთ

ლოცვა, რომელიც, ყოველ დილას უნდა წავიკითხოთ. ნუ გავალთ სახლიდან ამ ლოცვის გარეშე:უფალო ყავ ეს დღე, დღედ შენი მოწყალებისა, მიეც თითოეულსა თავისი თხოვნის მიხედვით – იყავი მოძღვარი გზააბნეულთა, წინამძღოლი და სინათლე უცოდინართა, დამრიგებელი უგუნურთა, მამა ობოლთა, დამხმარე დაჩაგრულთა, მკურნალი სნეულთა, ნუგეშინისმცემელი მომაკვდავთა.მიგვიყვანე უფალო, ჩვენ ყოველნი სასურველ აღსასრულამდე შენთან, ჩვენს თავშესაფართან, ნეტარ განსვენებში.და ღირს გვყვენ უფალო, უცოდველად დაცვად ჩვენდა, დღეინდელსა ამას დღესა და ღამესაცა ამას და ვიდრე აღსარულამდე სოფლისა ამინ.შეიწყალე უფალო, ყოველი შენი დახმარების მთხოვნელი.წმ სერაფიმ პართენი კიეველი.

1794504605

ირაკლი კობახიძე: ევროპული ტრადიციული ღირებულებები ნიშნავს დემოკრატიის პატივისცემას, კანონის უზენაესობის, ადამიანის უფლებების პატივისცემას და ამ კუთხით საქართველოსთან მიმართებით ჩვენ ვხედავთ სერიოზულ პრობლემებს, როდესაც შენთან წახალისებულია “მოლოტოვის კოქტეილის” სროლა და პოლიციელების დაწვა, ეს ძალიან სერიოზული პრობლემის მიმანიშნებელია

ევროპული ტრადიციული ღირებულებები ნიშნავს დემოკრატიის პატივისცემას, კანონის უზენაესობის პატივისცემას, ადამიანის უფლებების პატივისცემას და ამ კუთხით საქართველოსთან მიმართებით ჩვენ ვხედავთ სერიოზულ პრობლემებს, - ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს დუბლინში განუცხადა.მთავრობის მეთაურის შეფასებით, როდესაც წახალისებულია “მოლოტოვის კოქტეილის” სროლა და პოლიციელების დაწვა, ეს ძალიან სერიოზული პრობლემის მიმანიშნებელია.„მრგვალი მაგიდის ფორმატშიც გავამახვილე ყურადღება, რომ ეს არის მათ შორის დემოკრატიის კუთხით ევროპის ერთ-ერთი სერიოზული გამოწვევა. ევროპული ტრადიციული ღირებულებები ნიშნავს დემოკრატიის პატივისცემას, კანონის უზენაესობის პატივისცემას, ადამიანის უფლებების პატივისცემას და ამ კუთხით საქართველოსთან მიმართებით ჩვენ ვხედავთ სერიოზულ პრობლემებს. როდესაც შენთან წახალისებულია “მოლოტოვის კოქტეილის” სროლა და პოლიციელების დაწვა, ეს არის რა თქმა უნდა, ძალიან სერიოზული პრობლემის მიმანიშნებელი. როდესაც კეთდება ამ ფონზე განცხადებები იმასთან დაკავშირებით, რომ შესაბამისი პატიმრები უნდა გათავისუფლდნენ, ეს არის სამართლის უზენაესობაში ჩარევა. როდესაც ერევიან შენს დემოკრატიულ არჩევნებში, ეს არის ბუნებრივია, დემოკრატიის პრინციპის ხელყოფა. როდესაც პირდაპირი განცხადებები კეთდება სასამართლოსთან დაკავშირებით, მიმდინარე სასამართლო პროცესებთან დაკავშირებით, ეს არის მართლმსაჯულების დამოუკიდებლობაში და სამართლის უზენაესობაში ჩარევა. ეს მიანიშნებს ძალიან სერიოზულ პრობლემებზე, გამოწვევებზე, რაც ფიქსირდება ევროპაში, მათ შორის კონკრეტულად საქართველოსთან მიმართებით, არის ორმაგი სტანდარტების პრობლემა, ჩვენ აქაც გვაქვს ძალიან აქტიურად საუბარი და იმედი გვაქვს, ეს პრობლემები მომავალში მოგვარდება“, - განაცხადა პრემიერმა.

1794504600

პრემიერი: ჩვენ გვაქვს ამბიციური გეგმები დაკავშირებადობის კუთხით, ამისათვის ძალიან მსხვილი ინვესტიციები იდება ინფრასტრუქტურაში, მომდევნო წლების განმავლობაში ჯამში 7 მილიარდის ინვესტიციების ჩადება გვაქვს დაგეგმილი ინფრასტრუქტურაში, რაც საქართველოს როლს კიდევ უფრო მნიშვნელოვანს გახდის

ჩვენ გვაქვს ამბიციური გეგმები დაკავშირებადობის კუთხით, ამისათვის ძალიან მსხვილი ინვესტიციები იდება ინფრასტრუქტურაში, - ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს განუცხადა.როგორც პრემიერმა აღნიშნა, მომდევნო წლების განმავლობაში ჯამში 7 მილიარდის ინვესტიციების ჩადებაა დაგეგმილი ინფრასტრუქტურაში, რაც საქართველოს როლს კიდევ უფრო მნიშვნელოვანს გახდის.„ამ კუთხით საქართველოს როლი ძალიან მნიშვნელოვანია გამომდინარე იქიდან, რომ საქართველო დღევანდელ ვითარებაში რჩება ერთადერთ სახმელეთო კარიბჭედ, რომელიც აკავშირებს ევროპას აღმოსავლეთის სივრცესთან. გამომდინარე იქიდან, რომ ევროპა და რუსეთი ერთმანეთისგან არის იზოლირებული, არის მიმდინარე კონფლიქტი ახლო აღმოსავლეთში, სამხრეთ კავკასია და, რა თქმა უნდა, საქართველოს გავლით წარმოებს ეს პროცესი, რჩება ევროპისთვის უმნიშვნელოვანეს სივრცედ, რომლის გავლითაც მას შეუძლია განავითაროს საკუთარი სავაჭრო-ეკონომიკური კავშირები აღმოსავლეთის სივრცესთან.საქართველო 7 ქვეყანას აკავშირებს შავ ზღვასთან და შესაბამისად, დასავლეთის სივრცესთან. ეს არის სტრატეგიულად მნიშვნელოვანი. ასევე, ჩვენი გავლით მიეწოდება ევროპას, როგორც ბუნებრივი აირი, ასევე ნავთობი და ამ კუთხითაც საქართველოს როლი არის ძალიან მნიშვნელოვანი. ჩვენ გვაქვს ამბიციური გეგმები დაკავშირებადობის კუთხით, ამისათვის ძალიან მსხვილი ინვესტიციები იდება ინფრასტრუქტურაში. მომდევნო წლების განმავლობაში ჯამში 7 მილიარდის ინვესტიციების ჩადება გვაქვს დაგეგმილი ინფრასტრუქტურაში, რაც საქართველოს როლს კიდევ უფრო მნიშვნელოვანს გახდის. ანაკლიის პორტი, საგზაო ინფრასტრუქტურა, სარკინიგზო ინფრასტრუქტურა, აეროპორტები - ეს ყველაფერი ძალიან მნიშვნელოვანია იმისათვის, რომ საქართველომ კიდევ უფრო მნიშვნელოვანი როლი შეასრულოს ევროპისთვის დაკავშირებადობის კუთხით. რა თქმა უნდა, ამაზე ვსაუბრობთ ჩვენს ევროპელ პარტნიორებთან და მგონი ყველასთვის ცხადი უნდა იყოს ის, თუ რამდენად მნიშვნელოვანი არის და მომავალში რამდენად კიდევ უფრო მნიშვნელოვანი შეიძლება გახდეს საქართველოს როლი ევროპისთვის“, - განაცხადა პრემიერ-მინისტრმა.

1794504375

ირაკლი კობახიძე: ევროპაში არის არაერთი ლიდერი, რომელიც ჯანსაღად უყურებს ურთიერთობებს საქართველოსთან, ამაში ჩვენ ვრწმუნდებით, როდესაც გვაქვს ორმხრივი საუბრის საშუალება კონკრეტულ ლიდერებთან, იმედი გვაქვს, რომ ეს ყველაფერი საბოლოო ჯამში აისახება ევროპის საერთო დამოკიდებულებაზე საქართველოს მიმართ

ევროპაში არის არაერთი ლიდერი, რომელიც ჯანსაღად უყურებს ურთიერთობებს საქართველოსთან. ამაში ჩვენ ვრწმუნდებით, როდესაც გვაქვს ორმხრივი საუბრის საშუალება კონკრეტულ ლიდერებთან და არაერთია ასეთი პოლიტიკური ლიდერი, - ამის შესახებ პრემიერ-მინისტრმა ირაკლი კობახიძემ ჟურნალისტებს დუბლინში განუცხადა.მთავრობის მეთაურმა იმედი გამოთქვა, რომ ეს ყველაფერი საბოლოო ჯამში აისახება ევროპის საერთო დამოკიდებულებაზე საქართველოს მიმართ.„ევროპაში არის არაერთი ლიდერი, რომელიც ჯანსაღად უყურებს ურთიერთობებს საქართველოსთან. ამაში ჩვენ ვრწმუნდებით, როდესაც გვაქვს ორმხრივი საუბრის საშუალება კონკრეტულ ლიდერებთან და არაერთია ასეთი პოლიტიკური ლიდერი, სხვადასხვა ქვეყნის ლიდერები. ჩვენ იმედი გვაქვს, რომ ეს ყველაფერი საბოლოო ჯამში აისახება ევროპის საერთო დამოკიდებულებაზე საქართველოს მიმართ. ჩვენ მოთმინებით ველოდებით მოვლენების განვითარებას სწორი და უკეთესი მიმართულებით“, - აღნიშნა პრემიერმა.

1794504068

„არ დამაღალატო, დე“ - ალექსანდრე მიქელაძეს დედა მიმართავს

გაუჩინარებული მოზარდის, ალექსანდრე მიქელაძის დედა მორიგ მიმართვას ავრცელებს.„არა დე, მე შენ ძლიერი უნდა დაგხვდე, რადაც არ უნდა დამიჯდეს ეს სიძლიერე! გპირდები, რომ ისევ ისეთი მაგარი, არაა ბევრად მაგარი დედა დაგხვდები, ვიდრე ვიყავი, ოღონდ არ დამაღალატო, დე. ჩემი სამყარო ხარ და ჩემი ყველა+ფერი. სულის კივილამდე მენატრები, ჩემო ადამიანო...“ - წერს ნათია დიაკვნიშვილი.ცნობისთვის, ალექსანდრე მიქელაძე 2025 წლის 6 იანვარს, ღამით, 22:00 საათიდან გაუჩინარდა.არსებული ინფორმაციით, ალექსანდრეს პირადი ნივთები და ტელეფონი ზღვის სანაპიროზე იპოვეს.