საქართველოს ბანკი

1656054944

საქართველოს ბანკის მხარდაჭერით სოფელ კარალეთში 7 ჰა-ზე აგრომეურნეობა მოეწყო

საქართველოს ბანკი რეგიონში აგროპროექტების განხორცილეების მხარდაჭერას განაგრძობს. სწორედ ამ მზნით, გორის რაიონის სოფელ კარალეთში 7- ჰა ზე აგრომეურნეობა გაშენდა. პროექტის ჯამური ღირებულებაა 200 000 ლარია. ბანკის წილი  კი 60 000 ლარს შეადგენს.„საქართველოს ბანკის მხარდაჭერით კარალეთში ღია გრუნტზე, სათბურის მეთოდით  მოგვყავს ჩერისა და ჰოლანდიური მამსტონის ჯიშის 1 000 ტონამდე  პომიდორი. მის რეალიზაციას ვახდენთ ძირითადად ადგილობრივ ბაზარზე, თუმცა გეგმაში გვაქვს ექსპორტზე გასვლა მეზობელ ქვეყნებში. ამას გარდა, კვლავ ბანკის მხარდაჭერით 211,000 ძირ  ხილსა და კენკრას ვაწარმოებთ. უფრო კონკრეტულად კი  ბლის, ნუშის და  ჟოლო ნერგებს. საერთო ჯამში, ამ პროექტის საერთო მოცულობა 200 000 ლარია, ხოლო ბანკის მიერ განხორციელებული ინვესტიცია კი 70 000 ლარს შეადგენს“,- განაცახდა მცირე მეწარმემ, იოსებ ფარეხელაშვილმა.„მოხარული ვართ რომ ჩვენი წვლილი შევიტანეთ სოფელ კარალეთში  7 ჰა-ზე აგრომეურნეობის მოწყობაში. მცირე მეწარმემ ასევე შეძლო ჩვენთან პარტნიორობით გაეშენებინა ჟოლოს ბაღი, სადაც  1.5 ჰა- ზე, ღია გრუნტზე  მოყავს 4 ტონამდე მოსავალი. მის რეალიზაციას კი ახდენს ადგილობრივ ბაზარზე. მცირე მეწარმეს უკვე დასაქმებული ყავს 30 ადამიანი და ბიზნესის გაზრდის პარალელურად კიდევ უფრო მეტი ახალი სამუშაო ადგილი შეიქმნება“,-  განაცხადა გიორგი ბოჩიკაშვილმა, საქართველოს ბანკის მიკრო ბიზნესის დეპარტამენტის, ბიზნესის განვითარების სამსახურის უფროსმა.

ბორჯომი

1655819668

რა შედეგით დასრულდა „ბორჯომისა“ და დასაქმებულების მედიაციის პროცესი

შრომითი მედიაცია „IDS ბორჯომი საქართველოს“ მენეჯმენტსა და თანამშრომლებს შორის შეთანხმებით დასრულდა.ინფორმაციას ჯანდაცვის სამინისტრო ავრცელებს.უწყების ცნობით, წარმატებული მოლაპარაკებების შედეგად, დასაქმებულები ქარხანაში მუშაობას განაგრძობენ და „IDS ბორჯომი საქართველო“ სრულფასოვნად ფუნქციონირებას უახლოეს პერიოდში აღადგენს.„საქართველოს პრემიერ-მინისტრის ირაკლი ღარიბაშვილის გადაწყვეტილებით, მოლაპარაკების პროცესში პირადად ჩაერთო მისი წარმომადგენელი, საქართველოს მთავრობის რეგიონებთან ურთიერთობის დეპარტამენტის უფროსი ლერი ბარნაბიშვილი. როგორც პრემიერმა განაცხადა, "IDS ბორჯომი საქართველოში" დასაქმებული თითოეული თანამშრომლის უფლების დაცვა უზრუნველყოფილი იქნება. სამედიაციო შეთანხმებას მხარეებმა ხელი ბორჯომში მოაწერეს“, - ნათქვამია უწყების მიერ გავრცელებულ განცხადებაში.შეხვედრას შრომის ინსპექციის სამსახურის უფროსი ბექა ფერაძე და სახელმწიფო რწმუნებული სამცხე-ჯავახეთის მხარეში ბესიკ ამირანაშვილი ესწრებოდნენ.შეგახსენებთ, რომ კომპანია „ბორჯომის“ წარმოების გაჩერების შესახებ აპრილში გაკეთებული განცხადების შემდეგ, ადმინისტრაციის მიერ დასაქმებულებისთვის შეთავაზებული ახალი სამუშაო ხელშეკრულებების გამო უთანხმოება წარმოიშვა. აგრარული მეურნეობის, ვაჭრობისა და მრეწველობის პროფკავშირის მხარდაჭერითა და ჯანდაცვის სამინისტროს ჩართულობით მედიაციის პროცესი დაიწყო, რომელიც 27 მაისს უშედეგოდ დასრულდა. მას შემდეგ კომპანიის თანამშრომლებმა ოთხი ძირითადი მოთხოვნით საპროტესტო აქციები წამოიწყეს.„ბორჯომის“ გაფიცულ თანამშრომლებს შემდეგი მოთხოვნები აქვთ:1. 50 უკანონოდ გათავისუფლებული თანამშრომლის სამსახურში დაბრუნება.2. ძველ სახელშეკრულებო პირობებზე დაბრუნება;3. 3-6-თვიანი და 1-წლიანი ხანგრძლივობის ხელშეკრულებების უვადოზე ხელშეკრულებებით შეცვლა;4. იძულება, შანტაჟსა და მუქარაში შემჩნეული ადმინისტრაციის თანამშრომლების გათავისუფლება.9 ივნისს კი „ბორჯომის“ გაფიცულ თანამშრომლებს სახალხო დამცველი ნინო ლომჯარია შეხვდა. მან განაცხადა, რომ ომბუდსმენის აპარატი კომპანიის მხრიდან თანამშრომელთა შესაძლო დისკრიმინაციის გამო შესწავლას დაიწყებს.

ნერგი

1655464423

საქართველოს ბანკის მხარდაჭერით გურიაში მოცვის პლანტაციისთვის 1.4 მლნ დოლარის ინვესტიცია განხორციელდა

საქართველოს ბანკი რეგიონებში ბიზნესი ხელშეწყობის მიზნით პროექტების მხარდაჭერას განაგრძობს. საქართველოს ბანკთან პარტნიორობით გურიაში, დაბა ლაითურში  კომპანია „ნერგის“ მიერ  ჯამურად 18,2 ჰა-ზე მოცვის პლანტაციები გაშენდება. პროექტის საერთო მოცულობა 1.4 მილიონ დოლარს შეადგენს. ბანკის მიერ გამოყოფილი ფინანსური რესურსი კი 930 000 დოლარია. გამოყოფილი ინვესტიცია ნერგებისა და პლანტაციის გაშენებისათვის, ირიგაციის სისტემის მოსაწყობად, ასევე სამაცივრე მეურნეობისა  და საჭირო ტექნიკის შესყიდვას მოხმარდება.„ამ ეტაპზე მიმდინარეობს ნიადაგთან დაკავშირებული სამუშაოები, ფართობი გაიწმინდა ეკალ-ბარდისგან, მოხდა გადახვნა, ფესვებისგან გაწმენდა, მთლიან ფართობზე მზადდება მელიორაციის გენერალური პროექტი, მოხდა არტენზიული წყლების კვლევა სარწყავი წყლისთვის, იგეგმება ტორფის შეტანა ჰექტარზე 300 კუბის, რათა შექმნას მოცვისთვის იდეალური ნიადაგობრივი პირობები და შემდგომში უხვი და მაღალხარისხიანი მოსავალი მივიღოთ. კომპიუტერული მართვის საირიგაციო სისტემის დაპროექტება დასასრულს უახლოვდება. რაც შეეხება დასარგავი მოცვის ნერგებს, ისინი უკვე შეკვეთილია მსოფლიოს საუკეთესო სანერგეებში, როგორებიცაა ესპანური ფოლკრიკი და ფრანგული მალტიბაი, რომლის მიღებასაც ოქტომბრის დასაწყისში ველოდებით. წლის ბოლომდე კი უკვე შევძლებთ ნერგების დარგვას“,- განაცხადა ნინო დოლიძემ, კომპანია „ნერგის“ დირექტორმა.პლანტაციების გაშენების შემდეგ  კომპანიაში  დაახლოებით 300 ტონა მოცვის მოსავალს ელიან. კომპანია ყველა დაგეგმილ სამუშაოებს ახორციელებს GlobalGAP-ის ექსპერტთან კონსულტაციების შესაბამისად, რათა შემდგომში მიიღონ შესაბამისი სერტიფიკატი, რომელიც გზას გაუხსნის პროდუქციის რეალიზაციას ევროკავშირის ბაზარზე.„აგრეთვე მიმდინარეობს მოლაპარაკება მსოფლიოში საუკეთესო სამაცივრე მეურნეობების პროექტანტ კომპანიებთან 200 ტონიანი მოცულობის მაცივრის დასაპროექტებლად, რომელიც მოიცავს პროდუქციის ჩქარი გაგრილების განყოფილებას, სადაც მოცვის ნაყოფი 25-30 გრადუსიდან 1-2 გრადუსამდე გაგრილდება ერთი საათის განმავლობაში, რაც გაზრდის მის მდგრადობას და შესაბამისად შენახვის ვადასაც. კომპანიას დაგეგმილი აქვს საჭირო სასოფლო სამეურნეო ტექნიკისა და აგრეგატების შეძენა. პროექტის განხორციელოებისას მუდმივად დასაქმებული იქნება 10-15 ადგილობრივი მაცხოვრებელი, ხოლო სეზონურად 300-400 თანამშრომელი“,- დასძენს კომპანიის დირექტორი.“ჩვენ ყოველთვის მოხარული ვართ და მზად, მხარი დავუჭიროთ ეკონომიკურად გამართულ პროექტებს, რაც ამჯერად გულისხმობს ჩვენს პარტნიორ კომპანია „ნერგთან“ ერთად, გურიაში, 18.2-ჰა ზე მოცვის პლანტაციის გაშენებას. მოცვი კენკროვან კულტურებს შორის საკმაოდ პოპულარულია ბოლო პერიოდში და აქტიურად გადის ექსპორტზეც. ექსპორტის წილი წლიდან წლამდე იზრდება, რაც არის ძალიან კარგი შესაძლებლობა, საქართველოში მოცვის კიდევ უფრო მეტი წარმოება დაიწყოს და გაზრდილი რაოდენობით გავიდეს ექსპორტზე, როგორც მეზობელ ქვეყნებში, ასევე ევროკავშირში.  დიდი პოტენციალის გამო ვფიქრობთ, კიდევ მეტად უნდა განვითარდეს ეს მიმართულება, შეიქმნას ახალი სამუშაო ადგილები და ამით ხელი შეეწყოს ჩვენი რეგიონისა და ქვეყნის ეკონომიკის გაძლიერებას. გვინდა წარმატებები ვუსურვო კომპანიას განვითარების სამომავლო გეგმების განხორციელებაში“,- განაცხადა ნათია ღლონტმა, საქართველოს ბანკის აჭარის რეგიონის კორპორაციული საბანკო მომსახურების სექტორის უფროსმა. 

ლარის კურსი

1655229833

რა ეღირება დოლარი უქმეებზე – ვალუტის ახალი კურსი

საქართველოს ეროვნული ბანკის მიერ გამოქვეყნებული მონაცემების თანახმად, 15 ივნისს ერთი ამერიკული დოლარი 2.9631 ლარი ეღირება, ევრო – 3.0923 ლარი.დღეს კი, ოფიციალური კურსით, ერთი ამერიკული დოლარი 2.9687 ლარი ღირდა, ევრო – 3.1382 ლარი.დღევანდელი ვაჭრობის შედეგად მიღებული კურსი ხვალ, 15 ივნისისთვის ამოქმედდება.

საქართველოს ბანკი

1655103871

საქართველოს ბანკის მხარდაჭერით Agro Management Group- მა ლაგოდეხში თხილის ბიზნესი გააფართოვა

საქართველოს ბანკი, როგორც  ადგილობრივი ბიზნესის მხარდამჭერი, აგრომიმართულების პროექტების ხელშეწყობას განაგრძობს. სწორედ ბანკთან პარტნიორობით Agri Management Group-მა ლაგოდეხში თხილის სასაწყობე და საშრობი  საწარმო (ცენტრი) შეიძინა და ამით თხილის ბიზნესი კიდევ უფრო გააფართოვა. ცენტრში დღე-ღამის განმავლობაში 24 ტონა თხილის გაშრობა არის შესაძლებელი, ხოლო უშუალოდ საწყობის ტევადობა  400-500 ტონაა. თხილის ცენტრი  კახელ ფერმერებს მოსავლის შემდგომი მომსახურების სრულ სპექტრს სთავაზობს, რომელიც მოიცავს თხილის გაწმენდას (მწვანე მასისგან, ფუჩეჩისგან გაცლა), გაშრობას და შენახვას თანამედროვე ტექნიკის გამოყენებით. პროექტის საწყისი ინვესტიცია 1.5 მლნ ლარია, რომელიც სრულად დაფინანსდა საქართველოს ბანკის მიერ.„მოხარული ვარ, რომ ჩვენ პარტნიორთან ერთად კიდევ ერთი პროექტი განვახორციელეთ. ეს ჩვენი უკვე რიგით მეორე თხილის ცენტრია, რომლითაც მთლიანად მოვიცვით კახეთის ორი დიდი რეგიონი. პირველი ცენტრი მდებარეობს ყვარელში და მისი მშენებლობის ჯამური ინვესტიცია 500 000 აშშ დოლარია, ის ამ ტიპის ერთ-ერთი უდიდესი ცენტრია საქართველოში. აღსანიშნავია, სოფლის განვითარების სააგენტოს, USAID-ის და კომპანია „ფერეროს“ დიდი როლი ამ ცენტრის შექმნაში.  ახლა კი მეორე ობიექტი საქართველოს ბანკის მხარდაჭერით, უკვე ლაგოდეხშიც შევიძინეთ. ამ ახალი ცენტრით ჩვენ შევძლებთ ვუზრუნველვყოთ თხილის ისეთი ხარისხის მდგრადობა, რომლებიც შეესაბამება საერთაშორისო ბაზრის მოთხოვნებს. ჩვენ თავადაც ვაწარმოებთ უმაღლესი ხარისხის თხილს, როგორც ქართულ ენდემურ, ასევე ევროპულ ჯიშებს. ვთანამშრომლობთ მსოფლიოს მასშტაბით ცნობილ კომპანია „ფერერო“-სთან, რომელიც ჩვენი თხილის ცენტრებში გასუფთავებული, გაშრობილი და დასაწყობებული თხილის ძირითადი შემსყიდველია. ამ ორწლიანი თანამშრომლობის შედეგად, დაგვიგროვდა საკმარისი გამოცდილება თუ როგორ უნდა შევუწყოთ ხელი ფერმერს, მოიყვანოს და აწარმოოს უმაღლესი ხარისხის თხილი. გვჯერა, ამით მათ კიდევ უფრო მეტად შევუწყობთ ხელს, მოახდინონ ქართული თხილის საერთაშორისო ბაზარზე რეალიზაცია“,- განაცხადა დიმიტრი ალექსიძემ, კომპანიის თანადამფუძნებელმა და დირექტორმა.„გვეამაყება რომ, მოგვეცა შესაძლებლობა, ხელი შეგვეწყო კიდევ ერთი, მდგრადი ბიზნესის განვითარებისთვის. Agri Management Group- თან ჩვენ დიდი ხნის მეგობრობა გვაკავშირებს. ეს კომპანია არის საქართველოში უმაღლესი ხარისხის თხილის მწარმოებელი კომპანია, რომელიც პროდუქტის რეალიზაციას ახდენს „აგრიჯორჯიაზე“, რომელიც „ფერეროს“ შვილობილი კომპანიაა საქართველოში.კომპანია ფლობს 75 ჰექტარ თხილის ბაღს სოფელ ენისელში, ასევე 40 ჰა-ს ნეკრესში. ახლა უკვე აქვს ორი თხილის ცენტრი, რითიც ძალიან დიდი წვლილი შეაქვს თხილის, როგორც დიდი აგროპოტენციალის მქონე ბიზნესისა და ასევე, კახელი ფერმერის გაძლიერებაში. კომპანია არ ჩერდება, ქმნის ახალ სამუშაო ადგილებს, ხსნის ახალ ობიექტებს და ჩვენც გვინდა ვუსურვოთ მათ წარმატებები სამომავლო განვითარების გეგმებში“,- განაცხადა ნინო აფციაურმა, საქართველოს ბანკის კორპორაციული გაყიდვების სექტორის უფროსმა. 

საქართველოს ბანკი

1654757920

საქართველოს ბანკის მხარდაჭერით GLOBALIZE ევროპის კონფერენცია პარიზში გაიმართება

საქართველოს ბანკის მხარდაჭერით Globalize ევროპის მასშტაბით, პირველ კონფერენციას გამართავს.  Globalize EU Conference თავს მოუყრის ვეროპის კონტინენტზე მცხოვრებ წარმატებულ ქართველებს, ტექნოლოგიებში მოღვაწე პროფესიონალებს, ინვესტორებს, სტარტაპებს, ექსპორტიორებს და მოწვეულ სპიკერებს. მათ შესაძლებლობა ექნებათ, განიხილონ მზარდ ტექნოლოგიურ ეკოსისტემაში, ასევე, გლობალურ  საექსპორტო ბაზრებზე არსებული ტენდენციები და შესაძლებლობები.ღონისძიების მიზანია, დამყარდეს  საჭირო კავშირები ქართულ სტარტაპებს, ექსპორტიორებსა და ევროკავშირში მცხოვრებ ქართველებს შორის, რათა სამომავლოდ, მოხდეს მათ შორის ცოდნისა და გამოცდილების გაზიარება, სტარტაპებში ინვესტირება თუ ექსპორტიორების მხარდაჭერა, ევროპის ბაზრის ათვისების თავლსაზრისით. კონფერენციის ვიზიტორებს არაერთხელ ექნებათ შესაძლებლობა, გააცნონ თავიანთი კომპანია და იდეები აუდიტორიას და ინვესტორებს, ფიჩინგის, B2B შეხვედრების თუ ნეთვორქინგ ღონისძიებების მეშვეობით.კონფერენციაზე 30-მდე სპიკერი წარსდგება და  განიხილავენ გლობალურ ბაზრებზე არსებული ტენდენციებისა და შესაძლებლობებს.“Globalize EU Conference  არის  უნიკალური შესაძლებლობა ქართული  ბიზნესებისთვის, ახალი კონტაქტების დასამყარებლად, ასევე იდეების გაცვლისა და საუკეთესო პრაქტიკის გაზიარებისთვის. 2022 წლის  აპრილში დიდი წარმატებით შედგა პირველი საერთაშორისო კონფერენცია სილიკონის ველზე, რომელმაც თავი მოუყარა აშშ-ში მოღვაწე წარმატებულ ქართველებს როგორც გამოცდილების გაზიარებისთვის,ისე საინვესტიციო შესაძლებლობების განხილვისთვის. ახლა კი მოხარული ვართ, რომ გვაქვს შესაძლებლობა, ჩვენს პარტნიორთან, GLOBALIZE-თან ერთად ევროპის მასშტაბით, პირველ კონფერენციას ვუმასპინძლოთ. დარწმუნებული ვართ ეს შეხვედრა ბევრ სტარტაპს დაეხმარება, მოიძიოს ახალი პარტნიორები და ამით ხელი შეუწყოს საკუთარი ბიზნესის განვითარებას, მასშტაბირებასა და საერთაშორისო ბაზარზე ადგილის დამკვიდრებას“,- აცხადებენ საქართველოს ბანკში.ინფორმაციისთვის, GLOBALIZE  წარმოადგენს ბიზნეს-საკონსულტაციო ორგანიზაციას, რომლის მიზანია, ხელი შეუწყოს ქართული სტარტაპების და ექსპორტიორების საერთაშორისო ბაზარზე გაფართოებას, ინოვაციური, სანდო და შედეგზე ორიენტირებული სერვისების უზრუნველყოფით. კომპანია ქმნის საკონსულტაციო ჯგუფებს საზღვარგარეთ მცხოვრები ქართველი პროფესიონალებისგან, რომლებიც დაეხმარებიან ქართულ სტარტაპებსა და ექსპორტიორებს საერთაშორისო ბაზრებზე ადაპტაციაში და ხელს შეუწყობენ მათ ლოკალურ ინვესტორებთან, მეწარმეებთან თუ პარტნიორებთან დაკავშირებას. აღსანიშნავია, რომ ამ დროისთის, Globalize Community უკვე აერთიანებს 5,000-მდე წარმატებულ ქართველ პროფესიონალს საზღვარგარეთ, ორგანიზაციას უკვე ჰყავს ადგილობრივი წარმომადგენლობითი ჯგუფები 12-მდე ქვეყანაში, მათ შორის, ამერიკის შეერთებულ შტატებში, დიდი ბრიტანეთსა და ევროპის რამდენიმე ქვეყანაში.

მოცვი

1654676712

საქართველოს ბანკის მხარდაჭერით გურიაში, სოფელ ბაილეთში მოცვის პლანტაცია გაშენდა

საქართველოს ბანკი ბიზნესის ხელშეწყობას განაგრძობს. ამ მიზნით, ბანკის მხარდაჭერით გურიაში, სოფელ ბაილეთში 1 ჰა-ზე  მოცვის პლანტაცია გაშენდა. პროექტის საერთო ღირებულება 120 000 ლარია. ბანკის ინვესტიცია კი 100 000 ლარს შეადგენს.„მას შემდეგ რაც გადავწყვიტეთ, საკუთარ ნაკვეთზე მოცვი გაგვეშენებინა, მივმართეთ საქართველოს ბანკს, რომელმაც მხარდაჭერა გაგვიწია და ფაქტიურად სტარტაპს დაგვიდგა გვერდით.  ამჯერად გვაქვს პლანტაცია 1ჰა-ზე, თუმცა ვფიქრობთ სამომავლოდ კიდევ უფრო გავფართოვდეთ. ჩვენი გათვლებით, მოსავლის მოსალოდნელი რაოდენობა 10-12 ტონა იქნება, რომლის რეალიზაციასაც, საწყის ეტაპზე, ადგილობრივ ბაზარზე მოვახდენთ“,- ამბობს მცირე მეწარმე, ჟონდერ ჩხარტიშვილი.„საქართველოს ბანკი მუდმივად ცდილობს, ხელი შეუწყობს დამწყებ ბიზნესებს, განსაკუთრებით კი რეგიონებში. მიგვაჩნია, რომ ადგილობრივი ბიზნესის ხელშეწყობა და ახალი სამუშაო ადგილების შექმნა მნიშვნელოვნად შეუწყობს ხელს რეგიონის, ამ შემთხვევაში კი გურიის განვითარებას. ჩვენ არ ვჩერდებით და ვაგრძელებთ მცირე მეწარმეების მხარდაჭერას, რომ მათ ირწმუნონ საკუთარი თავის, დაიწყონ ან განავითარონ ბიზნესი და ამით წვლილი შეიტანონ ქვეყნის ეკონომიკის გაჯანსაღებაში“,- განაცხადა გიორგი ბოჩიკაშვილმა, საქართველოს ბანკის მიკრო ბიზნესის დეპარტამენტის ბიზნესის განვითარების სამსახურის უფროსმა.

საქართველოს ბანკი

1654594266

საქართველოს ბანკის მხარდაჭერით SMEDA-სთან ერთად ექსპორტის თემაზე პანელური დისკუსია გაიმართება

საქართველოს ბანკი მცირე და საშუალო ბიზნესების მხარდაჭერას განაგრძობს. სწორედ ამ მიზნით, 9 ივნისს, სტამბაში, ექსპორტის თემაზე, მცირე და საშუალო საწარმოების განვითარების სააგენტოსთან (SMEDA) ერთად პანელური დისკუსია გაიმართება.შეხვედერაზე მეწარმეები გაეცნობიან მათთვის საინტერესო და საჭირო ინფორმაციას ისეთ საკითხებზე როგორიცაა: ქვეყანაში ექსპორტთან დაკავშირებული ძირითადი აქტივობები, არსებული გამოწვევები და ამ  მიმართულებით არსებული შესაძლებლობები.პანელური დისკუსიის დროს განხილული იქნება 2021-2025 წლების სტრატეგია მცირე და საშუალო ბიზნესის განვითარების კუთხით, SME საწარმოთა ექსპორტის ზრდის, საერთაშორისო ბაზრებზე წვდომის ხელშეწყობა.პანელურ დისკუსიაში მონაწილეობას მიიღებენ: „გალტ & თაგარტი“; „აწარმოე საქართველოში“, სავაჭრო-სამრეწველო პალატა (GCCI);  სოფლის განვითარების სააგენტო (RDA); ღვინის სააგენტო, ექსპორტის განვითარების სააგენტო (EDA) და USAID ის კონომიკური უსაფრთხოების პროგრამა.ღონისძიების სპიკერების სია ასე გამოიყურება:· ბაჩანა შენგელია − გალტ & თაგარტის წარმომადგენელი;· ნიკა მამუკელაშვილი− აწარმოე საქართველო, ექსპორტის დეპარტამენტის ხელმძღვანელი;· ალექსანდრე პაპიაშვილი − GCCI, საერთაშორისო ურთიერთობებისა და პროექტების მართვის დეპარტამენტის ხელმძღვანელი;· თორნიკე კაპანაძე − RDA, პროექტების მართვისა და ტექნიკური დახმარების დეპარტამენტის ხელმძღვანელი;· ირაკლი ჩოლობარგია − ღვინის სააგენტო, თავმჯდომარის მრჩეველი;· გვანცა მელაძე − EDA (ექსპორტის განვითარების ასოციაცია), ბორდის წევრი;· სალომე არღვლიანი − GIZ -ის წარმომადგენელი;· ელენე ცხადაია − საქართველოს ბანკის, გლობალური საბანკო ბიზნესმიმართულების ხელმძღვანელი;· რატი ანჯაფარიძე − USAID – DAI (ეკონომიკური უსაფრთხოების პროგრამა)„საქართველოს ბანკში გვჯერა, რომ მცირე და საშუალო ბიზნესი ეკონომიკის ხერხემალია. სწორედ ამიტომ, ჩვენთვის მნიშვნელოვანია გვერდით დავუდგეთ SME ბიზნესებს და გავაძლიეროთ ისინი საბანკო პროდუქტებისა თუ სერვისების  სწორ დროსა და ადგილზე მიწოდებით. ჩვენ ასევე დიდ ყურადღებას ვაქცევთ არასაბანკო შეთავაზებებს და ბიზნესის განვითარებისთვის საჭირო ინფორმაციაზე წვდომას. ამ მიზნით შევქმენით შემეცნებით-საგანმანათლებლო პლატფორმა, ბიზნესკურსიც, რომელიც ბიზნესით დაინტერესებულ ნებისმიერ ადამიანს უფასოდ სთავაზობს მრავალფეროვან ტრენინგებს, ცოდნასა და გამოცდილებას. რაც შეეხება პანელურ დისკუსიას, რომელიც SMEDA-სთან ერთად ექსპორტის თემაზე გაიმართება, ის დამსწრეებს მისცემს შესაძლებლობას, მიიღონ ინფორმაცია საექსპორტო ბაზრების ათვისებასა და არსებულ შესაძლებლობებზე. გვინდა, მხარი დავუჭიროთ SME -საწარმოებს, გაზარდონ ექსპორტი და გავიდნენ საერთაშორისო ბაზრებზე.  ჩვენ ვაგრძელებთ მცირე და საშუალო ბიზნესების მხარდაჭერას, საინტერესო პროექტების განხორციელებითა და მათთვის კიდევ უფრო მეტი შესაძლებლობების შექმნით“,- განაცხადა ელენე ცხადაიამ, საქართველოს ბანკის გლობალური საბანკო ბიზნეს მიმართულების ხელმძღვანელმა.ინფორმაციისთვის:SMEDA (მცირე და საშუალო საწარმოების განვითარების სააგენტო) წარმოადგენს საქართველოში ერთერთ წამყვან ბიზნეს საკონსულტაციო კომპანიას, რომელიც მომხმარებელს სთავაზობს მაღალი ხარისხის ბიზნეს-საკონსულტაციო მომსახურებას მარკეტინგის, ზოგადი მენეჯმენტის, ფინანსური მენეჯმენტის, სოფლის მეურნეობისა და მრეწველობის სხვადასხვა დარგში. SMEDA ფუნქციონირებს 2004 წლიდან. სააგენტოს ძირითადი საქმიანობა ითვალისწინებს დამწყები მეწარმეებისა და მოქმედი მცირე და საშუალო საწარმოების ხელშეწყობას. უცხოური კომპანიებისა და საერთაშორისო ორგანიზაციებისთვის, SMEDA უზრუნველყოფს ფართო სპექტრის საკონსულტაციო მომსახურებას, ადგილობრივი ბაზრის შესწავლასა და ინვესტიციების დაგეგმვაში ხელშეწყობას.

garibashvili

1654515854

„ბორჯომის“ აქციონერი, თანამფლობელი გახდება სახელმწიფო და ამით ეს პრობლემა მოგვარდება, ჩვენი არც ერთი მოქალაქე არ დაიჩაგრება და ყველას სამართლიანად მოვეპყრობით - ღარიბაშვილი

„ბორჯომის“ აქციონერი, თანამფლობელი გახდება სახელმწიფო და ამით ეს პრობლემა მოგვარდება, ჩვენი არც ერთი მოქალაქე არ დაიჩაგრება და ყველას სამართლიანად მოვეპყრობით „ბორჯომთან“ დაკავშირებით, მინდა რამდენიმე სიტყვით ვთქვა, რომ ეკონომიკის სამინისტრომ უკვე პრაქტიკულად დაასრულა მოლაპარაკებები, ერთი კვირის თავზე მთავრობის სხდომაზე გამოვიტანთ საკითხს და „ბორჯომის“ აქციონერი, თანამფლობელი გახდება სახელმწიფო და ამით ეს პრობლემა მოგვარდება, - ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის სხდომაზე განაცხადა.პრემიერის თქმით, არსებობს გარკვეული სირთულეები, მათ შორის დასაქმებულების პროტესტი. „დღეს დილით მქონდა საუბარი ბატონ ზურაბ აზარაშვილთან, მისი დავალებით უკვე ჩართულია შრომის ინსპექცია, მინდა, ვუთხრა ყველას, რომ ჩვენი არც ერთი მოქალაქე არ დაიჩაგრება და ყველას სამართლიანად მოვეპყრობით, ყველაფერი მოგვარდება ისე, როგორც არის საჭირო“, - აღნიშნა პრემიერმა.

შოკოლადი

1654252951

საქართველოს ბანკის მხარდაჭერით ბათუმში ხელნაკეთი შოკოლადების საწარმომ წარმოება გაზარდა

საქართველოს ბანკი ქართული ბიზნესის მხარდაჭერას განაგრძობს. ბანკთან პარტნიორობით ბათუმში ხელნაკეთი შოკოლადების საწარმო საქმიანობას ავითარებს. ბელგიური ტექნოლოგიით დამზადებული შოკოლადის საწარმოს ხელშეწყობის მიზნით, საქართველოს ბანკის მიერ 25,000 ლარის მოცულობის ინვესტიცია განხორციელდა.„საქართველოს ბანკთან პარტნიორობით ვაგრძელებთ ბიზნესის განვითარებას. ბანკის მიერ გამოყოფილი ფინანსური რესურსი საქმიანობის გაფართოების მიზნით, დანადგარების შეძენას მოვახმარეთ. ახალი დანადგარების მეშვეობით, საგრძნობლად გაგვეზარდა წარმოების რაოდენობა და ასორტიმენტი. მომხმარებელს უმაღლესი ხარისხის, ბელგიური ტექნოლოგიით დამზადებული შოკოლადის ნაირსახეობას ვთავაზობთ, მათ შორის: შავი და რძიანი შოკოლადის ბურთულებს; ჟოლოს, კაკაოს, ნიგვზიანი და ქოქოსის ტრუფელის ნაკრებს; სხვადასხვა არომატის შოკოლადის ფილების ასორტიმენტს და სხვა“, - აცხადებს კომპანიის ხელმძღვანელი, სოფიკო თავაძე.კომპანია ბაზარზე 1,5 წელია ოპერირებს. საწარმოს ყოველთვიური რეალიზაციის მოცულობა  8,000-ს უტოლდება.„მოხარული ვარ, რომ მეძლევა შესაძლებლობა, ბელგიაში აღნიშნული მიმართულებით შეძენილი პროფესიული ცოდნა და საერთაშორისო შოკოლადის საწარმოში მიღებული გამოცდილება ქართველ მომხმარებელს გავუზიარო; გვსურს, მაღალ ხარისხიანი, ბელგიური ტექნოლოგიით დამზადებული ქართული შოკოლადი კიდევ მეტ მომხმარებლამდე მივიტანოთ. სამომავლოდ, ვგეგმავთ მეტად გავაფართოვოთ წარმოება და შეთავაზებული პროდუქციის ასორტიმენტი“, - დასძენს კომპანიის ხელმძღვანელი.ინფორმაციისთვის, საქართველოს ბანკმა ადგილობრივი ბიზნესის მხარდაჭერის ფარგლებში ახალი მასშტაბური კამპანია, „Made in Georgia“ დაიწყო. კამპანიის ფარგლებში, ქართულ ბიზნესებს ეძლევათ შესაძლებლობა, ისარგებლონ სპეციალური ფასდაკლებებითა და უკეთესი პირობებით მათთვის საჭირო სერვისებზე, როგორიცაა: შეღავათიანი საკომისიო პოსტერმინალით გადახდებსა და Extra.ge-ზე, API სერვისების ინტეგრაცია, პროდუქციის ფოტოსესია და სხვა. ვრცლად კამპანიის და შეთავაზებების შესახებ, აღნიშნულ ბმულზე გაეცნობით: https://bit.ly/3wvubo3  

ციფრულია ბუღალტერია

1654243411

საქართველოს ბანკი ბიზნესებს ბუღალტერიის გაციფრულების პროექტს სთავაზობს

საქართველოს ბანკი, როგორც ბიზნესის მხარდამჭერი ბანკი მიკრო, მცირე და საშუალო ბიზნესების გასაძლიერებლად ახალ პროექტს იწყებს. იმისთვის რომ ფინანსური ხელმისაწვდომობა კიდევ უფრო სწრაფი და მარტივი გახდეს ბიზნესებისთვის, ბანკი მათ აძლევს შესაძლებლობას, სწრაფად და მინიმალური დანახარჯებით გააციფრულონ და მოაწესრიგონ საბუღალტრო აღრიცხვის პროცესი.  რაც მათ მისცემს  მეტ შესაძლებლობას, ნაკლებ დროში, მარტივად დაიმტკიცონ ახალი ლიმიტი, დანარჩენი დრო კი საკუთარი ბიზნესის განვითარებას მოახმარონ.სწორედ ამ მიზნით საქართველოს ბანკმა ბიზნესებისთვის შეიმუშავა ბუღალტერიის  განვითარების პროგრამა, რომელიც მოიცავს 3 მიმართულებას − ბუღალტერიის გაციფრულებას, სრულ ბუღალტრულ სერვისსა და ფინანსური ინფორმაციის სწრაფ მიმოცვლას. პროექტი USAID-ის მხარდაჭერით ხორციელდება.ბიზნესს შეუძლია მისი საჭიროებებიდან გამომდინარე ამ მიმართულებებიდან აირჩიოს  ერთი ან რამდენიმე და ისარგებლოს მის ბიზნესზე მორგებული უპირატესობებით. კერძოდ:  ბიზნესებს, რომლებსაც არ აქვთ გაციფრულებული ბუღალტრული ოპერაციები, შეუძლიათ ისარგებლონ ჩვენი პარტნიორი კომპანიების საბუღალტრო პროგრამებით როგორიცაა: Balance და OneSoft.მიკრო, მცირე და საშუალო ზომის კომპანიებს, ვისაც სურს  საბუღალტრული ოპერაციების გამარტივება, საქართველოს ბანკის პარტნიორი კომპანიები Nexia TA, Grant Thornton, AGIC, Ants,  MOORE abc დაეხმარებიან. კერძოდ, ისინი ბიზნესებს სპეციალური, 20%-იდან 50% მდე ფასდაკლებით მოემსახურებიან.ასევე, დაფინანსებაზე მეტი ხელმისაწვდომობისთვის ბიზნესებს ვთავაზობთ API სერვისს, რაც ინფორმაციის სწრაფად მიმოცვლას ღილაკზე  ერთი თითის  დაჭერით უზრუნველყოფს.უფრო კონკრეტულად, ბუღალტერიის განვითარების პროგრამა ბიზნესს შემდეგ ბენეფიტებს სთავაზობს:· სესხის მოთხოვნის სწრაფად დამუშავება,· ლიმიტების წინასწარ დამტკიცება და მათი მარტივი მართვა;·კომპანიაზე მორგებული პროდუქტის შეთავაზება„საქართველოს ბანკი, როგორც ბიზნესის მხარდაჭერაზე ორიენტირებული ბანკი, ცდილობს მუდმივად იკვლიოს ბიზნესის საჭიროებები. სწორედ ასეთი კვლევის შედეგად დავინახეთ, რომ ჩვენი პარტნიორი ბიზნესებისთვის პრობლემას წარმოადგენდა მოუწესრიგებელი საბუღალტრო ანგარიშგება. ეს მათთვის მნიშვნელოვანი დაბრკოლება იყო ფინანსური რესურსების მოძიების პროცესში. მოუწესრიგებელი დოკუმენტაცია არასწორ წარმოდგენას ქმნის კომპანიის შესაძლებლობებზე და ზღუდავს ფინანსურ ხელმისავწდომობას. სწორედ იმიტომ, რომ კომპანიებს ეს პროცესი მაქსიმალურად გავუმარტივოთ და შევუქმნათ ახალი შესაძლებლობები, მათ ვთავაზობთ ჩვენს პარტნიორი კომპანიების მხარდაჭერას, რაც გულისხმობს საბუღალტრო რეპორტინგის მოწესრიგებასა და პროცესის მაქსიმალურ გაციფრულებას. გარდა ამისა, ჩვენ შევქმენით სპეციალური API სერვისი, რაც ბანკსა და კომპანიას შორის ინფორმაციის მარტივ მიმოცვლასა და პროცესის გაციფრულებას ისახავს მიზნად. გვჯერა რომ რაც უფრო მეტად მოვუსმენთ ჩვენს მომხმარებელს, მით მეტად შევძლებთ მათი ინტერესების დაკმაყოფილებას. ჩვენ არ ვჩერდებით და ვაგრძელებთ ბიზნესისთვის მათ საჭიროებებზე მორგებული პროდუქტებისა თუ სერვისების შეთავაზებას“,- განაცხადა საქართველოს ბანკის მცირე და საშუალო ბიზნესის მიმართულების ხელმძღვანელმა, ზურაბ მასურაშვილმა.

ზეთი

1654163880

ივნისში ზეთი ისევ გაძვირდება? - რას ამბობენ იმპორტულ კომპანიაში

რუსეთმა დღეიდან მზესუმზირის ზეთის საექსპორტო გადასახადი 372.2 დოლარიდან 525 დოლარამდე გაზარდა. ინფორმაციას ამის შესახებ რუსეთის სოფლის მეურნეობის სამინისტრო ავრცელებს.აღსანიშნავია, რომ რუსეთიდან მზესუმზირის ზეთის საექსპორტო გადასახადი გასული წლის სექტემბრიდან ამოქმედდა და პერიოდულად იზრდებოდა. ივნისში კი 1 ტონა მზესუმზირის ზეთზე ექსპორტის ბაჟი 152.8 დოლარით გაიზარდა.საქართველოს ზეთის მთავარი საიმპორტო ბაზარი რუსეთია. მიმდინარე წლის იანვარ-აპრილში საქართველომ რუსეთიდან 3.9 მლნ დოლარის ღირებულების 2 504 ტონა მზესუმზირის ზეთი შეიძინა, რაც გასული წლის იმპორტის მაჩვენებლებს მნიშვნელოვნად ჩამორჩება. (2021 წლის იანვარ-აპრილი - 16.8 მლნ დოლარი, 11 831 ტონა).რამდენად აისახება რუსეთიდან მზესუმზირის ზეთის ექსპორტზე გაზრდილი გადასახადი იმპორტირებული პროდუქტის ფასზე და რამდენით გაძვირდება დახლზე ზეთის ფასი - ამ კითხვებით ზეთის იმპორტიორ კომპანია „ალფას“ დირექტორს ირაკლი ციხისთავს BM.GE-მ მიმართა. მისი თქმით, ივნისში ზეთის იმპორტის შემდეგ პროდუქტი ადგილობრივ ბაზარზე დაახლოებით 10%-მდე გაძვირდება.„საექსპორტო გადასახადის ზრდა, რა თქმა უნდა, დახლზე ზეთის ღირებულებას გაზრდის. ივნისში იმპორტირებული ზეთის ფასი დაახლოებით 10%-ით გაიზრდება. დღეს 1 ლიტრი ზეთის ღირებულება 9 ლარია, საექსპორტო ფასის გავლენით ზეთის 1 ლარით გაძვირდება“, - ამბობს იმპორტიორი კომპანიის დირექტორი.ცნობისთვის: კომპანია „ალფა“ მზესუმზირის ზეთის იმპორტს „ბარაქა“ ბრენდით ახორციელებს და თვეში 500-600 ტონა ზეთი შემოაქვს. ასევე დაგაინტერესებთ:👉 ვინ და როგორ შეძლებს საქართველოდან გერმანიაში შესვლას - დეტალები👉 ვლადიმერ პუტინს საოპერაციოდ ამზადებენ - UNIAN