ბიზნესი

1733995650

სამწუხაროდ, გარკვეული ევროპარლამენტარების კონტრპროდუქტიული პოლიტიკა საქართველოში ევროკავშირის იდეას აზიანებს - ირაკლი ქადაგიშვილი

ევროპარლამენტარები თუ იტყვიან, რომ ყველაფერს გააკეთებენ იმისათვის, რომ საქართველოს მოლაპარაკებები გაუხსნან, კარგი იქნება, – ამის შესახებ პარლამენტის თვითმმართველობის კომიტეტის თავმჯდომარემ, ირაკლი ქადაგიშვილმა საქართველოს პირველ არხს განუცხადა.მისი თქმით, ევროპარლამენტარები თუ ისევ იმისთვის ჩამოვიდნენ, რომ მუქარით ილაპარაკონ და ოპოზიციის აქციის მუხტი აწიონ, რა თქმა უნდა, ეს საქართველოსთვის სიახლე არ იქნება.„ევროპარლამენტარები თუ იტყვიან, რომ ყველაფერს გააკეთებენ იმისათვის, რომ საქართველოს მოლაპარაკებები გაუხსნან, კარგი იქნება. თუ ისევ იმისთვის ჩამოვიდნენ, რომ მუქარებით ილაპარაკონ და ოპოზიციის აქციისთვის მუხტი აწიონ, რა თქმა უნდა, ეს საქართველოსთვის სიახლე არ არის. სამწუხაროდ, მათი კონტრპროდუქტიული პოლიტიკა საქართველოში ევროკავშირის იდეას აზიანებს“, – განაცხადა ქადაგიშვილმა.

1733125231

სავაჭრო ურთიერთობები შეაჩერეს თუ უვიზო მიმოსვლა და პირდაპირი ფრენები? 30 წლის განმავლობაში 6 მილიარდის 90% -ით არასამთავრობო სექტორს აჭმევდნენ, რისთვის, რომ ამ ხელმოცარულ აგენტურას რევოლუცია და სახელმწიფო გადატრიალება მოეწყოთ საქართველოში? ვისთან აჩერებენ და რას აჩერებენ პარტნიორობას იმ ქვეყანასთან ვის ჯარისკაცები და ოფიცრები მათთან ერთად ერაყსა თუ ავღანეთი ომობდნენ და იღუპებოდნენ? - ასე ეხმიანება „ერთიანი ნეიტრალური საქართველოს“ წევრი ლევან ნიკოლეიშვილი აშშ-ის სახელმწიფო დეპარტამენტის პრესსპიკერის, მეთიუ მილერის განცხადებას, სტრატეგიული პარტნიორობის შეჩერების შესახებ.მისივე თქმით, მეთიუ მილერმა ამ განცხადებით, კიდევ ერთხელ დაადასტურა, რომ აშშ-ს მოქმედ ადმინისტრაციას არ სურს მშვიდობა საქართველოში, პირდაპირ თუ ირიბად მხარს უჭერს რადიკალურ ოპოზიციას.„არავის ისე არ დაუზარალებია ამერიკის შეერთებული შტატების სახელი და ავტორიტეტი როგორც მის ჯერ კიდევ მოქმედ ადმინისტრაციას. ისეთი სერიოზული საგარეო პოლიტიკური კრახი როგორიც მათ შექმნეს, ახლო აღმოსავლეთში, ერაყში, სირიასა თუ ავღანეთში მართლაც გარკვეულ ეჭვებს ბადებს, სულ რომ არაფერი არ ვთქვათ რუსეთ-უკრაინის ომის დროს მათ ქმედებებზე. თუნდაც ბოლოდროინდელი მოვლენები ავიღოთ, არჩეული პრეზიდენტი ტრამპი ამბობს, რომ მშვიდობა უნდა დაამყაროს, მოქმედი პრეზიდენტი კი სწორედ მშვიდობის საწინააღმდეგოდ, უკრაინელებს აძლევს რუსეთის ტერიტორიების სარაკეტო დარტყმების მიყენების უფლებას, რასაც მყისიერად მოჰყვა რუსების საპასუხო სარაკეტო დარტყმები უკრაინაში - ვინ შეეწირა ამას, უკრაინის მშვიდობიანი მოსახლეობა, მსოფლიო შესაძლო ბირთვული დაპირისპირების წინაშე დააყენა, ხოლო რუსებს სამშვიდობო მოლაპარაკების შემთხვევაში დამატებით უპირატესობები მიანიჭა. ახლა კი რაც შეეხება მეთიო მილერის სრულიად უპასუხისმგებლო განცხადებას სტრატეგიული პარტნიორობის შეჩერების შესახებ. აქ ხომ ძალიან ადვილად გამოსაცნობ მზაკვრობასთან გვაქვს საქმე. სავაჭრო ურთიერთობები შეაჩერეს თუ უვიზო მიმოსვლა და პირდაპირი ფრენები? 30 წლის განმავლობაში 6 მილიარდის 90% -ით არასამთავრობო სექტორს აჭმევდნენ, რისთვის, რომ ამ ხელმოცარულ აგენტურას რევოლუცია და სახელმწიფო გადატრიალება მოეწყოთ საქართველოში? ვისთან აჩერებენ და რას აჩერებენ პარტნიორობას იმ ქვეყანასთან ვის ჯარისკაცები და ოფიცრები მათთან ერთად ერაყსა თუ ავღანეთი ომობდნენ და იღუპებოდნენ? ამ როყიო თითქოს გაუაზრებელი განცხადებით, კიდევ ერთხელ დაადასტურეს რომ მოქმედ ადმინისტრაციას არ სურს მშვიდობა ჩვენს ქვეყანაში, პირდაპირ თუ ირიბად მხარს უჭერს რადიკალურ ოპოზიციას. როგორც ჩანს ცდილობენ მაქსიმალურად ბევრი პრობლემა დაახვედრონ არჩეულ პრეზიდენტ ტრამპსა და ახალ ადმინისტრაციას. ჩვენ რა, ჩვენს ეროვნულ ინტერესებს ვიცავთ, ახალ ადმინისტრაციასთან თანამშრომლობასაც ვაპირებთ და ურთიერთობების აღდგენასაც.რაც შეეხება ძველ ადმინისტრაციას, მაინც ვკითხავთ რა შეაჩერეთ რაც არ გვქონია, და ამით ფიქრობთ ოპოზიციას ისე დაეხმარეთ, რომ რევოლუციით დაამხობს ამ ხელისუფლებას, ძალიან მწარედ და სამარცხვინოდ შემცდარხართ", - წერს ლევან ნიკოლეიშვილი.

1730953857

"ოპოზიციამ თხარა, თხარა და, სავარაუდოდ, თავისივე დანაშაულები გამოთხარა" - გურამ მაჭარაშვილი

არჩევნების შესაძლო გაყალბებასთან დაკავშირებით, ოპოზიციისა და არასამთავრობო სექტორის წარმომადგენლების გამოკითხვები გრძელდება. მმართველი გუნდი ოპონენტების მხრიდან არჩევნების გაყალბების მტკიცებულებებზე საუბრობს. უმრავლესობაში ამბობენ, რომ მათ ოპონენტებს არჩევნებთან დაკავშირებულ ყველა კანონდარღვევაზე პასუხის გაცემა მოუწევთ შესაბამისი უწყებებისათვის."ხალხის ძალის" წევრის, გურამ მაჭარაშვილის განცხადებით, აღმოჩნდა, რომ ოპოზიცია თავად მიმართავდა გარკვეულ მანიპულაციებს."ოპოზიციამ თხარა, თხარა და, სავარაუდოდ, თავისივე დანაშაულები გამოთხარა. ჩვენ ვამბობდით და ეს მტკიცებულებებიც მოვიპოვეთ, რომ რეალურად, ადამიანები, რომლებიც მიდიოდნენ უბნებზე, სიებში არ იყვნენ და აღმოჩნდებოდა, რომ რადიკალური ოპოზიციის რომელიმე კომისიის წევრი იყო, თან - ამ უბნიდან მოშორებით. ეს რეალური ჩვენებები და მტკიცებულებები წარედგინება პროკურატურას", - განაცხადა გურამ მაჭარაშვილმა.

1730394574

"ჯორჯიან მანგანეზი" განცხადებას ავრცელებს

კომპანია „ჯორჯიან მანგანეზი“ განცხადებას ავრცელებს, რომელსაც უცვლელად გთავაზობთ:"ზესტაფონის ფეროშენადნობთა ქარხანაში მიმდინარე წლის პირველი ნოემბრიდან 2025 წლის პირველ მარტამდე დროებითი მართვის რეჟიმი იმოქმედებს - სრულად გაითიშება საწარმოო სიმძლავრეები და შეჩერდება ფეროშენადნობების წარმოების პროცესი.ამ პირობებში, ჩვენს თანამშრომლებს ხელფასის 60%-ს გადავუხდით და სრულად შევუნარჩუნებთ საოჯახო სადაზღვევო პაკეტს. თანამშრომლების იმ ნაწილს კი, რომლებიც მიმდინარე და დაგეგმილ კაპიტალურ სარემონტო სამუშაოებში ჩაერთვებიან, ხელფასის 100%-ს ავუნაზღაურებთ.გადაწყვეტილების მიზეზი მსოფლიო ბაზარზე სილიკომანგანუმის ფასების მკვეთრი ვარდნა და მოთხოვნის შემცირება გახდა, რაც უკვე ორი წელია გრძელდება. გართულებულ პირობებს კი თან დაერთო მადნის დეფიციტი.ჩვენმა კონტრაქტორმა ჭიათურა მენჯმენტ კომპანიმ, ადგილობრივი მოსახლეობის მიერ, 8 თვის განმავლობაში, მაღაროების პიკეტირების გამო, ვერ უზრუნველყო ქარხნის მადნით მომარაგება. 12-დან 7 მაღაროს პარალიზებით ჭიათურაში მადნის მოპოვება 70%-ით შემცირდა.ფეროშენადნობების მსოფლიო ბაზარზე შექმნილი კრიზისის გამო, სილიკომანგანუმის წარმოება ჯერ კიდევ 2 ოქტომბრიდან შევამცირეთ. აღსანიშნავია ისიც, რომ ბოლო ერთი თვის განმავლობაში, ჩვენს მთავარ საექსპორტო ბაზარზე აშშ-ში აღარ მომხდარა ფეროშენადნობების რეალიზაცია.მიუხედავად შექმნილი ვითარებისა, ვიმედოვნებთ, რომ გლობალურ ბაზრებზე მდგომარეობა მალე გამოსწორდება და შევძლებთ სამუშაო პროცესის დათქმულ ვადაზე ადრე აღდგენას, "- წერია კომპანიის მიერ გავრცელებულ განცხადებაში.

1729323319

საქართველოსა და ჩინეთს შორის შეთანხმების ფარგლებში, შემოსავლების სამსახურს რენტგენოსკანერები გადაეცა

საქართველო-სომხეთის საზღვართან მდებარე საბაჟო გამშვებ პუნქტ "სადახლოზე" ჩინეთის სახალხო რესპუბლიკის მთავრობის მხრიდან საქართველოს საბაჟოსთვის რენტგენოინსპექტირების სისტემების უსასყიდლო გადმოცემის ცერემონია გაიმართა.ცერემონიაზე სიტყვით გამოვიდნენ და ორმხრივი თანამშრომლობის მნიშვნელობაზე ისაუბრეს ფინანსთა მინისტრმა, ლაშა ხუციშვილმა და ჩინეთის სახალხო რესპუბლიკის ელჩმა საქართველოში, ჭოუ ციენმა.ღონისძიებას დაესწრნენ ფინანსთა მინისტრის მოადგილე ეკატერინე გუნცაძე, შემოსავლების სამსახურის საბაჟო დეპარტამენტის უფროსი ზურაბ სიჭინავა, საერთაშორისო ურთიერთობათა დეპარტამენტის უფროსი სამსონ ურიდია, შემოსავლების სამსახურისა და ჩინეთის სახალხო რესპუბლიკის საელჩოს წარმომადგენლები.სტუმრები საბაჟო-გამშვები პუნქტის ტერიტორიაზე გაეცნენ ბარგის სკანირების პროცესს და საბაჟო პროცედურებს."საქართველოსთვის რენტგენოინსპექტირების სისტემების გადმოცემა საქართველოსა და ჩინეთის სახალხო რესპუბლიკას შორის გრძელვადიანი პარტნიორობის შედეგია. პროექტი განხორციელდა ეკონომიკური და ტექნიკური თანამშრომლობის შესახებ საქართველოსა და ჩინეთის სახალხო რესპუბლიკის მთავრობათაშორისი, 2019 წლის 13 თებერვლის შეთანხმების საფუძველზე.ამ თანამშრომლობის ფარგლებში, საქართველოს საზღვრებზე, ჯამში, უკვე დამონტაჟებულია 7 რენტგენოინსპექტირების აპარატი", - აცხადებენ შემოსავლების სამსახურში.უწყება განმარტავს, რომ სგპ "სადახლოს" გარდა, რკინიგზისა და სატვირთო მანქანების სტაციონარული ინსპექტირების სისტემები განთავსდა საბაჟო-გამშვებ პუნქტ "კარწახში", ასევე, ბარგის რენტგენოინსპექტირების სისტემები დამონტაჟდა ისეთ მნიშვნელოვან სახმელეთო გადასასვლელებზე, როგორებიცაა: სგპ "ყაზბეგი", "სადახლო", "წითელი ხიდი", "ნინოწმინდა" და "სარფი"."აღნიშნული რენტგენოინსპექტირების სისტემები თანამედროვე სტანდარტების შესაბამისია. ეს არის ძალიან მნიშვნელოვანი პროექტი, გამომდინარე იქიდან, რომ ემსახურება საქართველოს ეკონომიკური საზღვრის უსაფრთხოების დაცვასა და საერთაშორისო გადაზიდვების უსაფრთხოდ განხორციელებას. ამ მიმართულებით მნიშვნელოვანია ის, რომ საქართველოს შემოსავლების სამსახური ახორციელებს საბაჟო-გამშვები პუნქტების აღჭურვას. მომდევნო რამდენიმე კვირაში, 4 საბაჟო-გამშვები პუნქტისთვის რენტგენოსკანერების შესაძენად გამოცხადდება საერთაშორისო ტენდერი, რის შემდეგაც ყველა საბაჟო-გამშვები პუნქტი, მათ შორის, აეროპორტები და პორტები აღჭურვილი იქნება თანამედროვე რენტგენოინსპექტირების სისტემებით", - განაცხადა ფინანსთა მინისტრმა, ლაშა ხუციშვილმა და ჩინეთის ელჩს, კიდევ ერთხელ, მადლობა გადაუხადა გაწეული მხარდაჭერისთვის."მოხარული ვარ, რომ ამ მნიშვნელოვანი პროექტის განხორციელების მომსწრენი გავხდით. ჩინეთი ყოველთვის იყო საქართველოს მეგობარი და ახლა უკვე სტრატეგიული პარტნიორები ვართ. თანამშრომლობის ფარგლებში, ერთობლივად მოხდა შუა დერეფნის იდეაზე მუშაობა. სამომავლოდ, შუა დერეფნის ეფექტური მუშაობა და გამჭვირვალობა ძალიან მნიშვნელოვანია. მიგვაჩნია, რომ ჩინეთში ამ დარგის წამყვანი კომპანიის მიერ ახალი ტექნოლოგიებით წარმოებული საბაჟო ინსპექტირების აპარატურა, დაეხმარება საქართველოს საბაჟო დეპარტამენტს მუშაობის გაუმჯობესებაში. გაზრდილი ეფექტურობითა და გამართული სისტემებით, შუა დერეფანი კიდევ უფრო პოპულარული გახდება, გააუმჯობესებს საქართველოს ლოგისტიკის სფეროს და სარგებლის მომტანი იქნება ყველა იმ ქვეყნისთვის, რომელიც ამ დერეფანში მოიაზრება. გვიხარია, რომ ჩინეთი იქნება ამ პროცესის მონაწილე და საქართველოს მტკიცე პარტნიორი შუა დერეფნის განვითარების უზრუნველყოფაში", - აღნიშნა ჩინეთის სახალხო რესპუბლიკის ელჩმა საქართველოში, ჭოუ ციენმა.როგორც აღინიშნა, მსგავსი თანამედროვე ინსპექტირების აღჭურვილობა მნიშვნელოვნად ზრდის საქართველოს საბაჟოს შესაძლებლობებს, უზრუნველყოფს მიწოდების გლობალური ჯაჭვის უსაფრთხოებას, ხელს უწყობს კანონიერ ვაჭრობას და აძლიერებს ქვეყნის სატრანზიტო პოტენციალს.

1729237794

საქართველოს მომავალ მთავრობას ევროკავშირში ინტეგრაციის გზის გაგრძელება თუ სურს, ეს შეიძლება, მოხდეს იმ ძირითადი ღირებულებებისა და პრინციპების საფუძველზე, რომლებზეც ევროკავშირია აგებული - პაველ ჰერჩინსკი

იმ შემთხვევაში, თუ საქართველოს მომავალ მთავრობას სურს ევროკავშირში ინტეგრაციის გზის გაგრძელება, ეს შეიძლება, მოხდეს მხოლოდ იმ ძირითადი პრინციპებისა და ღირებულებების საფუძველზე, რომლებზეც ევროკავშირია აგებული, – ამის შესახებ საქართველოში ევროკავშირის ელჩმა, პაველ ჰერჩინსკიმ განაცხადა.როგორც ჰერჩინსკიმ აღნიშნა, ეს არის თავისუფლება, დემოკრატია, კანონის უზენაესობა და ადამიანის უფლებები.„ქართველი ხალხი თუ აირჩევს ისეთ მომავალს, რომელიც გულისხმობს ცხოვრებას ერთპარტიულ სახელმწიფოში, ქვეყანაში, სადაც პოლიტიკური ოპოზიცია აკრძალულია, ქვეყანაში, სადაც სამოქალაქო საზოგადოების ორგანიზაციებს არ შეუძლიათ თავისუფლად ფუნქციონირება, სადაც არ არის მედიის თავისუფლება, სადაც თითოეული ადამიანის უფლებები არ არის დაცული, არანაირი გზა არ არსებობს, რომ საქართველო ოდესმე გახდეს ევროკავშირის წევრი. ეს არის ის ძირითადი ღირებულებები, რომლებიც გვაერთიანებს ჩვენ, ევროკავშირის წევრებს. ეს ღირებულებები არ ექვემდებარება მოლაპარაკებას.გუშინ და დღეს ევროკავშირის 27 წევრი ქვეყნის ლიდერები იკრიბებიან ბრიუსელში. ისინი განიხილავენ ევროკავშირის წინაშე მდგარ ყველა მწვავე საკითხს. პირველ ყოვლისა, ისინი ფოკუსირებული არიან უკრაინაში რუსეთის აგრესიაზე. მათ შეუერთდა პრეზიდენტი ზელენსკი და ისინი განიხილავენ უკრაინის ხედვას ომის დასასრულებლად ე.წ. სამშვიდობო ფორმულის ფარგლებში. ისინი განიხილავდნენ ვითარებას ახლო აღმოსავლეთში. როგორც ვიცით, ვითარება იქ მართლაც სერიოზული ხდება. ისინი ასევე განიხილავდნენ სხვა კრიზისულ სიტუაციებს მსოფლიოში. სამწუხაროდ, ასევე განიხილავდნენ ვითარებას საქართველოში.გასულ წელს ევროპულმა საბჭომ მიიღო დასკვნები საქართველოს შესახებ. გთხოვთ, გადახედეთ. ეს არის ევროკავშირის პოზიცია, შეთანხმებული უმაღლეს დონეზე, 27 პრეზიდენტისა და პრემიერ-მინისტრის დონეზე. მთავარი გზავნილებია: პირველი რიგში ის, რომ ევროკავშირი დგას ქართველი ხალხის გვერდით. ჩვენ მხარს ვუჭერთ საქართველოს ხალხის სურვილს, შეუერთდეს ევროკავშირს. მეორე გზავნილია – არსებული მდგომარეობა, რომელიც, სამწუხაროდ, საგანგაშოა, როდესაც საქმე ეხება ევროკავშირ-საქართველოს ურთიერთობებს. ეს საქართველოს ხელისუფლების ბრალია, რომელმაც განზრახ, ბოლო რამდენიმე თვის განმავლობაში ქმედებებით, განცხადებებით და კანონმდებლობით, საქართველო კიდევ უფრო დააშორა ევროკავშირს, ნაცვლად იმისა, რომ დაეახლოებინა“, – განაცხადა პაველ ჰერჩინსკიმ.

1728283895

ნებისმიერი ბიზნესმენი გააჩერეთ ქუჩაში და ჰკითხეთ, ამ 10 წლის განმავლობაში მისმა ბიზნესმა, მისმა კომპანიამ წინ წაიწია თუ არა, მიიღებთ პასუხს - კი. ქვეყანა მიდის წინ - ირაკლი იაშვილი

ნებისმიერი ბიზნესმენი გააჩერეთ ქუჩაში და ჰკითხეთ, ამ 10 წლის განმავლობაში მისმა ბიზნესმა, მისმა კომპანიამ წინ წაიწია თუ არა, მიიღებთ პასუხს კი, - განაცხადა გადაცემაში „იმედი LIVE“ ბიზნესმენმა ირაკლი იაშვილმა.მისი თქმით, მაკრო ეკონომიკური პარამეტრები არის ისეთი, როგორიც არასდროს ყოფილა, ქვეყანა მიდის წინ.„ნებისმიერ ხელისუფალს, ნებისმიერ სახელმწიფოში, ოთხი ძირითადი საკითხია, რაც აქვს საზრუნავი. ეს არის - სუვერენიტეტი, უსაფრთხოება, დემოკრატია, თუ დემოკრატიულობაზე აქვს პრეტენზია და რა თქმა უნდა, ეკონომიკა. ეკონომიკა, ეს არის მთავარი საკითხი, რომელსაც მოაქვს კეთილდღეობა. მთავარი საზრუნავი არის მოქალაქეების კეთილდღეობა. სუვერენიტეტი ჩვენ გვაქვს. არის ერები, რომლებსაც არ აქვთ. ჩვენ გვაქვს. ხელყოფილია, შეზღუდულია, დღეს პრობლემა აქვს სუვერენიტეტს, მაგრამ გვაქვს. უსაფრთხოების პრობლემა გვაქვს, მუდმივი. არის ქვეყნები, რომლებსაც სუვერენიტეტის პრობლემა არასდროს დაუდგება, ამერიკას არასდროს დაუდგება, ჯარით ატლანტიკას არავის გადალახავს, მაგრამ უსაფრთხოებაზე ისიც ზრუნავს. რასაც ჩვენ ვსაუბრობთ, ეს არის ამერიკის უსაფრთხოებაზე საუბარი, იმიტომ რომ ამერიკა ზრუნავს უსაფრთხოებაზე ასეთნაირად. ჩვენ ეს უნდა ვიცოდეთ. ამას უნდა ვემუშაოთ. ჩვენ უნდა ვიპოვოთ ჩვენი ადგილი, რომ ჩვენ არ დავზიანდეთ იმ მეთოდებში, იმ ინსტრუმენტებში, რის გამოყენებასაც ისინი აპირებენ.დემოკრატია, ეს არის უბრალოდ შეთანხმება, როგორ ვიცხოვროთ ამ ქვეყანაში. ვიღაც ცხოვრობს ავტოკრატიულად, ვიღაც ცხოვრობს მონარქიულად, მაგრამ ცხოვრობენ. ასე უნდათ იმათ. ჩინეთს უნდა, რომ ასე იცხოვროს, კომუნისტური რეჟიმი ჰყავდეს, ასე გამდიდრდა ეს ხალხი, მაგრამ მათ ასე უნდათ. ჩვენ დემოკრატია გვინდა, მაგრამ საბოლოო ჯამში, ეს ყველაფერი არის ეკონომიკის ასაყვავებლად, რომ ხალხისთვის კეთილდღეობა იყოს. ეს არის მთავარი საკითხი.რაც შეეხება ეკონომიკას, 30 წლის განმავლობაში 10-12 წელი უწყვეტი მშვიდობა ჩვენ არ გვქონია. ნებისმიერი ბიზნესმენი გააჩერეთ ქუჩაში და ჰკითხეთ, ამ 10 წლის განმავლობაში მისმა ბიზნესმა, მისმა კომპანიამ წინ წაიწია თუ არა. მიიღებთ პასუხს - კი. უდავოდ ასე მოხდა. ქვეყანაში მოთხოვნა ძალიან გაზრდილია. მაკრო ეკონომიკური პარამეტრები არის ისეთი, როგორიც არასდროს ყოფილა. ინფლაცია დაბალი, უმუშევრობა დაბალი. ეს პარამეტრები კარგია. საგადასახადო ბალანსი კარგია, სხვაობა, სალდო ექსპორტსა და იმპორტს შორის უმჯობესდება ყოველ წელს. ანუ, ყველა პარამეტრი არის კარგი. ბიზნესს არ გართმევენ. ჩვენი ქვეყანა მოსწონს ყველას. კი ვართ უცნაური ხალხი, მაგრამ ამ უცნაურობის გამო მოვწონვართ. ვინც ჩამოდის, უკან აღარ მიდის, რჩება. ხომ ხედავთ ქუჩაში რა ხდება, რამდენი ავტომობილი გადაადგილდება, რა ფასის ავტომობილები გადაადგილდება, რამდენი სახლი შენდება და როგორ იყიდება, წამებში. ქვეყანა მიდის წინ“, - აღნიშნა ირაკლი იაშვილმა.

1727860845

"ჯორჯიან მანგანეზის" ზესტაფონის ფეროშენადნობთა ქარხანა სილიკო მანგანუმის წარმოებას 60%-ით ამცირებს

"ჯორჯიან მანგანეზის" ზესტაფონის ფეროშენადნობთა ქარხანა სილიკო მანგანუმის წარმოებას 60%-ით ამცირებს - მიზეზი კვლავ მსოფლიო ბაზარზე ფასის ვარდნა და მოთხოვნის შემცირებაა.ზესტაფონის ფეროშენადნობთა ქარხანა, რომელიც ქვეყნის უმსხვილესი საექსპორტო საქონლის, ყველაზე დიდი მწარმოებელია, აცხადებს, რომ მიმდინარე წლის ოქტომბრიდან, 11 მოქმედი ღუმელიდან 6-ს გააჩერებს, რაც ყოველთვიურად საწარმოო პროდუქციის 20 ათასი ტონიდან 8 ათას ტონამდე შემცირებას გულისხმობს."ზესტაფონის ფეროშენადნობთა ქარხანაში, სამწუხაროდ, მოგვიწია 11 მწარმოებლური ღუმელიდან, 6 ღუმელის გაჩერება. მაგალითისთვის, თუ ვაწარმოებდით თვის ჭრილში 20 ათას ტონა მზა პროდუქციას. ოქტომბრის თვე დაგეგმილი გვაქვს 8 200 ტონა, მიუხედავად ამისა, ვცდილობთ, თანამშრომლები შევინარჩუნოთ სრული შტატით იმ იმედით, რომ შემდგომზე გვექნება იმ ნიშნულზე დაბრუნება, რომელსაც მიჩვეულია ეს ქარხანა და რასაც ვაწარმოებდით სრული სიმძლავრის მუშაობის დროს," – აცხადებს ზესტაფონის ფეროშენადნობთა ქარხნის დირექტორი გოჩა ქურდაძე.კომპანიაში აცხადებენ, რომ ფეროშენადნობების ბაზარზე არსებული კრიზისი ჩინეთის უძრავი ქონების ბაზარზე არსებული პროცესებით და უკრაინაში მიმდინარე ომით არის გამოწვეული. ამასთან, განმარტავენ, რომ წარმოების შემცირება არ მომხდარა დასაქმებულთა შემცირების ხარჯზე."დღეისთვის მოთხოვნა ფეროშენადნობებზე ისევ მინიმალურ მოცულობაზეა ასული. შესაბამისად, კრიზისი მიუხედავად, ამ 2-წლიანი პერიოდის გასვლისა და ჩვენი პოზიტიური მოლოდინებისა, კვლავ გრძელდება,“ - აცხადებს "ჯორჯიან მანგანეზის" ფინანსური დირექტორი გიორგი ტატიშვილი."ჯორჯიან მანგანეზის" ფეროშენადნობთა ქარხანამ, ამავე მიზეზით, წარმოება გასული წლის სექტემბერშიც, 75%-ით შეამცირა.

1727860279

ავიაკომპანია Transavia-ს შემოსვლა საქართველოს ცნობადობას გაზრდის საფრანგეთში და ძალიან ბევრ ახალ მოგზაურს ჩამოიყვანს ჩვენს ქვეყანაში - მაია ომიაძე

ავიაკომპანია Transavia France 2025 წლის 9 აპრილიდან, კვირაში 2 სიხშირით, პირდაპირ რეგულარულ ფრენებს შეასრულებს პარიზი-თბილისი-პარიზის მიმართულებით.საქართველოში ახალი ავიაკომპანიის შემოსვლის მნიშვნელობაზე საუბრობს ტურიზმის ეროვნული ადმინისტრაციის ხელმძღვანელი მაია ომიაძე.„კიდევ ერთი ახალი ევროპული ავიაკომპანია Transavia იფრენს საქართველოში, 2025 წლის აპრილიდან, თბილისი-პარიზი-თბილისის მიმართულებით. როგორც იცით, ევროკავშირის ქვეყნები, მათ შორის საფრანგეთი ტურიზმის ეროვნული ადმინისტრაციისთვის ერთ-ერთი სტრატეგიული ბაზარია. ჩვენ ძალიან აქტიურად ვახორციელებთ მარკეტინგულ კამპანიებს საფრანგეთში. ყოველწლიურად ქართული კერძო სექტორის წარმომადგენლები შეხვედრებისთვის და პარტნიორების გასაცნობად საფრანგეთის ტურისტულ გამოფენას სტუმრობენ, შესაბამისად ვფიქრობთ, დამატებითი პირდაპირი რეისის დანიშვნა კიდევ უფრო მეტად გაზრდის საქართველოს ცნობადობას და ძალიან ბევრს ახალ მოგზაურს ჩამოიყვანს საქართველოში“,-აცხადებს მაია ომიაძე.Transavia France 2006 წელს დაფუძნდა. კომპანია Air France-ისა და ჰოლანდიური Transavia-ს მფლობელობაშია.

1727766194

ინვესტიცია განსაკუთრებით მისასალმებელია სოფლის მეურნეობის გადამმუშავებელ სექტორში - ოთარ შამუგია

ქობულეთში ციტრუსის მიმღებ-გადამმუშავებელი ახალი საწარმოს გახსნის ღონისძიებას გარემოს დაცვისა და სოფლის მეურნეობის მინისტრი ოთარ შამუგია პირველ ვიცე-პრემიერ ლევან დავითაშვილთან და აჭარის მთავრობის თავმჯდომარე თორნიკე რიჟვაძესთან ერთად დაესწრო.როგორც ოთარ შამუგიამ აღნიშნა, ასეთი მასშტაბის პროექტების განხორციელება უმნიშვნელოვანესია აგრარული დარგის განვითარებისთვის.„ქობულეთში ციტრუსის გადამმუშავებელი ახალი საწარმო სრულად არის აღჭურვილი თანამედროვე ტექნოლოგიებით. განხორციელდა უცხოური ინვესტიცია, რაც განსაკუთრებით მისასალმებელია სოფლის მეურნეობის გადამმუშავებელ სექტორში. ყოველწლიურად რეგიონში 10-15 ათასი ტონა ციტრუსის გადამუშავება ხდება. რა თქმა უნდა, მნიშვნელოვანია თანამედროვე საწარმოს ფუნქციონირება, რომელიც უზრუნველყოფს ფერმერებისგან ციტრუსის მიღებას და გადამუშავებას, შემდგომ დაამზადებს კონცენტრირებულ წვენს, რომლის ექსპორტი განხორციელდება, მათ შორის, ევროკავშირის ბაზარზე, შესაბამისად, შეიქმნება დამატებული ღირებულება. ასეთი მასშტაბის პროექტები ჩვენი ქვეყნისთვის, სოფლის მეურნეობისთვის არის უმნიშვნელოვანესი. ჩვენ მივესალმებით და მაქსიმალურად მხარს დავუჭერთ ინვესტორებს”, - განაცხადა ოთარ შამუგიამ.აღსანიშნავია, რომ ახალი საწარმო სარეალიზაციოდ მოამზადებს მანდარინს, ციტრუსის წვენის კონცენტრატს და პლასტმასის ყუთებს ხილის ტრანსპორტირებისთვის. კომპანიას ასევე აქვს სამაცივრო მეურნეობა 3000 ტონამდე ცოცხალი ხილის და ბოსტნეულის შესანახად. კომპანია მზადაა, უკვე მიმდინარე წელს ადგილობრივი ფერმერებისგან შეისყიდოს მანდარინი და გადაამუშაოს.ქობულეთის საწარმოში ქართულ-სლოვაკური ინვესტიცია კომპანიამ „შპს იბერია ორბი“ განახორციელა. ამ ეტაპისთვის, 3,5 მლნ ევროზე მეტი დაიხარჯა, თუმცა კომპანია დამატებითი ინვესტიციის განხორციელებას და ასორტიმენტის გაზრდას გეგმავს.ინფორმაციას გარემოს დაცვისა და სოფლის მეურნეობის სამინისტროს პრესსამსახური ავრცელებს.

1727761551

26 ოქტომბერს საქართველოს ყოფნა - არ ყოფნის საკითხი დგას! ვალდებულნი ვართ, მომავალ თაობას დამოუკიდებელი და მშვიდობიანი საქართველო დავუტოვოთ, ამიტომაც, კვლავ უნდა გავერთიანდეთ და გავიმარჯვოთ - ბიძინა ივანიშვილი

26 ოქტომბერს, დღის წესრიგში არა პოლიტიკური სიმპათია-ანტიპათიის, არამედ საქართველოს ყოფნა - არ ყოფნის საკითხი დგას! - აღნიშნულია „ქართული ოცნების“ საპატიო თავმჯდომარის, ბიძინა ივანიშვილი განცხადებაში.„უფლისა და სამშობლოს წინაშე ვალდებულნი ვართ, რომ ჩვენს შვილებს, ჩვენს მომავალ თაობას დამოუკიდებელი და მშვიდობიანი საქართველო დავუტოვოთ, ამიტომაც, 26 ოქტომბერს კვლავ უნდა გავერთიანდეთ და გავიმარჯვოთ! ჩვენი ერთადერთი გზა არის მხოლოდ მშვიდობით, ღირსებით და კეთილდღეობით ევროპისკენ! გაუმარჯოს ერთიან, ძლიერ და გაბრწყინებულ საქართველოს!“ - ნათქვამია განცხადებაში.

1727355894

სახელმწიფოს მხრიდან სუბსიდირების პროგრამის განხორციელება ადგილობრივებისთვის ძალიან მნიშვნელოვანი მხარდაჭერაა - „მეღვინეობა ბარაკონის“ დამფუძნებელი

გარემოს დაცვისა და სოფლის მეურნეობის მინისტრი ოთარ შამუგია რაჭაში მოსავლის დაბინავების პროცესს გაეცნო. მინისტრი ამბროლაურის მუნიციპალიტეტის სოფელ ბოსტანაში, ყურძნის გადამმუშავებელ საწარმოში „მეღვინეობა ბარაკონი“ იმყოფებოდა. ამ ეტაპზე, საწარმოს უკვე გადამუშავებული აქვს 100 ტონა ყურძენი და 100 ტონის გადამუშავებას კიდევ გეგმავს. კომპანია პროდუქციის რეალიზაციას ახდენს როგორც ადგილობრივ ბაზარზე, ასევე, ექსპორტს ახორციელებს ჩეხეთის რესპუბლიკასა და ბალტიისპირეთის ქვეყნებში.საწარმოს დამფუძნებლის, კახა გორდეზიანის განცხადებით, წელს რაჭაში კარგი მოსავალია და ყურძნის ხარისხიც კარგია. სახელმწიფოს მხრიდან სუბსიდირების პროგრამის განხორციელება კი, ადგილობრივებისთვის ძალიან მნიშვნელოვანი მხარდაჭერაა.რთველის პროცესში კერძო სექტორის ჩართულობის გაზრდის, მოსავლის სრულად და დროულად დაბინავებისა და ყურძნის ხარისხის შენარჩუნების მიზნით, მთავრობის გადაწყვეტილებით, რაჭის რეგიონში სუბსიდირების პროგრამა ხორციელდება.სუბსიდიას მიიღებს ყველა ის კომპანია, რომელიც შეიძენს და გადაამუშავებს ხვანჭკარას მიკროზონაში მოწეულ არანაკლებ 3 ტონა ალექსანდროულისა და მუჯურეთულის ჯიშის ყურძენს და მევენახეს გადაუხდის არანაკლებ 8 ლარს. რაჭა-ლეჩხუმის რეგიონში კომპანიებზე 1 კგ ალექსანდროულისა და 1 კგ მუჯურეთულისთვის 4 ლარის ოდენობის სახელმწიფო სუბსიდია გაიცემა.მინისტრთან ერთად საწარმოში რაჭა-ლეჩხუმისა და ქვემო სვანეთის სახელმწიფო რწმუნებული პაპუნა მარგველიძე, მაჟორიტარი დეპუტატი გოჩა ენუქიძე, გარემოს დაცვისა და სოფლის მეურნეობის მინისტრის მოადგილე იური ნოზაძე, ადგილობრივი ხელისუფლების და სამინისტროს წარმომადგენლები იმყოფებოდნენ.