შემთხვევა
1779702266
ავარია მარნეული-თბილისის გზაზე - რა ხდება ამ წუთებში ადგილზე
მარნეული-თბილისის დამაკავშირებელ გზაზე, სოფელ კოდასთან ავტოსაგზაო შემთხვევა მოხდა. ერთმანეთს სამი ავტომობილი შეეჯახა. დაშავებულია ერთი ადამიანი, რომელიც კლინიკაში გადაიყვანეს.ადგილზე ამ წუთებში სამართალდამცველები არიან მობილიზებულნი.შემთხვევის გამო, გზის აღნიშნულ მონაკვეთზე ავტომობილები შეფერხებით გადაადგილდებიან.როგორც „პრაიმტაიმს“ შსს-ში განუცხადეს, მომხდარზე გამოძიება სსკ-ის 276-ე მუხლით მიმდინარეობს.
1779648824
მაშველებმა მდინარეში ახალგაზრდა მამაკაცის ცხედარი იპოვეს - რა ინფორმაცია ვრცელდება
ოკუპირებული გალის რაიონში მდინარე ენგურის არხში ჩავარდნილი ახალგაზრდა მამაკაცის ცხედარი მაშველებმა იპოვეს. იგი 36 წლის ალიკა ჭანტურიაა. მისი ცხედარი უკვე გადაასვენეს მის მშობლიურ სახლში.მაშველები სოხუმიდან გალში გუშინ, დღის მეორე ნახევარში ჩავიდნენ. 12-კაციანი ჯგუფი სამძებრო სამუშაოებს მთელი ღამის განმავლობაში აწარმოებდა. დღეს ალიკო ჭანტურიას ცხედარი ენგურის ჰიდროელექტროსადგურის მეორე და მესამე არხებს შორის იპოვეს.არსებული ინფორმაციით, მდინარე ენგურის არხში სათევზაოდ წასული მამაკაცი, მდინარეში გუშინ ჩავარდა. იმ ადგილას, სადაც მამაკაცი თევზაობდა, სავარაუდოდ მიწის მასა მოწყდა და იგი დინებამ გაიტაცა.„როგორი ძლიერი უნდა იყო ადამიანი, ამდენ უბედურებას რომ უყურო, როცა გესმის ეს ტკივილი, რამდენად მძიმე და გაუსაძლისია, გამძლეობა დედას და ოჯახს, მეტი მე არაფრის თქმა არ შემიძლია. უფალს ებარებოდეს შენი სული შვილო"- წერს ახლობელი სოციალურ ქსელში.
1779640608
მარნეულში ავარია მსხვერპლით დასრულდა
მარნეულის მუნიციპალიტეტში, ავარიის შედეგად ერთი ადამიანი გარდაიცვალა, ოთხი კი დაშავდა. ერთმანეთს ორი ავტომობილი შეეჯახა.გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
1779639181
ქუთაისში ავტომობილი ველოსიპედს დაეჯახა - რა ინფორმაცია ვრცელდება შემთხვევის ადგილიდან
ქუთაისში, პარლამენტის ყოფილი შენობის მიმდებარედ ავტომობილი ველოსიპედს დაეჯახა. ინფორმაციას „ინფო იმერეთი" ავრცელებს. თვითმხილველების თქმით, დაშავებულია პირი, რომელიც ველოსიპედზე იჯდა და ის სასწრაფომ საავადმყოფოში წაიყვანა.ადგილზე იმყოფებოდა პოლიცია და სასწრაფო სამედიცინო დახმარების ჯგუფი.შინაგან საქმეთა სამინისტროს ცნობით, მომხდარზე გამოძიება 276-ე მუხლით დაიწყო.
1779571248
ენგურის არხში ახალგაზრდა მამაკაცის ცხედარს ამ დრომდე ეძებენ
ოკუპირებული გალის რაიონში მდინარე ენგურის არხში ახალგაზრდა მამაკაცის ცხედარს ამ დრომდე ეძებენ. არსებული ინფორმაციით, მდინარე ენგურის არხში სათევზაოდ წასული მამაკაცი,მდინარეში ჩავარდა. იმ ადგილას, სადაც მამაკაცი თევზაობდა, სავარაუდოდ მიწის მასა მოწყდა.
1779569546
"2 ცხედარი მდინარეში, გამთენიისას, იპოვეს..." - ტრაგედია გალის რაიონში
უბედური შემთხვევა მოხდა ოკუპირებულ გალის რაიონში, აჩიგვარასთან. ავტოსაგზაო შემთხვევის შედეგად 2 პირი დაიღუპა. გავრცელებული ინფორმაციით, სოხუმიდან საქონლით დატვირთული გაზელის მარკის ავტომობილი მდინარეში გადავარდა.2 ადამიანის ცხედარი მოსახლეობამ გამთენიისას მდინარეში იპოვა. ერთ-ერთი გარდაცვლილი შუა ხნის ქალი ინდირა აგუმავაა, მეორე კი ახალგაზრდა მამაკაცი, რომელიც ავტომობილს მართავდა.შემთხვევის შესახებ ინფორმაცია სოციალური ქსელით გავრცელდა.
1779568260
საბერძნეთში საქართველოს მოქალაქე მკვლელობის ბრალდებით დააკავეს.ინფორმაციას ბერძნული მედია "sigmalive" ავრცელებს. არსებული ინფორმაციით 40 წლის ქართველმა მამაკაცმა ავტომობილში, ცივი იარაღით, ბერძენი ქალი მოკლა და მისი ტანსაცმელი ნაგვის ურნაში გადაყარა.ბერძენმა სამართალდამცველებმა მამაკაცი მკვლელობიდან რამდენიმე საათში დააკავეს.გავრცელებული ინფორმაციით, გამომძიებელმა მკვლელობისთვის გამოყენებული დანა ავტომობილის უკანა სავარძელზე იპოვეს.ქართველი მამაკაცის გარდა კიდევ 4 ადამიანია ეჭვმიტანილი.
1779563319
ავტოსაგზაო შემთხვევა ბათუმში - რა ხდება ცნობილი
ავტოსაგზაო შემთხვევა მოხდა ბათუმში. ფრიდონ ხალვაშის გამზირზე ერთმანეთს რამდენიმე ავტომობილი შეეჯახა.დაშავდა ერთი ადამიანი.იგი სასწრაფო-სამედიცინო დახმარების ჯგუფმა საავადმყოფოში გადაიყვანა.ადგილზე იმყოფებოდა საპატრულო პოლიცია. შინაგან საქმეთა სამინისტროს ინფორმაციით, ფაქტზე გამოძიება 276 მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
1779449341
სოფელ ვაჩნაძიანთან მომხდარი ავტოსაგზაო შემთხვევის შედეგად დაშავებული ერთი ახალგაზრდის მდგომარეობა მძიმეა.გურჯაანის ჯეოჰოსპიტალსის ხელმძღვანელის, გიორგი შათირიშვილის ინფორმაციით, პაციენტს პირველ ეტაპზე სპლენექტომია ჩაუტარდა, აღენიშნება ბარძაყის ძვლის მოტეხილობაც და მას მეორე ოპერაციაც დასჭირდება.გურჯაანის ჯეოჰოსპიტალსის საავადმყოფოში რჩება ავტოსაგზაო შემთხვევის შედეგად დაშავებული ოთხი პაციენტიც.ერთ-ერთ მათგანს მხარის მოტეხილობის გამო, ტრამვატოლოგიური ჩარევა დასჭირდა და ოჯახის წევრები ავადმყოფის თბილისში გადაყვანას გეგმავენ.ექიმის განმარტებით, ორ დაშავებულს მცირე ტრამვები და თავის ტვინის შერყევა აღენიშნება.თელავის რაიონულ საავადმყოფოში მკურნალობს ავარიის შედეგად დაშავებული კიდევ ერთი პირი.კლინიკის დირექტორის, ზურა ჭანკოტაძის თქმით, პაციენტის მდგომარეობა სტაბილურია.მას თავის ტვინის შერყევა და ხერხემლის მალის მოტეხილობა აქვს, რომელიც ოპერაციას არ საჭიროებს. პაციენტს რამდენიმე დღეში სახლში გაწერენ.ავტოსაგზაო შემთხვევა გუშინ გურჯაანის მუნიციპალიტეტის სოფელ ვაჩნაძიანთან მოხდა. სოფელ ახაშენის სკოლის „ბოლო ზარის“ კოლონაში მოძრავი „ოპელის“ მარკის ავტომობილი ტრაილერს შეეჯახა.
1779442381
ავარია თბილისის შემოვლით გზაზე - ვითარება ადგილზე
„პრაიმტაიმის“ ინფორმაციით, თბილისის შემოვლით გზაზე მომხდარი ავარიისას 4 ადამიანი დაშავდა, ისინი კლინიკაში არიან გადაყვანილები.შსს-ში გვითხრეს, რომ მომხდარზე გამოძიება 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.შემთხვევის ამსახველ კადრებს „ჩემი ქალაქი მკლავს“ ავრცელებს.
1779392748
კასპში ავარია მსხვერპლით დასრულდა
კასპის მუნიციპალიტეტის სოფელ ხოვლეში ავარიის შედეგად 50 წლამდე კაცი დაიღუპა. „ქართლის ამბების“ ცნობით, შემთხვევა დღეს საღამოს მოხდა. წინასწარი ინფორმაციით, მძღოლმა საჭე ვერ დაიმორჩილა და ავტომობილი ამობრუნდა.შსს-ს ცნობით, გამოძიება 276-ე მუხლის მე-6 ნაწილით მიმდინარეობს, რაც საგზაო მოძრაობის წესების დარღვევას გულისხმობს, რამაც ადამიანის სიცოცხლის მოსპობა გამოიწვია.
1779376700
ავარია გურჯაანში - არიან დაშავებულები
ავარია გურჯაანის მუნიციპალიტეტის სოფელ ვაჩნაძიანთან. ოპელის მარკის ავტომობილი ტრაილერს შეეჯახა.მანქანაში 5 ადამიანი იმყოფებოდა, ერთი მათ შორის, მეათე კლასის მოსწავლეა. ყველა მათგანი საავადმყოფოშია გადაყვანილი. პირველადი სამედიცინო შეფასებით, მათ სიცოცხლისთვის შეუთავსებელი დაზიანებები არ მიუღიათ.ავტოსაგზაო შემთხვევის გამო წინანდალი-ვაჩნაძიანის მიმართულებით მოძრაობა შეფერხებულია. ადგილზე პოლიცია იმყოფება.თავდაპირველად გავრცელდა ინფორმაცია, რომ ავარიაში ბოლო ზარის კოლონის მანქანა ფიგურირებდა. როგორც „პრაიმტაიმს“ შინაგან საქმეთა სამინისტროში უთხრეს, მსუბუქი ავტომობილი, რომელიც ტრაილერს შეეჯახა, „ბოლო ზარის“ კოლონაში არ იყო.უწყების ცნობითვე, ფაქტზე გამოძიება სსკ-ის 276-ე მუხლით დაიწყო, რაც ტრანსპორტის მოძრაობის ან ექსპლუატაციის წესის დარღვევას გულისხმობს.
