shss

1653209940

კაცი, რომელმაც ცოლი ავტობუსში, შვილების თვალწინ მოკლა, „მომხდარით გაოგნებულია“ - ადვოკატი

საზოგადოებრივ ტრანსპორტში, მცირეწლოვანი შვილების თვალწინ, ცოლის მკვლელობაში ბრალდებული კაცის ადვოკატის, სულხან კომახიძის განმარტებით, შესაძლოა ბრალდებულს ფსიქოლოგიური პრობლემები ჰქონდეს.მისივე თქმით, კაცი ვერ იხსენებს ფაქტებს და სავარაუდოდ, ვერ აცნობიერებს მომხდარს. „პოზიცია ჯერ არ გვაქვს ჩამოყალიბებული, დიდი ალბათობით, ვერ აცნობიერბეს რა მოხდა, გაოგნებულია მომხდარით, ვერ იხსენებს ფაქტებს და რაღაც სხვა პრობლემებთან გვაქვს საქმე“, - განაცხადა ადვოკატმა რუსთავი 2-თან საუბარში.ცნობისთვის, გუშინ თბილისში, გურამიშვილის გამზირის მიმდებარე ტერიტორიაზე, საზოგადოებრივ ტრანსპორტში ქმარმა ცოლი მცირეწლოვანი შვილების თანდასწრებით მოკლა.

სპეციალური პენიტენციური სამსახური

1653163308

პენიტენციური სამსახური მიხეილ სააკაშვილთან და ნიკა გვარამიასთან დაკავშირებით, განცხადებას ავრცელებს

სპეციალური პენიტენციური, სამსახური მიხეილ სააკაშვილისა და ნიკა გვარამიას შესახებ, მედიით გავრცელებულ ინფორმაციებთან დაკავშირებით, განცხადებას ავრცელებს.„19 მაისს მსჯავრდებულ მიხეილ სააკაშვილს გეგმურად დანიშნული მაღალტექნოლოგიური კვლევა უტარდებოდა, რომლის დროსაც იგი პალატაში არ იმყოფებოდა. აღნიშნულის შესახებ ინფორმირებულობის მიუხედავად, ადვოკატი შოთა თუთბერიძე სამედიცინო გამოკვლევების დასრულებას არ დაელოდა, დატოვა კლინიკა და მედიასაშუალებებთან საუბრისას სპეციალური პენიტენციური სამსახური მისი დაცვის ქვეშ მყოფის მიმართ შეზღუდვების დაწესებაში უსაფუძვლოდ დაადანაშაულა.ტყუილია განცხადება, თითქოს მსჯავრდებულ მ.სააკაშვილს, პენიტენციურ სისტემაში ყოფნის პერიოდში, შვილთან, ელის მარია სააკაშვილთან, შეხვედრის შესაძლებლობა არ ეძლეოდა. მსგავსი მოთხოვნით სპეციალური პენიტენციური სამსახურისთვის 2022 წლის 18 მაისამდე არავის მოუმართავს. ვიზიტის მოთხოვნიდან მეორე დღეს, 2022 წლის 19 მაისს, ელის მარია სააკაშვილმა, დედასთან ერთად, სამოქალაქო სექტორის კლინიკაში მოინახულა მიხეილ სააკაშვილი.აქვე, გვსურს, გამოვეხმაუროთ ცალკეული მედიასაშუალების მხრიდან გავრცელებულ ინფორმაციას, თითქოს მსჯავრდებული ნ. გვარამია N12 პენიტენციურ დაწესებულებაში სამარტოო საკანში იმყოფება. ხაზგასმით აღვნიშნავთ, რომ ნ. გვარამია, პენიტენციურ სისტემაში მოხვედრის დღიდან, ინფორმირებულია საკუთარი უფლებების შესახებ. იგი დაწესებულებაში სტანდარტულ საკანში, საკუთარი გადაწყვეტილების საფუძველზე იმყოფება მარტო, რაც დასტურდება შესაბამისი დოკუმენტაციით.სპეციალური პენიტენციური სამსახური კიდევ ერთხელ მოუწოდებს ყველას, საზოგადოების შეცდომაში შეყვანის პრევენციის მიზნით, თავი შეიკავონ გადაუმოწმებელი, ცალმხრივი და არასწორი ინფორმაციის გავრცელებისგან“, - აღნიშნულია განცხადებაში.

shss

1653150000

შსს ცოლის მკვლელობის ბრალდებით დაკავებული მამაკაცის კადრებს ავრცელებს

შინაგან საქმეთა სამინისტროს თბილისის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიული ღონისძიებებისა და საგამოძიებო მოქმედებების შედეგად, ოჯახის წევრის მიმართ დამამძიმებელ გარემოებებში ჩადენილ განზრახ მკვლელობის ბრალდებით 1983 წელს დაბადებული რ.მ. დააკავეს. დანაშაული 13-დან 17 წლამდე ვადით თავისუფლების აღკვეთას ითვალისწინებს. გამოძიებით დადგინდა, რომ ბრალდებულმა, მიმდინარე წლის 21 მაისს, თბილისში, გურამიშვილის გამზირზე, საზოგადოებრივ ტრანსპორტში, ეჭვიანობის ნიადაგზე მეუღლეს - 1991 წელს დაბადებულ ს.კ.-ს, ცივი იარაღით მრავლობითი ჭრილობა მიაყენა, რის შედეგადაც ს.კ. ადგილზე გარდაიცვალა.სამართალდამცველებმა, დანაშაულში ბრალდებული პირი შემთხვევის ადგილზევე დააკავეს. ნივთმტკიცებად ამოღებულია დანაშაულის ჩადენის იარაღი დანა. გამოძიება საქართველოს სისხლის სამართლის კოდექსის 11 პრიმა 109-ე მუხლის მე-2 ნაწილის "ვ" ქვეპუნქტით მიმდინარეობს, რაც ოჯახის წევრის მიმართ დამამძიმებელ გარემოებებში ჩადენილ განზრახ მკვლელობას გულისხმობს.

ავტორიტეტი

1653149824

უკრაინიდან ქართველი კრიმინალური ავტორიტეტი გააძევეს

20 მაისს უკრაინიდან ქართველი კრიმინალური ავტორიტეტი გააძევეს. ინფორმაციას ოდესის რეგიონის ეროვნული პოლიციის მთავარი დირექტორატი ავრცელებს.უწყების ცნობით, საქართველოს მოქალაქე 44 წლის „კანონიერი ქურდია“, რომელიც არაერთხელაა ნასამართლევი და უკრაინაში ქართული და რუსული ე.წ ქურდული სამყაროს ინტერესებს წარმოადგენდა.„44 წლის საქართველოს მოქალაქე, რომელიც არაერთხელ იყო ნასამართლევი, უკრაინაში კრიმინალურ სამყაროში გავლენიანი რუსი და ქართველი „კანონიერი ქურდების“ ინტერესებს წარმოადგენდა “ - წერია განცხადებაში.დაკავებული ქართველი ასევე შეყვანილი იყო უკრაინის ეროვნული უსაფრთხოებისა და თავდაცვის საბჭოს სანქცირებულთა სიაში, როგორც ადამიანი, ვისი ქმედებებიც ეროვნულ უსაფრთხოებას და მოქალაქეებს საფრთხეს უქმნის.მას უკრაინის ტერიტორიაზე შესვლა 3 წლით აეკრძალა.

ილია ჯიშკარიანი

1653072941

სამართალი ურმით დადისო და სამართალმა იზეიმა - ილია ჯიშკარიანი

სამი წელი გავიდა, სამართალი ურმით დადისო და სამართალმა იზეიმა, - ამის შესახებ საკრებულოს ყოფილმა დეპუტატმა ილია ჯიშკარიანმა სასამართლო პროცესის შემდეგ განაცხადა.მისივე თქმით, ოპონენტები მის პოლიტიკურ დისკრედიტაციას შეეცადნენ, რასაც ნაწილობრივ მიაღწიეს.„მოუთმენლად ველოდი გამართლებას იმიტომ, რომ ჩვენ ფაქტებით ვისაუბრეთ, ფაქტებით ვიშრომეთ ამდენი ხნის განმავლობაში, სამი წელი გავიდა, სამართალი ურმით დადისო და სამართალმა იზეიმა. პოლიტიკური დისკრედიტაციას, რომელსაც შეეცადნენ ალბათ პოლიტიკური ოპონენტები, რომლებიც ერთი ქოლგის ქვეშ იყვნენ გაერთიანებულები, ნაწილობრივ მიაღწიეს, მაგრამ საბოლოო ჯამში ყველაზე მეტად გულდაწყვეტილი იმაზე ვარ, რომ ჩვენმა ოჯახმა ძალიან დიდი ნერვიულობა გადაიტანა, მამაჩემმა თვალის ჩინი დაკარგა“, - განაცხადა ილია ჯიშკარიანმა.

ყვითელი ლენტი

1653050740

ბორჯომში ბოლო ზარი მსხვერპლით დასრულდა

ბორჯომთან ახლოს, მწვანე მონასტრის ტერიტორიასთან, ავტომობილი, რომელშიც მოსწავლეები ისხდნენ, მდინარეში გადავარდა. არის მსხვერპლი. ისინი დღეს „ბოლო ზარს" აღნიშნავდნენ.მანქანაში 4 მოსწავლე იმყოფებოდა, ერთი მათგანი ადგილზე გარდაიცვალა. დანარჩენი 3 კი, ბორჯომის „ჯეო ჰოსპიტალის" კლინიკაში გადაჰყავთ.როგორც კლინიკის ხელმძღვანელმა „კურიერს" განუცხადა, ერთ-ერთი მოსწავლე გოგონა მათთან მრავლობითი დაზიანებებით შეიყვანეს.  მის სიცოცხლეს საფრთხე არ ემუქრება.

საქართველოს მესამე პრეზიდენტი

1653050186

7 ნოემბრის საქმეზე მიხეილ სააკაშვილის სასამართლო პროცესი გადაიდო

ექსპრეზიდენტ მიხეილ სააკაშვილის სასამართლო პროცესი, რომელიც 7 ნოემბრის ეპიზოდს უკავშირდება, გადაიდო. სხდომა თბილისის საქალაქო სასამართლოში 20 ივნისს, 13:00 საათზე ჩაინიშნა.დღეს პროცესზე წარმოდგენილი იყო სამედიცინო ცენტრ “ვივამედიდან” ცნობა, რომლის მიხედვითაც, ჯანმრთელობის მდგომარეობის გათვალისწინებით, სააკაშვილი სასამართლო სხდომაზე ვერ გამოცხადდებოდა.სასამართლო პროცესზე წარმოდგენილი იყო სპეციალური პენიტენციური სამსახურის მიერ შედგენილი ოქმიც, რომელშიც მიხეილ სააკაშვილი აცხადებდა, რომ მისი დასწრების გარეშე სხდომა არ ჩატარებულიყო.მას დისტანციურად ჩართვაც შესთავაზეს, თუმცა მიხეილ სააკაშვილმა ამაზეც უარი თქვა.დღესვე, პროცესზე ბრალდებულების, ზურაბ ადეიშვილის და დავით კეზერაშვილის მიმართ დაუსწრებლად შეფარდებული აღკვეთის ღონისძიებაც გადაისინჯა და ძალაში დარჩა.

პოლიცია

1653033564

პოლიციამ თბილისსა და რეგიონებში უკანონო იარაღები და საბრძოლო მასალა ამოიღო - დაკავებულია 6 პირი

შინაგან საქმეთა სამინისტროს თანამშრომლებმა, სხვადასხვა დროს ჩატარებული ოპერატიული და საგამოძიებო მოქმედებების შედეგად, თბილისში, კახეთში, სამეგრელოსა და იმერეთში უკანონო ცეცხლსასროლი იარაღები და საბრძოლო მასალა ამოიღეს, დაკავებულია 6 პირი, - ამის შესახებ ინფორმაციას შინაგან საქმეთა სამინისტრო ავრცელებს. უწყების ცნობით, დანაშაული 3-დან 7 წლამდე ვადით თავისუფლების აღკვეთას ითვალისწინებს.„თბილისის პოლიციის დეპარტამენტის ვაკე-საბურთალოს მთავარი სამმართველოს თანამშრომლებმა თანამშრომლებმა, ცეცხლსასროლი იარაღის უკანონო შეძენა-შენახვის ბრალდებით, 1985 წელს დაბადებული, წარსულში ნასამართლევი გ.შ. თბილისში დააკავეს.სამართალდამცველებმა დაკავებულის ბინებში მოსამართლის განჩინების საფუძველზე ჩატარებული ჩხრეკისას სხვადასხვა ტიპის 2 ცეცხლსასროლი იარაღი და 15 ვაზნა ნივთმტკიცებად ამოიღეს.აჭარის პოლიციის დეპარტამენტის თანამშრომლებმა, 1989 წელს დაბადებული კ.ა. ცეცხლსასროლი იარაღისა და საბრძოლო მასალის უკანონო შეძენა-შენახვა-ტარების ბრალდებით, ბათუმში დააკავეს. სამართალდამცველებმა ბრალდებულის პირადი ჩხრეკის შედეგად, ნივთმტკიცების სახით ცეცხლსასროლი პისტოლეტი და 5 ვაზნაამოიღეს.კახეთის პოლიციის დეპარტამენტის თელავის რაიონული სამმართველოს თანამშრომლებმა 1992 წელს დაბადებული, წარსულში ნასამართლევი გ.ტ., ცეცხლსასროლი იარაღის და საბრძოლო მასალის უკანონო შეძენა-შენახვა-ტარებისბრალდებით, თელავის მუნიციპალიტეტში დააკავეს. პოლიციამ ბრალდებულის პირადი ჩხრეკისას 3 ცეცხლსასროლი იარაღი და 23 ვაზნა ამოიღო.სამეგრელო-ზემო სვანეთის პოლიციის დეპარტამენტის უბნის ინსპექტორების და ზუგდიდის რაიონული სამმართველოების თანამშრომლებმა, სხვადასხვა დროს, ორი პირი - 1972 წელს დაბადებული თ.კ. და 1989 წელს დაბადებული გ.დ. დააკავეს. მათ ბრალი ცეცხლსასროლი იარაღის და საბრძოლო მასალის უკანონოშეძენა-შენახვაში ედებათ.სამართალდამცველებმა მესტიის მუნიციპალიტეტის ერთ-ერთ სოფელში, თ.კ.-ის საცხოვრებელი სახლის ჩხრეკისას, ავტომატური ცეცხლსასროლი იარაღი, მჭიდი და 30 ვაზნა, ხოლო ქალაქ ზუგდიდში, გ.დ.-ის საცხოვრებელი სახლის ჩხრეკის შედეგად, ავტომატური ცეცხლსასროლი იარაღი, 2 მჭიდი და 75 ვაზნა ნივთმტკიცებად ამოიღეს.იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის ხონის რაიონული სამმართველოს თანამშრომლებმა 1979 წელს დაბადებული ზ.ჩ. ხონში იმავე ბრალდებით დააკავეს. პოლიციამ, ბრალდებულის საცხოვრებელი სახლის და დამხმარე სათავსოს ჩხრეკის შედეგად, ნივთმტკიცებად ამოიღო: მაკაროვის სისტემის ცეცხლსასროლი პისტოლეტი, 2 მჭიდი და 99 საბრძოლო ვაზნა.დანაშაულები 3-დან 7 წლამდე ვადით თავისუფლების აღკვეთას ითვალისწინებს. ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის და ტარების ფაქტებზე გამოძიება საქართველოს სისხლის სამართლის კოდექსის 236-ე მუხლის მე-3 და მე-4 ნაწილებით მიმდინარეობს“, - ნათქვამია ინფორმაციაში.

ადიგენის სკოლა

1652986436

ვინ არის ბუღალტერი, რომელმაც სკოლის კუთვნილი ბიუჯეტი მიითვისა და თანხები ონლაინტოტალიზატორში გადარიცხა

ბუღალტერმა, 3 წლის განმავლობაში სკოლის კუთვნილი 142 ათასი ლარი მიითვისა. 28 წლის ნინო ჯანგველაძე, ადიგენის რაიონის სოფელ დერცელის სკოლის ბუღალტრად 2016 წელს მივიდა, სამ წელში კი მოსწავლეებისთვის განკუთვნილი თანხის მოპარვა დაიწყო.სხვადასხვა ოდენობის თანხას, ჯანგველაძე სკოლის ბიუჯეტიდან ჯერ საკუთარ ანგარიშზე რიცხავდა, შემდეგ კი აზარტული თამაშებისთვის და გართობისთვის იყენებდა.დიდი ოდენობით ფულის გაქრობა, დერცელის სკოლის დირექტორმა 3 წლის შემდეგ შეამჩნია და მონაცემები ბანკში გადაამოწმა. აღმოჩნდა, რომ ამ პერიოდის განმავლობაში, სკოლის ბიუჯეტიდან თანხა არაერთხელ გამქრალა.სავარაუდო, დამნაშავე უკვე დაკავებულია და წინასწარი პატიმრობაც მისჯილი აქვს, ბრალის დამტკიცების შემთხვევაში კი 11 წლამდე პატიმრობა ემუქრება.

პოლიცია

1652981622

ქურდების ზეწოლით, საკუთარი ხელით მოჭრილი და შეჭმული ყური - „კურიერმა“ მძიმე დანაშაულის მონაწილის ვინაობა დაადგინა

დღეს, შინაგან საქმეთა სამინისტრომ, სკანდალური ჩანაწერი გაავრცელა. კრიმინალური ავტორიტეტების და საზღვარგარეთ მყოფი კანონიერი ქურდების ზეწოლით, მოქალაქე იძულებული გახდა ყური საკუთარი ხელით მოეჭრა და შეეჭამა. "კურიერმა" გაარკვია, რომ მძიმე დანაშაულში უშუალოდ ფიგურირებს ე.წ. კანონიერი ქურდი თემურ გვასალია, იგივე თემო სოხუმსკი და კრიმინალური ავტორიტეტი მანუჩარ გერენავა.დღეს, "რუსთავი 2" სენაკში, კრიმინალური ავტორიტეტის საცხოვრებელ მისამართზე იმყოფებოდა, სადაც გაირკვა, რომ მანუჩარ გერენავა საზღვარგარეთაა და მძიმე დანაშაულში ბრალი დაუსწრებლად წარედგინამ, ასევე დაუსწრებლად გაასამართლებენ კანონიერ ქურდ თემურ გვასალიასაც.შინაგან საქმეთა სამინისტროს მიერ გავრცელებული ჩანაწერები მოქალაქეებისგან ათი ათასობით ლარის გამოძალვის სხვა ეპიზოდებსაც ასახავს. ხელბორკილები დაადეს მათაც, ვინც ფინანსური დავის გადაწყვეტის მიზნით საქმეში შავი სამყარო ჩართო. დაკავებულთა შორის ორი ქალია.გამოძიების მიერ გავრცელებულ ფარულ აუდიო და ვიდეო ჩანაწერებში ასახულია, თუ როგორ არჩევენ საქმეს უცხოეთში მყოფი კანონიერი ქურდები, მათ შორის აკაკი ტუღუში, იგივე ენცო და თენგიზ ხოფერია, მეტსახელად ჭინკა.შინაგან საქმეთა სამინისტროს და პროკურატურის მიერ ჩატარებული ერთობლივი სპეციალური ოპერაციის შედეგად თბილისში, აჭარაში, იმერეთსა და სამეგრელოში საერთო ჯამში 9 პირი დააკავეს, 7-ს კი ბრალი დაუსწრებლად წარედგინა.ქურდული სამყაროს წევრობა, კანონიერი ქურდისთვის მიმართვა და არაადამიანური მოპყრობა - ამ დანაშაულებებში ბრალდებულებს 3-დან 15 წლამდე პატიმრობა ემუქრებათ. სასამართლო აღკვეთი ღონისძიების საკითხს, სავარაუდოდ ხვალ განიხილავს.

პოლიცია

1652976408

სკოლის ბუღალტერს, რომელიც ფულს აზარტული თამაშების ანგარიშებზე რიცხავდა, წინასწარი პატიმრობა უკვე შეუფარდეს

სკოლის ბუღალტერს, რომელიც ფულს აზარტული თამაშების ანგარიშებზე რიცხავდა, წინასწარი პატიმრობა უკვე შეუფარდეს . იგი პოლიციამ 140 ათასზე მეტი ლარის მითვისების გამო დააკავ.გამოძიების ინფორმაციით, ადიგენის სოფელ დერცელის სკოლის ყოფილი თანამშრომელი, სასწავლებლის ბიუჯეტიდან თანხებს საკუთარ ანგარიშზე რიცხავდა, ამის შემდეგ კი ფულს ძირითადად თამაშისთვის იყენებდა.სკოლის დირექტორი სწორედ ის პირია, რომელმაც გაარკვია, რომ სკოლის ანგარიშიდან გარკვეული თანხები იკარგებოდა.დირექტორმა დაკარგული თანხების შესახებ ინფორმაცია რესურს ცენტრს და განათლების სამინისტროს მიაწოდა, ცია რის შემდეგაც სკოლის ბუღალტერზე მიიტანეს ეჭვი.სკოლის დირექტორი და მასწავლებლები აცხადებენ, რომ ბუღალტერს აზარტული თამაშების ანგარიშზე როგორც თითო ლარი, ასევე ათასობით ლარიც ჰქონდა გადარიცხული.გამოძიება ამ დრომდე მიმდინარეობს და არ არის გამორიცხული, დამნაშავეთა წრე გაფართოვდეს. 

მთავარი არხის დირექტორი

1652976397

ნიკა გვარამია პენიტენციურ დაწესებულებაში კობა ნაყოფიამ მოინახულა

ნიკა გვარამია უკვე მეოთხე დღეა რუსთავის მეთორმეტე პენიტენციურდაწესებულებაში იმყოფება. დღეს, ტელეკომპანია "მთავარის" დამფუძნებელი კობა ნაყოფიამ მოინახულა. ნაყოფიას თქმით, პატიმარს ამ დრომდე არ აქვს ტელევიზორი."ორი პრიორიტეტული საკითხი, რომელიც თავად გამოყო. ესაა მიხეილ სააკაშვილის ჯანმრთელობის მდგომარეობა და მეორე, რაც მისთვის ძალიან მნიშვნელოვანია, ესაა, რა თქმა უნდა, "მთავარი არხი. ჯანმრთელობის თვალსაზრისით კარგად არის. ტელევიზორი არ არის შეტანილი. დღეს უბედნიერესი იყო, რომ შემოუტანეს ბალიში. ალბათ მისი შემდეგი შენაძენი იქნება ტელევიზორი", - განაცხადა კობა ნაყოფიამ.