1778859710

მომსახურების სააგენტოს დირექტორმა პრაქტიკული გამოცდის მეორე ეტაპის სამსახურის თანამშრომლებთან სამუშაო შეხვედრა გამართა

შინაგან საქმეთა სამინისტროს მომსახურების სააგენტოს დირექტორმა შალვა კბილაშვილმა, სააგენტოს სტრუქტურული ერთეულების პრაქტიკული გამოცდის მეორე ეტაპის სამსახურის თანამშრომლებთან და მათ ხელმძღვანელებთან სამუშაო შეხვედრა გამართა.შალვა კბილაშვილმა საგამოცდო პროცესის კუთხით არსებული გამოწვევების შესახებ ისაუბრა და ხაზგასმით აღნიშნა, რომ პრაქტიკული გამოცდის მეორე ეტაპის უმაღლესი სტანდარტით ჩატარება და საგამოცდო ადგილების გაზრდა, სააგენტოსთვის უმნიშვნელოვანეს პრიორიტეტს წარმოადგენს.სამუშაო შეხვედრის მიმდინარეობისას, მონაწილეებმა, საგამოცდო პროცესის ეფექტიანობის გაზრდაზე იმსჯელეს და ამ მიმართულებით კონკრეტული სამოქმედო გეგმა დასახეს.ინფორმაციას შინაგან საქმეთა სამინისტრო ავრცელებს.

1778849640

სახელმწიფო გადატრიალების მცდელობის საქმეზე დაკავებული 15 პირის პროცესი გაიმართა - მხარეებმა მტკიცებულებების გამოკვლევა დაასრულეს

თბილისის საქალაქო სასამართლოში, სახელმწიფო გადატრიალების მცდელობის საქმეზე დაკავებული 15 პირის პროცესი გაიმართა. მხარეებმა მტკიცებულებების გამოკვლევა დაასრულეს.დღევანდელ სხდომაზე პროკურატურამ დასკვნითი სიტყვა წარმოთქვა. დაკავებულებს ბრალად ჯგუფურად ედებათ სტრატეგიული და განსაკუთრებული მნიშვნელობის ობიექტების ხელში ჩაგდების და ბლოკირების მცდელობა."ვიდეოჩანაწერებში კარგად ჩანს ყველა ბრალდებულის მიერ განხორციელებული ქმედებები - ის, თუ როგორ მონაწილეობდნენ ჯგუფურ ძალადობრივ ქმედებებში. ასევე, როგორ ცდილობდნენ პრეზიდენტის სასახლის ხელში ჩაგდებას. ამასთან, ვისაუბრეთ იმ მოწმეებზე, რომლებიც მისცეს ჩვენება სასამართლოში და თუ რა ზიანი მიადგათ მათ. ასევე ვისაუბრეთ ექსპერტებზე, რომლებმაც ისაუბრეს იმ ექსპერტიზებზე, რომლებიც მათ გასცეს - ანუ დაადგინეს, რომ ვიდეოჩანაწერზე არსებული პიროვნებები იყვნენ ნამდვილად ბრალდებულები. ამ ყველაფრის შეჯამების საფუძველზე, სასამართლოსგან მოვითხოვეთ, რომ გამამტყუნებელი განაჩენი ყოფილიყო გამოტანილიყო ყველა ბრალდებულთან მიმართებით," - განაცხადა საქმის პროკურორმა, როინ ხინთიბიძემ.

1778849530

პროკურატურამ განსაკუთრებით დიდი ოდენობით ფსიქოტროპული ნივთიერების უკანონო შეძენის, შენახვის და საქართველოში უკანონოდ შემოტანის ფაქტზე უცხო ქვეყნის მოქალაქეს ბრალდება წარუდგინა

საქართველოს პროკურატურამ განსაკუთრებით დიდი ოდენობით ფსიქოტროპული ნივთიერების უკანონო შეძენის, შენახვის და საქართველოში უკანონოდ შემოტანის ფაქტზე უცხო ქვეყნის მოქალაქეს ბრალდება წარუდგინა."შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებულმა საზღვარგარეთ ყოფნისას უკანონოდ შეიძინა და ინახავდა განსაკუთრებით დიდი ოდენობით ფსიქოტროპულ ნივთიერება "პრეგაბალინს", რაც საბაჟო გამშვები პუნქტი "ბათუმის აეროპორტის" გამოვლით, თურქეთის რესპუბლიკიდან საქართველოში უკანონოდ შემოიტანა. სამართალდამცველებმა საგამოძიებო მოქმედების შედეგად 30,989 გრამის ოდენობის, 155 აბი "პრეგაბალინი" ამოიღეს", - აღნიშნულია პროკურატურის განცხადებაში.დაკავებულს ბრალდება საქართველოს სისხლის სამართლის კოდექსის 261-ე მუხლის მესამე ნაწილის "ა" ქვეპუნქტით (განსაკუთრებით დიდი ოდენობით ფსიქოტროპული ნივთიერების შეძენა, შენახვა) და 263-ე მუხლის მესამე ნაწილის "ა" ქვეპუნქტით (განსაკუთრებით დიდი ოდენობით ფსიქოტროპული ნივთიერების საქართველოში უკანონოდ შემოტანა) წარედგინა, რაც სასჯელის სახედ და ზომად 12 წლამდე თავისუფლების აღკვეთას ითვალისწინებს.პროკურატურის შუამდგომლობის საფუძველზე სასამართლომ ბრალდებულს აღკვეთის ღონისძიების სახით პატიმრობა უკვე შეუფარდა.

1778848663

მებაჟე ოფიცრებმა სგპ ყაზბეგში არადეკლარირებული სიგარეტისა და თანხის შემოტანის ფაქტები აღკვეთეს

საბაჟო გამშვებ პუნქტში - ,,ყაზბეგი“ კანონდარღვევის 2 ფაქტი აღიკვეთა. ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, საქართველოს მოქალაქეების მართვის ქვეშ არსებული ავტოსატრანსპორტო საშუალებების დეტალური დათვალიერების შედეგად, მალულად განთავსებული არადეკლარირებული საქონელი, კერძოდ - საერთო ჯამში 620 კოლოფი სიგარეტი და 6 მილიონი რუსული რუბლი აღმოაჩინეს.არადეკლარირებული თანხის საერთო რაოდენობამ ეროვნული ბანკის გაცვლითი კურსის მიხედვით - 215 910 ლარი შეადგინა.საქართველოს საბაჟო კოდექსის შესაბამისად, კანონდამრღვევ ერთ მოქალაქეს სანქციის სახით, ჩამოერთვა არადეკლარირებული საქონელი, ხოლო ერთი მოქალაქის მიმართ საქმის მასალები შემდგომი რეაგირების მიზნით, საქართველოს ფინანსთა სამინისტროს საგამოძიებო სამსახურს გადაეგზავნა.ინფორმაციას შემოსავლების სამსახური ავრცელებს.

1778848525

პროკურატურამ ნარკოტიკული საშუალების უკანონო შეძენა, შენახვის და რეალიზაციის ხელშეწყობის, ასევე ცეცხლსასროლი იარაღის და საბრძოლო მასალის უკანონო შეძენა, შენახვის ფაქტებზე სამ პირს ბრალდება წარუდგინა

საქართველოს პროკურატურამ ნარკოტიკული საშუალების უკანონო შეძენა, შენახვის და რეალიზაციის ხელშეწყობის, ასევე ცეცხლსასროლი იარაღის და საბრძოლო მასალის უკანონო შეძენა, შენახვის ფაქტებზე სამ პირს, მათ შორის უცხო ქვეყნის მოქალაქეს ბრალდება წარუდგინა.პროკურატურის ინფორმაციით, შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებულებმა უკანონოდ შეიძინეს და შეინახეს განსაკუთრებით დიდი ოდენობით 18,09 გრ. და 29.42 გრ. ნარკოტიკული საშუალება „მეთადონი (ფუძე)“, ასევე 47,79 გრ. უწყების ცნობით, გამომშრალი „მარიხუანა“, სამართალდამცველებმა აღნიშნული ნარკოტიკული საშუალებები, მათ შორის სარეალიზაციოდ დაფასოებული ბრალდებულების პირადი და საცხოვრებელი სახლის ჩხრეკის შედეგად ამოიღეს. ასევე ერთ-ერთი ბრალდებულის საცხოვრებელი სახლიდან ამოღებულია კუსტარულად დამზადებული ცეცხლსასროლ იარაღი.„დაკავებულებს ბრალდება 260-ე მუხლის პირველი ნაწილით, მე-2 ნაწილის „დ“ და მე-3 ნაწილის „ა“ ქვეპუნქტით (ნარკოტიკული საშუალების უკანონო შეძენა, შენახვა, განსაკუთრებით დიდი ოდენობით, არაერთგზის,), 260-ე კვარტა მუხლის პირველი ნაწილით და მე-6 ნაწილით „ა“ ქვეპუნქტით (ნარკოტიკული საშუალების უკანონო რეალიზაციის ხელშეწყობა, განსაკუთრებით დიდი ოდენობით) და 236-ე მუხლის მესამე ნაწილით (ცეცხლსასროლი იარაღის და საბრძოლო მასალის უკანონო შეძენა, შენახვა) წარედგინათ, რაც სასჯელის სახედ და ზომად 10 წლამდე და 20 წლამდე ან უვადო თავისუფლების აღკვეთას ითვალისწინებს.პროკურატურის შუამდგომლობის საფუძველზე ბრალდებულებს სასამართლომ აღკვეთის ღონისძიების სახით პატიმრობა შეუფარდა“, - ნათქვამია ინფორმაციაში.

1778847125

სპეციალური პენიტენციური სამსახური საქართველოში მსჯავრდებულთა რაოდენობის შესახებ გავრცელებულ ინფორმაციასთან დაკავშირებით განცხადებას ავრცელებს

სპეციალური პენიტენციური სამსახური საქართველოში მსჯავრდებულთა რაოდენობის შესახებ გავრცელებულ ინფორმაციასთან დაკავშირებით განცხადებას ავრცელებს.პენიტენციურ სამსახურში განმარტავენ, რომ საქსტატის მიერ გამოქვეყნებული მონაცემები მოიცავს ქვეყნის მასშტაბით ყველა მსჯავრდებულ პირს, როგორც თავისუფლების აღკვეთით მსჯავრდებულს, ისე არასაპატიმრო სასჯელმისჯილ პირებს.„სპეციალური პენიტენციური სამსახური ეხმაურება გავრცელებულ ინფორმაციას საქართველოში მსჯავრდებულთა რაოდენობის შესახებ, თითქოს, 2025 წელს მსჯავრდებულთა საერთო რაოდენობამ 22 767 შეადგინა. საზოგადოების სწორი ინფორმირების მიზნით განვმარტავთ, რომ საქართველოს სტატისტიკის ეროვნული სამსახურის (საქსტატი) მიერ გამოქვეყნებული მონაცემები მოიცავს ქვეყნის მასშტაბით ყველა მსჯავრდებულ პირს, როგორც თავისუფლების აღკვეთით მსჯავრდებულს, რომლებიც სასჯელს პენიტენციურ დაწესებულებებში იხდიან, ისე არასაპატიმრო სასჯელმისჯილ პირებს, რომლებიც სასჯელს პენიტენციურ დაწესებულებაში არ იხდიან (პირობითი მსჯავრი, შინაპატიმრობა, ჯარიმა და სხვა).საქართველოს სისხლის სამართლის კოდექსი ითვალისწინებს როგორც საპატიმრო, ისე არასაპატიმრო სახის სასჯელებს. თავისუფლების აღკვეთა წარმოადგენს საპატიმრო სასჯელის ფორმას და სპეციალური პენიტენციური სამსახურის დაწესებულებებში სასჯელს იხდიან მხოლოდ თავისუფლების აღკვეთით მსჯავრდებული პირები. 2025 წლის 31 დეკემბრის მდგომარეობით, პენიტენციურ სისტემაში სასჯელს იხდიდა 8 702 მსჯავრდებული“, – ნათქვამია სპეციალური პენიტენციური სამსახურის განცხადებაში.ამასთან, სპეციალური პენიტენციური სამსახური მოუწოდებს ყველა დაინტერესებულ პირს, სტატისტიკური მონაცემების გამოქვეყნებისას გადაამოწმონ, რას მოიცავს კონკრეტული მონაცემები და როგორია მისი შინაარსობრივი განმარტება.„მონაცემების არასწორი ინტერპრეტაცია ხელს უწყობს საზოგადოების შეცდომაში შეყვანას და მცდარ წარმოდგენებს ქმნის არსებული რეალობის შესახებ“, – ნათქვამია სპეციალური პენიტენციური სამსახურის განცხადებაში.

1778845385

სასამართლოში იკითხებიან ის ადამიანები, რომლებიც დაადასტურებენ გრიგოლ ლილუაშვილის ბრალეულობას - პროკურორი

თბილისის საქალაქო სასამართლოში, სახელმწიფო უსაფრთხოების სამსახურის ყოფილი ხელმძღვანელის, გრიგოლ ლილუაშვილის პროცესი გაიმართა. პროცესს თავად ბრალდებულიც ესწრებოდა. დღევანდელ სხდომაზე ბრალდების მხარის მტკიცებულებები გამოიკვლიეს."იკითხებიან სასამართლოში ის ადამიანები, რომლებიც დაადასტურებენ გრიგოლ ლილუაშვილის ბრალეულობას. თუმცა, რა თქმა უნდა, აქ არ არის ისეთი მოცემულობა, რომ ყველა ბრალად წარდგენილ ქმედებასთან მიმართებით გვყავს ადამიანი, რომელიც თავიდან ბოლომდე ყველა დეტალზე ისაუბრებს. ლოგიკურია ასეთი რამ ბუნებაში ვერ იარსებებს. ყველა მოწმეს საკუთარი ცოდნის ფარგლებში აქვს ინფორმაცია. ეს ყველაფერი შემდგომ უნდა შევაჯეროთ, გავაანალიზოთ და ამის საფუძველზე უნდა მიიღოს შემდგომ სასამართლომ გადაწყვეტილება," - განაცხადა პროკურორმა, მარიამ ბერძენიშვილმა.ლილუაშვილს ბრალად ედება წინასწარი შეთანხმებით, ჯგუფის მიერ განსაკუთრებით დიდი ოდენობით ქრთამის აღება, რაც 11-დან 15-წლამდე თავისუფლების აღკვეთას ითვალისწინებს.

1778842615

დაზარალებული დაარწმუნა, რომ გრანტის სახით 5 მილიონი დოლარის მიღებაში დაეხმარებოდა, სანაცვლოდ დაზარალებულს 100 000 დოლარი უნდა გადაეხადა და არარსებული ვალი ეღიარებინა - დაკავებულია 1 პირი

დიდი ოდენობით თანხის და ქონებრივი უფლების მოტყუებით დაუფლების ფაქტზე მოსამართლის განჩინების საფუძველზე ერთი პირი დააკავეს, - შსს ინფორმაციას ავრცელებს.  "შინაგან საქმეთა სამინისტროს აჭარის პოლიციის დეპარტამენტის თანამშრომლებმა, კომპლექსურად ჩატარებული საგამოძიებო მოქმედებების შედეგად, დიდი ოდენობით თანხის და ქონებრივი უფლების მოტყუებით დაუფლების ფაქტზე მოსამართლის განჩინების საფუძველზე ერთი პირი დააკავეს. გამოძიებით დადგინდა, რომ ბრალდებულმა დაზარალებული დაარწმუნა, რომ გრანტის სახით 5 000 000 აშშ დოლარის მიღებაში დაეხმარებოდა, რის სანაცვლოდაც დაზარალებულს მისთვის 100 000 აშშ დოლარი უნდა გადაეხადა და არარსებული ვალი - 50 000 აშშ დოლარის ოდენობით უნდა ეღიარებინა. გამოძიება საქართველოს სისხლის სამართლის კოდექსის 180-ე მუხლის მე-3 ნაწილის „ბ“ ქვეპუნქტით მიმდინარეობს, რაც 9 წლამდე ვადით თავისუფლების აღკვეთას ითვალისწინებს,"- ნათქვამია განცხადებაში. 

1778842543

40 845 ლარი მოტყუებით მიისაკუთრა და პირადი მიზნებისთვის გამოიყენა - დაკავებულს ბრალდება წარუდგინეს

თბილისის პროკურატურის თაღლითობის სისხლის სამართლის საქმეებზე საპროცესო ხელმძღვანელობის სამმართველომ, დიდი ოდენობით თანხის თაღლითურად დაუფლების ფაქტზე დაკავებულს ბრალდება წარუდგინა."შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებულმა დაარწმუნა დაზარალებული, თითქოსდა ერთობლივი ბიზნესსაქმიანობის მიზნით, მისთვის გადაეცა დიდი ოდენობის თანხა, სანაცვლოდ კი მოგების პროცენტს და ძირითადი თანხის დაბრუნებას დაჰპირდა. აღნიშნული მოტივით, ბრალდებულმა დაზარალებულს 40 845 ლარი გამოართვა, რაც მოტყუებით მიისაკუთრა და პირადი მიზნებისთვის გამოიყენა," - ნათქვამია პროკურატურის მიერ გავრცელებულ განცხადებაში. 

1778840983

დიდი ოდენობით თანხის თაღლითურად დაუფლების ბრალდებით, ერთი პირი დააკავეს

შინაგან საქმეთა სამინისტროს თბილისის პოლიციის დეპარტამენტის საგამოძიებო მთავარი სამმართველოს თაღლითობის წინააღმდეგ ბრძოლის სამმართველოს თანამშრომლებმა, მოსამართლის განჩინების საფუძველზე, დიდი ოდენობით თანხის თაღლითურად დაუფლების ბრალდებით, ერთი პირი დააკავეს."გამოძიებით დადგინდა, რომ ბრალდებულმა დაზარალებულს, თითქოსდა ერთობლივი ბიზნესსაქმიანობის მიზნით, 40 845 ლარი გამოართვა, რაც მოტყუებით მიისაკუთრა და პირადი მიზნებისთვის გამოიყენა.სამართალდამცველებმა ჩატარებული ოპერატიული ღონისძიებების შედეგად, დამნაშავე პირი ბრალდებულის სახით დააკავეს", - აღნიშნულია შსს-ს განცხადებაში.გამოძიება სისხლის სამართლის კოდექსის 180-ე მუხლის მე-3 ნაწილის „ბ“ ქვეპუნქტით მიმდინარეობს, რაც 9 წლამდე თავისუფლების აღკვეთას ითვალისწინებს. 

1778839053

საქართველოსა და ესპანეთის სამეფოს სამართალდამცავი უწყებების თანამშრომლებმა ჩატარებული საერთაშორისო სპეცოპერაციის „CACHABA“-ს ფარგლებში 13 პირი დააკავეს

საქართველოსა და ესპანეთის სამეფოს სამართალდამცავი უწყებების თანამშრომლებმა, ესპანეთში ჩატარებული საერთაშორისო სპეცოპერაციის „CACHABA“-ს ფარგლებში 13 პირი დააკავეს. ინფორმაციას შინაგან საქმეთა სამინისტრო ავრცელებს.უწყების ცნობით, საპოლიციო ღონისძიება საქართველოს პოლიციის ატაშესთან აქტიური თანამშრომლობით განხორციელდა და მას წინ უძღოდა ორი ქვეყნის სამართალდამცავ უწყებებს შორის ერთწლიანი ინტენსიური კოორდინაცია. გამოძიების ფარგლებში დადგინდა, რომ კრიმინალური დაჯგუფების წევრები ესპანეთის სხვადასხვა რეგიონში ჩადენილ 27 ბინის ქურდობაში მონაწილეობდნენ. ირკვევა, რომ დაჯგუფება ორი სხვადასხვა შტოსგან შედგებოდა - ქართული წარმოშობის წევრებისგან, რომლებიც უშუალოდ ბინის ქურდობებს ახორციელებდნენ და ესპანური შტოსგან, რომელებიც მოპარული ნივთების რეალიზაციას სხვადასხვა ქალაქში ახდენდნენ.ორი ქვეყნის სამართალდამცველებმა, სპეცოპერაცია ერთდროულად მადრიდში, ვალენსიაში, გუადალახარასა და ალიკანტეში, ჯამში 9 სხვადასხვა ლოკაციაზე ჩაატარეს. გამოძიება ესპანეთის სისხლის სამართლის კოდექსის 510-ე, 301-ე და 570-ე მუხლებით მიმდინარეობს. დანაშაული 8 წლამდე ვადით თავისუფლების აღკვეთას ითვალისწინებს.

1778833182

თბილისის საქალაქო სასამართლოში გრიგოლ ლილუაშვილის პროცესი მიმდინარეობს

თბილისის საქალაქო სასამართლოში, სახელმწიფო უსაფრთხოების სამსახურის ყოფილი ხელმძღვანელის, გრიგოლ ლილუაშვილის პროცესი მიმდინარეობს. პროცესს თავად გრიგოლ ლილუაშვილი ესწრება.დღეს ბრალდების მხარის მტკიცებულებებს გამოიკვლევენ. საკითხთან დაკავშირებით მედიასთან კომენტარი საქმის პროკურორმა, მარიამ ბერძენიშვილმა გააკეთა."იკითხებიან სასამართლოში ის ადამიანები, რომლებიც დაადასტურებენ, მათ შორის, გრიგოლ ლილუაშვილის ბრალეულობას. რა თქმა უნდა, აქ არ არის ასეთი მოცემულობა, რომ ყველა ბრალად წარდგენილ ქმედებასთან მიმართებით გვყავს ადამიანი, რომელიც თავიდან ბოლომდე ყველა დეტალზე საუბრობს - ლოგიკურია, ასეთი რამ ბუნებაში ვერ იარსებებს. ზოგადად, ჩვენი პროფესიის და საქმის სირთულეც ის არის, რომ ყველა მოწმეს თავის ფარგლებში აქვს ინფორმაცია. ეს ყველაფერი შემდგომ უნდა შევაჯეროთ, გავაანალიზოთ და ზუსტად ამის საფუძველზე უნდა მიიღოს სასამართლომ გადაწყვეტილება," - აცხადებს საქმის პროკურორიშეგახსენებთ, რომ სახელმწიფო უსაფრთხოების სამსახურის ყოფილი ხელმძღვანელს, გრიგოლ ლილუაშვილს ბრალად ედება წინასწარი შეთანხმებით, ჯგუფის მიერ განსაკუთრებით დიდი ოდენობით ქრთამის აღება, რაც 11-დან 15-წლამდე თავისუფლების აღკვეთას ითვალისწინებს.