1722005259

პროკურატურამ ტელეკომპანია „მთავარი არხის“ ჟურნალისტის და ოპერატორის დევნის ფაქტზე ორ პირს ბრალდება წარუდგინა

საქართველოს პროკურატურამ პროფესიულ მოღვაწეობასთან დაკავშირებით ტელეკომპანია „მთავარი არხის“ ჟურნალისტის და ოპერატორის დევნის ფაქტზე ორ პირს ბრალდება წარუდგინა. ინფორმაციას უწყება ავრცელებს.„სპეციალური საგამოძიებო სამსახურის მიერ ჩატარებული გამოძიებით დადგინდა, რომ 25 ივლისს, ტელეკომპანია „მთავარი არხის“ ჟურნალისტი და ოპერატორი სიუჟეტის მოსამზადებლად ლანჩხუთის მუნიციპალიტეტის სოფელ სუფსაში იმყოფებოდნენ, რა დროსაც ტელეკომპანიის და ჟურნალისტების პროფესიული საქმიანობის მიმართ ნეგატიურად განწყობილი ორი პირი მივიდა მათთან და სხვადასხვა სახის შეურაცხმყოფელი შეძახილით ჟურნალისტისგან ტერიტორიის დატოვებას მოითხოვდნენ. ბრალდებულებმა ჟურნალისტს ფიზიკური შეურაცხყოფა მიაყენეს.სპეციალური საგამოძიებო სამსახურის თანამშრომლებმა ორივე ბრალდებული 26 ივლისს დააკავეს. მათ ბრალდება საქართველოს სისხლის სამართლის კოდექსის 156-ე მუხლის მე-2 ნაწილის „ა“ ქვეპუნქტით (ადამიანის დევნა მის პროფესიულ მოღვაწეობასთან დაკავშირებით, ჩადენილი ძალადობით) წარედგინათ, რაც სასჯელის სახედ და ზომად 3 წლამდე თავისუფლების აღკვეთას ითვალისწინებს.პროკურატურა ბრალდებულებისთვის აღკვეთის ღონისძიების შეფარდების შუამდგომლობით, სასამართლოს კანონით დადგენილ ვადაში მიმართავს“, - აღნიშნულია ინფორმაციაში.

1721992111

კახა კალაძის ადვოკატმა "TV პირველის" წინააღმდეგ წარმოებულ საქმეზე აღსრულება მოითხოვა

კახა კალაძის ადვოკატმა აღსრულების ეროვნულ ბიუროში "TV პირველის" წინააღმდეგ განცხადება შეიტანა. თბილისის მერის ინტერესების დამცველი, სასამართლოს გადაწყვეტილების აღსრულებას მოითხოვს. ადვოკატის განცხადებით, იმ შემთხვევაში, თუ ტელევიზია დაკისრებულ ვალდებულებებს არ შეასრულებს, აღმსრულებელს შეუძლია დააყადაღოს ქონება და ანგარიშები."დღეს ჩვენ დავიწყეთ აღსრულება კანონიერი ძალაში შესული გადაწყვეტილების და ალბათ ხვალ ან ზეგ გაეგზავნება მეორე მხარეს ოფიციალური მოთხოვნები აღსრულებიდან და ისინი ვალდებულნი არიან შეასრულონ მოცემული გადაწყვეტილება.მაიამ მამულაშვილის გადაცემაში მაშინ გადიოდა, რომ კახა კალაძემ თითქოს 60 მილიონი აიღო მხოლოდ 1 ტენდერიდან და ჩაიდინა კორუფციული გარიგება და ამას დადასტურებულად ამტკიცებდა. სასამართლოს სამივე ინსტანციამ საბოლოო ჯამში დაადგინა, რომ ეს ფაქტი არის ტყუილი.გადაწყვეტილება 2 პუნქტისგან არის შემდგარი: პირველი - იმ ყალბი ცნობების უარყოფა, რომელიც გაავრცელა ტელეკომპანია "პირველმა" და მაია მამულაშვილმა და მეორე - არის 15 000 ლარის დაკისრება. თუ ეს თანხა არ იქნა ნებაყოფლობით გადახდილი, ბუნებრივია, რომ მოხდება როგორც უძრავი, ასევე, მოძრავი ქონების, მათ შორის, ანგარიშების დაყადაღება," - განაცხადა ადვოკატმა დიმიტრი გაბუნიამ.საქმე 2022 წელს ტელეკომპანიის ეთერში გასულ ინფორმაციას ეხებოდა, სადაც საუბარი იყო იმაზე, რომ კალაძემ ერთ-ერთი ტენდერის საშუალებით, ბიუჯეტიდან 60 მილიონი ლარი მიითვისა. ჟურნალისტი მაია მამულაშვილი და ტელეკომპანია პირველი სასამართლოს სამივე ინსტანციამ გაამტყუნა და მათ ეთერში გასულ ინფორმაციის უარყოფა და მორალური ზიანის ასანაზღაურებლად 15 000 ლარი დააკისრა.

1721991493

ორი ახალგაზრდა, რომლებსაც სვანეთის ტყეებში რამდენიმე დღე ეძებდნენ, პოლიციაში გამოკითხვაზე იმყოფება

სვანეთში დაკარგული 2 ახალგაზრდა იპოვეს. ახალგაზრდები თავს კარგად გრძნობენ. ამ წუთებში გიორგი გვიშიანი და გიორგი ფარჯიანი პოლიციაში გამოკითხვაზე იმყოფებიან. ისინი ჰყვებიან, რომ დასახული მარშრუტიდან გარეული ცხოველების საფრთხის გამო გადაუხვიეს და 4 დღის განმავლობაში ტყეში გადაადგილდებოდნენ. ტელეფონები კი დაუჯდათ. სამაშველო ოპერაცია, რომელშიც დღეს ავიაციაც ჩართეს, სვანეთში სამი დღის განმავლობაში მიმდინარეობდა.სამძებრო სამუშაოები 23 რიცხვიდან დაიწყო, ოპერაციას საგანგებო სიტუაციების მართვის სამსახურის უფროსი, თემურ მღებრიშვილი ადგილიდან ხელმძღვანელობდა.მისი თქმით, სამძებრო სამუშაოებში, მაშველების გარდა, ადგილობრივებიც იყვნენ ჩართულნი რისთვისაც მათ მადლობას უხდის."23 რიცხვში შემოვიდა შეტყობინება და მყისიერად ჩავერთეთ ძებნა-შველი ოპერაციაში. დღეიდან უკვე ვერტმფრენიც იყო ჩართული. მიმდინარეობდა ყველა საჭირო, აუცილებელი პროცედურები, შესულები იყვნენ როგორც მეხანძრე-მაშველები, ასევე ადგილობრივები. მინდა ვისარგებლო შემთხვევით და მათაც მადლობა გადავუხადო გვერდში დგომისთვის. ყველაფერმა მშვიდობიანად ჩაიარა, დასასრული იყო ძალიან სასიამოვნო ყველასთვის და მინდა, კიდევ ერთხელ, მივულოცო ოჯახის წევრებს", - განაცხადა თემურ მღებრიშვილმა.

1721990373

ბიძინა ივანიშვილის მკვლელობის საქმეზე სუს-ში გამოკითხვაზე ავთანდილ სურმანიძეა დაბარებული

ბიძინა ივანიშვილის მკვლელობის საქმეზე გამოკითხვაზე სუს-ში ავთანდილ სურმანიძეა დაბარებული. ამის შესახებ ინფორმაცია სოციალური ქსელით მან თავად გაავრცელა.არსებული ინფორმაციით, დღეს გამოკითხვაზე დაბარებულებთან გამოძიებას კითხვები უკრაინაში მყოფ, საქართველოს ყოფილი ხელისუფლების ყოფილ მაღალჩინოსნებთან კავშირის შესახებ აქვს.

1721989114

ბიძინა ივანიშვილის მკვლელობის მომზადების საქმეზე სუს-ში გამოკითხვაზე მაგომედ იჟიევი იმყოფება

ბიძინა ივანიშვილის მკვლელობის მომზადების საქმეზე სუს-ში გამოკითხვაზე საქართველოს ჩეჩენი მოქალაქე მაგომედ იჟიევი იმყოფება. მას სავარაუდოდ, თარჯიმნის დახმარებით კითხავენ. მან გამოკითხვაზე შესვლამდე განაცხადა, რომ არ იცის, რა კითხვები იქნება.„მე საიდან ვიცი, რა კითხვები იქნება. მითხრეს, გაქვს კითხვებიო და მოვედი“, - განაცხადა ჟურნალისტებთან იჟიევმა.კითხვაზე, იცნობს თუ არა იგი უკრაინაში მყოფ ყოფილ მაღალჩინოსნებს, იჟიევმა განაცხადა, რომ არ იცის.„არ მაქვს თქვენს კითხვებზე პასუხები, არ ვარ ბიზნესმენი, საქართველოს ჩვეულებრივი მოქალაქე ვარ“, - განაცხადა მაგომედ იჟიევმა.არსებული ინფორმაციით, დღეს ასევე იგეგმება პანკისის ხეობაში მცხოვრები 6 ადამიანის გამოკითხვა.

1721988157

21 წლის ქეთი ჯავახიშვილის სასტიკი მკვლელობის საქმეზე საქალაქო სასამართლოში პროცესი გაიმართა - ბრალდებული დუმილის უფლებას იყენებს

თბილისის საქალაქო სასამართლოში, 21 წლის ქეთი ჯავახიშვილის სასტიკი მკვლელობის საქმეზე პროცესი გაიმართა. სხდომაზე გადაისინჯა ბრალდებულისთვის შეფარდებული აღკვეთის ღონისძიება, დაკავებული კვლავ პატიმრობაში დარჩა.პროკურატურას ბრალდებული ოთარ ცინდელიანის დაკითხვა სურდა, თუმცა მან დუმილის უფლებით ისარგებლა.მმოკლე ტექსტური შეტყობინებების შესწავლით, ბრალდების მხარე მტკიცებულებების გამოკვლევას ასრულებს. დღესვე ცნობილი გახდა, რომ ცინდელიანი საქართველოში ჩადენილ დანაშაულამდე ესპანეთში ძარცვის ბრალდებით იყო დაკავებული და ის ქვეყნიდან დეპორტით გააძევეს.ქეთი ჯავახიშვილი 28 თებერვალს, ლილოში, საკუთარ სახლთან ახლოს მოკლეს. მას 59 ჭრილობა ჰქონდა მიყენებული. მის შეყვარებულს, ოთარ ცინდელიანს კი 16-იდან 20 წლამდე, ან უვადო პატიმრობა ემუქრება.

1721983850

„მთავარი არხის“ ჟურნალისტსა და ოპერატორზე ძალადობის ფაქტზე ორი პირია დაკავებული - სპეციალური საგამოძიებო სამსახური

სპეციალური საგამოძიებო სამსახურის მიერ გატარებული ოპერატიული და საგამოძიებო მოქმედებების შედეგად მოპოვებული მტკიცებულებების საფუძველზე, „მთავარი არხის“ ჟურნალისტის და ოპერატორის მიმართ განხორციელებული დევნის და ძალადობის ფაქტზე 2 პირია დაკავებული.უწყების ცნობით, ჩატარებული გამოძიებით დადგინდა, რომ 2024 წლის 25 ივლისს, დილის საათებში ტელეკომპანია „მთავარი არხის“ ჟურნალისტი ვლადიმერ მენაბდე და ოპერატორი მანუჩარ მჟავანაძე ლანჩხუთის მუნიციპალიტეტ სოფელ სუფსაში, ჟურნალისტურ საქმიანობას ახორციელებდნენ, რეპორტაჟზე მუშაობის დროს, ბრალდებულმა ვ.ი-მ, მათ მიაყენა სიტყვიერი და ფიზიკური შეურაცხყოფა.ამავე დროს ჟურნალისტს ფიზიკური შეურაცხყოფა მიაყენა ვ.ი-ს ძმამ ა.ი-მ, რომელმაც რამდენჯერმე დაარტყა მუშტი თავისა და სახის არეში, რის შედეგადაც ვლადიმერ მენაბდემ განიცადა ფიზიკური ტკივილი და მიიღო დაზიანება ტუჩის არეში. ა.ი-მ, ასევე, დააზიანა ტელეკომპანია „მთავარი არხის“ ვიდეო კამერა და სიტყვიერი შეურაცხყოფა მიაყენა ჟურნალისტსა და ოპერატორს.სპეციალური საგამოძიებო სამსახურის თანამშრომლებმა, 2024 წლის 26 ივლისს, სოფელ სუფსაში მცხოვრები მოქალაქეები ვ.ი. და ა.ი. სისხლის სამართლის კოდექსის 156-ე მუხლის მე-2 ნაწილის „ა“ ქვეპუნქტით გათვალისწინებული დანაშაულისთვის დააკავეს, რაც გულისხმობს ადამიანის დევნას მის პროფესიულ მოღვაწეობასთან დაკავშირებით.დანაშაული 3 წლამდე თავისუფლების აღკვეთას ითვალისწინებს.

1721983405

პროკურატურამ თელავის რაიონში მომხდარი ორი პირის განზრახ მკვლელობის ფაქტზე ერთ პირს ბრალდება წარუდგინა

საქართველოს პროკურატურამ თელავის რაიონში მომხდარი ორი პირის განზრახ მკვლელობის და ცეცხლსასროლი იარაღის მართლსაწინააღმდეგო ტარების ფაქტებზე ერთ პირს ბრალდება წარუდგინა.შინაგან საქმეთა სამინისტროს მიერ ჩატარებული გამოძიებით დადგინდა, რომ 24 ივლისს, თელავის მუნიციპალიტეტის სოფელ ლალისყურში ბრალდებულმა ურთიერთშელაპარაკების ნიადაგზე, ცეცხლსასროლი იარაღიდან მრავალჯერადი გასროლით ორ პირს ჭრილობები მიაყენა და შემთხვევის ადგილიდან მიიმალა. მიღებული დაზიანებების შედეგად ერთი დაზარალებული ადგილზე, ხოლო მეორე საავადმყოფოში გარდაიცვალა.გამოძიებით ასევე დადგინდა, რომ 24 ივლისს ბრალდებული თელავის რაიონის სოფელ ლაფანყურში, მართლსაწინააღმდეგოდ ატარებდა მასზე შენახვის უფლებით რეგისტრირებულ ორ ცეცხლსასროლ იარაღს.მას ბრალდება, საქართველოს სისხლის სამართლის კოდექსის 109-ე მუხლის „ლ“ ქვეპუნქტით (განზრახ მკვლელობა დამამძიმებელ გარემოებებში) და 236-ე მუხლის მეოთხე ნაწილით (ცეცხლსასროლი იარაღის მართლსაწინააღმდეგო ტარება) დაუსწრებლად წარედგინა, რაც სასჯელის სახედ და ზომად თექვსმეტიდან ოც წლამდე ან უვადო თავისუფლების აღკვეთას ითვალისწინებს.პროკურატურის შუამდგომლობის საფუძველზე თელავის რაიონულმა სასამართლომ ბრალდებულს აღკვეთის ღონისძიების სახით პატიმრობა შეუფარდა და მის მიმართ გამოცხადდა ძებნა.

1721982267

ტერორიზმისა და შეთქმულების საქმეზე, სუს-ში გამოკითხვები დღესაც გრძელდება

ბიძინა ივანიშვილის მკვლელობის მომზადების საქმეზე გამოძიება გრძელდება. "კურიერის" ინფორმაციით, სახელმწიფო უსაფრთხოების სამსახურში დღეს კიდევ რამდენიმე მოწმე დაიკითხება, მათ შორის, ჩეჩნეთის მოქალაქე, საქართველოში მცხოვრები ქისტები, რომელთაც კავშირები აქვთ უკრაინაში მყოფ ყოფილი ხელისუფლების მაღალჩინოსნებთან. ისინი ტერორისტული აქტის მომზადების და სახელმწიფო ხელისუფლების დასამხობად, შეთქმულების საქმის ფარგლებში გამოიკითხება.საქმე ეხება უკრაინაში მყოფი, საქართველოს ხელისუფლების ყოფილი მაღალჩინოსნებისა და ძალოვანი უწყებების ყოფილი თანამშრომლების ორგანიზებით და დაფინანსებით, საქართველოში დანაშაულებრივი ქმედებების, მათ შორის, "ქართული ოცნების" საპატიო თავმჯდომარის, ბიძინა ივანიშვილის მკვლელობის მომზადების ფაქტს.

1721971472

ტერორიზმისა და შეთქმულების საქმეზე სახელმწიფო უსაფრთხოების სამსახურში გამოძიება გრძელდება

ტერორიზმისა და შეთქმულების საქმეზე სახელმწიფო უსაფრთხოების სამსახურში გამოძიება გრძელდება. მოწმეები გამოკითხვაზე დღესაც არიან დაბარებულები.  საქმე ეხება უკრაინაში მყოფი, საქართველოს ხელისუფლების ყოფილი მაღალჩინოსნებისა და ძალოვანი უწყებების ყოფილი თანამშრომლების ორგანიზებით და დაფინანსებით, საქართველოში დანაშაულებრივი ქმედებების, მათ შორის, "ქართული ოცნების" საპატიო თავმჯდომარის, ბიძინა ივანიშვილის მკვლელობის მომზადების ფაქტს. საქმეზე უკვე გამოიკითხა რამდენიმე მოწმე.

1721940148

„მამამ დედა შვილების თვალწინ მოკლა... ახალგაზრდა კაცი კლინიკაში გარდაიცვალა... “ - კახეთში, წლების წინ, ტრაგიკული ისტორიის დეტალები

კახეთში, 2016 წლის 9 დეკემბერს მომხდარ საზარელ მკვლელობას ერთი ოჯახის 2 წევრი შეეწირა, 2 მოზარდის კი მეხსიერებაში სამუდამოდ აღიბეჭდა დღე, როდესაც მამამ დედა მათ თვალწინ მოკლა. 29 წლის ე.შ მამამისის სახლში ქმარმა სანადირო თოფით მოკლა, შემდეგ კი თავის მოკვლა სცადა. ახალგაზრდა ქალი ადგილზე გარდაიცვალა, მისი ქმარი კი რამდენიმე დღის კლინიკაში დაიღუპა. ე.შ და ა.ბ 15 წლის ცოლ-ქმარი იყვნენ, მათ 15 წლის და 9 წლის შვილი ჰყავდათ. ოჯახის წევრები ამბობდნენ, რომ ცოლ-ქმარს დაძაბული ურთიერთობა ჰქონდა. ა.ბ უმუშევარი იყო და ხშირად სვამდა. რა მოხდა მკვლელობის დღეს? „ძალიან მიჭირს იმ დღის გახსენება და ლაპარაკი. 9 დეკემბერს, ანუ იმ დღეს, როცა ეს მოხდა, ყველანი შინ ვიყავით. ელენეს პაპა ავად იყო და სასწრაფო დახმარება გამოვიძახეთ სახლში. ექიმებმა საჭირო პროცედურები ჩაატარეს და წავიდნენ. 5–10 წუთში კი ეზოში ავთო შემოვიდა, ელენეს თავში ესროლა სანადირო თოფი და გაიქცა. სასწრაფო დახმარება ხელახლა გამოვიძახეთ, მაგრამ უკვე გვიანი იყო, ელენე მაშინვე გარდაიცვალა. ჩვენი სახლიდან 500 მეტრში ავთომ იმავე თოფით თავის მოკვლა სცადა. სასწრაფო დახმარებამ ის გადაიყვანა საავადმყოფოში, სადაც ორ კვირას იცოცხლა, მაგრამ შემდეგ გავიგეთ, რომ იქვე, პალატაში გარდაცვლილა“, - იხსენებს მოკლული გოგოს დედა.წყარო: femicide.ge

1721938145

„17 წლის გოგოს თავში ბლაგვი საგანი ჩაარტყა, გააუპატიურა და კვალის დაფარვის მიზნით კი ცხედარი დაწვა...“ - როგორ გახსნა პოლიციამ მარნეულში მომხდარი საზარელი მკვლელობა

2014 წლის 19 მარტს მარნეულის სოფელ თამარისში მომხდარმა საზარელმა ამბავმა, მთელს სოფელს თავზარი დასცა, ორი ოჯახის ისტორია სამუდამოდ შეცვალა. 17 წლის მ.ნ 51 წლის ი.წ სასტიკად მოკლა, გოგონას, კაცმა ჯერ თავში ბლაგვი საგანი ჩაარტყა, გააუპატიურა, კვალის დაფარვის მიზნით კი ცხედარი დაწვა. კაცი ოჯახის ახლობელი იყო. სასტიკად მოკლული გოგოს მამა იხსენებს, რომ მომხდარის დღეს მანანას გარდა ოჯახის ყველა წევრი კარტოფილის დასათესად იყო წასული. მოზარდი სახლში სამეცადინოდ დარჩა. მოძალადე ი.წ სახლში სწორედ ამ დროს მივიდა, სააბაზანოში შევიდა და წყლის გამათბობლის შესაკეთებლად დახმარებისთვის მოზარდს დაუძახა, რა დროსაც მასზე სექსუალურად იძალადა.„როცა ჩემი გოგონა სახლში იყო სადილს აკეთებდა ან მეცადინეობდა, ამის გამო ძალიან ხშირად ყურმილს გვიან იღებდა ან საერთოდ არ იღებდა.იმ დღესაც ვურეკავდი და არ მიპასუხა, მაგრამ ამაზე არ მინერვიულია, რადგან ვიფიქრე, რომ საქმეში იქნებოდა ჩართული. თუმცა, როცა სახლში დავბრუნდით სააბაზანო არეული დაგვხვდა, კედლებზე სისხლის კვალი იყო და არც ჩემი შვილი ჩანდა სახლში“, - იხსენებს გოგონას მამა. პოლიციამ მკვლელობა მალევე გახსნა. ი.წ სახლში ჩხრეკა ჩაატარა და გოგონას დამარხული გვამიც მალევე იპოვა. დამნაშავეს 16 წლით თავისუფლების აღკვეთა მიუსაჯეს. წყარო: femicide.ge