მეგი ქავთარაძე

1652819245

Exclusive: რა ეღირება რობოტი, რომელიც ადამიანებს ჩაანაცვლებს - ქართველების უნიკალური წამოწყება

ერთ-ერთი მზარდი მიმართულება ტექნოლოგიების სფეროში, რობოტების ინდუსტრია საზოგადოების გარკვეულ ნაწილში შიშს იწვევს, ფიქრობენ, რომ ერთ დღესაც ადამიანებს ჩაანაცვლებენ და ყველაფერი თავდაყირა დადგება. თუმცა მეცნიერული თვალსაზრისით, კომპანიები, რომლებიც ხელოვნურ ინტელექტზე მუშაობენ, ცდილობენ, ადამიანებს შეუმსუბუქონ ყოველდღიური საქმეები და ყოველდღიური ცხოვრება გაუხალისონ.„პრაიმტაიმი“ გაგაცნობთ 26 წლის გოგოს, რომელმაც ამერიკაში Destiny Robotics დააფუძნა, რომელიც დღესდღეობით ფლორიდაში ფუნქციონირებს და საერთაშორისო საზოგადოებას უდიდეს ტექნოლოგიურ ცვლილებებს სთავაზობს.ძნელი წარმოსადგენია, რომ გამორჩეულად ნაზი გარეგნობის მქონე გოგოს ბავშვობიდან ყველა სათამაშოს დაშლა და შემდეგ ისევ აწყობს უყვარდა. ამბობს, რომ ეს თვისება დღემდე გამოჰყვა.მეგი ქავთარაძე: რობოტზე მუშაობა პანდემიის დროს დავიწყე, მაშინ ნიუ-იორკში ვცხოვრობდი. ყველაფერი ჩაკეტილი იყო, არაფერი მუშაობდა. მაშინ ყველანაირ კურსს გავდიოდი. ზუსტად ამ პერიოდში პანდემიის დროს გავიაზრე, რომ ადამიანებს ყველაზე მეტად აკლიათ სოციალური ინტერაქცია, თავს გრძნობენ მარტო. ეს რომ გადავაფასე, მივხვდი, რომ ეს მხოლოდ პანდემიის პერიოდში არ ხდება. ყველა ადამიანს ცხოვრებაში მარტოობის პრობლემა უდგება და ზოგადად, მუდმივი კომუნიკაცია სჭირდება, რომ ინტელექტუალური სტიმულირება მოხდეს და მისი ბედნიერების დონე რაც შეიძლება გაიზარდოს.სახლში მარტო ვიყავი, შესაძლებლობა მქონდა, რომ საქართველოში ჩემს ოჯახთან ერთად მეკონტაქტა. მოგეხსენებათ, დროში დიდი სხვაობაა. აქ  ადამიანები ფიზიკურად შეხვედრისგან თავს იკავებდნენ და ლოგიკურიც იყო, პანდემიიდან გამომდინარე.ამაზონ ალექსას (Amazon–ის ჭკვიანი სპიკერი) ვტესტავდი, ვესაუბრებოდი, რა შეეძლო გაეკეთებინა, ამ დროს დამებადა იდეა, რომ ძალიან მაგარი იქნებოდა, თუ მსგავსი ტიპის პროდუქტი გამოვიდოდა ადამიანური რობოტის სახით. ამაზონ ალექსას ჰქონდა ყუთის ფორმა და მივხვდი, რომ თუ ადამიანს სურს რაღაც სახის უფრო ღრმა კავშირი მიიღოს, სასურველია, ეს იყოს ადამიანური ფორმის.აქედან გამომდინარე, დავიწყე რობოტის კონცეფციაზე მუშაობა. დავუკავშირდი ჩემს მეგობრებს, ადამიანებს, რომელთაც ბიზნეს გამოცდილებიდან ვიცნობდი და მყავდა შეძენილი. ისინი ძალიან დაინტერესდნენ და შევკარით გუნდი, დავიწყეთ კვლევაზე მუშაობა. გამოვიკვლიეთ ბაზრის პერსპექტივები, რა ტექნოლოგია არსებობდა დღემდე და რისთვის უნდა მიგვეღწია. დავიწყეთ მოძიება გვყავდა თუ არა კონკურენტები ბაზარზე და როგორ უნდა მომხდარიყო ჩვენი პროექტის ფორმულირება, რომ ყოფილიყო განსხვავებული და უნიკალური.მუშაობის პროცესში ოფიციალურად დავაფუძნე კომპანია და ჩვენს პირველ პროტოტიპზე დავიწყეთ მუშაობა. პირველად შევქმენით ჰოლოგრამის პროდუქტი - არსებობს მოწყობილობა, რომლისგანაც ამოდის და გესაუბრება, ეს იყო უბრალოდ იმ მიზნით, თუ რამდენად მუშაობდა. თუმცა ძირითადი პროდუქტი, რაზეც ჩემმა კომპანიამ დაიწყო მუშაობა, იყო ადამიანური ტიპის რობოტი, რომლის პროტოტიპირება ამჟამად მიმდინარეობს.  - რა ფუნქციებს შეითავსებს რობოტი?რობოტის მთავარი იდეა არის, რომ ემოციური მხარდაჭერა გაუწიოს ადამიანს. მისი ფუნქციები იქნება ჯანმრთელობასთან დაკავშირებული საკითხების კონტროლი. მაგალითად, როგორ მიიღოს ადამიანმა წამალი, რას მიაქციოს ყურადღება. იქნება მედიტაციური პროგრამები, რომელსაც რობოტი ჩაუტარებს ადამიანს. მოგეხსენებათ, მედიტაცია ყოველდღიური სტრესის პირობებში ძალიან მნიშვნელოვანია და ძალიან დიდი სარგებელი აქვს. ბავშვების მოვლაში დახმარებას მოიცავს, ბავშვები რობოტისგან არა მარტო სახალისო გამოცდილებას მიიღებენ, მათ გაუჩნდებათ უფრო მეტი ინტერესი ტექნოლოგიებთან დაკავშირებით, რაც სამომავლოდ მთელი მსოფლიოს განვითარებას ძალიან შეუწყობს ხელს.იქნება უსაფრთხოებასთან დაკავშირებული პრობლემები - რობოტი უზრუნველყოფს უსაფრთხოებას. მას ექნება განსაკუთრებული სენსორები, იმ შემთხვევაში, თუ სახლში ხანძრის ან უცხო ადამიანის შემოჭრის საშიშროება, რობოტი ამას აღმოაჩენს და მოხდება მფლობელის ინფორმირება. ასევე, შეიძლება კრიზისის მენეჯერი ვუწოდოთ. Smart Home-ის შესახებ გსმენიათ, რობოტში ჭკვიანი სახლის კონცეფცია იქნება ჩაშენებული. ოჯახს ყოველდღიური საქმიანობის შემამსუბუქებელი ნაწილი შეემატება. ასევე, საინტერესოა მისი ფსიქოლოგიური თერაპიის ნაწილი, რომელიც მოიცავს არა მხოლოდ მედიტაციას, არამედ გარკვეული დიალოგების წარმართვას ადამიანთან ერთად და მისთვის დახმარებას. როდესაც ადამიანი ოჯახთან ერთად ცხოვრობს, რობოტი შეძლებს დაიმახსოვროს, რა ხასიათზე იყო, ამის მიხედვით შეძლებს, რომ ადამიანს გაესაუბროს და ისეთი კითხვები დაუსვას, რომ ადამიანმა შეძლოს საკუთარ თავში გააცნობიეროს ბევრი რამ და გადალახოს ბევრი პრობლემა.კიდევ ძალიან საინტერესოა გართობის, ჰობების ნაწილი. მუსიკის ჩართვა და ა.შ. ბოლოს სახლის საქმეებსაც შეითავსებს - იმის ნაცვლად, რომ სახლში 10 სხვადასხვა პატარა რობოტი ვიყიდოთ, ჩაანაცვლებს ერთი უნივერსალური რობოტი, რომელიც იქნება როგორც ჩვენი მეგობარი და ფსიქოლოგიური პარტნიორი, ასევე სახლის საქმეებში დაეხმარება ადამიანებს და მოსაწყენ ყოველდღიურობას შეუმსუბუქებს. - როდის იქნება მზად და ვისთვის იქნება რობოტი ხელმისაწვდომი?ნამდვილად რთული პროექტია, ადვილი არ არის. ბევრი დეტალია საჭირო, ტრენინგი გასავლელი. რობოტი არ იქნება ძალიან ძვირი, მაგრამ არც ძალიან იაფი. პირველადი ფასი, რასაც ვვარაუდობთ, 7-დან 10 000 დოლარის ფარგლებში იქნება, მაგრამ როდესაც მასობრივ პროდუქციაზე გადავა, დაახლოებით, 3 000- 3 400 დოლარი ეღირება. ყველა ადამიანს შეეძლება რობოტის გამოყენება, ეს არ იქნება მხოლოდ განსაკუთრებული მატერიალური შესაძლებლობებისთვის გათვლილი. იმიტომ, რომ გვინდა ადამიანებს თანაბარი შესაძლებლობები მივცეთ.ვიმედოვნებ, მომავალი წლის ბოლოს მზად იქნება, ვინაიდან ძალიან ბევრ ტესტირებას მოითხოვს და დიდ რესურსებთან არის დაკავშირებული. მცირე დროში, დაახლოებით, მოზიდული გვაქვს 160 000-ზე მეტი. ჩვენი გეგმაა, პირველ რაუნდში 5 მილიონ დოლარამდე მოვიზიდოთ. - ვინ არიან თქვენს გუნდში?გუნდში ბევრი ქართველი წარმატებული გვყავს - გიორგიმ „ტესლასგან“ ოფერი მიიღო, გვყავს პროფესორი, ქალბატონი ლელა, რომელიც კემბრიჯის უნივერსიტეტში ასწავლიდა. გვყავს ერეკლე, რომელიც მუშაობს „ჰუავეიში“, ის ამჟამად გერმანიაში იმყოფება. ასევე გვყავს ირაკლი, რომელიც სხვადასხვა წამყვან კომპანიაში მუშაობდა. გვყავს ამერიკელი ჯეისონი, რომელიც ამერიკის თავდაცვის სამინისტროში მუშაობდა. მექანიკური ინჟინერიის მიმართულებით ძალიან დიდი გამოცდილება აქვს.მთელი ეს ინტელექტუალური ცოდნა ბიზნესის თუ ტექნოლოგიების მიმართულებით თავმოყრილია და მრავალფეროვანი, ერთმანეთს ავსებს. დაბალანსებული გუნდის საშუალებით დავიწყეთ იდეაზე მუშაობა, რომელზეც ბევრი მეუბნებოდა, რომ იყო ამბიციური. ჩემი აზრით, ამბიცია იმდენად არ იყო, რამდენადაც სურვილი, რომ მსგავსი პროდუქტი შემექმნა. - ტექნოლოგიებისადმი ინტერესი როდის გაგიჩნდათ?ბავშვობიდან ძალიან მაინტერესებდა ტექნოლოგიები და არა მხოლოდ, მექანიკური საკითხებიც. ყველა სათამაშოს, რასაც მჩუქნიდნენ, ვშლიდი თავიდან ბოლომდე და ვაწყობდი. ეს თვისება დღემდე შემორჩენილი მაქვს. უნდა ვიცოდე, რა ხდება იმის შიგნით. სხვათაშორის, Iphone ვერ დავშალე, მაგრამ ბევრი რამ დამიშლია.მიუხედავად ამისა, რომ ტექნოლოგიებით ძალიან დაინტერესებული ვიყავი, ინტერესის მეორე სფერო საერთაშორისო ურთიერთობები, დიპლომატია იყო. პროფესიად მაინც ეს ავირჩიე. როდესაც ვესაუბრებოდი ადამიანებს, ვიღებდი რჩევებს, განსაკუთრებით მაშინ, როდესაც ვაბარებდი, ამბობდნენ, რომ ძალიან მასკულანური სივრცეა, ქალს აქ დამკვიდრება უჭირს, საქართველოში, ასევე ამერიკაში არის, რომ ქალს უწევს უფრო მეტად ამტკიცოს თავისი ინტელექტუალური შესაძლებლობები და კაცზე მეტი იშრომოს. ამიტომ წავედი საერთაშორისო ურთიერთობების მიმართულებით, ვინაიდან ეს ძალიან მაინტერესებდა.ამერიკაში რომ ჩავედი, პანდემიის დროს ხელოვნური ინტელექტის კურსებზე დავიწყე სიარული, მანამდე ტექნოლოგიურ კომპანიაში მქონდა მუშაობის გამოცდილება. მიუხედავად იმისა, რომ უნივერსიტეტში საერთაშორისო ურთიერთობებზე ვსწავლობდი, ძირითადად, ტექნოლოგიური მიმართულებებით მიწევდა მუშაობა. აბსოლუტურად თვითნასწავლი თემებით მოვედი აქამდე. დავუკავშირდი ძალიან ძლიერ ინჟინრებს, რომლებიც დღეს ჩემს გუნდში არიან. რა თქმა უნდა, მე ვერკვევი ტექნოლოგიაში, მაგრამ ვაკეთებ ბიზნესის გეგმის ფორმულირებას, მის განვითარებას, მარკეტინგს, ინვესტიციების მოზიდვას.- როგორ აღმოჩნდი ამერიკაში?  კვლევით ნაშრომებს ვწერდი. ერთ-ერთი კონფერენცია ჰარვარდის უნივერსიტეტში იმართებოდა, მეგობარს ჩემი კვლევა გავუგზავნე და არ ველოდებოდი, რომ მიმიწვევდნენ, რადგან ყველა ვინც იქ მონაწილეობდა, პროფესორი იყო. მე მაგისტრატურის პირველი კურსის სტუდენტი ვიყავი და უბრალოდ თავი მოვსინჯე. საბოლოოდ, ჰარვარდში ჩემი თემის წარსადგენად მიმიწვიეს. ჩავედი ამერიკაში, აქ ბიძაშვილი მყავდა და გარკვეული პერიოდი მასთან ვრჩებოდი. კონფერენციის დასრულების შემდეგ ნიუ-იორკში ბევრი კვლევითი შესაძლებლობა გამომიჩნდა, რომელზეც ჩავერთე ძალიან წარმატებულ სტუდენტებთან ერთად. გადავწყვიტე დარჩენა და პანდემიაც დაიწყო, რადგან საქართველოშიც ცუდი სიტუაცია იყო, ფრენებზე შეზღუდვა და ა.შ. ამ პერიოდში დამებადა იდეა და დავიწყე პროექტზე მუშაობა. წელს მაგისტრატურას ვასრულებ და ვგეგმავ, რომ აქაც გავაგრძელო, ოღონდ ბიზნეს მიმართულებით საქმიანობა.იყო ასეთი ისტორია - ერთ-ერთ ადამიანს პროექტზე ვესაუბრებოდი და მან ფორბსში მიმიწვია. ღონისძიებას Twitter-ის მაშინდელი დირექტორი ჯეკ დორსი, აღმოვჩნდი Vip-სექციაში, კონფერენციის ნაწილზე და მომაწოდეს მიკროფონი, სადაც საინფორმაციო ტექნოლოგიების გავლენაზე უნდა მესაუბრა. ამან ძალიან საინტერესო გამოხმაურება გამოიწვია. ჩავთვალე, რომ აქ ჩემი მომავლის, კარიერული განვითარების, განათლების და დიდი გამოცდილების მისაღებად ძალიან მნიშვნელოვანი შესაძლებლობები შეიძლებოდა მეპოვა. დღეს არის რობოტი, რა იქნება ხვალ?რა თქმა უნდა, ჩვენი პროექტი მხოლოდ რობოტით არ შემოიფარგლება. ჩვენ ამის ფარგლებში რამდენიმე ქვე-პროექტის განხორციელებას ვგეგმავთ, რასაც ახლა არა, მაგრამ ძალიან მალე დავაანონსებ. 24 მაისს მაიამიში გვაქვს კონფერენცია, ხელოვნურ ინტელექტთან დაკავშირებით. ამბობენ, რომ მომავალი ტექნოლოგიური ჰაბი შეიძლება გახდეს. შესაბამისად, ეს შესაძლებლობაც დავიჭირეთ და დავაორგანიზეთ. - წარმატებული კარიერის ფონზე, რა ხდება პირად ცხოვრებაში?მყავს შეყვარებული, არჩილ ჭეიშვილი, რომელიც არის ჰარვარდის უნივერსიტეტის კურსდამთავრებული. ბაკალავრიის ხარისხი მიიღო ეკონომიკური მიმართულებით. მან დააფუძნა ხელოვნური ინტელექტის კომპანია, მისი გავლენა ჩემთვის ძალიან ინსპირაციული იყო თავიდანვე, როდესაც 2018 წელს ერთმანეთი გავიცანით.ისე მოხდა, რომ ამერიკაში ერთმანეთს კვლავ დავუკავშირდით და შესაბამისად, აქედან ხანგრძლივ ურთიერთობაში გადაიზარდა ყველაფერი. ერთმანეთს ძალიან დიდ მხარდაჭერას ვუცხადებთ, ძალიან დამეხმარა საინტერესო რჩევებით. მრჩევლის როლი აქვს ჩემს კომპანიაში. მისი კომპანია ხელოვნური ინტელექტის მიმართულებით მოღვაწეობს, ხოლო ჩემი რობოტიკისა და ხელოვნური ინტელექტის მიმართულებით, ძალიან საინტერესო კომბინაცია აღმოჩნდა. თითქმის ერთ სფეროში ვართ და შევძელით, რომ კომპანიების პარტნიორობამდეც კი მიგვეღწია. მაგალითად, ჩემს კომპანიას ხელოვნური ინტელექტის მოდელები სჭირდებოდა, რომელსაც რობოტისთვის გამოიყენებდა და ამას აქტიურად ვახორციელებთ ახლა. კომპანიებს შორის მემორანდუმიც გავაფორმებთ.რაც შეეხება საქმიან მხარეს, ძალიან პარტნიორული ურთიერთობა გვაქვს, რაც შეეხება სასიყვარულოს, ძალიან რომანტიკული, საინტერესო ურთიერთობა გვაქვს და ძალიან ბედნიერები ვართ. მიხარია, რომ ჩემს ცხოვრებაში ვიპოვე. ჩემთვის დიდი მენტორი აღმოჩნდა. ყველაფრისთვის მადლიერი ვარ.

mcenareee

1652733019

მთვარიდან ჩამოტანილ მიწაში ჩარგულმა მცენარეებმა გაიხარეს - ნახეთ, მეზობელი პლანეტის გრუნტში გაზრდილი მცენარეები (ფოტოები)

მეცნიერებმა პირველად გაზარდეს მცენარე მთვარის გრუნტში. ამ ინფორმაციას BBC ავრცელებს.გამოცემის ცნობით, ექსპერიმენტი აშშ-ში, ფლორიდის უნივერსიტეტში ჩატარდა. მკვლევრებმა 1969-1972 წლებში, მთვარეზე მისია „აპოლონის“ დროს მოპოვებული ნიადაგი გამოიყენეს, რომელშიც კრეს-სალათის მონათესავე სახეობის თესლები დათესეს.მცენარემ ჩარგვიდან ორ დღეში გაიხარა.მეცნიერების თქმით, ექსპერიმენტის შედეგს ძალიან დიდი მნიშვნელობა აქვს, რადგან ეს დიდი ნაბიჯია ადამიანის მთვარეზე ხანგრძლივი ყოფნის შესაძლებლობისთვის, შორეულ მომავალში კი ეს დედამიწაზე საკვების დეფიციტის პრობლემის გადაწყვეტაში დაგვეხმარება.NASA მთვარეზე პილოტირებულ ფრენას 2025 წელს გეგმავს. 

mTvare

1652640240

ამაღამ მომდევნო 18 წელი განისაზღვრება - ნახეთ, ასტროლოგის რჩევები როგორ უნდა მოიქცეთ, რათა სისუსტეები სიძლიერედ აქციოთ

16 მაისი - მთვარის სრული დაბნელებაა - ამაზე ცნობილი ასტროლოგი ქეთი ვაწაძე საუბრობს, რომელიც აღნიშნავს, რომ შესაძლოა, ამ ასტრონომიულმა მოვლენამ ცხოვრების შემდგომ 18 წელზე დიდი გავლენა იქონიოს. ასტროლოგი სხვადასხვა რჩევებს აქვეყნებს: "დაბნელების პიკი თბილისის დროით 08:14 წუთზე მორიელის 26-ე გრადუსზე დგება. ყველაფერმა, რაც ხდება დაბნელების დერეფნის მიმდინარეობისას ჩვენს ცხოვრებაში ან მთლიანად, სამყაროში ( 30.04.22-16.05.22), შესაძლოა, გავლენა მომდევნო 18 წელზე იქონიოს, უკვლაოდ, როგორც წესი, არ ჩაივლის ხოლმე.საერთოდ, კურო-მორიელის ღერძზე დაბნელებას ყოველთვის განსაკუთრებულად ვგრძნობთ ხოლმე, რადგან ეს ნიშნები ძირითად სასიცოცხლო მოთხოვნილებებთან არიან დაკავშირებულნი. ვერავინ განსაზღვრავს თავიდანვე, რისი მოტანა შეუძლია დაბნელებას თითოეული ჩვენგანისთვის, ხშირად, ის გვაჯანჯღარებს, რათა სწრაფად გადავიდეთ სულიერი განვითარების დაბალი საფეხურიდან უფრო მაღალ საფეხურზე, თუ ჩვენს ცხოვრებაში ერთგვარ სტაგნაციას აქვს ადგილი და წინ არ მივდივართ.სამყარო ასეთ დროს ჩვენს ცხოვრებაში აჩენს ხშირად მტრულად განწყობილ, ან ჩვენდამი პრეტენზიების მქონე სხვა და სხვა ადამიანებს, ვისი მეშვეობითაც ვიწყებთ გარკვეული სახის ცვლილებებს და ვიცვლით მიდგომებს, ვაცნობიერებთ გარკვეულ საკითხებს, შედეგად, ვხედავთ ისეთ ახალ შესაძლებლობებს, რომელთა არსებობა მანამდე ვერც კი წარმოგვედგინა. დაბნელება ყოველთვის აკეთებს აქცენტებს იმ თემებზე, რაც უნდა განვავითაროთ, დავხვეწოთ, მიუთითებს ჩვენს სუსტ მხარეებზე, რასაც აუცილებლად დამუშავება დასჭირდება.დაბნელების დერეფნის პერიოდში ბევრი ადამიანის ცხოვრებაში ხდება მნიშვნელოვანი მოვლენები - ზოგიერთი იცვლის სამსახურს, გადადის ახალ საცხოვრებელში, ზოგიც - შორდება საყვარელ ადამიანს, ან პირიქით, იწყებს ახალ ურთიერთობებს, თუმცა, ამ პერიოდში სასიყვარულო ურთიერთობების დაკანონება, ანუ ხელმოწერა, მაინც არაა მიზანშეწონილი, ისევე, როგორც დაწყება. არ არის სასურველი არც ახალი წამოწყებები, ბიზნესპროექტები, მნიშვნელოვანი გადაწყვეტილებების მიღება, დოკუმენტებზე ხელმოწერა. ამ პერიოდში უმჯობესია დავასრულოთ გადადებული საქმეები, დავკავდეთ ყოველდღიური რუტინით. ასევე, სასურველი არაა ფულის სესხება ან გასესხება. ეს კარგი პერიოდია ყველანაირი ნეგატივის, მავნე ჩვევების მოსაშორებლად, ტოქსიკური ურთიერთობების დასასრულებლად, წარსულთან კარის დასაკეტად, გადაფასებისთვის.თუკი რაიმე გაქვთ გასაყიდი, თავიდან მოსაშორებელი, პირიქით, სწორედ რომ ეს თქვენი დროა, მით უფრო, რომ ამჟამად მერკური რეტრო ფაზაშია და კარგი პერიოდია ტექნიკის, მათ შორის მანქანის გასაყიდად. მთვარე მოქმედებს ჩვენს ფსიქიკაზე, ამიტომ, დაბნელების პერიოდში, მით უფრო, როდესაც სუპერმთვარეობა დგება, როგორც ეს 16 მაისს გვექნება, შესაძლოა იმატოს სტრესულმა ფონმა, ამიტომ მათ, ვისაც სუსტი ფსიქიკა, ან დეპრესიული განწყობა აქვს, თადარიგის დაჭერა მართებთ (მომდევნო დღეებშიც).ნუ აჰყვებით ემოციებს, იპოვეთ განტვირთვის, პოზიტიური განწყობის შექმნის საშუალებები, აიმაღლეთ ვიბრაცია, ასევე, ისევ და ისევ, ვისაც გულსისხლძარღვოვანი სისტემის პრობლემები აწუხებს, მიიღეთ პროფილაქტიკური ზომები, აკონტროლეთ წნევა, ბევრ ადამიას გარკვეული სახის ჯანმრთელობის პრობლემები ექმნება ხოლმე, შესაძლოა თავი შეგახსენოთ ქრონიკულმა დაავადებებმაც. ვინაიდან დაბნელებებზე კოსმოსიდან უზარმაზარი ენერგია მოედინება და ყველას არ შეუძლია ამ ენერგიის გატარება, შესაძლოა ბევრი ადამიანი გაღიზიანებული, აფორიაქებული იყოს, ამიტომ მოერიდეთ კონფლიქტურ სიტუაციებს, სიფრთხილე გამოიჩინეთ მგზავრობისას, არ გადადგათ დაუფიქრებელი ნაბიჯები. 16 მაისის მთვარის დაბნელებით იხურება წლის პირველი დაბნელების დერეფანი, შემოდგომისას, გვექნება მეორე. ბედნიერ დღეებს გისურვებთ! სიკეთე გქონდეთ!" - წერს ქეთი ვაწაძე. 

მფრინავი

1652601540

VIDEO: გინახავთ სასწრაფო დახმარების მფრინავი ექიმი? - ბრიტანეთში რეაქტიული კოსტიუმით ფრენა წარმატებით დასრულდა

ბრიტანეთში წარმატებით დასრულდა სასწრაფოს ექიმის საცდელი ფრენა რეაქტიული კოსტიუმით.ტექნოლოგია ძნელად მისადგომ ადგილებში სამძებრო და სამაშველო მისიების ჩატარებას გაამარტივებს.მოწყობილობას 130 კმ/სთ სიჩქარე შეუძლია განავითაროს. 

nasa

1652418120

ისტორიაში პირველად მეცნიერებმა მცენარეები მთვარის ნიადაგით გაზარდეს - ნახეთ ფოტოები

ისტორიაში პირველად, მეცნიერებმა მცენარეები მთვარის ნიადაგით გაზარდეს. ფლორიდის უნივერსიტეტისა და ნასას ამ ექსპერიმენტმა, მთვარის მიწის ნიმუშების გამოყენებით, შეიძლება განაპირობოს ასტრონავტთა მომავალი მისიების წარმატება შორეულ კოსმოსში.მეცნიერებმა ექსპერიმენტის დროს აპოლო 11-ის, 12-ისა და 17-ის მისიების დროს შეგროვებული ნიადაგის ნიმუშები გამოიყენეს. მათ აინტერესებდათ, შესაძლებელი იყო თუ არა ამ ნიადაგით მცენარეების გაზრდა და როგორ რეაგირებენ მცენარეები მათთვის უცნობ გარემოზე, თუნდაც გენის ექსპრესიის დონემდე.ინფორმაციას NASA ავრცელებს.

შავი ხვრელი

1652370720

ისტორიაში პირველად, ასტრონომებმა „ირმის ნახტომის" ცენტრში მდებარე სუპერ მასიური შავი ხვრელის სურათი გამოაქვეყნეს​

ისტორიაში პირველად, ასტრონომებმა „ირმის ნახტომის" ცენტრში მდებარე სუპერმასიური შავი ხვრელის სურათი გამოაქვეყნეს​.ჩვენი გალაქტიკის გულში არსებული შავი ხვრელი - ცნობილი, როგორც Sagittarius A* ან Sgr A* - დედამიწიდან დაახლოებით 27 000 სინათლის წლის მანძილზე მდებარეობს და მას მეცნიერები ათწლეულების განმავლობაში ათვალიერებდნენ.გალაქტიკის ცენტრში, ერთი შეხედვით ცარიელი ადგილის ირგვლივ მოტრიალე ვარსკვლავების მოძრაობაზე დაყრდნობით მათ დაასკვნეს, რომ მისი მასა მზის მასას დაახლოებით 4 მილიონჯერ აღემატება.

ნასა

1652267373

VIDEO: მოუსმინეთ შავი ხვრელის ხმას - NASA-მ აუდიოჩანაწერი გამოაქვეყნა

რამდენიმე დღის წინ, NASA-მ შავი ხვრელის აუდიოჩანაწერი გამოაქვეყნა. Chandra-ს რენტგენის ობსერვატორიის სააგენტომ წნევის ტალღები დააფიქსირა, რომლებიც პერსევსის გალაქტიკის შავი ხვრელიდან გამოგზავნილია.„პოპულარული, მაგრამ მცდარი წარმოდგენაა, რომ კოსმოსში ხმა არ არის. ეს იმითაა გამოწვეული, რომ კოსმოსის უმეტესი ნაწილი ვაკუუმია, სადაც ხმები ვერ ვრცელდება. თუმცა გალაქტიკებში დიდი რაოდენობით აირები არსებობს, რაც ხმის ტალღებს გადაადგილების საშუალებას აძლევს“, - აღნიშნულია NASA-ს განცხადებაში. ნახეთ ვიდეო ⇓

აუტიზმი

1651867782

კარგი ამბავი - აუტიზმთან დაკავშირებული მუტირებული გენი წარმატებით აღადგინეს

ახლად ჩატარებული კვლევის თანახმად, კალიფორნიის უნივერსიტეტში მომუშავე მეცნიერებმა აუტიზმის სპექტრისა (ASD) და სხვა ტიპის აშლილობებთან დაკავშირებულ მუტირებულს გენს პირველადი ფუნქცია აღუდგინეს. მათ ამისთვის გენური ინჟინერია გამოიყენეს, ექსპერიმენტი კი ორგანოიდებზე, ე. წ. „მინი-ტვინებზე“ ჩაატარეს. „ამ ბავშვებისა და მათი ახლობლებისთვის მოტორულ-კოგნიტიური ფუნქციისა და ცხოვრების ხარისხის ნებისმიერი გაუმჯობესება ნამდვილად ღირდა ცდად“, - ამბობს კვლევის წამყვანი ავტორი ალისონ მუოტრი.მუტირებულს გენს TCF4 ეწოდება. ის ნერვული სისტემისა და ტვინის განვითარების განუყოფელი ნაწილია. ამიტომ, მისი მუტაციები სხვადასხვა ნეიროფსიქიატრიულ მდგომარეობებთან ასოცირდება, როგორიცაა აუტიზმი და შიზოფრენია. ამის მიუხედავად, კონკრეტული მიზეზ-შედეგობრივი მექანიზმის შესახებ ჩვენთვის ჯერჯერობით უცნობია.ახლა კი მეცნიერებმა პიტ-კოპჰინსის სინდრომის მქონე ბავშვების ორგანიზმიდან კანის უჯრედთა ნიმუშები აიღეს და „მინი-ტვინები“ შექმნეს, რომლებშიც TCF4 მუტაციები იყო. სწორედ ასე შეძლეს მკვლევრებმა იმის დადგენა, თუ რისი გაკეთება შეიძლებოდა მუტაციის შეცვლა.მუტაციური TCF4-ის მქონე ორგანოიდებმა მრავალი განსხვავება აჩვენა - მათ შორის იყო ახალი ნეირონების შექმნის უნარის დაქვეითება. როგორც გაირკვა, ეს ბაზისური გენის დაბალი ექსპრესიითაა გამოწვეული. „მიკროსკოპის გარეშეც კი შესაძლებელი იყო იმის დადგენა, თუ სად მოხდა მუტაცია“… ამის მიზეზი კი არის, რომ ნეირონების ურთიერთკავშირის შეფერხებამ სტრუქტურული ცვლილებები გამოიწვია. და თუ მეცნიერთა ვარაუდს დავეყრდნობით, სწორედ ეს უნდა იდგეს ASD-ის მსგავსი კოგნიტიური დარღვევების მიღმა.დაქვეითებული ფუნქციის გაუმჯობესების მცდელობისას, მკვლევრებმა ორი ალტერნატიული მეთოდი შეიმუშავეს, TCF4 დონის გაზრდის მიზნით. საბედნიეროდ, ორივე წარმატებული აღმოჩნდა და  შედეგად სტრუქტურული ცვლილებები გაქრა.„ის ფაქტი, რომ ჩვენ შეგვიძლია დავაფიქსიროთ ეს ერთი გენი და მთელი ნერვული სისტემა აღვადგინოთ, თუნდაც ფუნქციურ დონეზე, გასაოცარია“, – თქვა მუოტრიმ.

მზე

1651344315

LIVE - მზის დაბნელება

30 აპრილს 2022 წლის მზის პირველი დაბნელება იქნება, რომელიც დედამიწის სამხრეთ ნახევარსფეროდან იქნება ხილული. კერძოდ, ეს მოვლენა ანტარქტიდის ზოგიერთი ნაწილიდან, სამხრეთ ამერიკიდან, წყნარი და ატლანტის ოკეანეების მიმდებარე რეგიონებიდან გამოჩნდება.ხოლო მათ, ვინც ამ რეგიონებში არ იმყოფება, მოვლენის ხილვა ონლაინ რეჟიმში შეეძლებათ. მზის ნაწილობრივი დაბნელება თბილისის დროით 22:45 საათზე დაიწყება, პიკს 00:41 საათზე მიაღწევს და 02:37 საათზე დასრულდება.მზის დაბნელება მაშინ ხდება, რომ მთვარე დედამიწასა და ჩვენს ვარსკვლავს შორის ექცევა და მის დისკოს ნაწილობრივ ეფარება.მზის დაბნელება შეგიძლიათ ნახოთ აქ. 

santelbi

1650485696

როგორ უნდა გაიგოთ როდისაა თქვენი პირადი ახალი წელი და როგორ უნდა მოიქცეთ მაშინ, თუ სურვილების ასრულება გინდათ

რა უდევს საფუძვლად დაბადების დღის ტორტზე ანთებული სანთლების ჩაქრობისას სურვილის ჩაფიქრების  ტრადიციას? - ამ კითხვაზე პასუხს ასტროლოგ ხათუნა ნოელისგან მიიღებთ, რომელიც ამბობს, რომ ადამიანის პირადი დაბადების დღე მაშინ არის, როცა ის დაიბადა.  „ჩვენი დაბადების დღე, ესეც ფაქტობრივად, ახალი წელია. რადგან ჩვენთვის იწყება ახალი ციკლი, ახალი წელი, შეგვიძლია ახალ გეგმებს ჩავუყაროთ საფუძველი. სურვილის ჩასაფიქრებლად ეს ერთ-ერთი მშვენიერი დღეა. ოღონდ არა მსგავსი სურვილების, სადაც ვამბობთ – „ნეტავ“.ეს არის გეგმა, უნდა გვქონდეს ჩამოყალიბებული სურვილები, თუ რისი განხორციელება გვსურს წლის მანძილზე და როგორ ვაპირებთ ამის სისრულეში მოყვანას.როგორც ვთქვი, ეს ახალი წელია, ასტროლოგიაში მას სოლარს უწოდებენ. როდესაც მზე, რომელიც ტრანზიტში მოძრაობს, მივა იმ წერტილზე, იმ გრადუსზე, რომელშიც ჩვენი დაბადების დღის მომენტში იდგა და შეუერთდება ნათალურ მზეს. როცა ერთ წერტილში მოიყრიან თავს, ამ დროს არის ჩვენი პირადი ახალი წელი.საათმა შეიძლება მზის გრადუსი შეცვალოს. ხანდახან სოლარული წერტილი, რომელიც ჩვენს მზეს უერთდება, დაბადების დღეს არ ემთხვევა. რადგან მზე არათანაბარი სისწრაფით მოძრაობს, ასე რომ არ იყოს, ნაკიანი წლები არ გვექნებოდა.ამ არათანაბრობის გამო შეიძლება უშუალოდ ჩვენს დაბადების დღეზე შეუერთდეს ეს მოძრავი ტრანზიტული წერტილი ჩვენს მზეს, შესაძლოა წინა, ან მომდევნო დღეს.კარგია, თუ ზუსტად გეცოდინებათ, რომელ გრადუსზე ხართ დაბადებული. ამის გასარკვევად, ასტროლოგს უნდა მიმართოთ. სწორად და სწორ დროს ჩაფიქრებული სურვილი აუცილებლად აგიხდებათ, თორემ ტორტს რომ შემოიტანენ, ის მომენტი შეიძლება არ დაემთხვეს.სურვილები ისეთი პრივატულია, ამის ხმამაღლა თქმა არასწორია. სურვილი ძირითადად ისაა, რასაც ნატრულობ. ნატვრა ყოველთვის ჩუმი და ხმადაბალია. სურვილის ჩაფიქრების პროცესი რა თქმა უნდა, შეიძლება საყვარელი ადამიანების გარემოცვაში მოხდეს, მაგრამ გულში“, – ამბობს ასტროლოგი.

ბავშვი

1650267900

მეცნიერული დასკვნა - ვისგან დაჰყვებათ ბავშვებს გონებრივი შესაძლებლობები

მეცნიერებმა დაადგინეს, რომ X ქრომოსომა ბავშვებში განსაზღვრავს შემეცნებითი შესაძლებლობების დონეს. მას შემდეგ, რაც ცნობილი გახდა, რომ ქალთა დნმ შედგება 22 წყვილი X ქრომოსომისგან, შეიძლება დავასკვნათ, რომ ბავშვი დედისგან მემკვიდრეობით იღებს თავისივე ინტელექტის დონეს.მეცინერებმა ჩაატარეს ცდა და დედის გენები შეუყვანეს თაგვს, ცდის შედეგად ნათელი გახდა, რომ თაგვს გაეზარდა თავი და ტანი დარჩა პატარა,ტვინის სიდიდე რამდემჯერმე აღემატებოდა ნორმას. თუ თაგვს მამის გენებს შეუყვანდნენ, მაშინ ხდებოდა საწინააღმდეგო ეფექტი.ამის შემდეგ, მეცნიერებმა გადაწყვიტეს გაეანალიზებინათ ადამიანის მდგომარეობა. ექსპერტებმა გამოკითხეს 12686 ადამიანი, 12-22 წლამდე ახალგაზრდები. ასევე გაითვალისწინეს ისეთი ელემენტები, როგორიცაა სოციალურ-ეკონომიკური სტატუსი და რასა.-“ჩვენ მივედით იმ დასკვნამდე, რომ ადამიანის ინტელექტის დონის ძირითადი მაჩვენებელი, მისი დედის ინტელექტის კოეფიციენტია”, – თქვეს მეცნიერებმა. მეცნიერები ვარაუდობენ, რომ გენეტიკა გავლენას ახდენს ადამიანის მხოლოდ 40-60% -ზე. დანარჩენს კი, გარემო ფაქტორები განსაზღვრავს.შეგახსენებთ, რომ ბავშვის განვითარება ყველა სფეროს მოიცავს: ფიზიკურ ზრდას, რაც გულისხმობს სხეულის ზომებისა და ფორმის, ცენტრალური და ვეგეტატიური ნერვული სისტემის, სენსორული და მოტორული უნარების განვითარებას.კოგნიტური (შემეცნებითი) პროცესების – აღქმის, ყურადღების, მეხსიერების, აზროვნების, მეტყველების განვითარებას. ფსიქო-სოციალურს – პიროვნული ნიშნების შეძენასა და საკუთარი უნიკალურობის გრძნობის განვითარებას, მის ადაპტაციას საზოგადოების მოთხოვნებთან და კულტურულ გარემოსთან.

მედვედევი

1649853950

„ღამით კარგად ჩაკეტონ კარები“ - მედვედევი უკრაინის მთავრობაზე

რუსეთის უშიშროების საბჭოს თავმჯდომარის მოადგილე მედვედევი უკრაინის ხელისუფლებას „ემუქრება".„ცალკეული გიჟები, რომლებიც საკუთარ თავს უკრაინის ხელისუფლებას უწოდებენ, აცხადებენ, რომ სურთ მტკიცებულებების მოპოვება ვიქტორ მედვედჩუკისგან, რათა „სწრაფად და სამართლიანად" გაასამართლონ იგი და შემდეგ ტყვეებში გაცვალონ.ეს ადამიანები ყურადღებით უნდა იყურებოდნენ და ღამით კარგად ჩაკეტონ კარები, რათა გასაცვლელ პირებს შორის თვითონ არ მოხვდნენ,“ -  წერს მედვედევი.შეგახსენებთ, უკრაინის პრეზიდენტმა, ვოლოდიმირ ზელენსკიმ რუსეთს ოლიგარქ ვიქტორ მედვედჩუკის უკრაინელ ტყვეებში გაცვლა შესთავაზა.