1768732474

ხარკოვზე რუსეთის იერიშს მსხვერპლი მოჰყვა

რუსეთმა ღამით იერიში ხარკოვის დასახლებულ რაიონზე მიიტანა. დრონებით თავდასხმის სამიზნეში კერძო საცხოვრებელი სახლი მოექცა.ძლიერი ხანძრის შედეგად 20 წლის ქალი დაიღუპა, არიან დაშავებულები.

1768668237

რუსეთმა ხარკოვზე იერიში მიიტანა

რუსეთმა ხარკოვზე იერიში მიიტანა. ამის შესახებ ხარკოვის მერი იგორ ტერეხოვი აცხადებს.ტერეხოვის თქმით, რუსეთმა იერიში მიიტანა კრიტიკულ ინფრასტრუქტურაზე, თავდასხმის შედეგად ერთი ადამიანია დაშავებული.„მტერმა დაბომბა კრიტიკული ინფრასტრუქტურის ობიექტი. დაზიანებები ძალიან მნიშვნელოვანია. საქმე ეხება სერიოზულ დარტყმებს სისტემაზე, რომელიც ქალაქში სითბოსა და სინათლეს ინარჩუნებს“, – აღნიშნა ტერეხოვმა.

1768629185

დაზვერვისგან გვაქვს ინფორმაცია, რომ რუსები ახალი მასირებული დარტყმებისთვის ემზადებიან - ზელენსკი

რუსეთი უკრაინის წინააღმდეგ ახალ მასირებულ საჰაერო დარტყმებს ამზადებს, - განაცხადა უკრაინის პრეზიდენტმა ვოლოდიმირ ზელენსკიმ საღამოს ტრადიციული ვიდეომიმართვის დროს.მისი თქმით, უკრაინის ჰაერსაწინააღმდეგო სისტემასა და სამხედროებს ახალი დავალებები უკვე მიეცათ.„ახლა დაზვერვამ მოგვაწოდა ინფორმაცია, რომ რუსები ახალი მასირებული დარტყმებისთვის ემზადებიან“, - აღნიშნა ზელენსკიმ.მისი თქმით, უკრაინული მხარე პარტნიორებს ჰაერსაწინააღმდეგო სისტემებისთვის ახალი რაკეტების მიწოდებას სთხოვს, რომელიც კიევის დაცვისთვის არის საჭირო.„მომარაგება საკმარისი არ არის. ვცდილობთ, რომ საკითხი დავაჩქაროთ, რომ პარტნიორებმა მოგვისმინონ“, - დასძინა უკრაინის ლიდერმა.

1768479121

უკრაინაში აცხადებენ, რომ ქვეყნის სამხრეთში ვითარება კვლავ რთული რჩება, რუსული ძალები აგრძელებენ საარტილერიო დაბომბვას და დრონებით თავდასხმებს თავდაცვის ძალების პოზიციებზე

უკრაინის სამხრეთში ვითარება კვლავ რთული რჩება, – ინფორმაციას ამის შესახებ უკრაინის სამხრეთის თავდაცვის ძალები ავრცელებს.მათივე ცნობით, ფრონტის ხაზზე ბოლო 24 საათის განმავლობაში 33 საბრძოლო შეტაკება დაფიქსირდა.„სამხრეთ უკრაინაში ვითარება კვლავ რთული რჩება. მტერი აგრძელებს საარტილერიო დაბომბვას და დრონებით თავდასხმებს უკრაინის თავდაცვის ძალების პოზიციებზე, ასევე აქტიურად იყენებს ავიაციას, მათ 50-მდე მართვადი საავიაციო ბომბი გამოიყენეს“, – ნათქვამია განცხადებაში.ოლექსანდრივსკის სექტორში რუსულმა ძალებმა 11 თავდასხმა განახორციელეს იანვარსკესა და ზლაგოდას მახლობლად, ასევე ივანოვკისა და ნოვი ზაპოროჟიეს მიმართულებით.

1768472372

ვიტალი კლიჩკო: მე გულწრფელად ვსაუბრობ, ხალხს უკიდურესად რთული ვითარების შესახებ ვაფრთხილებ და არ მაინტერესებს რეიტინგები ან ილუზორული არჩევნები

მე გულწრფელად ვსაუბრობ და ხალხს უკიდურესად რთული ვითარების შესახებ ვაფრთხილებ და არ მაინტერესებს რეიტინგები ან ილუზორული არჩევნები, – ასე ეხმაურება კიევის მერი ვიტალი კლიჩკო უკრაინის პრეზიდენტის, ვოლოდიმირ ზელენსკის განცხადებას, რომ დედაქალაქში „ძალიან ცოტა რამ გაკეთდა“ ენერგეტიკულ სისტემაში საგანგებო სიტუაციისთვის მზადებისას.კიევის მერმა ვიტალი კლიჩკომ, პრეზიდენტ ვოლოდიმირ ზელენსკის ბრალდებების საპასუხოდ განაცხადა, რომ ის, როგორც მერი, ასევე ველა საქალაქო სამსახური ყველაფერს აკეთებენ, რათა ელექტროქსელში საგანგებო სიტუაციის დროს ქალაქის სასიცოცხლოდ მნიშვნელოვანი უზრუნველყოფა შეინარჩუნონ.„როგორ „ინტენსივობას“ ვერ ხედავს პრეზიდენტი კიევის საგანგებო რეაგირებაში, განსაკუთრებით ბოლო დღეებში, როგორც მან აღნიშნა? როდესაც დამანგრეველი თავდასხმის შემდეგ, 6 000 სახლიდან მხოლოდ 400 რჩება ელექტროენერგიის გარეშე რამდენიმე დღეში? როდესაც კომუნალური მომსახურების თანამშრომლები თებერვლის სიცივეში 24 საათის განმავლობაში მუშაობენ მტრის მიერ დაზიანებული კრიტიკული ინფრასტრუქტურის აღსადგენად, რათა აღადგინონ გათბობა და წყალი ადამიანებისთვის? როდესაც ენერგეტიკოსები, რომლებიც ასევე 24/7 მუშაობენ, ცდილობენ კიევის მაცხოვრებლების სახლებში ელექტროენერგიის აღდგენას სულ მცირე რამდენიმე საათით?“, – აღნიშნა კლიჩკომ.კიევის მერმა აღნიშნა, რომ ასეთი განცხადებები, პირველ ყოვლისა, ათასობით ადამიანის, სპეციალისტის თავდადებულ შრომას უარყოფს. კლიჩკომ თქვა, რომ ქვეყნის პრეზიდენტს საჯაროდ პასუხობდა, რადგან ბოლო ოთხი წლის განმავლობაში მათ შორის შეხვედრა არ ყოფილა.ცნობისთვის, უკრაინის პრეზიდენტმა, ვოლოდიმირ ზელენსკიმ ქვეყანაში არსებული ენერგეტიკული კრიზისის გამო გუშინ საგანგებო სხდომა გამართა. უკრაინის პრეზიდენტმა მთავრობას დაავალა, კომენდანტის საათის წესებს გადახედოს. ამასთან, ზელენსკის თქმით, ენერგეტიკის სექტორში საგანგებო მდგომარეობა ოფიციალურად გამოცხადდება, რაც მთავრობას მეტ შესაძლებლობას მისცემს. როგორც ზელენსკიმ განმარტა, გაიზრდება ელექტროენერგიის იმპორტის შესაძლებლობები.

1768471711

ანდრეი ერმაკს სამხედრო სამსახურის გავლის სურვილით ტერიტორიული გაწვევის არცერთი ცენტრისთვის არ მიუმართავს - უკრაინის თავდაცვის სამინისტრო

პრეზიდენტის ადმინისტრაციის ყოფილ ხელმძღვანელს, ანდრეი ერმაკს, სამხედრო სამსახურის გავლის სურვილით ტერიტორიული გაწვევის არცერთი ცენტრისთვის არ მიუმართავს. ამის შესახებ უკრაინის თავდაცვის სამინისტრომ დეპუტატ იაროსლავ ჟელეზნიაკის მოთხოვნის საპასუხოდ განაცხადა.„უკრაინის მოქალაქე ანდრეი ბორისის ძე ერმაკს არ მიუმართავს არცერთი ტერიტორიული გაწვევისა და სოციალური დახმარების ცენტრისთვის სამხედრო სამსახურში სპეციალური ვადით ან კონტრაქტით მსახურების სურვილის შესახებ“, – აღნიშნულია განცხადებაში.2025 წლის 29 ნოემბერს ანდრეი ერმაკმა განაცხადა, რომ ფრონტზე მიდიოდა მას შემდეგ, რაც თანამდებობა კორუფციული სკანდალისა და ეროვნული ანტიკორუფციული ბიუროს მიერ მის სახლში ჩატარებული გამოძიების ფონზე დატოვა

1768458667

ზელენსკიმ მთავრობას დაავალა, კომენდანტის საათის წესებს გადახედოს

უკრაინის პრეზიდენტმა ვოლოდიმირ ზელენსკიმ მთავრობას დაავალა, კომენდანტის საათის წესებს გადახედოს.„საგანგებო მდგომარეობის პერიოდში შეგვიძლია, გავაუქმოთ კომენდანტის საათი ზოგიერთ ქალაქში. იქ, სადაც უსაფრთხოების ვითარება ამის საშუალებას იძლევა. თანამდებობის პირებმა უნდა წარმოადგინონ შესაბამისი წინადადებები, რათა ნებისმიერ დროს ხალხმა მიიღოს ყველა საჭირო მხარდაჭერა და ბიზნესმა უფრო რაციონალურად დაგეგმოს თავისი მუშაობა“, – განაცხადა ზელენსკიმ ყოველდღიურ ვიდეომიმართვაში.ამასთან, უკრაინის პრეზიდენტის თქმით, ენერგეტიკის სექტორში საგანგებო მდგომარეობა ოფიციალურად გამოცხადდება, რაც მთავრობას მეტ შესაძლებლობას მისცემს.როგორც ზელენსკიმ განმარტა, გაიზრდება ელექტროენერგიის იმპორტის შესაძლებლობები.

1768304061

ზელენსკი აცხადებს, რომ უკრაინის ენერგეტიკულ ინფრასტრუქტურაზე თავდასხმები მოსკოვს გამარჯვებაში ვერ დაეხმარება

უკრაინის პრეზიდენტი ვოლოდიმირ ზელენსკი აცხადებს, რომ უკრაინის ენერგეტიკულ ინფრასტრუქტურაზე თავდასხმები მოსკოვს ვერ დაეხმარება გამარჯვებაში.ვოლოდიმირ ზელენსკის თქმით, ღამის განმავლობაში რუსეთმა უკრაინის მიმართულებით თითქმის 300 უპილოტო საფრენი აპარატი და ათობით რაკეტა გაუშვა, რის შედეგადაც ასობით ათასი ოჯახი ელექტროენერგიის გარეშე დარჩა.უკრაინის პრეზიდენტმა აღნიშნა, რომ დარტყმების მთავარი სამიზნე კვლავ ენერგეტიკული ინფრასტრუქტურა იყო.„რუსეთმა უნდა გაიგოს, რომ სიცივე ომის მოგებაში ვერ დაეხმარება. მადლობა ყველას, ვინც გვეხმარება“, – განაცხადა ზელენსკიმ.უკრაინის პრეზიდენტის თქმით, მსოფლიოს შეუძლია, უპასუხოს რუსულ ტერორს დახმარების ახალი პაკეტებით.

1768287170

„ბლუმბერგის“ ცნობით, უკრაინაში სრულმასშტაბიან შეჭრამდე ირანმა რუსეთს სამ მილიარდ დოლარამდე ღირებულების რაკეტები მიჰყიდა

„ბლუმბერგის“ ცნობით, ირანმა რუსეთს თითქმის სამი მილიარდი დოლარის ღირებულების რაკეტები მიჰყიდა.გამოცემა ანონიმურ წყაროზე დაყრდნობით იუწყება, რომ ირანმა რუსეთთან დაახლოებით 2.7 მილიარდი დოლარის ღირებულების რაკეტებთან დაკავშირებით კონტრაქტი უკრაინაში სრულმასშტაბიანი შეჭრის დაწყებამდე გააფორმა.„ბლუმბერგის“ ცნობით, შეთანხმება 2021 წლის ოქტომბერში, ომის დაწყებამდე რამდენიმე თვით ადრე გაფორმდა.კონტრაქტი მოიცავდა ბალისტიკური და სხვა ტიპის რაკეტების მიწოდებას. გარდა ამისა, მედიის ინფორმაციით, ირანმა რუსეთს მილიონობით საბრძოლო მასალა და საარტილერიო ჭურვი მიაწოდა, ასევე Shahed-136 დრონები და ტექნოლოგია მათი რუსეთში წარმოებისთვის. საერთო ჯამში, როგორც მედია წერს, რუსეთმა 2021 წლის ბოლოდან ირანის სამხედრო აღჭურვილობაზე 4 მილიარდ დოლარზე მეტი დახარჯა.

1768121518

რა მდგომარეობაა ამ დროისთვის უკრაინაში

რუსეთის საოკუპაციო ძალებმა უკრაინის რეგიონები დაბომბეს, ქალაქების და დასახლებების მიმართულებით 150-ზე მეტი უპილოტო საფრენი აპარატი გაუშვეს, აფეთქებებია 20 სხვადასხვა ლოკაციაზე.ენერგეტიკულ ინფრასტრუქტურაზე თავდასხმების გამო კიევის, ზაპოროჟეს და დნიპროს ოლქებს შეფერხებით მიეწოდება ელექტროენერგია.აფეთქებებია რუსეთშიც, დრონების აფეთქების შედეგად ვორონეჟში, დაზიანებულია რამდენიმე მრავალსართულიანი საცხოვრებელი სახლი, დაიღუპა ერთი ადამიანი, დაშავებულია სამი.

1768043893

კიევში ელექტროენერგიის საგანგებო გათიშვა გამოცხადდა - ალექსეი გონჩარენკო

უკრაინელი დეპუტატის ალექსეი გონჩარენკო "ტელეგრამ" არხზე კიევის საქალაქო სახელმწიფო ადმინისტრაციის ცნობის საფუძველზე წერს, რომ კიევში ელექტროენერგიის საგანგებო გათიშვა გამოცხადდა.გავრცელებული ინფორმაციით, გაითიშა წყლისა და გათბობის სისტემები, ასევე შეჩერდა დედაქალაქის ელექტროტრანსპორტი.

1767940976

რუსეთმა კიევზე მასირებული თავდასხმა განახორციელა - დაღუპულია ოთხი ადამიანი

რუსეთმა გვიან ღამით კიევზე მასირებული შეტევა მიიტანა, რის შედეგადაც სულ მცირე ოთხი ადამიანი დაიღუპა. ინფორმაციას უკრაინის დედაქალაქის მერი ვიტალი კლიჩკო ავრცელებს.მისი განცხადებით, კომბინირებული დარტყმის შედეგად კიევის რამდენიმე რაიონი დაზიანდა. დაზიანებულია საცხოვრებელი სახლები და ინფრასტრუქტურის ობიექტები.„ამ დროისთვის ცნობილია ოთხი დაღუპულის შესახებ. დაშავდა 19 ადამიანი. 14 ადამიანი მედიკოსებმა საავადმყოფოში გადაიყვანეს. დანარჩენს დახმარება ადგილზე გაეწია. დაღუპულთა შორის ერთ-ერთი მედიკოსია. დაშავდა მედიცინის ოთხი მუშაკი“, - დაწერა კლიჩკომ.დაბომბვის შედეგად კიევში ელექტროენერგია გაითიშა. როგორც კლიჩკომ აღნიშნა, დაბომბილია კიევის დარნიცის, დესნიანის, დნეპრის და პეჩორის რაიონები.კიევი იბომბებოდა უპილოტო საფრენი აპარატებითა და რაკეტებით.