1793362359

ჯანდაცვის მსოფლიო ორგანიზაციის ევროპის რეგიონული ოფისის ხელმძღვანელი საპატრიარქოს ეწვია

საქართველოს საპატრიარქოში ეწვია ჯანდაცვის მსოფლიო ორგანიზაციის ევროპის რეგიონული ოფისის ხელმძღვანელი და ორგანიზაციის გენერალური დირექტორობის კანდიდატი, დოქტორი ჰანს კლუგე, რომელიც თბილისს ოფიციალური ვიზიტით, საკუთარი საარჩევნო კამპანიის ფარგლებში ეწვია. ინფორმაციას საქართველოს საპატრიარქოს საზოგადოებასთან ურთიერთობის სამსახური ავრცელებს.მათივე ცნობით, შეხვედრაზე დოქტორმა ჰანს კლუგემ სასულიერო პირებს სამომავლო ხედვა და ის გეგმები გააცნო, რომლებიც მის საარჩევნო პლატფორმასა და გლობალური ჯანდაცვის სისტემის განვითარებას უკავშირდება.„შეხვედრას ესწრებოდნენ: წალკელი ეპისკოპოსი გრიგოლი (კაცია), სრულიად საქართველოს კათოლიკოს-პატრიარქის მდივანი, დეკანოზი მიქაელ ბოტკოველი, საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე, საპატრიარქოს საგარეო საქმეთა განყოფილების ხელმძღვანელის მოადგილე, დეკანოზი არჩილ ხაჩიძე და საპატრიარქოს წმინდა თამარ მეფის სახელობის უნივერსიტეტის რექტორი, არქიმანდრიტი ადამი (ახალაძე).მასპინძლებმა სტუმარს ვიზიტისთვის მადლობა გადაუხადეს და მომავალ საარჩევნო მარათონში წარმატებები უსურვეს“, – ნათქვამია საქართველოს საპატრიარქოს საზოგადოებასთან ურთიერთობის სამსახურის გავრცელებულ ინფორმაციაში.

1793359039

13 000 აბონენტს გაზმომარაგება შეუწყდება - გადაამოწმეთ მისამართები

რუსთაველის გამზირის სარეაბილიტაციო სამუშაოებთან დაკავშირებით მთაწმინდის და ძველი თბილისის რაიონში გაზმომარაგება დროებით 13000 აბონენტს შეუწყდება.კერძოდ „თბილისი ენერჯის“ ცნობით, რუსთაველის ქუჩის სარეაბილიტაციო სამუშაოებთან დაკავშირებით ხვალ - 31 ოქტომბრის 21:00 სთ-დან 1-ელი ნოემბრის 11:00 სთ-მდე გაზმომარაგება შეუწყდება:ბეგლარ ახოსპირელის ქ. 4, I ჩიხი 2, 3, 2/4, 4, 5/6, 7/8, II ჩიხი ½1/2, 4, 7/8, 8, 8/9, III ჩიხი 1, ½1/2, 1/17, 10, 4/5, 25, 5, 7, 8, 8/9, 9, IV ჩიხი 1/6, 5, ახოსპირელის ქ. 3, 4, 5, 5/6, 6, 7, 9/8, 9, 3შეს. 9, 10, ახოსპირელის გას.3, 3/7, ჩიხი 2, ჩიხი 1/7, ჩიხი, კუფტინის ქ. 14, აბო თბილელის ქ. 1, 4, 5, 6-ში მცხოვრებ მოსახლეობასა და მცირე კომერციულ ობიექტებს, გერგეთის ქ. 3, გერგეთის შეს. 3, 7ა, 22-ს , გერგეთის გას. 8, ჭოველიძე-ბელინსკის, ძმ. ზუბალაშვილების, ძმ. კაკაბაძეების, ბაქრაძის, ხოშტარიას, დ.თორაძის, მერაბ კოსტავას, ნიაღვრის ქ. 4, მთაწმინდის ქ. 12/14, ჭონქაძის ქ. 24, მაყაშვილის ქ. 34, 36, რუსთაველის გამზ. 52, დ. ყიფიანის ქ. 29, 35 (მთაწმინდის ქ. 27), ვუკოლ ბერიძის ქ. 6, ივანე კერესელიძის, ჩირგაძის, ზანდუკელის, იაკობ გოგებაშვილის ქ. 29, 37, გოგებაშვილის III შეს. 3, იაკობ გოგებაშვილის III შეს. 4-ში (ნათია ბაშალეიშვილის ქ. 4), ალექსანდრე გრიბოედოვის ქ. 26, ვალერიან გუნიას, დანიელ ჭონქაძის II ჩიხი 3, ბარნოვის ქუჩის დასაწყისს, ჩიტაძის ქ. 9, 10, 11, ჩიტაძის, სულიკო ჟღენტის, ვ.ბერიძის, შოთა რუსთაველის გამზირის, სულხან საბას, გიორგი ლეონიძის, ს.მესხის, შალვა დადიანის, შხეფის, თავისუფლების მოედანის, ამაღლების, პ.ჩაიკოვსკის, 8 მარტის, 9 აპრილის, პ. იაშვილის, პ.ინგოროყვას, დანიელ ჭონქაძის, ლერმონტოვის, (გიგა ლორთქიფანიძის), გ.ქიქოძის, ჩაბალის, თამარ აბაკელიას, ალ. ჭავჭავაძის, ელ. ზედგენიძის, ბოლო აღმართის, ლადო ასათიანის, ივ. თარხნიშვილის ქ. 2, მაჩაბელის, არსენას, შინდისის, კოჯრის (გიზო ნიშნიანიძის), პავლე ინგოროყვას ქ. 19, 17/9 აპრილის ქ. 5-სა და მიმდებარე ქუჩების, ვასო აბაშიძის¸ალექსანდრე გრიბოედოვის, ალექსანდრე პუშკინის, აპოლონ ქუთათელაძის, გია აბესაძის, ეროსი მანჯგალაძის, ლადო ალექსი-მესხიშვილის, მარია ბროსეს, მედეა ჯაფარიძის, მიტროფანე ლაღიძის, რევაზ თაბუკაშვილის, რევაზ ლაღიძის, სოლიკო ვირსალაძის, ჯამბულის, ალექსანდრე გრიბოედოვის, ალექსანდრე ჭავჭავაძის, ბესიკის, გერონტი ქიქოძის, გიორგი გიგაურის, დიმიტრი ყიფიანის, ელიზბარ ზედგენიძის, ვ.სარაჯიშვილის, ვეძინის, ზაალ ქიქოძის, ზურაბ ჟვანიას, თამაზ სეფერთელაძის, თხინვალის, კოტე მესხის, ლიხის, მიტროფანე ლაღიძის, მოსიძის, პოლიკარპე კაკაბაძის, რიწის, სერგო ფარაჯანოვის, სოლომონ ზალდასტანიშვილის, სულიკო ჟღენტის, ტარიელის, ტყის, ჩაბალის, ცხემის, ძმ.ზუბალაშვილების, ძმ.კაკაბაძეების, ვ.სარაჯიშვილის, არსენას, დიმიტრი ყიფიანის, ეკატერინე გაბაშვილის, ვახტანგ კოტეტიშვილის, ზეინაბ ბოცვაძის, მთაწმინდის, მიხაი ზიჩის, ნიაღვრის, დანიელ ჭონქაძის, ბათუ კრავეიშვილის, თედო ჟორდანიას, კირილე უკლებას, ლესია უკრაინკას, ნიაღვრის, შიო ჩიტაძისა და ტარას შევჩენკოს ქუჩებზე მცხოვრებ კერძო სექტორის ნაწილს, ასევე ლესია უკრაინკას ქ. 3, 5, ნიაღვრის ქ. 4, მთაწმინდის შეს. 9/11, 7, ტარსა შევჩენკოს ქ. 1, 5, ლესია უკრაინკას ქ. 3, სოლომონ ზალდასტანიშვილის ქ. 26-ში მდებარე შპს ,,მკ დეველოპმენტის“ საცხოვრებელი კორპუსების მოსახლეობას. ასევე გაზმომარაგება შეუწყდება აღნიშნულ ტერიტორიაზე განთავსებულ მსხვილ და მცირე კომერციულ ობიექტებს, მათ შორისაა: საქართველოს სახელმწიფო უსაფრთხოების სამსახური, სამთავრობო დაცვის სამსახური, საგარეო საქმეთა სამინისტრო, შპს ,,ტანდემი”, იტალიის საელჩო, ზუბალაშვილების ქუჩაზე – უზენაესი სასამართლო, მთაწმინდის რაიონის გამგეობა, შპს ,,ვილაჯეო”, შპს ,,ასტორია”, შპს ,,ბეტსი”, ი/მ ბადრი შალიკიანი, საქართველოს იუსტიციის უმაღლეს საბჭოსთან არსებული სსიპ საერთო სასამართლოების დეპარტამენტი, აპოლონ ქუთათელაძის სახელობის სამხატვრო აკადემია, სსიპ "თავდაცვის ინსტიტუციური აღმშენებლობის სკოლას", სს ,,გუდვილი”, შპს ,,აჭარა გრუპი”, შპს ,,სითი ლოფტი”, წმ. ნინოს სახ. ეკლესია, საქართველოს კინემატოგრაფისტთა შემოქმედებითი კავშირი (კინოს სახლი), შპს ,,გურმანი VI”, საქართველოს მეცნიერებათა აკადემია, # 47 და #49-ე საჯარო სკოლები, ივ. ჯავახიშვილის სახ. უნივერსიტეტის ეკონომიკის სკოლა, ა(ა)იპ ახალგაზრდული ხელოვნების განვითარების ფონდი შემოქმედებითი ლაბორატორიას, შპს ,,მასპინძელო 2022”-,ს გოეთეს ინსტიტუტი, თავისუფლების მოედანზე მდებარე ქ. თბილისის საკრებულოს, მიხეილ ლერმონტოვის ქ. 1-ში ლერმონტოვის ქ. 10-ში – შპს ,,ლერმონტს” (სასტუმრო), გიორგი ლეონიძის ქ. 2-ში – ბიზნეს ცენტრს ლეონიძეზე, პუშკინის ქ. 25, პუშკინის ქ. 1-3-ში - შპს ,,ვ.ვ.ვ.”-ს, მაჩაბლის ქუჩაზე მდებარე ოლიმპიურ კომიტეტს, შპს ,,ამარკორდს”, სსიპ ,,მწერალთა სახლს”, თავისუფლების ქ. 2-ში - ქ. თბილისის მუნიციპალიტეტის საკრებულოს აპარატს, საქართველოს ავღანეთის ომის ვეტერანთა კავშირს, გ. ტაბიძის ქ. 4-ში შპს ,,მაქრო ტურიზმს”, ფუნიკულიორის პლატოზე - შპს ,,ჯიემთი მთაწმინდას“, ბაგა ბაღი # 200 (აბ: 345452), შპს ,,ბაზა.ჯი”-ს, კოტე აფხაზის ქ. 4-6-ში მდებარე შპს ,,მასპინძელო 2022”-ს, შპს ,,ბიზნეს ცენტრი თავისუფლების მოედანი”, ბიზნეს ცენტრი ლეონიძეზე, შპს ,,ტაბიძის 4”, სსიპ მწერალთა სახლი, ა(ა)იპ ახალგაზრდული ხელოვნების განვითარების ფონდი შემოქმედებითი ლაბორატორია, ვ. ბარნოვის ქ. 10-ში # 49 საჯარო სკოლასა და შპს ,,სილექს გრუპს”, შოთა რუსთაველის გამზ. 52-ში მდებარე საქართველოს მეცნიერებათა აკადემიას, ძმ. კაკაბაძეების ქ. 2-ში მდებარე საქართველოს კინემატოგრაფისტთა კავშირს და შპს ,,გურმანს”, ძმ. კაკაბაძეების ქ. 3/2-ში მდებარე ი/მ ნათია გოგოჭურის მცირე კომერციულ ობიექტსა და სხვა.„გაზმომარაგების აღდგენა დაიწყება კვირას, 1-ელ ნოემბრის 11:00 სთ-დან და დასრულდება 20:00 საათამდე.გთხოვთ ყურადღებით იყოთ და არ დატოვოთ გაზის ონკანები ღია მდგომარეობაში.თუ იგრძენით გაზის სუნი დარეკეთ მითითებულ ნომრებზე:ცხელი ხაზი: +995 32 2404004სწრაფი რეაგირების სამსახური 114“,- აღნიშნულია ინფორმაციაში

1793355637

სურსათის ეროვნულმა სააგენტომ მზა კერძების ობიექტ „კნატუნას“ საწარმოო პროცესი შეუჩერა

სურსათის ეროვნული სააგენტოს თბილისის დეპარტამენტის ინსპექტორებმა შემოსული შეტყობინების საფუძველზე მზა კერძების მწარმოებელი და სარეალიზაციო ობიექტი „კნატუნა“ არაგეგმურად შეამოწმეს და გამოვლენილი დარღვევების გამო საწარმოო პროცესი შეუჩერეს.სურსათის ეროვნული სააგენტოს ცნობით, ინსპექტირებისას კრიტიკული შეუსაბამობის (ინვენტარის და ზედაპირების არასათანადო რეცხვა) განმეორებითი დარღვევა და ვეტერინარული ზედამხედველობის გარეშე ხორცის განთავსების ფაქტი აღინიშნა.„ბიზნესოპერატორი კანონმდებლობის შესაბამისად დაჯარიმდა (დარღვევის განმეორების შემთხვევაში სანქცია 5000 ლარს შეადგენს) და საწარმოო პროცესი შეუჩერდა.აჭარის დეპარტამენტის ინსპექტორებმა კრიტიკული შეუსაბამობების გამო დააჯარიმეს და საწარმოო პროცესი შეუჩერეს რესტორანს „ღელეღურდანი“ (მისამართი: ბათუმი ფ.ხალვაშის ქ.N45ა). ობიექტზე დაფიქსირდა ინფრასტრუქტურის გაუმართაობა, ინვენტარის არასათანადო რეცხვა/დეზინფექცია და ჰიგიენური ნომრების დარღვევა.არალეგალური ფრინველთა სასაკლაოები გამოავლინეს შიდა ქართლის უფლებამოსილმა პირებმა.ინდივიდუალური მეწარმე ზ.ს (მისამართი :გორის მუნიციპალიტეტი, სოფელი ქვახვრელი) და ფიზიკური პირი თ.ხ. (მისამართი: კასპის მუნიციპალიტეტი , სოფელი ფერმა) საქმიანობას (ფრინველების დაკვლა რეალიზაციის მიზნით) ეკონომიკურ საქმიანობათა რეესტრში რეგისტრაციისა და სააგენტოს აღიარების გარეშე ახორციელებდნენ. კანონმდებლობის შესაბამისად მეწარმეები დაჯარიმდნენ და საწარმოო პროცესი შეუჩერდათ“,- აღნიშნულია ინფორმაციაში.

1793355112

აჭარის ჯანდაცვის სამინისტრო სამწუხარო ინფორმაციას ავრცელებს

ბათუმის რესპუბლიკური კლინიკური საავადმყოფოს ექიმი გიორგი ჟღენტი გარდაიცვალა. სამწუხარო ინფორმაციას სოციალურ ქსელში აჭარის ჯანდაცვის სამინისტრო ავრცელებს და ოჯახსა და კოლეგებს სამძიმარს უცხადებს.„აჭარის ჯანმრთელობისა და სოციალური დაცვის სამინისტრო მწუხარებას გამოთქვამს ბათუმის რესპუბლიკური კლინიკური საავადმყოფოს ორთოპედ-ტრავმატოლოგის, მედიცინის დოქტორის - გიორგი ჟღენტის გარდაცვალების გამო და თანაგრძნობას უცხადებს ოჯახს და კოლეგებს.გიორგი ჟღენტი გამოირჩეოდა პროფესიონალიზმითა და საქმისადმი ერთგულებით. მისი მრავალწლიანი სამედიცინო და აკადემიური საქმიანობა მნიშვნელოვანი იყო როგორც პაციენტებზე ზრუნვის, ისე ახალგაზრდა ექიმების პროფესიული განვითარების მიმართულებით“, - აღნიშნულია სამძიმრის ტექსტში.

1793353813

დასკვნითი გაცვლითი კონფერენცია - ურბანული ლაბორატორიები საქართველოში: იდეებიდან განხორციელებამდე

დასკვნითმა კონფერენციამ „ურბანული ლაბორატორიები საქართველოში: იდეებიდან განხორციელებამდე“ სამოქალაქო საზოგადოების ორგანიზაციების წარმომადგენლები, სათემო ჯგუფები, დამოუკიდებელი ურბანული ექსპერტები, საერთაშორისო და დონორი ორგანიზაციების, ასევე პარტნიორი მუნიციპალიტეტების წარმომადგენლები გააერთიანა.კონფერენციის მიზანი იყო პროექტის „მდგრადი ურბანული განვითარება“ (SUD) ფარგლებში შექმნილი ურბანული ლაბორატორიების გამოცდილების გაზიარება, მიღწეული შედეგების შეჯამება და მუშაობის პროცესში გამოვლენილი ძირითადი მიგნებებისა და გამოწვევების განხილვა.გერმანიის ეკონომიკური თანამშრომლობისა და განვითარების ფედერალური სამინისტროს (BMZ) დაფინანსებით, გერმანიის საერთაშორისო თანამშრომლობის საზოგადოება (GIZ) ახორციელებდა პროექტს „მდგრადი ურბანული განვითარება“ (SUD), რომლის მიზანი იყო ადგილობრივი დაინტერესებული მხარეების მხარდაჭერა ურბანული ინიციატივების შემუშავებასა და განხორციელებაში, მონაწილეობითი დაგეგმარების გაძლიერება და მუნიციპალურ დონეზე თანამშრომლობის ხელშეწყობა.მუნიციპალიტეტების, სამოქალაქო საზოგადოების ორგანიზაციებისა და ადგილობრივი მოსახლეობის აქტიური ჩართულობით, პროექტმა ხელი შეუწყო ისეთი პრაქტიკული მიდგომების შემუშავებას, რომლებიც საქართველოში უფრო ინკლუზიური, კლიმატის ცვლილების მიმართ მედეგი და საცხოვრებლად ხელსაყრელი ურბანული გარემოს შექმნას ემსახურება.ღონისძიება მისასალმებელი სიტყვებით გახსნეს გერმანიის ფედერაციული რესპუბლიკის დანიშნულმა ელჩმა საქართველოში, ბარბარა ფოსმა, საქართველოში ევროკავშირის დელეგაციის თანამშრომლობის განყოფილების ხელმძღვანელმა, ნიკოლას სენდროვიჩმა, GIZ-ის საქართველოს ოფისის დირექტორმა, დანიელ ბუშემ და GIZ-ის პროექტის „მდგრადი ურბანული განვითარება“ (SUD) დირექტორმა, ანკა დერიხსმა.გერმანიის ფედერაციული რესპუბლიკის დანიშნულმა ელჩმა საქართველოში, ბარბარა ფოსმა, ყურადღება გაამახვილა მოქალაქეთა მონაწილეობის მნიშვნელობაზე ისეთი ურბანული გარემოს ფორმირებაში, რომელიც ადამიანთა საჭიროებებზეა მორგებული და ხელს უწყობს პლურალისტური საზოგადოების განვითარებას. მან ხაზგასმით აღნიშნა, რომ საცხოვრებლად ხელსაყრელი, ინკლუზიური და მდგრადი ურბანული გარემოს შექმნა ყველა ძირითადი დაინტერესებული მხარის აქტიურ ჩართულობასა და თანამშრომლობას მოითხოვს.საქართველოში ევროკავშირის დელეგაციის განვითარებისა და თანამშრომლობის განყოფილების ხელმძღვანელმა, ნიკოლას სენდროვიჩმა, კიდევ ერთხელ დაადასტურა ევროკავშირის ერთგულება საქართველოს მოსახლეობის მხარდაჭერის მიმართ და ყურადღება გაამახვილა ახლახან გამოცხადებულ 38 მილიონი ევროს დაფინანსებაზე, რომელიც ახალი პროექტების განხორციელებას მოხმარდება. ინიციატივის „EUwithYou“ ფარგლებში დაგეგმილი პროექტები მიზნად ისახავს ქვეყნის მასშტაბით ოჯახებისა და ადგილობრივი თემების ცხოვრების ხარისხის გაუმჯობესებას.ეკონომიკური უთანასწორობის შემცირების მიზნით, ევროკავშირი მხარს დაუჭერს საქართველოს მცირე ქალაქებსა და დაბებში ინკლუზიურ სოციალურ-ეკონომიკურ განვითარებას. ახალი პროექტები შექმნის ეკონომიკურ შესაძლებლობებს, განსაკუთრებით ქალებისა და მოწყვლადი ჯგუფებისთვის, და ამავდროულად ხელს შეუწყობს საზოგადოებრივი სივრცეების კეთილმოწყობასა და გაუმჯობესებას.აღნიშნული 38 მილიონი ევროს დაფინანსების ფარგლებში, ევროკავშირი მომდევნო ორწელიწად-ნახევრის განმავლობაში 4,5 მილიონ ევროს გამოყოფს ინიციატივისთვის „ევროკავშირი მდგრადი ურბანული განვითარებისთვის“ (EU for Sustainable Urban Development), რომელიც ევროკავშირისა და გერმანიის ერთობლივი ინიციატივაა. ნიკოლას სენდროვიჩმა აღნიშნა, რომ GIZ-ის მრავალწლიანი გამოცდილება და ექსპერტული ცოდნა მყარ საფუძველს შექმნის კონკრეტული, ხელშესახები შედეგების მისაღწევად.კონფერენციის პირველ ნაწილში წარმოდგენილი იყო ურბანული ლაბორატორიების საქმიანობის შედეგები ხუთ პარტნიორ ქალაქში, სადაც ჯამში 360 000 ადამიანი ცხოვრობს.ბათუმში, ძველი ბათუმის ისტორიულ უბანში, მიმდინარე ღონისძიებები მიზნად ისახავს ურბანული გარემოს გაუმჯობესებას დაახლოებით 15 000 მცხოვრებისა და ქალაქის სტუმრებისთვის. გორში ყურადღება გამახვილდა ჭალის უბნის საზოგადოებრივი და გამწვანებული სივრცეების კეთილმოწყობაზე, ზუგდიდში — ქალაქის ცენტრალური ნაწილის გაუმჯობესებაზე, ხოლო ონსა და სამტრედიაში — ბუნებაზე დაფუძნებულ გადაწყვეტებზე.ამ პროცესებში აქტიურად მონაწილეობდა 30 ადგილობრივი სამოქალაქო საზოგადოების ორგანიზაცია. საერთო ჯამში, ხუთივე ქალაქში 350-ზე მეტი მოქალაქე ჩაერთო კლიმატის ცვლილებებთან ადაპტირებული და საცხოვრებლად ხელსაყრელი ურბანული გარემოს შექმნისთვის საჭირო გადაწყვეტილებების შემუშავებაში.პროექტის ფარგლებში სამ ქალაქში, ურბანული ანალიზის, ადგილობრივი საჭიროებებისა და მონაწილეობითი პროცესების საფუძველზე, შემუშავდა სამეზობლო კონცეფციები, რომლებიც ურბანული გარემოს გაუმჯობესების სხვადასხვა გადაწყვეტას მოიცავს. მათი ნაწილი სადემონსტრაციო პროექტების სახით ხორციელდება. ასევე მომზადდა საქართველოს საჯარო ინვესტიციების სტანდარტებთან შესაბამისი, დაფინანსებისთვის მზადყოფნაში მყოფი საინვესტიციო პროექტები. ურბანული ლაბორატორიების გამოცდილებაზე დაყრდნობით შემუშავდა პოლიტიკის რეკომენდაციები, პრაქტიკული ინსტრუმენტები და ცოდნის გაზიარებისთვის განკუთვნილი მასალები.პროექტის კიდევ ერთი მნიშვნელოვანი მიღწევაა მუნიციპალური ენერგომენეჯმენტის გაძლიერება. ოთხ მუნიციპალიტეტში დაინერგა ენერგომენეჯმენტის სისტემები (EMS) და ჩატარდა ენერგოაუდიტები. კლიმატმეგობრული ენერგეტიკის ბაზრობებში 500-ზე მეტი ადამიანი და 30 მცირე და საშუალო საწარმო მონაწილეობდა. სამ მუნიციპალიტეტში გამართული კონკურსის შედეგად კი ექვსი საწარმო SUD-ის ფინანსური მხარდაჭერით ენერგოეფექტურობის გაუმჯობესების ღონისძიებებს ახორციელებს.კონფერენციის მეორე ნაწილი, „ქალაქების მომავლის ფორმირება“, მდგრადი ურბანული განვითარების თანამედროვე მიდგომებს დაეთმო. ექსპერტებმა განიხილეს ინტეგრირებული სამეზობლო კონცეფციების შემუშავების მეთოდები და ახალი ევროპული ბაუჰაუსის (New European Bauhaus) პრინციპების — მდგრადობის, ინკლუზიურობისა და დიზაინის ხარისხის — გამოყენების შესაძლებლობები ურბანულ განვითარებაში.კონფერენცია ურბანული ლაბორატორიების მიღწევების ამსახველი გამოფენით დასრულდა, სადაც წარმოდგენილი იყო სამეზობლო კონცეფციები, განხორციელებული ღონისძიებების შედეგების ვიზუალიზაციები, მონაწილეობითი დაგეგმვის მეთოდები, ტაქტიკური ურბანიზმის მაგალითები და მიღებული გამოცდილება.წარმოდგენილმა შედეგებმა ცხადყო გერმანიის მთავრობის მხარდაჭერის მნიშვნელობა საქართველოში მონაწილეობითი, კლიმატზე ორიენტირებული და ინტეგრირებული ურბანული განვითარების ხელშეწყობაში.

1793351524

სურსათის ეროვნულმა სააგენტომ, გამოვლენილი დარღვევების გამო, თბილისში, აჭარასა და შიდა ქართლში ობიექტებს საწარმოო პროცესი შეუჩერა

სურსათის ეროვნული სააგენტოს თბილისის დეპარტამენტის ინსპექტორებმა შემოსული შეტყობინების საფუძველზე მზა კერძების მწარმოებელი და სარეალიზაციო ობიექტი „კნატუნა“ (ინდივიდუალური მეწარმე  მ.წ. მისამართი: თბილისი, ბელიაშვილის ქ.N43) არაგეგმურად შეამოწმეს და გამოვლენილი დარღვევების გამო საწარმოო პროცესი შეუჩერეს.ინსპექტირებისას კრიტიკული შეუსაბამობის (ინვენტარის და ზედაპირების  არასათანადო რეცხვა) განმეორებითი დარღვევა და ვეტერინარული ზედამხედველობის გარეშე ხორცის განთავსების ფაქტი აღინიშნა. ბიზნესოპერატორი კანონმდებლობის შესაბამისად დაჯარიმდა (დარღვევის განმეორების შემთხვევაში სანქცია 5 000 ლარს შეადგენს) და საწარმოო პროცესი შეუჩერდა.აჭარის დეპარტამენტის ინსპექტორებმა კრიტიკული შეუსაბამობების გამო დააჯარიმეს და საწარმოო პროცესი შეუჩერეს რესტორანს „ღელეღურდანი“ (მისამართი: ბათუმი ფ.ხალვაშის ქ.N45ა). ობიექტზე დაფიქსირდა ინფრასტრუქტურის გაუმართაობა, ინვენტარის არასათანადო რეცხვა/დეზინფექცია და ჰიგიენური ნომრების დარღვევა.არალეგალური ფრინველთა სასაკლაოები გამოავლინეს შიდა ქართლის უფლებამოსილმა პირებმა. ინდივიდუალური მეწარმე ზ.ს (მისამართი: გორის მუნიციპალიტეტი, სოფელი ქვახვრელი) და ფიზიკური პირი თ.ხ. (მისამართი: კასპის მუნიციპალიტეტი , სოფელი ფერმა) საქმიანობას (ფრინველების დაკვლა რეალიზაციის მიზნით) ეკონომიკურ საქმიანობათა რეესტრში რეგისტრაციისა და სააგენტოს აღიარების გარეშე ახორციელებდნენ. კანონმდებლობის შესაბამისად მეწარმეები დაჯარიმდნენ და საწარმოო პროცესი შეუჩერდათ.ინფორმაციას სურსათის ეროვნული სააგენტო ავრცელებს.

1793343373

წყალი 18:00 საათამდე შეწყდება - გადაამოწმეთ მისამართები

„ჯორჯიან უოთერ ენდ ფაუერი“ წყლის მიწოდების შეზღუდვასთან დაკავშირებით ინფორმაციას ავრცელებს და მოსახლეობას აფრთხილებს.კომპანიის ცნობით, დღეს ისნის რაიონში, სამრეწველო დას. I ქ. N13-თან წყალმომარაგების ქსელზე აუცილებელი ტექნიკური სამუშაოები ჩატარდება.„სამუშაოების მიმდინარეობისას 10/30/2026 11:00 დან 10/30/2026 18:00 საათამდე წყალმომარაგება შეუწყდება: ციხისძირის ქუჩა; ციხისძირის 1,2,3 ჩიხებს; სამრეწველოს დასახლების 1 ქუჩას; გეთიას; წულაძის მე-3 გასავალს; გაბრიელ სალოსის მე-3 და მე-4 შესახვევს“

1793335989

ხულუტის ციხე-დარბაზის რეაბილიტაცია დასრულდა - ისტორიული ციხე-დარბაზი, რომელმაც საუკუნეებს გაუძლო, განახლებული სახით მზად არის ვიზიტორებს უმასპინძლოს

 საუკუნეებს გადარჩენილი ხულუტის ციხე-დარბაზი, ჩატარებული სარეაბილიტაციო სამუშაოების შემდეგ, ისტორიულ იერსახეს უბრუნდება. ხულუტის ციხე-დარბაზი, რომელმაც საუკუნეებს გაუძლო, ახლა განახლებული სახით მზად არის ვიზიტორებს უმასპინძლოს.გახსნის ღონისძიების ფარგლებში მსახიობმა ზვიად დოლიძემ ლადო ასათიანის ლექსები წაიკითხა, ხოლო ქართული ტრადიციული საბრძოლო ხელოვნების ფედერაციის წარმომადგენლებმა ისტორიული ამბები ავთენტური სამოსითა და სანახაობრივი წარმოდგენით გააცოცხლეს.მოძრაობა, "კულტურული მემკვიდრეობისთვის" ხელმძღვანელი, ნინო ბურჭულაძე აღნიშნავს, რომ განახლებული ციხე-დარბაზების გარდა, მათ ასევე წარუდგინეს ხულუტის მარანი და საიდუმლო წყლის რეზერვუარი, საიდანაც ციხეში, მტრის ალყის დროს წყლის მომარაგება ხდებოდა."საზოგადოებას მე-17 საუკუნის პირველი ნახევრის ხულუტის ციხე-დარბაზის განახლებული სივრცეები წარვუდგინეთ, ძირითადი ეტაპები ამ ძეგლის რეაბილიტაციის, უკვე დამთავრებული იყო, თუმცა რჩებოდა ორი ადგილი, ეს გახლავთ ხულუტის მარანი, რომელიც წინა სარეაბილიტაციო სამუშაოების დროს იყო აღმოჩენილი, მეორე ეს არის საიდუმლო წყლის რეზერვუარი, საიდანაც წყლის მომარაგება ხდებოდა მტრის ალყის დროს ციხეში", - აღნიშნა ნინო ბურჭულაძემ.

1793334951

დღევანდელი დღის ამინდის პროგნოზი

30 ოქტომბერს ქუთაისში მზიან ამინდს ელოდებიან, დღისით +22 და ღამით +15 გრადუსია მოსალოდნელი.მზეს ოზურგეთშიც ელოდებიან, დღისით +22 გრადუსი დაფიქსირდება, ღამით კი +14 გრადუსი იქნება.ბათუმშიც მზე იქნება, დღისით ჰაერი +23 გრადუსამდე გათბება, ხოლო ღამით +15 გრადუსი დაფიქსირდება.უნალექო ამინდია ფოთშიც. დღისით +23 გრადუსი დაფიქსირდება, ღამით კი +16 გრადუსია მოსალოდნელი.მზე ზუგდიდშიც იქნება, დღისით ტემპერატურა +21, ღამით კი +14 გრადუსია ნავარაუდევი.სოხუმშიც მზიანი დღეა. +20 გრადუსია მოსალოდნელი დღისით, ღამით +14 გრადუსი დაფიქსირდება.მესტიაში მზეა. დღისით +18 გრადუსი იქნება, ღამით კი +6 გრადუსი დაფიქსირდება. ლენტეხშიც მზიანი ამინდი იქნება. დღისით +20 გრადუსი, ხოლო ღამით +6 გრადუსი იქნება.ამბროლაურშიც მზიანი ამინდია. დღისით ჰაერი +20 გრადუსამდე გათბება, ღამით კი +10 გრადუსი დაფიქსირდება.ჭიათურაში მზიანი ამინდია, დღისით +20 გრადუსი, ღამით კი +10 გრადუსი დაფიქსირდება. ახალციხეშიც მზიანი დღეა, დღისით +17 გრადუსი, ღამით კი +8 გრადუსი იქნება.ნალექს არ ელოდებიან ახალქალაქშიც. ტემპერატურა დღისით +17, ღამით კი +8 დაფიქსირდება.ბორჯომში უნალექო დღეა, +15 იქნება დღისით, ღამით კი +10 გრადუსი დაფიქსირდება. მზიანი დღეა მოსალოდნელი ბაკურიანშიც, დღისით +14 გრადუსია მოსალოდნელი, ღამით +4 გრადუსი დაფიქსირდება.უნალექო დღეს ელოდებიან გორში, დღისით +17 გრადუსი, ღამის განმავლობაში კი +9 გრადუსი დაფიქსირდება.ცხინვალში ჰაერის ტემპერატურა +16 გრადუსი იქნება, ღამით კი +8 გრადუსი დაფიქსირდება და იქნება მზე.გუდაურშიც მზიანი ამინდია. დღის განმავლობაში +7 გრადუსი დაფიქსირდება, ღამით კი ჰაერის ტემპერატურა +2 გრადუსი იქნება. ომალოში დღისით, +10 ღამით კი +4 გრადუსი დაფიქსირდება. არ იწვიმებს.ლაგოდეხში წვიმიან დღეს ელოდებიან. ჰაერის ტემპერატურა დღის განმავლობაში +15 გრადუსი იქნება, ღამით კი +9 გრადუსი დაფიქსირდება.წვიმიანი დღე იქნება თელავში, +15 გრადუსი დაფიქსირდება, ღამით კი +10 გრადუსია ნავარაუდევი.უნალექო დღე იქნება გურჯაანში. დღისით +16 გრადუსი, ღამით კი +9 გრადუსი დაფიქსირდება. სიღნაღშიც მზიანი დღეა მოსალოდნელი, დღისით +15 გრადუსია მოსალოდნელი, ღამით +8 გრადუსი დაფიქსირდება.რუსთავშიც წვიმიანი დღეა მოსალოდნელი, დღისით +16 გრადუსია მოსალოდნელი, ღამით კი +9 გრადუსი დაფიქსირდება.თბილისში წვიმას ელოდებიან. ჰაერის ტემპერატურა დღისით +17 გრადუსს მიაღწევს, ღამით კი +9 გრადუსი იქნება.

1793307973

7 ფრაზა, რომელიც შვილს არასდროს უნდა უთხრათ

გაღიზიანების ან გაბრაზების დროს წარმოთქმულმა დაუფიქრებელმა სიტყვებმა, შეიძლება გაცილებით მეტი ზიანი მიაყენოს ბავშვს, ვიდრე ერთი შეხედვით ჩანს.ყველაზე „შეგნებული“ მშობლებიც კი, ზოგჯერ შეცდომებს უშვებენ და ამისგან არავინაა დაზღვეული. თუმცა, არსებობს რამდენიმე ტაბუდადებული ფრაზა, რომელიც არასოდეს უნდა უთხრათ შვილს.ნუ ხარ ბრაზიანიბავშვები ხშირად ტირიან ან ბრაზდებიან ისეთ წვრილმანებზე, რაც უფროსებისთვის უმნიშვნელოა. არასოდეს დაამციროთ მათი გრძნობები აგრესიული გზით. ბავშვები ძალიან ემოციურები არიან.თუ განუწყვეტლივ ეუბნებით, რომ მათი ქცევა არ არის მართებული და არ ღირს ამხელა ბრაზი და წყენა ამის გამო, საბოლოოდ ბავშვი საკუთარ თავში ჩაიკეტება და შეწყვეტს ემოციების გამოხატვას და თქვენს ნდობასაც.„დედა გაბრაზდება“კლასიკური მანიპულაცია, რომელიც მიზნად ისახავს ბავშვს თავი დამნაშავედ აგრძნობინოს, არის - "ამას ნუ გააკეთებ, თორემ დედა გაბრაზდება“.ერთი შეხედვით ეს უწყინარი ფრაზაა, რომელმაც პასუხისმგებლობის გრძნობა უნდა აღძრას, მაგრამ სინამდვილეში ეს სიტყვები უარყოფითად აისახება ბავშვის ფსიქიკაზე.უკეთესად შეგიძლიათითოეული ბავშვი უნიკალურია, თავისი ძლიერი და სუსტი მხარეებით. სხვასთან შედარებამ შეიძლება შეუქმნათ არაადეკვატურობის ან შურის განცდა, რაც აისახება თავდაჯერებულობაზე, შესაბამისად არასდროს უთხრათ მათ: „შენ უკეთესად შეგიძლია“.ზარმაცი, სულელი და ხმაურიანი ხარფსიქოლოგების აზრით, ერთ-ერთი ყველაზე ღირებული რამ, რაც მშობლებს შეუძლიათ გააკეთონ შვილებისთვის, არის, არ მიაკერონ სხვადასხვა იარლიყები, მაგალითად, როგორიცაა: სულელი, ზარმაცი, ხმაურიანი და სხვ.ასეთი შეფასებები ზიანს აყენებს მშობლებსა და შვილებს შორის ურთიერთობას. მშობლები იწყებენ გარკვეული ქცევების ასოცირებას იმ იარლიყთან, რომელიც შვილს მიაწერეს, იმის ნაცვლად, რომ რეალურად გაიგონ, რა ხდება მათი შვილის განვითარებაში და რატომ დაიმსახურეს ასეთი შეფასება.შეურაცხმყოფელი მეტსახელები ბავშვს ადრეული ასაკიდან უქვეითებს თავდაჯერებულობას და სჯერა იმ სიტყვების, რასაც თქვენ ეუბნებით.შეეშვი, მე გავაკეთებეს ფრაზა (და შემდგომი ქმედება) აპროგრამებს ბავშვს მომავალში წარუმატებლობისთვის. ბავშვი, რომელსაც გამუდმებით ეუბნებიან, რომ რამეს კარგად ვერ აკეთებს და არ აძლევენ შეცდომის უფლებას, თავს უვარგისად გრძნობს. ასეთ ბავშვს დიდობაში შეეშინდება გადაწყვეტილებების მიღების და დამოკიდებული დარჩება მშობელზე, რომელიც ყოველთვის შეცდომებს უსწორებდა."შენ არასდროს..." ან "შენ ყოველთვის"ბავშვებს, რა თქმა უნდა, აქვთ საკუთარი ჩვევები, მაგრამ იმის თქმა, რომ თქვენი შვილი „ყოველთვის“ ან „არასდროს“ რაღაცას აკეთებს, უბრალოდ სიმართლეს არ შეესაბამება.ამერიკელი ფსიქოლოგის რობინ მაკმანის აზრით, ასეთი განზოგადებული განცხადებების გამოყენება არის „წითელი დროშა“, რაც იმაზე მიუთითებს, რომ თქვენ აღარ გაინტერესებთ რა ხდება შვილთან ამ მომენტში. არ გაქვთ მასთან ღია ურთიერთობა და ამიტომაც წინასწარ არასწორ დასკვნას აკეთებთ."არ გაბედო ჩემთან ასე ლაპარაკი/გაჩუმდი"შეურაცხმყოფელი ფრაზა, რომელიც კრძალავს საკუთარი გრძნობების გამოხატვას, მთლიანად ბლოკავს ბავშვის უფლებას, გამოხატოს თავისი აზრი.თუ იყენებთ ასეთ ენას, არც კი გქონდეთ იმედი, რომ გულწრფელი საუბარი გექნებათ შვილთან. მუდმივი „გაჩუმება“ ბავშვს შეუქმნის დაუცველობას და შფოთვას, რის გამოც ის იდარდებს იმაზე, თუ რა შეიძლება ითქვას და რა არ შეიძლება. მისი აზრისადმი უპატივცემულობის დემონსტრირებით თქვენ დაკარგავთ მის ნდობას და ვერასოდეს შეიტყობთ მის ცხოვრებაში სხვა მნიშვნელოვან პრობლემებზე.

1793307231

„რაც მოხდა აქციაზე, ჩემთვისაც უცნაური იყო...“ - სოფო ბიბილაშვილი მიმართვას ავრცელებს

12 წლის წინ გაუჩინარებული გურამ დადიანიძის დედა, სოფო ბიბილაშვილი მიმართვას ავრცელებს.„ხალხო, როგორ არ გესმით, 12 წელი ვიყავი მარტო და ალბათ კიდევ დიდხანს გაგრძელდებოდა ასე, რომ არ გამოჩენილიყო თაია, რომელმაც მომისმინა და დამეხმარა. იპოვა ადვოკატი და გამოძიებაც ამდენი წლის მერე თავიდან დაიწყო. არ გაქვთ უფლება, მასზე რამე ცუდი თქვათ, რადგან ყველაფერს აკეთებს ჩემს დასახმარებლად და ჩემი გურიკას მოსაძებნად. ტიკტოკი 1 თვეა წავშალე, ვეღარ გავუძელი იმ ჭორაობას და ზურგს უკან ჩემს გაშავებას. არცერთი მათგანი რეალურად არ მეხმარებოდა და უამრავი ტყუილი ჩავყლაპე. რაც მოხდა აქციაზე, ჩემთვისაც უცნაური იყო. მეგონა, რამის სათქმელად მოვიდნენ და იმედი მქონდა, ახლა მაინც დამიდგებოდნენ გვერდით. კიდევ მოვტყუვდი და ნახეთ, ყველამ რა ჯოჯოხეთში ვცხოვრობდი ამდენი წელი.ახალი გამოძიების მჯერა და ველოდები მათგან სიახლეებს. მადლობა თქვენ, ვინც ჩემს გვერდით ხართ და მამხნევებთ.გურიმდე მიმიყვანე, უფალო, გევედრები, სხვა არაფერი მინდა“, - წერს სოფო ბიბილაშვილი.ასევე ნახეთ:„ანონიმურ კომუნიკაციას ვინარჩუნებ...“ - სიახლეები გურამ დადიანიძის საქმეშიგურამ დადიანიძის ბებიის პირველი კომენტარი - „მე სიმართლის ქალი ვარ, სიტყვა სიტყვით გეტყვით“გურამ დადიანიძის მამის პირველი კომენტარი

1793305934

ალექსანდრე მიქელაძის დედა, ნათია დიაკვნიშვილი მიმართვას ავრცელებს

ბათუმში გაუჩინარებული მოზარდის, ალექსანდრე მიქელაძის დედა მორიგ მიმართვას ავრცელებს.„საკუთარი ბედნიერება ხარ შენ ჩემი! დედას ოცნება ალექსანდრე, მჭირდები, დე,“ - წერს ნათია დიაკვნიშვილი. ცნობისთვის, ალექსანდრე მიქელაძე 2025 წლის 6 იანვარს, ღამით, 22:00 საათიდან გაუჩინარდა.არსებული ინფორმაციით, ალექსანდრეს პირადი ნივთები და ტელეფონი ზღვის სანაპიროზე იპოვეს.