1793996756

როგორი ამინდი იქნება საქართველოში უქმეებზე - სინოპტიკოსები წვიმასა და ტემპერატურის კლებას პროგნოზირებენ

საქართველოში, უქმეებზე, 7 და 8 ნოემბერს, ამინდი გაუარესდება. ქვეყნის არაერთ რეგიონში მოსალოდნელია ნალექი, მაღალმთიან ზონებში კი თოვლი.შაბათს, 7 ნოემბერს, წვიმიანი ამინდია მოსალოდნელი დასავლეთ საქართველოსა და აღმოსავლეთის ცალკეულ რაიონებში. ბათუმში, ქუთაისში, ზუგდიდსა და ოზურგეთში ნალექის ალბათობა მაღალია. თბილისში კი დღის განმავლობაში წვიმაა მოსალოდნელი. ჰაერის ტემპერატურა დედაქალაქში დაახლოებით +10 გრადუსი იქნება.კვირას, 8 ნოემბერს, ცივი ამინდი შენარჩუნდება. დასავლეთ საქართველოს ცალკეულ რაიონებში კვლავ მოსალოდნელია წვიმა, მაღალმთიან რეგიონებში კი თოვლი. აღმოსავლეთ საქართველოში ზოგიერთ რაიონში ღრუბლიანობა შენარჩუნდება.მესტიასა და გუდაურში ზამთრის ამინდის ნიშნები უკვე გამოჩნდება - მოსალოდნელია თოვლი და დაბალი ტემპერატურა.

1793996347

„ტემპერატურა იკლებს, მოსალოდნელია წვიმა, მთაში თოვლი და -1 გრადუსი“ - ამინდის უახლესი პროგნოზი

საქართველოში ნოემბრის ცივი და ცვალებადი ამინდი გრძელდება. გარემოს ეროვნული სააგენტოს ინფორმაციით,  ქვეყნის უმეტეს რეგიონში ღრუბლიანობის მომატებაა მოსალოდნელი, თუმცა ნალექი ძირითადად არ იქნება.დასავლეთ საქართველოში დღისით ჰაერის ტემპერატურა +12-დან +16 გრადუსამდე იქნება, აღმოსავლეთ საქართველოში კი +10-დან +14 გრადუსამდე.მაღალმთიან რეგიონებში შედარებით ცივი ამინდია მოსალოდნელი. ზოგიერთ ადგილას ტემპერატურა მნიშვნელოვნად დაიკლებს.სინოპტიკოსების პროგნოზით, მომდევნო დღეებში ქვეყნის ცალკეულ რეგიონებში კვლავ მოსალოდნელია ნალექი, მაღალმთიან ზონებში კი თოვლი.მოქალაქეებს რეკომენდაცია ეძლევათ, გაითვალისწინონ ამინდის ცვლილება და განსაკუთრებით ფრთხილად იყვნენ მაღალმთიან გზებზე გადაადგილებისას.

1793994413

2027 წლიდან ხელფასები იზრდება! - ვის შეეხება ცვლილებები

საჯარო სკოლის კლასის დამრიგებლის დანამატი სექტემბრიდან უნდა გაორმაგდეს. ინფორმაცია ამის შესახებ 2027 წლის სახელმწიფო ბიუჯეტის გადამუშავებულ ვერსიაშია მოცემული.საქართველოს მთავრობამ პარლამენტს წარუდგინა 2027 წლის ბიუჯეტის პროექტი მეორე მოსმენით განხილვისთვის. საქართველოს ფინანსთა სამინისტროს და წარდგენილი ახალი პროექტის თანახმად, ბიუჯეტის მეორე განხილვისთვის განათლების სამინისტროსა და მისი პროგრამებისთვის ჯამურად განკუთვნილი თანხები ოთხ მილიარდამდეა – 3 709,6 მლნ ლარი (3 მილიარდ 709 მილიონ 600 ათასი ლარი).მათ შორის, გაზრდილია სკოლამდელი და ზოგადი განათლების თანხები და ორ მილიარდზე მეტი – 2 099,2 მლნ ლარი (2 მილიარდ 99 მილიონ 200 ათასი ლარი) იქნება, რაც პროექტის პირველად ვერსიას 16,3 მლნ ლარით აღემატება.

1793993895

„ტკივილი სიტყვებით ვერ აიხსნება…“ - სკოლის მოსწავლე ავარიას ემსხვერპლა

5 ნოემბერს ავტოსაგზაო შემთხვევა მოხდა. ავტომობილი, რომლითაც თანასოფლელი ახალგაზრდები გადაადგილდებოდნენ, გზაზე რამდენჯერმე მოცურდა, რის შემდეგაც გადაბრუნდა. დაშავებულები სასწრაფოდ კლინიკაში გადაიყვანეს. განსაკუთრებით მძიმე იყო ჩხუტუნეთის სკოლის მე-11 კლასის მოსწავლის, გიორგი ძნელაძის ჯანმრთელობის მდგომარეობა. ექიმების მცდელობის მიუხედავად, მოზარდის გადარჩენა ვერ მოხერხდა. გიორგი კლინიკაში გარდაიცვალა.სამწუხარო ინფორმაცია სოციალურ ქსელში ვრცელდება.„დღეს სიტყვებს ვერ ვპოულობ…დაგვეღუპა ჩვენი მეთერთმეტე კლასელი - ბიჭი, რომელიც ჩვენს თვალწინ, ჩვენს ხელში გაიზარდა.ჩვენი პატარა ბიჭი, რომელიც დღეს უკვე დიდი ბიჭი უნდა ყოფილიყო და თავისი ცხოვრების გზაზე უნდა წასულიყო…ჯერ კიდევ ვერ ვიჯერებ, რომ აღარ შეგვხვდები, გიო, სკოლაში, აღარ მოგვესალმები და აღარ და ვეღარ დაგინახავთ იმ ნაცნობი თვალებით…ჩვენთვის, მასწავლებლისთვის, ყველაზე მძიმეა, როცა მის თვალწინ გაზრდილ მოსწავლეს ემშვიდობება. ეს ტკივილი სიტყვებით ვერ აიხსნება…შენი ადგილი ყოველთვის დარჩება ჩვენს გულში და ჩვენს მოგონებებში.ნათელში იყოს შენი ლამაზი სული, ჩვენო ბიჭო…ღმერთმა სასუფეველი დაგიმკვიდროს, შენს ოჯახს კი მისცეს ძალა ამ უდიდესი ტკივილის გასაძლებად.მშვიდობით, ჩვენო მოსწავლევ… ჩვენო საყვარელო ბიჭო.ძალიან ადრე დაგვტოვე“, - წერენ სოციალურ ქსელში.

1793993536

გაფრთხილება გაზმომარაგების შეწყვეტის შესახებ - მისამართები და აღდგენის დრო

„გაცნობებთ, რომ შპს „საქართველოს გაზის ტრანსპორტირების კომპანია“ 9 ნოემბრის 06:00 საათიდან 18 ნოემბრის 16:00 საათამდე რუსთავი–თელავი–ჟინვალის მაგისტრალურ გაზსადენზე მასშტაბურ სარემონტო-სარეაბილიტაციო სამუშაოებს განახორციელებს“, - ამის შესახებ განცხადებას შპს „საქართველოს გაზის ტრანსპორტირების კომპანია“ ავრცელებს.მათივე ცნობით, აღნიშნულიდან გამომდინარე, ბუნებრივი გაზის მიწოდება ეტაპობრივად შეუწყდებათ ქვემოთ ჩამოთვლილი გაზგამანაწილებელი სადგურების მომხმარებლებს, კერძოდ:9 ნოემბერს 06:00 საათიდან 17:00 საათამდე – ახმეტის, ოჟიოს, ქისტაურის, ნაფარეულის, თელავისა და წინანდლის გაზგამანაწილებელი სადგურების მომხმარებლებს;10 ნოემბერს 06:00 საათიდან 17:00 საათამდე – ჩუმლაყის გაზგამანაწილებელი სადგურის მომხმარებლებს;10 ნოემბრის 06:00 საათიდან 11 ნოემბრის 16:00 საათამდე – ყვარლის, ვაზისუბნის, ველისციხისა და ახაშენის გაზგამანაწილებელი სადგურების მომხმარებლებს;12 ნოემბრის 06:00 საათიდან 13 ნოემბრის 16:00 საათამდე – ჭაბუკიანის, გიორგეთის, კაბალის, ლაგოდეხის, კარდენახის, ჩალაუბნისა და გურჯაანის გაზგამანაწილებელი სადგურების მომხმარებლებს;17 ნოემბრის 06:00 საათიდან 18 ნოემბრის 16:00 საათამდე – კაჭრეთის გაზგამანაწილებელი სადგურის მომხმარებლებს.საქართველოს გაზის ტრანსპორტირების კომპანია უზრუნველყოფს სამუშაოების ოპერატიულ შესრულებას გაზის მიწოდების უმოკლეს დროში აღსადგენად. 

1793992033

„თუ ბიჭის მშობელი ხართ, ეს ვიდეო აუცილებლად უნდა ნახოთ“ - უროლოგი დავით ქოჩიაშვილი მშობლებს აფრთხილებს

ბიჭების ჯანმრთელობასთან დაკავშირებული საკითხები, რომელთა შესახებაც მშობლებმა აუცილებლად უნდა იცოდნენ - უროლოგი დავით ქოჩიაშვილი ბავშვებში ერთ-ერთ გავრცელებულ მდგომარეობაზე, საუბრობს და მშობლებს მნიშვნელოვან რეკომენდაციებს უზიარებს.ნახეთ, ვიდეო:

1793990228

„ეს უსაზღვრო მონატრება რით უნდა მოვიკლათ...“ - ტრაგიკულად დაღუპულ ბიჭს გლოვობენ

თბილისში, ტრაგიკულად დაღუპულ 25 წლის ახალგაზრდას გლოვობენ.„ჩემო ტუკა… ჩემო გულო, ჩემო პირველო ნათლულო… 25 წლის წინ დაიბადე და იმ დღიდან ჩემი ცხოვრების განუყოფელი ნაწილი გახდი. დაბადებიდან ერთად მოვდიოდით, შენს გაზრდას ვუყურებდი, შენს თითოეულ სიხარულს ვიზიარებდი და შენი ყოველი მიღწევით უსაზღვროდ ვამაყობდი. სულ სიამაყით ვაზიარებდი შენს წარმატებებს, რადგან შენ ჩემი განსაკუთრებული ბიჭი იყავი… ვინ იფიქრებდა, რომ დადგებოდა დღე, როცა შენს ფოტოს სიამაყით კი არა, ცრემლებითა და გულისტკივილით გავაზიარებდი… ვინ იფიქრებდა, რომ შენი 25 წლის იუბილე შენი უკანასკნელი დღე იქნებოდა ამქვეყნად…25 წლის წინ მოევლინე ამ სამყაროს, 25 წლის იუბილეზე კი ცაში გაფრინდი… დაბადება და გამოსამშვიდობებელი ერთი დღე… ღმერთო, რა სასტიკია ეს რეალობა… როგორ უნდა დავიჯერო, რომ ვეღარ დაგინახავ, ვეღარ ჩაგეხუტები, ვეღარ გეტყვი, როგორ მიყვარხარ? ეს უსაზღვრო მონატრება რით უნდა მოვიკლათ?როგორ უნდა შევეგუოთ შენს გარეშე ცხოვრებას?ნათლიას გულში ყოველთვის ის პატარა ბიჭი დარჩები, რომლის დაბადებიდანაც მისი ცხოვრების ნაწილი იყავი. დღეს კი მხოლოდ მოგონებები, შენი ღიმილი და უთქმელი სიტყვები დამრჩა…ჩემო ნუკრი, ნეტავ კიდევ ერთხელ შემეძლოს შენთვის მეთქვა, როგორ ვამაყობდი შენით და როგორ ძალიან მიყვარდი… არ გემშვიდობები, ჩემო ბიჭო… უბრალოდ ვეღარ მოგწვდები ხელით, მაგრამგულით ყოველთვის ჩემთან ვიქნები გაფრინდა ჩემო ანგელოზო… ნათლიას პირველი ნათლული მიყვარხარუსასრულობამდე…“, – წერს სოციალურ ქსელში ნორკა გოგსაძე.

1793989970

ისტორიული გადაწყვეტილება! - FDA-მ B ჰეპატიტის პირველი პრეპარატი დაამტკიცა

ისტორიული გადაწყვეტილება - FDA-მ B ჰეპატიტის პირველი „ფუნქციური განმკურნებელი“ პრეპარატი დაამტკიცა! აშშ-ის სურსათისა და მედიკამენტების ადმინისტრაციამ (FDA) ქრონიკული B ჰეპატიტის სამკურნალოდ კომპანია GSK-ის ინოვაციური პრეპარატი - ბეპიროვირსენი (ბრენდული სახელწოდებით Hibsago) დაამტკიცა.ავტორიტეტულ სამედიცინო ჟურნალ New England Journal of Medicine-ში გამოქვეყნებულმა III ფაზის კლინიკურმა კვლევებმა აჩვენა, რომ პრეპარატს შეუძლია რევოლუცია მოახდინოს დაავადების მკურნალობაში, რომელიც მსოფლიოში ღვიძლის კიბოს შემთხვევების 56%-ზეა პასუხისმგებელი.ფუნქციური განკურნება: არსებული მედიკამენტებისგან განსხვავებით, რომლებიც მხოლოდ ვირუსის მართვას ახდენენ (და პაციენტებს აბების სამუდამოდ მიღება უწევთ), Hibsago სისხლში ვირუსს იმ დონემდე თრგუნავს, რომ მისი დაფიქსირება შეუძლებელი ხდება.შთამბეჭდავი შედეგი: 6-თვიანი კურსის შემდეგ, 1220 პაციენტიდან 233-ში (19%) მიღწეულ იქნა სრული ფუნქციური განკურნება - ვირუსი აღარ ფიქსირდებოდა მკურნალობის შეწყვეტიდან 24 კვირის შემდეგაც კი.მოსახერხებელი ფორმა: პრეპარატი ყოველკვირეული ინიექციის სახით კეთდება, რომლის გაკეთებაც პაციენტებს პირველი დოზის შემდეგ სახლის პირობებში, დამოუკიდებლადაც შეუძლიათ.წინასწარი დიაგნოსტიკა: მკურნალობის დაწყებამდე შესაძლებელია იმ პაციენტთა იდენტიფიცირება (ვირუსული ცილის დაბალი დონით), რომლებშიც პრეპარატის ეფექტიანობა ყველაზე მაღალი იქნება.მკვლევრები აღნიშნავენ, რომ პრეპარატი გარკვეულ გვერდით ეფექტებსაც (მათ შორის ღვიძლის ფერმენტების ცვლილებას) იწვევს და სისხლის რეგულარულ ანალიზს საჭიროებს, თუმცა ის ქრონიკული B ჰეპატიტის მართვაში სრულიად ახალი ეპოქის დასაწყისია!

1793987759

ზურა სიხარულიძე საგანგებო მიმართვას ავრცელებს - „სასწრაფო გაფრთხილება“

ნარკოლოგი ზურა სიხარულიძე სოციალურ ქსელში საგანგაშო ინფორმაციას ავრცელებს და მოსახლეობას უცნობი წარმოშობის ვარდისფერი ფხვნილის შესახებ აფრთხილებს, რომელსაც, გავრცელებული ცნობებით, მეტადონის სახელით ასაღებენ. „უცნობი ვარდისფერი ფხვნილი! კიდევ და კიდევ გაფრთხილება.ვრცელდება ინფორმაცია ვარდისფერი ფხვნილის შესახებ, რომელსაც მეტადონის სახელით ასაღებენ. არსებული ინფორმაციით, ის წყალში არ იხსნება და მხოლოდ ლიმონმჟავასთან იხსნება.განსაკუთრებით საყურადღებოა სინთეზური ოპიოიდი U-47700 („Pink“, „Pinky“)- ძლიერი და მაღალი ტოქსიკურობის მქონე ნივთიერება, რომელიც წარსულში ვარდისფერი ფხვნილის სახითაც ვრცელდებოდა.ასევე გამოსარიცხია ნიტაზენები და ფენტანილის ანალოგები.ჯერჯერობით უცნობია, კონკრეტულად რა ნივთიერებაა გავრცელებული საქართველოში. საჭიროა სასწრაფო ლაბორატორიული იდენტიფიკაცია.არსებული ინფორმაციით, გუშინწინ ერთი ახალგაზრდა კაცის სიცოცხლე შეეწირა ბათუმში !!!არ გამოიყენოთ უცნობი ფხვნილი და არ ენდოთ მის მეტადონად გასაღებას. ზედოზირებისას დაუყოვნებლივ დარეკეთ 112-ზე და გამოიყენეთ ნალოქსონი, თუ ხელმისაწვდომია.ძალიან საშიშია. ადგილზე კლავს!!! ვერ ასწრებს სასწრაფოც მოსვლას!!! გაუფრთხილდით თქვენ სიცოცხლეს !!!!“, - წერს სოციალურ ქსელში ზურა სიხარულიძე.

1793987460

პედიატრი ინგა მამუჩიშვილი მიმართვას ავრცელებს

პედიატრი ინგა მამუჩიშვილი მიმართვას ავრცელებს: „პაციენტის მონაწერიდან: „ექიმო ჩემს შვილს ძალიან ახველებს ფილტვების ანთება ხომ არ ექნება ნეტა???“ - აი როგორ უნდა უპასუხო ასეთ კითხვას ამ რთულ პერიოდში, როდესაც ამდენი პნევმონიის შემთხვევაა, მათ შორის ბევრი აუდიონეგატიური და მხოლოდ რენტგენოპოზიტიური…მიიყვანეთ ბავშვი პედიატრთან და დროულად გადაწყვიტეთ „ნეტას“ საკითხი, ჩაიტარეთ შესაბამისი კვლევები და დროული მკურნალობა... "ნეტას" იმედზე ნუ დატოვებთ ბავშვს...მშობლის შიში გასაგებია, მაგრამ პნევმონიის დიაგნოსტიკა ექიმის საქმეა და არა ხველის დეციბელების! "ნეტა” დიაგნოსტიკის მეთოდი არ არის, ძვირფასო მშობლებო! მედიცინაში "ნეტას“ კლინიკური შეფასება სჯობს, თორემ ამდენი "ნეტათი“ ყველა ხველა პნევმონიად გადაიქცევა! ჯანმრთელობას გისურვებთ ყველას, ნეტა ყველა ბავშვი ჯანმრთელად იყოს“,- წერს პედიატრი ინგა მამუჩიშვილი. 

1793979000

„ენერგო-პრო ჯორჯიას“ აბონენტების ნაწილს ელექტროენერგია შეეზღუდება

გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება.9 ნოემბერს 11:00-დან 14:00 საათამდე ელექტროენერგიის მიწოდება შეეზღუდება აბონენტებს მცხეთის მუნიციპალიტეტს სოფლებში: ახალუბანი, მისაქციელი, სელექცია, წილკანი და მიმდებარე სოფლებში; 14:00-დან 16:00 საათამდე აბონენტებს მცხეთის მუნიციპალიტეტის სოფლებში: არაშენდა, შანკევანი, საგურამო, ნავდარაანთკარი და მიმდებარე სოფლებში.„ენერგო-პრო ჯორჯიას“ ცნობით, სარეაბილიტაციო სამუშაოების დასრულებისთანავე, ელექტროენერგიის მიწოდება ჩვეულ რეჟიმში აღდგება.

1793975880

კლინიკაში გარდაიცვალა ქალი, რომელსაც გორში მანქანა დაეჯახა

კლინიკაში გარდაიცვალა ქალი, რომელსაც გორში, ჭალის დასახლებაში, მანქანა დაეჯახა.შეჯახება 4 ნოემბერს თამარ მეფის გამზირზე მოხდა.ინფორმაციას „ქართლის ამბები“ ავრცელებს.ფაქტზე გამოძიება 276-ე მუხლის მე-6 ნაწილით გრძელდება, რაც გულისხმობს მოძრაობის წესების დარღვევას, რამაც ადამიანის სიცოცხლის მოსპობა გამოიწვია.