1793434222

FITCH RATINGS-ის მიერ საქართველოს საკრედიტო რეიტინგის პერსპექტივის გაუმჯობესება ეროვნული ბანკის თანმიმდევრული პოლიტიკის აღიარებაა - ეკატერინე მიქაბაძე

„საკრედიტო-სარეიტინგო კომპანია Fitch Ratings-ის მიერ საქართველოს სუვერენული საკრედიტო რეიტინგის „BB“ დონეზე შენარჩუნება, ხოლო პერსპექტივის „პოზიტიურამდე“ გაუმჯობესება ქვეყნის მაკროეკონომიკური მდგრადობისა და ეროვნული ბანკის თანმიმდევრული პოლიტიკის მნიშვნელოვანი აღიარებაა. სარეიტინგო კომპანია განსაკუთრებულ ყურადღებას ამახვილებს საერთაშორისო რეზერვების რეკორდულ ზრდაზე და აღნიშნავს, რომ მათი დაგროვება საქართველოს ეროვნული ბანკის სწორმა პოლიტიკამ განაპირობა. ამასთან, Fitch დადებითად აფასებს ქვეყნის საგარეო პოზიციის გაუმჯობესებას, დედოლარიზაციის ტენდენციასა და საქართველოს საბანკო სექტორის მდგრადობას“, - განაცხადა საქართველოს ეროვნული ბანკის პირველმა ვიცე-პრეზიდენტმა ეკატერინე მიქაბაძემ.საერთაშორისო სარეიტინგო კომპანია Fitch Ratings-მა საქართველოს სუვერენული საკრედიტო რეიტინგი „BB“ დონეზე დაადასტურა, ხოლო რეიტინგის პერსპექტივა „სტაბილურიდან“ „პოზიტიურამდე“ გააუმჯობესა.Fitch-ის ანგარიშის თანახმად, 2026 წლის სექტემბერში საქართველოს მთლიანმა საერთაშორისო რეზერვებმა რეკორდულ მაჩვენებელს – 8.2 მლრდ აშშ დოლარს მიაღწია, რაც 2025 წლის ბოლოს არსებულ მაჩვენებელს 2 მლრდ აშშ დოლარით აღემატება.სარეიტინგო კომპანია რეზერვების ზრდის განმაპირობებელ ფაქტორებად მიმდინარე ანგარიშის დეფიციტის შემცირებას, კაპიტალის შემოდინებას, ფრთხილ მონეტარულ პოლიტიკასა და ნდობის გაუმჯობესებას ასახელებს. ანგარიშში აღნიშნულია, რომ ნდობის ზრდამ ადგილობრივი რეზიდენტების მხრიდან ლარში დენომინირებულ აქტივებზე მოთხოვნის ზრდასაც შეუწყო ხელი.Fitch დადებითად აფასებს საგარეო სექტორში მიმდინარე ტენდენციებსაც. კომპანიის შეფასებით, მიმდინარე ანგარიშის დეფიციტის შემცირების ტენდენცია 2026 წლის პირველ ნახევარშიც გაგრძელდა, რაც ქვეყნის საგარეო მოწყვლადობის შემცირებას უწყობს ხელს.ანგარიშში განსაკუთრებული ყურადღება ეთმობა საქართველოს საბანკო სექტორის მდგრადობას. Fitch-ის შეფასებით, ძლიერი ეკონომიკური ზრდა დადებითად აისახება სექტორის ფინანსურ მაჩვენებლებზე. 2026 წლის აგვისტოს მდგომარეობით, საბანკო სექტორის უკუგება კაპიტალზე (ROE) 23.2%-ს, პირველადი კაპიტალის კოეფიციენტი 17.6%-ს, ხოლო უმოქმედო სესხების წილი 2.5%-ს შეადგენდა.Fitch Ratings-ის პროგნოზით, საქართველოს ეკონომიკური ზრდა ძლიერი შენარჩუნდება და 2026 წელს 7.5%-ს მიაღწევს. 2027-2028 წლებში კი ეკონომიკური ზრდის ტემპი ეტაპობრივად შენელდება და საშუალოვადიან პოტენციურ დონეს – 5%-ს დაუახლოვდება.

1793430952

Fitch Ratings - საკრედიტო რეიტინგის პერსპექტივის გაუმჯობესების მთავარი განმაპირობებელი ფაქტორი საერთაშორისო რეზერვების მნიშვნელოვანი ზრდა და ქვეყნის საგარეო პოზიციის გაუმჯობესებული მაჩვენებლებია

საკრედიტო-სარეიტინგო კომპანია Fitch Ratings-მა საქართველოს სუვერენული რეიტინგი „BB“ დონეზე შეინარჩუნა, ხოლო პერსპექტივა - „პოზიტიურამდე“ გააუმჯობესა.სარეიტინგო კომპანიის შეფასებით, პერსპექტივის გაუმჯობესების ერთ-ერთი მთავარი განმაპირობებელი ფაქტორი საერთაშორისო რეზერვების მნიშვნელოვანი ზრდა და ქვეყნის საგარეო პოზიციის გაუმჯობესებული მაჩვენებლებია.როგორც Fitch-ის მიერ გავრცელებულ ანგარიშშია აღნიშნული, 2026 წლის სექტემბერში საქართველოს მთლიანმა საერთაშორისო რეზერვებმა რეკორდულ მაჩვენებელს, 8.2 მლრდ აშშ დოლარს მიაღწია, რაც 2025 წლის ბოლოსთან შედარებით 2 მლრდ აშშ დოლარით მეტია.სარეიტინგო კომპანია ასევე ხაზს უსვამს, რომ რეზერვების ზრდა სებ-ის პოლიტიკის შედეგია და ამასთან, აღნიშნავს რომ საერთაშორისო რეზერვების ზრდას განაპირობებს მიმდინარე ანგარიშის დეფიციტის შემცირება, კაპიტალის შემოდინება, ფრთხილი მონეტარული პოლიტიკა და ნდობის გაუმჯობესება, რამაც ადგილობრივი რეზიდენტების მხრიდან ლარში დენომინირებულ აქტივებზე მოთხოვნის ზრდა გამოიწვია.Fitch ასევე დადებითად აფასებს საგარეო სექტორში მიმდინარე ტენდენციებს. კომპანიის შეფასებით, მიმდინარე ანგარიშის დეფიციტის შემცირების ტენდენცია 2026 წლის პირველ ნახევარშიც გაგრძელდა, რაც ქვეყნის საგარეო მოწყვლადობის შემცირებას უწყობს ხელს.სარეიტინგო კომპანიის შეფასებით, პოზიტიურია დედოლარიზაციის ტენდენციები. სარეიტინგო კომპანია ასევე ხაზს უსვამს საქართველოს საბანკო სექტორის მდგრადობას.“ძლიერი ეკონომიკური ზრდა კვლავ დადებითად აისახება საქართველოს საბანკო სექტორის ფინანსურ მაჩვენებლებზე. სექტორი გამოირჩევა მაღალი მომგებიანობით (ROE აგვისტოს მდგომარეობით ROE 23.2% შეადგინა), ძლიერი კაპიტალიზაციით (პირველადი კაპიტალის კოეფიციენტი 17.6%) და აქტივების მაღალი ხარისხით (უმოქმედო სესხების წილი 2.5%)“, - ნათქვამია Fitch-ის ანგარიშში.Fitch პროგნოზით, ეკონომიკური ზრდა ძლიერი შენარჩუნდება და 2026 წელს 7.5%-ს გაუტოლდება, ხოლო 2027-2028 წლებში ეკონომიკური ზრდის ტემპი ეტაპობრივად შენელდება და საშუალოვადიან პოტენციურ დონეს 5%-ს დაუახლოვდება.ინფორმაციას საქართველოს ეროვნული ბანკი ავრცელებს.

1793430592

Fitch Ratings - საკრედიტო რეიტინგის პერსპექტივის გაუმჯობესების მთავარი განმაპირობებელი ფაქტორი საერთაშორისო რეზერვების მნიშვნელოვანი ზრდა და ქვეყნის საგარეო პოზიციის გაუმჯობესებული მაჩვენებლებია

საკრედიტო-სარეიტინგო კომპანია Fitch Ratings-მა საქართველოს სუვერენული რეიტინგი ‘BB’ დონეზე შეინარჩუნა, ხოლო პერსპექტივა - „პოზიტიურამდე“ გააუმჯობესა.სარეიტინგო კომპანიის შეფასებით, პერსპექტივის გაუმჯობესების ერთ-ერთი მთავარი განმაპირობებელი ფაქტორი საერთაშორისო რეზერვების მნიშვნელოვანი ზრდა და ქვეყნის საგარეო პოზიციის გაუმჯობესებული მაჩვენებლებია.როგორც Fitch-ის მიერ გავრცელებულ ანგარიშშია აღნიშნული, 2026 წლის სექტემბერში საქართველოს მთლიანმა საერთაშორისო რეზერვებმა რეკორდულ მაჩვენებელს, 8.2 მლრდ აშშ დოლარს მიაღწია, რაც 2025 წლის ბოლოსთან შედარებით 2 მლრდ აშშ დოლარით მეტია.სარეიტინგო კომპანია ასევე ხაზს უსვამს, რომ რეზერვების ზრდა სებ-ის პოლიტიკის შედეგია და ამასთან, აღნიშნავს რომ საერთაშორისო რეზერვების ზრდას განაპირობებს მიმდინარე ანგარიშის დეფიციტის შემცირება, კაპიტალის შემოდინება, ფრთხილი მონეტარული პოლიტიკა და ნდობის გაუმჯობესება, რამაც ადგილობრივი რეზიდენტების მხრიდან ლარში დენომინირებულ აქტივებზე მოთხოვნის ზრდა გამოიწვია. Fitch ასევე დადებითად აფასებს საგარეო სექტორში მიმდინარე ტენდენციებს. კომპანიის შეფასებით, მიმდინარე ანგარიშის დეფიციტის შემცირების ტენდენცია 2026 წლის პირველ ნახევარშიც გაგრძელდა, რაც ქვეყნის საგარეო მოწყვლადობის შემცირებას უწყობს ხელს.სარეიტინგო კომპანიის შეფასებით, პოზიტიურია დედოლარიზაციის ტენდენციები. სარეიტინგო კომპანია ასევე ხაზს უსვამს საქართველოს საბანკო სექტორის მდგრადობას.“ძლიერი ეკონომიკური ზრდა კვლავ დადებითად აისახება საქართველოს საბანკო სექტორის ფინანსურ მაჩვენებლებზე. სექტორი გამოირჩევა მაღალი მომგებიანობით (ROE აგვისტოს მდგომარეობით ROE 23.2% შეადგინა), ძლიერი კაპიტალიზაციით (პირველადი კაპიტალის კოეფიციენტი  17.6%) და აქტივების მაღალი ხარისხით (უმოქმედო სესხების წილი 2.5%)“, - ნათქვამია Fitch-ის ანგარიშში.Fitch პროგნოზით, ეკონომიკური ზრდა ძლიერი შენარჩუნდება და 2026 წელს 7.5%-ს გაუტოლდება, ხოლო 2027-2028 წლებში ეკონომიკური ზრდის ტემპი ეტაპობრივად შენელდება და საშუალოვადიან პოტენციურ დონეს 5%-ს დაუახლოვდება.

1793429999

საკრედიტო-სარეიტინგო სააგენტო Fitch Ratings-მა საქართველოს სუვერენული რეიტინგის პერსპექტივა სტაბილურიდან პოზიტიურით შეცვალა, რეიტინგი კი კვლავ უცვლელად, BB დონეზე დატოვა

2026 წლის 30 ოქტომბერს, საკრედიტო-სარეიტინგო სააგენტო Fitch Ratings-მა საქართველოს სუვერენული რეიტინგი შეაფასა და სხვადასხვა ფაქტორების გათვალისწინებით, პერსპექტივა სტაბილურიდან პოზიტიურით შეცვალა, ხოლო რეიტინგი კვლავ უცვლელად, BB დონეზე დატოვა.ქვეყნის შეფასების დოკუმენტში აღნიშნულია, რომ საქართველო განაგრძობს ეკონომიკურ და ფისკალურ მდგრადობას. რეიტინგის პოზიტიური პერსპექტივა საერთაშორისო რეზერვების სწრაფი დაგროვებით, მიმდინარე ანგარიშის დაბალი დეფიციტითა და მაღალი ეკონომიკური ზრდით არის განპირობებული. საქართველოს რეიტინგს, ასევე, აძლიერებს განხორციელებული გონივრული ფისკალური პოლიტიკა, მთავრობის ზომიერი ვალი და სტაბილური საბანკო სისტემა.სარეიტინგო კომპანია აღნიშნავს, რომ მიუხედავად გაზრდილი გეოპოლიტიკური რისკებისა და მაღალი ენერგეტიკული ფასებისა, ქვეყანა ინარჩუნებს ძლიერ ეკონომიკურ ზრდას, რაც ინვესტიციებითა და ექსპორტის მაღალი ზრდით არის განპირობებული. ქვეყნის საშუალო ეკონომიკური ზრდა 2023-2025 წლების პერიოდში 8%-ს აღემატებოდა. Fitch Ratings მოელის, რომ საშუალოვადიან პერიოდშიც საქართველოს რეალური ეკონომიკური ზრდა მისი მსგავსი რეიტინგის მქონე ქვეყნებზე მაღალ მაჩვენებელზე დაფიქსირდება.ასევე, სააგენტო საქართველოს ფისკალური პოლიტიკის ჩარჩოს კვლავ გონივრულად და გამჭვირვალედ აფასებს, რასაც თან ახლავს განხორციელებული სტრუქტურული რეფორმები, რაც მაკროეკონომიკურ სტაბილურობასა და გაუმჯობესებულ ბიზნესგარემოს უწყობს ხელს. ხაზგასასმელია ის ფაქტიც, რომ ბიუჯეტის დეფიციტი მშპ-ის მიმართ ბევრად დაბალია, ვიდრე ფისკალური წესით დაშვებული ზღვარი, ხოლო ვალი მშპ-სთან მიმართებით კლებადი ტენდენციით ხასიათდება და საგარეო ვალი მეტწილად საერთაშორისო საფინანსო ინსტიტუტებისგან აღებული კონცესიური სესხებისგან შედგება.სარეიტინგო კომპანია Fitch Ratings ხაზს უსვამს იმ ფაქტს, რომ საერთაშორისო სავალუტო რეზერვები მაღალი ტემპით იზრდება და მიმდინარე წლის სექტემბერში 8.2 მილიარდ აშშ დოლარს მიაღწია. აღნიშნული შედეგი მეტწილად განპირობებულია ქვეყნის საგადასახდელო ბალანსის გაუმჯობესებით (კერძოდ, მიმდინარე ანგარიშის დეფიციტის შემცირებით), კაპიტალური შემოდინებების ზრდით, ფრთხილი მონეტარული პოლიტიკითა და ნდობის ამაღლებით.Fitch Ratings საქართველოს საბანკო სისტემას კარგად კაპიტალიზებულად აფასებს, სადაც შენარჩუნებულია სექტორის მომგებიანობა, აქტივების ხარისხი და გონივრული ზედამხედველობა. ამასთან ხაზგასმულია, რომ დეპოზიტებისა და სესხების დოლარიზაციის დონეები შემცირებით ხასიათდება, რაც ძირითადად ეროვნული ბანკის მიერ გატარებული მაკროპრუდენციული ღონისძიებებით არის განპირობებული.ანგარიშის თანახმად, საშუალოვადიან პერსპექტივაში საგარეო ფაქტორების გაუმჯობესების ტენდენციების მდგრადი შენარჩუნება და შემდგომი გაუმჯობესება, მათ შორის, გაზრდილი საგარეო ბუფერები და მიმდინარე ანგარიშის მცირე დეფიციტი, მნიშვნელოვანი ფაქტორი იქნება რეიტინგის შემდგომი გაუმჯობესებისთვის.ინფორმაციას საქართველოს ფინანსთა სამინისტრო ავრცელებს. 

1793378519

რამდენ ლარად შეიძენთ უქმეებზე დოლარს და ევროს - განახლებული კურსი

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.5992 ლარი გახდა. კურსი, რომელიც დღეს მოქმედებდა, 2.5959 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0033 ლარი შეადგინა.რაც შეეხება ევროს, მისი კურსი 2.9116 ლარია. მაშინ, როცა დღეს მოქმედი კურსი 2.8934 ლარს შეადგენდა. შესაბამისად, ევროს ცვლილებამ 0.0182 ლარი შეადგინა.

1793362642

რეზო შმერცი - საქართველო ინოვაციების წინა ხაზზეა - პროცესები სწრაფად, უსაფრთხოდ და სათანადო რეგულირების პირობებში ვითარდება

„საქართველო ფინანსებისა და ტექნოლოგიების სფეროში საერთაშორისო თანამშრომლობისა და ინოვაციების განვითარების მნიშვნელოვანი პლატფორმაა“, - ამის შესახებ BR Capital-ის დამფუძნებელმა რეზო შმერცმა განაცხადა.მისი შეფასებით, „თბილისის ფინანსური სამიტი“ ყოველწლიურად ვითარდება, იზრდება ღონისძიების მონაწილეთა მასშტაბი და დისკუსიების ხარისხი, რაც საქართველოს საერთაშორისო ფინანსურ საზოგადოებაში ცნობადობის ზრდას უწყობს ხელს.რეზო შმერცმა ხაზი გაუსვა, რომ საქართველო საერთაშორისო შეხვედრებისა და ფინანსური კავშირების ჩამოყალიბებისთვის მნიშვნელოვან უპირატესობებს ფლობს. ქვეყნის სტუმართმოყვარეობა, ბუნება, კულტურა და ხელსაყრელი გარემო ქმნის წინაპირობებს, რომ საქართველო არა მხოლოდ საერთაშორისო ღონისძიებების მასპინძელი, არამედ რეგიონული ფინანსური ჰაბიც გახდეს.BR Capital-ის დამფუძნებელმა ასევე ისაუბრა გლობალური ფინანსური ტექნოლოგიების განვითარების ტენდენციებსა და საქართველოს ფინანსური სექტორის შესაძლებლობებზე. მისი განცხადებით, ამ პროცესში განსაკუთრებული მნიშვნელობა აქვს მარეგულირებლის მზაობას, მოუსმინოს კერძო სექტორს და დროულად უპასუხოს ბაზრის საჭიროებებს.„საქართველოს ჰყავს ძალიან მეგობრული და პროგრესული მარეგულირებელი, რომელიც ყოველთვის უსმენს ბიზნესის მოთხოვნებს და სწრაფად რეაგირებს ფინანსური სექტორიდან წამოსულ საჭიროებებზე. შესაბამისად, ფინანსური ინოვაციების განვითარება და პროცესების ოპტიმიზაცია მნიშვნელოვანია როგორც ეკონომიკური ზრდისთვის, ისე ბიზნესის სხვა სექტორებისთვის“, - განაცხადა რეზო შმერცმა.მისივე თქმით, საქართველო აქტიურად ნერგავს ახალ ტექნოლოგიებს და ქმნის ინოვაციებისთვის შესაბამის მარეგულირებელ გარემოს, მათ შორის რეგულირების ექსპერიმენტული ჩარჩოებისა და ციფრული ფინანსების განვითარების მიმართულებით. ამ კონტექსტში მან ციფრული ლარის პროექტი და ტრანსსასაზღვრო გადახდების განვითარება გამოყო.„საქართველო ინოვაციების წინა ხაზზეა, ნერგავს ახალ ტექნოლოგიებს, ეხმარება მარეგულირებელ ლანდშაფტს, სენდბოქსებს. ყველა ეს პროცესი საქართველოში სწრაფად ვითარდება, თუმცა ამავდროულად უსაფრთხოდ და სათანადო რეგულირების პირობებში. ციფრული ფინანსების სამყაროში ბევრი მნიშვნელოვანი ცვლილება ხდება და მოხარული ვართ, რომ ერთ-ერთი ასეთი საერთაშორისო კონფერენცია სწორედ საქართველოში ტარდება. ვფიქრობ, ქვეყნისთვის ყველაფერი ძალიან კარგად ვითარდება“, - აღნიშნა რეზო შმერცმა.BR Capital-ის დამფუძნებელმა სამიტის ფარგლებში მონაწილეობა მიიღო პანელურ დისკუსიაში „ტრანსსასაზღვრო ფინანსური ინოვაციები შუა დერეფანში“, რომლის ფარგლებშიც განიხილეს შუა დერეფნის ქვეყნებს შორის ფინანსური და ტექნოლოგიური თანამშრომლობის გაღრმავების შესაძლებლობები, ტრანსსასაზღვრო გადახდების განვითარება, მარეგულირებელი ჩარჩოების დაახლოება, ციფრული იდენტიფიკაციისა და ფინანსური ინფრასტრუქტურის ურთიერთთავსებადობა. დისკუსიის მონაწილეებმა ასევე იმსჯელეს საქართველოს, აზერბაიჯანის, თურქეთისა და სომხეთის თანამშრომლობის პერსპექტივებზე და იმ პრაქტიკულ მექანიზმებზე, რომლებიც კომპანიებს სხვადასხვა ქვეყანაში საქმიანობის გამარტივების შესაძლებლობას მისცემს, თითოეული ქვეყნის კანონმდებლობისა და მომხმარებელთა დაცვის პრინციპების გათვალისწინებით.საქართველოს ეროვნული ბანკის, ეკონომიკისა და მდგრადი განვითარების სამინისტროსა და სინგაპურის გლობალური ფინანსური და ტექნოლოგიური ქსელის (GFTN) ერთობლივად ორგანიზებულმა, რიგით მეორე „თბილისის ფინანსურმა სამიტმა“  წელს 60-მდე ქვეყნის 1000-მდე მონაწილეს უმასპინძლა. 

1793357286

2026 წლის მესამე კვარტალში საქართველოში საერთაშორისო მოგზაურებმა 5.7 მილიარდი ლარი დახარჯეს

სტატისტიკის ეროვნული სამსახურის მონაცემებით, 2026 წლის მესამე კვარტალში საქართველოს ტერიტორიაზე დაფიქსირდა საერთაშორისო არარეზიდენტი მოგზაურების 3.1 მილიონი შემოსვლა, რაც 3.6 პროცენტით მეტია წინა წლის ანალოგიური პერიოდის მაჩვენებელზე. შემოსვლების უდიდესი ნაწილი, 40.1 პროცენტი, განხორციელდა 31-50 წლის მოგზაურების მიერ. აღნიშნული რაოდენობიდან საერთაშორისო ვიზიტორების მიერ განხორციელებული ვიზიტების რაოდენობამ 2.6 მილიონი შეადგინა, რაც 3.3 პროცენტით მეტია 2025 წლის ანალოგიური პერიოდის მაჩვენებელზე.საქსტატის ცნობით, 2026 წლის მესამე კვარტალში საერთაშორისო ვიზიტორების რაოდენობამ 2.2 მილიონს მიაღწია, რაც 3.1 პროცენტით მეტია წინა წლის ანალოგიური პერიოდის მაჩვენებელზე.საანგარიშო პერიოდში საერთაშორისო ვიზიტორების მიერ განხორციელდა 2.1 მილიონი ტურისტული ტიპის ვიზიტი, რაც 4.7 პროცენტით მეტია წინა წლის ანალოგიური პერიოდის მაჩვენებელზე.ამასთან, უწყების ანგარიშით, საერთაშორისო ვიზიტორების 82.1 პროცენტი მხოლოდ ტურისტები იყვნენ. მხოლოდ ექსკურსანტების წილმა 14.3 პროცენტი შეადგინა, ხოლო ვიზიტორების 3.6 პროცენტი იყო როგორც ტურისტი, ასევე ექსკურსანტი. ამასთან, 2026 წლის მესამე კვარტალში ვიზიტორების ყველაზე დიდი რაოდენობა, 596.8 ათასი, დაფიქსირდა რუსეთის ფედერაციიდან, რაც ვიზიტორების ჯამური რაოდენობის 26.7 პროცენტს შეადგენდა. მეორე ადგილზე იყო თურქეთი 14.5%-იანი წილით, ხოლო მესამეზე – სომხეთი 11.0%-იანი წილით. ვიზიტების ყველაზე დიდი რაოდენობა განხორციელდა რუსეთის ფედერაციის (695.8 ათასი), თურქეთისა (398.1 ათასი) და სომხეთის (316.2 ათასი) მოქალაქეების მიერ. ვიზიტორების უმრავლესობა – 44.5 პროცენტი მიეკუთვნებოდა 31-50 წლამდე ასაკობრივ კატეგორიას, ქალების რაოდენობა კი ვიზიტორების მთლიანი რაოდენობის 48.8 პროცენტს შეადგენდა.საქსტატის ინფორმაციით, 2026 წლის მესამე კვარტალში ვიზიტების ყველაზე დიდი ნაწილი – 58.8 პროცენტი განხორციელდა დასვენების, გართობისა და რეკრეაციის მიზნით. ვიზიტების უმრავლესობა კი განხორციელდა თბილისსა და აჭარის ა/რ-ში, შესაბამისად, 1 349.5 ათასი და 1 291.0 ათასი ვიზიტი.ამასთან, 2026 წლის მესამე კვარტალში განხორციელებული ვიზიტებისას გათეული ღამეების საშუალო რაოდენობამ 6.4 ღამე შეადგინა, რაც 2025 წლის მესამე კვარტალში დაფიქსირებულ მაჩვენებელზე (6.3 ღამე) 2.2 პროცენტით მეტია. განხორციელებული ვიზიტების 76.7 პროცენტი წარმოადგენდა განმეორებითი ხასიათის ვიზიტს.საანგარიშო პერიოდში განხორციელებული ვიზიტებისას გაწეული ხარჯები 5.7 მილიარდ ლარს გაუტოლდა, რაც 8.2 პროცენტით ნაკლებია წინა წლის ანალოგიური პერიოდის მაჩვენებელზე. ვიზიტზე საშუალო ხარჯი 2025 წლის მესამე კვარტალთან შედარებით 11.1 პროცენტით შემცირდა და 2 194.4 ლარი შეადგინა.

1793343122

ეკატერინე მიქაბაძემ „თბილისის ფინანსური სამიტის“ ფარგლებში AIFC Connect: Tbilisi 2026-ში მიიღო მონაწილეობა

 საქართველოს ეროვნული ბანკის პირველმა ვიცე-პრეზიდენტმა ეკატერინე მიქაბაძემ „თბილისის ფინანსური სამიტი“-ის ფარგლებში გამართულ ღონისძიებაში - AIFC Connect: Tbilisi 2026 - მიიღო მონაწილეობა.ღონისძიება ასტანას საერთაშორისო ფინანსური ცენტრის (AIFC) ორგანიზებით, საქართველოს ეროვნულ ბანკთან, გლობალურ ფინანსურ და ტექნოლოგიურ ქსელთან (GFTN) და ITS-თან პარტნიორობით გაიმართა. მისი მიზანი საქართველოსა და ყაზახეთს შორის ფინანსური თანამშრომლობის გაღრმავება, კაპიტალის ბაზრებზე ტრანსსასაზღვრო წვდომის გაფართოება და ინვესტორებისთვის ახალი შესაძლებლობების შექმნა იყო.მისასალმებელ სიტყვაში ეკატერინე მიქაბაძემ საქართველოსა და ყაზახეთს შორის არსებული მჭიდრო ეკონომიკური ურთიერთობებისა და ფინანსური სექტორის თანამშრომლობის გაძლიერების მნიშვნელობაზე ისაუბრა.ეროვნული ბანკის პირველმა ვიცე-პრეზიდენტმა ყურადღება გაამახვილა საქართველოსა და ყაზახეთის მარეგულირებელ ორგანოებს შორის თანამშრომლობაზეც. მისი თქმით, ასტანას ფინანსური სერვისების მარეგულირებელ ორგანოსთან (AFSA) გაფორმებული შეთანხმება კაპიტალის ბაზრებზე ორმხრივი წვდომის გაუმჯობესებისა და საზედამხედველო თანამშრომლობის გაძლიერების მნიშვნელოვანი საფუძველია.„ეს ინიციატივები ასახავს ჩვენს საერთო მიზანს: გავაძლიეროთ რეგიონული ფინანსური დაკავშირებულობა, წავახალისოთ ტრანსსასაზღვრო ინვესტიციები და დავაახლოოთ საქართველოსა და ყაზახეთის ფინანსური ბაზრები“, - აღნიშნა ეკატერინე მიქაბაძემ.ეკატერინე მიქაბაძემ ყურადღება გაამახვილა აქტივების მართვის სექტორში არსებულ პროგრესზეც. მისი განცხადებით, საქართველოს სახელმწიფო ობლიგაციების ინდექსების საერთაშორისო პლატფორმებზე, მათ შორის Bloomberg-ზე, გამოქვეყნება მნიშვნელოვანი ნაბიჯია საერთაშორისო ინვესტორებისთვის ქართული ფასიანი ქაღალდების ხილვადობისა და ხელმისაწვდომობის გასაუმჯობესებლად. მან ასევე ისაუბრა საქართველოს კაპიტალის ბაზრის განვითარებაზე.„2025 წელი რეკორდული იყო საჯარო კორპორატიული ობლიგაციების ემისიის კუთხით - ახალმა ემისიებმა 1.57 მილიარდ ლარს მიაღწია, რომელთა უმეტესობაც ლარში იყო დენომინირებული. ეს ასახავს ადგილობრივ ვალუტაში დაფინანსების მზარდ როლს და როგორც ემიტენტების, ისე ინვესტორების ნდობას ჩვენი ბაზრის მიმართ“, - განაცხადა ეროვნული ბანკის ვიცე-პრეზიდენტმა.AIFC Connect: Tbilisi 2026-ის ერთ-ერთი მთავარი თემა იყო „ორმხრივი წვდომისა და აღიარების პროექტი“ - ინიციატივა, რომელიც მიზნად ისახავს პრაქტიკული მექანიზმების ჩამოყალიბებას AIFC-სა და საქართველოში მოქმედი ფინანსური ინსტიტუტებისა და ბაზრის სხვა მონაწილეებისთვის ბაზრებზე ორმხრივი წვდომის გასამარტივებლად.ინიციატივის მნიშვნელოვანი საფუძველია საქართველოს ეროვნულ ბანკსა და AFSA-ს შორის 2026 წლის 9 სექტემბერს ხელმოწერილი ურთიერთგაგების მემორანდუმი. შეთანხმება ითვალისწინებს კაპიტალის ბაზრებზე ორმხრივი წვდომის ხელშეწყობას, საზედამხედველო თანამშრომლობის გაძლიერებასა და მარეგულირებელ ორგანოებს შორის ინფორმაციის გაცვლის ხელშეწყობას.AIFC Connect: Tbilisi 2026-ში მონაწილეობდნენ საქართველოსა და ყაზახეთის მარეგულირებელი ორგანოების, ბანკების, საინვესტიციო კომპანიების, საფონდო ბირჟებისა და სხვა ფინანსური ინსტიტუტების წარმომადგენლები. 

1793297115

დოლარის და ევროს ფასი შეიცვალა - განახლებული კურსი

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.5959 ლარი გახდა. კურსი, რომელიც დღეს მოქმედებდა, 2.5957 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0002 ლარი შეადგინა.რაც შეეხება ევროს, მისი კურსი 2.8934 ლარია. მაშინ, როცა დღეს მოქმედი კურსი 2.8875 ლარს შეადგენდა. შესაბამისად, ევროს ცვლილებამ 0.0059 ლარი შეადგინა.

1793274266

საქართველო–სინგაპურის ფინტექის მომავალ ლიდერთა სასტიპენდიო პროგრამის შესახებ შეთანხმება სინგაპურში საქართველოს პრემიერ-მინისტრის ირაკლი კობახიძის ვიზიტის ფარგლებში გაფორმდა

 ივანე ჯავახიშვილის სახელობის თბილისის სახელმწიფო უნივერსიტეტმა, ციფრული აქტივებისა და ინსტიტუციურმა ბანკმა Pave Bank-მა და სინგაპურში დაფუძნებულმა არაკომერციულმა ორგანიზაციამ Global Finance & Technology Network (GFTN) ურთიერთგაგების მემორანდუმი გააფორმეს. მემორანდუმი ითვალისწინებს საქართველოსა და სინგაპურს შორის უმაღლესი განათლების სფეროში პირველი გაცვლითი პროგრამის შექმნას და ორ ქვეყანას შორის კერძო სექტორის მიერ დაფინანსებული პირველი ფინტექ სტიპენდიის პროგრამის ამოქმედებას.შეთანხმების საფუძველზე შეიქმნება საქართველო-სინგაპურის ფინტექის სტიპენდიანტთა პროგრამა (Georgia-Singapore Fintech Scholars Programme), რომელიც ქართველ სტუდენტებს შესაძლებლობას მისცემს აკადემიური და პრაქტიკული ცოდნა მიიღონ სინგაპურში, მსოფლიოს ერთ-ერთ წამყვან ფინტექ ეკოსისტემაში.საქართველო-სინგაპურის ფინტექის მომავალ ლიდერთა სასტიპენდიო პროგრამის შექმნის შესახებ შეთანხმება სინგაპურში საქართველოს პრემიერ-მინისტრის ირაკლი კობახიძის ვიზიტის ფარგლებში გაფორდა. მისი დეტალები გუშინ „თბილისის ფინანსური სამიტის“ ფარგლებში გახდა ცნობილი. წლევანდელი სამიტის განსაკუთრებული სიახლე სწორედ საგანმანათლებლო კომპონენტია, რადგან ფინანსური და ტექნოლოგიური სექტორის განვითარება უშუალოდაა დაკავშირებული კვალიფიციური კადრების მომზადებასა და ახალგაზრდებისთვის ახალი შესაძლებლობების შექმნასთან. პროგრამის მონაწილეები სინგაპურის ერთ-ერთ წამყვან უნივერსიტეტში ისწავლიან და შესაძლებლობა ექნებათ გაეცნონ სინგაპურის, როგორც მსოფლიოს ერთ-ერთი უმნიშვნელოვანესი ფინანსური ცენტრის ფინტექ ეკოსისტემას.საქართველო-სინგაპურის გაცვლითი პროგრამა მომავალი წლიდან დაიწყება. იგი თსუ-ს ბიზნესისა და STEM მიმართულებების საუკეთესო სტუდენტებს შესაძლებლობას მისცემს ერთი სემესტრი გაატარონ Singapore Management University-ში (SMU). პროგრამა მხოლოდ აკადემიური სწავლებით არ შემოიფარგლება და სტუდენტების პროფესიული განვითარების მრავალმხრივ შესაძლებლობებს მოიცავს. აღნიშნული ითვალისწინებს სპეციალურად შემუშავებულ სასწავლო აქტივობებს, ფინტექ ინდუსტრიასთან უშუალო თანამშრომლობასა და მენტორობას სინგაპურში ყოფნის მთელი პერიოდის განმავლობაში. მისი წარმატებით დასრულების შემთხვევაში მონაწილეებს მიეცემათ შესაძლებლობა, სტაჟირება გაიარონ პარტნიორ ორგანიზაციებში.ამასთან, სტიპენდიატები გახდებიან GFTN-ის გლობალური ქსელის „ცოდნის წრის“ წევრები. ეს არის საერთაშორისო პროფესიული ქსელი, რომელიც მონაწილეებს ცოდნის გაზიარებისა და კარიერული განვითარების შესაძლებლობებს სთავაზობს.  პროგრამას Tether და Pave Bank აფინანსებენ.მხარეებს  შორის ოფიციალური მემორანდუმის გაფორმების ცერემონიას კომპანია Tether-ის გაფართოების დირექტორი მარკო დალ ლაგო, განათლებისა და მეცნიერების მინისტრის მოადგილე ზვიად გაბისონია და ეროვნული ბანკის პირველი ვიცე-პრეზიდენტი ეკატერინე მიქაბაძე ესწრებოდნენ.  სებ-ის პირველი ვიცე-პრეზიდენტის განცხადებით მისასალმებელია, რომ საქართველოსა და სინგაპურს შორის მნიშვნელოვანი საგანმანათლებლო და პროფესიული თანამშრომლობა ახალ ეტაპზე სწორედ „თბილისის ფინანსური სამიტის“ ფარგლებში გადავიდა.„ახალგაზრდებში ფინანსურ და ეკონომიკური წიგნიერებაზე ზრუნვა საქართველოს ეროვნული ბანკის ერთ-ერთი მთავარი პრიორიტეტია. გვჯერა, რომ ახალგაზრდა თაობისთვის საფუძვლიანი ფინანსური ცოდნის მიცემა, ეკონომიკური პროცესების სიღრმისეული გააზრების ხელშეწყობა აუცილებელია  როგორც ჯანსაღი ფინანსური სისტემის, ასევე ინკლუზიური და მდგრადი ეკონომიკის ჩამოსაყალიბებლად. ჩვენ აქტიურად ვთანამშრომლობთ საქართველოში მოქმედ უნივერსიტეტებთან, რათა დავეხმაროთ სტუდენტებს მათთვის თანამედროვე ტენდენციების, საუკეთესო გამოცდილებისა და უახლესი მონაცემების გაზიარების გზით. ეს პროგრამა არა მხოლოდ ქართველ სტუდენტებს გაუხსნის ახალ შესაძლებლობებს, არამედ კიდევ უფრო გააღრმავებს საქართველოსა და სინგაპურს შორის თანამშრომლობას ფინანსური ინოვაციების, განათლებისა და ადამიანური კაპიტალის განვითარების მიმართულებით“, - განაცხადა სებ-ის პირველმა ვიცე-პრეზიდენტმა ეკატერინე მიქაბაძემ.შეგახსენებთ, რომ  მასშტაბური საერთაშორისო ღონისძიება წელს თბილისში, „შერატონ გრანდ მეტეხი პალასში“, უკვე მეორედ გაიმართა. სამიტის თანაორგანიზატორები არიან საქართველოს ეროვნული ბანკი, საქართველოს ეკონომიკისა და მდგრადი განვითარების სამინისტრო და სინგაპურის გლობალური ფინანსური და ტექნოლოგიური ქსელის (GFTN). ერთობლივად ორგანიზებულ სამიტზე  მონაწილეობდნენ საქართველოს მთავრობის პირველი პირები, მსოფლიოს სხვადასხვა ქვეყნიდან მოწვეული ფინტექ ინდუსტრიისა და ფინანსური სექტორის ლიდერები, საერთაშორისო კომპანიებისა და ინოვაციური ტექნოლოგიების სფეროს წარმომადგენლები. სამიტის მიზანია ფინანსური ტექნოლოგიების განვითარება, საერთაშორისო თანამშრომლობის გაღრმავება და საქართველოს, როგორც რეგიონული ფინანსური და ტექნოლოგიური პლატფორმის, როლის განმტკიცება.

1793266377

ბოსნია და ჰერცოგოვინას ეროვნული ბანკის ვიცე პრეზიდენტი - ვისურვებდი, ჩემმა ქვეყანამაც მიაღწიოს საქართველოს ეკონომიკური ზრდის დონეს

 თბილისის ფინანსური სამიტის“ მსგავსი ღონისძიებები მნიშვნელოვანია ბევრი მიზეზის გამო, თუმცა ყველაზე მთავარი ის ფაქტია, რომ სამიტის ფარგლებში შესაძლებლობა გვეძლევა, შევხვდეთ მსოფლიოს სხვადასხვა ქვეყნის პროფესიონალებს და ვიმსჯელოთ, ვიმუშაოთ და ვითანამშრომლოთ სხვადასხვა პროექტების მიმართულებით, - ამის შესახებ ბოსნია და ჰერცოგოვინას ცენტრალური ბანკის ვიცე-პრეზიდენტმა ემირ კურტიჩმა განაცხადა.მისივე თქმით, საქართველო შესანიშნავი ქვეყანაა მსგავსი მასშტაბური და მნიშვნელოვანი სამიტების ორგანიზებისთვის.„ცალსახაა, რომ საქართველო, თბილისი, მისი გეოსტრატეგიული მდებარეობა და პოზიცია სრულიად ლოგიკურს ხდის იმას, რომ ჩვენ ყველანი ახლა აქ ვართ და ვსაუბრობთ იმ მნიშვნელოვან საკითხებზე, რომელთა წინაშეც ვდგავართ“, - აღნიშნა ემირ კურტიჩმა.მისივე თქმით, გლობალური გამოწვევებისა და რისკების ფონზე, მისასალმებელია, რომ საქართველო ძალიან წარმატებული ქვეყანაა  ეკონომიკის კუთხით და ეკონომიკური ზრდა შთამბეჭდავია.„ვისურვებდი, ჩემმა ქვეყანამაც მიაღწიოს საქართველოს ეკონომიკური ზრდის დონეს. ამჟამად ბოსნია და ჰერცეგოვინაში ეკონომიკური ზრდის კუთხით გარკვეული სირთულეები გვაქვს. იმის მოსმენა, რომ საქართველო ეკონომიკურად კარგად ვითარდება, შთამაგონებელია პირადად ჩემთვის და ჩემი ქვეყნისთვის და ვფიქრობ, რომ ეს რეალურად შესაძლებელია“, - აღნიშნა ბოსნია და ჰერცოგოვინას ეროვნული ბანკის ვიცე-პრეზიდენტმა ემირ კურტიჩმა.„თბილისის ფინანსურმა სამიტმა“ წელს 60-მდე ქვეყნის 1000-მდე წარმომადგენელს მოუყარა თავი. სამიტი საქართველოს ეროვნული ბანკის, საქართველოს ეკონომიკისა და მდგრადი განვითარების სამინისტროსა და სინგაპურში დაფუძნებული გლობალური ფინანსური და ტექნოლოგიური ქსელის (GFTN) ერთობლივი ორგანიზებით წელს მეორედ ჩატარდა.

1793265145

"თბილისის ფინანსური სამიტის" ფარგლებში გამართული ფინტექ ჰაკათონის გამარჯვებულები გამოვლინდნენ

 საქართველოს ეროვნული ბანკის პრეზიდენტმა ნათია თურნავამ ეროვნული ბანკისა და საქართველოს ინოვაციების და ტექნოლოგიების სააგენტოსა (GITA) ერთობლივ საერთაშორისო Fintech ჰაკათონში მიიღო მონაწილეობა. „თბილისის ფინანსური სამიტის“  ფარგლებში გამართულ დემო დღეზე ფინალისტმა გუნდებმა ფინანსურ სექტორში არსებული გამოწვევების ტექნოლოგიური გადაწყვეტები წარადგინეს, რის შემდეგაც ჟიურიმ გამარჯვებული გუნდები გამოავლინა.მიმართულებაში - „ხელოვნური ინტელექტის გამოყენება ფინანსურ სექტორში“ გუნდმა Goni-იმ გაიმარჯვა. გუნდის წევრებმა მოიპოვეს GITA-ს 20 000-ლარიანი პრიზი შექმნილი პროტოტიპის შემდგომი განვითარებისთვის. გარდა ამისა, Tether-ისა და Pave Bank-ის მხარდაჭერით, Goni გაემგზავრება დუბაიში და დაესწრება გლობალურ ტექნოლოგიურ გამოფენას GITEX Global 2026.გუნდი Faeda AI საუკეთესოდ დასახელდა მიმართულებაში „ღია ბანკინგის API-ების დიაგნოსტიკა და ბენჩმარკინგი“. გუნდის წევრებმა, მოიპოვეს საგზური აზიის წამყვან ფინტექ ღონისძიებაზე  Singapore FinTech Festival 2026-ზე დასასწრებად, სადაც საკუთარ პროექტს საერთაშორისო ასპარეზზე წარადგენენ.ფინტექ ჰაკათონი ხელოვნური ინტელექტისა და ღია ბანკინგის მიმართულებებს აერთიანებდა. მონაწილეები მუშაობდნენ ფინანსური სექტორისთვის აქტუალური საკითხების გადაჭრაზე, მათ შორის API-ების დიაგნოსტიკისა და ბენჩმარკინგის, საკრედიტო რისკების შეფასების, თაღლითობის გამოვლენისა და საოპერაციო პროცესების გაუმჯობესების მიმართულებით.ნათია თურნავამ სიტყვით გამოსვლისას აღნიშნა, რომ ინოვაციის განვითარებისთვის მნიშვნელოვანია ისეთი გარემოს შექმნა, რომელიც ახალი იდეების გამოცდასა და რეალური პრობლემების ტექნოლოგიური გადაწყვეტების შემუშავებას უწყობს ხელს.„ინოვაცია აზრს იძენს მაშინ, როდესაც ის სცდება იდეის ფარგლებს და იწყებს რეალური პრობლემის გადაჭრას. ღია ბანკინგი და ხელოვნური ინტელექტი ფინანსური მომსახურების ტრანსფორმაციის მნიშვნელოვანი მიმართულებებია. ღია ბანკინგი, მომხმარებლის თანხმობით ფინანსურ მონაცემებზე უსაფრთხო წვდომის შესაძლებლობით, ქმნის საფუძველს კონკურენციის გაძლიერებისთვის, ინოვაციური პროდუქტების განვითარებისა და მომხმარებლებისთვის უკეთესი მომსახურების შეთავაზებისთვის. ხელოვნური ინტელექტი კი ფინანსურ ინსტიტუტებს ინფორმაციის უფრო ეფექტიანად დამუშავებაში, რისკების შეფასებასა და თაღლითობის გამოვლენაში ეხმარება. ამასთან, ტექნოლოგიური პროგრესი პასუხისმგებლიან მიდგომას, უსაფრთხოებასა და გამჭვირვალობას უნდა ეფუძნებოდეს“, - განაცხადა ნათია თურნავამ.ეროვნული ბანკის პრეზიდენტმა ყურადღება გაამახვილა ფინანსურ სექტორში ინოვაციების განვითარების პროცესში მარეგულირებლის როლზეც. მისი თქმით, მნიშვნელოვანია, მარეგულირებელი მხოლოდ ტექნოლოგიური ცვლილებების დამკვირვებელი არ იყოს და თავადაც ავითარებდეს შესაბამის ცოდნასა და პრაქტიკულ გამოცდილებას.„თბილისის ფინანსური სამიტის“ ფარგლებში გამართული ფინტექ ჰაკათონი, მიზნად ისახავდა ფინანსურ ტექნოლოგიებში ინოვაციური და მასშტაბირებადი პროდუქტების შექმნის ხელშეწყობას, ადგილობრივი და საერთაშორისო ტექნოლოგიური ტალანტების გაძლიერებასა და ფინანსურ სექტორში ხელოვნური ინტელექტისა და ღია ბანკინგის განვითარებას.