სპორტი
1776431285
მეორე ოქრო! შავდათუაშვილი ევროპის ჩემპიონია
თბილისში მიმდინარე ევროპის ჩემპიონატი გამარჯვებით დაასრულა 73 კგ წონით კატეგორიაში მოასპარეზე ლაშა შავდათუაშვილმა. მან ფინალში მან აზერბაიჯანის წარმომადგენელი ჰიდაიათ ჰეიდაროვი დაამარცხა და ევროპის ჩემპიონი მეორედ გახდა.მის ყულაბაში უკვე ოლიმპიური, მსოფლიოსა და ევროპის ჩემპიონატის (2) ოქროს მედლებია.შეგახსენებთ, რომ რამდენიმე წუთის წინ ევროპის ჩემპიონი ეთერ ლიპარტელიანი გახდა.
1776430082
„უკვე მიღწეული სპორტული შედეგებით არაფერი მთავრდება, სწორედ ახლა იწყება გზა დიდი და საუკეთესო შედეგებისკენ,“ - განაცხადა პარტია „ხალხის ძალის“ წევრმა, დეპუტატმა დავით კაჭარავამ სპორტის კომიტეტის სხდომაზე, სადაც ფიგურულ ციგურაობაში არსებული მდგომარეობის, საერთაშორისო წარმატებებისა და განვითარების ხელშემწყობი ღონისძიებების შესახებ ინფორმაცია წარადგინა საქართველოს ფიგურული ციგურაობის ეროვნული ფედერაციის პრეზიდენტმა მაკა გიორგობიანმა.დავით კაჭარავას თქმით, წლევანდელი წელი გარდამტეხი იყო ფიგურულ ციგურაობისთვის.„მოგესალმებით და მადლობა ფიგურულ ციგურაობაში არსებული მდგომარეობის, საერთაშორისო წარმატებებისა და განვითარების ხელშემწყობი ღონისძიებების შესახებ მოწოდებული ინფორმაციისთვის.სპორტსმენებმა, მწვრთნელებმა და ფედერაციამ წელს მოიპოვა ისტორიული მნიშვნელობის გამარჯვება. ეს წელი ნამდვილად იყო გარდამტეხი სპორტის ამ სახეობისთვის. გულწრფელად ვიტყვი, არ ველოდით ასეთ შედეგს. ახლა დარწმუნებული ვარ, რომ მოციგურავეების ამ წარმატებების შემდეგ უამრავი ბავშვი დაიწყებს სიარულს ამ სპორტზე. თქვენ [მაკა გიორგობიანი], სწორედ აღნიშნეთ, უკვე მიღწეული სპორტული შედეგებით არაფერი მთავრდება, სწორედ ახლა იწყება გზა დიდი და საუკეთესო შედეგებისკენ.მე, როგორც სპორტსმენმა ზუსტად ვიცი რა შრომასთან არის დაკავშირებული თქვენს მიერ მიღწეული თითოეული გამარჯვება. სპორტსმენებს, მწვრთნელებს, ფედერაციის ყველა თანამშრომელს მადლობას ვუხდი იმისთვის, რომ ამ ულამაზესი სპორტის სახეობის ცქერით დაგვატკბეთ. ვამაყობთ, რომ ჩვენ, ქართველებს შეგვიძლია, განსაკუთრებულ სპორტის სახეობებშიც ვიყოთ გამორჩეულები მთელ მსოფლიოში,“ - განაცხადა დავით კაჭარავამ.
1776429083
ეთერ ლიპარტელიანი ევროპის ჩემპიონია
თბილისში მიმდინარე ევროპის ჩემპიონატი ეფექტურად დაასრულა ეთერ ლიპარტელიანმა (57 კგ), რომელმაც ისრაელის წარმომადგენელი ტიმნა ნელსონ ლევი ფინალში ეფექტური გდებით დაამარცხა.შეხვედრის დასაწყისში ქართველმა ძიუდოისტმა გდება გაუშვა და ბოლო წამებამდე 0:1-ს აგებდა, თუმცა შეხვედრის დასრულებამდე 15 წამით ადრე ეთერ ლიპარტელიანმა მეტოქე იპონით დაამარცხა და მსოფლიო ჩემპიონის ტიტულს ევროპის ოქროც მიამატა.იგი პირველი ქართველი ქალი ძიუდოისტია, რომელმაც ევროპა მოიგო.
1776421740
ეთერ ლიპარტელიანი ოქროსთვის იჭიდავებს
თბილისში მიმდინარე ძიუდოს ევროპის პირველობაზე ეთერ ლიპარტელიანი (57 კგ) ფინალშია.მოქმედმა მსოფლიოს ჩემპიონმა ნახევარფინალში სერბ მარიცა პერიშიჩს დამატებით დროში სუფთა გდებით მოუგო.ეთერ ლიპარტელიანი ფინალში ისრაელის წარმომადგენელს, ტიმნა ნელსონ ლევის შეხვდება.
1776416904
ეთერ ლიპარტელიანი და ლაშა შავდათუაშვილი ევროპის ჩემპიონატის ნახევარფინალში იჭიდავებენ
თბილისში მიმდინარე ევროპის ჩემპიონატზე ძიუდოში ეთერ ლიპარტელიანი (57 კგ) და ლაშა შავდათუაშვილი (73 კგ) ნახევარფინალში იასპარეზებენ – მოქმედმა მსოფლიოს ჩემპიონმა ეთერ ლიპარტელიანმა ნახევარფინალში გასასვლელად რუს ქსენია გალიტსკაიას დამატებით დროში მოუგო და სერბ მარიცა პერისიჩს დაუპირისპირდება.შავდათუაშვილმა კოსოვოელი აკილ ჯაკოვა დამატებით დროში იპონით დაამარცხა და ფინალში გასასვლელად ფრანგ ჟან-ბეჟამინ გაბას შეხვდება.მერვედფინალში დამარცხდა და ტურნირს გამოეთიშა მიხეილ ბახბახაშვილი (73 კგ).შეჯიბრების მეორე დღეს მედლები სამ წონით კატეგორიაში გათამაშდება – კაცებში 73 კგ-ში, ქალებში კი 57 და 63 კგ-ში.
1776412970
ეთერ ლიპარტელიანი ევროპის ჩემპიონატის მეოთხედფინალშია
თბილისში მიმდინარე ძიუდოს ევროპის ჩემპიონატზე ეთერ ლიპარტელიანმა (57 კგ) მეორე შეხვედრა მოიგო და მეოთხედფინალში იჭიდავებს – მოქმედმა მსოფლიო ჩემპიონმა იტალიელი ვერონიკა ტონიოლო დაამარცხა და ნახევარფინალში გასასვლელად რუს ქსენია გალიტსკაიას დაუპირისპირდება.შეჯიბრების მეორე დღეს მედლები სამ წონით კატეგორიაში გათამაშდება – კაცებში 73 კგ-ში, ქალებში კი 57 და 63 კგ-ში.
1776412620
ლაშა შავდათუაშვილმა პირველი, მიხეილ ბახბახაშვილმა მეორე გამარჯვება მოიპოვა
თბილისში მიმდინარე ძიუდოს კონტინენტის პირველობაზე ლაშა შავდათუაშვილმა (73 კგ) პირველი გამარჯვება მოიპოვა.ქართველმა ფინელი ოლინი დამატებით დროში დაამარცხა.ტურნირზე მეორე შეხვედრა მოიგო მიხეილ ბახაბახაშვილმა. მისი მეტოქე ჩეხეთის სახელით მოასპარეზე კარიმოვი იყო.ორივე ქართველი მერვედფინალში იასპარეზებს.შეჯიბრების მეორე დღეს მედლები სამ წონით კატეგორიაში გათამაშდება – კაცებში 73 კგ-ში, ქალებში კი 57 და 63 კგ-ში.
1776408138
ჩემპიონთა ლიგის მიმდინარე სეზონში ხვიჩა კვარაცხელიაზე მეტი საგოლე მოქმედება მხოლოდ კილიან მბაპეს აქვს.ქართველს შემტევს 13 საგოლე მოქმედება აქვს (8 გოლი, 5 ასისტი), ხოლო კილიან მბაპეს 16 (15 გოლი, 1 ასისტი). შეგახსენებთ რომ კილიან მბაპე ჩემპიონატს გამოეთიშა, ხვიჩა კვარაცხელიას „პსჟ“ კი 1/2 ფინალში „მიუნხენის ბაიერნს“ დაუპირისპირდება.
1776406896
ეთერ ლიპარტელიანმა ევროპის ჩემპიონატი მოგებით დაიწყო
თბილისში მიმდინარე ძიუდოს ევროპის ჩემპიონატზე მოქმედმა მსოფლიო ჩემპიონმა ეთერ ლიპარტელიანმა (57კგ) პირველი გამარჯვება მოიპოვა.ქართველმა ნორვეგიელი ელის ბოერაასი ოთხი იუკოთი დაამარცხა და მერვედფინალში გავიდა.ტურნირზე დღეს მედლებისთვის კიდევ ოთხი ქართველი ძიუდოისტი იბრძოლებს – კაცთა შორის 73 კგ-ში ლაშა შავდათუაშვილი და მიხეილ ბახბახაშვილი, ხოლო ქალებში ნინო ლოლაძე (57 კგ) და ნინო წიკლაური (63 კგ).კონტინენტის პირველობა „თბილისი არენაზე“ მიმდინარეობს.ევროპის ჩემპიონატის მეორე დღეს მედლები სამ წონით კატეგორიაში გათამაშდება – კაცებში 73 კგ-ში, ქალებში კი 57 და 63 კგ-ში. წინასწარი შეხვედრები 10:00 საათზე დაიწყო.
1776362693
„ბიჭო, რა მჭირს, მგონი, ქართული დამავიწყდა…“ – ხვიჩა კვარაცხელიას სახალისო ინტერვიუ (VIDEO)
გვერდი Geo Team ხვიჩა კვარაცხელიასთან ინტერვიუს აქვეყნებს, სადაც ფეხბურთელი თავისი წარმატებული მატჩებისა და გატანილი გოლების შესახებ საუბრობს.ხვიჩა კომენტარისას ხუმრობით ამბობს, რომ მგონი, ქართული დაავიწყდა:„ბედნიერი ვარ იმით, რომ გამოდის საგოლე გადაცემა და სულ გოლს ვიტან. ბიჭო, მგონი, ქართული დამავიწყდა. რა მჭირს… ძალიან ბედნიერი ვარ. მამარდამაც წარმატებები მისურვა. თუ გინდა, ინგლისურად ჩამწერე“, - აღნიშნავს სიცილით ხვიჩა.
1776348133
ბოლნისში უეფას III კატეგორიის შესაბამისი ახალი სტადიონის პროექტირება იწყება
ინფრასტრუქტურის სამინისტროს მუნიციპალური განვითარების ფონდმა, შესაბამისი ხელშეკრულება, კონკურსში გამარჯვებულ კომპანიასთან გააფორმა.მომსახურების შესრულების ვადად 8 თვე განისაზღვრა.ბოლნისის თანამედროვე სტანდარტების ბუნებრივსაფარიანი სტადიონი 4500 მაყურებელზე იქნება გათვლილი.ახალი სპორტული ინფრასტრუქტურა საფეხბურთო მატჩებთან ერთად, გათვალისწინებული უნდა იყოს რაგბის თამაშებისთვისაც.საერთაშორისო საფეხბურთო და სარაგბო სტანდარტების მიხედვით, სტადიონზე უნდა მოწეყოს გუნდებისა და მსაჯების გასახდელები, საშხაპეები, საკონფერენციო და სამედიცინო სივრცეები, მედია ცენტრი და კომერციული ობიექტები.პროექტის მიხედვით, სტადიონის ტერიტორიაზე გათვალისწინებული იქნება ავტოსადგომი, რომელიც ადაპტირებული იქნება განსაკუთრებული საჭიროებების მქონე პირებისთვის.ბოლნისის ახალი სტადიონი უზრუნველყოფილი იქნება თანამედროვე სარწყავი, უსაფრთხოების, განათებისა და ტრანსლაციისთვის საჭირო აუდიო-ვიზუალური სისტემებით.
1776323122
ფიფა-ს პრეზიდენტი ჯანი ინფანტინო აცხადებს, რომ ირანი აუცილებლად მიიღებს მონაწილეობას აშშ-ში დაგეგმილ მსოფლიო ჩემპიონატში.„ირანი აუცილებლად იქნება. ვიმედოვნებთ, რომ სიტუაცია მშვიდობიანი იქნება, ეს ნამდვილად დაგვეხმარება, მაგრამ ირანი უნდა მოვიდეს. ისინი თავიანთ ხალხს წარმოადგენენ, კვალიფიკაცია გაიარეს, მოთამაშეებს თამაში სურთ“, – აღნიშნა ინფანტინომ „სიენბისის“ მიერ ორგანიზებულ ეკონომიკურ ფორუმზე.მსოფლიო ჩემპიონატში ირანის მონაწილეობა ეჭვქვეშ 28 თებერვალს დადგა, როდესაც აშშ-მა და ისრაელმა ირანის წინააღმდეგ სამხედრო ოპერაცია დაიწყეს.ირანმა ფიფა-ს სთხოვა, მატჩები აშშ-დან მექსიკაში გადაეტანა, თუმცა ორგანიზაციამ ამ მოთხოვნაზე უარი განაცხადა.
