თეონა ყაჭიური
1722032845
რუსი ოკუპანტები ზაპოროჟიეს ოლქში გაერო-ს მისიას თავს დაესხნენ - მედია
„რუსი ოკუპანტები ზაპოროჟიეს ოლქში გაერო-ს მისიას დაესხნენ თავს“,– ამის შესახებ ზაპოროჟიეს ოლქის სამხედრო ადმინისტრაციის ხელმძღვანელმა, ალექსანდრე სტარუხმა განაცხადა.
„აგრესორი ქვეყანა, რომელმაც პირობა დადო, რომ სროლისგან თავს შეიკავებდა, თავს დაესხა გაერო-ს ჰუმანიტარულ მისიას, რომელმაც ჰუმანიტარული დახმარება ქალაქ ორიხივში ჩაიტანა“, – აცხადებს ალექსანდრე სტარუხი.
უკრაინული მედიის ინფორმაციით, 7 იანვარს, საღამოს, რუსულმა ძალებმა ქალაქ ზაპოროჟიეს გარეუბნებში სარაკეტო იერიში განახორციელეს იმ ფონზე, როდესაც რუსეთის პრეზიდენტმა, ვლადიმერ პუტინმა თავდაცვის მინისტრს, სერგეი შოიგუს შობის პერიოდში ცეცხლის შეწყვეტა უბრძანა.
სხვა სიახლეები
