ქალბატონი, რომელიც მოწყალებას ითხოვს, ქუჩაში ნაშოვნი ხურდებით უპატრონო ძაღლებს კვებავს

სოციალური ქსელის მომხმარებელი, სოფო გარსევანიშვილი „ფეისქბუკ“ ჯგუფში წერს, რომ ქალმა, რომელიც ქუჩაში მოწყალებას ითხოვს, უკანასკნელი ხურდით ძაღლისთვის საჭმელი იყიდა.

„ეს არის ქალბატონი რომელიც ქუჩაში მოწყალებას ითხოვს. შემოვიდა ზოო მაღაზიაში, ჯიბიდან ამოიღო ქაღალდში გადახვეული ხურდები, მთლიანად ჩაუთვალა გამყიდველს და უთხრა, აი ამ თანხის ძაღლის საჭმელი ამიწონეთო… მეტ კომენტარს ვერ გავაკეთებ“, - წერს სოფო გარსევანიშვილი.

პოსტს ცხოველთა მოყვარულთა ჯგუფში ათასობით ნახვა აქვს.