აშშ-ში სინაგოგაში კაცმა 4 ადამიანი მძევლად აიყვანა

ქალაქ კოლივილში (აშშ), სინაგოგაში კაცმა, სავარაუდოდ, 4 ადამიანი მძევლად აიყვანა.

ინფორმაციას BBC ავრცელებს.

გამოცემის ცნობით, ამ დროისთვის პოლიცია მასთან მოლაპარაკებას აწარმოებს. როგორც BBC-ი წერს,  კაცი, ააფია სიდიქის,  პაკისტანელი მეცნიერი ქალის ციხიდან გათავისუფლებას ითხოვს, რომელიც აშშ-ში სასჯელს მძიმე დანაშაულისთვის იხდის.

შემთხვევა ადგილობრივი დროით 11:00 საათზე მოხდა. რელიგიური მსახურება ინტერნეტით პირდაპირ რეჟიმში გადაიცემოდა, როდესაც კაცი სინაგოგაში შეიჭრა. პოლიცია ვერ ადასტურებს ფაქტს იმის შესახებ, არის თუ არა მამაკაცი შეიარაღებული.