კარანტინი და იზოლაცია

როგორ იცვლება ვაქცინირებული პირებისთვის იზოლაციისა და კარანტინის ვადები?

„ვაქცინირებული პირებისთვის იზოლაციისა და კარანტინის ვადები მცირდება“ - ამის შესახებ ჯანდაცვის მინისტრის მოადგილემ, თამარ გაბუნიამ განაცხადა.

როგორც მან აღნიშნა, ახალი წესები ძალაში ორშაბათიდან შევა. ასევე, გაბუნიამ განმარტა, რა ცვლილებები შედის იზოლაციისა და კარანტინის ვადებში აცრილი პირებისთვის:

„ბოლო პერიოდში გახდა შესაძლებელი, რომ შემცირდეს იზოლაცია-კარანტინისთვის დაწესებული დღეები. ვადები ასე განისაზღვრა – ასიმპტომური მსუბუქი შემთხვევებისთვის ეს იქნება 8 დღეს, ასევე სიმპტომების ალაგებიდან გასული უნდა იყოს სულ მცირე 24 საათი და იზოლაციის დასრულებიდან მომდევნო 5 დღის განმავლობაში რეკომენდებულია მკაცრად ნიღბის ტარება. საშუალო და მძიმე შემთხვევებისთვის მინიმუმ 10 დღეა განსაზღვრული და სახეზე უნდა იყოს მდგომარეობის მკვეთრი გაუმჯობესება ბოლო 24 საათში და იზოლაციის დასრულებიდან მომდევნო 5 დღე აუცილებელია მკაცრად ნიღბის გამოყენება.

რაც შეეხება კონტაქტებს, ამ შემთხვევაშიც მცირდება ვადები. თუ ეს არის კონტაქტი, რომელიც არის ვაქცინირებული, ამ დოზების მიღებიდან 90 დღის ვადაში მათ კარანტინის ვადა ეხსნებათ და ასევე პირებს კოვიდ ინფექციის გადატანიდან 60 დღის მანძილზე ნიღბის მოხმარების მკაცრი რეკომენდაციის პირობებში კონტაქტიდან 10 დღის შემდეგ შეუძლიათ აღარ იყვნენ კარანტინში. რაც შეეხება არავაქცინირებულ პირებს აქ კვლავ რჩება რეკომენდაცია კონტაქტის შემდეგ 8 დღის განმავლობაში კარანტინში ყოფნა და 9-12 დღის განმავლობაში ნიღბის გამოყენება“, - განაცხადა თამარ გაბუნიამ.

მთავარი სიახლეები

ვიდეოები

1642585090

მდინარე იორდანესთან, მაცხოვრის ნათლობის ა...

მდინარე იორდანესთან, მაცხოვრის ნათლობის ადგილის მიმდებარედ საქართველოს მიწის ფართობი გადაეცა, სადაც ქართული კულტურის ცენტრი აშენდება, – ამის შესახებ საქართველოს პრემიერ-მინისტრმა, ირაკლი ღარიბაშვილმა სამების საკათედრო ტაძარში განაცხადა. „თქვენს უწმინდესობას, წმინდა სინოდის წევრებს, მოსახლეობას, ყველას გილოცავთ ნათლისღებას. ჩემთვის დიდი პატივია, დღეს ჩვენს მოსახლეობას ვაცნობო ფრიად სასიხარულო ამბავი. შეიძლება ითქვას, რომ დღეს ჩვენ ისტორიული მოვლენის მონაწილენი ვართ. მისი უდიდებულესობის, იორდანიის მეფის, აბდულა მეორისა და მისი უმაღლესობის, პრინც ღაზის მიერ მიღებული გადაწყვეტილებით, საქართველოს გადაეცა მიწა მდინარე იორდანესთან, მაცხოვრის ნათლობის ადგილის მიმდებარედ. პატრიარქის კურთხევით, აქ აშენდება ქართული კულტურის ცენტრი. 300 წლის შემდეგ საქართველო ბრუნდება წმინდა მიწაზე. ყველა ქართველისთვის სასიხარულოა ეს მოვლენა, რომელიც შესაძლებელი გახდა საერო და სასულიერო ხელისუფალთა ერთიანი ძალისხმევის შედეგად. ფასდაუდებელი იყო ჩვენი პატრიარქის, მისი უწმინდესობის ჩართულობა, მისი დიდი საერთაშორისო ავტორიტეტი. ერისა და ბერის ასეთი ერთიანობა, ყოველთვის არის და იქნება ჩვენი ქვეყნის წინსვლის, განვითარების უმთავრესი წინაპირობა. მადლობას ვუხდი მის უდიდებულესობა მეფე აბდულა მეორეს, მის უმაღლესობა პრინც ღაზის, იერუსალიმის პატრიარქ თეოფილუსს, იორდანიის არქიეპისკოპოს ქრისტოფორუსს, ჩვენი მთავრობის, საელჩოს თითოეულ თანამშრომელს, ჩვენს ელჩს იორდანიაში ზაზა კანდელაკს, ყველას, ვინც ძალისხმევა არ დაიშურა ჩვენს წინაპართა დიდი ტრადიციის გასაგრძელებლად. თითოეულ ქართველ ვულოცავ ამ მნიშვნელოვანი სულიერი და კულტურული ცხოვრების კერის დაარსებას წმინდა მიწაზე. ნათლისღებას გილოცავთ“, – განაცხადა ღარიბაშვილმა.

ილია-მეორე

სოციალური თემა

საზოგადოება

ბავშვი

1642588491

როგორ გადაურჩა თურქი ბავშვი სიკვდილს, ნაკურთხი წყლით – ქართველი ემიგრა...

სოციალურ ქსელში, ერთ-ერთ ჯგუფში მომხმარებლის ჩანაწერი ქვეყნდება, რომელიც თურქეთში მცხოვრებ ემიგრანტსა და მის აღსაზრდელ, ეთნიკურ თურქ პატარა ბიჭზეა დაწერილი. ქართველი ძიძის თქმით, მისი აღსაზრდელი ბიჭი უკიდურესად ცუდად გახდა და წამლები ვერაფერს შველოდა, დახმარება ღვთისმშობელს სთხოვა. პოსტი სოცქსელში წინა წელს განთავსდა. „პრაიმტაიმი“ ჩანაწერს უცვლელად გთავაზობთ. „ბოლო 4 წელია, ახალგაზრდა ცოლ-ქმრის ოჯახში ვმუშაობ სტამბოლში. ორი ვაჟი ჰყავთ: დორუქი და სარფი. მუშაობა რომ დავიწყე სარფი წლისაც არ იყო. დედის პოზიცია დავიკავე იმ გამონაკლისად, რომ ბიოლოგიური დედა არ ვიყავი. მოკლედ, გავზარდე მკერდში ჩახუტებული იმ სიყვარულით, რაც საკუთარ შვილებს დავაკელი. ლოცულობდა ჩემთან ერთად, პირჯვარს იწერდა, ჯვარს კოცნიდა, მღეროდა ქართულად. ახლა, 5 წლისაა. საუბედუროდ, ბავშვს ქრონიკული ასთმა და მძაფრი ალერგიული შეტევები აქვს. ბევრჯერ გადავარჩინე ნაკურთხი წყლით. დედაც და მამაც თანამედროვე თურქული ელიტარული საზოგადოების წევრები არიან. მათთვის უცხოა რწმენა და ლოცვა. ცივი გონებით ცხოვრობენ. საუბედუროდ, კორონავირუსის პანდემია თავს რომ დაგვატყდა, ოჯახი შიშმა მოიცვა. ყველანი სამსახურიდან დაითხოვეს და სახლში აღმოჩნდნენ. იყო პანიკური შიში, ყვირილი, არ მომეკაროთო… ყველა დაიძაბა. ასე სამი კვირა გაგრძელდა და უცებ ჩემი „ბიჭი” ცუდად გახდა. საშინელი მახრჩობელა ხველა, პირღებინება და 40 გრადუსი ტემპერატურა ჰქონდა. მძიმე მდგომარეობის გამო, სასწრაფოც არ მოდიოდა. გააშიშვლეს ბავშვი და თავის ოთახში ისე გამოკეტეს. ექიმის რჩევით, მედიკამენტები მისცეს. მკაცრად გამაფრთხილეს, ბავშვთან არ შეხვიდეო. მხოლოდ დედას შეჰქონდა საჭმელი და წამალი. ბავშვი ორი დღე იბრძოდა, მესამე დღეს გონებას კარგავდა. გული დამეწვა, ტვინი ამიდუღდა დედის სიცივეზე. მეძახდა და არ მიშვებდნენ, ვკარგავდი ჩემ გაზრდილ ბიჭს. ვილოცე და შევაღე კარი. მივედი ბავშვთან, ავიყვანე, გულში ჩავიკარი და დედა მარიამს შევღაღადე: „დედა მარიამ, შენც ხომ დედა ხარ, მის დედას თუ არა, მე გადამირჩინე ჩემი ბიჭი მეთქი”. ვასხურე ნაკურთხი წყალი და დავალევინე. 10 წუთიც არ გასულა და ბავშვი განელდა, წამოდგა და გულზე რომ ჯვარს ვატარებ, იმას აკოცა. მერე მე ჩამეხუტა და მეუბნება: „შენს უკან რომ ქალი იყო, რა კარგი სუნი მოიტანა, ნახე, აღარ მახველებსო“… შევკრთი, ვინ ქალი ვერ მივხვდი. თვალებს არ უჯერებდა საკუთარი დედა და მამა, მაგრამ წამლებმა იმოქმედაო, მაინც ასე თქვეს. სიყვარულს ყველაფერი შეუძლია. სიყვარულია თავად ღმერთი ამ ქვეყანაზე.“ – წერს გიორგი ხვედელიძე.

სხვა სიახლეები

ოკუპაცია

1642590721

სოფელ კირბალთან, საოკუპაციო ხაზზე ადგილობრივებმა ოკუპანტების გააქტიურე...

სოფელ კირბალთან საოკუპაციო ხაზზე ადგილობრივებმა ოკუპანტების გააქტიურება შენიშნეს. ისინი ჰყვებიან, რომ ოკუპანტები მანქანით მოძრაობდნენ და სასაფლაოს მიმდებარე ტერიტორიაზე თეთრი ნიშნულები დატოვეს. კირბალელები შიშობენ, რომ ამ მოქმედებას გაგრძელება მოჰყვება და ისინი სასაფლაოს ნაწილს დაკარგავენ. უკანონო ბორდერიზაციის ფაქტს არ ადასტურებს სახელმწიფო უსაფრთხოების სამსახური. სავარაუდოდ, ამ ფაქტის განხილვა მოხდება ხვალ ერგნეთში, ინციდენტის პრევენციისა და მასზე რეაგირების მექანიზმის ფარგლებში მომუშავე კომისიის მორიგი შეხვედრაზე.

ხაჩიძე ზურა

1642590475

Exclusive: მე ამ ნდობას გავამართლებ. აგერ ნახავთ - ნახეთ, რა მეგა თოქშ...

25 იანვარს ტელეკომპანია "რუსთავი 2" ახალ მეგა თოქშოუს იწყებს. "ღამის პრაიმ ტაიმი" ასე ჰქვია ახალ სატელევიზიო გადაცემას, რომელსაც ვარსკვლავური ექვსეული წაიყვანს. თოქშოუ სამშაბათობით 22 საათზე გავა ეთერში. მათ იცნობს ყველა. ბევრ მათგანს პირველად იხილავთ ტელეწამყვანის ამპლუაში. ისინი არიან ექვსნი და საუბრობენ ყველა აქტუალურ თემაზე. მსჯელობენ ხმამაღლა, ბჭობენ, არიან ობიექტურნი თუ სუბიექტურნი, მაყურებლამდე მოაქვთ მთავარი თემები. რითი განვსხვავდებით და რა გვაქვს საერთო? საზოგადოების საპირისპირო მოსაზრებები და ექვსი პიროვნული პოზიცია. მაშ ასე, ახალი მეგა თოქშოუს წამყვანები არიან: ავთანდილ ცქვიტინიძე, ზურა ხაჩიძე, ანი ჩირაძე, ბაჩო კოლელიშვილი, ნიკა ხაჩიძე და ნინო ჩხეიძე. დიახ, აი, ასეთი საინტერესოდ მოულოდნელი ექვსეული შეკრიბა "რუსთავი 2"-ის მმართველმა დირექტორმა, თაკო ფხაკაძემ "ღამის პრაიმ ტაიმის" მთავარ პროდიუსერთან, მაია სტეფნაძესთან ერთად.  ქასთინგი იყო მნიშვნელოვნად მრავალფეროვანი, მსჯელობებითა და ბევრი კანდიდატურის განხილვით. ახალი გამოწვევა მაცდური და მომხიბვლელი აღმოჩნდა ყველა მათგანისთვის, საბოლოო არჩევანი კი საინტერესო ბექგრაუნდის მქონე ამ ვარკვლავურ ექვსეულზე გაკეთდა. თუ როგორ დაიყოლიეს თითოეული მათგანი, რა დამოკიდებულებებით მოვიდნენ არხზე და როგორ ხედავენ თავს ახალ ამპლუაში, ამას პირველად "პრაიმტაიმის" მკითხველი გაიგებს. ახალი თოქშოუს წამყვანების ინტერვიუებს აქ წაიკითხავთ. ასე რომ, თვალი ადევნეთ ჩვენი სააგენტოს მიერ მოწოდებულ ახალ ამბებს. პირველად ექსკლუზიურად კი ზურა ხაჩიძე მოგვიყვება, როგორ აღმოჩნდა შოუს წამყვანად. ზურა ხაჩიძე: - როცა ახალ გამოწვევაზე ნაფიქრი მაქვს, სწრაფად ვრეაგირებ. როგორც კი თოქშოუს წამყვანობა შემომთავაზეს, რატომაც არა-მეთქი, ვთქვი. თუმცა თავდაპირველად დავინტერესდი, რა ბარიერის გადალახვა მომიწევდა, რა სირთულეს უნდა შევჭიდებოდი, გავართმევდი თუ არა თავს, რა მევალებოდა და ასე შემდეგ. შემდეგ უკვე როცა თაკო ფხაკაძემ და მაია სტეფნაძემ მითხრეს, თუ რა ტიპის გადაცემაში მომიაზრეს, მაშინვე დავთანხმდი. ეს არის აპოლიტიკური, არა ყვითელი გადაცემა, რომელიც საზოგადოებაში დაგროვილ კითხვებს გასცემს პასუხებს. პირველივე გასაუბრებაზე, როგორც კი "ყური" გამიკეთეს და ჩაირთო კამერები,  თანამწყვანების გარემოცვაში, მოცემულ თემებზე საუბრის დროს, როგორც თევზი წყალში, ისე ვიგრძენი თავი. საცდელი გადაცემის ჩაწერისას, ყურში თაკო ფხაკაძის ხმა გაისმა, გადაწყვეტილია, შენ გიპოვეთ როგორც წამყვანიო. ამ სიტყვებმა დიდი სტიმული მომცა. მე მას ამ მოლოდინს არ გავუწბილებ. აგერ ნახავთ. ჩემს შედეგს დავდებ. "ღამის პრაიმ ტაიმი" ეს იქნება გადაცემა საზოგადოებაში დასმული კითხვების აქტუალურობაზე. დიდი ხანია მაწუხებს ეს სათქმელი. საზოგადოებაში დასმულ ყველა ლეგიტიმურ კითხვებზე, პასუხი უნდა მივიღოთ. ეს გადაცემა არც ერთ სხვა გადაცემას არ დაემსგავსება. საკმაოდ კარგი ექვსეული ვართ შეკრებილი. ყველა სფეროზე და სეგმენტზე გასული წამყვნები შეიკრიბა.  მე ჩემს ძირითად სამსახურში აუცილებლად ვიქნები, იცით, რომ საჯარო მოხელე ვარ. პროდიუსერებმა მითხრეს, რომ ხელს შემიწყობენ. იმ პასუხისმგებლობას, რომელიც სამცხე-ჯავახეთის რეგიონში მაქვს აღებული, არ გავურბივარ, არც ვტოვებ. ამ ინტერვიუთი პირველად გაიგებენ ჩემს ამ ახალ ამპლუაზე. ეს გადაცემა ჩემს რეგიონსაც წაადგება ბევრ საკითხში. გავაჟღერებ პრობლემებს, როგორც საჯარო მოხელე, საზოგადოებაში დასმულ კითხვებს პასუხს გავცემ. არ გავექცევი, პირიქით.  ძალიან დიდი მადლობა თაკო ფხაკაძეს და მაია სტეფნაძეს იმისთვის, რომ ასეთი ნდობა გამომიცხადეს. ამ ნდობას გავამართლებ. მე მაქსიმალისტი ვარ. საქმეში მეორეობა არ მიყვარს და ამას, თანაწამყვანებთან ერთად, გადაცემის რეიტინგში ავსახავ. ჩემს შრომას მაქსიმალურად ჩავდებ და ეს გადაცემა თავის სათქმელს აუცილებლად იტყვის.  "ღამის პრაიმ ტაიმი" მნიშვნელოვანი ხიდი იქნება ტელევიზიასა და საზოგადოებას შორის. 

ლომჯარია

1642590409

სააკაშვილისთვის დაზარალებულის სტატუსის მინიჭების მოთხოვნა სამართლიანია...

“დაზარალებულის სტატუსს რაც შეეხება, ჩვენ კარგად გვესმის ეს მოთხოვნა და ვფიქრობთ, რომ სამართლიანია, თუმცა იმისათვის, რომ ჩვენ გვქონდეს კონკრეტული პოზიცია, საჭიროა საქმის მასალების ნახვა და შესწავლა. როცა ჩვენ გავცემთ რეკომენდაციას ბრალის წარდგენის თუ დაზარალებულის მინიჭების თაობაზე, ჩვენ გვაქვს სრული სურათი გამოძიებაში არსებული მასალების და მტკიცებულებების", - ამის შესახებ სახალხო დამცველმა ნინო ლომჯარიამ მიხეილ სააკაშვილისთვის არაადამიანური მოპყრობის გამო დაზარალებულის სტატუსის მინიჭების მოთხოვნასთან დაკავშირებით განაცხადა. "ამ ეტაპზე ვთვლი, რომ ეს მოთხოვნა არის არგუმენტირებული, თუმცა, იმისათვის, რომ ეს რეკომენდაცია სახალხო დამცველმაც გასცეს, გვჭირდება მეტი ინფორმაცია, ვეცდებით ეს ინფორმაცია მოვიპოვოთ სახელმწიფო ინსპექტორის სამსახურიდან და თუ გვექნება გარკვეულ მტკიცებულებებზე წვდომა, რაც მეტი დამაჯერებლობით მოგვცემს იმის მტკიცების საფუძველს, რომ დაზარალებულის სტატუსის მინიჭების საფუძველი არსებობს, ჩვენ ამას ვიტყვით,” - განაცხადა ლომჯარიამ.

გია ვოლსკი

1642590393

სააკაშვილს ქვეყნისთვის კარგი არ უნდა - გია ვოლსკი

"ციხე კომფორტული ადგილი არ არის, სადაც ადამიანი წყნარად გრძნობს თავს. ათასობით ადამიანმა მიხეილ სააკაშვილის შექმნილ ციხეში წამება და დამცირება გაიარა. ისინი ციხეში ფსიქოლოგიურად ზუსტად ამ მდგომარეობაში იყვნენ, ძალიან მძიმეა, როცა ხარ შეზღუდული, ხარ საკანში და გეკრძალება გარეთ გასვლა. მაგრამ ადამიანებს დანაშაული აქვთ ჩადენილი და პატიმრობაში სწორედ ამის გამო იმყოფებიან. მიხეილ სააკაშვილი მსჯავრდებულია გაცილებით ნაკლები დანაშაულისთვის, ვიდრე მას აქვს ჩადენილი", - ეს განცხადება ჟურნალისტებთან "ქართული ოცნების" ერთ-ერთმა ლიდერმა პარლამენტის პირველმა ვიცე-სპიკერმა გია ვოლსკიმ გააკეთა. "ნაციონალური მოძრაობისგან" არავითარ საპარლამენტო მუშაობას არ ველი. ისევ იქნება მცდელობა იმისა, მოახდინონ იმ შეგონების რეალიზაცია, რომელიც მიხეილ სააკაშვილს ძალისმიერ მოქმედებებთან დაკავშირებით გააჩნია. თუ რამე ჩვენს ქვეყანას არ სჭირდება, ეს არის არეულობა, დაპირისპირება, ხოლო სააკაშვილი არის არეულობის და დაპირისპირების სიმბოლო. ეს სურათი დღითიდღე უფრო მკაფიო ხდება. მიხეილ სააკაშვილი აგრესიული იყო პრეზიდენტობის დროს და მას გარკვეული რესურსი ჰქონდა კიდეც, სიმბოლურად რომ ვთქვათ, ხელში ჯოხი ეკავა. ახლა იგივე სააკაშვილს ვხედავთ, როგორც მსჯავრდებულს. რესურსი, რომ საზოგადოების გარკვეულმა ნაწილმა რევოლუცია მოახდინოს და ის საკნიდან ფიზიკურად დაიხსნას, არ არსებობს. რასაკვირველია, საკნიდან დახსნაც უკავშირდება მის გამეფებას, როგორც მას წარმოუდგენია,  საკუთარ თავს გარკვეულ ისტორიულ პიროვნებებს ადარებს და საკუთარი თავისთვის ზუსტად იგივე მომავალი ესახება. არ ვიცი, ეს ფსიქიკურ მდგომარეობას დავაბრალო თუ ადამიანის მისწრაფებას, რომ ქვეყანა პოლიტიკური მიზნებისთვის არიოს. არ ვიცი, მისი განცხადებები რომელი კუთხიდან გაავანაზილოთ, მაგრამ ფაქტია, რომ მას ქვეყნისთვის კარგი არ უნდა", - განაცხადა გია ვოლსკიმ.

ნიკოლოზ ბასილაშვილი

1642590381

„პოსტ-კოვიდური სინდრომი მაქვს“ - რა პრობლემაზე საუბრობს ნიკოლოზ ბასილა...

ავსტრალიის ღია პირველობაზე ენდი მარისთან პირველ წრეში მარცხის შემდეგ საქართველოს საუკეთესო ჩოგბურთელმა წაგების მიზეზებზე ისაუბრა. ნიკამ ჟურნალისტებს უთხრა, რომ კორონავირუსის გადატანის შემდეგ მას ჯანმრთელობასთან დაკავშირებით პრობლემები შემორჩა, რის გამოც ფორმის ბოლომდე აღდგენა უჭირს. „პოსტ-კოვიდური სინდრომი მაქვს და ბოლომდე აღდგენა მიჭირს. ეს პროცესი, ალბათ 2-3 კვირა გაგრძელდება, შემდეგ კი კვლავ ოპტიმალურ ფორმას დავუბრუნდები“, – განაცხადა 29 წლის ჩოგბურთელმა.  შეგახსენებთ, ავსტრალიის ღია პირველობაზე ბასილაშვილი მსოფლიოს ყოფილ პირველ ჩოგანთან, ბრიტანელ ენდი მარისთან პირველივე წრეში დამარცხდა და ასპარეზობას ნაადრევად გამოეთიშა. ნიკა მსოფლიო რეიტინგში ამ დროისთვის 21-ე პოზიციაზე იმყოფება. რამდენიმე კვირის წინ, ნიკას ATP Cup-ზე სტეფანოს ციციპასთან შეხვედრის დროს სუნთქვის პრობლემები შეექმნა, რის გამოც მატჩი ნაადრევად შეწყვიტა.