1708090037

ფეხბურთელი თამაშის დროს მეხის დაცემით გარდაიცვალა

35 წლის ინდონეზიელ ფეხბურთელს თამაშის დროს მეხი დაეცა.ამხანაგური მატჩის დროს მომხდარ ტრაგედიას სეპტიან რაჰარაჯა ემსხვერპლა.სტადიონზე არსებული კამერების მიერ დაფიქსირებული შემთხვევის ვიდეო ინტერნეტსივრცეში გავრცელდა. კადრებში კარგად ჩანს, თუ როგორ ეცემა ფეხბურთელს მეხი, რის შემდეგაც მოთამაშეები მის დასახმარებლად მირბიან.  როგორც ირკვევა, ახალგაზრდა მამაკაცს შემთხვევის ადგილზე სასიცოცხლო ნიშნები გააჩნდა, თუმცა ის საავადმყოფოში გარდაიცვალა.გავრცელებული ინფორმაციით, სეპტიან რაჰარაჯა არ არის ერთადერთი სპორტსმენი, რომელიც ასეთ იშვიათ შემთხვევას ემსხვერპლა.2004 წლის მარტში, 18 წლის ფეხბურთელი ჯიანგ ტაო სტადიონზე, მეხის დაცემის შედეგად გარდაიცვალა.ანალოგიური ტრაგედია 2023 წლის დეკემბერში ბრაზილიაშიც მოხდა, რამაც 21 წლის ახალგაზრდის სიკვდილი და ექვსი ადამიანის დაშავება გამოიწვია.ასევე ნახეთ:თოვლჭყაპი, ღამით - 2 გრადუსი - როდიდან უნდა ველოდოთ ამინდის გაუარესებასქავთარაძის ქუჩიდან ნაშოვნი 42 მილიონი ევრო - წითელი ცირკულარით ძებნილი ქალი თბილისში იპოვესდოლარის ფასი შეიცვალა - ნახეთ, განახლებული კურსი

1703595104

პროკურორებმა, სპეციალურად მისთვის, სიკვდილით დასჯის აღდგენა მოითხოვეს - ყველაზე სასტიკი პედოფილის საქმე

ერთი შეხედვით, პიტერ სკალი ჩვეულებრივი კაცი გახლდათ, რომელიც ოჯახთან ერთად მელბურნის გარეუბანში ცხოვრობდა, თუმცა, ყველაფერი მაშინ შეიცვალა, როდესაც, 2011 წელს, პოლიციისგან თავის დაღწევის მიზნით, ის ფილიპინებში გაიქცა.როგორც გაირკვა, სკალი ბავშვთა პორნოგრაფიისა და მათი წამების კადრების გავრცელებით იყო დაკავებული.მან შექმნა საერთაშორისო ქსელი, რომელიც ქმნიდა ჰარდკორ კონტენტს ბავშვების წამებითა და სექსუალური ძალადობით. მისი ვიდეო სახელწოდებით Daisy's Destruction გავრცელდა დარკნეტში. გააუპატიურა და აწამა 18 თვის ბავშვი. ის ასევე აიძულებდა ბავშვებს გაეთხარათ საკუთარი საფლავები, სანამ თოკით დაახრჩობდა მათ.კაცი ღარიბ და სასოწარკვეთილ ოჯახებს არწმუნებდა, რომ მათი შვილები საზღვარგარეთ განათლებასა და უზრუნველ ცხოვრებას მიიღებდნენ, თუმცა, სინამდვილეში მათ აწამებდა, სექსუალურად ავიწროებდა, პორნოგრაფიულ ვიდეოებს უღებდა და ყიდდა.ის 2015 წელს დააპატიმრეს და სამუდამო პატიმრობა მიუსაჯეს, 2018 წელს კი 129 წლიანი პატიმრობა დაუმატეს. 2022 წელს კი საქმის პროკურორებმა ფილიპინების ხელისუფლებას სპეციალურად სკალისთვის, სიკვდილით დასჯის აღდგენა სთხოვეს.სკალის მალევე მიენიჭა მსოფლიოს ყველაზე "ცუდი" პედოფილის სტატუსი.პიტერ სკალი 1963 წელს ავსტრალიის დედაქალაქ მელბურნში დაიბადა. კაცი დაქორწინდა და მეუღლესთან და ორ შვილთან ერთად მელბურნის გარეუბანში დასახლდა.მოგვიანებით, მან ოჯახი დატოვა და საცხოვრებლად ქალაქში გადავიდა. მეზობლების დახასიათებით ის არაფრით გამორჩეული, მორცხვი ადამიანის შთაბეჭდილებას ტოვებდა.ქალაქში მან დანაშაულებრივი სქემა შეიმუშავა, რომლითაც 20 ინვესტორისგან 2,68 მილიონ დოლარზე მეტის მიღება მოახერხა. მან მალაიზიელი შეყვარებული გაიჩინა, რომელიც იმ დროს თინეიჯერი გახლდათ და მასთან ერთად გარეუბნის სექს-წვეულებებზე სიარული დაიწყო.2009 წელს პიტერი ფინანსური პოლიციის ყურადღების ცენტრში მოექცა, რის გამოც მას ორი წლის შემდეგ გაქცევა მოუწია. ის კუნძულ მინდანაოზე, ფილიპინებში დასახლდა და იმპერიის შენება დაიწყო.კაცმა პედოფილების საერთაშორისო რგოლი შექმნა, რომელიც არასრულწლოვნებზე სექსუალურ ძალადობასა და მათ წამებას ეფუძნებოდა. მან დააარსა წარმოება No Limits Fun (ულიმიტო გართობა), საიდანაც ის კლიენტების მიერ ჩარიცხული თანხების სანაცვლოდ ბავშვების მიმართ სასტიკი მოპყრობის კადრებს ინტერნეტში, ეგრედწოდებულ Dark Web-ში ავრცელებდა.სკალი ღარიბ და დაუცველ ბავშვებს იტაცებდა. ის გაჭირვებაში მყოფ მშობლებს ჰპირდებოდა, რომ მათ შვილებს საკვებითა და განათლებით უზრუნველყოფდა. დამნაშავე ორ თანამხრახველ ქალთან ერთად, კარმე ენ ალვარესთან და ლიზილ მარგალოსთან ერთად მუშაობდა, რომლებიც სკალის ვიდეოებშიც ჩნდებოდნენ.პიტერის კონტენტი იმაზე შემაშფოთებელი აღმოჩნდა, ვიდრე ეს ვინმეს წარმოედგინა. გაუპატიურებისა და წამების ამსახველ ვიდეოებში 18 თვის ასაკის ბავშვზეც კი ძალადობდნენ. ვიდეოში, სახელწოდებით Daisy's Destruction (დეიზის განადგურება), ნაჩვენებია ერთი წლის ლიზასა და ორი წლის დეიზის მიმართ განხორციელებული არაადამიანური მოპყრობა. კადრები იმდენად შემზარავი იყო, რომ ბევრი გამომძიებელი თვლიდა, რომ მისი არსებობა უბრალოდ მითი იყო.როგორც ცნობილია, პიტერს მოკლული ჰყავდა 11 წლის ბავშვი, რომელიც მან დაახრჩო და ცხედარი სახლის ქვეშ დამარხა.ყველაზე შემაშფოთებელი კი ის არის, რომ სკალის უამრავი მომხმარებელი ჰყავდა. ადამიანები ერთი ვიდეოს ნახვაში 10 000 დოლარს იხდიდნენ.ამავდროულად, კიდევ ერთი ავსტრალიელი პედოფილი - 22 წლის მეთიუ დევიდ გრეჰემი, იგივე "ლუქსი" გამოჩნდა, რომელიც პიტერის ძალადობრივმა ვიდეომ შეიპყრო. ის Dark Web-ის ერთ-ერთ ცნობილ საიტს, Hurt2theCore-ს მართავდა, რომელზედაც მცირეწლოვანი ბავშვების ვიდეოები იდებოდა. კონტენტი ცნობილია, როგორც პორნოგრაფიის ფორმა, რომელიც არასიმულირებულ ტკივილსა და წამებას შეიცავს.სწორედ ლუქსმა გადაიღო პიტერის ერთ-ერთი ყველაზე გავრცელებული კადრები და საკუთარ საიტზე განათავსა, რითაც დიდი აუდიტორია მიიზიდა. ვიდეოში ისმის ჰოლანდიურ ენაზე საუბარი, რამაც ნიდერლანდების პოლიციის ყურადღება მიიპყრო. საბოლოოდ დადგინდა, რომ პირი არ საუბრობდა ჰოლანდიურად და მას უბრალოდ ძლიერი ავსტრალიური აქცენტი ჰქონდა, თუმცა, სამართალდამცველებმა ლუქსის წინააღმდეგ უამრავი მტკიცებულება შეაგროვეს და 2015 წელს საქმე საერთაშორისო სასამართლომდე მიიტანეს.სკალის დაჭერა რთული აღმოჩნდა, თუმცა, ხანგრძლივი სამძებრო სამუშაო წარმატებით დასრულდა და კაცი 2015 წელს ლუქსთან ერთად დააკავეს, რომელსაც 15 წლით თავისუფლების აღკვეთა მიუსაჯეს.ამავე წელს, პიტერის სამუშაო ოთახში საეჭვოდ გაჩნდა ხანძარი, რომელმაც არაერთი მტკიცებულება გაანადგურა. აღნიშნული მოიცავდა აპარატურას, მეხსიერების ბარათებს, კამერებსა და ჯაჭვს, რომელსაც ის ძალადობის დროს იყენებდა. თუმცა, მის წინააღმდეგ წარდგენილი სხვა მტკიცებულებები მისი ბრალეულობის დასადგენად საკმარისი აღმოჩნდა."ყველაზე გამანადგურებელი რამ არის, რაც კი ოდესმე მინახავს. ამაზე საუბრის დროსაც კი ტირილი მინდება" - აღნიშნა ერთ-ერთმა ადვოკატმა.პიტერის წინააღმდეგ ჩვენება სასამართლოს მინიმუმ ათმა მსხვერპლმა მისცა. სკალის სამუდამო პატიმრობა მიესაჯა, რასაც მოგვიანებით კიდევ 129 წელი დაემატა. მიუხედავად ამისა, ფილიპინები ბავშვთა ძალადობისა და ექსპულატაციის ცენტრად რჩება. დეტექტივი პოლ ჰოპკინსის თქმით, პიტერ სკალი, უბრალოდ, ერთ-ერთია იმ დამნაშავეებიდან, რომლებიც ამ საქმიანობას ეწევიან.ასევე ნახეთ:კანის კინოფესტივალის ჟიურის გრეტა გერვიგი უხელმძღვანელებსქალი, რომელმაც 2500 ბავშვი სიკვდილს გადაარჩინა

1702036190

ლიზა მონტგომერი - ერთადერთი ქალი, რომელიც აშშ-ში სიკვდილით დასაჯეს, ბოლო 76 წლის განმავლობაში

2004 წლის 16 დეკემბერს, რვა თვის ორსული ბობი ჯო სტინეტი საკუთარ სახლში გარდაცვლილი იპოვეს. ქალს მუცელი გაჭრილი ჰქონდა, მისი ბავშვი კი არსად ჩანდა. საქმემ განსაკუთრებული რეზონანსი გამოიწვია, ვინაიდან მოსახლეობაში გაჩნდა აზრთა სხვადასხვაობა - უნდა დასჯილიყო თუ არა დამნაშავე სიკვდილით.ბობი ჯოს ქმართან ერთად ძაღლსაშენი ჰქონდა და ხშირად ესწრებოდა ძაღლების გამოფენებს. სწორედ ერთ-ერთ ღონისძიებაზე გაიცნო 36 წლის ლიზა მარი მონტგომერი, რომელმაც ქალს უთხრა, რომ თვითონაც ფეხმძიმედ იყო. ისინი ხშირად საუბრობდნენ ონლაინ ფორუმში და განიხილავდნენ ორსულობის მიმდინარეობას.სინამდვილეში, ლიზამ ბობი მოატყუა , 1990 წელს, მეოთხე შვილის გაჩენის შემდეგ, მას საშვილოსნოს მილები გადაუკეტეს. მისი ორივე ყოფილი მეუღლის თქმით, პროცედურის შემდეგ, მან რამდენჯერმე მოიტყუა, რომ ორსულად იყო.ქალმა ფორუმზე ყალბი ანგარიში გახსნა, ვინმე დარლინ ფიშერის სახელით, და ბობის შეხვედრა სთხოვა. უთხრა, რომ მისგან ძაღლის შეძენას აპირებდა. პოტენციური მყიდველის მოლოდინში მყოფ ბობის სახლში ლიზა მივიდა და ქალი დაახრჩო, შემდეგ კი საშვილოსნოდან ბავშვი ქირურგიულად ამოიყვანა. ბობის ცხედარი მკვლელობიდან ერთი საათის შემდეგ მისმა დედამ იპოვა და მაშინვე პოლიცია გამოიძახა.მკვლელობის შემდეგ, ლიზამ ქმარს დაურეკა და აცნობა, შვილი ეყოლა. მოწმეები აცხადებენ, რომ 17 დეკემბერს ის ქმართან, საკუთარ შვილებთან და ჩვილ ბავშვთან ერთად დაინახეს. სახლში დაბრუნებიდან მალევე ლიზას სახლში პოლიცია მივიდა. სამართალდამცველებს ქალის მოწმის სტატუსით დაკითხვა სურდათ, მაგრამ როდესაც მის ხელში ახალშობილი დაინახეს, მაშინვე ყველაფერს მიხვდნენ. დნმ-ის ტესტირებით დადგინდა, რომ ბავშვი ბობი ჯო სტინეტის შვილი იყო.2007 წლის 22 ოქტომბერს ის დამნაშავედ ცნეს და სიკვდილი მიუსაჯეს. მიზეზი, რის გამოც საქმემ აზრთა სხვადასხვაობა გამოიწვია, ქალის ფსიქიკური აშლილობების ისტორიაა, რაც მისი მშობლებისა და მეუღლეების მხრიდან განცდილი ძალადობით იყო გამოწვეული.ლიზას დედა ალკოჰოლზე იყო დამოკიდებული, რომელიც მასზე ფიზიკურად, ფსიქოლოგიურად და სექსუალურად ძალადობდა. მას, სავარაუდოდ, 11 წლის ასაკიდან სცემდა და აუპატიურებდა მამინაცვალი. მამინაცვალი აიძულებდა მის მეგობრებთანაც დაწოლილიყო, წინააღმდეგ შემთხვევაში ემუქრებოდა, რომ მის დას მოკლავდა.  18 წლის ასაკში ლიზა სახლიდან გაიქცა და გათხოვდა, თუმცა მისი ქმარიც მოძალადე აღმოჩნდა.ლიზას წლების განმავლობაში ჰქონდა დეპრესია, ბიპოლარული აშლილობა,  ფსიქოზი და პოსტტრავმული სტრესული აშლილობა. ის ხშირად კარგავდა რეალობის აღქმას. ნეიროფსიქოლოგმა წინასასამართლო სხდომაზე განაცხადა, რომ წლების განმავლობაში გადატანილი ცემის შედეგად, მას ტვინის ის ნაწილი, რომელიც აგრესიის კონტროლზეა პასუხისმგებელი დაზიანებული ჰქონდა. ასევე ამტკიცებდნენ, რომ შესაძლოა, როდესაც მან გააცნობიერა, რომ ის არ იყო ორსულად, სწორედ მაშინ განიზრახა მკვლელობა და ჩვილის გატაცება.მისი ადვოკატები, წლების განმავლობაში, ცდილობდნენ სასჯელის გადაკვალიფიცირებას, თუმცა, ლიზა მარი მონტგომერის განაჩენი 2021 წლის 13 იანვარს სასიკვდილო ინექციით აღასრულეს.ლიზა პირველი ქალია ამერიკის შეერთებულ შტატებში, რომელიც ბოლო 67 წელიწადში, სიკვდილით დაისაჯა.ასევე ნახეთ:"საკუთარი ოჯახი მოკლა, რადგან მას ცოლის მხრიდან განქორწინება ემუქრებოდა" - რობერტ ფიშერის საქმე, რომელსაც პოლიცია 22 წლის შემდეგაც ეძებსვიდეოთამაშის გამო დაწყებული კონფლიქტი, რომელიც სასტიკი მკვლელობით დასრულდა"მან, ერთ ღამეში, რვა მედდა მოკლა..." - რიჩარდ სპეკის დანაშაული და სასჯელი

1701892932

"შვილის გამტაცებელი პირდაპირ ეთერში მოკლა..." - გერი პლაშეს ისტორია, რომელსაც შვიდწლიანი პირობითი მიუსაჯეს

ჯოდი პლაშე სულ რაღაც 11 წლის იყო, როდესაც ის საკუთარმა კარატეს მასწავლებელმა, ჯეფ დუსეტმა გაიტაცა და მასზე არაერთხელ იძალადა. 1984 წლის მარტში კი ჯოდის მამამ, შურისძიების მიზნით, შვილის გამტაცებელი პირდაპირ ეთერში მოკლა.გატაცებამდე, ჯოდი თავის ინსტრუქტორში საუკეთესო მეგობარს ხედავდა. როდესაც დუსეტმა მასზე ძალადობა დაიწყო, იმისთვის, რომ საყვარელი მასწავლებლისთვის პრობლემა არ შეექმნა, ბავშვმა ჩუმად ყოფნა არჩია. ერთ დღეს, ჯეფმა ბიჭს მასთან ერთად კალიფორნიაში წასვლა შესთავაზა, რასაც ჯოდი სიხარულით დათანხმდა. საბედნიეროდ, გამოძიებამ მალევე დაადგინა მათი ადგილსამყოფელი და ისინი სასწრაფო წესით დააბრუნა ლუიზიანაში. თუმცა, არავინ იცოდა, რომ აეროპორტში ჯეფ დუსეტს შეიარაღებული გერი პლაშე ელოდა.ჯოდი 1972 წლის 27  აპრილს დაიბადა და მშობლებთან და სამ ძმასთან ერთად იზრდებოდა. 1983 წელს, როდესაც ის 10 წლის იყო, ოჯახმა შვილები კარატეს გაკვეთილებზე შეიყვანეს, რომელსაც ყოფილი საზღვაო ქვეითი, ჯეფ დუსეტი ხელმძღვანელობდა.ბიჭებს დუსეტთან ვარჯიში ძალიან მოსწონდათ და მისი დახმარებით ჯოდიმ ერთ-ერთ ტურნირში თასიც კი მოიგო. "ის ჩვენი საუკეთესო მეგობარია" - განუცხადა ბიჭმა იმდროინდელ ადგილობრივ გაზეთს.დუსეტმა ჯოდის მიმართ გადაჭარბებული ყურადღების გამოვლენა დაიწყო. ერთ დღეს, მან ბიჭს მანქანის ტარების სწავლაც შესთავაზა და მას შემდეგ, რაც ჯოდი მასწავლებლის მუხლებზე დაჯდა, ბავშვმა კალთაზე კაცის შეხება იგრძნო. შეწუხებულმა ჯოდიმ ყველაფერი შემთხვევითობას მიაწერა და ინსტრუქტორისთვის არაფერი უთქვამს, თუმცა, როგორც დღეს იხსენებს, ამ ქცევით მან ბიჭის პირადი საზღვრები მოსინჯა.ცოტა ხანში, ყველაფერი აშკარა სექსუალურ ძალადობაში გადაიზარდა, მაგრამ 10 წლის ბავშვმა პრობლემების თავიდან არიდება არჩია და არავის მოუყვა, თუ როგორ ავიწროებდა მას საკუთარი ინსტრუქტორ -"ჩემთვის უფრო ადვილი იყო გაჩუმება და გაჩუმება, ვიდრე ყველას განაწყენება“.1984 წლის თებერვალში, ჯეფმა ჯოდის სიჩუმე კვლავ ბოროტად გამოიყენა და ბავშვს მასთან ერთად კალიფორნიაში წასვლა შესთავაზა, რაზედაც თანხმობა მიიღო. ამ დროს ბიჭი სულ რაღაც 11 წლის იყო.19 თებერვალს ჯეფი ჯოდის სახლს ეწვია და დედამისს გაესაუბრა. მოძალადემ ქალს მოატყუა, რომ ბავშვისთვის ახალი ხალიჩის ჩვენება სურდა და რომ ისინი 15 წუთში დაბრუნდებოდნენ. თუმცა, დუსეტმა ბიჭთან ერთად ქალაქი ლოს-ანჯელესისკენ მიმავალი ავტობუსით დატოვა. დანიშნულების ადგილზე მისვლისას, ისინი მოტელში დაბინავდნენ. დუსეტმა წვერი გაიპარსა, პლაშეს კი თმა შავად შეღება და მისი გაუპატიურება დაიწყო.მშობლები გაუჩინარებულ შვილს 10 დღის განმავლობაში ეძებდნენ. ერთ დღეს, ჯეფმა ბავშვს მშობლებთან დარეკვის საშუალება მისცა. პოლიციამ სწორედ ამ სატელეფონო ზარის მეშვეობით მიაკვლია მათ ადგილსამყოფელს და საბოლოოდ ორივე მათგანი მშობლიურ ქალაქში დააბრუნა."თავს იმდენად უმწეოდ ვგრძნობდი, რომ არც ვიცოდი რა გამეკეთებინა" - განუცხადა გერი პლაშმა მედიას.სინამდვილეში, მან ზუსტად იცოდა რისი გაკეთებაც სურდა. რაც უფრო მეტ ამბავს ისმენდა შვილზე ძალადობაზე, მით უფრო უმძაფრდებოდა შურისძიების სურვილი. ერთ დღეს, კაცი ბარში სასმელს სვამდა, როდესაც მან ადგილობრივი მედიის საშუალებით გაიგო, რომ ჯეფი იმ ღამით დაბრუნდებოდა ქალაქში და აეროპორტისკენ გაეშურა.ადგილზე მისულმა მეგობარს დაურეკა და გეგმა გაანდო. მას ფეხსაცმელში იარაღი ჰქონდა დამალული, რომლითაც შვილზე მოძალადის მოკვლა სურდა. "აი, ის მოდის. ახლა გასროლას გაიგებ" - უთხრა გერიმ მეგობარს.კაცმა დუსეტს თავში ესროლა. სასიკვდილოდ დაშავებული კარატეს 25 წლის  ინსტრუქტორი მეორე დღეს გარდაიცვალა.ჯოდის მამის პატიება გაუჭირდა. როგორც მოგვიანებით აღნიშნა, მოძალადის ციხეში ყოფნა მისთვის საკმარისი იქნებოდა.სასამართლომ დაადგინა, რომ გერი პლაშე საზოგადოებისთვის საფრთხეს არ წარმოადგენდა და შვიდწლიანი პირობითი სასჯელი შეუფარდა. გერი პლაშე 2014 წელს გარდაიცვალა.ჯოდი პლაშემ ლუიზიანას სახელმწიფო უნივერსიტეტში ისწავლა. სწავლის დასრულების შემდეგ, მან სექსუალური ძალადობის ინსტრუქტორის მრჩევლის პოზიციაზე იმუშავა და თავის მიერ გადატანილ ძალადობაზე წიგნიც დაწერა.ასევე ნახეთ:"საკუთარი ოჯახი მოკლა, რადგან მას ცოლის მხრიდან განქორწინება ემუქრებოდა" - რობერტ ფიშერის საქმე, რომელსაც პოლიცია 22 წლის შემდეგაც ეძებს24-წლიანი ტყვეობა და მამისგან გაჩენილი 7 შვილი - ელიზაბეტ ფრიცლის დაუჯერებელი ისტორია„შვილებს აშიმშილებდნენ, არ აძლევდნენ ბანაობის უფლებას... კვირების განმავლობაში, ჯაჭვებით აბამდნენ..." - "საშინელებათა სახლის" დაუჯერებელი ისტორია და მისჯილი უვადო პატიმრობა

1701810495

"საკუთარი ოჯახი მოკლა, რადგან მას ცოლის მხრიდან განქორწინება ემუქრებოდა" - რობერტ ფიშერის საქმე, რომელსაც პოლიცია 22 წლის შემდეგაც ეძებს

რობერტ უილიამ ფიშერი ამერიკელი ძებნილია, რომელსაც საკუთარი ოჯახის მკვლელობასა და საცხოვრებელი სახლის აფეთქებაში ედება ბრალი. ფიშერი აშშ-ს საზღვაო ფლოტში მსახურობდა, რის შემდეგაც მეხანძრედ, მოგვიანებით კი მედიკოსად მუშაობდა. ის 1987 წელს მერი კუპერზე დაქორწინდა, რომელთანაც  ორი შვილი, ბობი და ბრიტნი ეყოლა.2001 წლის 10 აპრილის დილას ფიშერების სახლში აფეთქება მოხდა. საცხოვრებლის ნანგრევებში პოლიციამ რობერტის ოჯახის ცხედრები აღმოაჩინა. ექსპერტებმა მალევე დაასკვნეს, რომ კაცის ცოლი და ორი შვილი აფეთქებამდე დაიღუპნენ, რის გამოც ფიშერი სამი ადამიანის მკვლელობაში ეჭვმიტანილად  დასახელდა.როგორც აღმოჩნდა, რობერტის ცოლსა და შვილებს ხანძრამდე ყელი გამოჭრეს.დანაშაულიდან მალევე მერი ფიშერის მანქანა და ძაღლი არიზონას ჩრდილო-აღმოსავლეთ ნაწილში იპოვეს, თუმცა, თავად ეჭვმიტანილი არსად ჩანდა.2002 წლის 29 ივნისს კაცი FBI-ს ათ განსაკუთრებულ ძებნილთა სიას დაემატა. პოლიცია მიიჩნევს, რომ 2001 წელს მან ამერიკის ძებნილთა პროგრამაში ჩესტერიდან დარეკა.ფიშერი 1961 წელს ნიუ-იორკში, უილიამ ფიშერისა და იან ჰოუელის ოჯახში დაიბადა. მას ორი და ჰყავს. რობერტის მშობლები 1976 წელს განქორწინდნენ, როდესაც ის 15 წლის იყო. მეგობრებისა და ახლობლების თქმით, მშობლების გაშორება მისთვის რთული აღმოჩნდა, რამაც მას ხანგრძლივი სტრესი დაუტოვა. მოგვიანებით, კაცმა მეგობარს განუცხადა, რომ მისი ცხოვრება სხვაგვარად განვითარდებოდა, დედამისს რომ ოჯახი არ დაეტოვებინა.რობერტი მერი კუპერზე 1987 წელს დაქორწინდა. ამ დროს ის ქირურგიული კათეტერის ტექნიკოსად, რესპირატორულ თერაპევტად და მეხანძრედ მუშაობდა. როგორც ამბობდნენ, ის სასტიკი მამა იყო, რომელიც ზედმეტად აკონტროლებდა თავის შვილებს, თუმცა, კაცი ყოველთვის ცდილობდა ერთგული მამაკაცის იმიჯის შენარჩუნებას. მისმა დედამთილმა, ჯინი კუპერმა გამომძიებლებს განუცხადა, რომ რობერტი ოჯახთან ახლო ურთიერთობის შენარჩუნებას ერიდებოდა, რადგან მათი დაკარგვის შიში ჰქონდა.ფიშერის დედის თქმით, თანაცხოვრების დროს ის უილიამ ფიშერს არასდროს ეწინააღმდეგებოდა. მან მსგავსი დინამიკა დაინახა რობერტისა და მერის ქორწინების ადრეულ ეტაპზე და ამასთან დაკავშირებით რძალსაც ესაუბრა. ფიშერის მეგობრის თქმით, რობერტის ოჯახი მისი ბავშვობის ოჯახს ძალიან ჰგავდა.კაცი სკოტსდეილერის ბაპტისტური ეკლესიის აქტიური წევრი იყო, თუმცა, მკვლელობამდე რამდენიმე თვით ადრე მან სიარული შეწყვიტა.ფიშერმა მეგობრებს მეძავთან ურთიერთობის შესახებ უამბო, რის შემდეგაც მას საშარდე გზების ინფექცია დაემართა. მას ეშინოდა, მერი ამის შესახებ გაიგებდა. მან ისიც თქვა, რომ მომხდარის შემდეგ რწმენასა და ოჯახის მიმართ ერთგულებას გააძლიერებდა, რადგან ოჯახის გარეშე ცხოვრება არ შეეძლო. ფსიქოლოგების თქმით, ადამიანების დაკარგვის შიში მშობლების განქორწინების შედეგად მიღებული სტრესიდან გამომდინარეობდა.მკვლელობამდე რამდენიმე კვირით ადრე, მერი ფიშერმა მეგობრებს განუცხადა, რომ ქმართან განქორწინებას აპირებდა. ოჯახის მეზობლის თქმით კი 9 აპრილს, სახლის აფეთქებამდე 10 საათით ადრე წყვილს ხმამაღალი კამათი მოუვიდა.9 აპრილის ღამეს, რობერტმა ბანკომატიდან 260-280 დოლარის ოდენობის თანხა გამოიტანა.2001 წლის 10 აპრილის დილას, სახლის აფეთქებამდე რამდენიმე საათით ადრე, მერი ფიშერს თავში ესროლეს, ბობისა და ბრიტნის კი ყელი გამოჭრეს.ბუნებრივი აირის აფეთქება მისაღებ ოთახში მოხდა, რის შემდეგაც ხანძარმა სახლი მთლიანად გადაწვა.მეხანძრეებმა სახლის ნარჩენებში საწოლში მწოლიარე ქალისა და ორი ბავშვის დამწვარი ცხედრები იპოვეს. გამომძიებლებმა მიიჩნიეს, რომ ოჯახი რობერტ ფიშერმა მოკლა, რადგან მას ცოლის მხრიდან განქორწინება ემუქრებოდა. მიუხედავად ოჯახური სირთულეებისა, კაცი ფიქრობდა, რომ მისი ქორწინება არასდროს დასრულდებოდა.20 აპრილს ფიშერის ადგილსამყოფლის ბოლო მტკიცებულება გამოჩნდა, როდესაც პოლიციამ მერი ფიშერის მანქანა და ოჯახის ძაღლი ტონტოს ტყეში აღმოაჩინა.2002 წლის 29 ივნისს FBI-მ ის განსაკუთრებულ ძებნილთა სიის წევრად გამოაცხადა და მის შესახებ ინფორმაციის მიმწოდებელს 100 000 დოლარის ოდენობით ჯილდო დაუწესა.რობერტის ადგილსამყოფლის შესახებ არაერთი თეორია გავრცელდა. უამრავი ადამიანი ფიქრობს, რომ მან სავარაუდოდ თავი მოიკლა ან გარდაიცვალა. მეორე მხარე კი ამტკიცებს, რომ ის გადარჩა და შესაძლოა შეცვლილი იდენტობით ახალი ცხოვრება დაიწყო. შესაძლებელია ის ტერიტორიიდან ავტოსტოპით ან თანამზრახველის დახმარებით გაიქცა. დეტექტივი ჯონ ჰაინზელმანის ვარაუდით, ის შეიძლება პატარა ქალაქში ცხოვრობდეს და ხელოსნად მუშაობდეს ან პირიქით, დიდ ქალაქში ცხოვრობდეს და მოსახლეობას ერწყმოდეს. ასევე ფიქრობენ, რომ რობერტმა აშშ დატოვა და სხვა ქვეყანაში აგრძელებს ცხოვრებას.ასევე ნახეთ:„თოვლი და წვიმა...“ - ხვალიდან საქართველოში ამინდი უარესდება„ასმაგად შემიყვარდი...“ - ნინი ბადურაშვილი ბაბი კირკიტაძეს სოლიდარობას უცხადებს და ვიდეოს აქვეყნებსსაყურადღებო ინფორმაცია პირადობის მოწმობების შესახებ

1700945586

„მეჩანთის“ პირველი კომენტარი მას შემდეგ, რაც ხმის ლიდერი გახდა

„პრაიმ ჰაუსის“ მაყურებლების რჩეული „მეჩანთე“ გახდა. „პრაიმტაიმი“ მის პირველ კომენტარს გთავაზობთ:„ძალიან მაღალი ემოციების ქვეშ ვარ, ყველაფერს ველოდი აბსოლუტურად. ძალიან ძლიერი კონკურენტები მყავდა და ძალიან ბედნიერი ვარ, რომ ჩემს ადამიანებს, რომლებმაც ამდენი იწვალეს, შრომა დაუფასდათ. მადლობა სრულად საქართველოს, „პრაიმ ჰაუსს“ და ყველას. ყველა მიყვარხართ“, - ამბობს მონაწილე.ასევე ნახეთ:ზურას პირველი კომენტარი „პრაიმ ჰაუსის“ დატოვების შემდეგცნობილია, ვინ დატოვა „პრაიმ ჰაუსი“„პროექტიდან მიდიხარ?“ - რა გადაწყვეტილება მიიღო მეჩანთემ

1700600104

A$AP Rocky-ს შეიარაღებულ თავდასხმაში ედება ბრალი

A$AP Rocky-ს ცეცხლსასროლი იარაღით თავდასხმაში ბრალი ედება.პროკურატურამ მოიპოვა ვიდეო, სადაც რეპერს იარაღი უჭირავს. აღნიშნული კი გადაღებულია იქამდე, სანამ მან სავარაუდოდ ესროლა A$AP Relli-ს. პროკურორებმა ასევე წარადგინეს ფოტოები, რომლებიდანაც სავარაუდოდ შესაძლებელი იქნება A$AP Rocky-ს ამოცნობა. ამასთან ერთად, სახელმწიფო ბრალდებამ აღნიშნა, რომ არსებობს ჩანაწერი, რომელშიც ორი გასროლაა აღბეჭდილი, თუმცა, აღნიშნული პროცესზე არ იყო ნაჩვენები. Relli ამტკიცებს, რომ რეპერმა მას ხელში ესროლა.დაზარალებულის თქმით, მან ინციდენტამდე A$AP Rocky-სთან ერთად ივახშმა, რის შემდეგაც მათ შორის შელაპარაკება მოხდა, რა დროსაც ბრალდებულმა მას იარაღი მუცელზე მიადო. მოგვიანებით ისინი ერთმანეთს დაემშვიდობნენ, რა დროსაც სავარაუდოდ, Rocky-მ მას ესროლა და გაიქცა.ასევე ნახეთ:ბრედ პიტმა და ინეს დე რამონმა ურთიერთობა ოფიციალურად დაადასტურესნიკოლ კიდმანის თქმით, Big Little Lies მე-3 სეზონით დაბრუნდებასერიალის „მისტერ და მისის სმიტი“ პრემიერის თარიღი ცნობილია

1700120005

„შვილებს აშიმშილებდნენ, არ აძლევდნენ ბანაობის უფლებას... კვირების განმავლობაში, ჯაჭვებით აბამდნენ..." - "საშინელებათა სახლის" დაუჯერებელი ისტორია და მისჯილი უვადო პატიმრობა

დევიდ და ლუიზა ტურპინის 13 შვილი იმდენად მძიმე პირობებში ცხოვრობდნენ, რომ როდესაც გაირკვა, თუ რას უძლებდნენ ისინი გადარჩენისთვის, მათ საცხოვრებელს "საშინელებათა სახლი" ეწოდა.მშობლები ბავშვებს სამყაროსგან იზოლირებულად ზრდიდნენ და ათწლეულების განმავლობაში სახლში ჰყავდათ ჩაკეტილი. მსხვერპლებს ჯანმრთელობის პრობლემებთან ერთად ჰქონდათ გონებრივი ჩამორჩენა და ზრდის შეფერხება.2018 წლის იანვარში, ტურპინების 17 წლის ქალიშვილმა სახლიდან გაქცევა მოახერხა. გოგონამ სახლში ჩუმად გადაიღო სურათები, შეაგროვა მტკიცებულებები, ფანჯრიდან გადახტა, წლების შემდეგ პირველად გავიდა ქუჩაში და პოლიციაში დარეკა. გოგონა სამართალდამცველებს მისი ძმების გადარჩენას სთხოვდა. სწორედ ასე გამოაშკარავდა 13 ბავშვის ცხოვრების შემზარავი დეტალები.პოლიციასთან საუბრისას გაირკვა, რომ 17 წლის ჯორდან ტურპინმა არ იცოდა ყოველდღიური გამოყენების სიტყვების მნიშვნელობები. მან პოლიციას ჰკითხა, თუ რას ნიშნავდა სიტყვა წამალი, ჩალურჯება და დაზიანება.როდესაც სამართალდამცველი ტურპინების სახლში შევიდა, აღმოაჩინა, რომ ბავშვები იმდენად გამხდრები იყვნენ, რომ მათგან ყველაზე უფროსი, 29 წლის ჯენიფერ ტურპინიც კი არასრულწლოვანს ჰგავდა. ქალს მთელი თავისი ცხოვრების განმავლობაში შიმშილი უწევდა, რამაც მისი კუნთების ზრდა შეაფერხა და ის მხოლოდ 37 კილოგრამს იწონიდა.პოლიციელებს საცხოვრებელში კრიტიკული მდგომარეობა დახვდათ. ოთახები სავსე იყო ნაგვით, კედლები კი შარდით იყო გაჟღენთილი. ერთ-ერთ საძინებელში პატარა ბიჭი დახვდათ, რომელიც რამდენიმე კვირის განმავლობაში საწოლზე ჯაჭვებით იყო მიბმული.მშობლები შვილებს აშიმშილებდნენ, არ ატარებდნენ სკოლაში და არ აძლევდნენ ბანაობის უფლებას. მათ დღისით დაძინებას აძალებდნენ. ბავშვებს არ შეეძლოთ ფანჯრიდან გახედვა და ფეხზე ადგომა, რათა მეზობლებს მათი დანახვა არ შეძლებოდათ.დევიდი და ლუიზა შვილებს მხოლოდ პურსა და არაქისის კარაქს აჭმევდნენ, თვითონ კი ყოველდღე სხვადასხვა საკვებს მიირთმევდნენ. ოჯახში მაცივარი ყოველთვის სავსე იყო, მაგრამ ბავშვებს მისი გაღების უფლება არ ჰქონდათ. მიუხედავად ამისა, მშობლები მათ საკვების მოპარვაში ხშირად დებდნენ ბრალს.სახლში ნაგავთან ერთად აღმოჩენილ იქნა სხვადასხვა სათამაშოები და ახალი ტანსაცმელი. ლუიზა ამ ყველაფრის საყიდლად ყოველწლიურად უზარმაზარ თანხას იხდიდა, მაგრამ შვილებს წლების განმავლობაში ერთი და იგივე ტანსაცმლით ატარებდა.ცამეტივე ბავშვს შეზღუდული წვდომა ჰქონდა საკვებზე. მათ მხოლოდ დღეში ერთხელ ჰქონდათ ჭამის უფლება, შხაპის მიღების ნებას კი მხოლოდ წელიწადში ერთხელ რთავდნენ.დევიდ და ლუიზა ტურპინებს ბრალი წაუყენეს წამების, თავისუფლების უკანონო აღკვეთის, ძალადობისა და სისასტიკის ბრალდებით. მათ დანაშაული აღიარეს და სავარაუდოდ დარჩენილ ცხოვრებას ციხეში გაატარებენ.ლუიზას დამ, ტერეზა რობინეტმა უცხოურ მედიას განუცხადა, რომ მათი დედა რეგულარულად "ჰყიდდა" შვილებს მდიდარ პედოფილზე, რომელიც გოგონებზე რეგულარულად ძალადობდა სექსუალურად. "ძალადობის დროს. დედას ვეხვეწებოდით, რომ მასთან არ წავეყვანეთ, მაგრამ ის გვეუბნებოდა, რომ ჩვენი საჭმლისთვის და ტანსაცმლისთვის ფული სჭირდებოდა. ლუიზას განსაკუთრებულად ცუდად ექცეოდნენ. ამ ყველაფერმა მას ღირსება გაუნადგურა".ტერეზას დის შვილებთან ურთიერთობა, ფაქტობრივად, არ ჰქონდა. ქალს მხოლოდ ერთხელ ჰყავდა ოთხი მათგანი ნანახი, დანარჩენებს კი იშვიათად ეკონტაქტებოდა ვიდეო ჩეთის საშუალებით. "ლუიზა უბრალოდ იგონებდა მიზეზებს, თუ რატომ არ შეეძლო ვიდეო ჩეთი. მეუბნებოდა, რომ ძალიან დაკავებული იყო და ჩემთან ლაპარაკი არ შეეძლო" - თქვა ტერეზამ უცხოურ მედიასთან საუბარში. ქალი დის მიმართ წაყენებული ბრალდებებით შოკირებული იყო, რადგან მისთვის ლუიზა  კარგი ადამიანი იყო, რომელიც არ სვამდა, არ ეწეოდა და არ მოიხმარდა ნარკოტიკებს.ლუიზას მეორე და, ელიზაბეტ ფლორესი ლუიზას ქმედებებით ნაკლებად გაკვირვებული იყო. მისი მონაყოლი უფრო სრულყოფილ სურათს ქმნის იმის შესახებ, თუ ვინ იყო ქალი სინამდვილეში.მოგვიანებით, ფლორესმა წიგნიც კი დაწერა, სადაც ლუიზას შესახებ შემაშფოთებელი ფაქტები აღწერა. მისი თქმით, ლუიზამ ზრდასრულ ასაკში დაიწყო ჯადოქრობის პრაქტიკა, გატაცებული იყო აზარტული თამაშებით და ალკოჰოლიზმით იყო შეპყრობილი."ის სვამდა, ეწეოდა, დადიოდა ბარებში, სწავლობდა ჯადოს გაკეთებას, თამაშობდა აზარტულ თამაშებს, ჭამდა გველებს, იცვამდა და იქცეოდა ვულგარულად, გატაცებული იყო სექსის პრაქტიკით ," - წერს ელიზაბეტი.ბავშვების მიმართ სასტიკ მოპყრობაში ლუიზასთან ერთად მონაწილეობას დევიდ ტურპინიც იღებდა. დანაშაულის სრულად გასაგებად კი საჭიროა დევიდ ტურპინის ისტორიაც გაგაცნოთ.ტურპინების მოძალადე მამას საკმაოდ პერსპექტიული კარიერა ჰქონდა. ის ვირჯინიის ტექნიკური უნივერსიტეტის კომპიუტერული ინჟინერიის ფაკულტეტის კურსდამთავრებული იყო და მსოფლიოს ორ უმსხვილეს თავდაცვის კომპანიაში მაღალი თანამდებობაც ეკავა.სკოლის ასაკში დევიდი ბიბლიის, ჭადრაკის, მეცნიერების და აკაპელას კლუბების წევრი გახლდათ.ის ლუიზასთან ერთად 24 წლის ასაკში ქალაქიდან გაიქცა, ამ დროს ლუიზა მხოლოდ 16 წლის იყო. ქალის მამა სასულიერო პირი იყო და სურდა შვილისთვის სათანადო საქორწილო ცერემონია გაემართა, რის გამოც წყვილი პოლიციის ჩართულობით დააბრუნეს. მოგვიანებით კი მათ დაქორწინება მაინც მოახერხეს.2012 წელს, როდესაც ლუიზას მამა პენსიაზე გავიდა, მან შვილის მონახულება მოისურვა, რისი ნებაც ქალმა არ დართო. სიკვდილის წინ, ორივე მშობელმა ლუიზას ნახვა მოითხოვა, თუმცა მას მშობლები არც ამ დროს უნახავს და მათი გარდაცვალების შემდეგ, არც ერთი მათგანის დაკრძალვას დასწრებია.მიუხედავად იმისა, რომ დევიდი საკმაოდ წარმატებული იყო კარიერაში, 2011 წელს ის გაკოტრდა. დოკუმენტების მიხედვით, კაცი ინჟინრის გარდა, სკოლის დირექტორიც იყო, რომელიც სპეციალურად თავისი 13 შვილისთვის დააარსა. მიუხედავად ამისა, მას ბავშვებისთვის განათლება არ მიუციათ და მეტიც, მათ ერთმანეთისთვის ანბანისა და რიცხვების სწავლება უწევდათ.წყვილი 2018 წლის იანვარში დააპატიმრეს. ორივე მათგანმა აღიარა დანაშაული.სამართალდამცველებმა აღწერეს, რომ ბავშვებს ჰქონდათ შემეცნებითი დაქვეითება და ნერვული სისტემის დაზიანება, რაც მათ მთელი ცხოვრება გაჰყვებათ."ეს არის ყველაზე შემზარავი ბავშვებზე ძალადობის საქმე ჩემს კარიერაში" - აღნიშნა პროკურორმა.სასამართლომ ლუიზა და დევიდ ტურპინები ყველა ბრალდებაში დამნაშავედ ცნო და მათ სასჯელის ზომად 25 წლიდან უვადო თავისუფლების აღკვეთა მიუსაჯა.ასევე ნახეთ:24-წლიანი ტყვეობა და მამისგან გაჩენილი 7 შვილი - ელიზაბეტ ფრიცლის დაუჯერებელი ისტორიავიდეოთამაშის გამო დაწყებული კონფლიქტი, რომელიც სასტიკი მკვლელობით დასრულდა"გოგონებს სამოდელო კონტრაქტებს ჰპირდებოდა, შემდეგ კი აუპატიურებდა..." - "დედოფლების მკვლელის" დაუჯერებელი ისტორია, რომელიც დაკავებისას მოკლეს

1699982063

გულის შეტევის რისკის განსაზღვრა 10 წლით ადრე გახდება შესაძლებელი - ინოვაციური ტექნოლოგია

გულ-სისხლძარღვთა დაავადებებით ყოველწლიურად 17,9 მილიონი ადამიანი კვდება. აღნიშნული მაჩვენებლიდან ხუთიდან ორზე მეტი გამოწვეულია გულის შეტევით და ინსულტით. მათი ერთი მესამედი კი 70 წლამდე ადამიანებში ვლინდება.ადამიანთა დასახმარებლად შეიქმნა ინოვაციური ხელოვნური ინტელექტის ტექნოლოგია, რომელსაც შეუძლია სასიკვდილო ინფარქტი 10 წლით ადრე იწინასწარმეტყველოს.მას შეუძლია აჩვენოს გულის შეტევის რისკი, არტერიების შევიწროების ინფორმაცია და სხვა კლინიკური რისკფაქტორები.ხშირად, როდესაც ადამიანი გულმკერდის ტკივილს უჩივის, ექიმი მას გულის CT სკანირების რეკომენდაციას აძლევს, თუმცა ამ შემთხვევების დაახლოებით სამ მეოთხედში მნიშვნელოვანი შევიწროების ნიშანი არ იკვეთება, რის გამოც პაციენტები შემდგომ გამოკვლევას აღარ მიმართავენ.მეცნიერებმა 40 000-ზე მეტი ადამიანის მონაცემები გამოიკვლიეს, რომლებსაც ბრიტანეთის რვა სხვადასხვა საავადმყოფოში რუტინული CT სკანირება ჩაუტარდათ. მკვლევრები მათ დაახლოებით 2,7 წლის განმავლობაში აკვირდებოდნენ.მიუხედავად იმისა, რომ ადამიანები, რომლებსაც კორონარულ არტერიებში შესამჩნევი შევიწროება აქვთ, უფრო მეტად განიცდიან გულის შეტევებს, აღმოჩნდა, რომ მნიშვნელოვანი შევიწროების არმქონე პაციენტებში ორჯერ უფრო ხშირია გულის შეტევითა და პრობლემებით გამოწვეულ სიკვდილიანობა."ყოველწლიურად უამრავი ადამიანი იღუპება გულის შეტევით. სასიცოცხლოდ მნიშვნელოვანია, რომ გამოვიყენოთ ხელოვნური ინტელექტის პოტენციალი, რათა წარიმართოს პაციენტის მკურნალობა. ჩვენ ვიმედოვნებთ, რომ ახალი ტექნოლოგია ყოველწლიურად ათასობით ადამიანის გადარჩენაში დაგვეხმარება, რომლებიც სხვაგვარად მკურნალობის გარეშე დარჩებოდნენ" - თქვა ბრიტანეთის გულის ფონდის სამედიცინო დირექტორმა - პროფესორმა სერ ნილეშ სამანმა.სწორედ აქ ვლინდება ხელოვნური ინტელექტის როლი. მეცნიერთა გუნდმა გამოიგონა ახალი ტექნოლოგია, რომელიც აანალიზებს  ანთებითი არტერიების ირგვლივ ცხიმის ცვლილებებსა და სხვა კლინიკურ ფაქტორებს და აყალიბებს გულის შეტევის სიგნალებს.თითქმის რვა წლის განმავლობაში 3393 პაციენტზე ტესტების ჩატარების შემდეგ, AI ინსტრუმენტმა დამოუკიდებლად და ზუსტად შეძლო გულთან დაკავშირებული პრობლემების რისკის პროგნოზირება.როგორც გაირკვა, ხელოვნური ინტელექტის შეხედულების საფუძველზე, კლინიცისტების 45%-მა შეცვალა მკურნალობა, რაც იმაზე მეტყველებს, რომ ახალი AI ინსტრუმენტი შეიძლება გულმკერდის ტკივილების მქონე პაციენტების მკურნალობის დანიშვნაში გადამწყვეტი საშუალება გახდეს. აღნიშნული კი ექიმებს დაავადების ადრეული იდენტიფიკაციისა და პრევენციული ზომების მიღების საშუალებას მისცემს.”ჩვენ ვიმედოვნებთ, რომ ეს AI ინსტრუმენტი მალე დაინერგება NHS-ში, რაც ხელს შეუწყობს ყოველწლიურად დიდ ბრიტანეთში გულის შეტევით ათასობით სიკვდილის თავიდან აცილებას,” - თქვა ოქსფორდის პროფესორმა, ხარალამბოს ანტონიადესმა.ასევე ნახეთ:შემუშავებულია ინვ-იტრო განაყოფიერების იაფი და მარტივი ალტერნატივა - წარმატებული ექსპერიმენტი8 საუკეთესო საკვები, რომელიც დაგეხმარებათ დაძინებაშიროგორ დაგეხმარებათ სუნამო ალცჰაიმერის დაავადების ამოცნობაში

1699963560

ბილი აილიშმა აღიარა, რომ მას ქალები იზიდავს

ბილი აილიშმა ქალების მიმართ გრძნობებზე უცხოურ მედიასთან ისაუბრა. მომღერალმა განმარტა, რომ მას არასდროს შეეძლო სხვა ქალებთან ურთიერთობა, თუმცა ისინი მასში ყოველთვის იწვევდნენ აღფრთოვანებას."მე ისინი ძალიან მიყვარს და ნამდვილად მიზიდავენ, როგორც ადამიანები. მე ქალებთან ღრმა კავშირები მაქვს. ფიზიკურად მიზიდავენ, მაგრამ ასევე მეშინია მათი." აღნიშნა ბილიმ.მოგვიანებით ბილიმ აღიარა, რომ ის გენდერულ იდენტობის გამორკვევას ცდილობს - "გულწრფელად რომ გითხრათ, მე არასდროს მიგრძნია ქალად. არასდროს მიგრძნია, რომ სასურველი და ქალური ვარ. ყოველთვის მიწევს თავი დავარწმუნო, რომ ლამაზი გოგო ვარ, თუმცა თავი არასდროს მიგრძნია გოგოდ".რამდენადაც ვიცით, ბილის არასდროს ჰქონია ქალთან ურთიერთობა. მომღერლის წარმომადგენლის თქმით, ის ამჟამად მარტოა.ასევე ნახეთ:ბალენსიაგას ახალი გლობალური ამბასადორი ჰყავსNike-მა New Balance-სსა და Skechers-ს უჩივლაVIDEO: ზაკ სნაიდერის „მეამბოხე მთვარის“ თრილერი გამოქვეყნდა

1699533876

24-წლიანი ტყვეობა და მამისგან გაჩენილი 7 შვილი - ელიზაბეტ ფრიცლის დაუჯერებელი ისტორია

1984 წლის 28 აგვისტოს 18 წლის ელიზაბეტ ფრიცლი გაუჩინარდა.გოგონას დედამ დაუყოვნებლივ მიმართა პოლიციას, რომელიც დაუღალავად ეძებდა დაკარგულ ელისაბეტს. რამდენიმე კვირის შემდეგ, ოჯახს ელისაბეტისგან წერილი მიუვიდა, სადაც ის წერდა, რომ ოჯახური ცხოვრებით დაიღალა და სახლიდან გაიქცა.მამამ, ჯოზეფ ფრიცლმა პოლიციას განუცხადა, რომ ის, სავარაუდოდ, რელიგიურ დაჯგუფებას შეუერთდა, რომელზეც გაუჩინარებამდე ხშირად საუბრობდა.სინამდვილეში, კაცმა ზუსტად იცოდა, თუ სად იყო მისი ქალიშვილი. 1984 წლის 28 აგვისტოს ჯოზეფმა ქალიშვილს სარდაფში ჩასვლა სთხოვა და უთხრა, კარის დამონტაჟებაში დახმარებოდა. გოგონამ კარი დაიჭირა, მა­მამ შვილს სა­ხე­ზე ეთე­რით გაჟ­ღენ­თი­ლი ტილო აა­ფა­რა, ხოლო რო­დე­საც გო­გო­ნამ გა­იღ­ვი­ძა უკვე გა­მო­კე­ტი­ლი იყო.კაცი ელიზაბეტის დედას და პოლიციას ატყუებდა, რომ გოგონა ნამდვილად რელიგიურ დაჯგუფებასთან ერთად იმყოფებოდა, რის გამოც გამოძიება შეწყდა. სინამდვილეში კი, გოგონამ  24 წელი მამის ტყვეობაში გაატარა.ჯოზეფი ყოველ დილით ჩადიოდა სარდაფში და ხანდახან ღამითაც რჩებოდა. ოჯახის დანარჩენი წევრები კი ფიქრობდნენ, რომ კაცი იქ მუშაობდა.რაც შეეხება ელიზაბეტს, სარდაფში ჩაკეტვიდან ორი წლის შემდეგ, მამამ მასზე სექსუალური ძალადობა დაიწყო. როგორც მოგვიანებით გაირკვა, კაცი შვილზე 11 წლის ასაკიდან ძალადობდა, თუმცა, მისი ჩაკეტვიდან ორი წელი გოგონაზე ზეწოლა არ მოუხდენია.ელიზაბეტი მალევე დაფეხმძიმდა, თუმცა, 10 კვირის შემდეგ მუცელი მოეშალა. 1988 წელს კი მას გოგონა, სახელად ეყოლა, ორი წლის შემდეგ კი ბიჭი გაუჩნდა, რომელსაც სტეფანი დაარქვა.ბავშვები დედასთან ერთად სარდაფში ცხოვრობდნენ. ელიზაბეტი ცდილობდა, შვილებისთვის ელემენტარული განათლება მიეცა და შეზღუდულ პირობებში მათთვის ცხოვრება გაემარტივებინა.24 წლის განმავლობაში, გოგონას საკუთარი მამისგან შვიდი შვილი შეეძინა. ერთი დაბადებიდან მალევე გარდაიცვალა, ერთი დედასთან ერთად სარდაფში დარჩა, დანარჩენები კი ჯოზეფმა როზმარისთან ერთად გაზარდა. კაცი ცოლს ატყუებდა, რომ ბავშვებს სახლთან ახლოს პოულობდა. ყოველ ჯერზე, ქალს წერილს აჩვენებდა, რომელშიც ეწერა, რომ მშობლებს ბავშვის რჩენა არ შეეძლოთ და აღსაზრდელად ფურცლებს უტოვებდნენ.სოციალური სამსახური მოხუც წყვილს ბავშვების დატოვების უფლებას აძლევდა. სოცმუშაკებს სჯეროდათ, რომ როზმარი და ჯოზეფი ,სინამდვილეში, ჩვილების ბებია-ბაბუა იყვნენ.2008 წელს, სარდაფში მყოფი 19 წლის კრისტინი ავად გახდა, რის გამოც ჯოზეფმა მისი საავადმყოფოში წაყვანა გადაწყვიტა. ადგილზე მისულმა კაცმა მედიკოსებს განუცხადა, რომ გოგონას დედის წერილი ჰქონდა, რომელშიც მისი მდგომარეობა იყო აღწერილი.პოლიცია ერთი კვირის განმავლობაში ჰკითხავდა კერსტინს და საზოგადოებას მისი ოჯახის შესახებ ინფორმაციის მიწოდებას სთხოვდა. ბუნებრივია, რომ მისი მშობლები კონტაქტზე არ გამოსულან. საბოლოოდ, სამართალდამცველებმა ჯოზეფის კეთილსინდისიერებაში ეჭვი შეიტანეს და გამოძიება დაიწყეს.2008 წლის 26 აპრილს კაცმა ელიზაბეტი სარდაფიდან გაუშვა. გოგონა 24 წლის განმავლობაში პირველად გამოვიდა ოთახიდან და მაშინვე შვილის სანახავად, საავადმყოფოში გაეშურა. ექიმებს ქალის გამოჩენა საეჭვოდ მოეჩვენათ და პოლიციას დაუკავშირდნენ.დაკითხვისას ელიზაბეტმა სამართალდამცველებს 24 წლიანი ტყვეობის შესახებ ყველაფერი მოუყვა. მან პოლიციას უთხრა, რომ საკუთარ მამასთან შვიდი შვილი ჰყავდა და მოჰყვა, თუ როგორ ძალადობდა მასზე ჯოზეფი. როგორც გაირკვა, ქალი მამის მხრიდან სექსუალურ ძალადობას 11 წლის ასაკიდან განიცდიდა.პოლიციამ ჯოზეფ ფრიცლი დააკავა და სარდაფში მყოფი ბავშვები გაათავისუფლა. როზმარი ფრიცლი სახლიდან გაიქცა. მან არაფერი იცოდა სარდაფში განვითარებული მოვლენების შესახებ.დამნაშავეს უვადო პატიმრობა მიესაჯა. რაც შეეხება ელიზაბეტს, ის ავსტრიის ერთ-ერთ სოფელში შეცვლილი სახელით და გვარით ცხოვრობს და არ ურთიერთობს მედიასთან.ასევე ნახეთ:მძინარე დედა ჩაქუჩით მოკლა, შემდეგ კი გააუპატიურა - სერიული მკვლელის დაუჯერებელი საქმის დეტალები, რომელსაც სამუდამო პატიმრობა მიუსაჯესვიდეოთამაშის გამო დაწყებული კონფლიქტი, რომელიც სასტიკი მკვლელობით დასრულდა"მან, ერთ ღამეში, რვა მედდა მოკლა..." - რიჩარდ სპეკის დანაშაული და სასჯელი

1699437060

უცნობმა თავდამსხმელებმა ნეიმარის ქალიშვილის გატაცება სცადეს

სამშაბათს ნეიმარის შეყვარებულის, ბრუნა ბიანკარდის სახლში სამი მამაკაცი შეიჭრა.უცხოური მედიის ცნობით, ეჭვმიტანილები ნეიმარისა და ბრუნას შვილს, ერთი თვის მავის ეძებდნენ, თუმცა ბავშვის გატაცება ვერ მოახერხეს, რადგან სახლში მხოლოდ ქალის დედ-მამა დახვდათ.შეიარაღებულმა მამაკაცებმა ბრუნას მშობლები დააბეს და ძვირფასეულობა მოიპარეს.მეზობლებმა მალევე შეატყობინეს დაცვას შეჭრის შესახებ და საბედნიეროდ, არავინ დაშავებულა.ადგილზე ერთ-ერთი ეჭვმიტანილი, 20 წლის ახალგაზრდა დააკავეს, რომელიც სავარაუდოდ ბრუნას მეზობელია. როგორც ირკვევა, სწორედ ის დაეხმარა თანამზრახველებს სახლში შესვლაში.პოლიცია დანარჩენი ორი დამნაშავის ძებნას განაგრძობს.ასევე ნახეთ:People-მა 2023 წლის ყველაზე სექსუალური მამაკაცი დაასახელაNike-მა New Balance-სსა და Skechers-ს უჩივლარა ფერები იქნება ტრენდული ინტერიერის დიზაინში 2024 წელს