პრაიმ თაიმი
ირაკლი ღარიბაშვილი იენს სტოლტენბერგს შეხვდა
1652882017
ამ წუთებში ქალთა ორგანიზაციის დამფუძნებელი კონფერენცია ტარდება. კონფერენციაზე სიტყვით გამოვიდნენ ხელისუფლების წარმომადგენლები, მათ შორის იყო კულტურის მინისტრი, თეა წულუკიანი.
წულუკიანმა ყველა ქალს და მათ გვერდში მყოფ ადამიანებს მადლობა გადაუხადა გამძლეობისთვის, მათ შორის საკუთარ მეუღლესაც.
„ჩვენი თანამებრძოლი მამაკაცების მეუღლეებს, მინდა მათ ვუთხრა მადლობა გამძელობისა და მოთმინებისთვის, იმიტომ რომ არ არსებობს წარმატებული კაცი პოლიტიკაში, თუ მის ზურგს უკან არ დგას ღირსეული და მოთმინებით აღვსილი ქალი და ბოდიშს ვუხდით მათ ყველა შეურაცხყოფისთვის.
ასევე მადლობა მინდა ვუთხრა ქალბატონებო თითოეული თქვენგანის ოჯახის წევრს, თქვენს მეუღლეებს. ასევე ჩემს მეუღლეს მინდა ვუთხრა მადლობა, იმიტომ რომ ისინი არიან კაცები, რომლებსაც შეურაცხყოფის მოთმენა და ჩვენი მხარდაჭერა უწევთ და თუ ჩვენ დღეს წარმატებულები ვართ, ეს პირველ რიგში ამ კაცების დამსახურებაა“,- თქვა თეა წულუკიანმა.
მსგავსი სიახლეები
მთავარი სიახლეები
ვიდეოები
1653030067
VIDEO: უმძიმესი კადრები ბუჩადან, რომელსაც New York Times-ი ავრცელებსThe New York Times-ის მიერ მოპოვებული მოწმეების ჩვენებები და ვიდეო გვიჩვენებს, თუ როგორ დასაჯეს სიკვდილით 4 მარტს, ბუჩაში მინიმუმ რვა უკრაინელი, რაც პოტენციური ომის დანაშაულია.
1651821060
300-ლარიანი ვაუჩერი მთავრობისგან საჩუქრად - ნახეთ სად, როდის და როგორ შეძლებთ მის აღებას
პრემიერ-მინისტრ ირაკლი ღარიბაშვილის ინიციატივით, იწყება სასოფლო-სამეურნეო დანიშნულების მიწის ნაკვეთების სუბსიდიის პროგრამა, რომელიც ფერმერების წახალისებას ითვალისწინებს.ფერმერებს ყოველ 1 ჰექტარ მიწაზე დაერიცხოთ 300 ლარი (ქულების სახით) და ამით 300 000-მდე ფერმერი ისარგებლებს.„პრაიმტაიმის“ ინფორმაციით, აგრობარათების გამოყენება და „ლიბერთი ბანკიდან“ გაცემა 10 მაისიდან დაიწყება.ვის, როდის და სად დაერიცხება ქულებიქულები აგრობარათებზე ირიცხება. ქულების დარიცხვა და ამით სარგებლობა იმავე პრინციპით მოხდება, როგორც წინა წლებში იყო.პროგრამაში კვლავ „ლიბერთი ბანკი“ იქნება ჩართული. ქულები დაერიცხებათ აგრობარათის მფლობელებს. ხოლო ისინი, ვისაც აგრობარათი არ აქვთ, მაგრამ აქვთ შესაბამისი მიწის ნაკვეთი, 26 აპრილიდან შეძლებენ ბანკში ბარათის აღებას.სუბსიდიას მიიღებენ 0.25 ჰექტრიდან 1.25 ჰექტრამდე ჩათვლით მიწის მესაკუთრეები, თანამესაკუთრეები.როდის დაიწყება ქულების დარიცხვააგრობარათებზე ქულების დარიცხვა 10 მაისიდან დაიწყება და განაღდება წლის ბოლომდე იქნება შესაძლებელი.ბარათით სარგებლობის ვადააგრობარათებზე დარიცხული ქულებით სარგებლობის ბოლო ვადაა 2022 წლის 30 ნოემბერი.რის შეძენას შეძლებენ ფერმერებიბარათზე დარიცხული ქულების გამოყენება შესაძლებელი იქნება შემდეგი საქონლის შესაძენად: სასუქები და მცენარეთა დაცვის ქიმიური/ბიოლოგიური საშუალებები; მცენარეთა მოვლის ქიმიური/ბიოლოგიური საშუალებები; სათესლე და სარგავი მასალები.
სხვა სიახლეები
პოლიტიკა • 1653032674
გადაწყვეტილება მიღებულია - „მთავარი არხის“ ყოფილი დირექტორის, ნიკა გვარამიას დაპატიმრების შემდეგ, „ნაციონალური მოძრაობა“, პროტესტის ნიშნად, საპარლამენტო მანდატებს არ თმობს. როგორც „პრაიმტაიმს“ "ნაციონალური მოძრაობის" დეპუტატმა რომან გოცირიძემ განუცხადა, აღნიშნული საკითხი დღის წესრიგში არ დგას. მისივე თქმით, ახლა „ნაციონალური მოძრაობის“ მიერ პარლამენტიდან გასვლა, თავად ამ პარტიას დააზიანებსა და მის მარგინალიზაციას გამოიწვევს.„ნაციონალური მოძრაობის“ მიერ პარლამენტიდან გასვლა დღის წესრიგში არ დგას. უბრალოდ, ამ საკითხთან დაკავშირებით, არსებობს განსხვავებული პოზიცია, რაც ამა თუ იმ დეპუტატის კერძო აზრია. შემდეგ რა იქნება, ეს დამოკიდებულია, როგორ განვითარდება მოვლენები. დღის წესრიგში დგას ყველა იმ ბერკეტის გამოყენება, რომელიც ამ ხელისუფლებას დაასუსტებს. კერძოდ, აქციები, საერთაშორისო ბერკეტებისა და პარლამენტის გამოყენება. ინდივიდუალურად პარლამენტიდან რომელიმე პარტიის გასვლა, თავად ამ პარტიას დააზიანებს და მის მარგინალიზაციას გამოიწვევს“,- განაცხადა გოცირიძემ. ცნობისთვის, ყოფილი პრეზიდენტის მიხეილ სააკაშვილისა და „მთავარი არხის“ ყოფილი დირექტორის, ნიკა გვარამიას გათავისუფლების მოთხოვნის მიზნით, საპარლამენტო და არასაპარლამენტო ოპოზიციის ნაწილი პარლამენტის დატოვების მომხრეა. როგორც ოპოზიციონერთა ნაწილი აცხადებს, მათ „ქართულ ოცნებასთან“ ერთად, პარლამენტში მუშაობა არ უნდა გააგრძელონ.
განათლება • 1653031617
საქართველოს პრემიერ-მინისტრი მოსწავლეებს სკოლის დამთავრებას და ბოლო ზარს ულოცავს, ამასთან დაკავშირებით ირაკლი ღარიბაშვილმა მიმართვა გაავრცელა:"დღეს, საქართველოს სკოლებში ბოლო ზარი დაირეკება. დღეს უამრავი ახალგაზრდა თავისი ცხოვრების პირველი ეტაპის დამთავრებას, პირველ წარმატებას აღნიშნავს.დარწმუნებული ვარ, ცხოვრების ეს ახალი ეტაპი გახდება თქვენი მომავალი წარმატებებისა და წინსვლის საფუძველი. მჯერა, რომ ჩვენი ქვეყნისა და საზოგადოების ცხოვრებაში თქვენ ახალგაზრდული სულისკვეთებით თქვენს სათქმელს იტყვით.მინდა ყველამ იცოდეთ, რომ საქართველოს მთავრობა ყველაფერს აკეთებს იმისათვის, რომ გქონდეთ ყველა შესაძლებლობა, გამოიყენოთ თქვენი ინდივიდუალური რესურსები, მიიღოთ განათლება, გახდეთ კონკურენტუნარიანი, სხვადასხვა სფეროს პროფესიონალები და ემსახუროთ ჩვენს ქვეყანას.გილოცავთ ყველას დღევანდელ დღეს, გისურვებთ თქვენი მიზნებისა და სურვილების ასრულებას!,"- აცხადებს ირაკლი ღარიბაშვილი.
განათლება • 1653031502
მიხეილ ჩხენკელმა მე-12 კლასელებს სკოლის დამთავრება მიულოცა. საქართველოს განათლებისა და მეცნიერების მინისტრმა მიხეილ ჩხენკელმა დამამთავრებელი კლასების მოსწავლეებს სკოლის დასრულება მიულოცა და წარმატებები უსურვა.„ძვირფასო ახალგაზრდებო, დღეს თქვენთვის ბოლო ზარი ირეკება, ტოვებთ სკოლის კედლებს, სადაც გატარებული წლები თქვენთვის ყოველთვის დაუვიწყარ მოგონებად და შეუცვლელ გამოცდილებად დარჩება. გილოცავთ ამ მნიშვნელოვან დღეს და წარმატებებს გისურვებთ მომავლის გზაზე!ხვალიდან თქვენს ცხოვრებაში მეტი შესაძლებლობებით, ახალი ურთიერთობებითა და თავგადასავლებით სავსე ეტაპი იწყება. დარწმუნებული ვარ, ცოდნის შეძენისა და მისი გაღრმავების სურვილი არასდროს გაგინელდებათ და თქვენი პროფესიონალიზმით ჩვენი ქვეყნის განვითარებაში უმნიშვნელოვანეს წვლილს შეიტანთ.კიდევ ერთხელ, გილოცავთ და მთელი გულით გისურვებთ ბედნიერ და საინტერესო ცხოვრებას! გახსოვდეთ, რომ თქვენ ჩვენი ქვეყნის მომავალი ხართ და გვეიმედებით. მჯერა, თქვენი სწავლითა და შრომით უკეთესობისკენ შეცვლით სამყაროს!“, - აცხადებს მიხეილ ჩხენკელი.
ომი უკრაინაში • 1653031354
რა ხდებოდა უკრაინაში 19 მაისს - ომის 85-ე დღის დეტალები
უკრაინის ქალაქ სევეროდონეცკში განახლდა რუსეთის არმიის პოზიციებიდან დაბომბვები. ბოლო იერიშს, ადგილობრივი ხელისუფლების ინფორმაციით, 12 ადამიანი ემსხვერპლა. დაშავდა 40-ზე მეტი ადამიანი.ლუგანსკის საოლქო ადმინისტრაციის ხელმძღვანელმა, სერგეი გაიდაიმ ტელეგრამზე დაწერა, რომ რუსეთის არმია დამიზნებით ესროდა საცხოვრებელ სახლებს.მიუხედავად იმისა, რომ რუსეთის არმიამ „აზოვსტალი“ დაიკავა, ქარხნის ტერიტორიაზე ისევ რჩებიან „აზოვის“ პოლკის მებრძოლები. ამის შესახებ გუშინ გავრცელებულ მიმართვაში პოლკის მეთაურის მოადგილემ სვიატოსლავ პალამარმა განაცხადა.როგორ ვითარდებოდა მოვლენები ომის 85-ე დღეს უკრაინაში - დეტალებს “საგარეო პოლიტიკის საბჭოს” უფროსი მკვლევარი, გიორგი კობერიძე გვიზიარებს„- რუსეთის გენშტაბმა თანამდებობიდან გადააყენა სერგეი კისელი ელიტური სატანკო ნაწილების ხელმძღვანელი, რომელსაც ხარკივის აღება ჰქონდა ჩაბარებული. მან არათუ ვერ მოახერხა ეს, არამედ განკარგულებაში არსებული სამხედროების 40% დაკარგა. რუსეთის არმიაში კიდევ ერთი წმენდაა დაწყებული. ამჯერადაც ყველა ერთმანეთს აბრალებს წარუმატებლობას. გენშტაბის ხელმძღვანელი ვალერი გერასიმოვის - ომამდე ერთ-ერთ ყველაზე საშიშ ფიგურად წარმოჩენილი - პოზიციები საკმაოდ დასუსტებულია უშუალოდ კრემლის შიგნით, განსაკუთრებით კი მას შემდეგ რაც იგი უშუალოდ იყო ჩასული იზიუმის მიმართულებით რა დროსაც უკრაინელებმა სამხედრო ძალების სარდლობაზე მიიტანეს საარტილერიო იერიში და ნაცვლად სიტუაციის გამოსწორებისა, მდგომარეობა გაუუარესდათ.- დღეს ერთ-ერთი ყველაზე მძიმე ბრძოლა მიმდინარეობდა ხარკივის შემოგარენში. უკან დახეული და საზღვართან მიმწყვდეული რუსი სამხედროების დასახმარებლად დამატებითი ნაწილები რუსეთის ტერიტორიიდან იქნა შეყვანილი. რუსების კონტრშეტევა სამი მიმართულებით გაიშალა:1. რუსებმა შეძლეს და ახლად გათავისუფლებულ საზღვრისპირა დასახლება ტერნოვაში შევიდნენ. ბრძოლა მთელი დღის განმავლობაში პატარა ქალაქის ცენტრში მიმდინარეობდა. საღამოს უკრაინელების დამხმარე ძალებიც შევიდნენ ქალაქში. საბრძოლო მოქმედებები ახლაც გრძელდება.2. რუსები სასოფლო დასახლებათა ჯგუფის, ტიშკის მიმართულებით გაჭრას შეეცადნენ, თუმცა უკრაინელები უშალოდ რუსების მანამდე კონტროლირებად ტერიტორიაზე გადავიდნენ შეტევაზე და სოფელ ბორშოვასთან რუსების კოლონა გაანადგურეს. რუსული შეტევის ძირითადი ბირთვი სწორედ აქეთ იყო მომართული.3. დემენტივკა M-20 ცენტრალურ მაგისტრალთან მდებარე სოფელია. რუსებმა მისი დაკავება სცადეს, თუმცა უკრაინელებმა მოიგერიეს შეტევა და კონტრშეტევაზე გადავიდნენ.უცნობია სიტუაცია მდინარე სივერსკი დონეცის გადალახული უკრაინული ნაწილების მიმართულებით. მათ სტარი სალტივის გაღმა ზარიჩნე და მეტალივკა ორი დღეა დაიკავეს და გუშინ ვოვჩანსკის გზაზე ცდილობდნენ გასვლას. დღეის მდგომარეობით სიახლე არაფერია.- პოპასნაიადან დასავლეთით გაჭრილმა რუსებმა მიაღწიეს ლუგანსკის რაიონის ადმინისტრაციულ საზღვარს და გადალახეს კიდეც იგი. ახლა ძალიან რთული ფაზა იწყება ამ მიმართულებით - დასავლეთით პატარა ქალაქ ბახმუტამდე არც ბუნებრივი და არც ურბანული წინააღმდეგობის ცენტრი აღარ არსებობს. უკრაინელები ძალიან ორგანიზებულად იხევენ უკან, მაგრამ რუსული არტილერია ბოლო 24 საათია მთელ ლუგანსკისა და დონეცკის რაიონებს ინტენსიურად ბომბავს, რაც ორივე რაიონში სიტუაციას ართულებს.- ლუგანსკის რაიონშივე უკრაინული ქალაქი სევეროდონეცკი მთელი დღის განმავლობაში ინტენსიურად იბომბებოდა. ამასთან, რუსების მხრიდან ქალაქის სამხრეთით ტოშკივკას აღების მესამე მცდელობა ჩავარდა, მაგრამ უკრაინელებს პოზიციების შენარჩუნება უჭირთ.- რუსების მხრიდან მნიშვნელოვანი საბრძოლო ოპერაცია მიმდინარეობს დონეცკის რაიონში ავდიივკასა და მარიინკას დასაკავებლად. ორივე ქალაქი საკვანძოა რუსული შემტევი ძალების გამოსაფიტად. უკრაინელების პოზიციები ძალიან კარგადაა გამაგრებული, მაგრამ მარიინკას შემთხვევაში მარიუპოლიდან გამოთავისუფლებული რუსული ნაწილების ამ მიმართულებით გადმოსროლის შანსი არსებობს.- ძალიან დაიკლო რუსულმა შეტევამ სამხრეთით, ზაპორიჟიას ოლქში. პრაქტიკულად აღარანაირი ინტენსიური შეტაკება აღარ ყოფილა ბოლო სამი დღის განმავლობაში. მხოლოდ უკრაინული არტილერია მუშაობს ხერსონისა და მელიტოპოლის წინააღმდეგ. ამასთან ამ უკანასკნელში, უკრაინული წინააღმდეგობის მოძრაობა დღითიდღე იშლება. ბოლო დღეებია ფარული თავდასხმები რუსულ პოზიციებსა და კოლაბორაციონისტებზე მნიშვნელოვნად მოიმატა.- აზოვსტალიდან სვიატოსლავ პალამარის - აზოვის ერთ-ერთი ლიდერის - ვიდეო მიმართვა გავრცელდა. მან აღნიშნა, რომ მიმდინარეობს გარკვეული ოპერაცია და რომ მას დეტალებზე საუბარი არ სურს. და დაამშვიდა საზოგადოება.- 29 აპრილს რუსებმა დედამიწის ორბიტაზე გაუშვეს თანამედროვე სამხედრო თანამგზავრი Космос-2555. ზოგადად მსგავსი მით უფრო განახლებული თანამგზავრები საშიშია სადაზვერვო თუ საჰაერო მანევრებისას და სხვა ოპერაციების შესრულებისას. რაკეტას, რომელმაც თანამგზავრი ორბიტაზე გაიყვანა Z სიმბოლო ეხატა. ბოლო 24 საათში თანამგზავრმა კონტროლი რამდენჯერმე დაკარგა და ატმოსფეროში დაიწვა. რუსეთში უკვე გამოჩნდნენ "სამხედრო ექსპერტები" რომლებიც ბრიტანელებსა და ამერიკელებს აბრალებენ თანამგზავრის განადგურებას. განსაკუთრებით კი მას შემდეგ რაც ინფორმაცია პირველად სწორედ ამერიკული წყაროებით გავრცელდა.- აშშ-ს სენატმა დაამტკიცა 40 მილიარდი ამერიკული დოლარის ლენდ-ლიზის პროგრამა. თავად პრეზიდენტმა კიდევ 100 მილიონი დოლარის სწრაფი დახმარების პაკეტი გამოყო უკრაინისათვის. ამიერიდან უკრაინის გადაიარაღება უშუალოდ ამერიკული სამხედრო საწარმოებიდან მოხდება, რომლებიც უკრაინისათვის ამუშავდებიან.- ევროპის ქვეყნები, (ბრიტანეთის გარდა - რომელსაც ცალკე შევეხებით) რომლებიც ყველაზე მეტად აქტიურობენ უკრაინის გადაიარაღების პროცესში ნიდერლანდები, პოლონეთი, ესტონეთი და ლატვიაა. ბალტიის ზღვის სახელმწიფოებმა საკუთარი თავდაცვის ხარჯებსა და შეიარაღების ზოგიერთი ტიპის 40%-იც კი მოიკლეს უკრაინის სასარგებლოდ. რა თქმა უნდა, ისინი კვლავ მიიღებენ შევსებას, მაგრამ ასეთი დახმარება აღსანიშნი და დასაფასებელია. ამასთან, ნიდერლანდები, რომელსაც რუსული პროპაგანდა განსაკუთრებული ცინიზმით უყურებდა, არამხოლოდ დიდი რაოდენობით შეიარაღებისა და ჯავშანტრანსპორტიორის მიმწოდებელია უკრაინისათვის, არამედ ქვეყნის ოფიციალურმა პირებმა გარკვევით აღნიშნეს, რომ მათი მხრიდან უკრაინას იარაღი უბრალოდ არ მოაკლდება და ექნება იმდენი, რამდენიც საჭირო იქნება რუსეთის დასამარცხებლად.- დიდი ბრიტანეთის პრემიერ-მინისტრი ბორის ჯონსონი დღეს პირადად ეწვია ქარხანასა და საკვლევ ცენტრს, სადაც უკრაინისათვის იარაღი მზადდება, იფუთება და იგზავნება. დიდი ბრიტანეთი პირველი იყო, ვინც უკრაინას დახმარება აღუთქვა ჯერ კიდევ ომამდე და მას შემდეგ იარაღის მიწოდება და ინსტრუქტაჟი არ შეწყვეტილა უკრაინის დასახმარებლად“.
ომი უკრაინაში • 1653030067
VIDEO: უმძიმესი კადრები ბუჩადან, რომელსაც New York Times-ი ავრცელებს
The New York Times-ის მიერ მოპოვებული მოწმეების ჩვენებები და ვიდეო გვიჩვენებს, თუ როგორ დასაჯეს სიკვდილით 4 მარტს, ბუჩაში მინიმუმ რვა უკრაინელი, რაც პოტენციური ომის დანაშაულია.
