პრაიმ თაიმი
1731649688
ხაშურში, ავტოსაგზაო შემთხვევის შედეგად მძიმედ დაშავებული დების, 15 წლის ნიაკოს და 8 წლის თათულის შესახებ სასიხარულო ინფორმაცია ხდება ცნობილი.როგორც გოგონების დედა სოფიო ხარძილაძე წერს, გოგონები გამოფხიზლდნენ.„მზის გოგონებინიაკომაც გაიღვიძათათულიც მოფხიზლდახო ვიძახდი მზის გოგონები არიანთქო,“ – აღნიშნავს სოფიო ხარშილაძე.
1731303840
კულტურული მემკვიდრეობის ზონაში უნებართვო მშენებლობაზე, სარეაბილიტაციო სამუშაოების უნებართვო წარმოებასა თუ კონსერვაციის წესების დარღვევაზე ჯარიმები მკვეთრად იზრდება.„სივრცის დაგეგმარების, არქიტექტურული და სამშენებლო საქმიანობის კოდექსში“ ცვლილებებით იზრდება ჯარიმები, ასეთ ზონებში როგორც კერძო საკუთრებაში არსებულ უძრავ ქონებაზე, ასევე სახელმწიფო ან მუნიციპალიტეტის საკუთრებაში არსებულ უძრავ ქონებაზე უნებართვო მშენებლობებზე.კერძოდ, კერძო საკუთრებაში არსებულ უძრავ ქონებაზე: I კლასის მშენებლობისათვის ჯარიმა 8 000 ლარის ნაცვლად, იქნება 16 000 ლარი; II კლასის მშენებლობისთვის ჯარიმა სამმაგდება და 24 ათასი ლარი იქნება. III და IV კლასის შენობა-ნაგებობაზე განხორციელებული მშენებლობისათვის ჯარიმა ათმაგდება 20 000 ლარის ნაცვლად, იქნება 200 000 ლარი. უფრო მაღალია ჯარიმები სახელმწიფო ან მუნიციპალიტეტის საკუთრებაში არსებულ უძრავ ქონებაზე უნებართვო მშენებლობასა თუ სხვა სამუშაოებზე და ზოგ შემთხვევაში ჯარიმა 250 000 ლარსაც აღწევს.ცვლილება ეხება საკანონმდებლო დებულებებს, რომელთა მიხედვითაც, გარკვეულ შემთხვევაში კულტურული მემკვიდრეობის უძრავ ძეგლზე სარეაბილიტაციო სამუშაოების უნებართვოდ განხორციელება გამოიწვევს დაჯარიმებას 250 000 ლარის ოდენობით, ხოლო მცირე სარეაბილიტაციო სამუშაოების უნებართვოდ განხორციელება – 40 000 ლარის ოდენობით.კულტურული მემკვიდრეობის დამცავ ზონაში სანებართვო პირობების დარღვევით ნაწარმოები შენობა-ნაგებობის მშენებლობისათვის ჯარიმები შემდეგი სახით განისაზღვრა:– I კლასის შემთხვევაში ჯარიმა 2 000 ლარის ოდენობით რჩება უცვლელი;– II კლასის შემთხვევაში ჯარიმა 4 000 ლარის ოდენობით რჩება უცვლელი;– III კლასის შემთხვევაში ჯარიმა 10 000 ლარის ნაცვლად, იქნება 30 000 ლარი;– IV კლასის შემთხვევაში ჯარიმა 15 000 ლარის ნაცვლად, იქნება 45 000 ლარი.იხვეწება საკანონმდებლო დებულებები, რომელთა მიხედვითაც, გარკვეულ შემთხვევაში კულტურული მემკვიდრეობის უძრავ ძეგლზე სანებართვო პირობების დარღვევით სარეაბილიტაციო სამუშაოების განხორციელება გამოიწვევს დაჯარიმებას 150 000 ლარის ოდენობით, ხოლო ანალოგიურ შემთხვევაში მცირე სარეაბილიტაციო სამუშაოების განხორციელება – 20 000 ლარის ოდენობით.ცვლილება აგრეთვე შეეხება, კონსერვაციის მუხლსაც, კერძოდ მშენებლობის 6 თვეზე მეტი ვადით, კონსერვაციის წესის დარღვევით შეჩერება ქალაქ თბილისის მუნიციპალიტეტის ადმინისტრაციულ საზღვრებში კულტურული მემკვიდრეობის დამცავ ზონაში გამოიწვევს დაჯარიმებას:− I ან II კლასის შენობა-ნაგებობის მშენებლობისას − 5 000 ლარის ოდენობით (რჩება უცვლელი);− III ან IV კლასის შენობა-ნაგებობის მშენებლობისას − 150 000 ლარის ოდენობით.− კულტურული მემკვიდრეობის უძრავ ძეგლზე სარეაბილიტაციო სამუშაოების განხორციელების კონსერვაციის წესის დარღვევა გამოიწვევს დაჯარიმებას 200 000 ლარის ოდენობით, ხოლო მცირე სარეაბილიტაციო სამუშაოებისას – 25 000 ლარის ოდენობით“, – აღნიშნულია ინფორმაციაში.
1731301849
NASA-ს ყოფილმა ასტრონავტმა, რონ გარანმა, 178 დღე კოსმოსში გაატარა და ეს იყო მომენტი, როდესაც ის დედამიწას უყურებდა საერთაშორისო კოსმოსური სადგურიდან.კოსმოსში გატარებულმა დღეებმა ასტრონავტში გამოიწვია „მიმოხილვის ეფექტი“.„მიმოხილვის ეფექტი" ხშირად ხდება მაშინ, როდესაც ასტრონავტები მიდიან კოსმოსში და ქვემოდან იყურებიან. ამ დროს პირველად ხედავენ დედამიწას ამ პერსპექტივიდან. გამოცდილება „ცვლის ასტრონავტების შეხედულებას და აზროვნებას ჩვენს პლანეტაზე და თავად სიცოცხლეზე“,- განმარტავს NASA .Big Think-თან ინტერვიუში ასტრონავტმა განმარტა: „ჩვენ ვცდილობთ გავუმკლავდეთ ისეთ საკითხებს, როგორიცაა გლობალური დათბობა, ტყეების განადგურება, ბიომრავალფეროვნების დაკარგვა, როგორც ცალკეული საკითხები, როდესაც სინამდვილეში ისინი მხოლოდ ძირითადი პრობლემის სიმპტომებია. პრობლემა ისაა, რომ ჩვენ თავს არ ვთვლით როგორც პლანეტატორებად.როდესაც საერთაშორისო კოსმოსური სადგურის ფანჯრიდან გავიხედე, დავინახე პაპარაცები, როგორც ელვისებური შტორმის ციმციმები, დავინახე ავრორას მოცეკვავე ფარდები, რომლებიც ისე ახლოს ჩანდნენ, თითქოს შეგვეძლო ხელით შევხებოდით. დავინახე დაუჯერებელი რამ - ჩვენი პლანეტის ატმოსფეროს სიმკვრივე“.გარანმა გააცნობიერა, რომ ჩვენი პლანეტა და მასზე არსებული ყველა ცოცხალი არსება „ქაღალდის თხელი ფენით" ინარჩუნებს სიცოცხლეს.მისიიდან დაბრუნების შემდეგ გარანი „აგრძელებს მუშაობას უფრო სუფთა, უსაფრთხო და მშვიდობიანი პლანეტისკენ“
1731300261
რა განსხვავებაა მაღაზიაში ნაყიდ და ონკანის წყალს შორის?
ბევრი ადამიანი ცდილობს ჯანსაღი საკვების მიღებას, მაგრამ ძალიან იშვიათად ვფიქრობთ წყლის ხარისხზე. ონკანის წყალი თითქმის ყოველთვის შეიცავს, თუ არა პათოგენურ ბაქტერიებს, მაშინ ქიმიურ დამაბინძურებლებს და მძიმე მეტალებს მაინც. გარდა ამისა, ონკანის წყალი, როგორც წესი, მძიმეა - ის არ აყენებს სერიოზულ ზიანს ჯანმრთელობას, მაგრამ შეიძლება გააუარესოს თმისა და კანის მდგომარეობა. ამდენად, არავინ გირჩევს წყლის დალევას პირდაპირ ონკანიდან. შეგიძლიათ შეიძინოთ უფრო სუფთა, ჩამოსხმული წყალი მაღაზიებში, მაგრამ ზოგი ფიქრობს, რომ ეს ფულის ფლანგვაა. არსებობს მოსაზრება, რომ ჩამოსხმული წყალი ასევე იღება უახლოესი ონკანიდან და უბრალოდ იყიდება მნიშვნელოვანი ფასნამატით. მართლა არ არის განსხვავება ონკანის წყალსა და შეძენილ წყალს შორის?რატომ არის ონკანის წყალი ცუდი?თითქმის ყველა ქალაქში ონკანის წყალი გაწმენდის მრავალ ეტაპს გადის. ამის გარეშე შეუძლებელია, რადგან მათში პათოგენური ბაქტერიები ცხოვრობენ. ზოგიერთ ქალაქში წყალს წმენდენ მიკროორგანიზმებისგან ქლორის გამოყენებით, ზოგიერთში კი ნატრიუმის უფრო უსაფრთხო ჰიპოქლორიტს იყენებენ. წყალში ქლორის დასაშვები დონეა 4 მილიგრამი ლიტრზე, ეს კონცენტრაცია არ აზიანებს ადამიანის ჯანმრთელობას.მაგრამ გაწმენდის შემდეგაც კი, წყალი შეიძლება გახდეს ჭუჭყიანი, რადგან ის მიედინება ძველ წყლის მილებში. ზოგიერთ ქალაქში ისინი რამდენიმე ათეული წელია არ იცვლება ახლით. შედეგად, ონკანებიდან მოდის მძიმე ლითონებით დაბინძურებული წყალი. ამიტომ არ არის რეკომენდებული წყლის პირდაპირ ონკანიდან დალევა, მაინც უნდა გაფილტროთ, სულ მცირე, სპეციალურ დოქში და შემდეგ აადუღოთ.რატომ ჯობია ნაყიდი წყალი ონკანის წყალს?ონკანის წყლის ხარისხზე პასუხისმგებლობა ეკისრება ორგანიზაციას, რომელიც უზრუნველყოფს წყალმომარაგებას. ხოლო ჩამოსხმული წყლის სისუფთავე და უსაფრთხოება მწარმოებლის პასუხისმგებლობაა. სასმელი წყლის მწარმოებლებმა უნდა დაამტკიცონ, რომ ის უსაფრთხოა. მოთხოვნები განსაკუთრებით სერიოზულია მათთვის, ვინც ბავშვების სასმელ წყალს ყიდის.მაღაზიებში იყიდება როგორც ბუნებრივი წყაროებიდან. მწარმოებლები ვალდებულნი არიან მონიშნონ წყლის წყარო. გაყიდვამდე წყალი მოწმდება მარილისა და აირის შემადგენლობაზე, გემოსა და სუნიზე, ასევე ბევრ სხვა ინდიკატორზე.ჩამოსხმული წყალი თითქმის ყოველთვის სჯობს ონკანის წყალს, თუნდაც ის ონკანიდან იყოს აღებული. ფაქტია, რომ მწარმოებლები ასუფთავებენ მათ მცირე დამაბინძურებლებისგან ნახშირბადის ან ქვიშის ფილტრების გავლით. მათ ასევე შეუძლიათ წყლის დამუშავება ულტრაიისფერი შუქით ყველა ბაქტერიის მოსაკლავად. ჩამოსხმული წყალი რეგულარულად მოწმდება ხარისხზე და თითქმის ყოველ ჯერზე ის უკეთესია ონკანის წყალზე.
1731299253
მილიონერი მგზავრებით სავსე მატარებელი გვირაბში გაქრა - ახალი დეტალები იდუმალებით მოცულ რეისზე
სამყაროში ძალიან ბევრი ინფორმაციაა, რომელსაც ადამიანი იღებს და ამუშავებს. ამიტომ ყველა ცოცხალი არსება ხედავს მხოლოდ იმას, რაც ჯდება სამყაროს აუცილებელ სურათში.ამრიგად, ობიექტები, რომლებიც არ წააგავს რაიმე ნაცნობს ან ამ მომენტში მცირე მნიშვნელობა აქვს, ვიზუალური სიგნალის დამუშავებისას ტვინი უბრალოდ გამოტოვებს - ამას ეწოდება "ბრმა წერტილის" ეფექტი. ერთის მხრივ, ძალიან მოსახერხებელია.მაგალითად, ჩვენ ვერ ვხედავთ სარეკლამო ხაზს, რომელიც გადის ტელევიზორის ეკრანზე, თუ ჩვენ მოხიბლული ვართ ფილმით, მაგრამ, მეორეს მხრივ, ამან შეიძლება ცუდი შედეგი მოგვიტანოს. ფაქტია, რომ „ბრმა წერტილის“ ეფექტი ვრცელდება არა მხოლოდ მხედველობაზე, არამედ ზოგადად აღქმაზეც და ეს ეხება მთლიან კაცობრიობას.1911 წლის 14 ივლისს რომის რკინიგზის სადგურიდან მატარებელი გაემგზავრა კომპანია Sanetti-ს მიერ მდიდარი იტალიელებისთვის მოწყობილ "კრუიზზე".გზის ახალი მონაკვეთის მიმდებარე ღირსშესანიშნაობები 106 მგზავრმა დაათვალიერა. მატარებელი უახლოვდებოდა გრძელ (მე-20 საუკუნის დასაწყისის სტანდარტებით), კილომეტრიან გვირაბს. მატარებელი გვირაბში შევიდა, მაგრამ მეორე მხრიდან არ გამოსულა. გვირაბის დათვალიერებისას ის ვერსად აღმოაჩინეს. უნდა აღინიშნოს, რომ ეს არის კილომეტრიანი „მილი“, რელსებით, ყოველგვარი განტოტვის გარეშე, თუმცა მატარებელი უკვალოდ გაქრა.შეშფოთებულმა რკინიგზის თანამშრომლებმა გვირაბი საფუძვლიანად დაათვალიერეს, თუმცა ავარიის კვალიც ვერ აღმოაჩინეს. სამაგიეროდ, დაკარგული მატარებლის ორი მგზავრი იპოვეს. ისინი შოკში იყვნენ. გარკვეული პერიოდის შემდეგ, გონს რომ მოვიდნენ, შეძლეს ეთქვათ, რომ მატარებლის ირგვლივ ყველაფერი მოულოდნელად რძიანი თეთრი ნისლით დაიფარა.გვირაბს რომ მიუახლოვდნენ, ნისლი გასქელდა და ბლანტ სითხედ გარდაიქმნა... მერე ისინი პანიკის საშინელმა შეტევამ შეიპყრო და რადგან ვაგონის ვესტიბიულში იყვნენ, გადმოხტომა შეძლეს. დანარჩენ მგზავრებს აშკარად არ ჰქონდათ დრო მათთვის მიებაძათ. დაზარალებულებს დიდი ხნის განმავლობაში აწუხებდა ძილის დარღვევა და სხვა ფსიქოლოგიური დარღვევები, რომლებიც გამოწვეული იყო ძლიერი სტრესით, მაგრამ შემდეგ თანდათან დაუბრუნდნენ ნორმალურ მდგომარეობას. მატარებელი კი აღარასოდეს გამოჩენილა.
1731095818
ქეით მიდლტონის შესახებ ახალი ინფორმაცია ვრცელდება
ქეით მიდლტონი გამოჯანმრთელების გზაზეა და ამისთვის თავადაც ყველაფერს აკეთებს. უელსის პრინცესამ, ცოტა ხნის წინ, ქიმიოთერაპიის კურსი დაასრულა და ამჯერად ვარჯიშის პროცედურები განაახლა.„ის სპორტდარბაზში ვარჯიშობს და ამით ბედნიერია”, – ამბობს წყარო დასავლურ გამოცემებთან.ექსპერტები დარწმუნებულები არიან, რომ ქეითი ახლა სულ უფრო ხშირად გამოჩნდება საჯარო აქტივობებით. განსაკუთრებული აქცენტია 2025 წელზე, რადგან უკვე ცნობილია, რომ პრინცი უილიამი და ქეით მიდლტონი მსოფლიოს ტურნეს ფარგლებში არაერთი ქვეყნის მონახულებას გეგმავენ.
1730959307
რა არის ღუმელის უჯრის რეალური დანიშნულება, რომელსაც არასწორად ვიყენებთ
გარდა ღუმლის ჩვეული გამოყენებისა სამზარეულოში, ხშირად გვავიწყდება ერთი მნიშვნელოვანი დეტალი - ქვედა უჯრა. დიახ, ზუსტად ის, რაშიც ჩვენ უმეტესად ტაფების, საცხობი ფორმების შესანახად ვიყენებთ. თუმცა, თურმე ამ ყუთს სხვა, უფრო სასარგებლო დანიშნულება აქვს.რისთვისაა უჯრა ღუმლის ქვეშ?თანამედროვე სამზარეულოს ღუმელების შემქმნელებმა შეიტანეს ღუმლის დიზაინში ქვედა უჯრის გამოყენების შესაძლებლობა მზა კერძების შესანახად.ეს ფუნქცია შექმნილია სპეციალურად მოხარშული კერძების ტემპერატურის შესანარჩუნებლად სასურველ დონეზე. ამრიგად, ისინი არა მხოლოდ არ დაკარგავენ არომატს, არამედ თბილად დარჩებიან მირთმევამდე.საყოფაცხოვრებო ტექნიკის მწარმოებლები გვირჩევენ ამ ყუთის გამოყენებას განსაკუთრებით დესერტების მირთმევისას, რომლებიც თბილი უნდა მიირთვათ.მაგალითად, შარლოტა ან ბრაუნი, ფუნთუშები - ქვედა უჯრის წყალობით ისინი გემრიელი დარჩებიან. გარდა ამისა, მასძში შეიძლება ძირითადი კერძების მოთავსებაც, იმ შემთხვევაში, თუ რომელიმე თქვენს სტუმარს ან ოჯახის წევრს სადილზე აგვიანდება. ასე რომ, მათ არ მოუწევთ ხელახლა გაცხელებული საკვების ჭამა.
1730956750
რატომ მიმართავენ შვილები მშობლებს სახელებით - ფსიქოლოგის განმარტება
ხშირია შემთხვევა, როცა მცირეწლოვნები მშობლებს სახელებით მიმართავენ და „დედას“ და „მამას“ გამოყენებისგან თავს იკავებენ. ფსიქოლოგი ია როზისი ამის რამდენიმე მიზეზს განმარტავს.„თქვენი შვილი მოგმართავთ სახელით, არ გეძახით დედას და მამას. მოდით, განვსაზღვროთ, რატომ იქცევა ბავშვი კონკრეტულად ასე - პირველი, მას აქვს პროტესტი, ვერ აღგიქვამთ მშობლად, დედად ან მამად. მასთან დროს არ ატარებთ, დაკავებული ხართ, შეიძლება მუშაობთ დილიდან საღამომდე და თქვენს შვილს ზრდის ძიძა, ბებია და ბაბუა. ბავშვს აკლია თქვენი სიყვარული, აკლია თქვენი შეხება, ბავშვს აკლია თქვენთან დიალოგი და მის გონებაში, როგორც მშობელი, აღქმული არ ხართ, ანუ, მისთვის არ გცალიათ.ჩემთან არის ხოლმე შემთხვევები, როცა მშობელი არ მუშაობს და დრო ჰქონდეს, მაგრამ არ აქვს ნებისყოფა იმისა, რომ ბავშვი გაასეირნოს, ეთამაშოს, მოუაროს, აჭამოს და მშობლის ფუნქცია მოირგოს...“ - განმარტავს ფსიქოლოგი.
1730954774
"დედის საფლავზე დადის, რომელიც თვითონ მოკლა..." - ქართველი ბალერინას ტრაგიკული ისტორია
2017 წლის მაისში თბილისში, ისნის რაიონში შვილმა დედა მოკლა. მშობლის მკვლელობაში ეჭვმიტანილი ქალი თბილისის ოპერისა და ბალეტის თეატრის პრიმა ბალერინა აღმოჩნდა.ანი აყვანილი შვილია, მას 2 წლიდან ზრდიდნენ მშობლები. მამა ტრაგედიამდე რამდენიმე წლით ადრე გარდაიცვალა და დედა-შვილი მარტო ცხოვრობდა.ანამ დედის მკვლელობამდე ერთი კვირით ადრე, ოპერის სცენაზე ერთ-ერთი წამყვანი როლი ითამაშა.ის ზაქარია ფალიაშვილის სახელობის ოპერისა და ბალეტის სცენაზე დაახლოებით 15-18 წელი ცეკვავდა და მსოფლიოს 80 ბალერინას შორის იყო დასახელებული, ვინც ყველზე უკეთ ასრულებდა გედის პარტიას.ანა მეუღლეს რამდენიმე წლით ადრე დაშორდა. მათ შვილი არ ჰყოლიათ.მეუღლესთან დაშორების შემდეგ, პრიმა ბალერინა ალკოჰოლდამოკიდებული გახდა. ფეხზე ტრავმა მიიღო და სცენაზე პირველხარისხოვანი როლები აღარ ჰქონდა. ანა ოჯახის ერთადერთი შვილია. მამამისი ცნობილი მუსიკოსი, სახელმწიფო კაპელის ერთ-ერთი წევრი იყო. დედა - ასოცირებული პროფესორი. იგი თბილისის სხვადასხვა უმაღლეს სასწავლებელში ლექციებს კითხულობდა.გავრცელებული ინფორმაციით, სავარაუდოდ, ბრალდებულმა დედას თავში ვაზა ჩაარტყა, რის შედეგადაც მოხუცი გარდაიცვალა. ისიც ცნობილია, რომ შვილმა თითქმის 24 საათი გარდაცვლილ დედასთან ერთად გაატარა, განგაში მეორე დღეს მოკლულის დამ ატეხა, რადგან ტელეფონს არავინ პასუხობდა. მან პოლიცია და სასწრაფო გამოიძახა. კარგა ხანს ბინის კარი არავინ გააღო, ბოლოს პოლიციამ ბინაში შეაღწია და იქ უმძიმესი სურათი დახვდა. ოთახი არეული იყო, იქვე ესვენა მოხუცის ცხედარი, სახლში იყო ბალერინაც.მკვლელობაში ბრალდებულ ბალერინას სასამართლომ იძულებით ფსიქიატრიული მკურნალობა განუსაზღვრა და ის ხონში, ფსიქიკური ჯანმრთელობის ცენტრში გადიოდა მკურნალობას.თბილისის საქალაქო სასამართლოს გადაწყვეტილებით, მკვლელის მიმართ სისხლის სამართლებრივი დევნა შეწყდა, რადგან ექსპერტიზის დასკვნით, დანაშაულის ჩადენის დროს მას არ შეეძლო გაეცნობიერებინა თავისი ქმედების ფაქტობრივი ხასიათი.„სამართლებრივად, იძულებითი მკურნალობის მაქსიმალური ვადა 4 წელია. თუ ანა გამოჯანმრთელდება, შესაძლებელია, ის ამ დაწესებულებიდან ადრეც გათავისუფლდეს, მაგრამ თუ მდგომარეობა დამძიმდება, მას იქ მეტი ხნით დარჩენა მოუწევს. ყველაფერი მკურნალობაზეა დამოკიდებული. თუ ანა საზოგადოებისთვის საშიში გახდება და მდგომარეობა დამძიმდება, მას გამოჯანმრთელებამდე გარეთ არავინ გამოუშვებს. დღევანდელი მონაცემებით, ექსპერტიზის დასკვნით სასამართლომ წელიწადი და 6 თვე მკურნალობისთვის საკმარისად ჩათვალა”, – განაცხადა მაშინ ანის ადვოკატმა, ვახტანგ აბესაძემ.მისი თქმით, ანის მომხდართან დაკავშირებით არაფერი ახსოვს.„როცა ველაპარაკებოდით, ვერაფერს იხსენებდა, უცნაურ მდგომარეობაში ვარდებოდა, კანკალებდა. შესაბამისად, აღარ ვაიძულებდით, კონტაქტში შემოსულიყო“, – ამბობდა ადვოკატი.დედის მკვლელობაში ბრალდებული ბალერინა ქალთა მეხუთე დაწესებულებიდან ხონის ფსიქიატრიულ საავადმყოფოში გადაიყვანეს, საიდანაც უკვე გამოვიდა.სასამართლომ დაზარალებულად გარდაცვლილის და ცნო. დაზარალებული სასამართლოს განჩინებით უკმაყოფილო იყო და უფრო მკაცრ სასჯელს ელოდნენ, მაგრამ დავა არ გაუგრძელებიათ.ანის ოჯახის ახლობელი, რომელმაც ვინაობის გამხელა არ ისურვა, „პრაიმტაიმთან“ ექსკლუზიურ ინტერვიუში ამბობს, რომ დეიდის ოჯახი ანის გათავისუფლების შემდეგ არ შეურიგდა.– როდესაც ანი დაწესებულებიდან გამოვიდა, დეიდამ სახლის გასაღები მეზობელთან დაუტოვა და შეუთვალა, რომ მასთან ურთიერთობის აღდგენა არ ეცადა და თუ მივიდოდა, პოლიციას გამოიძახებდა.2 წლიდან გაზარდეს დედამ და დეიდამ და დიდი ამაგი აქვთ მასზე. რაზე უნდა ესაუბროს, რომ მივიდეს? თვალებში როგორ შეხედავს?ანის დეიდაშვილი ამერიკაში ცხოვრობს და როცა ანი ციხიდან გამოვიდა, ფულიც კი გამოუგზავნა, მშიერი რომ არ ყოფილიყო, სანამ რაიმე გზას დაადგებოდა.მკვლელობამდეც ყოფილა ისეთი შემთხვევები, რომ დედისთვის ფიზიკური შეურაცხყოფა მიუყენებია და ეს წლები გრძელდებოდა.იძახებენენ პოლიციას და ნარკოლოგიურში გადაჰყავდათ. სასმელზე იყო დამოკიდებული, არაყს ეძალებოდა და ძალიან ცუდი სიმთვრალე ჰქონდა.ახლა გავიგეთ, რომ აღარ სვამს და სალონში მუშაობს. ცხოვრობს იმ სახლში, სადაც მკვლელობა ჩაიდინა. დეიდის ოჯახი ციხეშიც ყურადღებას აქცევდა, ტანისამოსს უგზავნიდნენ, ყველაფრის მიუხედავად.როგორც ვხვდებით, ანი დედის საფლავზეც დადის, რომელიც თვითონ მოკლა, რადგან სასაფლაოზე მისულ ოჯახის წევრებს ხვდებათ ლარნაკში ჩალაგებული ცოცხალი ყვავილები და სხვა არავინ მიიტანდა, მის გარდა.
1730367120
თამარ ჩერგოლეიშვილი სოციალურ ქსელში იაგო ხვიჩიას კომენტარს ეხმიანება, სადაც ხვიჩია სააკაშვილის პოსტის პასუხად წერს, რომ ის ყოფილმა საძმაკაცომ „გაძარცვა“. „ბატონო პრეზიდენტო მე და თქვენ წავაგეთ ეს არჩევნები. თქვენმა, მწამს, აწ უკვე ყოფილმა საძმაკაცომ გაგძარცვეს და თქვენი ხმებით დალაგდნენ ქოცებთან. როცა ამ აზრამდე მიხვალთ, დაგვიკავშირდით“იაგო ხვიჩიას კომენტარის პასუხად, ჩერგოლეიშვილი პოსტს აქვეყნებს და წერს, რომ იაგო ხვიჩია მიშას გვარამიაზე მიანიშნებს.„დიადი კომბინატორი მიშას უფითილებს გვარამიაზე. კი არ იცის, მიშა რომ ცვლილებების იმედად ზის იქ ჩუმად, თორემ მაგ იმედს რომ/თუ დაკარგავს, გვარამიას ხელიდან ვერავინ გამოგლეჯს. 5-იანის ნორმატიული გავლენა დაიკარგა, მესამეზე გავიდა გვარამიას გამო. მაგას ვის აპატიებს. (უგულავას ციხიდან გამოსვლას რასაც უკავშირებდა, იგივეს იზამს აქაც)“,- წერს ჩერგოლეიშვილი.ცნობისთვის, სააკაშვილმა 30 ოქტომბერს დაწერა, რომ პირველი და ერთადერთი მიტინგი ორ საათში დაშალეს, შემდეგ არაფერი ხდება, გარდა გაუთავებელი შეხვედრებისა. ყოფილი პრეზიდენტი ასევე აღნიშნავს, რომ „დრო იკარგება ქვეყნის შიგნით და ასევე თანდათან ჩაქრება ინტერესი ქვეყნის გარეთ“.
1730031361
ეუთო/ოდირის სადამკვირვებლო მისიის წარმომადგენელმა, ოუენ მერფმა განსაკუთრებული მადლობა გადაუხადა ცენტრალური საარჩევნო კომისიისა და საგარეო საქმეთა სამინისტროს, თანამშრომლობისთვის, რათა მათი მისია სრულყოფილად განეხორციელებინათ.მან ასევე მადლობა გადაუხადა სადამკვირვებლო მისიის წარმომადგენლებსა და ქართველ ამომრჩეველს, რომლებმაც მნიშვნელოვანი როლი შეასრულეს."მინდა, დიდი მადლობა გადავუხადო ჩვენი სადამკვირვებლო მისიის წევრებს. განსაკუთრებით, დიდი მადლობა საქართველოს მოქალაქეებს, რომლებმაც მნიშვნელოვანი როლი ითამაშეს, ასევე ადგილობრივ სადამკვირვებლო მისებს, ქართველებისგან დაკომპლექტებულს, თანამშრომლობისთვის.განსაკუთრებით, დიდი მადლობა მინდა გადავუხადო ცესკოსა და საგარეო საქმეთა სამინისტროს, ეს არის ძალიან მნიშვნელოვანი ჩვენი მეთოდოლოგიისა და მანდატის განხორციელებისთვის. ასევე დიდ მადლობა ყველა თარჯიმანს, რომელიც დახმარებას გვიწევდა დღეს", - განაცხადა ეუთო/ოდირის დამკვირვებელმა, ოუენ მერფმა.
1730016075
რა თქმა უნდა პრეზიდენტს შეუძლია უხეშად დაარღვიოს კიდევ ერთხელ კონსტიტუცია, მაგრამ ის პარლამენტის პირველ სხდომას ვერ დაბლოკავს, - განაცხადა პრემიერ-მინისტრმა, ირაკლი კობახიძემ მედიასთან.ჟურნალისტი დაინტერესდა - თუ პრეზიდენტმა საპარლამენტო სხდომა არ დანიშნა, რა მოხდება ამის შემდეგ, გახდება თუ არა ეს არჩევნების გადახედვის საფუძველი. მთავრობის მეთაურის თქმით, ასეთ შემთხვევაში არჩევნების შეჯამებიდან მეათე დღეს პარლამენტი თავისით შეიკრიბება.„არა. არანაირად. პირველი სხდომის გამართვისთვის ათდღიანი ვადაა განსაზღვრული კონსტიტუციით. მეათე დღეს თავისით შეიკრიბება პარლამენტი და გაიმართება პირველი სხდომა. ამას უზრუნველყოფს პარლამენტის თავმჯდომარე და პარლამენტის ბიურო. ანუ, აქ არავითარი საბოტაჟის რესურსი პრეზიდენტს არ აქვს, რომც დაარღვიოს საქართველოს კონსტიტუცია უხეში ფორმით. აქ პრეზიდენტს მხოლოდ ფორმალური კომპეტენცია აქვს და აქაც რა თქმა უნდა მას შეუძლია უხეშად დაარღვიოს კიდევ ერთხელ კონსტიტუცია, მაგრამ ის პარლამენტის პირველ სხდომას ვერ დაბლოკავს“, - განაცხადა პრემიერმა.
