1720599911

ამერიკულ ფილმებში სერიულ მკვლელებზე, დამნაშავეები საჯარო ტუალეტში რომ იკეტებიან და გარეგნობას იცვლიან, მაგრამ მაინც იგივე დამნაშავეები გამოდიან კაბინიდან, ეგ იყო ნაცები რომ შეიკრიბნენ და “ერთობა” დაირქვეს - ბაჩო ოდიშარია

ეროვნული კინოცენტრის ფილმწარმოების დეპარტამენტის უფროსი ბაჩო ოდიშარია სოციალურ ქსელში „ნაციონალური მოძრაობის“ ყრილობასა და პოლიტიკურ პლატფორმა "ერთიანობა საქართველოს გადარჩენისთვის" დაარსებას ეხმიანება.ოდიშარიას თქმით, ამერიკულ ფილმებში სერიულ მკვლელებზე, დამნაშავეები საჯარო ტუალეტში რომ იკეტებიან და გარეგნობას იცვლიან, მაგრამ მაინც იგივე დამნაშავეები გამოდიან კაბინიდან, ეგ იყო ნაცები რომ შეიკრიბნენ და “ერთობა” დაირქვეს.„ამერიკულ ფილმებში სერიულ მკვლელებზე, დამნაშავეები საჯარო ტუალეტში რომ იკეტებიან და გარეგნობას იცვლიან - თმას იღებავენ, წვერს იპარსავენ, სხვა ტანსაცმელს იცვამენ, მაგრამ მაინც იგივე დამნაშავეები გამოდიან კაბინიდან, ეგ იყო ნაცები რომ შეიკრიბნენ და “ერთობა” დაირქვეს. ხო აი, აღარ ხართ რეიპისტები და სისტემური დამნაშავეები, ვეღარ გიცანით, ლაშა ბაქრაძის ხალმა აგვიჭრელა თვალები“, - წერს ოდიშარია Facebook-ზე

1720095495

ეუთოს რეზოლუცია და მის შემდგომ განვითარებული მოვლენები კიდევ ერთი დადასტურებაა იმისა, რომ „ქართული ოცნება“ და მთლიანად სახელისუფლებო გუნდი, ამ ბრძოლაშიც მარტოა

რუსეთი არის ოკუპანტი და ეს ყველა დონეზე, ყოველთვის ამ სახით უნდა აღვნიშნოთ და ავსახოთ სამართლებრივ დოკუმენტებში, - განაცხადა მედიასთან საუბარში პარტია „ხალხის ძალის“ წევრმა თამთა მეგრელიშვილმა.მისივე თქმით, ეუთოს რეზოლუციის შინაარსი არა მხოლოდ სახელისუფლებო გუნდისთვის, არამედ პოლიტიკაში მყოფი ყველა პირისთვის, მათ შორის ოპოზიციური სპექტრისთვის სილის გაწვნაა, რაზეც პასუხი ამ დრომდე ოპოზიციის მხრიდან არ ყოფილა.„ეუთოს რეზოლუცია - ეს არის ფაქტობრივად არაღიარების პოლიტიკა. რუსეთი არის ოკუპანტი და ეს ყველა დონეზე, ყოველთვის ამ სახით უნდა ავსახოთ სამართლებრივ დოკუმენტებში. სამწუხაროდ ეუთოს რეზოლუცია ამ საკითხზე უარს ამბობს. გვითხრეს, რომ ოკუპაციის თემა არ იქნება შეტანილი რეზოლუციაში. ეუთოში ქართული დელეგაცია სიმცირიდან გამომდინარე რეზოლუციის მიღებას წინააღმდეგობას ვერ გაუწევს.ეუთოს რეზოლუციის შინაარსი ქართული მხარისთვის, სახელისუფლებო გუნდისთვის, პოლიტიკურ ველზე მყოფი ყველა პირისთვის, მათ შორის ოპოზიციური სპექტრისთვის სილის გაწვნაა. სამწუხაროა, რომ ამ საკითხთან დაკავშირებით ოპოზიცია დუმილს ინარჩუნებს და მათი მხრიდან არცერთი წონადი განცხადება არ გაკეთებულა. ეს არის კიდევ ერთი ღალატი, „ნაციონალური მოძრაობის“ და მთლიანად ოპოზიციური სპექტრის. ეს არც კი მიკვირს, მას შემდეგ, რაც „ნაციონალურმა მოძრაობამ“ ხელი მოაწერა დოკუმენტს, რომლითაც აღიარა, რომ თურმე ცხინვალში საბრძოლო მოქმედებები ქართულმა ჯარმა დაიწყო.ეუთოს რეზოლუცია და შემდგომ განვითარებული მოვლენები კიდევ დასტურია იმისა, რომ „ქართული ოცნება“ და მთლიანად სახელისუფლებო გუნდი, ამ ბრძოლაშიც მარტოა, ყოველგვარი ოპოზიციური სპექტრის დახმარების გარეშე“, - განაცხადა თამთა მეგრელიშვილმა.

1718379602

ურთიერთშელაპარაკების ნიადაგზე, ცივი იარაღით, რამდენიმე ჭრილობა მიაყენა... - თბილისში წუხელ მომხდარი მკვლელობის დეტალები და შსს-ს განცხადება

 ჩუღურეთის რაიონში, 45 წლის მამაკაცი მოკლეს. დამნაშავე პოლიციამ ცხელ კვალზე უკვე დააკავა.  ­კაცს სა­სიკ­ვდი­ლო ჭრი­ლო­ბე­ბი ცივი ია­რა­ღით აქვს მი­ყე­ნე­ბუ­ლი. წინასწარი ცნობით, ის მოკლულის მეზობელი, 62 წლის მამაკაცია. გავრცელებული ინფორმაციით, მკვლელობის იარაღი დანაა.მოკ­ლუ­ლი და ბრალ­დე­ბუ­ლი ერ­თმა­ნე­თის მე­ზობ­ლე­ბი იყ­ვნენ.მოკ­ლუ­ლი მა­მა­კა­ცი 49 წლის მა­ნუ­ჩარ წიკ­ლა­უ­რია.სა­მურ­ზა­ყა­ნოს ქუ­ჩა­ზე მა­ცხოვ­რებ­ლები ამბობენ, რომ მოკ­ლულ­სა და ბრალ­დე­ბულს მა­ნამ­დე კონ­ფლიქ­ტი არ ჰქო­ნი­ათ. ში­ნა­გან საქ­მე­თა სა­მი­ნის­ტროს ცნო­ბით, და­ნა­შა­უ­ლი 15 წლამ­დე ვა­დით თა­ვი­სუფ­ლე­ბის აღ­კვე­თას ით­ვა­ლის­წი­ნებს."ში­ნა­გან საქ­მე­თა სა­მი­ნის­ტროს თბი­ლი­სის პო­ლი­ცი­ის დე­პარ­ტა­მენ­ტი­სა და სა­პატ­რუ­ლო პო­ლი­ცი­ის დე­პარ­ტა­მენ­ტის თა­ნამ­შრომ­ლებ­მა, ცხელ კვალ­ზე, ერ­თობ­ლი­ვად ჩა­ტა­რე­ბუ­ლი ოპე­რა­ტი­უ­ლი ღო­ნის­ძი­ე­ბე­ბი­სა და სა­გა­მო­ძი­ე­ბო მოქ­მე­დე­ბე­ბის შე­დე­გად, 1962 წელს და­ბა­დე­ბუ­ლი ო.გ., გან­ზრახ მკვლე­ლო­ბის ბრალ­დე­ბით და­ა­კა­ვეს.გა­მო­ძი­ე­ბით დად­გინ­და, რომ მიმ­დი­ნა­რე წლის 13 ივ­ნისს, ბრალ­დე­ბულ­მა ურ­თი­ერ­თშე­ლა­პა­რა­კე­ბის ნი­ა­დაგ­ზე, 1975 წელს და­ბა­დე­ბულ მ.წ.-ს ცივი ია­რა­ღით რამ­დე­ნი­მე ჭრი­ლო­ბა მი­ა­ყე­ნა და შემ­თხვე­ვის ად­გი­ლი­დან მი­ი­მა­ლა. დაჭ­რი­ლი მა­მა­კა­ცი მი­ყე­ნე­ბუ­ლი და­ზი­ა­ნე­ბე­ბის შე­დე­გად ად­გილ­ზე გარ­და­იც­ვა­ლა.სა­მარ­თალ­დამ­ცვე­ლებ­მა ჩა­ტა­რე­ბუ­ლი სა­გა­მო­ძი­ე­ბო მოქ­მე­დე­ბე­ბის შე­დე­გად, და­ნა­შა­უ­ლის ჩამ­დე­ნი პირი ცხელ კვალ­ზე და­ა­კა­ვეს. გა­მო­ძი­ე­ბა სა­ქარ­თვე­ლოს სის­ხლის სა­მარ­თლის კო­დექ­სის 108-ე მუხ­ლით მიმ­დი­ნა­რე­ობს, რაც გან­ზრახ მკვლე­ლო­ბას გუ­ლის­ხმობს“, - წერია შსს-ს მიერ გავრცელებულ ინ­ფორ­მა­ცი­ა­ში.

1716887978

დიმიტრი ხუნდაძე: გამჭვირვალობის კანონზე ვეტოს დღეს მმართველი გუნდის უმრავლესობა მოხსნის, რადგან ის საქართველოს უსაფრთხოების დაცვას, ომის თავიდან აცილებას, სტაბილურ განვითარებას და რწმენის გადარჩენას სჭირდება

„გამჭვირვალობის კანონის პირველი დაინიცირებიდან ერთ წელზე მეტი გავიდა. დონორების მხრიდან, კანონის გარეშე, გამჭვირვალობის გაუმჯობესების დაპირების დარღვევამ, მისი ხელახლა შემოტანა გახადა საჭირო.“ - ამის შესახებ პარლამენტში „ხალხის ძალის“ გენერალურმა მდივანმა, დეპუტატმა დიმიტრი ხუნდაძემ განაცხადა.მისი თქმით, გამჭვირვალობის კანონზე ვეტოს დღეს მმართველი გუნდის უმრავლესობა მოხსნის, რადგან ის საქართველოს უსაფრთხოების დაცვას, ომის თავიდან აცილებას, მშვიდობის უზრუნველყოფას, სტაბილურ განვითარებას და რწმენის გადარჩენას სჭირდება.„საკმარისზე მეტი დრო იყო იმისათვის, რომ ჩვენს ოპონენტებს ნიკოფსიიდან-ვაშინგტონამდე ერთი არგუმენტი მაინც მოეყვანათ, რომ კანონის რუსულობა დაემტკიცებინათ და რაღაც განმარტება მაინც გაეკეთებინათ, მაგრამ ვერ განმარტეს. რატომ?  იმიტომ !არც საზოგადოებას მისცეს მეტის ცოდნის საშუალება; „არ წაიკითხო და გააპროტესტეთო". მორჩილებით შეპყრობილები, დღემდე არ კითხულობენ და აპროტესტებენ, მხოლოდ არ იციან - რას და რისთვის. აი, ვისთვის - ეს კარგად იციან. კუბილიუსმა გვითხრა, ვენეციამ მოგვწერა და ბლინკენი დაგვემუქრაო.პოლიციაზე მოლოტოვის კოქტეილებით თავდამსხმელები თავისუფლებისთვის თავდადებულებად გამოაცხადეს.წინა ხაზზე მებრძოლი 2 ამერიკელი, 1 რუსი და ერთიც მოლდოველი ვითომ საქართველოს სუვერენიტეტს  სამართალდამცველებისგან „იცავდა" და უცხო ქვეყნის საგარეო საქმეთა მინისტრები ანტისამთავრობო მიტინგიდან ამაყად გამოდიოდნენ და აქეზებდნენ ქართველ ახალგაზრდებს; „უკრაინაში ასე ვქენით და მაიდანი გამოგვივიდაო".გამჭვირვალობის კანონმა 2 ინიცირება, 3 საკომიტეტო მოსმენა  და 3 სასესიო განხილვა გაიარა.მის ამოქმედებამდე ცოტა დარჩა, მაგრამ კანონპროექტი უკვე მუშაობს. საზოგადოებისთვის ყველა ხილული გახდა - მტერიც და მოყვარეც, მცოდნეც და უცოდინარიც, მკითხველიც და უკითხავიც, მშვიდობის მოყვარულიც და ომის მოსურნეც.იყო თავდასხმები, შეურაცხყოფაც, ბულინგიც, შვილებისა და მშობლების მტრად გადაკიდების მცდელობაც. რატომ?  იმიტომ!პრემიერსაც კი დაემუქრნენ, მაგრამ მიუხედავად ამდენი ზეწოლისა, ჩვენს დაუძინებელ მეგობრებს არაფერი გამოუვიდათ - საქართველოს პარლამენტმა ქართული კანონი 3 მოსმენით დაამტკიცა.ბრაზმორეულმა დამკვეთებმა პრეზიდენტი იხმეს, რომელმაც კანონს ვეტო ვენეციის კომისიის დასკვნამდე დაადო, ხოლო არგუმენტად სწორედ ეს, მერე დაწერილი დასკვნა წარმოადგინა, რომელსაც პრეზიდენტის საპარლამენტო მდივნის რეპუტაცია ემსხვერპლა. რატომ?  იმიტომ!ამ ვეტოს დღეს მმართველი გუნდის უმრავლესობა დაძლევს. რატომ?  იმიტომ, რომ ის ჩვენი ქვეყნის უსაფრთხოების დაცვას, ომის თავიდან აცილებას, მშვიდობის უზრუნველყოფას, სტაბილურ განვითარებას და რწმენის გადარჩენას სჭირდება.რამდენიმე დღეა პარტნიორებმა შემოგვითვალეს, თუ სუვერენიტეტს არ დათმობთ, საზოგადოებას სიმართლეს ეტყვით, ერისა და ბერის ერთობას თავს არ დაანებებთ, დაგასანქცირებთო. თუ დამორჩილდებით, მაშინ ფულს მოგცემთ, ვიზებს და თვითმფრინავის ბილეთებსო. ეს რომ გავიგე, გათენებას ველოდი, რომ მეთქვა - სამშობლო არ იყიდება-მეთქი. ჩვენი წინაპრები რომ ასე მოქცეულიყვნენ, 3000-წლიანი ისტორია არ გვექნებოდა. როგორც ვიცი, ასე ფიქრობს მმართველ გუნდში უკლებლივ ყველა. და თუ ოპოზიციას ვიზა, ბილეთები და ფული ურჩევნია, საზოგადოება ნუ იდარდებს, ისინი საბედნიეროდ ცოტანი არიან და გადაწყვეტილებას ვერ შეცვლიან.დღეს მიღებული ქართული გადაწყვეტილებით, ხალხს ბევრად მეტი სიმართლე ეცოდინება, ვიდრე იცოდა აქამდე. აგენტურას კი ნაკლები შესაძლებლობა ექნება, რომ ქვეყანა სხვის ინტერესებს ანაცვალოს.ახალგაზრდებს კი, ვინც შეცდომაშია შეყვანილი და ჰგონია, რომ საკუთარ ენერგიას სამშობლოსათვის ხარჯავს, მინდა ვთხოვო, რომ საკუთარ გულწრფელობას ფუჭად ნურც თქვენ გახარჯავთ და ნურც სხვას გამოაყენებინებთ.რთულია ვითარება მსოფლიოში და განსაკუთრებით ცეცხლსაშიშია ჩვენი რეგიონი.დღეს ომის მსურველები უფრო მეტნი არიან, ვიდრე მშვიდობის მომხრენი და საქართველოსაც ცეცხლში ექაჩებიან. ჩვენ კი თქვენი სიცოცხლე ომში დასასრულებლად არ გვემეტება და სწორედ ამიტომ ვაკეთებთ ამას და ვითმენთ ამდენს. მშვიდობა თქვენ და მშვიდობა სრულიად საქართველოს!“ - განაცხადა დიმიტრი ხუნდაძემ.

1716455505

თუ უნდოდათ ვიზალიბერალიზაცია, თავისუფალი ვაჭრობა, ფრენები, შეეძლოთ, შარშან გაეკეთებინათ, სამხედრო დახმარება კი, ყველაზე მეტად ვისაც სჭირდება, იმას გაუწიონ - სოზარ სუბარის ბლინკენის განცხადებაზე

მმართველი გუნდი აშშ-ის სახელმწიფო მდივნის, ენტონი ბლინკენის განცხადებას ეხმაურება, რომლის თქმითაც, "უცხოური გავლენის გამჭვირვალობის შესახებ" კანონის მიღებას "შედეგები მოჰყვება." საპარლამენტო უმრავლესობა მიიჩნევს, რომ ქართული საზოგადოებისთვის შეურაცხმყოფელია დამოკიდებულება, რომ გამჭვირვალობა დემოკრატიის დასაცავად სხვა ქვეყნებს სჭირდებათ, საქართველოს კი არა."ხალხის ძალის" დეპუტატის, სოზარ სუბარის თქმით, აშშ-დან არანაირ ზომებს არ ელოდებიან."როდესაც ვამბობთ, რომ ორმაგი სტანდარტი მიუღებელია, ეს ეხება აშშ-საც, ევროკავშირსაც და ნებისმიერ ქვეყანას. არაფერ ზომებს არ ველოდებით. თუ რამე დადებითი გადაწყვეტილება უნდოდათ, ეს შეეძლოთ შარშან გაეკეთებინათ, მათ შორის, ვიზალიბერალიზაცია, თავისუფალი ვაჭრობა, ფრენები, რაც შეეხება სამხედრო დახმარებას, ამ წუთას ყველაზე მეტად ვისაც სჭირდება სამხედრო დახმარება, კარგი იქნება, იმას გაუწიონ.თუ ეს დაკავშირებული იყო კანონის უკან გაწვევასთან, მაშინ ეს შეეძლოთ, როდესაც ჩვენ გავიწვიეთ უკან კანონი, მაგრამ მსგავსი არაფერი არ მინახავს, პირიქით, ამის შემდეგ გრძელდებოდა ისეთი დაფინანსებები, რომლებიც არ იყო გამჭვირვალე და ხშირ შემთხვევაში საქართველოს კანონმდებლობას პირდაპირ არღვევდა," - აღნიშნა სოზარ სუბარმა.პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის, რატი იონათამიშვილის შეფასებით, საქართველო ბოლო 30 წლის ისტორიის გათვალისწინებით, იმსახურებს აშშ-სთან ვიზალიბერალიზაცია, თავისუფალი ვაჭრობა და პირდაპირი ფრენებიც ჰქონდეს. შესაბამისად, მისივე თქმით, ამ საკითხებზე უნდა კეთდებოდეს ფოკუსირება და არა ხელოვნურად აწეულ თემებზე, რომელსაც, მისი შეფასებით, სამართლიანობის არანაირი ელემენტები არ გააჩნია.

1715967666

გოგონა, რომელიც მოჩვენებებს ეძებდა, მიტოვებულ ეკლესიაში გარდაცვლილი იპოვეს

იტალიაში, აოსტას პროკურატურამ მკვლელობის საქმე მას შემდეგ გახსნა, რაც გოგონას ცხედარი მიტოვებულ ეკლესიაში აღმოაჩინეს.ნანგრევებს შორის უსიცოცხლო ქალი იპოვეს, გვერდით კი საჭმელი ეყარა.ცხედრის დათვალიერების საფუძველზე, თავდაპირველად აღმოჩენილი დაზიანებები შეესაბამებოდა ძალადობრივი მიზეზების გამო სიკვდილს. გარდაცვალებას არაფერი აქვს საერთო ავადმყოფობასთან ან ექსტრემალურ სიტუაციასთან. გაუგებარია,  როგორ მოხვდა გოგონა იქ, იმის გათვალისწინებით, რომ ცენტრალური გზიდან შენობამდე მიმავალი საფეხმავლო მარშრუტი არ არის და ცხედრის აღმოჩენაც შემთხვევით მოხდა.Aostaoggi იტყობინება, რომ ყურადღება გამახვილებულია შინდისფერი ფურგონზე, რომელიც დაფიქსირდა ამ მხარეში. პოლიციას სურს მის კვალზე გასვლა, რათა გაირკვეს, არის თუ არა ის მკვლელობაში მონაწილე.უკვე მიღებულია სურათები კამერებიდან, რომლებიც აკონტროლებენ მოძრაობას სახელმწიფო გზაზე, აოსტასა და კურმაიერს შორის.ამ საშინელი და ბნელი თავსატეხის ნაწილები თანდათან ერწყმის ერთმანეთს. ANSA-ს ცნობით, საფრანგეთში შეაფარა თავი ბიჭმა, რომელიც მასთან ერთად მოგზაურობდა. ის 20 წლისაა, დაიბადა იტალიაში და წარმოშობით ეგვიპტელია.ფრანგული მედიის ცნობით, გოგონა ლიონში, სენ-პრისტში ცხოვრობს. გამომძიებლებმა ნათესავის მიერ ამოცნობილი მსხვერპლის სახელი და გვარი არ გაამჟღავნეს. ის გარდაიცვალა კისრისა და მუცლის არეში დანით მიყენებული ჭრილობებით, რამაც გამოიწვია ძლიერი სისხლდენა. მოწმემ La Stampa-ს უთხრა, რომ გოგონას უსიცოცხლო სხეულის აღმოჩენამდე 3 დღით ადრე შეხვდა ორ ახალგაზრდას. მისი ჩვენებით, ორივე შავებში იყო ჩაცმული: ის მომხიბვლელი იყო, მაგრამ ძალიან ფერმკრთალი, ხვეული თმა, ზეთისხილისფერი და კარგად ლაპარაკობდა იტალიურად. როგორც ჩანს, ისინი შვეიცარიის საზღვრიდან გადმოვიდნენ და ეძებდნენ მიტოვებულ ნანგრევებს, კერძოდ დერბიში მდებარე სახლს. სადაც გადმოცემის მიხედვით მოჩვენებები ცხოვრობდნენ,სიკვდილი სავარაუდოდ მარტიდან აპრილამდე მოხდა, მაგრამ ზუსტი თარიღის დადგენა ძნელია, რადგან ამ დღეებში შედარებით დაბალ ტემპერატურაზე კარგად არის შემონახული ცხედარი, რომელიც ნაპოვნია ყოფილ პატარა ეკლესიაში სოფელ Equiliwaz La Salle-ში, რომელიც მრავალი წლის განმავლობაში მიტოვებული იყო. გოგონა, რომლის ცხედარი შემთხვევით გამვლელმა იპოვა, სავარაუდოდ ევროპაში მოგზაურობდა. როდესაც იპოვეს, მას ეცვა კრემისფერი მაისური და გამაშები და მიწაზე იწვა ნაყოფის პოზაში. ირგვლივ მარშმელოუს შეკვრა ეყარა, სხეულთან კი საჭმლის ნარჩენები და სისხლის ლაქები იპოვეს. როგორც ცნობილი გახდა, კარაბინერები ახალგაზრდა ეჭვმიტანილის კვალზე არიან, რომელიც სავარაუდოდ საფრანგეთში იმყოფება. - წერს უცხოური მედიაასევე დაგაინტერესებთ:"დღეს, როცა მთელ მსოფლიოში ვხედავთ დიდ შეტევას ოჯახურ ღირებულებებზე, აუცილებელი გახდა ოჯახური ღირებულებების უფრო აქტიური მხარდაჭერა - მიტროპოლიტი შიოროგორ უწინასწარმეტყველა უშვილობა მამა გაბრიელმა მცხეთელ ბიჭს - "ახლა მაინც მაპატიე-მეთქი...""ჩემს მეგობარ ჩიტს ოლეტი დავარქვი, ჩუმად მოფრინდება ხოლმე და ჩემი ჟილეტის შიგნით იმალება..." - ბერი პაისი საოცარი ამბით

1715862423

"თვალს ვადევნებთ დონორების მცდელობას, მოახდინონ სახელმწიფო გადატრიალება" - "ხალხის ძალა" განცხადებას ავრცელებს

უკიდურესი შეშფოთებით ვადევნებდით თვალს გუშინ, საქართველოს პარლამენტის სასახლის წინ მიმდინარე მოვლენებს. ის, რაც რამდენიმე ასეული მომიტინგის თანდასწრებით ოთხი ქვეყნის, ლიეტუვის, ლატვიის, ესტონეთისა და ისლანდიის საგარეო საქმეთა მინისტრებმა იკადრეს, ეს იყო ქართველი ხალხის, ჩვენი ქვეყნისა და მისი სუვერენიტეტის დამცირებისა და ფეხქვეშ გათელვის მცდელობა,- ამის შესახებ პარტია „ხალხის ძალის“ განცხადებაშია ნათქვამი.როგორც განცხადებაშია აღნიშნული, საქართველოში მეგობრის სტატუსით ჩამოსულმა რევიზორებმა საპროტესტო აქციისთვის განკუთვნილი სცენა დაიკავეს და იქ შეკრებილ ხალხს პირდაპირ რევოლუციისკენ მოუწოდეს."საქართველოში მეგობრის სტატუსით ჩამოსულმა რევიზორებმა საპროტესტო აქციისთვის განკუთვნილი სცენა დაიკავეს და იქ შეკრებილ ხალხს პირდაპირ რევოლუციისკენ მოუწოდეს. განსაკუთრებული სითავხედით გამოირჩეოდა ესტონელი მარგუს ცანკა, რომელმაც ჭკუის სწავლებაც კი დაგვიწყო და გადაწყვიტა ჩვენთვის მიეთითებინა, რომ "თავისუფლება არ მოიპოვება ფასის გადახდის გარეშე"...ამ უგუნურმა განცხადებამ, ჯერ ერთი, კიდევ ერთხელ დაგვარწმუნა, რომ ჩვენს ქვეყანაში მეორე ფრონტის გახსნის საშიშროება არსად გამქრალა, ხოლო გლობალური ომის პარტიის სურვილი, რომ საქართველო შესწირონ რუსეთის დასუსტების ამოცანას, ჯერ კიდევ აქტუალურია. და მეორე - საქართველოში სტუმრად ჩამოსული უცხო ქვეყნის მინისტრი ბედავს და ანტისამთავრობო მიტინგზე სიტყვით გამოსვლის დროს ქართველ ხალხს ელაპარაკება, რომ თავისუფლება, თურმე ფასის გადახდის გარეშე არ მოიპოვება. ამას უბედავს იმ ხალხს, რომელმაც ყველაზე მეტი იბრძოლა საბჭოთა იმპერიიდან გათავისუფლებისთვის და ამ ბრძოლაში ყველაზე დიდი მსხვერპლი გაიღო; იმ ხალხს, რომელმაც დამოუკიდებლობის გამოცხადების შემდეგ ორი ომი გადაიტანა თავისუფლებისა და სახელმწიფოებრიობის შესანარჩუნებლად. თანაც, თავისუფლებისთვის “ფასის გადახდაზე“ ჩვენთვის ჭკუის სწავლებას ცდილობს იმ ქვეყნის წარმომადგენელი, რომელიც საბჭოთა კავშირის დაშლის შემდეგ, ყოველგვარი გართულების გარეშე გახდა ნატოსა და ევროკავშირის წევრი, უსაფრთხოების ქოლგა გადაიფარა, ხოლო ჩვენ, დღემდე შიშველი ხელებით ვებრძვით შინაურ თუ გარე მტრებს.დღეს უკვე აშკარაა, რომ გლობალური ომის პარტია ცდილობს, საქართველოში მორიგ ჯერზე დაიწყოს მაიდანიზაციის პროცესი. ბოლო წლებში ჩვენს „დაუძინებელ მეგობრებს“ უკვე ჰქონდათ რევოლუციის სამი წარუმატებელი მცდელობა.2020 წელს რადიკალურმა ოპოზიციამ სცადა რევოლუციის მოწყობა, რაც ჩაუვარდათ;2021 წელს ბარიკადებზე ჟურნალისტები ავიდნენ, მაგრამ მათი მცდელობაც ჩაფლავდა;2022 წელს რევოლუციურ პროცესს ენჯეოები ჩაუდგნენ სათავეში, მაგრამ ხალხი არც მათ გაჰყვა;ამჟამად, 2024 წელს უკვე დონორები გამოვიდნენ ასპარეზზე და დღეს თვალს ვადევნებთ მათ მცდელობას, მოახდინონ სახელმწიფო გადატრიალება.უცხოელი საგარეო საქმეთა მინისტრები, რომლებიც გუშინ ტრიბუნიდან ცდილობდნენ საქართველოს „მაიდანიზაციას“, გლობალური ომის პარტიის უმნიშვნელო პაიკები არიან, რომლებიც ყოველთვის იმას გააკეთებენ, რასაც მათ დაავალებენ. ზუსტად ისეთივე უმნიშვნელო პაიკები, როგორიც არიან საქართველოში ერთი დღით ადრე სტუმრად მყოფი ევროპელი პოლიტიკოსები. ისინი ასრულებენ დავალებას, რაც რადიკალიზმის წახალისებაში გამოიხატება და თავად ავიდნენ სცენაზე, რომ რევოლუციური პროცესის დაწყებას მისცენ ბიძგი. ოღონდ, გლობალურ ომის პარტიას და მათ აგენტურას იმედი უნდა გავუწბილოთ - მათი მცდელობები ისევე არის განწირული მარცხისთვის, როგორც წინა სამ შემთხვევაში.ქართველი ხალხი ბრძენია და კარგად ხედავს იმ საფრთხეებს, რასაც საქართველოს მაიდანიზაცია და მისი შედეგი - ომში გარდაუვალი ჩართვა მოუტანს. ქართველებმა ბევრი მსხვერპლი გავიღეთ თავისუფლებისთვის და ეს ჩვენი ბრძოლა იმისთვის არ ყოფილა, რომ ერთი ბატონი სხვა ბატონებით ჩავანაცვლოთ.როდესაც უცხო ქვეყნის პოლიტიკოსები და მინისტრები სიტყვით გამოდიან ანტისამთავრობო მიტინგზე და რევოლუციური მოწოდებებს აკეთებენ, ეს ნიშნავს, რომ ისინი არაფრად აგდებენ ჩვენი ქვეყნის სუვერენიტეტს და დამოუკიდებლობას. ნებისმიერ ქვეყანაში მსგავსი ქმედება უდიდესი პოლიტიკური სკანდალი იქნებოდა. მართალია, ჩვენი ქვეყანა ახლა დგამს პირველ ნაბიჯებს რეალური სუვერენიტეტის აღდგენისკენ, თუმცა სახელმწიფოსადმი ასეთი უდიერი დამოკიდებულების მოთმენა არ არის სწორი. სწორედ ამიტომ ვწერდით რამდენიმე დღის წინ გავრცელებულ წერილში, რომ ხელისუფლებას უნდა ემსჯელა, რამდენად სწორი იყო ამ ადამიანების შემოშვება ქვეყანაში. დღეს უკვე თითოეული ჩვენი მოქალაქე დარწმუნდა, რომ მართლები ვიყავით. სწორედ ამიტომ, სხვა დროს რომ აღარ განმეორდეს მსგავსი მარაზმი, რაც ევროპული ქვეყნების მინისტრების უკანონო და ანტისახელმწიფოებრივ ქმედებაში - ანტისახელისუფლებო მიტინგზე მისვლასა და იქიდან საქართველოსადმი თითის ქნევაში გამოიხატა - სხვა დროს სანამ სტუმარს კარს გავუღებთ, უფრო ყურადღებით უნდა შევისწავლოთ მათი სტუმრობის მიზანი,“ - ნათქვამია განცხადებაში.

1715693316

ალექსეი გონჩარენკო საქართველოზე: ან ექნებათ რევოლუცია, ან გახდებიან ბელორუსი 2

უკრაინული რადის ოპოზიციონერი დეპუტატი ალექსეი გონჩარენკო საქართველოში გამჭვირვალობის კანონის მიღებას ეხმაურება. შესაბამის განცხადებას ის სოციალურ ქსელში აქვეყნებს და საქართველოში მოვლენების განვითარების საკუთარ პროგნოზსაც ასაჯაროებს.„ჩემი პროგნოზი საქართველოსთვის: რა იქნება შემდეგ? „უცხოური აგენტების შესახებ“ კანონპროექტის კენჭისყრის შემდეგ, პრეზიდენტი სალომე ზურაბიშვილი ვეტოს დაადებს ამ კანონპროექტს. ამას მმართველი პარტია „ქართული ოცნება“, რომელიც ფაქტობრივად „კრემლი“ გახლავთ, დაძლევს და უკვე ამ შემოდგომაზე ექნებათ არჩევნები, მაგრამ ეს არჩევნები მხოლოდ ფორმალობაა და ამიტომაც არის შესაძლებელი რევოლუცია იქ უკვე შემოდგომაზე და ან ექნებათ რევოლუცია, ან გახდებიან ბელორუსი 2“, - წერს გონჩარენკო.  My prediction for Georgia: what will happen next?After voting on the draft law on "foreign agents", President Salome Zurabishvili vetoes this draft law. The ruling party "Georgian Dream", which in fact is the "Kremlin", will overcome it. And already this autumn they should have… pic.twitter.com/2b36Z2RZcO — Oleksiy Goncharenko (@GoncharenkoUa) May 14, 2024

1715339460

"ერის მტრები", "ნაცების მფარველები", "უსამშობლოები" - თბილისის ქუჩებში წარწერები დღესაც გამოჩნდა

"ერის მტრები", "ნაცების მფარველები", "უსამშობლოები" - თბილისის ქუჩებში ამ შინაარსის წარწერები დღესაც გამოჩნდა. არასამთავრობო ორგანიზაციების შენობებთან, საპროტესტო აქციების ორგანიზატორების, ჟურნალისტების სახლებსა და პოლიტიკური პარტიების ოფისებზე პლაკატები და ფოტოები ისევ გააკრეს."უცხოელი აგენტებით სავსე შტაბი" - ამ შინაარსი პოსტერები გააკრეს გიორგი მშვენიერაძის ორგანიზაციის ოფისის ფასადზე. "არა სოროსს" - წარწერები გაკეთებულია ღია საზოგადოება საქართველოს ოფისთანაც. ფოტოები გაკრულია ახალგაზრდა იურისტთა ასოციაციის შენობაზეც. ,"აგენტების ადგილი საქართველოში არ არის" - ასეთი წარწერებია გაკეთებული როგორც გზებზე, ასევე არასამთავრობო ორგანიზაციების ოფისების ფასადებსა და სადარბაზოებში.

1715330306

ხოშტარიას რუბლებით და რაუტბერგის ნარკოტიკებით რომ ქმნით საპროტესტო მუხტს - ამაში "ევროპა" დამანახეთ და ყველაფერს გავიგებ - ქართველიშვილი

უცხოური გავლენის გამჭვირვალობის შესახებ“ კანონპროექტის წინააღმდეგ საპროტესტო აქციაზე დააკავეს პირი, რომელიც რუსეთის მოქალაქე ანდრეი რაუტბერგია. ეს პირი პერიოდულად შემოდიოდა საქართველოში "სადახლოს" პუნქტის გავლით, - ამის შესახებ პარტია „ხალხის ძალის“ წევრი, დავით ქართველიშვილი სოციალურ ქსელში წერს.მისი თქმით, შინაგან საქმეთა სამინისტროს ინფორმაციით, რუსეთის ფედერაციის მოქალაქე ანდრეი ალექსანდრეს ძე რაუტბერგის მიმართ მიმდინარეობდა ოპერატიული საქმე, ნარკოტიკული საშუალების უკანონო შეძენა, შენახვისა და გასაღების მუხლით.„აქციების ნარკომომარაგებას რუსეთის მოქალაქე ანდრეი რაუტბერგი რომ უზრუნველყოფს - არ გიტყდებათ? თუ ნარკოტიკს, ფულისა არ იყოს - სუნი არა აქვს? ხოშტარიას რუბლებით და რაუტბერგის ნარკოტიკებით რომ ქმნით საპროტესტო მუხტს - ამაში "ევროპა" დამანახეთ და ყველაფერს გავიგებ. „ქრონიკის“ ექსკლუზივით სამართალდამცავებმა „უცხოური გავლენის გამჭვირვალობის შესახებ“ კანონპროექტის წინააღმდეგ საპროტესტო აქციაზე დააკავეს პირი, რომელიც რუსეთის მოქალაქე ანდრეი რაუტბერგია. ეს პირი პერიოდულად შემოდიოდა საქართველოში "სადახლოს" პუნქტის გავლით (2023 წლის 11 ოქტომბერს შემოვიდა და 2023 წლის 14 ოქტომბერს გავიდა; 2023 წლის 28 ოქტომბერს შემოვიდა და ამავე დღეს გავიდა; 2023 წლის 30 ოქტომბერს შემოვიდა და მას შემდეგ იმყოფება საქართველოში). შსს-ს ინფორმაციით, რუსეთის ფედერაციის მოქალაქე - ანდრეი ალექსანდრეს ძე რაუტბერგის მიმართ მიმდინარეობდა ოპერატიული საქმე, ნარკოტიკული საშუალების უკანონო შეძენა, შენახვისა და გასაღების მუხლით. სწორედ ამ საქმის ფარგლებში მიმდინარე ოპერატიული ღონისძიებების შედეგად, ანდრეი რაუტბერგი იქნა დაკავებული ერთ-ერთი აქციის მსვლელობის დროს. არა რუსულ ნარკოტიკს!“ - წერს დავით ქართველიშვილი.

1715327336

ბლოგერ უჩა აბაშიძეს ბრალს სავარაუდოდ დღეს ოფიციალურად წაუყენებენ

ბლოგერ უჩა აბაშიძეს ბრალს სავარაუდოდ დღეს ოფიციალურად წაუყენებენ. მას გამოძიება იარაღისა და საბრძოლო მასალის უკანონო შეძენა-შენახვას ედავება. შსს -ის ინფორმაციით, გამოძიების ფარგლებში, ჩატარდა საგამოძიებო მოქმედებები თბილისსა და ბათუმში, მათ შორის თბილისში, აბაშიძის ქუჩაზე, ბლოგერ უჩა აბაშიძის საცხოვრებელ ბინაში, საიდანაც სამართალდამცველებმა ჩატარებული ჩხრეკის შედეგად უკანონო ცეცხლსასროლი იარაღი და საბრძოლო მასალა ამოიღეს.შეგახსენებთ გამოძიება სხვადასხვა სამთავრობო უწყების, კერძოდ, შინაგან საქმეთა სამინისტროს, იუსტიციის სამინისტროსა და პარლამენტის ვებგვერდებზე განხორციელებული კიბერშეტევის ფაქტებზე დაიწყო, რაც კრიტიკული ინფორმაციული სისტემის სუბიექტის მიმართ ჩადენილ კომპიუტერული მონაცემის ან კომპიუტერული სისტემის ხელყოფას გულისხმობს.

1715256076

გივი თარგამაძეს ქათამივით აკლავდნენ თავიანთ „დიად რევოლუციურ გეგმებს“, ახლაც მსხვერპლი სჭირდებათ, თორემ რუსულმა მესიჯმა აღარ იმუშავა - იონათამიშვილი

პირველად იყო უმრავლესობის ლიდერზე ელისაშვილის ვირთხული თავდასხმა, ხელისუფლების წარმომადგენლების ტელეფონების საჯაროდ გამოდება, თუმცა ოპოზიციასავით ტირილი არ დაგვიწყია, გვირეკავენო, – ამის შესახებ დამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე, რატი იონათამიშვილი სოციალურ ქსელში წერს.როგორც იონათამიშვილი აღნიშნავს, სწორედ ხელისუფლების ოპონენტებმა დაიწყეს მმართველი გუნდის წევრების ტელეფონის ნომრების საჯაროდ გაზიარება, რასაც მოჰყვა უამრავი ზარი და შეტყობინება.რატი იონათამიშვილის განმარტებით, ოპოზიციას მსხვერპლი სჭირდება, ვინაიდან რუსული მესიჯი აღარ მუშაობს.„როგორ დაიწყო ჯერ ფიზიკური, შემდეგ ფსიქოლოგიური ძალადობა და ბულინგი? პირველი იყო ელისაშვილის ვირთხული, მიპარვით თავდასხმა უმრავლესობის ლიდერზე, რაც არ შეიმჩნიეს, პირიქით, შეაქეს კიდეც… სატელეფონო ზარებს რაც შეეხება, ასევე პირველი იყო ხელისუფლების წარმომადგენლების ტელეფონების საჯაროდ გამოდება, რასაც მოჰყვა ასობით ზარი და მესიჯი, თუმცა ჩვენ ოპოზიციის წარმომადგენლებივით არ დაგვიწყია ტირილი და გოდება, გვირეკავენო… სხვათა შორის, შარშან ასეთ ზარებზე მამუკა მდინარაძემ მკაცრად რომ უპასუხა, მაშინ „ტვ პირველზე“ გამოდეს, მდინარაძე გვაგინებსო, წელს – აღარ. ეტყობა, სხვა, უფრო „ვაჟკაცური“ გეგმები აქვთ. და ბოლოს გუშინდელ ძალადობებზე – ამას აუცილებლად გამოიძიებენ. სამწუხაროდ, ეს ძალიან სწრაფად არ ხდება, თუმცა პირველი გივი თარგამაძე გვახსენდება, ქათამივით რომ აკლავდნენ თავიანთ „დიად რევოლუციურ გეგმებს“. სხვა გზა არც ახლა დარჩათ, ახლაც მსხვერპლი სჭირდებათ, თორემ რუსულმა მესიჯმა აღარ იმუშავა და ხალხი აქეთ გვეუბნება, უკან არ დაიხიოთ, ეს თაღლითობა და მავნებლობა არ გაატანინოთო. ეს გვითხრა 29 აპრილს მოსულმა ორასიათასზე მეტმა ადამიანმაც“, – წერს რატი იონათამიშვილი.