1787671285

ავარია გურჯაანში - დაშავებულია ახალგაზრდა კაცი

გურჯაანის მუნიციპალიტეტში მომხდარი ავარიის შედეგად, მამაკაცი დაშავდა.შემთხვევა სოფელ ვაჩნაძიანში, ცოტა ხნის წინ მოხდა.თვითმხილველების ინფორმაციით, ერთმანეთს BMW-სა და Volkswagen-ის მარკის ავტომობილები შეეჯახა.შედეგად ახალგაზრდა მამაკაცი დაშავდა. ის მიღებული დაზიანებებით, გურჯაანის „ჯეო ჰოსპიტალსის“ კლინიკაში სასწრაფო-სამედიცინო დახმარების ბრიგადამ გადაიყვანა.მომხდარზე გამოძიება სისხლის სამართლის კოდექსის 276-ე მუხლით დაიწყო. რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

1787503452

სოფელ მანავში ავარიის დროს 5 ადამიანი დაშავდა - რა ინფორმაცია ვრცელდება ადგილიდან

5 ადამიანი დაშავდა საგარეჯოს მუნიციპალიტეტის სოფელ მანავში ავტოსაგზაო შემთხვევის შედეგად.ერთი პირის ჯანმრთელობის მდგომარეობა, მძიმეა.თვითმხილველების ინფორმაციით, ერთმანეთს ორი მსუბუქი ავტომობილი და სამარშრუტო ტაქსი შეეჯახა, რომელსაც კახეთის მიმართულებით ტურისტები გადაჰყავდა.შეჯახების შედეგად, ავარიის ერთ-ერთი ავტომობილი იქვე მდებარე მაღაზიის დახლებს დაეჯახა და დაანგრია.ყველა დაშავებული საგარეჯოს „ჯეო ჰოსპიტალსში“ გადაიყვანეს.მძიმეა ერთი დაშავებული ქალის ჯანმრთელობის მდგომარეობა. ექიმების გადაწყვეტილებით, ის კატასტროფის ბრიგადამ თბილისში გადაიყვანა.მომხდარზე გამოძიება სისხლის სამართლის კოდექსის 276-ე მუხლით დაიწყო, რაც სატრანსპორტო საშუალების მოძრაობის უსაფრთხოების, ან ექსპლუატაციის წესის დარღვევას გულისხმობს.

1786971675

მძიმე ავარიას ახალგაზრდა კაცი ემსხვერპლა - ტრაგედია სოფელ ტიბაანში

მსხვერპლით დასრულდა ავტოსაგზაო შემთხვევა სიღნაღის მუნიციპალიტეტის სოფელ ტიბაანში. ავარიას ახალგაზრდა კაცის სიცოცხლე ემსხვერპლა, სამი პირი კი დაშავდა.თვითმხილველების ინფორმაციით, მაღალი სიჩქარით მოძრავი მსუბუქი ავტომობილი ოთხ ქვეითს ერთდროულად შეეჯახა.შედეგად, სხეულის სხვადასხვა სახის დაზიანებები მიიღო სამმა მამაკაცმა, ერთი კი ადგილზე გარდაიცვალა.დაშავებულები წნორის „არქიმედეს“ კლინიკაში გადაიყვანეს. კლინიკის მენეჯერის, ოთარ რუაძის ინფორმაციით, ერთი მათგანი თბილისში აგრძელებს მკურნალობას, მეორე პაციენტს ადგილზე ჩაუტარდა ქირურგიული ოპერაცია, ხოლო კიდევ ერთის ჯანმრთელობის მდგომარეობა შედარებით მსუბუქია.გავრცელებული ინფორმაციით, მძღოლი არაფხიზელ მდგომარეობაში იმყოფებოდა და შემთხვევის ადგილიდან მიიმალა. სამართალდამცველებმა ის მალევე დააკავეს.შსს-ს ინფორმაციით, მომხდარზე გამოძიება სისხლის სამართლის კოდექსის 276-ე მუხლით მიმდინარეობს, რომელიც სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა ან ჯანმრთელობის მძიმე დაზიანება გამოიწვია.

1786825601

ვინც ეს გააკეთა, რა ჰქვია ამას... - კახეთში ოჯახს მსხმოიარე ვაზი გადაუჭრეს

„ვინც ეს გააკეთა, რა ჰქვია ამას?“- სიღნაღის მუნიციპალიტეტის სოფელ ძველ ანაგაში, ჯერჯერობით დაუდგენელმა პირებმა, კიკილაშვილების ოჯახს მსხმოიარე ვენახის ნაწილი გადაუჭრეს.ფოტოები სოციალურ ქსელში თავად ოჯახმა გამოაქვეყნა„ვინც ეს გააკეთა, რა ჰქვია ამას?“- წერს ვენახის პატრონი.ფოტოებში ჩანს, რომ ვენახის მსხმოიარე ნაწილი გადაჭრილი და დაზიანებულია.რა მიზეზით დააზიანეს ვენახი, ამ ეტაპზე უცნობია

1786460978

სოფელ ბაკურციხეში მაღაზია დააყაჩაღეს - დაკავებულია ერთი ადამიანი

გურჯაანის მუნიციპალიტეტში, შეიარაღებული მამაკაცი ქსელურ მაღაზია „ორ ნაბიჯში“ შეიჭრა.შემთხვევა სოფელ ბაკურციხეში მოხდა.თვითმხილველების ინფორმაციით, თავდამსხმელი ცეცხლსასროლი იარაღის მუქარით, თანამშრომლებისგან თანხას ითხოვდა.მაღაზიაში მყოფმა პირებმა პოლიციას შეატყობინეს. მამაკაცმა მაღაზიიდან თანხის წაღება ვერ შეძლო, თუმცა, სიგარეტისა და სხვა პროდუქციის გატაცება მაინც მოახერხა.თავდამსხმელი პოლიციამ მომხდარი შემთხვევიდან მალევე დააკავა. დაკავებული სოფელ კოლაგის მცხოვრებია.გამოძიება მომხდარ ფაქტზე, სისხლის სამართლის კოდექსის 179-ე, ყაჩაღობისა და 236-ე, ცეცხლსასროლი იარაღის მართლსაწინააღმდეგო შეძენა-შენახვა-ტარების მუხლებით დაიწყო.

1786213170

კრაზანას ნაკბენის საგანგაშო შემთხვევები - ექიმებმა თელავსა და მარტვილში ორი პაციენტის სიცოცხლე გადაარჩინეს

თელავში, კრაზანას ნაკბენის შედეგად, 70 წლის ქალს ანაფილაქსიური შოკი განუვითარდა.მძიმე მდგომარეობაში მყოფი ქალი, სასწრაფო- სამედიცინო დახმარების ბრიგადის ჩარევის შედეგად გადარჩა.პაციენტის თქმით, შემთხვევა თელავში, სტუმრად ყოფნის დროს მოხდა.„-სტუმრად ვიყავი, სადაც მიკბინა ბზიკმა და დამემართა ანაფილაქსიური შოკი. რომ არა ოპერატიული ჩარევა, ალბათ ვერ გადავრჩებოდი. მინდა მადლობა გადავუხადო თელავის სასწრაფო დახმარების ბრიგადის მორიგე ექიმს, ქალბატონ მაიას და მის გუნდს დროული დახმარების აღმოჩენისთვის.ფრთხილად იყავით, ერიდეთ ბზიკებს! სიკვდილს ჩავხედე თვალებში“, - დაწერა ქალმა სოციალურ ქსელში.კრაზანას ნაკბენი, ძირითადად იწვევს ადგილობრივ ტკივილს, სიწითლეს, შეშუპებასა და ქავილს იწვევს.ზოგ შემთხვევაში ნაკბენს ძლიერი ალერგიული რეაქციის, მათ შორის, ანაფილაქსიური შოკის გამოწვევა შეუძლია.ანაფილაქსიური შოკი, ადამიანის სიცოცხლისათვის საშიშია და სწორი სამედიცინო დახმარების გარეშე, შესაძლოა ფატალურად დასრულდეს.ანალოგიური ფაქტი მოხდა გუშინ მარტვილში/ 41 წლის ახალგაზრდა მამაკაცი, კრაზანის ნაკბენით გამოწვეულმა ანაფილაქსიურმა შოკმა კრიტიკულ მდგომარეობაში ჩააგდო, მას პულსი და წნევა დაუვარდა.სასწრაფო დახმარების ბრიგადამ ადგილზევე ხელახლა აამუშავა მისი გული, შემდეგ კი მარტვილის ცენტრალურ საავადმყოფოში ექიმმა გიორგი ხორავამ პერსონალთან ერთად რამდენიმე საათის განმავლობაში იბრძოლა მისი სიცოცხლის გადასარჩენად.მამაკაცის მდგომარეობა ამჟამად სტაბილურია, ოჯახი მადლობას უხდის სასწრაფო დახმარების ბრიგადას და სამედიცინო პერსონალს პაციენტის გადარჩენისთვის. 

1786203127

სოფელ პატარძეულში საცხოვრებელი სახლი დაიწვა - შვიდსულიანი ოჯახი ღია ცის ქვეშ დარჩა

საგარეჯოს მუნიციპალიტეტის სოფელ პატარძეულში საცხოვრებელი სახლი დაიწვა და სუხაშვილების შვიდსულიანი ოჯახი ღია ცის ქვეშ დარჩა.ოჯახის წევრებმა, რომელთა შორის ორი არასრულწლოვანია, სახლიდან გასვლა მოასწრეს.ადგილობრივების ინფორმაციით, დამწვარია საყოფაცხოვრებო ტექნიკა, ავეჯი და თავად სახლი, საცხოვრებლად აღარ გამოდგება.შემთხვევის ადგილზე მობილიზებული იყო სახანძრო-სამაშველო სამსახური.ხანძრის გამომწვევ მიზეზს შესაბამისი უწყება დაადგენს.სუხაშვილების ოჯახი დროებით საცხოვრებელ ფართს ეძებს, სადაც სახლის აღდგენამდე ცხოვრებას შეძლებს.

1786197153

2008 წლის აგვისტოს ომში დაღუპული გმირის საფლავიდან სანათები მოიპარეს

2008 წლის აგვისტოს ომში დაღუპული გმირის, პოლკოვნიკ დავით ელიზბარაშვილის საფლავიდან სანათები მოიპარეს.ფაქტი ყვარლის მუნიციპალიტეტის სოფელ შილდაში მოხდა, სადაც ელიზბარაშვილია დაკრძალული.მომხდარს ოჯახის წევრები ადასტურებენ.„თუ ასე სჭირდებოდათ, ჩემთვის ეთხოვათ, ფულს მივცემდი. აბა ეს რა საკადრებელია, "- განაცხადა დავით ელიზბარაშვილის ძმამ, ზურა ელიზბარაშვილმამომხდარს თანასოფლელებიც ეხმაურებიან და წერენ, რომ ასეთი ფაქტი სოფელსა და გმირის სახელს შეურაცხყოფს.დავით ელიზბარაშვილი საქართველოს შეიარაღებულ ძალებში მსახურობდა. ბოლოს ის, გორის ბატალიონის საინჟინრო ნაწილის გამნაღმველთა ბრიგადის მეთაური იყო.პოლკოვნიკი 37 წლის ასაკში, 2008 წლის 11 აგვისტოს, სოფელ ფხვენისთან, რუსული სამხედრო ვერტმფრენის შეტევის შედეგად დაიღუპა.დავით ელიზბარაშვილი დაჯილდოებულია ვახტანგ გორგასლის I ხარისხის ორდენით.

1786016483

თელავის ხევის მიმდებარედ 10 მეტრში აშენებული შენობების დემონტაჟი განხორციელდება

„თელავის ხევის მიმდებარედ 10 მეტრში აშენებული შენობების დემონტაჟი განხორციელდება“,- ამის შესახებ, თელავის მუნიციპალიტეტის მერმა, ვაჟა მაღრაძემ განაცხადა.მერის განმარტებით, ხევზე დაზიანებული შენობების ნაწილი დაინგრევა, მესაკუთრეები კი კომპენსაციას მიიღებენ.გადაწყვეტილება 12 ივლისის წყალდიდობის შემდეგ, მერიის დაკვეთით ჩატარებული ლევან სამხარაულის სახელობის ექსპერტიზის ეროვნული ბიუროს შესაბამისი დასკვნის შემდეგ მიიღეს.„ექსპერტიზის დასკვნაში გაანალიზებულია თითოეული შენობის მდგომარეობა, როგორც არსებული დაზიანების ხარისხი, ასევე სამომავლო პერსპექტივა. არის შენობები, სადაც სერიოზული რღვევა ფიქსირდება, მათ შორის ვიზუალურადაც ჩანს.საჭიროა, როგორც ჯებირების მოწყობა, ასევე ბეტონის საფარის აღდგენა. მერია შეხვდა ყველა დაინტერესებულ მხარეს და გააცნო ექსპერტიზის დასკვნა. პირველ ეტაპზე უნდა მოხდეს შენობების საბაზრო ღირებულების შეფასება და ამის საფუძველზე გადაწყდეს კომპენსაციის საკითხი. დემონტაჟი დაუყოვნებლივ არ დაიწყება. შესაბამისი სამსახურების, მათ შორის სამართალდამცველების დახმარებით, პირველ რიგში უნდა მოხდეს შენობების დაცლა და ამის შემდეგ დაიწყება დემონტაჟის პროცესი“, -განაცხადა ვაჟა მაღრაძემ.შეგახსენებთ, 12 ივლისს, ძლიერი წვიმის შედეგად ადიდებულმა თელავის ხევმა მნიშვნელოვანი ზიანი მიაყენა ქალაქ თელავის ნაწილს, დააზიანა ინფრასტრუქტურა, დატბორა საცხოვრებელი კორპუსები, სამედიცინო კლინიკები, მაღაზიები, დაანგრია ხევის მიმდებარე გზები და საძირკველი გამოაცალა შენობებს.

1785764082

უბედური შემთხვევა ყარაჯალაში - მამაკაცს დენმა დაარტყა და გარდაიცვალა

თელავის მუნიციპალიტეტის სოფელ ყარაჯალაში 56 წლის მამაკაცს დენმა დაარტყა და გარდაიცვალა.ადგილობრივების ინფორმაციით, მამაკაცს, ერთ-ერთმა თანასოფლელმა, დაზიანებული ელექტროგაყვანილობის შეკეთებაში დახმარება სთხოვა. მამაკაცი ელექტროგადამყვან ბოძზე ავიდა, რა დროსაც დენმა დაარტყა.გარდაცვლილის ჩამოყვანა მხოლოდ მას შემდეგ მოხერხდა, რაც ენერგოკომპანიამ სოფელს ელექტროენერგიის მიწოდება საგანგებოდ შეუწყვიტა.ფაქტზე გამოძიება 240-ე პრიმა მუხლის მე-2 ნაწილით მიმდინარეობს, რაც ელექტრო ან თბოენერგიის, გაზის, ნავთობის, ბუნებრივი წყალბადის ან ნავთობპროდუქტების ობიექტზე უსაფრთხოების წესის დარღვევას გულისხმობს, რამაც ადამიანის სიცოცხლის მოსპობა გამოიწვია.

1785661740

თელავში ძლიერი შეჯახების შემდეგ, ავტომობილები იქვე გაჩერებულ სატვირთოებს დაეჯახნენ - არიან დაშავებულები

თელავის მუნიციპალიტეტში ავტოსაგზაო შემთხვევის შედეგად სამი ადამიანი დაშავდა, მათგან ორი კლინიკაშია გადაყვანილი. შემთხვევა, გვიან ღამით, სოფელ კონდოლთან მოხდა.ერთმანეთს BMW და Opel-ის მარკის მსუბუქი ავტომობილები შეეჯახა.ძლიერი შეჯახების შემდეგ, ავტომობილები იქვე გაჩერებულ სატვირთოებს დაეჯახნენ, რამაც მთლიანობაში ოთხი სატრანსპორტო საშუალება დააზიანა.თელავის რეფერალური საავადმყოფოს მენეჯერის, ხათუნა ჭონიაშვილის ინფორმაციით, ახალგაზრდა მამაკაცს სიცოცხლესთან შეუთავსებელი დაზიანებები არ აქვს და მისი ჯანმრთელობის მდგომარეობა სტაბილურია.მეორე დაშავებული, ასაკოვანი მამაკაცი თელავის ცენტრალურ საავადმყოფოში იმყოფება და ექიმების განმარტებით, მისი მდგომარეობა სტაბილურია.ადგილზე მობილიზებული იყვნენ საპატრულო პოლიციის, საგანგებო სიტუაციების მართვის სამსახურის, სამაშველო ჯგუფებისა და სახანძრო-სამაშველო ბრიგადების თანამშრომლები.ავტოსაგზაო შემთხვევის ზუსტ მიზეზს გამოძიება დაადგენს.

1785613281

ამერიკაში ქართველი ემიგრანტი გარდაიცვალა

ამერიკაში ქართველი ემიგრანტი, 61 წლის ნანა ლაჩაშვილი გარდაიცვალა.ინფორმაციას ამის შესახებ ახლობლები და ამერიკაში მცხოვრები ქართველი ემიგრანტები ავრცელებენ.ლაჩაშვილი წარმოშობით თელავის მუნიციპალიტეტის სოფელ იყალთოდან იყო. ის წლების განმავლობაში ნიუ-იორკში, ბრუკლინში ცხოვრობდა და მუშაობდა.ახლობლები ამბობენ, რომ გარდაცვალების მიზეზი გულის შეტევა გახდა. ნანა ლაჩაშვილს რამდენიმე წლის წინ ახალგაზრდა ვაჟი გარდაეცვალა.სამგლოვიარო ცერემონია 1 აგვისტოს, ბრუკლინში გაიმართება