მარკო რუბიო: დღეს, რუსეთში ოთხ წელზე მეტი ხნის პატიმრობის შემდეგ, რობერტ გილმანი ოჯახს უბრუნდება - მადლობას ვუხდით რუსეთს სტივ უიტკოფთან თანამშრომლობისთვის, პრეზიდენტი არ გაჩერდება, სანამ უსამართლოდ დაკავებული ყველა ამერიკელი შინ არ დაბრუნდება

დღეს, რუსეთში ოთხ წელზე მეტი ხნის პატიმრობის შემდეგ, რობერტ გილმანი სახლისკენ მიემართება, რათა ოჯახს დაუბრუნდეს - გილმანი უერთდება 100-ზე მეტ ამერიკელს, რომლებიც პრეზიდენტმა ტრამპმა თავისი მეორე საპრეზიდენტო ვადის განმავლობაში გაათავისუფლა, - განაცხადა აშშ-ის სახელმწიფო მდივანმა, მარკო რუბიომ.

„ჩვენ მადლობას ვუხდით რუსეთს სტივ უიტკოფთან თანამშრომლობისთვის გილმანის გასათავისუფლებლად და იმისათვის, რომ მისცა მას საშუალება, მიიღოს აუცილებელი სამედიცინო მკურნალობა აქ, შეერთებულ შტატებში.

მიუხედავად იმისა, რომ ვაფასებთ ამ პოზიტიურ ნაბიჯს, ჩვენ კვლავ მოვითხოვთ უსამართლოდ დაკავებული ყველა სხვა ამერიკელის დაუყოვნებლივ დაბრუნებას, მათ შორის უკანონოდ დაკავებული სტივენ ჰაბარდის დაბრუნებას. პრეზიდენტი არ გაჩერდება, სანამ უსამართლოდ დაკავებული ყველა ამერიკელი შინ არ დაბრუნდება“, - დასძინა მან.