ჰყავთ თუ არა ცხოველებს მეგობრები - მკვლევრების პასუხებმა შეიძლება გაგაკვირვოთ

2020 წელს ინტერნეტში გავრცელდა მაჩვისა და კოიოტის უჩვეულო ურთიერთქმედების ვიდეო. კადრებში ჩანს ორი ცხოველი, რომლებიც შედიან წყალსაცავში, რათა გადაკვეთონ ავტომაგისტრალის ქვეშ მდებარე გვირაბი.

კოიოტი მაჩვისკენ გაემართა კუდის ქნევით, შემდეგ კი მოშორდა მას და გაჩერდა, რომ დაენახა, მიყვებოდა თუ არა მაჩვი მას. ეს ქცევა იმაზე მეტყველებს, რომ მათ შორის არის მეგობრული ურთიერთობა, მაგრამ შემდეგ ჩნდება კითხვა, შეუძლიათ თუ არა ცხოველები იყვნენ ადამიანების მეგობრები? Live Science-მა ეს თემა გამოიკვლია.

„თუ ცხოველებს შეუძლიათ შექმნან სტაბილური, გრძელვადიანი და ურთიერთსასარგებლო კავშირები - თვისებები, რომლებიც თან ახლავს ადამიანთა მეგობრობას - მაშინ ჩვენ ნამდვილად ვხედავთ მეგობრობას ცხოველთა სამეფოში", - აღნიშნავს მკვლევარი.

„ადამიანები, რომლებიც ახერხებენ ამ ძლიერი ურთიერთობების შენარჩუნებას, საბოლოოდ ცოცხლობენ უფრო დიდხანს, ჰყავთ მათი შთამომავლობა და განიცდიან ნაკლებ სტრესს, რომელიც დაკავშირებულია მეგობრობასთან. როგორც ჩანს, თუ თქვენ შეძლებთ ასეთი ურთიერთობების შენარჩუნებას, მაშინ მათ აქვთ ძალიან დიდი სარგებელი", - განმარტა მკვლევარმა.

გარდა ამისა, მეგობრობა შეიძლება იყოს იმდენად ძლიერი შიმპანზეებს შორის, რომ თუ დედა მოკვდება და მცირეწლოვან შვილს დატოვებს, მამის მეგობარს შეუძლია შთამომავლობა აიყვანოს, აღნიშნავს კროკფორდი.

ასევე, ზოგიერთ შემთხვევაში ცხოველებს შორის მეგობრობა ადამიანის ჩარევის გამო მყარდება. კატებსა და ძაღლებს, რომლებიც ერთ ოჯახში ცხოვრობენ, ხშირად მჭიდრო კავშირი აქვთ. 

მექსიკაში ლომი და ძაღლი, რომლებიც ერთად გაიზარდნენ, დარჩნენ ახლოს მას შემდეგ, რაც ორივე გადაიყვანეს ცხოველთა თავშესაფარში.