მსოფლიო • 1715059848

რაფაჰში ოპერაციის შესახებ ჯო ბაიდენსა და ბენიამინ ნეთანიაჰუს შორის მორიგი სატელეფონო საუბარი შედგა

რაფაჰში ოპერაციის შესახებ მორიგი სატელეფონო საუბარი შედგა ჯო ბაიდენსა და ბენიამინ ნეთანიაჰუს შორის, - ცნობას თეთრი სახლი ავრცელებს და იუწყება, რომ შეერთებული შტატების პრეზიდენტმა ისრაელის პრემიერ-მინისტრს მძევლების გათავისუფლების შეთანხმების მიღწევის ბოლოდროინდელი მცდელობების შესახებ აცნობა და რაფაჰში სამხედრო ოპერაციასთან დაკავშირებით თავისი პოზიცია კიდევ ერთხელ გაუმეორა.თეთრი სახლი ასევე აცხადებს, რომ სატელეფონო საუბრის შედეგად, ისრაელი კერემ შალომის გადასასვლელის თავიდან გახსნას დათანხმდა.

მსოფლიო • 1715059653

„ჰამასი“ მძევლების გაცვლასა და სამშვიდობო შეთანხმებაზე მოლაპარაკებებს წყვეტს - მედია

„ჰამასი“ მძევლების გაცვლასა და სამშვიდობო შეთანხმებაზე მოლაპარაკებებს წყვეტს, - ცნობას ლონდონში მოქმედი კატარული გამოცემა „ალ-არაბი ალ ჯადიიდი“ წყაროზე დაყრდნობით ავრცელებს და იუწყება, რომ „ჰამასი“ მოლაპარაკებებში მონაწილეობას „მედიატორთა ძალისხმევის შედეგების მიღებამდე“ წყვეტს.მანამდე კი ისრაელის მედიაში ვრცელდებოდა ცნობა, რომ „ჰამასი“ ღაზაში ცეცხლის შეწყვეტის შესახებ ეგვიპტისა და კატარის წინადადებას დათანხმდა. ისრაელის მედიაში კი აცხადებდნენ, რომ „ჰამასმა“ ის პირობები მიიღო, რომელზეც ისრაელი უარს აცხადებს.

მსოფლიო • 1715059565

ისრაელი რაფაჰზე თავდასხმებს განაგრძობს

ისრაელი რაფაჰზე თავდასხმებს განაგრძობს. ცაჰალის არმიას მიზანმიმართული იერიშები ქალაქის აღმოსავლეთ ნაწილზე მიაქვს. ომის კაბინეტის მიერ გავრცელებულ განცხადებაში აღნიშნულია, რომ მათ მიიღეს გადაწყვეტილება, გააგრძელონ რაფაჰზე თავდასხმა, რათა ზემოქმედება მოახდინონ „ჰამასზე“. მძევლების დაბრუნების ნებისმიერ გეგმაზე „ჰამასის“ უარი ისრაელს რაფაჰში ოპერაციის დაწყებას აიძულებს.„ჩვენ ძალიან სერიოზულად ვუყურებთ ყოველ საპასუხო მოქმედებას და ვცდილობთ ბოლომდე გამოვიყენოთ მძევლების გათავისუფლების მოლაპარაკების შესაძლებლობა. პარალელურად, ვაგრძელებთ ღაზის სექტორში აქტიურ მოქმედებას და ეს მოქმედება გაგრძელდება“, - განაცხადა ისრაელის არმიის წარმომადგენელმა დენიელ ჰაგარმა.

საზოგადოება • 1715057027

წყალი შეწყდება! - გადაამოწმეთ მისამართები

დედაქალაქის ზოგიერთ ქუჩას წყალმომარაგება შეეზღუდება.საბურთალოს რაიონში, მოციქულთასწორი ნინოს ქუჩის N6-თან წყალსადენის ქსელზე დაზიანების აღდგენითი სამუშაოების ჩატარების მიზნით, 06/05 20:20-დან 07/05 08:00 საათამდე წყალმომარაგება შეუწყდება:მოციქულთასწორი ნინოს ქუჩას.სამგორის რაიონში, წყალი შეუწყდათ ავარიულად ქინძმარაულის შეს. N11-თან ქსელზე დაზიანების გამო, წყალმომარაგება აღდგება 07/05-ის 03:00-საათზე. წყალმომარაგება შეუწყდა:ქინძმარაულის შესახვევი N11.

საზოგადოება • 1715056771

ყველა სახის ავტოტრანსპორტის მოძრაობა აკრძალულია! - ნახეთ, დეტალურად

გარემოს ეროვნული სააგენტოს ცნობით, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის გუდაური(ფოსტა)–კობის მონაკვეთზე ზვავსაშიშროების საფრთხის დონე მაღალია, რის გამოც აღნიშნულ მონაკვეთზე აკრძალულია ყველა სახის ავტოტრანსპორტის მოძრაობა, - ამის შესახებ ინფორმაციას საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ავრცელებს.