„ჯერ კიდევ შოკში ვარ... მითხრეს, რომ დეზერტირად ჩამთვლიდნენ“ - რუსეთის პრემიერლიგის ყოფილი ფეხბურთელი პუტინს გაექცა

ნალჩიკის "სპარტაკის" ყოფილ ნახევარმცველს, ჯაშარ ხუბიევს, უკრაინაში ე.წ. სპეციალურ სამხედრო ოპერაციაში მონაწილეობის მიღება არ უნდა და სამხრეთ კორეას თავშესაფარი სთხოვა.

31 წლის ხუბიევმა ნოემბერში დატოვა რუსეთი, რათა პრეზიდენტ ვლადიმერ პუტინის მიერ გამოცხადებულ ნაწილობრივ მობილიზაციას თავი აარიდოს. მას სამხრეთ კორეაში თავშესაფარზე უარი უთხრეს და რუსეთის სხვა ოთხ მოქალაქესთან ერთად ქალაქ ინჩხონის საერთაშორისო აეროპორტის სატრანზიტო ზონაში ცხოვრობს.

"ჩემი ორი ნაცნობი უკრაინაში დაიღუპა. მე ჯერ კიდევ შოკში ვარ. წესით, არმიაში ჩემი გამოძახების უფლება არ აქვთ, მაგრამ ნოემბერში სახლში მომაკითხეს და მითხრეს, რომ თუ რამდენიმე დღეში სამხედრო კომისარიატში არ გამოვცხადდებოდი, დეზერტირად ჩამთვლიდნენ", - განუცხადა ხუბიევმა Korea Times-ს.

რუსეთი უკრაინაში 24 თებერვალს შეიჭრა. ოკუპანტების თავდასხმები დღემდე გრძელდება.

წყარო