„ის ევროპულ ფეხბურთში ერთ-ერთი ყველაზე დაუფასებელია“ - ნაკრების რომელ ფეხბურთელზე საუბრობს სანიოლი
1725736648
თბილისის საქალაქო სასამართლოს მოსამართლემ, კობა ჩაგუნავამ, გააუქმა სახელმწიფო ინსპექტორის მიერ გამოტანილი პენიტენციური სამსახურის დაჯარიმების გადაწყვეტილება.
პენიტენციურმა სამსახურმა ინსპექტორის წინააღმდეგ სასამართლოს მას შემდეგ მიმართა, რაც ინსპექტორმა მიხეილ სააკაშვილის პერსონალური მონაცემების მოპოვების და გასაჯაროების კანონიერება შეისწავლა და უწყება, იუსტიციის სამინისტროსთან ერთად, კანონდამრღვევად ცნო.
ეს გადაწყვეტილება იუსტიციის სამინისტრომაც გაასაჩივრა და სასამართლომ ამ შემთხვევაშიც გაუქმების გადაწყვეტილება მიიღო.
7 დეკემბერს გამოქვეყნდა სახელმწიფო ინსპექტორის სამსახურის განცხადება, რომელშიც ნათქვამია, რომ სახელმწიფო ინსპექტორის გადაწყვეტილებით, საქართველოს იუსტიციის სამინისტროსა და სპეციალურ პენიტენციურ სამსახურს ადმინისტრაციული პასუხისმგებლობა დაეკისრათ, „პერსონალურ მონაცემთა დაცვის შესახებ“ საქართველოს კანონის 44-ე მუხლით გათვალისწინებული ადმინისტრაციული სამართალდარღვევის რამდენიმე ეპიზოდისთვის.