პენიტენციური სამსახური შობის დღესასწაულთან დაკავშირებით ინფორმაციას ავრცელებს

პენიტენციური სამსახური შობის დღესასწაულთან დაკავშირებით ინფორმაციას ავრცელებს.

მათი ცნობით, ​პენიტენციური დაწესებულებების ყველა მოქმედ ტაძარში საშობაო ლიტურგია ჩატარდა

„პენიტენციურ დაწესებულებებში მსჯავრდებულები შობის დღესასწაულს ტრადიციულად წირვა-ლოცვით შეხვდნენ.

მაცხოვრის შობის დღესასწაულთან დაკავშირებით სპეციალური პენიტენციური სამსახურის ტერიტორიაზე ყველა მოქმედ ტაძარში და სამლოცველოში საზეიმო წირვა-ლოცვა კოვიდრეგულაციების დაცვით ჩატარდა.

ასევე შობის დღესასწაულთან დაკავშირებით, მსჯავრდებულები, წინა წლების მსგავსად, წელსაც სრულიად საქართველოს კათოლიკოს-პატრიარქის, უწმინდესი და უნეტარესის ილია მეორის ინიციატივას შეუერთდნენ და 12:00 საათისთვის საკნების ფანჯრებში სანთლები დაანთეს“,- ნათქვამია ინფორმაციაში.