ახალციხის მუნიციპალიტეტში მცხოვრებ  მრავალშვილიან დედებს დედის დღე მიულოცეს

დღეს, 3 მარტს, ახალციხის მუნიციპალიტეტში მცხოვრებ ახალგაზრდა მრავალშვილიან დედებს დედის დღე მიულოცეს ადგილობრივი ხელისუფლების წარმომადგენლებმა.

დღესასწაულთან დაკავშირებით, მუნიციპალიტეტის მასშტაბით მცხოვრები დედები, რომლებსაც 4 და მეტი არასრულწლოვანი შვილი ჰყავს, თვითმმართველობის წარმომადგენლებმა ოჯახებში პირადად მოინახულეს, საჩუქრად ყვავილები და საოჯახო ნივთები გადასცეს.

ღონისძიება ახალციხის მუნიციპალიტეტის მერიის კულტურის სამსახურის გენდერული თანასწორობის განყოფილების ორგანიზებით მოეწყო.