„მირჩევნია, მოვკვდე, ვიდრე მტერს ჩავბარდე და დავმარცხდეო“ - მსახიობ ეთო გუგავას და უკრაინაში იბრძვის

მსახიობი ეთო გუგავა ჟურნალ „გზას“ უყვება, რომ მას უკრაინელი დედა ჰყავს, რომელიც გვარად კავჩენკოა. ქართველი მსახიობი დაიბადა ქალაქ კრივოი-როგში, საიდანაც წარმოშობით გახლავთ უკრაინის პრეზიდენტი, ვოლოდიმირ ზელენსკი.

„სამი წელი უკრაინაში ვცხოვრობდი, მერე ისე მოხდა, რომ ცხოვრება საქართველოში გავაგრძელე და საქართველოც ჩემი სამშობლოა, მაგრამ წარმოუდგენელია ვთქვა, რომ უკრაინა ჩემთვის არაფერს ნიშნავს. მე ის მიყვარს და ვამაყობ, რომ ჩემს ძარღვებში უკრაინული სისხლი ჩქეფს.

ჩემი და სამხედრო პირია. ფორმაში გამოწყობილი, დღეს ავტომატით იბრძვის, სხვა ჯარისკაცებთან ერთად. თავის ქალაქში იმყოფება. იქ ისეთი ძლიერი სროლები არაა, როგორიც კიევში. დედაჩემი და დისშვილი სახლში ან სარდაფში არიან. სხვა უკრაინელების მსგავსად, ისინიც ნერვიულობენ, ძალიან ეშინიათ, მაგრამ ჩემმა დამ მომწერა, მირჩევნია, მოვკვდე, ვიდრე მტერს ჩავბარდე და დავმარცხდეო. მისით ძალიან ვამაყობ და მიხარია, რომ ასეთი ძლიერი ადამიანია…“- ამბობს ეთო გაგუა.