1746558660

Exclusive: „იქ, ქალებისთვის ცხოვრება ძალიან რთულია...მე წამოვედი, „ჩაბრა“, ამჟამადაც, იქ არის...“ - გრიგოლ ჩაბრაძის მეუღლე, ირანში ცხოვრებასა და მათი სიყვარულის ისტორიაზე

საქართველოს ნაკრებისა და ბათუმის „დინამოს“ მცველი გრიგოლ ჩაბრაძე კარიერას ირანში, „ზობ აჰანიი“ უკვე მეორე წელია აგრძელებს. ის ირანულ კლუბში თავისუფალი აგენტის სტატუსით ჩაირიცხა.ჩაბრაძე „საბურთალოს“ აღზრდილია და თბილისურ გუნდში 2013–2019 წლებში თამაშობდა. 2020 წელს იჯარით „თელავში“ გადავიდა, 2021 წლის იანვრში კი – ბათუმის „დინამოში“. იყო საქართველოს 17, 19 და 21-წლამდე ფეხბურთელთა ნაკრების წევრი.ქვეყნის ეროვნულ ნაკრებში, პირველად 2021 წლის 25 მარტს, შვედეთის ეროვნული გუნდის წინააღმდეგ მსოფლიო ჩემპიონატის საკვალიფიკაციო შეხვედრაში ითამაშა. მას შემდეგ „ჯვაროსნების“ რიგებში ცხრა მატჩი ჩაატარა.გრიგოლ ჩაბრაძეს ჰყავს მეუღლე, ნუცა ბატკუაშვილი, რომელიც მათ სიყვარულსა და ირანში ცხოვრებაზე „პრაიმტაიმს“ ესაუბრა.- ნუცა, თქვენზე მოგვიყევით, რას საქმიანობთ?- მაქვს ჩემი პირადი პატარა ბიზნესები, ახლო მომავალში ვაპირებ გაფართოებას და „ბიუთი“ სივრცის შექმნას. - როგორ გაიცანით ერთმანეთი?- ერთმანეთს სკოლიდან ვიცნობდით, ჩემი მეგობრის მეგობარი იყო. ერთხელ შემომთავაზა მეგობარმა, რომ გავყოლოდი ნაკრების 21-წლამდელთა თამაშზე, სწორედ იქ გადავეკვეთეთ ისევ ერთმანეთს და იქიდან დაიწყო ყველაფერი. უკვე 5 წელია, რაც ქორწინებაში ვართ, 5 წელი შეყვარებულები ვიყავით. - გრიგოლის თვისებებზეც მოგვიყევით.- ვიტყვი, რომ ძალიან გამიმართლა მასში, "ჩაბრას" იცნობენ ჯერ როგორც ადამიანს და შემდეგ სპორტსმენს. უზომოდ კეთილი და ჰუმანური ადამიანია. ყველას ეხმარება როგორც შეუძლია. - ძნელია ფეხბურთელის ცოლობა?- ძალიან რთულია ფეხბურთელის ცოლობა, რადგან მუდმივად მასზე ხარ დამოკიდებული  და არ იცი სად მოგიწევს ცხოვრება, მაგრამ ნელ-ნელა ამ ყველაფერს ეგუები. - ნუცა, როგორც ვიცი ირანში ცხოვრობდი , მოგვიყევი იქაურ ცხოვრებაზე - ძალიან ისტორიული და ძველი ქალაქია, სადაც ვცხოვრობდით. "ჩაბრა" ამჟამადაც იქ არის. ქალებისთვის იქ ცხოვრება ძალიან რთულია. ქალები შებოჭილები არიან. ჩემთვის ამ ყველაფრის გადატანა და გააზრება რთული იყო. 1 წელი ვიცხოვრე იქ და ბოლოს მივიღე გადაწყვეტილება ჩამოვსულიყავი დედაქალაქში. იქ კონტაქტიც უჭირთ, რადგან არ იციან ინგლისური, თუმცა მინდა აღვნიშნო, რომ სტუმარმასპინძლობა უყვართ.  

1732221132

„ხელფასები 1 000-დან 2 000 ლარამდე...“ - დედაქალაქის მერია 400-მდე ვაკანსიას აცხადებს

დედაქალაქის მერია 400-მდე ვაკანსიას აცხადებს. ამის შესახებ თბილისის მერმა კახა კალაძემ დედაქალაქის მთავრობის სხდომაზე განაცხადა.მისი ინფორმაციითვე, საუბარია შპს „თბილსერვის ჯგუფში“ არსებულ ვაკანსიებზე.„მინდა, მოგაწოდოთ ინფორმაცია ვაკანსიების შესახებ. თბილისის მერიის შპს „თბილსერვის ჯგუფს“ აქვს ვაკანსიები. არის როგორც დასუფთავების, ისე სანიაღვრე და გარე განათების ქსელის მიმართულებით.საერთო ჯამში, სხვადასხვა პოზიციაზე 398 ადამიანის დასაქმება არის შესაძლებელი. 90% დასუფთავების დეპარტამენტზე მოდის, მათ შორის სპეცტექნიკის 60-მდე მძღოლის პოზიცია.რაც შეეხება ანაზღაურების ოდენობას, ხელფასები 1000-დან 2000 ლარამდე მერყეობს. „თბილსერვისში“ დასაქმების მსურველებს შეუძლიათ მიმართონ კომპანიის ოფისებს. მართლაც გვიჭირს დიდ მანქანებზე, სპეცტექნიკაზე, მძღოლების პრობლემაა და ამ მიმართულებით, 400-მდე ადამიანის მიღება შეგვიძლია“, - აღნიშნა კალაძემ.

1728663681

ანასტასია ბენდუქიძე მალე მეორე შვილის დედა გახდება - ნახეთ, უსაყვარლესი კადრები

ანასტასია ბენდუქიძე მალე მეორე შვილის დედა გახდება.ანასტასია ბენდუქიძე და ბიზნესმენი ივანე მხეიძე დღე დღეზე გოგონას დაბადებას ელოდებიან.„ერთ ნაბიჯს გადადგამ და ისე გამოიყურები, თითქოს საზამთრო გადაყლაპე…“ – წერს სოციალურ ქსელში ანასტასია და ფოტოებს გვიზიარებს.

1728486665

ვირუსების სეზონი ახლოვდება - ყველაფერი გრიპის ვაქცინის შესახებ

ოქტომბრის ბოლოდან, რესპირატორული ვირუსების სეზონი იწყება. გრიპის ვირუსი, ჩვეულებრივ, ჰაერის საშუალებით ვრცელდება, დახველების ან დაცემინებისას, ასევე, დაბინძურებული ხელებით. ადამიანებმა, შესაძლებელია, გაავრცელონ გრიპის ვირუსი, ჯერ კიდევ მანამდე, სანამ გაიგებენ, რომ ავად არიან.როგორც წესი, ვირუსის შემთხვევების უმეტესობა გამოჯანმრთელებით მთავრდება, თუმცა, გრიპი, ზოგ შემთხვევაში, შესაძლებელია, გართულდეს, უფრო იშვიათად კი - გამოიწვიოს ლეტალური შედეგიც კი.ასევე, ნახეთ: ყველაფერი გრიპის შესახებ - როგორ დავადგინოთ, რა ტიპის ვირუსი გვაქვს და როგორ მოვიქცეთ, რომ იოლად გადავიტანოთგრიპის ვირუსს, შეუძლია ნებისმიერი ასაკის ადამიანი დააინფიციროს, თუმცა განსაკუთრებით სიფრთხილე, მაინც ბავშვებშია საჭირო. ადამიანებს ვირუსისგან დაცვა, გრიპის საწინააღმდეგო ვაქცინით შეუძლიათ.ვრცლად, ამ თემაზე, ინფექციონისტი, ალექსანდრე გოგინავა „პრაიმტაიმს“ ესაუბრება: „გრიპი, ეს არის, მწვავე რესპირაციული ინფექცია, რომელსაც ახასიათებს აგრესიული მიმდინარეობა, ცხელებით, სისუსტით და აქედან გამომდინარე, დაავადების პრევენციისთვის სხვადასხვა საშუალებები არსებობს, მათ შორის, ყველაზე ეფექტურია ვაქცინაცია, რომელიც გვიცავს დაავადების მძიმე მიმდინარეობისგან. როდის უნდა ჩავიტაროთ გრიპის ვაქცინა? რაც შეეხება ამ თემას, ზოგადად გრიპი, შეიძლება შეგვხვდეს ყველა სეზონზე, თუმცა ძირითადი შემთხვევები, გვხვდება გვიან შემოდგომაზე, ზამთარში და ადრეულ გაზაფხულზე, აქედან გამომდინარე, პრევენციული ღონისძიებები, უნდა ჩატარდეს ოქტომბრის პერიოდში.უპირველეს ყოვლისა, აღვნიშნავ, რომ გრიპის ვაქცინა, შეუძლია გაიკეთოს ყველამ, თუმცა პრიორიტეტული არიან რისკჯგუფში, 2-დან 5 წლამდე ბავშვები, ასაკოვანი ადამიანები, ქრონიკული დაავადებებით, ორსულები, ასევე ადამიანები ვისაც აქვს იმუნოდეფიციტი. მათთვის მნიშვნელოვანია გრიპის საწინააღმდეგო ვაქცინის ჩატარება, რადგან ამ კატეგორიაში, შედარებით მაღალია დაავადების მძიმე მიმდინარეობა. ვაქცინაციისთვის, რაიმე სპეციფიკური მომზადება, ადამიანს არ სჭირდება, უბრალოდ, თუ მას, წინა ვაქცინების დროს განუვითარდა რაიმე სახის ალერგია, ასეთ დროს მნიშვნელოვანია, რომ მან მიმართოს ექიმს, რომელიც შეაფასებს მის მდგომარეობას. უნდა აღინიშნოს, რომ როდესაც ვაქცინას ვიკეთებთ, უცებ დაცულები არ ვართ, დაახლოებით, 2 კვირაა საჭირო სრულფასოვანი იმუნიტეტის ჩამოსაყალიბებლად და ამ პერიოდში თავდაცვა, უნდა მოვერიდოთ ხალხმრავალ ადგილებს. ამიტომაცაა აუცილებელი, რომ სანამ გრიპის სეზონი დაიწყება, იქამდე მოხდეს ვაქცინაცია“,- თქვა „პრაიმტაიმთან“ ალექსანდრე გოგინავამ.  

1727794011

„მისი გული ბევრ დარდს და ტკივილს იტევდა...“ - გენიალური გოდერძი ჩოხელი 70 წლის გახდებოდა

შემოდგომა გენიალური მწერლის და კინორეჟისორის, გოდერძი ჩოხელის დროა. 1954 წლის 2 ოქტომბერს, ის დუშეთის რაიონის სოფელ ჩოხში დაიბადა. მას მოიხსენიებენ კაცად, რომელიც სამყაროს მანათობელი და სინდისია.მისი ხსოვნისადმი მიძღვნილი საღამო ჩოხში იმართება. ამ დღეს იკრიბება ყველა, ვინც იცნობდა და ვისაც მოგონებები აკავშირებს გოდერძისთან. გოდერძი, 2007 წლის 16 ნოემბერს გარდაიცვალა, გულის უკმარისობით 53 წლის ასაკში.გუდამაყრელ მწერალს, გარდაცვალებიდან 17 წლის შემდეგ, პოეტი, მარიამ წიკლაური იხსენებს. "გოდერძი ჩოხელი, პირადად გავიცანი, როგორც გამომცემლობა „ბაკმის“ რედაქტორმა, როცა მას სახლში ვეწვიეთ. იმ წლებში, 90-იანების ბოლოს,დიდხნიანი პაუზის შემდეგ, გოდერძის გამოცემა გადაწყვიტა გამომცემლობამ, სერიაში, „თანამედროვე ქართული მწერლობა“. კრებულის სათაური იყო „სულეთის კიდობანი“. ეს ნაწარმოები მის რომანებში ერთ-ერთი გამორჩეული ნაწარმოებია. გოდერძი ჩოხელი პირველივე პუბლიკაციებით გამორჩეული ავტორი იყო. ამდენი წლის მერეც, ახალ ათასწლეულშიც,მის პროზას არ დაუკარგავს თავდაპირველი პეწი დამშვენიერება, ღრმა სულიერი ფასეულობები. და გამორჩეულ ავტორადაც დარჩება.გოდერძი დედით წიკლაური იყო, ჩემს შესახებაც იცოდა შეხვედრამდე და გავიხარეთ ერთმანეთის ნახვით.საოცარი თავმდაბლობა ახასიათებდა ურთიერთობაში.ცხადია,მისთვის ნებისმიერი ქართველი ძვირფასი იყო. პირველი შეხვედრისას მაჩუქა წიგნი, „თევზის წერილები“ და დააწერა: ჩემსდედის ძმისშვილს, მაია წიკლაურს. ამ კრებულს და ავტოგრაფს ვინახავ , როგორც უძვირფასეს რელიქვიას.გოდერძის შემოქმედება მიყვარს, ის სულიერი ღირებულებები და ფასეულობები, რასაც გოდერძის ლიტერატურა  ატარებს, ეს არის მშვენება ქართული ლიტერატურისა და ზოგად საკაცობრიოცაა ,ამავდროულად. ცხადია მისი ფესვი, დიდი ქართული ტრადიციებიდან მომდინარეობდა, ქართული ფოლკლორიდანაც, ქართული სოფლის ყოფიდანაც. მისი სუფთა, შეურყვნელი , მართალი და სარწმუნოებრივი სიტყვიერების გამო ერგო იმგვარი სიყვარული, რომელიც მწერალს იშვიათად ერგება ხოლმე. რჩეულთა შორისაა. მე რომ მკითხოთ, გოდერძი ჩოხელის ლიტერატურა, სკოლებში უხვად უნდა ისწავლებოდეს.ცრემლი გინდა თუ სიცილი, ტკივილი, ფილოსოფიური აზრი, ეროვნული, ადამიანური - ყველაფერია მის ნაწარმოებში. მიყვარს მისი სევდა, მისი ფიქრი სიკვდილზე, საიქავ-სააქაოს ერთიანობაზე...თავად იყო დარდების შემგროვებელი, დაეძებდა დარდებს, არ გაურბოდა მათ და თვალს არ უხუჭავდა იმ ტკივილებს, რასაც ადამიანი დაატარებს. მას, როგორც კარგ შემოქმედს ჰქონდა, ინტუიციური დამოკიდებულება მოვლენებისადმი სამყაროში.  შიშველი ნერვით გრძნობდა ყველა ტკივილს და გულზე გაუდიოდა ყველაფერი, რაც საქართველოს თავს ტრიალებდა. მისი პროზა არის, ძალიან ძვირფასი მემკვიდრეობა ქართული ლიტერატურისთვის. მის შემოქმედებას მიეძღვნა სამეცნიერო კონფერენცია მიეძღვნა, მინიატურების კონკურსი დაარსდა მისი სახელობის, მასზე წიგნები გამოიცა, ითარგმნა თავად მისი შემოქმედება და უამრავი  რამ გაკეთდა. გუდამაყარში, მისი სახელობის მემორიალური მუზეუმიცაა. ძალიან ადრე განეშორა ამ ქვეყანას. მისი გული, ბევრ დარდს და ტკივილს იტევდა, ამ ყველაფერმა მას ჯანმრთელობა შეურყია, მაგრამ რაც დატოვა, ეს არის ადამიანისთვის ძალიან დიდი ნუგეში. თანამედროვე ადამიანი მწირი სულიერი საკვებს იღებს, გოდერძი ჩოხელის მსგავსი ლიტერატურა კი ყუათს მატებს ამ საკვებს. როცა არ უნდა წაიკითხო გოდერძის მოთხრობები,ნოველები, რომანები, მუდამ გულზე გედება და გაღელვებს.ყველაზე ბედნიერი მომენტი იყო, როცა გადავწყვიტეთ, რომ გამოგვეცა, პირველი, გოდერძი ჩოხელის მოთხრობები ბავშვებისთვის გამომცემლობა „გორგაში“.  იგი ბავშვებისთვის  არ წერდა, მაგრამ ვიმუშავეთ ფსიქოლოგებთან ერთად და გამოვეცით პირველი კრებული ბავშვებისთვის „დამიბრუნეთ ჩემი ირმები“. ბედნიერი ვარ ამ ფაქტით, რომ ეს გავაკეთეთ“,- თქვა პოეტმა, მარიამ წიკლაურმა “პრაიმტაიმთან“.ამონარიდები გოდერძი ჩოხელის ნაწარმოებებიდან:ნაწარმოებიდან თევზის წერილები. “რა არის სიკვდილი? – ზოგისთვის წამი, ზოგისთვის მთელი ცხოვრება.ზოგი დაბადებიდანვე გრძნობს თანდაყოლილ სიკვდილს და მანამდე აწვალებს მისი შიში,მანამ სულ–ხორცი არ გაეყრება ერთიმეორეს”.ნაწარმოებიდან წითელი მგელი “ხშირად გარბიან ადამიანები იქიდან სადაც სიკვდილი ეგულება და იქით კი მირბიან,სადაც სინამდვილეში ელოდება ის”.ნაწარმოებიდან წითელი მგელი “სადაც სული წმინდა ფეხს ვერ იკიდებს, იქ იმ წუთში მგელი ჩასახლდება, მერე ეს მგელი ცდილობს საზოგადოებას კრავად მოაჩვენოს თავი. მგლებს ხომ კანონები უყვართ, ჰოდა ეს „კრავიც“ კანონებს ეფარება, კანონების ციხესიმაგრეში ცხოვრობს. ცხოვრებას შეჭიდებულ კაცს კი სადაც ფეხი დაუცდება იქ წამოეწევა ხოლმე და იმ კანონის ძალით სისხლს გამოსწოვს.”

1727286877

"შეურაცხყოფაც ამიტანია..." - ექსკლუზიური ინტერვიუ გოგოსთან, რომელიც იუმორისტული ვიდეოებით გაიცნეს, ახლა კი წარმატებული წამყვანია

„პრაიმტაიმი“ მოგიყვებათ გოგონას შესახებ, რომელიც საზოგადოებამ ჯერ კიდევ წლების წინ, „მაგული კორთხონჯიას“ სახელი და გვარით გაიცნო.ემილი საზოგადოებამ  ჯერ კიდევ, იუმორისტული ვიდეოებით გაიცნო, რომლებსაც მილიონობით ნახვა აქვს.  ახლა კი, ერთ-ერთი მოთხოვნადი წამყვანია და მას, ბოლო 2 წლის განმავლობაში, 200-ზე მეტი ქორწილი აქვს წაყვანილი. ამბობს, რომ ეს დიდი პასუხისმგებლობაა და ამ ყველაფერს, დიდი შრომა სჭირდება. ემილის, წამყვანობა სულ უნდოდა. ბავშვობაში კი ჟურნალისტობაზე ოცნებობდა. 2016 წელს მოხვდა კარაოკეში და აღმოაჩინა, რომ ღონისძიების წამყვანობა მისი ერთ-ერთი პროფესია უნდა გამხდარიყო. მოდით, სულ თავიდან დავიწყოთ... - „მაგული“, რომ გავიხსენო, ეს იყო 2015 წელს, ერთ მშვენიერ საღამოს მე და ჩემი და ვაკეთებდით ჩემი მეზობლის პაროდიას, ეს ჩემი მეზობელი იყო უსაყვარლესი ქალი, რომელმაც ნაწილობრივ გამზარდა. ზოგადად მეგრული, რომ ვიცი მისი დამსახურებაა. ერთ საღამოს ვაკეთებდი მის პაროდიას და ჩემმა დამ გადაიღო ვიდეო, რომელსაც ერთ დღეში ნახევარი მილიონი ნახვა ჰქონდა და შემდეგ წამოვიდა „მაგულის“ სერიები და გვარიც შევურჩიე (კორთხონჯია). ცოტა ხნის წინ, აღმოვაჩინე, მაგული კაცი რომ ყოფილიყო, გელა ბარკალაია იქნებოდა (იცინის). 2016 წლიდან დავიწყე მუშაობა ორ ადგილას, ღამეს ვათევდი, ფაქტობრივად არ მეძინა. სასტუმროში მუშაობის შემდეგ, კარაოკეში წამყვანად მივდიოდი... ვიყავი გაძლებაზე, რადგან კვირაში მხოლოდ, ერთი დღე ვახერხებდი გამოძინებას. ასე ვიმუშავე 2019 წლამდე, ერთ დღეს, მეგობარმა მთხოვა, რომ ქორწილში უნდათ წამყვანიო და იქ წავედი პირველად, დიდად ქორწილები არ მიყვარდა, ბიძაშვილის ქორწილშიც არ ვარ ნამყოფი. ეს იყო ერთგვარი გამოწვევა, რადგან არ ვიცოდი არაფერი, რა როგორ უნდა გამეკეთებინა, ამ დროს პირველი ჰონორარი ავიღე 300 ლარი. მეორე ქორწილი, უკვე გიორგი გასვიანთან ერთად წავიყვანე და უფრო გამიმარტივდა. აქედან დაიწყო და დაიწყო. ძალიან  მიხარია, ის, რომ არავისგან არაფერი გადმომიღია, რასაც ვაკეთებ, ყველაფერი ჩემით. სულ ამერიკულ და ევროპულ საიტებზე ვუყურებდი და ჩვენს რეალობას ვარგებდი. თავიდანვე მარტო ვიყავი და კარგია, რომ ასე მოხდა. ძირითადად, ვაკეთებ ისე, რომ ვწერ სცენარს, როდის შემოგვყავს წყვილი, რა მუსიკაზე და ა.შ. ამიტომაცაა, რომ თითოეული ქორწილისთვის მოსამზადებლად, იქნება ეს სცენარის წერა, რეკვიზიტების მოძიება, მუსიკალური ფონების შერჩევა თუ სხვა დეტალები, 5-დან 8 საათამდე მჭირდება. როდესაც წყვილს ვხვდები, ვეკითხები სტუმრების ვინაობას,  ასაკობრივ სხვაობას. ყველას უნდა მაინც ბუნებრიობა და მხიარულება. ძალიან მიყვარს ეს საქმე. რა რისკებია ამ პროფესიაში?- მაგალითად, მთვრალი ადამიანები, 500 კაციან ქორწილში, მინიმუმ, 20 ადამიანი, მოდის და გეუბნება, რომ რაც მას უნდა, ის სიმღერა ჩაურთო. ერთ ადამიანს, მაინც რომ შეუსრულო თხოვნა, ჩათვალე, რომ ქორწილი გაგექცა. ზოგჯერ, ყოფილა, რომ ფიზიკურადაც შემხებია ვიღაც, შეურაცხყოფაც ამიტანია, ყოფილა შემთხვევა, რომ ვიღაცა მთვრალს მოუყვენებია შეურაცხყოფა და ამიტანია. გაცნობის მიზნითაც მოდიან და ეს ყველაზე მარტივი შემთხვევაა. თამადებზეც მინდა ვთქვა, რომ მათთან ერთად მე პრობლემა არ შემქმნია, პირიქით უკვე ერთმანეთს ვუთანხმებთ და მეც ვიცი, რომ ქართული სუფრა მდიდარია სადღეგრძელოებით. თითო სადღეგრძელოს აქვს 3-4 წუთი, თუ გადააჭარბა, ვცდილობ ხელი შევუწყო და მოვერგო მას. ბოლო დროს თვითონაც მერგებიან. გეტყვით, რომ მომსახურება, თანხობრივადაც ძალიან ხელმისაწვდომია, რა ფასიცაა ბაზარზე იმაზე დაბალი. ბევრჯერ გამიკეთებია ფასდაკლება და რამდენიმეჯერ უფასოდაც წამიყვანია ქორწილი.ყველაზე მეტად მომწონს, როდესაც ქორწილების ჯგუფებში მნიშნავენ და მადლობლები არიან. სულ ვამბობ, რომ მადლობისთვის ვმუშაობ. დაახლოებით რამდენი ქორწილი წაგიყვანიათ?200-ზე მეტი ქორწილი წამიყვანია, სხვა ღონისძიებები რომ არ ჩავთვალო. 

1724829081

ძლიერი ტაიფუნი და მეწყერი იაპონიაში - ამ დრომდე 3 დაკარგულს ეძებენ

იაპონიაში ძლიერმა ტაიფუნმა წყალდიდობა და მეწყერი გამოიწვია. განსაკუთრებული ზიანი მიადგა კუნძულ კიუშუს.ამ დრომდე ეძებენ 3 დაკარგულს. ადგილობრივმა მთავრობამ ათასობით ადამიანის ევაკუაციის ბრძანება გასცა. სტიქიის ზონაში გაუქმებულია, როგორც შიდა, ისე საერთაშორისო ავია რეისები.

1722400381

ინდოეთში მეწყრის ჩამოწოლის შედეგად დაღუპულთა რაოდენობამ 120-ს გადააჭარბა

ინდოეთში, კერალას შტატში მეწყრის შედეგად სულ მცირე 123 ადამიანი დაიღუპა. ამის შესახებ BBC წერს.გამოცემის ინფორმაციით, ასამდე ადამიანი ამ დრომდე მიწის მასის ქვეშ რჩება. მაშველები მათ გადარჩენას ცდილობენ, თუმცა მათ წვიმა და ცუდი ამინდი უშლით ხელს.მეწყერი კერალაში გუშინ ჩამოწვა, როდესაც მოსახლეობის უმეტესობას ეძინა. შტატის მთავრობაში შიშობენ, რომ მსხვერპლის რიცხვი გაიზრდება.

1719447104

ხვიჩა კვარაცხელია - ბედნიერები ვართ, რონალდოს მაისურიც მაქვს და შემდეგ ეტაპზეც გავედით

საქართველოს ეროვნულმა ნაკრებმა ისტორიულ გამარჯვებას მიაღწია. ვილი სანიოლის გაწვრთნილმა გუნდმა ევრო 2024-ის ჯგუფური ეტაპის მესამე ტურის შეხვედრაში პორტუგალია 2:0 დაამარცხა და მერვედფინალში გავიდა.პორტუგალიის ნაკრების ძირითად შემადგენლობაში თამაშობდა „ოქროს ბურთის“ ხუთგზის გამარჯვებული კრისტიანო რონალდო, რომელსაც მატჩის შემდეგ მაისური ხვიჩა კვარაცხელიამ გაუცვალა.საქართველოს ნაკრების ერთ-ერთმა ლიდერმა პრესკონფერენციაზე ეს ფაქტიც აღნიშნა და ამ გამარჯვების მნიშვნელობაზეც ისაუბრა.„ბედნიერები ვართ, რონალდოს მაისურიც მაქვს და შემდეგ ეტაპზეც გავედით. დღეს საუკეთესო დღეა ჩვენს ქართულ ცხოვრებაში, ისტორიის ახალი ფურცელი დავწერეთ. ალბათ, არავის ეგონა, რომ ჩვენ დღეს ჯგუფიდან გავიდოდით, მაგრამ ამიტომ ვართ ძლიერი ნაკრები. ყველაფრის გაკეთება შესაძლებელია. სადაც ერთი პროცენტი არის შანსი, ყველაფერს შეძლებ. ეს დავაზუსტეთ და ჩვენი ძალა ყველას ვაჩვენეთ.ვერ წარმოვიდგენდი, რაც რონალდოსთან მოხდა. თამაშამდე მოვიდა და წარმატებები მისურვა. ის დიდი ფეხბურთელი და პიროვნებაა. იტალიის ჩემპიონობით ძალიან ბედნიერი ვიყავი, მაგრამ ეს წარმატება უფრო მეტია“, – განაცხადა კვარაცხელიამ.შეგახსენებთ, რომ „ნაპოლისა“ და საქართველოს ნაკრების თავდამსხმელი ხვიჩა კვარაცხელია პორტუგალიასთან მატჩში საუკეთესო ფეხბურთელად დაასახელეს.

1719414831

„მაგნიტურ გამოსხივებას ერიდეთ, ეს ძალიან ბევრ ადამიანზე იმოქმედებს...“ გოგა მანიას ახალი წინასწარმეტყველება

ეზოთერიკოსი, გოგა მანია, ახალ წინასწარმეტყველებაზე „პრაიმტაიმთან“ საუბრობს:მისი თქმით, საქართველოში შიდა არეულობა მოხდება. „შიდა არეულობა მოხდება საქართველოში წლის ბოლომდე და შემდეგ, უკვე ყველაფერი ლაგდება. იქნება ორი ვერტმფრენის ჩამოვარდნა.მაგნიტურ გამოსხივებას ერიდეთ, ეს ძალიან ბევრ ადამიანზე იმოქმედებს, განსაკუთრებით წელს. საქართველოში, ამ დოზით გარდაცვლილი,  არასდროს არ ყოფილა. წელს პიკს მიაღწევს და ერიდეთ, არ იყოთ მზეზე დიდხანს.გოგა,თქვენ რამდენი კვირის წინ, ივარაუდეთ ზუსტად ის, რაც გუშინ კახეთში მოხდა.„წლის ბოლომდე, ორი სამი მსგავსი შემთხვევა მოხდება. დაემატება მიწისძვრები და წყალმოვარდნები, მიუხედავად ძლიერი სიცხისა. ამას ემატება ცეცხლის სხვადასხვა კერები, ბენზინგასამართ სადგურთან აფეთქება. ის ტორნადო რაც მოხდა გუშინ კახეთში, ეს აუცილებლად გამეორდება“.

1719290204

“სეტყვა, ზღვაზე 3-4 ბალიანი შტორმული ღელვა“ - ამინდი მკვეთრად იცვლება

გარემოს სააგენტოს განახლებული პროგნოზი:„25 ივნისის დღის ბოლოდან 26 ივნისის დღის ბოლომდე საქართველოში მოსალოდნელია დროგამოშვებით წვიმა ელჭექით, ზოგან ძლიერი, დასავლეთის მიმართულების ძლიერი ქარი, შესაძლებელია სეტყვა, ზღვაზე 3-4 ბალიანი შტორმული ღელვა.მოსალოდნელმა ნალექებმა საქართველოს მდინარეებზე შესაძლებელია წყლის დონის მნიშვნელოვანი მატება, პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს. (საფრთხის დონე საშუალო)“. 

1719257914

Exclusive: პირველი ქორწინება 16 წლის ასაკში და დაოჯახება მეორედ - რას უმხელს მკითხველს წლის პატარძალი, რომლის ქორწილმაც სოცქსელი მოიცვა

სოციალური ქსელი ქუთაისში, გრანდიოზულ ქორწილში გადაღებული კადრებით აჭრელდა. ქორწილმა, არა მხოლოდ საქართველო, არამედ, ევროპული მედიაც აალაპარაკა. ქორწილის მთავარი გმირი, მშვენიერი გოგონა, სახელად მაკო ყაველაშვილია. მან, უკვე ბევრი კომპლიმენტი დაიმსახურა საზოგადოებისგან, თუმცა, არ აკლდა კრიტიკოსებიც. მაკო, ჯერ მარტო,ქორწილში გადახდილი თანხის გამო გააკრიტიკეს. ბევრი რომ არ გავაგრძელო, მინდა, „პრაიმტაიმის“ მკითხველს, უკეთ გავაცნო, წლის გრანდიოზული ქორწილის მთავარი გმირი.- მაკო, უპირველეს ყოვლისა, თქვენს თავზე მოგვიყევით. ვინ არის მაკო და რას საქმიანობს. მაკო ყაველაშვილი, არის ერთი უბრალო, მშრომელი ოჯახიდან, თავადაც უბრალო, მშრომელი და მიზანდასახული. ამ ეტაპზე, ვარ დაკავებული პირადი ბიზნესით, მაქვს ტანსაცმლის მაღაზია, რომელშიც სრულიად ვარ ჩართული, თავიდან ბოლომდე. ასე რომ ვთქვათ, კურიერიც ვარ, კონსულტატიც, ონლაინ ოპერატორიც და უფროსიც, ყველა პასუხისმგებლობა მაქვს ჩემს თავზე აღებული, მაგრამ აქამდე, რომ მოვსულიყავი და ეს ყველაფერი შემექმნა, ძალიან ბევრი ვიშრომე, ძალიან ბევრ სფეროში. 17 წლიდან, არცერთი დღე, არ ყოფილა ჩემს ცხოვრებაში ისეთი, რომ არ მემუშაოს.- პირველი ქორწინება 16 წლის ასაკში და რჩევა მომავალ თაობას… რას ეტყოდით პატარა მაკოს ახლა. 16 წლის ასაკში, ჩემი ეს გადადგმული ნაბიჯი და გადაწყვეტილება, იყო ძალიან ბავშვური და ნაჩქარევი, მაგრამ ძალიან დიდი გამოცდილებაც. თუ რამეს ახლა წარმოვადგენ და რაიმე მიზანი დამისახავს ცხოვრებაში, თითქმის, ყველაფერი მაგ დროიდან მოდის. ეგ ნაბიჯი, რომ არ გადამედგა, პირველ რიგში, არ მეყოლებოდა ცხოვრების მთავარი სტიმული, ჩემი პირველი შვილი, ნინი და მეორე ის, რომ შეიძლებოდა ვერ ჩამოვყალიბებულიყავი, ისეთ ძლიერ ქალად და კარგ ადამიანად, როგორიც ახლა ვარ. მაშინდელმა გამოცდილებამ, მასწავლა ბევრი უმნიშვნელო წვრილმანის დაფასება ცხოვრებაში და ახალ თაობას ვურჩევ იმას, რომ რა გადაწყვეტილებაც არ უნდა მიიღონ ცხოვრებაში, ყოველთვის იცოდნენ თავის თავის ფასი და ის, რომ აუცილებელია, ქალი იყოს დამოუკიდებელი, ძლიერი, პირველ რიგში, შინაგანად და ამის ფონზე ისინი აუცილებლად, პირად ურთიერთობაშიც თავს იგრძნობენ კომფორტულად. სათანადოდ გადაანაწილებენ დროს, ენერგიას და ყურადღებას თავისი საქმის და ასევე საყვარელი ადამიანის მიმართ. - თქვენი და თქვენი მეუღლის სიყვარულის ისტორია. როგორ გაიცანით ერთმანეთი.პირველ რიგში, მინდა, მადლობა გადაუხადო უფალს და ცხოვრებას, იმ დღისთვის, როდესაც ჩემი მეუღლე გამოჩნდა ჩემს ცხოვრებაში. ამ დღეს, ჰქონდა ჩემთვის ორმაგი დატვირთვა. პირველი ის, რომ ზუსტად მაგ დღეს, გავხსენი ჩემი პირველი მაღაზია და მან საერთო მეგობრების ხელშეწყობით, მომილოცა ეს მნიშვნელოვანი დღე, ჩემს ცხოვრებაში და ყველაფერი გააკეთა იმისთვის, რომ ჩემი ელემენტარული ყურადღება მიექცია და შევხვედროდით ერთმანეთს. წარმოდგენაც კი არ მქონდა, ვინ იყო და სერიოზულად ვერც კი აღვიქვი ეს ყველაფერი, ვინაიდან, მასზე არანაირ ინფორმაციას არ ვფლობდი. არც კი ვიცოდი, რომ ჩემი ინტერესი ჰქონდა, აქვე დავამატებ, რომ მისი ყურადღება პირველად მიიქცია ჩემმა ვიზუალმა, რომელიც შეამჩნია, ერთ-ერთი ვიდეოს საშუალებით, რომელიც მედო „ტიკ-ტოკ“ პლატფორმაზე, ეს ვიდეო, კი გადაღებული იყო ჩვენი საერთო მეგობრების რესტორანში, ჩვენი პირველი შეხვედრაც მანდ შედგა. იმ დღის შემდეგ, დაიწყო ჩვენი ახალი ცხოვრება და სიყვარულის ზღაპრული ისტორია.-ქორწილი, რომელსაც მთელი საქართველო აალაპარაკა. რამდენი ხნით ადრე დაიწყეთ მზადება, ვინ გეხმარებოდათ ამ დღის შექმნაში?პირველ რიგში, ხაზს გავუსვამ იმას, რომ დედოფლობა და ქორწილი, ჩემი ბავშვობის ოცნება იყო. სამწუხაროდ, ეს ოცნება და დღე პირველ ქორწინებაში არ მქონია და ზუსტად ვიცოდი, რომ თუ მეორე ნაბიჯს გადავდგამდი და ოჯახს შევქმნიდი, ყველაფერს გავაკეთებდი იმისთვის, რომ ეს ოცნება ამეხდინა. მზადებას რაც შეეხება, ჩემს გონებაში, ყოველთვის თითოეული დეტალი და ნიუანსი გათვლილი მქონდა. როდესაც, ოჯახი შევქმენით ფაქტობრივად, იმ დღიდანვე დავიწყეთ ამ საკითზე სამზადისი. ფინანსურად, გვერდით მედგა მთელი ამ ხნის განმავლობაში, ჩემი მეუღლე და მამა. რაც შეეხება დანარჩენ სხვა დეტალებს, თითქმის ყველაფერი, არის მხოლოდ და მხოლოდ ჩემი დაგეგმილი დიზაინერთან ერთად. ეს იყო ჩემი გადაწყვეტილება, რომ ყველა დეტალი, ყველასათვის ყოფილიყო სიურპრიზი და მთლიანად, ჩემს თავზე ავიღე ყველანაირი პასუხისმგებლობა. ყველაზე მეტად, რაზე ინერვიულეთ ქორწილის მზადების დროს?ყველაზე მნიშვნელოვანი იყოს ის, რომ სტუმრები, ყოფილიყვნენ ძალიან კმაყოფილები და ყველაფერს ჩაევლო მშვიდობიანად, რაც ნამდვილად ასე მოხდა. ასევე, რეალობად დამხვედროდა ყველაფერი, რაც ჩემს გონებაში მქონდა შექმნილი, რისთვისაც უდიდეს მადლობას ვუხდი, გაწეული თავდაუზოგავი შრომისთვის, დიზაინერ, ქალბატონ ნათია გურეშიძეს.რას ურჩევდით მომავალ პატარძლებს?მომავალი პატარძლებისთვის, მხოლოდ ერთი რჩევა მაქვს, დაგეგმეთ ყველაფერი თქვენ, ისე როგორც თქვენს გულს უნდა, მაქსიმალურად, ნაკლები ადამიანები ჩარიეთ სამზადისში და მაქსიმალურად, ნაკლები აზრები მოისმინეთ, თქვენს ქორწილთან დაკავშირებით, სხვადასხვა ადამიანებისგან იმიტომ, რომ მხოლოდ, თქვენმა გულმა და გონებამ იცის, რაზე ოცნებობთ და როგორი წარმოგიდგენიათ, ცხოვრებაში თქვენთვის ყველაზე მნიშვნელოვანი დღე. თქვენი აზრით, რა დეტალმა შესძინა ყველაზე დიდი ეფექტი თქვენს ქორწილს?ჩემთვის, ყველაზე მნიშვნელოვანი დეტალი, იყო კაბა, გვირგვინი და ტორტი. ეს სამი, თუ ერთმანეთთან თანხვედრაში მოვიდოდა და თემატურად შეკრავდა ერთმანეთს, მათ ირგვლივ, უკვე მეცოდინებოდა, თუ როგორი ზღაპრის მსგავსი დიზაინი უნდა შეგვექმნა. აუცილებელი პირობა იყო ჩემთვის, კაბიდან დაწყებული, დიზაინით დამთავრებული, თემატიკიდან ამოვარდნილი, არ ყოფილიყო არცერთი დეტალი, მუსიკაც კი.რამდენი სტუმარი გყავდათ?ჩვენი ძალიან დიდი ოჯახიდან გამომდინარე და სამეგობროდან გამომდინარე, სტუმრების რაოდენობა, საკმაოდ ბევრს შეადგენდა, 400 კაცამდე. ფაქტობრივად, ჩვენი პირადი მეჯლისი გვქონდა.რა აზრის ხართ, რომ ასეთი აჟიოტაჟი გამოიწვია თქვენმა ქორწილმა.ქუთაისი, პატარა ქალაქია. ჩემი საქმიანობიდან გამომდინარე, ცნობადობაც მაქვს, ასევე სოცქსელში, ვარ საკმაოდ აქტიური და აქტიურად ვაზიარებ ჩემს ყოველდღიურობას. აქედან გამომდინარე, ვიცოდი, რომ ინტერესიც დიდი იყო ჩემი ქორწილის მიმართ, თუ როგორი გამოვიდოდა, მაგრამ მსგავს გამოხმაურებას და რეაქციებს, ნამდვილად არ მოველოდი. იყო უარყოფითიც, მაგრამ დადებითმა უფრო გადააჭარბა, რისთვისაც, უდიდეს მადლობას ვუხდი, ყველა ადამიანს, თითოეული თბილი სიტყვისთვის, დალოცვისთვის და კეთილი სურვილებისთვის.ნეგატიური კომენტარების ავტორებს რას ეტყოდით და გწყინთ თუ არა?უარყოფით კომენტარებს და გამოხმაურებებს რაც შეეხება, ფსიქოლოგიურად, თავიდანვე მზად ვიყავი იმისათვის, რომ ყველას მოსაწონი ვერ იქნებოდა და ვერ ვიქნებოდი, ეს ცხოვრებისეულია. რადგან, ყველა ადამიანი, არის ინდივიდი და ყველა პიროვნებას, აქვს საკუთარი პირადი ხედვა და გემოვნება. ჩემთვის მთავარი იყო, ჩემი სურვილების და ოცნების ახდენა. მაქსიმალურად, სადამდეც გამიშვებდა ფინანსური მდგომარეობა, მეუღლის და მამის ხელშეწყობით. უარყოფითი კომენტარების ავტორებს, კი ვუსურვებ, იპოვონ თავიანთი თავი ცხოვრებაში, იყვნენ შემდგარი და დამოუკიდებლები, რადგან შეძლონ, ყველა იმ მიზნის მიღწევა, რაც მათ გულებს სურთ. ვფიქრობ, რომ თუ ეს ასე იქნება, ბევრად მეტად დავაფასებთ ერთმანეთის შრომას, ბედნიერებას და წინსვლას. ჯანსაღი კრიტიკა მისაღებია, მაგრამ როცა ადამიანს არ იცნობ, არ იცი როგორია, როგორ მოვიდა აქამდე, რამდენი სიკეთე აქვს ნაკეთები და რამდენ გაჭირვებულს დახმარებია, ადგე და მისცე თავს უფლება, დათვალო მისი ნაშრომი და მისცე მითითება, თუ რა მიმართულება, უნდა მიეცა ამ ხარჯებისთვის. ეს ყველაფერი, ჩემი აზრით, ძალიან უსამართლოა და მიუღებელია. ამ ყველაფერს, იმიტომ გამოვყოფ, რომ უარყოფითი კომენტარების უმეტესობა, ხაზს უსვამდა ქველმოქმედების საკითხს.