"რეგიონებში აუთრიჩი უნდა გვქონდეს" - რაზე საუბრობს "ნაცმოძრაობის" ახალი გენერალური მდივანი

„პარტიის და ცენტრალური ოფისის მენეჯმენტი ერთია, მაგრამ ჩვენი პარტია დიდია. ჩვენ მთავარი ოპოზიციური პარტია ვართ და მთელ საქართველოში გვინდა გავძლიერდეთ",-  ამის შესახებ პარტიის გენერალურმა მდივანმა პეტრე ცისკარიშვილმა განაცხადა.

"თბილისში, როგორც დედაქალაქში, კიდევ უფრო მეტი ახალი წევრი უნდა დავიმატოთ, ახალგაზრდული ფრთა უნდა შევქმნათ, რეგიონებში აუთრიჩი უნდა გვქონდეს არა მხოლოდ ჩვენს წევრებთან, არამედ ჩვეულებრივ ხალხთან, იმიტომ, რომ მათამდეც უნდა მივიტანოთ ჩვენი სათქმელი და ალტერნატიული ხედვა. ეს ყველაფერი იქნება ამ სამდივნოს გასაკეთებელი შემდეგი თვეების განმავლობაში“, – განაცხადა ცისკარიშვილმა „მთავარი არხის“ ეთერში.

რამდენიმე დღის წინ „ნაციონალურ მოძრაობაში“ სტრუქტურული ცვლილებები განხორციელდა. პარტიის გენერალურ მდივნად პეტრე ცისკარიშვილი, პოლიტიკური საბჭოს თავმჯდომარედ კი კობა ნაყოფია აირჩიეს.