გერმანია უკრაინას უფრო მეტ თვითმავალ საზენიტო დანადგარს მიაწვდის

გერმანიის კანცლერმა, ოლაფ შოლცმა პირობა დადო, რომ გერმანია უკრაინას უფრო მეტ თვითმავალ საზენიტო დანადგარს მიაწვდის.

„ჩვენ გავაგრძელებთ მუშაობას ამ ძალიან ეფექტური სისტემის უზრუნველსაყოფად“, - აღნიშნა ოლაფ შოლცმა.

„უკრაინის პრეზიდენტმა მადლიერება გამოხატა გერმანიის ყოვლისმომცველი მხარდაჭერისთვის. საარტილერიო და საჰაერო თავდაცვის სისტემებს, რომლებსაც ჩვენ ვთავაზობთ, ძალიან მნიშვნელოვანი გავლენა აქვს უკრაინის უნარზე, უზრუნველყოს საკუთარი მთლიანობა და სუვერენიტეტი“, - განუცხადა შოლცმა ჟურნალისტებს.