Reuters: ისრაელ-ლიბანს შორის ცეცხლის შეწყვეტის შეთანხმების ამოქმედების შემდეგ ქვეყნის სამხრეთში ათასობით ადგილობრივი ბრუნდება

ისრაელ-ლიბანს შორის ცეცხლის შეწყვეტის შეთანხმების ამოქმედების შემდეგ ლიბანის სამხრეთში ათასობით ადგილობრივი ბრუნდება. ინფორმაციას Reuters-ი ავრცელებს.

სააგენტოს ცნობით, ბეირუთისა და ქვეყნის სამხრეთის დამაკავშირებელ მაგისტრალზე რამდენიმე კილომეტრიანი საცობებია. ისრაელის თავდაცვის ძალები ამ დრომდე ლიბანის სამხრეთში რჩებიან.
შეთანხმების საფუძველზე ისინი რეგიონს სამოცი დღის განმავლობაში დატოვებენ.

ცნობისთვის, აშშ-ის პრეზიდენტმა ჯო ბაიდენმა დღეს განაცხადა, რომ ისრაელსა და ლიბანს შორის ცეცხლის შეწყვეტის შესახებ შეთანხმება ადგილობრივი დროით დილის 4 საათიდან ამოქმედდება.