იტალიის პრემიერი ცდილობს დაარწმუნოს ვიქტორ ორბანი, უარი თქვას უკრაინისადმი ევროკავშირის მხარდაჭერის წინააღმდეგობაზე - Bloomberg

იტალიის პრემიერ-მინისტრი, ჯორჯია მელონი ცდილობს დაარწმუნოს უნგრეთის პრემიერ-მინისტრი, ვიქტორ ორბანი, უარი თქვას უკრაინისადმი ევროკავშირის მხარდაჭერის წინააღმდეგობაზე. ინფორმაციას ამის შესახებ სააგენტო Bloomberg-ი წყაროებზე დაყრდნობით ავრცელებს.

სააგენტო Bloomberg-ის თანამოსაუბრეების თქმით, მელონი სთავაზობს ორბანის პარტიას შეუერთდეს "ევროპელ კონსერვატორთა და რეფორმისტთა" გაერთიანებას (ECR) ევროპარლამენტის არჩევნების წინ.

საამისოდ იტალიის პრემიერ-მინისტრს სურს, რომ ორბანმა შეცვალოს მიდგომა უკრაინის ევროკავშირში გაწევრიანების მისწრაფებების მიმართ და აღადგინოს ურთიერთობები კიევთან.

იტალიისა და უნგრეთის ლიდერების წარმომადგენლებს შორის მოლაპარაკებები "სხვადასხვა დონეზე გაიმართა, მაგრამ გადაწყვეტილება მიღწეული არ არის".