30-წლიანი ძებნის შემდეგ, იტალიაში სიცილიური მაფიის ბოსი დააკავეს

 იტალიის ნომერ პირველი ძებნილი მატეო მესინა დენარო 30-წლიანი მიმალვის შემდეგ დააკავეს. ამის შესახებ უცხოური მედია წერს.

გამოცემის ცნობით, დენარო, რომელიც სავარაუდოდ სიცილიური მაფიის „კოზა ნოსტრას“ ბოსი იყო, პალერმოში ერთ-ერთ კერძო კლინიკაში დააპატიმრეს, სადაც იგი სამკურნალოდ იყო წასული. 

„30-წლიანი ძებნის შემდეგ, სუპერბოსი მატეო მესინა დენარო დააკავეს. ეს შესანიშნავი დღეა იტალიისთვის და გაფრთხილებაა მაფიისთვის: ინსტიტუტები და ჩვენი ფორმაში ჩაცმული გმირები არასოდეს ნებდებიან“, - წერს სალვინი.

სასამართლომ მანამდე მას დაუსწრებლად გამოუტანა სამუდამო პატიმრობის განაჩენი რამდენიმე მკვლელობის საქმეზე.