Google-ის ფოტოებსა და დრაივს შორის ფაილების სინქრონიზაცია გაუქმდება

12:25 06-13-2019
1

Google-ი  ფოტოებსა და დრაივს შორის ფაილების სინქრონიზაციას აუქმებს.

დიდი ხანის განმავლობაში Google-ი მომხმარებელს ფოტოებისა (Google Photos) და დრაივის (Google Drive) ფაილების სინქრონიზაციას სთავაზობდა. ფუნქციის ნაკლები პოპულარობის გამო კონცერნმა გადაწყვიტა შეთავაზება უკან წაიღოს. ამის შესახებ ინფორმაციას The Verge-ი ავრცელებს.

როგორც Google Photos და Google Drive-ის პროდუქტების განვითარების მენეჯერის, თქმით, პროდუქტებს შორის სინქრონიზაცია ივლისიდან გაუქმდება.

აქამდე დრაივზე ატვირთული ვიდეო ავტომატურად ისახებოდა ფოტოებში ან პირიქით. განახლების მიზანი ფაილის მოულოდნელი წაშლის პრევენცია იყო.

ავტორი: თეონა ყაჭიური