შოუბიზნესი • 1715176140

Deadline-მა გასული წლის ყველაზე შემოსავლიანი ფილმები დაასახელა

გამოცემამ Deadline 2023 წლის ყველაზე შემოსავლიანი ფილმების ათეული შეადგინა. სიის შედგენისას ავტორებმა გაითვალისწინეს არა მხოლოდ გაქირავების ღია მონაცემები, არამედ ინსაიდერული ინფორმაცია კინოსტუდიებისგან და ჰოლივუდში მომუშავე წყაროებისგან. ამასთან, ისინი თვლიდნენ როგორ გაქირავებაში მიღებულ შემოსავალს, ასევე სუფთა მოგებას.შედეგად, რეიტინგის სათავეში მოხვდა მულტფილმი „ძმები სუპერ მარიო კინოში“. სტუდიებმა Universal, Illumination და Nintendo და პროექტის ავტორებმა სუფთა მოგების სახით $559 მილიონი მიიღეს. გაქირავებაში კი სურათმა $1,36 მილიარდი მოაგროვა.გრეტა გერვიგის „ბარბის“ შემოსავალი უფრო მაღალი იყო - $1,44 მილიარდი - მაგრამ სურათი მეორე ადგილზე აღმოჩნდა, რადგან სუფთა მოგებამ $421 მილიონი შეადგინა. მესამე ადგილზეა „ადამიანი ობობა: სამყაროს მიღმა“ ($328 მილიონი).ათეულში ასევე მოხვდნენ: „ოპენჰაიმერი“, „ვონკა“, კუ-ნინძები“, „ლეკვების პატრული: მეგაფილმი“, „ტეილორ სვიფტი: The Eras Tour“, „5 ღამე ფრედისთან“, „გალაქტიკის მცველები 3“.

ჰოროსკოპი • 1715175180

რომელ ადამიანთან კონტაქტი იწვევს აურის დარღვევას

ენერგეტიკულად უარყოფით ზონებში, ანუ არასასიამოვნო ადგილებში, სადაც საშიში აურა ტრიალებს, ადამიანის დიდხანს ყოფნა, მის ბედ-იღბალზე ახდენს გავლენას და წარუმატებლობას იწვევს. სულაც არ არის რთული, გაარკვიოთ, რამდენად საშიშ ზონაში გიწევთ ყოფნა.უბრალოდ, თუ კონკრეტულ გარემოში აზრების მობილიზებას ვერ ახდენთ, გაწუხებთ აკვიატებული ფიქრები, გტანჯავთ უძილობა და შიშები, სასწრაფოდ უნდა მიიღოთ ზომები. დააკვირდით, როდის გინდებათ განმარტოება, ფიქრი, საკუთარი ცხოვრების დეტალების გაანალიზება, განვლილზე ჩაღრმავება და ასე შემდეგ. ასევე, როცა სიმშვიდისკენ მიილტვით და საკუთარ თავში ჩაკეტვა გინდათ, სწორედ ამ დროს დგას ის პერიოდი, როცა თქვენი ქვეცნობიერი მძაფრდება და მიგანიშნებთ: რაღაც რიგზე ვერ არის. ცუდი განწყობა, უარყოფითი აზრები, წარუმატებლობაზე ფიქრი კოსმოსის სამყაროში იგზავნება და ბუმერანგის პრინციპით, ადამიანს უკან უბრუნდება. საერთოდ, გრძნობები ენერგეტიკული მუხტია, რომელიც არსად იკარგება და უფრო მეტიც, ეს გრძნობა ერთი ადამიანიდან მეორეზე გადადის და სწორედ მასზე მოქმედებს ყველაზე მძაფრად და ძლიერად, ვის მიმართაც გრძნობები გაქვთ.დაბადების მომენტში ყველა ადამიანს საკუთარი წერტილები აქვს დედამიწაზე და სწორედ ისინი აგებენ პასუხს ჩვენს წარმატება-წარუმატებლობაზე. ასეთ ადგილებში მას აურა და ბიოველი საგრძნობლად ეცვლება. დედამიწაზე არსებობს დადებითი, უარყოფითი და ასევე, ნულოვანი წერტილები. ეს წერტილები იმისთვის არის საჭირო, რომ კონკრეტულ ადამიანს დედამიწაზე თავისი შესაბამისი ადგილი ჰქონდეს. გარკვეულ ადგილებში დიდხანს ყოფნისას, უარყოფითი წერტილების გავლენით, ადამიანის ბედისწერა ცუდისკენ იცვლება. დადებით წერტილზე მოხვედრისას კი ადამიანს ბედი ეხსნება, წარმატებული ხდება და მისი იღბალი სასიკეთოდაც იცვლება. ამ ადგილებში, თავს მშვიდად და კომფორტულად გრძნობს. იმუხტება დადებითი ენერგეტიკით და დაცულია. უარყოფით ზონებში კი ადამიანი სუსტდება, ღიზიანდება, კარგავს სასიცოცხლო ენერგიას, ირღვევა ფსიქიკა, იფანტება ყურადღება. ნულოვანი წერტილი დედამიწაზე ის ზონაა, სადაც ადამიანი განმარტოვდება და ფიქრებში მიდის. ამ მდგომარეობაში დიდხანს დარჩენა არ შეიძლება, რადგან იქ სასიცოცხლო ენერგია იყინება და არ არის გამორიცხული, ადამიანის ჯანმრთელობას ზიანიც კი მიადგეს. ამიტომ, დააკვირდით, რომელ ადგილას როგორ გრძნობთ თავს – სად ისვენებთ, სად უღრმავდებით ფიქრებს და სად შფოთავთ და განიცდით. თუ იგრძენით, რომ წამოვიდა ცუდი აზრები, აკვიატებული ფიქრები, რაღაცას ავადმყოფურად განიცდით და ვერ ხვდებით, რა არის თქვენი გუნება-განწყობის უარესობისკენ შეცვლის მიზეზი, სასწრაფოდ მიიღეთ შხაპი, ასე სხეულიდან უარყოფითი ზონისგან აკრეფილ ენერგიას „ჩამორეცხავთ“.აურაზე და ენერგეტიკაზე კონკრეტული ადამიანის გვერდით ყოფნაც ახდენს გავლენას და მათაც შეუძლიათ, თავისი ქმედებებით თქვენს ბედში შეიტანონ ცვლილება. კერძოდ, სხვადასხვა წელიწადში დაბადებული ადამიანები შინაგანი ბუნებითა და ნიშან-თვისებებით აბსოლუტურად განსხვავდებიან ერთმანეთისგან. თუ ადამიანის დაბადების წელი იცით, მაშინ ეს დაგეხმარებათ, როგორ გადალახოთ პრობლემები მასთან ურთიერთობისას. ასევე, როგორ გააიოლოთ ურთიერთობა, როგორც პირად, ასევე, სასიყვარულო და პროფესიული თვალსაზრისით და არც საკუთარი ბედი და აურა დააზიანოთ.ვირთხის, ხარისა და ტახის წლებში დაბადებული ადამიანები დაბალი მგრძნობელობით გამოირჩევიან. სასიყვარულო და ოჯახურ თანაცხოვრებაში, მათგან თანაგრძნობას ნუ ელით. გადაწყვეტილებების მიღებისას, მათი დახმარების იმედი ნუ გექნებათ. თუ მათთან ერთად ერთ ჭერქვეშ ცხოვრება გინდათ ან საქმიანი კონტაქტის დამყარებას აპირებთ, ეს ყველაფერი უნდა გაითვალისწინოთ, რათა თავი აარიდოთ კონფლიქტებსა და გაუგებრობებს. ნახეთ სრულად

სამართალი • 1715174940

ჩემი წამების ფაქტზე არსებობს პატიმრის ჩვენება, რომელსაც დაავალეს ჩემი ლიკვიდაცია, უარის შემდეგ კი, მორგში დააბეს, სწორედ მისი ჩვენების საფუძველზე მიიღო სტრასბურგმა გადაწყვეტილება - ვახტანგ მაისაია

სტრასბურგის სასამართლოს გადაწყვეტილება დაეყრდნო წამების იმ ფაქტს, რომელიც ხორციელდებოდა ჩემ მიმართ გლდანის ციხეში 2009 წლის მაისიდან ივლისის ჩათვლით, განსაკუთრებით დაეყრდნო 2010 წლის შემთხვევას, – ამის შესახებ სამხედრო ექსპერტმა, ვახტანგ მაისაიამ განაცხადა.მაისაიას თქმით, წამების ფაქტზე არსებობს პატიმრის ჩვენება, რომელსაც დაავალეს მისი ლიკვიდაცია, უარის შემდეგ კი მორგში დააბეს. მაისაიამ აღნიშნა, რომ სწორედ ამ მოწმის ჩვენების საფუძველზე მიიღო სტრასბურგმა აღნიშნული გადაწყვეტილება.„ბუნებრივია, ეს განაჩენი დაეყრდნო იმ სარჩელს, რომელიც შეიტანა ჩემი სახელით „ადამიანის უფლებათა ცენტრმა“ და ადვოკატმა თამარ ავალიანმა. შესაბამისად, განაჩენი დაეყრდნო წამების იმ ფაქტს, რომელიც ხორციელდებოდა გლდანის ციხეში – დაწყებული 2009 წლის მაისიდან, ივლისის ჩათვლით. განსაკუთრებით დაეყრდნო 2010 წლის შემთხვევას. პოლიტიკური შიმშილობის აქციის პერიოდში, როდესაც მე ვითხოვდი იმდროინდელ პირობებში პატიმრების წამების შეწყვეტას, ადამიანის უფლებების დაცვას, ამ პირობებში მოხდა ჩემზე ფიზიკური ანგარიშსწორება სპეცდანიშნულების რაზმების მებრძოლების მიერ, მაშინდელი ხელმძღვანელის, „ქილერას“, ანუ ციხის დირექტორისა და ყაჭეიშვილის უშიშროების სამსახურის უშუალო მონაწილეობით და კონტრდაზვერვის სამსახურის ჩართულობით მოხდა ჩემზე ფიზიკური ზეწოლა. როგორც მე მითხრეს მოგვიანებით, მორგშიც კი ვყავდი და იქიდან ამომიყვანეს, გამაცოცხლეს, როცა ბრძანება მიიღო „ქილერამ“, ჯალათმა და, შესაბამისად, ამ ეპიზოდზეა საუბარი.მაშინ ეს „ქილერაც“ კი შემოვიდა ჩემთან და მითხრა, რომ მე ცოცხალი აღარ ვიქნებოდი. ანუ ეს ერთხელ გადავრჩი, მაგრამ მეორე ჯერზე ცოცხალი ვეღარ გადავურჩებოდი. პირდაპირი მუქარა იყო. ოთხჯერ ჩამიყვანეს კარცერში, 40 დღე გავატარე და ეს დაფიქსირებულია ამ ჯალათების მიერაც. ეს რეპრესიული ზომების განხორციელებას მოიცავდა და ამ თემას ეხება აღნიშნული გადაწყვეტილება. გადაწყვეტილება ეყრდნობა ჯერ კიდევ 2010 წელს გაერო-ს წამების საწინააღმდეგო კომიტეტის სპეციალურ განცხადებასა და იმ ქეისს, რომელმაც აღიარა ჩემი წამების ფაქტი იმ პერიოდში. ეს იყო უჩა ნანუაშვილისა და ნათია კორკოტაძის დიდი დამსახურება, მათ შორის, მასმედიის წარმომადგენლების სამოქალაქო გმირობა. ყველას კარგად გვახსოვს. აქედან გამომდინარე, ამ ქეისს ეყრდნობა გადაწყვეტილება. ეს არის მესამე მუხლის სრულად დარღვევა, რაც ნიშნავს, რომ აქ ჯაშუშობის განაჩენიც კი უკვე საკმაოდ სერიოზული ეჭვის ქვეშ დგას.მე რომ ვიყავი ნაცემი, მაშინ ეს დაადასტურა ჩემმა ადვოკატმა, ნათია კორკოტაძემ, რომელმაც ამაზე შესაბამისი რეაგირება გააკეთა. მაშინ ბრიფინგი გამართა ეკა ბესელიამაც და ბატონმა ლორთქიფანიძემაც გააკეთა ამაზე განცხადება, პარლამენტში გახმაურდა ეს ფაქტი. მინდა, გითხრათ, რომ მაშინდელ პირობებშიც იყვნენ პატიოსანი ადამიანები. მინდა, აღვნიშნო გამომძიებლის, ზვიად ლასარეიშვილის გმირობა, რომელმაც დააფიქსირა ეს ფაქტი, მიუხედავად იმისა, რომ მასზე სერიოზული ზეწოლაც იყო და როგორც ვიცი, მას მოუწია სამსახურის დატოვება. მან დააფიქსირა ფაქტი, ფოტოები სამედიცინო ექსპერტის სახით და, შესაბამისად, გამოძიებაც დაიწყო. საუბარია 2010 წლის წამების ფაქტზე. არსებობს მოწმეების ჩვენებები, მათ შორის ერთი მოწმის, რომელსაც ჩემი ლიკვიდაცია დაავაალეს. ეს არის ზაზა აზარიაშვილი, რომელსაც ლიკვიდაცია დაავალეს „ქილერამ“ და კონტრდაზერვევის თანამშრომლებმა. იყო პატიმარი და მან უარი განაცხადა. ამის გამო ის ჩაიყვანეს მორგში, დააბეს მკვდართან, ცემეს და ეს ადამიანი დღეს არის შშმ პირი, ორივე ფეხი მოჭრილი აქვს იმ წამების გამო. ამ ადამიანმა გამოიჩინა გმირობა და მისი ჩვენებისა და მტკიცებულებების საფუძველზე,სტრასბურგმა მიიღო აღნიშნული გადაწყვეტილება“, – განაცხადა ვახტანგ მაისაიამ.სტრასბურგის სასამართლომ ვახტანგ მაისაიას საქმეზე გადაწყვეტილება დღეს გამოაქვეყნა, რომელშიც აღნიშნულია, რომ „2012 წლამდე პენიტენციურ დაწესებულებებში წამება სისტემური, ფართოდ გავრცელებული პრაქტიკა იყო“.

რჩევები • 1715174580

ეს რიტუალი დაგეხმარებათ, რომ თქვენს ცხოვრებაში სიახლეები მოიზიდოთ და ძველ, ტოქსიკურ ურთიერთობებზე უარი საბოლოოდ თქვათ

სარკისებური თარიღის დროს მნიშვნელოვანია, წესრიგსა და სისუფთავეს განსაკუთრებული ყურადღება მივაქციოთ. სახლის დასუფთავებისას, გარკვეული ენერგეტიკული ცენტრები უნდა გავითვალისწინოთ. მაგალითად, საფუძვლიანად დაასუფთავეთ წინა კარის მიმდებარე ტერიტორია. ამ გზით სამყაროს გაუგზავნით შეტყობინებას, რომ გსურთ თქვენს სახლში სიუხვე, სიმყუდროვე და კეთილდღეობა შემოვიდეს.აბაზანის, იატაკისა და ფანჯრების გაწმენდა, კარადების და უჯრების გასუფთავება, რეორგანიზაცია შესანიშნავი გზაა ამ დღის ენერგიის გამოსაყენებლად. ასე გექნებათ შანსი, რომ თქვენს ცხოვრებაში დადებითი ემოციები, გულწრფელი და სუფთა კავშირები და კეთილდღეობა მოიზიდოთ.თქვენს დღიურში, რვეულში, ან უბრალოდ ფურცელზე მოკლედ ჩამოწერეთ ყველაფერი, რაც გაწუხებთ, ბედნიერებაში ხელს გიშლით და გსურთ, რომ თქვენი ცხოვრებიდან გაუშვათ. ფურცელი რამდენჯერმე გადაკეცეთ, ცეცხლგამძლე ჭურჭელში მოათავსეთ, ცეცხლი მოუკიდეთ და დააკვირდით, როგორ იწვება. პარალელურად, გონებაში წარმოიდგინეთ, რომ თავისუფლდებით ყველაფრისგან, რაც ბედნიერებას აღარ განიჭებთ. ფერფლი კი გადაყარეთ. აღნიშნული რიტუალი დაგეხმარებათ, რომ თქვენს ცხოვრებაში სიახლეები მოიზიდოთ და ძველ, ტოქსიკურ ურთიერთობებზე უარი საბოლოოდ თქვათ.გამოიყენეთ სიმბოლოებიფანჯრის რაფაზე ან აივანზე რამდენიმე საყვარელი კრისტალის ან მნიშვნელოვანი ნივთის განთავსება შესანიშნავი გზაა, რომ ამ თარიღისა და სავსე მთვარის ენერგია მოიზიდოთ. გარდა ამისა, შეგიძლიათ, ჭიქაში წყალი აავსოთ, ფანჯარასთან დატოვოთ ისე, რომ მთვარის შუქი ხვდებოდეს და პერიოდულად დალიოთ, როცა უენერგიობასა და უმოტივაციობას იგრძნობთ. ნახეთ სრულად

სამართალი • 1715173597

VIDEO: ბრიფინგი შინაგან საქმეთა სამინისტროში

ვაფრთხილებთ აქციის ყველა მონაწილესა და ორგანიზატორს, იმ დროს, როცა პოლიცია კანონის შესაბამისად დაიწყებს აქციის მონაწილეთა ძალადობრივი ქმედებების აღკვეთას, გამოყენებული იქნება მკაცრი ზომები, ისევე როგორც ამერიკასა და ევროპის წამყვან ქვეყნებშია მიღებული, - ამის შესახებ შინაგან საქმეთა სამინისტროში გამართულ ბრიფინგზე ცენტრალური კრიმინალური პოლიციის დეპარტამენტის დირექტორმა, თეიმურაზ კუპატაძემ განაცხადა.„გვსურს საზოგადოებას მივაწოდოთ ინფორმაცია იმ საერთაშორისო საპოლიციო ღონისძიებების პრაქტიკის შესახებ, რომელთა გამოყენებითაც როგორც ევროპის წამყვან ქვეყნებში, ასევე ამერიკის შეერთებულ შტატებში პოლიციის მიერ ხდება შეკრება-მანიფესტაციის დროს მასების მართვა და საჭიროების შემთხვევაში კანონით დადგენილი სპეციალური საშუალებების გამოყენება.ბოლო პერიოდში, სხვადასხვა პოლიტიკური ლიდერისა და აქციის ორგანიზატორების მხრიდან, მედიასაშუალებებსა და სოციალურ ქსელებში გავრცელდა არაერთი დეზინფორმაცია იმის შესახებ, თითქოს სამართალდამცველებმა დემონსტრანტების წინააღმდეგ ძალას გადაამეტეს და განახორციელეს კანონსაწინააღმდეგო ქმედებები.გვსურს ხაზგასმით აღვნიშნოთ, რომ პოლიცია შეკრება-მანიფესტაციების დროს, ყოველთვის მოქმედებს საერთაშორისო სტანდარტების მიხედვით. შინაგან საქმეთა სამინისტროში შემუშავებული ინსტრუქციები, რომელიც არეგულირებს შეკრება-მანიფესტაციების მართვას, სრულ შესაბამისობაშია ეუთო/ოდირის სახელმძღვანელო პრინციპებთან. შესაბამისად, სამართალდამცველების მხრიდან სპეციალური ღონისძიებების განხორციელება ხდება საერთაშორისოდ აღიარებული სტანდარტების შესაბამისად- თანმიმდევრულად და განვითარებული მოვლენების საპასუხოდ, ანალოგიურად მოქმედებდა პოლიცია ბოლო პერიოდში მიმდინარე აქციების დროსაც.შინაგან საქმეთა სამინისტროს განსაკუთრებულ დავალებათა დეპარტამენტის წარმომადგენლებს, დონორ ორგანიზაციებთან თანამშრომლობის ფარგლებში, სხვადასხვა საერთაშორისო სწავლებაში აქვთ მონაწილეობა მიღებული და ისინი გადამზადებულნი არიან საერთაშორისო სტანდარტების შესაბამისად.მათ საერთაშორისო დონის სწავლებები გავლილი აქვთ, როგორც საქართველოში, ასევე, გერმანიაში, ბულგარეთში, ნიდერლანდებში, იტალიაში, საფრანგეთსა და თურქეთის რესპუბლიკაში.შინაგან საქმეთა სამინისტროს თანამშრომლებს გადამზადება გავლილი აქვთ: კრიზისულ სიტუაციაზე რეაგირებისა და მოლაპარაკებების, შეკრებისა და მანიფესტაციის ეფექტიანი მართვისა და საჯარო დემონსტრაციების დროს საზოგადოებრივი წესრიგის უზრუნველყოფის მიზნით ძალის გამოყენების შესახებ.ეკიპირება, სპეციალური ტექნიკა, აღჭურვილობა და სპეციალური საშუალებები, რომელთაც შინაგან საქმეთა სამინისტროს წარმომადგენლები გამოიყენებენ, არის საერთაშორისო სტანდარტის და მათი უმეტესი ნაწილი შეძენილია ევროპის სხვადასხვა ქვეყანაში.აქვე, გვსურს საზოგადოებას გავაცნოთ სხვადასხვა ქვეყანაში, სხვადასხვა დროს, ჩატარებული საპოლიციო ღონისძიებების ამსახველი ვიდეომასალა.განვითარებული სამყარო თანხმდება, რომ ნებისმიერ სახელმწიფოში მართლწესრიგის დაცვა არის პოლიციის უმთავრესი ამოცანა და ეს კადრებიც ადასტურებს იმას, რომ ყველა ქვეყანაში პოლიციას აქვს უფლება კანონის შესაბამისად იმოქმედოს და უფლებამოსილების ფარგლებში, საზოგადოებისთვის ხშირად მიუღებელი და უმკაცრესი ზომები გამოიყენოს.აქვე მინდა აღვნიშნო, რომ ბოლო პერიოდში საქართველოში, კერძოდ თბილისში მიმდინარე შეკრება-მანიფესტაციები არაერთხელ გასცდა შეკრებისა და მანიფესტაციების შესახებ კანონმდებლობით მიღებულ ზომებს. ვნახეთ შტურმი საკანონმდებლო ორგანოზე, პიკეტირების მცდელობა პარლამენტზე და ასევე, ძალადობის არაერთი შემთხვევა სამართალდამცველების მისამართით.ეს კადრები არა მარტო ქართული მედიის, არამედ მსოფლიო მედიის ყურადღების ცენტრში მოხვდა და ჩემი ევროპელი კოლეგებიც დამეთანხმებიან, რომ ეს იყო პროპორციული ძალა და საკმაოდ ლმობიერი ქმედებები, რაც ქართველმა სამართალდამცველებმა გამოიყენეს.ვაფრთხილებთ აქციის ყველა მონაწილესა და ორგანიზატორს, იმ დროს როდესაც პოლიცია კანონის შესაბამისად დაიწყებს აქციის მონაწილეთა ძალადობრივი ქმედებების აღკვეთას, გამოყენებული იქნება მკაცრი ზომები, ისევე როგორც ამერიკის და ევროპის წამყვან ქვეყნებშია მიღებული“, - აღნიშნა კუპატაძემ.