1793204737
ვიდეოები
1793170915
ქობულეთის შემოვლითი გზის ოთხზოლიან მაგისტრალად მოდერნიზაციის პროექტთან დაკავშირებით საკონსულტაციო შეხვედრა გაიმართასაქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტმა საერთაშორისო მნიშვნელობის E70 საავტომობილო გზის ქობულეთის შემოვლითი მონაკვეთის ოთხზოლიან მაგისტრალად მოდერნიზაციის პროექტთან დაკავშირებით საკონსულტაციო შეხვედრა გამართა. შეხვედრაში მონაწილეობდნენ დაინტერესებული მხარეები, მათ შორის არასამთავრობო ორგანიზაციების წარმომადგენლები.შეხვედრა გაიმართა პროექტის ბუნებრივ და სოციალურ გარემოზე ზემოქმედების შეფასებისა და მიწის შესყიდვისა და განსახლების გეგმის მომზადების ფარგლებში.მონაწილეებს მიეწოდათ ინფორმაცია დაგეგმილი სამუშაოების, მოსალოდნელი გარემოსდაცვითი და სოციალური ზემოქმედებისა და შესაბამისი შემარბილებელი ღონისძიებების შესახებ. შეხვედრის მიზანი ასევე იყო დაინტერესებული მხარეების მოსაზრებების, შენიშვნებისა და რეკომენდაციების მიღება შეფასებისა და დაგეგმვის პროცესში გასათვალისწინებლად.შეხვედრა ღია იყო ყველა დაინტერესებული პირისთვის. მონაწილეებს შესაძლებლობა ჰქონდათ, დაესვათ კითხვები და წარმოედგინათ თავიანთი მოსაზრებები და წინადადებები.პროექტი ითვალისწინებს ქობულეთის შემოვლითი გზის დაახლოებით 31 კილომეტრიან მონაკვეთზე არსებული ორი ზოლის პარალელურად დამატებითი ორი ზოლის მშენებლობას.პროექტის გარემოსდაცვითი დოკუმენტაცია ხელმისაწვდომია გარემოსდაცვით საინფორმაციო პორტალზე: https://ei.gov.ge/ka/info/b3e4bbf2-3323-42e4-b4b7-851799173862.
1785509812
ჯარიმა 10 000 ლარამდე გაიზარდა - ვინ და რა შემთხვევაში დაჯარიმდება
სათამაშო ბიზნესის სფეროში სამართლებრივი პასუხისმგებლობა მკაცრდება და სანებართვო პირობების შეუსრულებლობისთვის დაწესებული ჯარიმების ოდენობები იზრდება.მიღებული კანონპროექტის მიხედვით, სამორინეს მოწყობის ნებართვის მფლობელთა მიმართ ჯარიმის ოდენობა 7 000 ლარის ნაცვლად, 20 000 ლარით განისაზღვრა.სათამაშო აპარატების სალონის მოწყობის ნებართვის მფლობელთა მიმართ ჯარიმის ოდენობა 1 000 ლარის ნაცვლად, 10 000 ლარით განისაზღვრა.აზარტული კლუბის მოწყობის ნებართვის მფლობელთა მიმართ ჯარიმა 2 000 ლარის ნაცვლად, 10 000 ლარი იქნება.აზარტული და მომგებიანი თამაშების მიწოდების ნებართვის მფლობელთა მიმართ ჯარიმის ოდენობა 2 000 ლარის ნაცვლად, 10 000 ლარით განისაზღვრება, ხოლო სისტემურ-ელექტრონული ფორმით სამორინეს, სათამაშო აპარატების და ტოტალიზატორის თამაშობების ორგანიზების ნებართვის მფლობელთა მიმართ დაწესებული ჯარიმა 7 000 ლარის ნაცვლად, 20 000 ლარი იქნება.
სხვა სიახლეები
საზოგადოება • 1793220025
2027 ცეცხლოვანი თხის წელია - როგორ შევხვდეთ, რომ წარმატება და კეთილდღეობა მოვიზიდოთ
ჩინური კალენდრის მიხედვით, 2027 წელი ცეცხლოვანი თხის წელია, რომელსაც ტრადიციულად შემოქმედებითობას, სიმშვიდეს, სიუხვესა და ჰარმონიას უკავშირებენ.აღმოსავლური ტრადიციების მიხედვით, ახალი წლის შესახვედრად შეიძლება შევარჩიოთ შესაბამისი ფერები, სადღესასწაულო სუფრა და სიმბოლური რიტუალები, რომლებიც კეთილდღეობისა და წარმატების სურვილს გამოხატავს.როგორ შევხვდეთ ცეცხლოვანი თხის წელს?1. ფერებისადღესასწაულო დეკორაციებში შეგიძლიათ გამოიყენოთ წითელი, ოქროსფერი, ნარინჯისფერი და მწვანე ტონები. ისინი ტრადიციულად ენერგიას, სიუხვეს, სიმდიდრესა და განახლებას უკავშირდება. 2. სადღესასწაულო სუფრასუფრაზე განათავსეთ ხილი, თხილეული, ტკბილეული და საყვარელი კერძები. მთავარია, სუფრამ ოჯახური სითბო, სიუხვე და სტუმართმოყვარეობა გამოხატოს. 3. სახლის მოწესრიგებაახალი წლის წინ დაალაგეთ სახლი, გაათავისუფლეთ სივრცე ზედმეტი ნივთებისგან და დაამატეთ ახალი ყვავილები. ეს სიმბოლურად ძველის გაშვებასა და ახალი ეტაპის დაწყებას აღნიშნავს. 4. სურვილებისა და მიზნების ჩაფიქრებაჩამოწერეთ სამი მთავარი სურვილი - მაგალითად, ჯანმრთელობა, ფინანსური კეთილდღეობა და სიყვარული. თითოეულს დაურთეთ კონკრეტული ნაბიჯი, რომლის გადადგმასაც ახალი წლიდან დაიწყებთ.
საზოგადოება • 1793219949
თბილისში, ნაძალადევის რაიონში ერთი არაფრით გამორჩეული სახლია. იქ „მჯდომარე ანასტასია“ ცხოვრობდა. ქალბატონს, რომელმაც მთელი დარჩენილი ცხოვრება დაკარგულ სიყვარულს მიუძღვნა, დღეს ბევრი შეყვარებულების მფარველად მოიხსენიებს.ანასტასია ნიკიშევას შესახებ ცნობები მწირია. მისი მშობლები თბილისში საცხოვრებლად სანქტ-პეტერბურგიდან გადმოვიდნენ. ის 1884 წელს დაიბადა და 84 წლის ასაკში, 1970 წელს გარდაიცვალა. 19 წლიდან კი 65 წელი მჯდომარემ გაატარა. ტრაგიკულმა სიყვარულმა ანასტასია სალოსად აქცია. მის შესახებ საზოგადოებას მოგონება არქიმანდრიტმა რაფაელ კარელინმა შემოუნახა, რომელიც მას სალოსად მოისხსენიებს.აი, რას წერდა ჯერ კიდევ დიდი ხნის წინ დედა ანასტასიას შესახებ არქიმანდრიტი რაფაელი, თავის წიგნში „გადარჩენის საიდუმლო“:„ცხოვრებაში ისეთ ადამიანებს შევხვედრივარ, რომლებიც მუდმივი სასწაულის ატმოსფეროში ცხოვრობდნენ. მათთვის თითქოს არ არსებობდა ფიზიკის კანონები, ადამიანის უძლურება, ვნებები, რომლებიც სულს აზიანებს. თითქოს მათთვის, ხატოვნად რომ ვთქვათ, არ არსებობდა მიზიდულობის ძალა.ასეთი ადამიანი იყო ანასტასია, რომელსაც ხალხი „მჯდომარე ანასტასიას" ეძახდა. მისი ღვაწლი ადამიანურ შესაძლებლობებს აღემატებოდა, ისევე, როგორც ძველი მესვეტეებისა. საკუთარი თვალით რომ არ მენახა და მხოლოდ გამეგონა ანასტასიას შესახებ, ალბათ, გულში ეჭვი შემეპარებოდა, ისევე, როგორც შესაძლოა, ამ სტრიქონის მკითხველს. მაგრამ, ჯერ კიდევ ცოცხლები არიან მოწმეები, თვითმხილველები, ჩვენს დროში მოვლენილი ამ სასწაულისა“, - წერდა არქიმანდრიტი რაფაელი.ანასტასია საზანოვა 1886 წელს დაიბადა თბილისში. დედა პატარა ასაკში გარდაეცვალა და დედინაცვალმა გაზარდა. ანასტასია ძალიან მორწმუნე გოგონა იყო და სახლთან ახლოს მდებარე ღვთისმშობლის სახელობის ეკლესიაში გალობდა. სლავური გარეგნობის გოგონას ბევრი თაყვანისმცემელი ჰყავდა, მაგრამ მას ერთი უბრალო ღარიბი ოფიცერი შეუყვარდა და მასზე დაინიშნა კიდეც. დედინაცვალს გერის ეკლესიური ცხოვრება ძალიან აღიზიანებდა და არც მისი საქმრო მოსწონდა. 1905 წელს პირველი მსოფლიო ომის ფრონტზე ანასტასიას საქმროც გაიწვიეს.ოფიცერი მასთან სახლში გამოსამშვიდობებლად მივიდა, მაგრამ დედინაცვალმა უთხრა: ანა ჭკუიდან შეიშალა, გაკოჭეს და ფსიქიატრიულ საავადმყოფოში წაიყვანესო. სასოწარკვეთილმა ოფიცერმა იარაღი ამოიღო და ადგილზევე მოიკლა თავი. ანასტასია წირვაზე იმყოფებოდა, სახლში რომ დაბრუნდა და საქმრო მკვდარი ნახა, მუხლებზე დაეშვა და ამ დღიდან დაიწყო მისი მოწამებრივი მოღვაწეობა.სურდა, თვითმკვლელის სულისათვის ელოცა. სწორედ ამის გამო ხალხმა მას „მჯდომარე ანასტასია“ შეარქვა. ანასტასია ათეული წლების მანძილზე, 1905 წლიდან 1970 წლამდე, სიცოცხლის ბოლომდე უძრავად, ქარსა და წვიმაში, მზესა თუ თოვლში საკუთარ ქუსლებზე იჯდა და განუწყვეტლივ ლოცულობდა. ის 1970 წლის 7 ივნისს გარდაიცვალა.კუკიის სასაფლაოზე დაკრძალეს. მას შემდეგ მის საფლავზე მიმსვლელთა რაოდენობა თანდათან მატულობდა. ანასტასიას საფლავზე მიმსვლელებს თან ვაშლები მიაქვთ, რომლებსაც ჯვრის სახით აწყობენ. ვაშლების მიტანის ტრადიცია ერთ ისტორიას უკავშირდება, რომლის თანახმადაც, მჯდომარე ანასტასიამ ავადმყოფი ქალი ვაშლით განკურნა.მის საფლავზე დღემდე მიდიან მორწმუნეები და სთხოვენ შემწეობას. მორწმუნეთა მტკიცებით, იგი ეხმარება ავადმყოფობებს განკურნებაში, ოჯახის შექმნაში, სიდუხჭირეში მყოფთ და აღესრულება სხვა მრავალი სასწაული რწმენით მისული ადამიანებისთვის.
სპორტი • 1793219586
მერაბ დვალიშვილის დამარცხებისთვის პიოტრ იანს 500 000$-იან ავტომობილს გადასცემენ
პიოტრ იანი ტიტულის დაცვისთვის გულუხვად დაჯილდოვდება. გარდა Fight of the Night-ის ბონუსით გათვალისწინებული 100 000$-ისა, UFC-ის რუსი ჩემპიონი მალე ახალ ავტომობილსაც, Rolls-Royce Cullinan-ს მიიღებს.საჩუქარს სუპერმსუბუქი წონის ჩემპიონი ბეთინგ-კომპანია 1win-ისგან მიიღებს, რომელთანაც ხანგრძლივი პარტნიორობა აკავშირებს.„დღეს პიოტრ იანმა კიდევ ერთხელ დაამტკიცა, თუ რატომ არის მსოფლიოს ერთ-ერთი საუკეთესო მებრძოლი. ასეთი გამარჯვებების მიღმა წლების შრომა, დისციპლინა და საქმისადმი თავდადება იმალება. 1win-ში მუდამ ვაფასებთ მათ, ვინც პირველობისთვის დაუღალავად იბრძვის. ამ გამარჯვებისთვის ჩვენგან პიოტრი Rolls-Royce Cullinan-ს მიიღებს - მან ეს დაიმსახურა“, - დაწერა 1win-ის მფლობელმა X-ზე. Thank you so much @Owner1win one of the best gifts no doubt 🙏🏼 — Petr “No Mercy” Yan (@PetrYanUFC) October 25, 2026
სამართალი • 1793219438
საქართველოსა და თურქეთის შინაგან საქმეთა მინისტრებს შორის სატელეფონო საუბარი გაიმართა
საქართველოს შინაგან საქმეთა მინისტრმა სულხან თამაზაშვილმა და თურქეთის რესპუბლიკის შინაგან საქმეთა მინისტრმა მუსტაფა ჩიფთჩიმ სატელეფონო საუბარი გამართეს.მხარეებმა ორგანიზებული და ტრანსნაციონალური დანაშაულის წინააღმდეგ ბრძოლის მიმართულებით არსებული თანამშრომლობა და მისი გაღრმავების პერსპექტივები განიხილეს.საუბრისას ხაზი გაესვა ორ ქვეყანას შორის სამართალდაცვით სფეროში ეფექტიანი თანამშრომლობის მნიშვნელობას.
მსოფლიო • 1793219136
ჰარი სტაილსის ახალ კლიპში ქართველი მსახიობი მონაწილეობს
მრავალთვიანი ლოდინის შემდეგ, როგორც იქნა, ჰარი სტაილსმა გულშემატკივრების სურვილი დააკმაყოფილა და სიმღერის Coming up Roses ვიდეორგოლი გამოუშვა.აღსანიშნავია, რომ მასში სალომე დოლიძეც მონაწილეობს. ინფორმაცია ამის შესახებ, ქართველმა მსახიობმა სოციალურ ქსელში გამოქვეყნებული ფოტოებით დაადასტურა. მან გამომწერებს გადასაღები მოედნიდან ფოტოებიც გაუზიარა.რაც შეეხება ვიდეორგოლს, ის სიმღერის მთავარ სათქმელთან პირდაპირ არის დაკავშირებული.... მომღერლის ეს ნამუშევარი ურთიერთობების წარმავლობასა და არასტაბილურობაზე მოგვითხრობს.მუსიკალურ ვიდეოში ჰარი ცეკვის დროს პარტნიორებს გამუდმებით ცვლის. ეს ვარსკვლავის ხედვას ასახავს, რომელიც ალბომზე საუბრისას გააჟღერა. ის ასე გამოიყურება: „ურთიერთობა შეიძლება იყოს განსაკუთრებული იმ შემთხვევაშიც კი, თუ ის სამუდამოდ არ გაგრძელდება“.
