პოლიტიკა • 1793783938

დავით ქართველიშვილი: ველოდები ტრანსფორმაციას, რომელიც გარდაუვალია ევროსაბჭოთა სივრცეში - საბჭოთა იმპერიის დანგრევას უნდა მოჰყვეს მეორე იმპერიის ნგრევა, რომელიც შესაძლოა იმაზე უფრო დიდი სიმახინჯე იყოს, ვიდრე საბჭოთა კავშირი

პარტია „ხალხის ძალის“ წევრი დავით ქართველიშვილი უკრაინაში, კიევთან აღმოჩენილ საკონცენტრაციო ბანაკთან დაკავშირებით საუბრობს და აცხადებს, რომ უკრაინის უახლესი ისტორიის გათვალისწინებით, მსგავსი ფაქტი გასაკვირი არ უნდა იყოს.მისი შეფასებით, ევროპულ კონტინენტზე არსებული ვითარება პროტესტის მუხტს აძლიერებს და ევროსაბჭოთა სივრცეში გარდაუვალ ტრანსფორმაციას მოასწავებს.„ვინც უკრაინის უახლეს ისტორიას კარგად იცნობს, მათ არ უნდა გაუკვირდეთ კიევთან აღმოჩენილი საკონცენტრაციო ბანაკი, მით უფრო, რომ ნეონაციზმის საუკეთესო მიმდევრები სწორედ უკრაინელები აღმოჩნდნენ მეორე მსოფლიო ომის დროს - კოლაბორაციონისტი პოლიციელების შვილთაშვილები და შთამომავლები.მე ნამყოფი ვარ ბელორუსში, ხატინის მემორიალზე, რომელიც ფაშისტების მიერ სოფლის გადაწვისა და მისი მცხოვრებლების, მათ შორის მოხუცებისა და ბავშვების, ცოცხლად დაწვის ტრაგედიას ასახავს. ეს სისასტიკე ერთ-ერთმა ქვედანაყოფმა ჩაიდინა, რომელიც ისტორიაში უკრაინული ბატალიონის სახელით არის შესული.ვიცით 1943 წლის ვოლინის ტრაგედია, პოლონელების გენოციდის შესახებ - როდესაც ვოლინის ოლქში მცხოვრები ათასობით პოლონელი ეთნიკური ნიშნით გაანადგურეს. ეს ერი [უკრაინელები], სამწუხაროდ, მიდრეკილია ნეონაცისტური წარსულისკენ და დღესაც ხდება იმ ნეონაცისტების გაღმერთება, ნეშტების ზარზეიმით გადმოსვენება და ა.შ.კიევთან აღმოჩენილ საკონცენტრაციო ბანაკზე ზელენსკის ადმინისტრაციის ხელმძღვანელმა ბუდანოვმა თქვა, რომ, მისი აზრით, ეს არ არის ერთეული შემთხვევა და მსგავსი სახლები ბევრი ეგულება უკრაინის ტერიტორიაზე. ეს არის, ფაქტობრივად, აღიარებითი ჩვენება და დასტური იმისა, თუ სადამდე შეიძლება დაეცეს ადამიანი, რომელმაც თავის დროზე ფაშიზმის დამარცხებაში მონაწილეობა მიიღო.ეს არის ისეთი კოგნიტური დისონანსი და ისეთი ოქსიმორონი ევროპულ კონტინენტზე, რომელიც, გინდა თუ არა, პროტესტის მუხტს უფრო ამძაფრებს. ამიტომ მე ვერ ვხედავ მარტივ გამოსავალს, რომ ხვალ ყველა დაწყნარდება, ურსულა ისევ ურსულა იქნება, ბრიუსელი ისევ ბრიუსელი იქნება.მე ველოდები ტრანსფორმაციას, რომელიც გარდაუვალია ევროსაბჭოთა სივრცეში, რადგან ბუმერანგის პრინციპი მუშაობს - საბჭოთა იმპერიის დანგრევას უნდა მოჰყვეს მეორე იმპერიის დანგრევა, რომელიც შესაძლოა იმაზე უფრო დიდი სიმახინჯე იყოს, ვიდრე საბჭოთა კავშირი,”-განაცხადა დავით ქართველიშვილმა.

მსოფლიო • 1793783823

ვოლოდიმირ ზელენსკიმ მელანია ტრამპი „პრინცესა ოლგას ორდენით“ დააჯილდოვა

უკრაინის პრეზიდენტმა ვოლოდიმირ ზელენსკიმ აშშ-ის პირველი ლედი მელანია ტრამპი „პრინცესა ოლგას ორდენით“ დააჯილდოვა, - ინფორმაცია უკრაინული მედია ქვეყნის პრეზიდენტის განკარგულებაზე დაყრდნობით ავრცელებს.ვოლოდიმირ ზელენსკის განკარგულების თანახმად, უკრაინის პრეზიდენტი აშშ-ის პირველ ლედის „პრინცესა ოლგას პირველი ხარისხის ორდენს“ გადასცემს „უკრაინის ჰუმანიტარული მხარდაჭერის საქმეში შეტანილი მნიშვნელოვანი პირადი წვლილისთვის“.„ასევე, აქტიური უფლებადაცვითი და საქველმოქმედო საქმიანობისთვის, რომელიც მიზნად ისახავს უკრაინელი ბავშვების, რუსეთის აგრესიის შედეგად დაზარალებული მოქალაქეების, რუსეთის მიერ დროებით ოკუპირებული უკრაინის ტერიტორიებიდან უკანონოდ დეპორტირებული და იძულებით გადაადგილებული პირების გადარჩენას“, - ნათქვამია უკრაინის პრეზიდენტის განკარგულებაში.შეგახსენებთ, გასულ კვირას, აშშ-ის პირველი ლედის, მელანია ტრამპის შუამავლობით, ხერსონის ოლქის დროებით ოკუპირებულ ქალაქ ოლეშკიში ჰუმანიტარული მისია განხორციელდა.

პოლიტიკა • 1793783252

დავით სონღულაშვილი „ქედის ღვინის ფესტივალს“ დაესწრო

გარემოს დაცვისა და სოფლის მეურნეობის მინისტრი დავით სონღულაშვილი, აჭარის მთავრობის თავმჯდომარე ზურაბ პატარაძესა და აჭარის სოფლის მეურნეობისა და გარემოს დაცვის მინისტრ დენის სალუქვაძესთან ერთად, „ქედის ღვინის ფესტივალს“ დაესწრო. ფესტივალი აჭარის სოფლის მეურნეობისა და გარემოს დაცვის სამინისტროს ინიციატივით, წელს პირველად, ქედის მუნიციპალიტეტში გაიმართა.„ქედის ღვინის ფესტივალი ეხმარება ქართული ღვინის პოპულარიზაციას და ადგილობრივი მეღვინეობის განვითარებას. ჩვენი მიზანია, ხელი შევუწყოთ არა მხოლოდ ღვინის წარმოების განვითარებას, არამედ ხარისხზე ორიენტირებული მეღვინეობის გაძლიერებას, ადგილობრივი უნიკალური ჯიშებისა და ტრადიციების შენარჩუნებას, ახალი ბაზრების ათვისებასა და ქართული ღვინის კონკურენტუნარიანობის ზრდას. ქედის ღვინის ფესტივალი კარგი შესაძლებლობაა, უფრო ფართო საზოგადოებას გავაცნოთ აჭარის მეღვინეობის პოტენციალი, ადგილობრივი მწარმოებლები და ქართული ღვინის მრავალფეროვნება. მსგავსი ღონისძიებები, ღვინის ტურიზმის განვითარებასა და რეგიონებში ეკონომიკური შესაძლებლობების გაძლიერებას უზრუნველყოფს“, - აღნიშნა დავით სონღულაშვილმა.ფესტივალის მიზანი ქართული ღვინის პოპულარიზაცია, ადგილობრივი მეღვინეების მხარდაჭერა, ღვინის ტურიზმის განვითარება და რეგიონის ეკონომიკური პოტენციალის წარმოჩენა იყო. ღონისძიებაში საქართველოს სხვადასხვა რეგიონიდან ჩამოსული 50-მდე მარნისა და მეღვინეობის წარმომადგენელი მონაწილეობდა, რომლებმაც სტუმრებს ტრადიციული და თანამედროვე მეთოდებით დამზადებული ღვინოები გააცნეს.ფესტივალის სტუმრებისთვის მოეწყო ღვინის სადეგუსტაციო და თემატური სივრცეები, სადაც საქართველოს სხვადასხვა რეგიონის ღვინოებთან ერთად წარმოდგენილი იყო ქართული მეღვინეობის ტრადიციები და აჭარის კულტურული თავისებურებები.ღონისძიების ფარგლებში გაიმართა გასტრონომიული მასტერკლასები, მომზადდა ღვინის თანმხლები ტრადიციული კერძები, მათ შორის, თონის პური, მწვადი, ჩურჩხელა და აჭარისთვის დამახასიათებელი კერძები. ფესტივალის პროგრამა ასევე მოიცავდა ქართული მრავალხმიანი სიმღერისა და ტრადიციული ცეკვების წარმოდგენებს, ასევე ბავშვებისთვის განკუთვნილ გასართობ აქტივობებს.სომელიეების მიერ ჩატარებული დეგუსტაციის შედეგად გამოვლინდნენ გამარჯვებული მეღვინეები, რომლებსაც სპეციალური სასაჩუქრე ნაკრებები გადაეცათ.ქედის ღვინის ფესტივალზე გარემოს დაცვისა და სოფლის მეურნეობის მინისტრის მოადგილე გიორგი წკრიალაშვილი, სურსათის ეროვნული სააგენტოს უფროსი გიორგი იაკობაშვილი და ადგილობრივი ხელისუფლების წარმომადგენლები იმყოფებოდნენ. 

პოლიტიკა • 1793783214

მაკა ბოჭორიშვილი: დიალოგის გარეშე ევროკავშირს გაუჭირდება საქართველოში მიმდინარე პროცესების ობიექტური შეფასება

საგარეო საქმეთა მინისტრმა, მაკა ბოჭორიშვილმა ისაუბრა საქართველოს შესახებ ანგარიშზე, რომელსაც ევროკომისია წარადგენს. მისი თქმით, ქართულმა მხარემ ანგარიშის მოსამზადებლად ევროკავშირს ყველა საჭირო ინფორმაცია მიაწოდა, თუმცა უცნობია, როგორ იქნება აღნიშნული ინფორმაცია გამოყენებული და ასახული დოკუმენტში.„შემიძლია მხოლოდ და მხოლოდ იმ ერთი წლის ფაქტებზე დაფუძნებით გავაკეთო წინასწარი შეფასება მოლოდინთან დაკავშირებით, თუმცა, რა თქმა უნდა, რთულია შეფასებების გაკეთება, ვიდრე ანგარიში არ გამოქვეყნდება. ზოგადად, როგორც წარიმართა საქართველოსა და ევროკავშირის დიალოგის პროცესი, თავისთავად არ იძლევა შესაძლებლობას, რომ გაკეთდეს ობიექტური შეფასებები. დიალოგის გარეშე რთული იქნება შეფასებებიც. ჩვენ, რა თქმა უნდა, ევროკავშირს მივაწოდეთ ყველა საჭირო ინფორმაცია, რაც მათ სჭირდებოდათ ანგარიშის მოსამზადებლად, თუმცა უცნობია, თუ როგორ იქნება ეს ინფორმაციები ასახული და გამოყენებული თავად ანგარიშში ან ანგარიშის დასკვნებში“, – განაცხადა ბოჭორიშვილმა.საგარეო საქმეთა მინისტრის თქმით, ევროკავშირის მხრიდან დიალოგის არარსებობა, როგორც ტექნიკურ, ისე პოლიტიკურ დონეზე, სწორი ანალიზის გაკეთებას შეუძლებელს ხდის.„ერთი რამ, რაც კიდევ უნდა ითქვას, არის ის, რომ ეს ანგარიში ეფუძნება ერთგვარად ასოცირების დღის წესრიგს. ასოცირების დიალოგი არის შესაძლებლობა იმისა, რომ კარგად შეფასდეს ყველა პროცესი, რაც ქვეყანაში ან ევროკავშირსა და საქართველოს შორის ურთიერთობებში მიმდინარეობს და იმ პირობებში, როდესაც არც ერთ დონეზე არ არის დიალოგი ევროკავშირის მხრიდან, არც ტექნიკურ დონეზე, არც პოლიტიკურ დონეზე, რა თქმა უნდა, ფაქტობრივად შეუძლებელია, რომ ევროკავშირმა და ევროკომისიამ გააკეთონ სწორი ანალიზი და სწორი შეფასებები ქვეყანაში მიმდინარე პროცესებთან დაკავშირებით“, – აღნიშნა ბოჭორიშვილმა.ბოჭორიშვილის თქმით, მნიშვნელოვანია, თუ რამდენად არის მზად ევროკავშირი ობიექტურად შეაფასოს საქართველოს მიერ მიღწეული პროგრესი და უზრუნველყოს ქვეყანასთან რეალურ ინფორმაციასა და დიალოგზე დაფუძნებული ურთიერთობების განვითარება.„თუმცა, რამდენად არის ამის სურვილი, ეს კიდევ მეორე კითხვაა, რომელიც ჩვენ გვაქვს. არის თუ არა ევროკავშირი მზად იმისათვის, რომ ობიექტურად შეაფასოს ის პროგრესი, რაც აქვს ქვეყანას. შარშან ჩვენ ვნახეთ, რომ ეკონომიკური მიმართულებით შეფასება საერთოდ არ გაუკეთებია ევროკავშირს, რაც კიდევ ერთხელ ნიშნავდა იმას, რომ ევროკავშირი არ არის მზად იმისთვის, რომ დაინახოს პროგრესი, რა მიმართულებითაც ქვეყანა ვითარდება. ვნახოთ, დაველოდოთ ანგარიშს, როგორი იქნება და შემდგომ შეგვიძლია უკვე შევაფასოთ ის ტენდენციები, რაც არის ბრიუსელში საქართველოსთან მიმართებით და რამდენად არის მზაობა იმისათვის, რომ ჩვენ ურთიერთობაში იყოს რეალურ ინფორმაციაზე თუ რეალურ დიალოგზე დაყრდნობილი ჩვენი მომავალი“, – აღნიშნა მაკა ბოჭორიშვილმა.

პოლიტიკა • 1793782709

ქართული სახელმწიფო მზად არის, რომ მონანიების და აღიარების შემთხვევაში ამ ადამიანებთან გაფორმდეს საპროცესო შეთანხმება - ირაკლი ხელაძე 4 ოქტომბრის ძალადობრივი მოვლენების გამო დაკავებულების შესახებ

პარლამენტის საფინანსო-საბიუჯეტო კომიტეტის თავმჯდომარის პირველი მოადგილე, ირაკლი ხელაძე, 4 ოქტომბრის ძალადობრივი მოვლენების ორგანიზატორების, მურთაზ ზოდელავასა და ლაშა ბერიძის საპროცესო შეთანხმებით გათავისუფლების საკითხზე ისაუბრა.ირაკლი ხელაძე ამბობს, რომ ყველა ვინც დანაშაულს აღიარებს და მოინანიებს, საპროცესო შეთანხმება გაუფორმდება."ჩვენ იმთავითვე, როდესაც ამ ადამიანებმა და ამ ჯგუფმა დაიწყო მოწოდებები სახელმწიფოს დამხობისკენ, მაშინვე ვაცხადებდით, რომ ეს იყო დანაშაულებრივი მოწოდება. შემდეგ უკვე ვიხილეთ 4 ოქტომბრის დანაშაულებრივი ფაქტი, რასაც მოჰყვა სამართლებრივი რეაგირება. მიუხედავად იმისა, რომ ეს ქმედება თავის შინაარსით საკმაოდ მძიმეა, ქართულ საზოგადოებას არაერთხელ აქვს ნანახი ის მოვლენები, რის მოწყობასაც ეს ადამიანები აპირებდნენ, ისიც კარგად იცის, რამ შეიძლება გამოეწვია ამ ყველაფერს არეულობის თვალსაზრისით. აი ამ ყველაფრის მიუხედავად, დღეს "ქართული ოცნება", ქართული სახელმწიფო მზად არის, რომ მონანიების და აღიარების შემთხვევაში ამ ადამიანებთან გაფორმდეს საპროცესო შეთანხმება. ეს აჩვენებს იმას, რომ ჩვენი თვითმიზანი არავის პატიმრობა არ არის. ანუ თუ იქნება სინანული, იქნება შემხვედრი ნაბიჯი. ასე რომ, ყველას მოვუწოდებთ, რომ გაანალიზონ ის ჩადენილი დანაშაულები და გააფორმონ საპროცესო შეთანხმება", - განაცხადა ირაკლი ხელაძემ.