ჟინვალთან მომხდარი ავარიისას დაშავებული კაცი გარდაიცვალა

სოფელ ანანურთან მომხდარ ავარიას 3 ადამიანის სიცოცხლე ემსხვერპლა. ადგილზე ახალგაზრდა ქალი და მისი 12 წლის ბიჭი დაიღუპნენ. კაცი კი, კლინიკაში მიყვანის შემდეგ გარდაიცვალა.

დაშავებული 5 ადამიანიდან, 3 მცირეწლოვანია. ხუთივე მათგანი ინგოროყვას კლინიკაში მკურნალობს.

ექიმის განმარტებით, დაშავებულებს მოტეხილობები აღენიშნებათ და მათი მდგომარეობა დამაკმაყოფილებელია.

გავრცელებული ცნობით, ანანურთან, მიკროავტობუსს მსუბუქი ავტომობილი შეეჯახა, რის შემდეგაც მიკროავტობუსი გზიდან, ჟინვალის წყალსაცავის მიმდებარე ტერიტორიაზე გადავარდა.