ავარია სამტრედია-საჯავახოს გზაზე - ავტომობილში ორი არასრულწლოვანი იჯდა

სამტრედია – საჯავახოს გზაზე დღის მეორე ნახევარში ერთმანეთს შეეჯახა ორი მსუბუქი ავტომობილი.

ავტოსაგზაო შემთხვევამ მსხვერპლის გარეშე ჩაიარა, თუმცა ექვსი მგზავრი დაშავდა.

სამაშველო სამსახურმა დაზარალებულები ჯეო ჰოსპიტალსის სამტრედიის მრავალპროფილურ ცენტრში გადაიყვანეს, სადაც მათ ამ წუთებში პირველადი დახმარება და გამოკვლევები უტარდებათ. დაშავებულთაგან ხუთი ერთი ოჯახის წევრია, მშობლები და სამი შვილი. მათგან ორი არასრულწლოვანია.

წყარო: „გურია ნიუსი“