ნინელი ჭანკვეტაძე

კულტურის სამინისტროს მხარდაჭერით გამართული რეგიონული თეატრების საერთაშორისო ფესტივალი საზეიმოდ დაიხურა

საქართველოს კულტურისა და სპორტის სამინისტროს მხარდაჭერით გამართული რეგიონული თეატრების მეათე, საიუბილეო საერთაშორისო ფესტივალი მრავალფეროვანი და საინტერესო ღონისძიებებით დასრულდა. ბოლო საფესტივალო დღეს ფოთში პოლონურმა დასმა წარმოადგინა სპექტაკლი ,,კამერა, რომელიც დედამ მომცა”. მაყურებელმა ასევე ნახა ოზურგეთის სახელმწიფო პროფესიული დრამატული თეატრის სპექტაკლი ,,ცის კარი”.კულტურის სამინისტროს მხარდაჭერით დაფუძნებულ რეგიონული თეატრების მეათე საერთაშორისო ფესტივალს 26 ივლისიდან 1 აგვისტოს ჩათვლით ფოთისა და სენაკის მუნიციპალიტეტებმა უმასპინძლა. წლევანდელ ფესტივალში მონაწილეობა მიიღეს როგორც ადგილობრივმა, ისე უცხოეთიდან ჩამოსულმა დასებმა. მათ შორის იყვნენ რუმინეთიდან და პოლონეთიდან ჩამოსული თეატრალური კოლექტივები. ფესტივალი 26 ივლისს ფონდ „ქართუს“ მხარდაჭერით აღდგენილ სენაკის სახელმწიფო დრამატულ თეატრში გაიხსნა ფესტივალის ათწლიანი ისტორიის ამსახველი კატალოგის პრეზენტაციით, რომელიც კულტურის სამინისტროს ხელშეწყობით გამოიცა. უნდა აღინიშნოს, რომ წლევანდელი ფესტივალისადმი ინტერესი დიდი იყო, რაზეც მაყურებლის რაოდენობაც მეტყველებს.10 წლის იუბილესთან დაკავშირებით ფესტივალის ორგანიზატორებმა სამადლობელი ჯილდოები გადასცეს ფესტივალის მხარდამჭერებს, თეატრმცოდნეებს, ფოთისა და სენაკის თეატრების სამხატვრო ხელმძღვანელებს და ამ მუნიციპალიტეტების მერებს. ღონისძიების კულმინაცია იყო კონცერტი. მაყურებლის წინაშე წარდგა ნეკა სებისკვერაძისა და დათო ნოზაძის დუეტი.ფესტივალის ფარგლებში გამართულ ღონისძიებებს ადგილობრივ მოსახლეობასთან ერთად ესწრებოდნენ მიწვეული სტუმრები - რეჟისორები, თეატრის კრიტიკოსები, თეატრისა და კინოს მსახიობები.მნიშვნელოვანია, რომ რეგიონებში მოქმედი თეატრების ხელშეწყობა და განვითარება, რეგიონებში კულტურული პროცესების გააქტიურება კულტურის სამინისტროს ერთ-ერთი პრიორიტეტული მიმართულებაა. სამინისტროს მიერ გამოცხადებული კონკურსების შედეგად თეატრალური დასები საქართველოს სხვადასხვა კუთხის მაყურებელს საკუთარ შემოქმედებას აცნობენ. მნიშვნელოვანია, რომ ეს ტრადიცია რეგიონების მოსახლეობას საშუალებას აძლევს, სხვადასხვა მნიშვნელოვანი შემოქმედებითი პროცესის მონაწილე გახდეს, ასევე, დაესწროს უცხოეთიდან ჩამოსული თეატრების წარმოდგენებს.ინფორმაციისთვის: რეგიონული თეატრების საერთაშორისო ფესტივალი საქართველოს კულტურის სამინისტრომ 2015 წელს ფოთში დააფუძნა და მას შემდეგ ყოველწლიურად მრავალფეროვან და საინტერესო წარმოდგენებს სთავაზობს მაყურებელს.ფესტივალის ორგანიზატორია კულტურულ-საგანმანათლებლო ფონდი „დღეს“, რომლის სამხატვრო ხელმძღვანელია ნინელი ჭანკვეტაძე.

საზოგადოება • 1680807719

„18 წელი შვილი არ გვყავდა... როცა ზაზას ეს ამბავი ვუთხარი, ჩაიკეცა...“ - ნინელი ჭანკვეტაძე საყვარელ მეუღლეზე, რომელიც ცოტა ხნის წინ დაკარგა

31 მარტს თეატრალურმა ზაზა მიქაშავიძე გარდაიცვალა. იგი თუმანიშვილის თეატრის ერთ-ერთი დამფუძნებელი და მოამაგე იყო.ცნობილია, რომ ბატონი ზაზა მსახიობ ნინელი ჭანკვეტაძის მეუღლე გახლდათ და ამ სამსახიობო წყვილს თეატრის შემოქმედებით ცხოვრებაში უდიდესი წვლილი მიუძღვის.ერთმანეთი სწორედ თეატრში გაიცნეს, სცენაზე გათამაშებული სიყვარული ცხოვრებაშიც გაგრძელდა და ოჯახური იდილია წლები გაგრძელდა.„ჩემი ოჯახი თეატრალურია, ჩემი მეუღლე ზაზა მიქაშავიძეც მსახიობია. ბევრ სპექტაკლში სცენაზე ერთად ვდგავართ და ვთამაშობთ... მიხეილ თუმანიშვილის მოსწავლე ვარ. ბატონი მიშა იყო გურუ, ძალიან დიდი პედაგოგი, დიდი რეჟისორი. მას ძალიან უყვარდა თავისი საქმე და ცდილობდა, ჩვენც ასევე გვყვარებოდა. ის რომ არ ყოფილიყო, მე მსახიობი არ ვიქნებოდი. ჩემი მეუღლეც ბატონი მიშას მოწაფე იყო. ჩემთვის თუმანიშვილის სახელობის თეატრი არის ყველაფერი“, - ამბობდა ნინელი ჭანკვეტაძე ერთ-ერთ ინტერვიუში.ცნობილია, რომ წყვილს 18 წელი შვილი არ უჩნდებოდა. 18 წლის შემდეგ გაჩნდა ანკა, რომელიც დედის ასლია.ნინელი ჭანკვეტაძე ერთ-ერთ ინტერვიუში ამბობდა: „18 წელი არ გვყავდა შვილი, ეს ძალიან დიდი დროა მოლოდინისთვის. ეს იყო სასწაული ჩემი ოჯახისთვის, მეუღლისთვის, ოჯახისთვის, აღმოჩნდა რომ უამრავი ადამიანი გვიჭერდა მხარს მთელ საქართველოში. არასოდეს იმედი არ დამიკარგავს. იყო საუბარი შვილის აყვანაზეც, ახლობლები ზრუნავდნენ ძალიან, მაგრამ მე მადლიერი ვარ ჩემი მეუღლის, დედამთილის, რომელსაც დღესაც დედას ვეძახდი, მულის, არჩევანი მე მქონდა, მე უნდა გადამეწყვიტა როგორ მოვიქცეოდი“,- ამბობდა ნინელი ჭანკვეტაძე. წყარო:

საზოგადოება • 1680513448

„ჩვენი დაუდევრობის გამო მოხდა ეს...“ - ნინელი ჭანკვეტაძე რთულ პერიოდზე

მსახიობი ნინელი ჭანკვეტაძე გადაცემაში „სხვა კითხვები ნიკოლოზისგან“ პირად ცხოვრებაზე საუბრობს. როგორც გაირკვა, ცნობილი მსახიობი წლების მანძილზე ნაქირავებ სახლში ცხოვრობდა. თუ რა იყო ამის მიზეზი, ამ თემაზე თავად ნინელი საუბრობს.„ეს მოხდა ჩვენი დაუდევრობის გამო, ზაზასაც ჰქონდა სახლი, მეც, კიდევ არსებობდა რაღაც სახლები და არასდროს გვიფიქრია, რომ ოდესმე დავრჩებოდით ყველაფრის გარეშე. ალბათ, იმანაც, რომ შვილი არ გვყავდა, უფრო უდარდელად გვამყოფა ამ საკითხში. მაგალითად, კინოსტუდიაში განაწილდა ბინები, ჩვენ, როგორც ორ წამყვან მსახიობს, გვეკუთვნოდა, აღრიცხვაზე ვიყავით, მიუხედავად იმისა, რომ ზაზას სახლში ვცხოვრობდით მის დედასა და ჩემს მულთან ერთად და არანაირი პრობლემა არ იყო, ყველანი კარგად ვეტეოდით, მაინც გვეკუთვნოდა ბინა. მაშინ ზაზა მივიდა ბატონ რეზო ჩხეიძესთან და უთხრა, შვილი არ გვყავს და ვისაც უფრო მეტად სჭირდება, მას მიეცით ბინაო. 90-იანებში, როდესაც ყველაფერი დაიქცა, ჩვენი მშობლებიც იქით იყვნენ მისახმარებლები, მერე ანა გაჩნდა, დიდხანს არ გვქონდა საკუთარი ბინა.ასევე ნახეთ: ,,ისე მოვკვდებოდი, რა არის დედის დატირება, ვერ გავიგებდიო, ყურში მითხრა..." - ლაურა რეხვიაშვილი ზაზა მიქაშავიძეს იხსენებსეს არის ჩვენი მეგობრების დამსახურება, ვინც გვეხმარებოდა წლების განმავლობაში, რომ ორ არტისტს რაღაცნაირად თავი გაგვეტანა და ბინის ქირა გადაეხადა. ძალიან მადლობელი ვარ ამ ადამიანების. ძალიან ხშირად, როცა ბინის ქირის გადახდის დრო მოდიოდა, ვფიქრობდი, ახლა რანაირად გადავიხადოთ-მეთქი. გამიყიდია ნივთებიც, მაგრამ ადამიანზე უფრო ძვირფასი არაფერია, თუ გჭირდება, ხვალემ უნდა იზრუნოს ხვალისთვის და არც გული უნდა დაგწყდეს…“ასევე ნახეთ: „ეს ფილმი იყო ჩემი ტანჯვა-წამება... დავიფიცე რომ კინოში აღარასდროს ვითამაშებდი“- ნინელი ჭანკვეტაძე

კულტურა • 1680282136

,,ისე მოვკვდებოდი, რა არის დედის დატირება, ვერ გავიგებდიო, ყურში მითხრა..." - ლაურა რეხვიაშვილი ზაზა მიქაშავიძეს იხსენებს

68 წლის ასაკში მოულოდნელად გარდაიცვალა მსახიობი და რეჟისორი ზაზა მიქაშავიძე.ზაზამ და ნინელი ჭანკვეტაძემ წლები ერთად გაატარეს სცენასა და ცხოვრებაში. ნინელიმ თეატრალურ ინსტიტუტში რომ სწავლა დაიწყო, ზაზამ დაასრულა. სიყვარული სცენაზე ეწვიათ. შვილი ქორწინების მეთვრამეტე წელს გაუჩნდათ. ანკა მიქაშავიძე მშობლების გზას არ გაჰყვა. სამსახიობო პროფესია არ აურჩევია.მეგობარსა და კოლეგას "პრაიმტაიმთან" ლაურა რეხვიაშვილი იხსენებს.ლაურა რეხვიაშვილი: ჩვენ ჯგუფელები ვიყავით. მე და ზაზა პირველი კურსიდან ერთად ვართ.იყო არაჩვეულებრივი მეგობარი. ასპროცენტიანი სმენა ჰქონდა, უკრავდა გიტარაზე, მღეროდა... კარგი საურთიერთო ადამიანი იყო.არეულ 90-იან წლებში, თბილისში რომ ბრმა ტყვიებს ემალებოდნენ, მე კახეთში ვცხოვრობდი, მათე პატარა მყავდა და დათიკო რომ მოსკოვში იყო, ზაზა ჩამოდიოდა სტუმრად და ერთგვარად გვპატრონობდა. ზაზას სტუმრობა დღესასწაულივით იყო. დათიკოს მეგობრებს უყვარდათ მასთან ურთიერთობა. ზაზა ხელს მოკიდებდა მათეს, შეისვამდა ზურგზე და ახტუნავებდა.ღვინო და არაყი მარანში ხომ ინახება, იქვე იყო გარჩეული ნიგოზი. ვიქეიფებდით და მეტყოდა, აღარ მივდივარ თბილისში, აქვე უნდა დავწვე, დავიძინოო.როცა მეკითხებოდნენ, რატომ არ ბრუნდები თეატრში და როდემდე გინდა მანდ იყოო, ზაზამ, რომელმაც ჩემი ატმოსფერო და მიკროსამყარო იცოდა, ასეთი პასუხი გასცა: გაანებეთ ამ ქალს თავი. მთავარია ჰარმონიულად არის და ბედნიერია, რა მნიშვნელობა აქვს, რას აკეთებსო. მნახა იმ სიტუაციაში და მიხვდა, რომ სიცოცხლით სავსე, ბედნიერი ვიყავი. არ ერიდებოდა სტუმრად მოსვლა, იცოდა, რომ იმდენი რძე, ყველი, ქათამი, ნიგოზი, ღვინო და სანოვაგე მქონდა... ხუმრობით მეტყოდა, აბა, დაუძახე ქათმებს, რამდენი გყავსო. იცინოდა. უხაროდა, რომ კარგად ვიყავი. ასეთს რომ მხედავდა, ხვდებოდა, რა არის ბედნიერება. ხვდებოდა, რომ მნიშვნელობა არ აქვს - ძროხას წველი და ელაპარაკები, ბოსტანს უვლი, თუ სცენაზე თამაშობ იგივე ქალს, რომელიც იმ ყველაფერს აკეთებს. გარდამეცვალა და. გზაში მანქანა გაფუჭებია თეატრის დასს და გვიან ჩამოვიდნენ კახეთში. მიცვალებული უკვე ეზოშია ჩამოსასვენებელი და დედაჩემი გამოსათხოვებლად დასტირის... მოვიდნენ, ზაზა უყურებს ამ სცენას და თავი ვერ შეიკავა იმ აზრისგან, რომელიც მოუვიდა და რომლის არ თქმა, არ შეიძლებოდა... და ყურში გულწრფელად მეუბნება: კიდევ კარგი მანქანამ არ გვიღალატა და გასვენებას მოვუსწარი, თორემ ხომ ისე მოვკვდებოდი, რომ ვერ გავიგებდი, რა არის დედის დატირებაო... ჩვენს ფოლკლორში ხომ არის დატირება, ზარი - შედევრებია! დედა ისე დასტიროდა თავის შვილს, ქვას ხეთქავდა!.. ერთხელ რეპეტიციის დროს, ზაზას წნევამ აუწია, სარეპეტიტოროში დააწვინეს. წამალი არ გაიკარა, არ მინდაო. მივედი, ავქოთქოთდი, ხელის გულზე მაქვს აბი. ვეფერები - წნევა გაქვს, წამოწითლებული ხარ, რად უნდა გასინჯვა, დალიე წამალი, არც მე მენდობი-მეთქი?! ამ სიტყვებზე გადმობრუნდა, შემომხედა, აიღო აბი და შენ თუ არ გენდობი, აბა, ვიღას ვენდობიო...ბევრჯერ გვიკამათია, მაგრამ მაგონდება ასეთი ისტორიები...ემოციურად მძიმე დღე იყო, ცუდ განწყობაზე ვართ ყველა. კიდევ კარგი ეს ისტორიები გავიხსენე...

კულტურა • 1671112611

„მისი საქართველოდან წასვლა, დიდი შეცდომა იყო...“ - რას გვიყვება იუბილარ ლევან უჩანეიშვილზე ქეთი დოლიძე

ლევან უჩანეიშვილი 64 წლის გახდა. მსახიობი წლებია ამერიკაში ცხოვრობს. ქეთი დოლიძე მიიჩნევს, რომ მან საქართველოდან წასვლით შეცდომა დაუშვა. რეჟისორის აზრით, სამშობლოში გაცილებით მეტს მიაღწევდა.არის როლები, რომელიც ბოლომდე მიჰყვებათ მსახიობებს. მიუხედავად იმისა, რომ მის შემოქმედებაში "სპირალში" შესრულებულ როლს განსაკუთრებული ადგილი უჭირავს, უჩანეიშვილი მაინც, მაყურებლის მეხსიერებაში კუკარაჩად დარჩა... ქეთი დოლიძე "პრაიმტაიმთან" თავის სავიზიტო ბარათად ქცეული ფილმს იხსენებს და იუბილარს დაბადების დღეს ულოცავს. ქეთი დოლიძე: ლევანს იმ დროს უკვე დამთავრებული ჰქონდა თეატრალური ინსტიტუტი. და უკვე პრაქტიკულად, ჩვენთან იყო თეატრში. მე ზუსტად ვიცოდი, რომ ლევანის დამტკიცება მინდოდა კუკარაჩას როლზე. სამხატვრო საბჭო შემეწინააღმდეგა - გარეგნულად არ ესადაგება დუმბაძის გმირს, კუკარაჩა შავგრემანია, უჩანეიშვილი კი ცისფერთვალება და თეთრიო. არჩევანში მხარს მხოლოდ რეზო ჩხეიძე და ირაკლი კვირიკაძე მიჭერდნენ.სინჯები რომ გადავიღე და მამაჩემს და ნოდარ დუმბაძეს ვაჩვენე, ორივემ მითხრა, სწორი არჩევანი გაქვს გაკეთებულიო. შეკრული ორ საათიანი მასალა, დამონტაჟებამდეც მათ ვაჩვენე. ნოდარმა მითხრა, ეს არის ჩემი კუკარაჩაო! რა თქმა უნდა, ეს იყო ყველაზე დიდი შეფასება.ვალდებული ვიყავი, რომ სხვებიც გამესინჯა როლზე, ბევრი გავსინჯე როგორც ინგას, ასევე კუკარაჩას როლზე. მიუხედავად იმისა, რომ ჩემთვის ნინელი ჭანკვეტაძე და ლევან უჩანეიშვილი უკონკურენტოები იყვნენ, ისევე როგორც ზაზა კოლელიშვილი და მარინა ჯანაშია.მიუხედავად ამ მსახიობების მდიდარი ბიოგრაფიისა, ბევრი ნათამაშები როლებისა, მათ სწორედ ამ ფილმის გმირები მოჰყვებათ. ისევე როგორც მე მომყვება მთელი ცხოვრება "კუკარაჩა" და იმედი მაქვს, "მარტოხელა მონადირე". ამ დროს შვიდი ფილმი მაქვს გადაღებული. იყო ასეთი რუსული "ლიტერატურული გაზეთი", რომელსაც პრაქტიკულად, 200 მილიონი ადამიანი კითხულობდა. იქ გამოქვეყნდა ნოდარ დუმბაძის ინტერვიუ. ის ამბობს, რომ ჩემი ყველა ნაწარმოები ეკრანიზებული იყო, დიდ პატივს ვცემ და მადლობას ვეუბნები ყველა რეჟისორს, მაგრამ თუ მკითხავთ, ამ ეკრანიზაციებს შორის, რომელია ნოდარ დუმბაძე, გეტყვით, ეს არის ქეთი დოლიძის "კუკარაჩა" და ლეილა გორდელაძის "ძაღლი"-ო.- რას მიაწერთ ამ წარმატებას?- ყველაფერს ერთად, მთელ ანსამბლს, მსახიობებს, რეჟისორს, სცენარის ავტორებს. ბატონი ნოდარი სცენარს თვითონ არასდროს წერდა. რეჟისორებს ანდობდა. მე არ ვარ სცენარისტი, აიღეთ ჩემი ნაწარმოებები და მოუარეთო, ამბობდა. ჩემთვისაც აქვს ნათქვამი და ბოლომდე ვერ ეგუებოდა იმას, რომ "მე, ბებია, ილიკო და ილარიონი", გურიაში არ იყო გადაღებული. პირტიტველა, ხრიოკზე გადაღებული ფილმია. ნოდარ დუმბაძის გმირები არ შეიძლება აღმოსავლეთ საქართველოში იყვნენ დაბადებულნი.როგორც რეჟისორი იხსენებს ლევანმა პირველი გადასაღები დღე ლამის ჩაშალა. მიზეზი კი ის გახლდათ, რომ ლევანმა თმა შეიღება.ქეთი დოლიძე: პირველი დღეა და ლევანმა გადასაღებ მოედანზე დააგვიანა. ანიკო დეიდას სახლში გვაქვს გადაღება. მოვიდა და ვუყურებთ მე, მარინა ჯანაშია და ოპერატორი, რაღაც უცნაურად გვეჩვენება. თურმე დილიდან წასულა საპარიკმახეროში და კუნაპეტი შავი საღებავით შეუღებავს თმა. იმ კადრებში ეტყობა კიდეც, რომ არანორმალურად შავი თმა აქვს, არაბუნებრივად. არავის გვკითხა, წავიდა და თმა შეიღება. როგორ შეიძლება ასეთი შავი თმა გქონდეს, როცა ასეთი ღია ცისფერი თვალები და ღია წაბლისფერი თმა გაქვს-მეთქი. კინაღამ გავგიჟდით! სხვა ეპიზოდებში სხვა ფერი აქვს, საღებავი გადაუვიდა. მე ძალიან მიყვარს ის ეპიზოდი, მურტალო რომ კლავს. კარგად თამაშობს. ყველა ფილმზე მყავდა არაჩვეულებრივი ოპერატორი მიხეილ მელნიკოვი. ის იყო მხატვარიც. ძნელი იყო ლევანის ღია ფერის თვალების გადაღება. მიშა ქვევიდან აყენებდა განათებას, რომ მისი თვალის ღია ფერი ოდნავ ჩაექრო. სწორედ მიშას დამსახურებაა, რომ ლევანის თვალის ფერი არაჩვეულებრივად ჩანს "კუკარაჩაში". სხვა ფილმებში არ არის ასეთი გარეგნობის ლევანი. ფილმის მსახიობებმა მეორე დღეს ვარსკვლავებმა გაიღვიძეს. ძალიან პოპულარულები იყვნენ.ლევანის ბრალია ის, რომ უფრო მეტ წარმატებას ვერ მიაღწია. დაბადების დღეა მაგრამ ვიტყვი, რომ მისი საქართველოდან წასვლა დიდი შეცდომა იყო. აქ ბევრად მეტს გააკეთებდა კინოშიც და თეატრშიც. თუმცა ეს მისი გადაწყვეტილება იყო და ღმერთმა კარგად ამყოფოს. დღესაც ვურთიერთობ ლევანთან. ლევანს მივულოცავ. ახლა ლოს-ანჯელესში ცხოვრობს. ახლა რას აკეთებს ნამდვილად არ ვიცი. გასაიდუმლოებული აქვს ყველაფერი. ჯანმრთელობას და სიხარულს ვუსურვებ...

კულტურა • 1662619020

„ეს ცისფერთვალება ბიჭი რა შუაშია, დუმბაძის კუკარაჩა შავტუხა უნდა იყოს“ - ვინ იწუნებდა ლევან უჩანეიშვილს კუკარაჩას როლზე

ჩემი „კუკარაჩა“ ნანახი გაქვს?“ - ფრაზას, რომლითაც ქეთი დოლიძეზე ხუმრობენ, რეჟისორი ასე ჰპასუხობს:„ეს ფრაზა ნამდვილად ვთქვი და ყოველთვის ყველას ვეტყვი. „კუკარაჩა“, პირველ რიგში, ნოდარ დუმბაძის არის, მაგრამ ჩემიც არის“.რეჟისორი „პრაიმტაიმთან“ იხსენებს ისტორიებს, რომლებიც ფილმის გადაღებას მოჰყვა. ქეთი დოლიძე: - მამამ „კუკარაჩა“ რომ წაიკითხა, ნოდარს დაურეკა: მომეცი უფლება, მე და ჩემმა ქალიშვილმა ერთად გადავიღოთ მასზე ფილმიო. ბატონი ნოდარი ფანტასტიკური ადამიანი იყო. ბატონო სიკო, თქვენ რამე ისურვეთ და რაზეა ლაპარაკიო, უპასუხა.მსახიობების არჩევა რომ დავიწყე, მამაც და ბატონი ნოდარიც ავად გახდნენ და ლოგინად ჩაწვნენ. დავიწყე გადაღებები; პირველად აფთიაქის ეპიზოდს ვიღებდით.არის ასეთი ტრადიცია, გადაღებები რომ იწყება, შამპანური უნდა გაიხსნას და ბოთლი კამერაზე უნდა გატყდეს. მე, ზაზა კოლელიშვილმა და ლევან უჩანეიშვილმა ვიყიდეთ ორი ბოთლი შამპანური და მივედით მამასთანაც და ბატონ ნოდართანაც. მათ უკან დაგვიბრუნეს შამპანური, დაგვლოცეს და ეს ბოთლები კამერის ფეხზე გავტეხეთ.შავი მასალა დაახლოებით ოთხ საათიანი იყო. შევკარი თუ არა, ნოდარს და მამას ვაჩვენე. ბატონი ნოდარი ძალიან კმაყოფილი გადამეხვია და მამაჩემივით მომმართა - ქეთევანა, ეს არის ნამდვილი ნოდარ დუმბაძე.მე ვამაყობ იმით, რომ იმ დროს „ლიტერატურნაია გაზეტასთვის“ მიცემულ ინტერვიუში ნოდარ დუმბაძემ თქვა: მე დიდ პატივს ვცემ ყველას, ვინც ჩემ ნაწარმოებებზე ეკრანიზაცია გადაიღო, მაგრამ თუ ლაპარაკია იმაზე, რომელია ნამდვილი დუმბაძე, მე ვიტყვი, რომ ეს არის ლეილა გორდელაძის „ძაღლი“ და ქეთი დოლიძის „კუკარაჩაო“. ეს იყო ავტორისგან აბსოლუტური აღიარება. ამაზე მეტი რა უნდა მიმეღო...ფილმი თავიდან ბოლომდე მე გადავიღე. მამას სახელი კი სიმბოლურად დავაწერე. საერთოდ არ ჩარეულა ფილმში.1982 წელს მამა ფილმის პრემიერას ვერ დაესწრო, ცოცხალი აღარ იყო. „კუკარაჩა“ ძალიან მიყვარს. ვისაც მე არ ვუყვარვარ და არ მოვწონვარ და ასეთები მრავლად მყავს, ისინი აღარც ნოდარ დუმბაძეზე ფიქრობენ, აღარც არაფერზე... და დამცინიან - „ჩემი კუკარაჩა ნანახი გაქვს“ ეს ფრაზა ნამდვილად ვთქვი და ყოველთვის ყველას ვეტყვი. ის, პირველ რიგში, ნოდარ დუმბაძის არის, მაგრამ ჩემიც არის.ახლა მსახიობების არჩევაზე მოგიყვებით ისტორიებს. არავინ იყო თანახმა, რომ კუკარაჩას როლი ლევან უჩანეიშვილს ეთამაშა. რეზო ჩხეიძისა და ირაკლი კვირიკაძის გარდა, მთელი 42 კაციანი სამხატვრო საბჭო წინააღმდეგი იყო. - ეს ცისფერთვალება ბიჭი რა შუაშია, დუმბაძის კუკარაჩა შავტუხა უნდა იყოსო - ვენები გადაიჭრეს. კლიშე! ნოდარის აღწერილი კუკარაჩა აბსოლუტურად არ არის ლევან უჩანეიშვილი ისევე, როგორც ნინელი ჭანკვეტაძე არ არის დუმბაძის ინგა. - და თქვენი როგორ გაიტანეთ?- გავიტანე, მე რას არ გავიტან?! ვხუმრობ. ეს იყო აბსოლუტურად რეზო ჩხეიძის დამსახურება. მან თქვა, მე ვენდობი ქეთი დოლიძეს, თუ ის ამ როლში ლევანს ხედავს, ე.ი. ლევანი უნდა იყოს და აღარ გვინდა ამაზე კამათიო.და ეს ფილმი ლევანის სავიზიტო ბარათად დარჩა. სხვათა შორის, ნინელის სავიზიტო ბარათიც ინგაა, ჯერჯერობით. ეს მხოლოდ ჩემი დამსახურება კი არ არის, ასე ხდება. ბევრს თამაშობენ, როლებს ასრულებენ, მაგრამ მაინც ერთი მთავარი როლის არტისტებად რჩებიან. ასე დარჩნენ ნინელი და ლევანი ინგად და კუკარაჩად. ნინელის არავინ ართმევს მის თეატრალურ როლებს და მთელ შემოქმედებას, მაგრამ ფაქტია, ინგად და კუკარაჩად დარჩნენ. რა გავაკეთოთ? ისევე როგორც ლეილა აბაშიძის შემოქმედების მთავარ როლად დარჩა ჭრიჭინა. სხვათა შორის, ზაზა კოლელიშვილზეც მითხრეს, ძალიან სიმპათიურია, ეს მურტალო არ არისო. მურტალო რომ ჰქვია, აუცილებლად მურტალო კი არ უნდა იყოს, ეკრანი სხვა რამეა. თან არ შეიძლება, ასეთი სიყვარული შეეძლოს, ასე იქცეოდეს, ამდენ ყვავილებს უგზავნიდეს ქალს და იყოს ერთმნიშვნელოვნად საზიზღარი გარეგნობის. ასე არ მინდოდა. ქურდებს ასეთი სახელი ჰქვიათ, მაგრამ არ ნიშნავს, რომ შეხედავ და მურტალია. სწორადაც მოვიქეცი. ზაზას შემთხვევაშიც, შეთეც და მურტალოც გამორჩეული როლებია.

კულტურა • 1657798852

„ქეთევანა, ეს არის ნამდვილი ნოდარ დუმბაძე...“ - ვისგან, რა საჩუქარი მიიღო ქეთი დოლიძემ "კუკარაჩას" პრემიერის შემდეგ

დღეს ნოდარ დუმბაძის დაბადების დღეა. ყველასთვის საყვარელი მწერალი 14 ივლისს 94 წლის გახდებოდა. თითქმის არ დარჩენილა მისი არც ერთი რომანი და მოთხრობა, რომ ან ეკრანიზაცია ან სპექტაკლი არ დადგმულიყო.ნოდარ დუმბაძე მაინც, პირველ რიგში, უნდა წაიკითხო, იცინო, იტირო და ბევრი იფიქრო. თუმცა ეკრანიზაციებში მწერალს ნამდვილად გაუმართლა. "ჩემი "კუკარაჩა" ნანახი გაქვს?" - ფრაზას, რომლითაც ქეთი დოლიძეზე ხუმრობენ, რეჟისორი ასე პასუხობს:"ეს ფრაზა ნამდვილად ვთქვი და ყოველთვის ყველას ვეტყვი. "კუკარაჩა", პირველ რიგში, ნოდარ დუმბაძის არის, მაგრამ ჩემიც არის."რეჟისორი "პრაიმტაიმთან" იხსენებს ისტორიებს, რომლებიც ფილმის გადაღებას მოჰყვა. ქეთი დოლიძე: - მამამ "კუკარაჩა" რომ წაიკითხა, ნოდარს დაურეკა: მომეცი უფლება, მე და ჩემმა ქალიშვილმა ერთად გადავიღოთ მასზე ფილმიო. ბატონი ნოდარი ფანტასტიკური ადამიანი იყო. ბატონო სიკო, თქვენ რამე ისურვეთ და რაზეა ლაპარაკიო, უპასუხა. მსახიობების არჩევა რომ დავიწყე, მამაც და ბატონი ნოდარიც ავად გახდნენ და ლოგინად ჩაწვნენ. დავიწყე გადაღებები; პირველად აფთიაქის ეპიზოდს ვიღებდით.არის ასეთი ტრადიცია, გადაღებები რომ იწყება, შამპანური უნდა გაიხსნას და ბოთლი კამერაზე უნდა გატყდეს. მე, ზაზა კოლელიშვილმა და ლევან უჩანეიშვილმა ვიყიდეთ ორი ბოთლი შამპანური და მივედით მამასთანაც და ბატონ ნოდართანაც. მათ უკან დაგვიბრუნეს შამპანური, დაგვლოცეს და ეს ბოთლები კამერის ფეხზე გავტეხეთ. შავი მასალა დაახლოებით ოთხ საათიანი იყო. შევკარი თუ არა, ნოდარს და მამას ვაჩვენე. ბატონი ნოდარი ძალიან კმაყოფილი გადამეხვია და მამაჩემივით მომმართა - ქეთევანა, ეს არის ნამდვილი ნოდარ დუმბაძე.მე ვამაყობ იმით, რომ იმ დროს "ლიტერატურნაია გაზეტასთვის" მიცემულ ინტერვიუში, ნოდარ დუმბაძემ თქვა: მე დიდ პატივს ვცემ ყველას, ვინც ჩემ ნაწარმოებებზე ეკრანიზაცია გადაიღო, მაგრამ თუ ლაპარაკია იმაზე, რომელია ნამდვილი დუმბაძე, მე ვიტყვი, რომ ეს არის ლეილა გორდელაძის "ძაღლი" და ქეთი დოლიძის "კუკარაჩა"-ო. ეს იყო ავტორისგან აბსოლუტური აღიარება. ამაზე მეტი რა უნდა მიმეღო...ფილმი თავიდან ბოლომდე მე გადავიღე. მამას სახელი კი სიმბოლურად დავაწერე. საერთოდ არ ჩარეულა ფილმში.1982 წელს მამა ფილმის პრემიერას ვერ დაესწრო, ცოცხალი აღარ იყო. "კუკარაჩა" ძალიან მიყვარს. ვისაც მე არ ვუყვარვარ და არ მოვწონვარ და ასეთები მრავლად მყავს, ისინი აღარც ნოდარ დუმბაძეზე ფიქრობენ, აღარც არაფერზე... და დამცინიან - "ჩემი კუკარაჩა ნანახი გაქვსო? ეს ფრაზა ნამდვილად ვთქვი და ყოველთვის ყველას ვეტყვი. ის, პირველ რიგში, ნოდარ დუმბაძის არის, მაგრამ ჩემიც არის.ახლა მსახიობების არჩევაზე მოგიყვებით ისტორიებს. არავინ იყო თანახმა, რომ კუკარაჩას როლი ლევან უჩანეიშვილს ეთამაშა. რეზო ჩხეიძისა და ირაკლი კვირიკაძის გარდა, მთელი 42 კაციანი სამხატვრო საბჭო, წინააღმდეგი იყო. "ეს ცისფერთვალება ბიჭი რა შუაშია, დუმბაძის კუკარაჩა შავტუხა უნდა იყოსო" - ვენები გადაიჭრეს. კლიშე! ნოდარის აღწერილი კუკარაჩა აბსოლუტურად არ არის ლევან უჩანეიშვილი ისევე, როგორც ნინელი ჭანკვეტაძე არ არის დუმბაძის ინგა. - და თქვენი როგორ გაიტანეთ?- გავიტანე, მე რას არ გავიტან?! ვხუმრობ. ეს იყო აბსოლუტურად რეზო ჩხეიძის დამსახურება. მან თქვა, მე ვენდობი ქეთი დოლიძეს, თუ ის ამ როლში ლევანს ხედავს, ესე იგი ლევანი უნდა იყოს და აღარ გვინდა ამაზე კამათიო.და ეს ფილმი ლევანის სავიზიტო ბარათად დარჩა. სხვათა შორის, ნინელის სავიზიტო ბარათიც ინგაა, ჯერჯერობით. ეს მხოლოდ ჩემი დამსახურება კი არ არის, ასე ხდება. ბევრს თამაშობენ, როლებს ასრულებენ, მაგრამ მაინც ერთი მთავარი როლის არტისტებად რჩებიან. ასე დარჩნენ ნინელი და ლევანი ინგად და კუკარაჩად. ნინელის არავინ არ ართმევს მის თეატრალურ როლებს და მთელ შემოქმედებას, მაგრამ ფაქტია, ინგად და კუკარაჩად დარჩნენ. რა გავაკეთოთ? ისევე როგორც ლეილა აბაშიძის შემოქმედების მთავარ როლად დარჩა ჭრიჭინა. სხვათა შორის, ზაზა კოლელიშვილზეც მითხრეს, ძალიან სიმპათიურია, ეს მურტალო არ არისო. მურტალო რომ ჰქვია, აუცილებლად მურტალო კი არ უნდა იყოს, ეკრანი სხვა რამეა. თან არ შეიძლება ასეთი სიყვარული შეეძლოს, ასე იქცეოდეს, ამდენ ყვავილებს უგზავნიდეს ქალს და იყოს ერთმნიშვნელოვნად საზიზღარი გარეგნობის. ასე არ მინდოდა. ქურდებს ასეთი სახელი ჰქვიათ, მაგრამ არ ნიშნავს, რომ შეხედავ და მურტალია. სწორადაც მოვიქეცი. ზაზას შემთხვევაშიც შეთეც და მურტალოც გამორჩეული როლებია."კუკარაჩა" რომ ეკრანებზე გამოვიდა, მეორე კვირას, ჩემს კარზე ზარი დაირეკა. მარტო ვიყავი სახლში. კარი გავაღე და უზარმაზარი ვარდების თაიგულით დგას ბიჭი. ალბათ, 200-მდე ვარდი მაინც იქნებოდა, თუ მეტი არა. ბავშვი ყვავილებში იყო ჩაკარგული. მომაწოდა თაიგული, რომელშიც იდო პატარა კონვერტი ბარათით - "ქეთი დოლიძეს მადლიერებით საქართველოს ქურდებისგან (იცინის)..." დღევანდელი დღე ჩემთვის საფიცარია. ნოდარ დუმბაძე არამარტო დიდი მწერალი, დიდი პიროვნება იყო. ასე მგონია, ამ ქვეყნიდან გუშინ წავიდა. ხანდახან მავიწყდება, რომ არ არის. გავა დრო და კიდე მეტად დავაფასებთ, როგორც ძალიან დიდ მოვლენას ქართულ ლიტერატურაში.

შოუბიზნესი • 1654844990

„ეს ფილმი იყო ჩემი ტანჯვა-წამება... დავიფიცე რომ კინოში აღარასდროს ვითამაშებდი“- ნინელი ჭანკვეტაძე

მსახიობი ნინელი ჭანკვეტაძე გადაცემაში „სხვა კითხვები ნიკოლოზისგან“ პირად ცხოვრებაზე საუბრობს. მსახიობმა ის პერიოდი გაიხსენა, როცა საერთოდ აღარ უნდოდა ფილმებში მონაწილეობა.„ჭკუიდან მშლიდა უდისციპლინობა. მეტყოდნენ ხვალ დილით 9 საათზე დაიწყება გადაღება და შეიძლება საერთოდ არ გადაეღოთ, რადგან მზე კარგად არ ამოვიდა... მოკლემეტრაჟიანი ფილმი იყო, რომლის გადაღება ზაფხულში დაიწყო და ზამთარში დასრულდა“- იხსენებს ნინელი ჭანკვეტაძე.დეტალები ნახეთ ვიდეოში

შოუბიზნესი • 1654843610

„ჩვენი დაუდევრობის გამო მოხდა ეს... თითქმის ყველაფერი გავყიდე პირადი ნივთებიდან“- ნინელი ჭანკვეტაძე რთულ პერიოდზე

საზოგადოება • 1654803327

„ვიცოდი, რომ ადრე თუ გვიან ამ ჭკუაზე დადგებოდა... არ უნდა მომხდარიყო, რაც მოხდა“ - რას ამბობს ნინელი ჭანკვეტაძე ქეთი დოლიძეზე

მსახიობი ნინელი ჭანკვეტაძე რეჟისორ ქეთი დოლიძესთან დაპირისპირების შესახებ დიდხნიანი პაუზის შემდეგ გადაცემაში „სხვა კითხვები ნიკოლოზისგან“ საუბრობს.„მე და ქეთის ის ურთიერთობა რაც გვქონდა, აღარ გვექნება არასდროს, ორივე აღზრდილი ადამიანები ვართ და მე მგონი, ისიც არ უნდა მომხდარიყო, რაც მოხდა. ჩემმა დუმილმა ბევრი რამ გააკეთა, როცა მე არ ავყევი არც ერთ ჟურნალისტს და არც ქეთის რეპლიკებს. მე ვიცოდი, რომ ადრე თუ გვიან ამ ჭკუაზე დადგებოდა - ახლა რომ ამბობს, თურმე ნინელი არაფერ შუაში ყოფილა. საწყენია, ეს თავში რატომ არ იცოდა, ჩვენ ძალიან ახლობლები ვიყავით. მე ქეთი ძალიან მიყვარს იქიდან გამომდინარე, რომ მრავალი წელი გაგვიტარებია ერთად და მე ამ ურთიერთობას ხაზს ვერ და არ გადავუსვამ. ძალიან ბევრი კარგი წუთები მახსოვს ერთად გატარებული ჭირში და ლხინშიც. წყენა ძალიან ცოტაა.. თუ შენ ვიღაც ჟურნალისტის გჯერა და ჩემზე ფიქრობ, ისეთ რამეს, რაც არ უნდა იფიქრო, ესეიგი ფასი არ აქვს ჩვენს მომდევნო ურთიერთობას... ის ყოველთვის იქნება, თუ რამე გაუჭირდა ჭირში და ლხინში რასაკვირველია, იქ ვიქნები“. - ამბობს ნინელი ჭანკვეტაძე.ცნობისთვის, ქეთი დოლიძესა და ნინელი ჭანკვეტაძის დაპირისპირება დოლიძის „თუმანიშვილის თეატრის“ სამხატვრო ხელმძღვანელის თანამდებობიდან გათავისუფლებას უკავშირდება.ნინელი ჭანკვეტაძის თქმით, „შეიძლება იყო კარგი რეჟისორი და არა კარგი ხელმძღვანელი“. „ნინელი ჭანკვეტაძე უკვე აღარ არის ჩემი მეგობარი. ერთი სიკვდილი მაშინ გავათავე, მაგის კომენტარი რომ მოვისმინე იმპერატიული ტონით. უბედნიერესი ადამიანი ვარ, იმიტომ, რომ ეს განსაცდელი ღმერთმა გამომიგზავნა, რომ დამენახა ვინ ვინ არის და თურმე ნახევარ საქართველოზე მეტს მართლა ვუყვარვარ. ნინელიმ ადგა და უბრალოდ წყნარად და მშვიდად დაისამარა თავი. ის, რაც იწერება ნინელიზე... მე გული მწყდება რა უქნა ამ ადამიანმა თავის თავს.“, - განაცხადა 2017 წელს ქეთი დოლიძემ „იბერიას“ პირდაპირ ეთერში.

საზოგადოება • 1654261320

VIDEO: „ღაპაღუპით მომდიოდა ცრემლები... დამემართა სტრესისგან ბულემია“ - ნინელი ჭანკვეტაძე „სხვა კითხევბს“ უპასუხებს

„რუსთავი 2“-ის გადაცემას „სხვა კითხვები ნიკოლოზისგან“, მსახიობი ნინელი ჭანკვეტაძე სტუმრობს. ის ისაუბრებს ისეთ თემებზე, რომელიც არსად უთქვამს. „მე ასე ვიჯექი, ღაპაღუპით მომდიოდა ცრემლები, დამემართა სტრესისგან ბულემია. მსახიობები იძახდნენ, რომ ეს თეატრში ვეღარ დაბრუნდებაო“, - ამბობს გადაცემის პრომოში ნინელი. ასევე დაგაინტერესებთ:👉 „15 დღის შემდგომ გექნებათ არაჩვეულებრივი შედეგი“ - ბიძინა კულუმბეგოვის ეფექტური დიეტა👉 VIDEO: „როცა მე ეს ამბავი შემემთხვა, ქალბატონი თამარის დაბადების დღეზე ვიყავი“ - ნიკოლოზ წულუკიძის ემოციური ეთერი👉 Exclusive: „ეს სრული შოკი იყო... ამ ადამიანმა ბევრი რამ მაწყენინა“ - რას უყვება თეონა წიწაკიშვილი „პრაიმთაიმს“👉 „უფალს მადლობას ვუხდი, რომ შენთან შემახვედრა, ჩემო მეჯვარევ... ჩემთვის სამუდამო გმირად დარჩები“... - პრინცი იოანე ბაგრატიონ-მუხრანელი ილია ელოშვილს ემშვიდობება

საზოგადოება • 1650101820

40 დღე ლოგინიდან ვერ ვდგებოდი - როგორ არის ახლა ნინელი ჭანკვეტაძე

მსახიობი, ნინელი ჭანკვეტაძის თქმით, კორონავირუსი გადაიტანა და 40 დღის განმავლობაში თავს ცუდად გრძნობდა.მსახიობი მსოფლიოში მიმდინარე მოვლენებს აფასებს.„კოვიდი გადავიტანე, 40 დღე ლოგინიდან ვერ ვდგებოდი და თუ ასეთი რამ ადამიანს არაფერს აჩვენებს, დასკვნა არ გამოაქვს და კიდევ ბაქიბუქი, ამ ქვეყნის არევა, ომი უნდა ჩემს საქართველოში და - ერთ წრეზე ტრიალი, იტრიალოს! მე ერთადერთი, რაც შემიძლია, სანთელს დავანთებ, რომ საქართველოში სიყვარულმა და ღვთის იმედმა დაისადგუროს.არანაირი სოციალური ქსელით არ ვსარგებლობ, ზედმეტ საუბრებს რომ არ ვუსმინო... მაქვს ჩემი საქმე, ოჯახი, ჩემი ქვეყანა მიყვარს და ყველაფერს გავაკეთებ, რაც შესაძლებელია ერთი ჩვეულებრივი ადამიანისგან. მეტი არც ამბიცია მაქვს და არც არაფრის სურვილი! ძალიან დამაზარალა ავადმყოფობამ და ჩემი ენერგიის ყოველ გრამს ვუფრთხილდები, რათა კარგ საქმეში და სიკეთეში გამოვიყენო...მარხვაა, ვნების კვირა იწყება და არავის განკითხვა არ მსურს! ასეთ თემებზე საუბარი ჩემს სიმშვიდეს და წონასწორობას მძალიან მეშინია, ომი საქართველოშიც არ იყოს... ნამდვილად მეშინია, რადგან ჩვენ უკვე გამოვლილი გვაქვს ეგ საშინელება... ამ თემებზე არსად ვაკეთებ კომენტარს, რადგან ცოტა არ იყოს, მატრაკვეცობად მეჩვენება ახლა საუბარი. ვინმეს საქმის გაკეთება თუ შეუძლია, გააკეთოს! მე, როგორც მოგახსენეთ, ვლოცულობ, უფლის იმედით ვარ! ამიტომაც, არც ერთი ტელევიზიის არხზე, პრესაში არ ვჩანვარ. მშვიდად ვიყოთ და პატრიარქს დავუჯეროთ, ბოლოს და ბოლოს! რამდენჯერაც არ დავუჯერეთ, იმდენჯერ რაც მოხდა, კი ვნახეთ!“, - აღნიშნა "კვირის პალიტრასთან" საუბარში მსახიობმა ნინელი ჭანკვეტაძე.