მსოფლიო • 1732182799

უცხოური მედიის ცნობით, ისრაელის არმიის მიერ განხორციელებულ ორ სამხედრო ოპერაციას ღაზის სექტორში 88 ადამიანი ემსხვერპლა

ისრაელის არმიის მიერ განხორციელებულ ორ სამხედრო ოპერაციას ღაზის სექტორში 88 ადამიანი ემსხვერპლა.გავრცელებული ინფორმაციით, ორი თავდასხმა მოხდა ღაზის ორ ქალაქში: ბეიტ ლაჰიაში და ქალაქ ღაზის შეიხ რადვანის უბანში.დაღუპულთა შორის 10 ბავშვია, დაშავებულია ათეულობით ადამიანი.დაბომბვის შედეგად შენობების ნანგრევებში ათეულობით ადამიანია მოყოლილი.ადგილობრივები იუწყებიან, რომ დაბომბვა იმ დროს განხორციელდა, როდესაც მოსახლეობას ეძინა.გავრცელებული ინფორმაციით, ისრაელის არმიამ ასევე დაარტყა ჩრდილოეთ ღაზის ალ-ავდას საავადმყოფოს ეზოს.პარალელურად, სულ მცირე, სამი ადამიანი დაიღუპა ისრაელის არმიის დაბომბვის შედეგად ქალაქ რაფაჰში.

faceამბები • 1731696126

„სასწაული ამბავია… ბებომ თავისი ერთი გოჯი მიწა გაუყო, ახლა მეზობლები არიან და ერთმანეთს ეხმარებიან, ასეთ დიდ ადამიანებს, ახლოდან მხოლოდ ქუჩაში შეხვდები…“ – აკა სინჯიკაშვილი

„კიდევ ერთი ადამიანი ავარიდეთ ქუჩაში გაყინვას და თავისი სახლი აქვს“, – წერს სოციალურ ქსელში ქველმოქმედი აკა სინჯიკაშვილი და საზოგადოებას ამ ამბის ემოციურ ნაწილს უზიარებს.„მაგრამ აქ, ამაზე სასწაული ამბავია და ახლა გეტყვით… ასეთი კონტეინერის დასადგმელად, სულ 15 კვადრატული მიწა გვჭირდება. დენი და წყალი რომ ახლოს იყოს და თითქმის შეუძლებელი გამოდგა ამხელა ქალაქში ასეთი ადგილის პოვნა. როგორ არ ვცადეთ და ერთი კაცი არ გამოგვხმაურებია არცერთი მხრიდან.ამას წინათ ერთ ბებოს დავეხმარეთ. ნანგრევებში ცხოვრობდა და ახლა კარგად არის.როცა ეს ამბავი გაიგო, თავისი ერთი გოჯი მიწა ამ კაცს გაუყო და კონტეინერი დაგვადგმევინა. თუ დაატევთ, ერთი კიდევ დადგითო…ახლა მეზობლები არიან და ერთმანეთს ეხმარებიან… ასეთ დიდ ადამიანებს, ახლოდან მხოლოდ ქუჩაში შეხვდები…სულ რვა ადამიანი შევასახლეთ ქუჩიდან და იცოდეთ, რომ ისინი თქვენი დამსახურებით გადარჩნენ“. – წერს აკა სინჯიკაშვილი „ფეისბუქზე“.

ომი უკრაინაში • 1731399372

უკრაინის ქალაქ კრივი-რიჰზე რუსეთის დარტყმას ოთხი ადამიანი ემსხვერპლა, დაშავებულია 14 პირი

უკრაინის ქალაქ კრივი-რიჰზე რუსეთის დარტყმას ქალი და მისი სამი შვილი ემსხვერპლნენ. ინფორმაციას ამის შესახებ დნეპროპეტროვსკის სამხედრო საოლქო ადმინისტრაციის ხელმძღვანელი სერგეი ლისაკი ავრცელებს.გავრცელებული ინფორმაციით, დაღუპულებს შორის ერთ-ერთი ორი თვის ჩვილია. მანამდე, ნანგრევებში გარდაცვლილი იპოვეს ბავშვების დედა. ადგილზე სამძებრო-სამაშველო ოპერაცია დასრულებულა.მედიის ცნობით, რუსეთის ძალებმა კრივი-რიჰზე დარტყმა გუშინ ბალისტიკური რაკეტით განახორციელეს. იერიშის შედეგად დაშავდა ასევე 14 ადამიანი.

ომი უკრაინაში • 1731322553

რუსმა სამხედროებმა უკრაინის ქალაქ კრივოი როგში საცხოვრებელი კორპუსი დაბომბეს, დაშავებულია რვა ადამიანი

რუსმა სამხედროებმა უკრაინის ქალაქ კრივოი როგში საცხოვრებელი კორპუსი დაბომბეს. დაშავებულია რვა ადამიანი, მათ შორის ორი მცირეწლოვანი.უკრაინის საგანგებო სიტუაციების სამსახურის ინფორმაციით, თავდასხმა ბალისტიკური რაკეტებით ხუთსართულიან საცხოვრებელ კორპუსზე განხორციელდა.ამჟამად ადგილზე სამაშველო ოპერაციები მიმდინარეობს. დაშავებულები საავადმყოფოში არიან გადაყვანილები.ადგილობრივი ხელისუფლების განცხადებით, დაშავებული მცირეწლოვნებიდან ერთ-ერთს დახმარება ადგილზე გაუწიეს, ხოლო მეორე საშუალო სიმძიმის დაზიანებებით ადგილობრივ საავადმყოფოში მოათავსეს.სამაშველო სამსახურში აცხადებენ, რომ სავარაუდოდ ნანგრევებში კვლავ იმყოფებიან ადამიანები.

მსოფლიო • 1730786941

ისრაელის თავდაცვის ძალების განცხადებით, ჰეზსბოლას 2 მეთაური მოკლეს - დაჯგუფების ტანკსაწინააღმდეგო სარაკეტო სისტემის უფროსი და იარაღის განაწილებაზე პასუხისმგებელი პირი

ღაზის სექტორში ისრაელის სამხედრო ოპერაციები გრძელდება. გავრცელდა საჰაერო თავდასხმის კადრები, რომლის სამიზნეც ისრაელის სამხედროების თქმით, 7 ოქტომბრის მოვლენების ერთ-ერთი პასუხისმგებელი ტერორისტი იყო.ისრაელის თავდაცვის ძალების თავდასხმების შედეგად, ღაზის სექტორში, ბეიტ ლაჰიაში, 7 პალესტინელი დაიღუპა, ადგილობრივები ნანგრევებში გადარჩენილებს ეძებენ.5 ადამიანი დაიღუპა ანკლავის ცენტრალურ და სამხრეთ ნაწილებში სხვა ცალკეული იერიშების შედეგად.ისრაელელებმა რამალას გარეუბანში პალესტინელების მანქანები დაწვეს.პარალელურად, ისრაელის თავდაცვის ძალებმა განაცხადეს, რომ მოკლეს ჰეზსბოლას 2 მეთაური, მათ შორის დაჯგუფების ტანკსაწინააღმდეგო სარაკეტო სისტემის უფროსი და ასევე პირი, რომელიც პასუხისმგებელი იყო იარაღის განაწილებაზე.

ომი უკრაინაში • 1730354274

ხარკოვზე რუსეთის ძალების იერიშის შედეგად ორი ადამიანი დაიღუპა, ხოლო 34 დაშავდა

რუსეთის შეიარაღებულმა ძალებმა ხარკოვზე სარაკეტო იერიში მიიტანეს. უკრაინული მედიის ცნობით, თავდასხმა მრავალსართულიან საცხოვრებელ კორპუსზე განხორციელდა, რის შედეგადაც ორი ადამიანი დაიღუპა, ხოლო 34 დაშავდა.უკრაინის პრეზიდენტი ვოლოდიმირ ზელენსკი შემთხვევის ადგილის ვიდეოს სოციალურ ქსელში აქვეყნებს და წერს, რომ ნანგრევებში, შესაძლოა, ადამიანები იყვნენ.„ჩვენი პარტნიორები ხედავენ, რაც ყოველდღიურად ხდება. მათი გადაწყვეტილებები – ჩვენი ხალხის სიცოცხლეა. ამიტომ ჩვენ ერთად უნდა შევაჩეროთ რუსეთი და გავაკეთოთ ეს ყველა შესაძლო საშუალებით“, – წერს ზელენსკი.

მსოფლიო • 1730275633

ისრაელის საჰაერო იერიშების შედეგად, ღაზაში 5-სართულიანი სახლი დაინგრა - დაღუპულია 90 ადამიანი, მათ შორის - ბავშვები

ისრაელის საჰაერო იერიშების შედეგად, ღაზის სექტორის ჩრდილოეთით მდებარე ქალაქ ბეით ლაჰიაში 5-სართულიანი სახლი დაინგრა. დაიღუპა 90 ადამიანი, მათ შორის არიან ბავშვებიც.ნანგრევებში მოყოლილი ადამიანების ამოყვანა ამ დრომდე ვერ ხერხდება.ფაქტს გამოეხმაურა ამერიკის შეერთებული შტატები - სახელმწიფო დეპარტამენტი მომხდარს "საშინელ ინციდენტს" უწოდებს.გაეროს მონაცემებით, ეს ისრაელის მიერ განხორციელებული ყველაზე მასშტაბური თავდასხმაა ბოლო სამი თვის განმავლობაში."ცახალის" განმარტებით, დარტყმა ტერორისტული ორგანიზაცია "ჰამასის" წევრების ლიკვიდაციას ისახავდა მიზნად.

ომი უკრაინაში • 1728628146

ოდესის რეგიონში რუსეთის სარაკეტო თავდასხმის შედეგად ორსართულიანი სახლი დაინგრა, არიან დაღუპულები

ოდესის რეგიონში რუსეთის სარაკეტო თავდასხმის შედეგად ორსართულიანი სახლი დაინგრა, დაღუპულია ოთხი ადამიანი, მათ შორის ერთი მოზარდი.ოდესის რეგიონული სამხედრო ადმინისტრაციის ხელმძღვანელის, ოლეგ კიპერის თქმით, მაშველებმა ოთხი ადამიანი გადაარჩინეს, ხოლო სამი შენობის ნანგრევებში დაიღუპა.გარდაცვლილთა შორის არიან 43 წლის ქალი, 22 წლის კაცი და 16 წლის მოზარდი. კიდევ ერთი ადამიანი მიღებული დაზიანებების შედეგად საავადმყოფოში გარდაიცვალა.გარდა ამისა, 10 ადამიანი დაშავდა, მათგან ოთხია მდგომარეობა კრიტიკულად მძიმეა.

მსოფლიო • 1728591125

ფლორიდა სტიქიური უბედურების ზონად იქცა - მოსახლეობა დატბორილი ტერიტორიიდან თავის დაღწევას საკუთარი ძალებით ცდილობს

ფლორიდა სტიქიური უბედურების ზონად იქცა. მექსიკის ყურეში წარმოქმნილი მეხუთე კატეგორიის ქარიშხალი "მილტონი", შტატის სანაპირო ზოლის მიმდებარე დასახლებებს ანადგურებს. შტორმის გამო ფლორიდას რამდენიმე ტორნადომ გადაუარა, არის მსხვერპლი. მთავრობამ სტიქიის ზონიდან სასწრაფო ევაკუაციის ბრძანება გასცა და ტერიტორიაზე საგანგებო მდგომარეობა გამოაცხადა.სტიქიური უბედურების ზონიდან 6 მილიონი ადამიანი სავალდებულო ევაკუაციას ექვემდებარება, ამგვარი მასშტაბის ევაკუაცია შტატის ისტორიაში არასდროს გამოცხადებულა. მოსახლეობა დატბორილი ტერიტორიიდან თავის დაღწევას საკუთარი ძალებით ცდილობს, რის გამოც საქალაქთაშორისო მაგისტრალებზე მრავალკილომეტრიანი საცობებია.ყველაზე რთული ვითარება ტამპას ყურესთან მდებარე სეინტ ლუსიეს ოლქშია, სადაც მეორე კატეგორიის შტორმის პარალელურად დასახლებებს ორმა ტორნადომ გადაუარა. ტერიტორიაზე სამძებრო ოპერაცია მიმდინარეობს, მაშველები ნანგრევებში მოყოლილი ადამიანების გადარჩენას ცდილობენ. პოლიციამ რამდენიმე ადამიანის ცხედარი იპოვა. შტატში დანგრეულია ასობით საცხოვრებელი სახლი და შენობა, სამი მილიონი ადამიანი ელექტრო ენერგიის გარეშეა დარჩენილი.ჰიდრომეტეოროლოგების პროგნოზით, ციკლონის ეპიცენტრი სანაპირო ზოლიდან შტატის ცენტრალურ ნაწილში მიმდინარე დღის განმავლობაში გადაინაცვლებს. მოსალოდნელ დამანგრეველ შედეგებთან საბრძოლველად ფლორიდაში უკვე გადასროლილია ეროვნული გვარდია. მობილიზებულია ავიაცია და სასწრაფო და სამაშველო სამსახურები.

პოლიტიკა • 1727539577

ხელისუფლებაში, დღევანდელი ოპოზიცია რომ ყოფილიყო, დღეს ჩვენ ნანგრევებში ვიცხოვრებდით - შალვა პაპუაშვილი

ხელისუფლებაში, დღევანდელი ოპოზიცია რომ ყოფილიყო ჩვენ დღეს ნანგრევებში ვიცხოვრებდით, - განაცხადა საქართველოს პარლამენტის თავმჯდომარე შალვა პაპუაშვილმა „ქართული ოცნების“ საარჩევნო კამპანიის რეგიონული ღონისძიების დასრულების შემდეგ თელავში.„დროშის მაფრიალებელი და ტაშის მკვრელი ხალხი, რომლებმაც გულში მჯიღის ცემის გარდა არაფერი იციან, ამ ქვეყანას გაანადგურებენ და არა თუ ევროპულ მომავალს უკან მოვიტოვებდით, ჩვენი ქვეყანაც კი, ნანგრევებიდან ხელახლა ასაშენებელი გვეყოლებოდა“, - აღნიშნა შალვა პაპუაშვილმა.

მსოფლიო • 1727323335

ტრამპი ზელენსკიზე: ჩვენ ვაგრძელებთ მილიარდობით დოლარის მიცემას იმ ადამიანისთვის, რომელმაც უარი თქვა გარიგებაზე - უკრაინა განადგურებულია, ნანგრევებშია

 „რესპუბლიკური“ პარტიის საპრეზიდენტო კანდიდატმა, დონალდ ტრამპმა გააკრიტიკა ვოლოდიმირ ზელენსკი და განაცხადა, რომ უკრაინის პრეზიდენტი უარს ამბობს შეთანხმებაზე ქვეყანაში მიმდინარე ომის ფონზე. ინფორმაციას ამის შესახებ ტელეკომპანია CNN-ი ავრცელებს.„ეს ქალაქები [უკრაინაში] გაქრა და ჩვენ ვაგრძელებთ მილიარდობით დოლარის მიცემას იმ ადამიანისთვის, რომელმაც უარი თქვა გარიგებაზე. არ არსებობდა გარიგება, რომლის დადება მას შეეძლო და რომელიც არ იქნებოდა იმაზე უკეთესი, ვიდრე ის, რაც ახლა გვაქვს. ქვეყანა განადგურებულია, მისი აღდგენა შეუძლებელია“, - განაცხადა დონალდ ტრამპმა ჩრდილოეთ კაროლინის შტატში გამართულ საარჩევნო ღონისძიებაზე.ტრამპმა დაადანაშაულა ბაიდენი და ჰარისი უკრაინაში რუსეთის შეჭრაში.„მათ ეს ვითარება გამოიწვიეს თავიანთი ნათქვამის სულელობით, ყოველი [გადადმული] ნაბიჯით და ახლა ისინი ჩაკეტილნი არიან [შექმნილ ვითარებაში]. მათ უბრალოდ არ იციან რა გააკეთონ. ისინი ჩაკეტილნი არიან ამ სიტუაციაში. სამწუხაროა, უბრალოდ არ იციან რა გააკეთონ. უკრაინა აღარ არის უკრაინა. თქვენ ვერასდროს ჩაანაცვლებთ ამ ქალაქებს. ვერასდროს ჩაანაცვლებთ დაღუპულ ადამიანებს“, - განაცხადა ტრამპმა.ტრამპის თქმით, ბაიდენს უნდა შეეწყო ხელი რუსეთსა და უკრაინას შორის შეთანხმებისთვის, რომელიც თავიდან აიცილებდა სისხლისღვრას.„გარიგება შესაძლებელი იყო. ერთი ადამიანიც არ დაიღუპებოდა. კომპეტენტური პრეზიდენტი რომ გვყოლოდა, შეთანხმება შესაძლებელი იქნებოდა. [მაგრამ] ახლა ქვეყანა ნანგრევებშია. და ვინ არიან ის ადამიანები, ვინც ეს დაუშვეს?“ - დასძინა მან.

მსოფლიო • 1727300193

ტრამპი მხარდამჭერებს: უკრაინის პრეზიდენტი ჩვენს ქვეყანაშია და ბინძურ განცხადებებს აკეთებს თქვენს საყვარელ პრეზიდენტზე

„რესპუბლიკური“ პარტიის საპრეზიდენტო კანდიდატმა, დონალდ ტრამპმა გააკრიტიკა უკრაინის პრეზიდენტი, ვოლოდიმირ ზელენსკი და აღნიშნა, რომ უკრაინა აბსოლუტურად განადგურებულია.ჩრდილოეთ კაროლინის შტატში გამართულ საარჩევნო ღონისძიებაზე, ტრამპმა გააკრიტიკა ზელენსკი მის მიმართ გაკეთებული „ბინძური“ გამონათქვამების გამო.„უკრაინის პრეზიდენტი ჩვენს ქვეყანაშია და ბინძურ განცხადებებს აკეთებს თქვენს საყვარელ პრეზიდენტზე“, - აღნიშნა მან საარჩევნო ღონისძიებაზე.დონალდ ტრამპმა ასევე ისაუბრა უკრაინასა და რუსეთს შორის შეთანხმებაზე,„ნებისმიერი შეთანხმება - ყველაზე ცუდიც - უკეთესი იქნებოდა, ვიდრე ის, რაც ახლა გვაქვს. ცუდი გარიგებაც ბევრად უკეთესი იქნებოდა. ქვეყანა დანგრეულია. ხალხი დაიღუპა. ქვეყანა ნანგრევებშია“, - განაცხადა მან.