ნანგრევებში

ძლიერი მიწისძვრა ჩინეთში - ქვეყნის სამხრეთში 5.2 მაგნიტუდის სიმძლავრის ბიძგები დაფიქსირდა. ეპიცენტრის ქვეყნის სამხრეთ აღმოსავლეთით, ლიო-უჭოუს ოლქში იყო.სტიქიამ ცხრა საცხოვრებელი სახლი მიწასთან გაასწორა, დაზიანებულია ათობით შენობა - ნანგრევებში მოყოლილთა ძებნა ამ წუთებშიც, უწყვეტ რეჟიმში მიმდინარეობს. კატასტროფის ზონაში მობილიზებულია ასობით მაშველი, მძიმე ტექნიკა და სპეციალური ძაღლები.მსხვერპლის რაოდენობა ამ დრომდე დაუზუსტებელია.

მსოფლიო • 1778733477

აფეთქებები უკრაინის ქალაქებში - მაშველები ნანგრევებში მოყოლილებს ეძებენ

უკრაინის რეგიონებში ამ წუთებში საჰაერო განგაშია გამოცხადებული. ოკუპანტებს ქვეყნის ქალაქებსა და დასახლებებზე კომბინირებული დარტყმები დრონებით და რაკეტებით მიაქვთ.მოსახლეობას თავშესაფარში გადასვლისკენ მოუწოდებენ.რთულია ვითარება კიევში - გვიან ღამით სოლომენსკის რაიონში იერიშის შედეგად დანგრეულია მრავალსართულიანი საცხოვრებელი სახლი. კორპუსის ნანგრევებში მოყოლილებს მაშველები ამ დრომდე ეძებენ.აფეთქებებია დედაქალაქის ობოლონისა და გოლოსეევის რაიონებშიც - მთავარ სამიზნეებად საცხოვრებელი სახლები, სამოქალაქო და კრიტიკული ინფრასტრუქტურა სახელდება.უკრაინის შეიარაღებული ძალების საჰაერო ძალების ინფორმაციით, თავდასხმები ღამით იყო ხარკოვის, პოლტავის, სუმის, დონეცკის, ოდესის, ნიკოლაევის, დნეპროპეტროვსკისა და ჩერკასის ოლქებზე. არის მსხვერპლი. აღსანიშნავია, რომ სრულმასშტაბიანი ომის დაწყებიდან პირველად, იერიშების სამიზნე იმიერ-კარპატების ადმინისტრაციული ცენტრი, ქალაქი უჟგოროდიც გახდა. სწორედ ამ მიზეზით, უნგრეთის საგარეო უწყებამ რუსეთის ელჩი განმარტებებისთვის დაიბარა.

მსოფლიო • 1778004325

დამანგრეველი აფეთქება ფეიერვერკების ქარხანაში: ათობით ადამიანი დაიღუპა ჩინეთში

სახელმწიფო მედიის ცნობით, ცენტრალურ ჩინეთში ფეიერვერკების ქარხანაში მომხდარმა ძლიერმა აფეთქებამ სულ მცირე 21 ადამიანი იმსხვერპლა და 61 დაშავდა.სათვალთვალო კამერების თანახმად, აფეთქება გუშინ, დაახლოებით 16:43 საათზე მოხდა ჰუაშენგის ფეიერვერკების წარმოების ქარხანაში, რომელიც მდებარეობს ლიუიანგში, ჰუნანის პროვინციაში.დრამატული სცენები და სრული ნგრევასოციალურ მედიაში ვრცელდება ვიდეოები, სადაც ნაჩვენებია უწყვეტი აფეთქებების სერია, რომელსაც თან ახლავს კვამლის გიგანტური ღრუბელი. მეორე დღეს გადაღებულ ფოტოებზე ჩანს მთლიანად დანგრეული შენობები, რომლებიც ნამწვავებით არის დაფარული, ხოლო მაშველები და ექსკავატორები დაუღალავად მუშაობენ ნანგრევებში.480-ზე მეტი მაშველი იყო მობილიზებული სამძებრო-სამაშველო სამუშაოებისთვის. ადგილის გარშემო შეიქმნა 3 კილომეტრიანი უსაფრთხოების ზონა და მიმდებარე ტერიტორიები ევაკუირებულია.ხელისუფლებამ დააკავა კომპანიის ხელმძღვანელები და აფეთქების მიზეზების გამოძიება გრძელდება. პრეზიდენტმა სი ძინპინმა მოუწოდა სამაშველო ოპერაციაში „უდიდესი თავდადების“კენ, ხაზი გაუსვა დაზარალებულების დახმარების, დაკარგული პირების ძებნის და დამნაშავეების პასუხისგებაში მიცემის აუცილებლობას.მაღალი რისკის სექტორილიუიანგი ფეიერვერკების წარმოების მსხვილი ცენტრია, რომელიც ადგილობრივი წარმოების დაახლოებით 60%-ს და ექსპორტის 70%-ს შეადგენს. თუმცა, სამრეწველო ავარიები ხშირია, ხშირად არასაკმარისი უსაფრთხოების სტანდარტების გამო.

პოლიტიკა • 1777020115

ალექსანდრე რაქვიაშვილი ჰერჩინსკის განცხადებაზე: ალბათ, უკეთესი იქნება, ელჩმა განმარტება გააკეთოს

ევროკავშირის ელჩის, პაველ ჰერჩინსკის განცხადება კვლავ პოლიტიკური განხილვის თემად რჩება.საკითხს გამოეხმაურნენ ოპოზიციური პარტიების წარმომადგენლებიც.პარტია "ერთიანობა - ნაციონალური მოძრაობის" პოლიტიკური საბჭოს წევრი, ლაშა ფარულავა მიიჩნევს, რომ ეს განცხადება "ქართული ოცნების" მიმართ მკაცრი პოლიტიკური გადაწყვეტილებების წინაპირობაა, რაშიც იგულისხმება სანქციებიც."სწორედ ამაზე საუბრობს ევროკავშირის ელჩი, რომ ახლა არამხოლოდ მსუსხავი ეფექტის ნაბიჯებს ვიხილავთ, არამედ დამანგრეველი ძალის გადაწყვეტილებები იქნება მიღებული ბრიუსელში და ამ ნანგრევებში მოჰყვება მთლიანად "ქართული ოცნება". ვგულისხმობ არამხოლოდ სანქციებს, არამედ, მათ შორის, იქნება სხვა პოლიტიკური გადაწყვეტილებებიც," - განაცხადა ლაშა ფარულავამ.პარტია "გირჩის" სათათბიროს წევრის, ალექსანდრე რაქვიაშვილის შეფასებით, ევროკავშირის ელჩმა განცხადება უნდა განმარტოს."არაპროფესიონალური განცხადება გააკეთა ევროკავშირის ელჩმა, რადგან შეიძლება მთავრობა არ მოსწონდეს ევროკავშირს და ეს გასაგებია, მაგრამ არა მგონია, რომ ასეთმა განცხადებამ ქართველი ხალხის თვალში გააუმჯობესოს ევროკავშირის მიმართ დამოკიდებულება. ამიტომ, ალბათ უკეთესი იქნება, რომ ელჩმა განმარტება გააკეთოს," - აცხადებს ალექსანდრე რაქვიაშვილი.შეგახსენებთ, რომ ევროკავშირის ელჩმა, პაველ ჰერჩინსკიმ საკუთარი განცხადებით ძალადობა, სამოქალაქო ომი და სიღარიბე ევროპული მომავლის ალტერნატივად წარმოაჩინა და თქვა, რომ უახლოეს პერიოდში გადაწყდება, საქართველო ეკუთვნის ევროპული ქვეყნების ოჯახს თუ ბრუნდება ბნელ წარსულში

მსოფლიო • 1776456180

ირანის საგარეო უწყების სპიკერი: ირანის გამდიდრებული ურანი არსად გადატანას არ ექვემდებარება

ირანის საგარეო საქმეთა სამინისტრო აცხადებს, რომ ქვეყნის გამდიდრებული ურანის მარაგი „არსად“ არ გადაიგზავნება. ამით უწყებამ უარყო აშშ-ის პრეზიდენტის, დონალდ ტრამპის ადრეული განცხადება იმის შესახებ, რომ ისლამური რესპუბლიკა მისი გადაცემაზე დათანხმდა.„ირანის გამდიდრებული ურანი არსად გადატანას არ ექვემდებარება“, - განაცხადა ირანის საგარეო უწყების პრესსპიკერმა, ესმაილ ბაყაიმ სახელმწიფო ტელევიზიის ეთერში.დღესვე, ცოტა ხნით ადრე, ტრამპმა საკუთარ პლატფორმაზე დაწერა: „აშშ მიიღებს ბირთვულ „მტვერს“. პრეზიდენტი გულისხმობდა იმ ბირთვულ მასალას, რომელიც გასულ წელს აშშ-ის მიერ განხორციელებული დარტყმების შედეგად ნანგრევებში მოჰყვა.

შემთხვევა • 1775227965

უბედური შემთხვევა გურჯაანში - რემონტისას ერთი ადამიანი დაიღუპა, ერთი კი დაშავდა

საცხოვრებელი სახლის რემონტისას გურჯაანის მუნიციპალიტეტის სოფელ გურჯაანში ხელოსანი გარდაიცვალა.შემთხვევა ცოტა ხნის წინ მოხდა.ადგილობრივების ინფორმაციით, რემონტის დროს, კედელი ჩამოინგრა და შიგ მამაკაცი მოიყოლა.ნანგრევებში მოყოლილი ერთი პირი, გარდაიცვალა, ერთი ადამიანი კი დაშავდა.შემთხვევის ადგილზე მობილიზებულია პოლიცია.

მსოფლიო • 1772353356

ვინ ჩაანაცვლებს აიათოლა ალი ხამენეის - რა ცნობები ვრცელდება ირანში

ირანის უზენაესი ლიდერი, აიათოლა ალი ხამენეი ლიკვიდირებულია, - ინფორმაციას ისლამური სახელმწიფო ადასტურებს. თეირანი ამბობს, რომ ხამენეი, რომელიც აშშ-სა და ისრაელის ერთობლივი იერიშების დროს დაიღუპა, ნანგრევებში იპოვეს.ლიკვიდირებულია ქვეყნის შეიარაღებული ძალების შტაბის უფროსის - ინფორმაციას სხვადასხვა გამოცემა შიდა წყაროებზე დაყრდნობით ავრცელებს.ვინ ჩაანაცვლებს ხამენეის, ჯერჯერობით, უცნობია, თუმცა ვრცელდება ცნობები, რომ მალე შეიქმნება დროებითი ხელმძღვანელობის სტრუქტურა, რომლის შემადგენლობაში ქვეყნის პრეზიდენტი და სასამართლო ხელისუფლების ხელმძღვანელი შევლენ. ირანის ისლამური რევოლუციის გუშაგთა კორპუსი ისრაელისა და ამერიკული ბაზების წინააღმდეგ "დამანგრეველი შეტევითი ოპერაციის" დაწყებაზე საუბრობს, შტატების პრეზიდენტი კი ამბობს, რომ, თუ ირანი დარტყმებს განაგრძობს, შეერთებული შტატები მას ძალიან ძლიერად უპასუხებს.ირანში განვითარებულ მოვლენებთან დაკავშირებით, ევროკავშირი საგარეო საქმეთა საბჭოს საგანგებო სხდომა გაიმართავს.

მსოფლიო • 1772352826

ვინ ჩაანაცვლებს აიათოლა ალი ხამენეის - რა ცნობები ვრცელდება ირანში

მსოფლიო • 1772310951

ისრაელური მედია: ბენიამინ ნეთანიაჰუსა და დონალდ ტრამპს ირანის უზენაესი ლიდერის, ალი ხამენეის ცხედრის ფოტო წარუდგინეს

გავრცელებული ინფორმაციით, ისრაელის პრემიერ-მინისტრ ბენიამინ ნეთანიაჰუსა და აშშ-ის პრეზიდენტ დონალდ ტრამპს ირანის უზენაესი ლიდერის, ალი ხამენეის ცხედრის ფოტო წარუდგინეს. აღნიშნულ ინფორმაციას ისრაელის Channel 12 ავრცელებს.გამოცემის ცნობით, ცხედარი ირანის ხელისუფლებამ თეირანში, ხამენეის რეზიდენციის ნანგრევებში აღმოაჩინა.ისრაელმა ხამენეის რეზიდენციაზე მძლავრი დარტყმა დღეს დილით, ირანზე განხორციელებული თავდასხმების პირველივე ტალღის დროს მიიტანა.აშშ-ში ისრაელის ელჩმა, იეხიელ ლაიტერმა ამერიკელ მაღალჩინოსნებს უკვე მიაწოდა ინფორმაცია ხამენეის ლიკვიდაციის შესახებ.აღნიშნულ ინფორმაციას გამოცემა The Times of Israel-თან საუბრისას ადასტურებს ინფორმირებული წყარო, რაც ასევე ემთხვევა საინფორმაციო პორტალ Axios-ის მიერ გავრცელებულ ცნობებს.ამ დროისთვის ირანის ოფიციალური მხარე მომხდარზე დამატებით კომენტარს არ აკეთებს, თუმცა გავრცელებული კადრები და დიპლომატიური არხებით მიწოდებული ინფორმაცია ადასტურებს, რომ ისრაელის ოპერაციამ დასახულ მიზანს მიაღწია.

პოლიტიკა • 1772049156

ირაკლი კირცხალია: ყოველთვის ვამბობდით, რომ ბრიუსელი ვერ იქნება კაია კალასი, ისევე როგორც დღევანდელი მმართველობა და ბიუროკრატია დიდ ბრიტანეთში, დიდ ბრიტანეთს არ წარმოადგენს

მათ გადაწყვეტილი აქვთ, დიფ სთეითის ბინძურ სცენარს მიჰყვნენ. გრძნობენ, რომ ისინი წარმავალი არიან. ყოველთვის ვამბობდით ჩვენ, რომ ბრიუსელი ვერ იქნება კაია კალასი, ისევე როგორც დღევანდელი მმართველობა და ბიუროკრატია დიდ ბრიტანეთში დიდ ბრიტანეთს არ წარმოადგენს, რასაც მთელი მსოფლიო კარგად ხედავს, - განაცხადა გადაცემაში „იმედი LIVE” საპარლამენტო უმრავლესობის ლიდერმა ირაკლი კირცხალიამ.კირცხალია გამოეხმაურა დიდი ბრიტანეთის მიერ საქართველოში თავისუფალ მედიაზე თავდასხმის თემას. ამასთან, მან კომენტარი გააკეთა ზოგიერთი ელჩის იმ განცხადებებთან დაკავშირებით, რომლებიც საქართველოს მიერ რუსეთისთვის სანქციების დაწესების საკითხს ეხება.„აქედან გამომდინარე ისინი ყველაფერს აკეთებენ, რომ ის ძალაუფლება, რომელიც დღეს აქვთ მაქსიმალურად დესტრუქციულად გამოიყენონ. ამაზე მეტი არადემოკრატიულობა, თავხედობა რა შეიძლება გააკეთო. ევროკავშირის ელჩი და ა.შ. გამოდიან და პირდაპირ მოუწოდებენ, რომ დიახ, სანქციები უნდა დაუწესოთ რუსეთს, უნდა დაინგრეს თქვენი ეკონომიკა, რადგან ჩვენ ასე გვინდაო. ამ ნანგრევებში უნდათ რომ მოჰყვეს ჩვენი ქვეყანა. არამხოლოდ ღიად მოგვიწოდებდნენ ამ ყველაფერს, არამედ სახელმწიფო გადატრიალებაში პირდაპირ იღებდნენ მონაწილეობას თავიანთი განცხადებებით“, - აღნიშნა კირცხალიამ.

პოლიტიკა • 1771950660

შალვა პაპუაშვილი: საქართველოსთვის ეროვნული უსაფრთხოება არ არის აბსტრაქტული ცნება. ეს არის ყოველდღიური რეალობა, საოკუპაციო ხაზით გაყოფილი ქვეყანა, რომლის დედაქალაქიდან რამდენიმე ათეულ კილომეტრში დგას უცხო სახელმწიფოს სამხედრო ძალა

კარგი ცინიზმია საჭირო, დილით განაცხადო, რომ საქართველოსგან არავინ ითხოვდა მეორე ფრონტის გახსნას, ხოლო შუადღეს საჯაროდ გამოხატო იმედგაცრუება იმის გამო, რომ საქართველო რუსეთთან ესკალაციაზე არ წავიდა, - წერს საქართველოს პარლამენტის თავმჯდომარე შალვა პაპუაშვილი.როგორც პაპუაშვილი აღნიშნავს, კიდევ ერთხელ, მათთვის, ვინც რიყეზე ქვას ვერ ხედავს, ამ ყველაფრის შეზღუდვის ერთადერთი გზა საქართველოს მხრიდან რუსეთისთვის ორმხრივი სანქციების დაწესებაა.„კარგი ცინიზმია საჭირო, დილით განაცხადო, რომ საქართველოსგან არავინ ითხოვდა მეორე ფრონტის გახსნას, ხოლო შუადღეს საჯაროდ გამოხატო იმედგაცრუება იმის გამო, რომ საქართველო რუსეთთან ესკალაციაზე არ წავიდა.ევროკავშირის ელჩის განცხადებიდან:„ჩვენ გადავწყვიტეთ შეგვეწყვიტა ყველა პირდაპირი ფრენა რუსეთთან, შევზღუდეთ რუსი მოქალაქეების ევროკავშირში შემოსვლა, საკუთარი ეკონომიკებისთვის მძიმე ფასის გადახდის სანაცვლოდ შევამცირეთ რუსეთთან ვაჭრობა. ამ ფონზე საქართველო ფართოდ უხსნის კარს რუს ტურისტებსა და ბიზნესს, ორ ქვეყანას შორის ვაჭრობა იზრდება.“კიდევ ერთხელ, მათთვის, ვინც რიყეზე ქვას ვერ ხედავს, ამ ყველაფრის შეზღუდვის ერთადერთი გზა საქართველოს მხრიდან რუსეთისთვის ორმხრივი სანქციების დაწესებაა.დარჩა კიდევ კითხვები, ითხოვდნენ თუ არა ჩვენგან რუსეთის წინააღმდეგ სანქციების დაწესებას და ესკალაციას? დარჩა კიდევ კითხვები, რომ ამას ჩვენი ეკონომიკისთვის და თითოეული მოქალაქისთვის მძიმე ფასი ექნებოდა? დარჩა ვინმეს ეჭვი, რომ ჩვენს ვითარებაში ნებისმიერი ესკალაცია პოტენციური ომია - ომი, რომელშიც მარტო მოგვიწევდა ბრძოლა?დაბოლოს, დარჩა კიდევ კითხვები, რა არის ბრიუსელის მხრიდან საქართველოს მიმართ მუდმივი კრიტიკის რეალური საფუძველი?ოთხი წლის წინ საქართველოს ხელისუფლება ამ მოთხოვნებს რომ დაჰყოლოდა, დღეს ვიქნებოდით ომის ნანგრევებში მყოფი, ეკონომიკურად განადგურებული, მგლოვიარე ერი - ქვეყანა, რომლის შესახებაც ახლა მსოფლიოს სხვადასხვა წერტილიდან ბევრი მაღალფარდოვანი განცხადება გაკეთდებოდა.საქართველოსთვის ეროვნული უსაფრთხოება არ არის აბსტრაქტული ცნება. ეს არის ყოველდღიური, ხელშესახები რეალობა, საოკუპაციო ხაზით გაყოფილი ქვეყანა, რომლის დედაქალაქიდან რამდენიმე ათეულ კილომეტრში დგას უცხო სახელმწიფოს სამხედრო ძალა.ამ პირობებში საქართველოს ხელისუფლების ვალდებულებაა არა სხვისი პოლიტიკური დღის წესრიგის შესრულება, არამედ საკუთარი სახელმწიფოს გადარჩენა, სტაბილურობის შენარჩუნება და მოსახლეობის დაცვა.ბრიუსელიდან მომდინარე კრიტიკა სწორედ ამ რეალობის იგნორირებაზე მიუთითებს.საქართველოს სახელმწიფო ვერ ააშენებს საკუთარ მომავალს სხვისი გეოპოლიტიკური გათვლების იმედად. ახალ 25 თებერვალს ჩვენ არ დავუშვებთ“, - წერს პაპუაშვილი.

პოლიტიკა • 1771950540

პაპუაშვილი ჰერჩინსკის განცხადებაზე: დარჩა კითხვები, ითხოვდნენ თუ არა რუსეთის წინააღმდეგ სანქციების დაწესებას, ესკალაციას? რომ ამას თითოეული მოქალაქისთვის მძიმე ფასი ექნებოდა? რომ ჩვენს ვითარებაში ესკალაცია პოტენციური ომია?

კარგი ცინიზმია საჭირო, დილით განაცხადო, რომ საქართველოსგან არავინ ითხოვდა მეორე ფრონტის გახსნას, ხოლო შუადღეს საჯაროდ გამოხატო იმედგაცრუება იმის გამო, რომ საქართველო რუსეთთან ესკალაციაზე არ წავიდა,- ამის შესახებ საქართველოს პარლამენტის თავმჯდომარე შალვა პაპუაშვილი წერს.როგორც პაპუაშვილი აღნიშნავს, კიდევ ერთხელ, მათთვის, ვინც რიყეზე ქვას ვერ ხედავს, ამ ყველაფრის შეზღუდვის ერთადერთი გზა საქართველოს მხრიდან რუსეთისთვის ორმხრივი სანქციების დაწესებაა.,,კარგი ცინიზმია საჭირო, დილით განაცხადო, რომ საქართველოსგან არავინ ითხოვდა მეორე ფრონტის გახსნას, ხოლო შუადღეს საჯაროდ გამოხატო იმედგაცრუება იმის გამო, რომ საქართველო რუსეთთან ესკალაციაზე არ წავიდა.ევროკავშირის ელჩის განცხადებიდან:„ჩვენ გადავწყვიტეთ შეგვეწყვიტა ყველა პირდაპირი ფრენა რუსეთთან, შევზღუდეთ რუსი მოქალაქეების ევროკავშირში შემოსვლა, საკუთარი ეკონომიკებისთვის მძიმე ფასის გადახდის სანაცვლოდ შევამცირეთ რუსეთთან ვაჭრობა. ამ ფონზე საქართველო ფართოდ უხსნის კარს რუს ტურისტებსა და ბიზნესს, ორ ქვეყანას შორის ვაჭრობა იზრდება.“კიდევ ერთხელ, მათთვის, ვინც რიყეზე ქვას ვერ ხედავს, ამ ყველაფრის შეზღუდვის ერთადერთი გზა საქართველოს მხრიდან რუსეთისთვის ორმხრივი სანქციების დაწესებაა.დარჩა კიდევ კითხვები, ითხოვდნენ თუ არა ჩვენგან რუსეთის წინააღმდეგ სანქციების დაწესებას და ესკალაციას? დარჩა კიდევ კითხვები, რომ ამას ჩვენი ეკონომიკისთვის და თითოეული მოქალაქისთვის მძიმე ფასი ექნებოდა? დარჩა ვინმეს ეჭვი, რომ ჩვენს ვითარებაში ნებისმიერი ესკალაცია პოტენციური ომია - ომი, რომელშიც მარტო მოგვიწევდა ბრძოლა?დაბოლოს, დარჩა კიდევ კითხვები, რა არის ბრიუსელის მხრიდან საქართველოს მიმართ მუდმივი კრიტიკის რეალური საფუძველი?ოთხი წლის წინ საქართველოს ხელისუფლება ამ მოთხოვნებს რომ დაყოლოდა, დღეს ვიქნებოდით ომის ნანგრევებში მყოფი, ეკონომიკურად განადგურებული, მგლოვიარე ერი - ქვეყანა, რომლის შესახებაც ახლა მსოფლიოს სხვადასხვა წერტილიდან ბევრი მაღალფარდოვანი განცხადება გაკეთდებოდა.საქართველოსთვის ეროვნული უსაფრთხოება არ არის აბსტრაქტული ცნება. ეს არის ყოველდღიური, ხელშესახები რეალობა, საოკუპაციო ხაზით გაყოფილი ქვეყანა, რომლის დედაქალაქიდან რამდენიმე ათეულ კილომეტრში დგას უცხო სახელმწიფოს სამხედრო ძალა.ამ პირობებში საქართველოს ხელისუფლების ვალდებულებაა არა სხვისი პოლიტიკური დღის წესრიგის შესრულება, არამედ საკუთარი სახელმწიფოს გადარჩენა, სტაბილურობის შენარჩუნება და მოსახლეობის დაცვა.ბრიუსელიდან მომდინარე კრიტიკა სწორედ ამ რეალობის იგნორირებაზე მიუთითებს.საქართველოს სახელმწიფო ვერ ააშენებს საკუთარ მომავალს სხვისი გეოპოლიტიკური გათვლების იმედად. ახალ 25 თებერვალს ჩვენ არ დავუშვებთ,”- წერს პაპუაშვილი.