მსოფლიო • 1783414421

ვენესუელაში მიწისძვრის შედეგად დაღუპულთა რიცხვი 3 535-მდე გაიზარდა

ვენესუელაში მიწისძვრის შედეგად დაღუპულთა რიცხვი 3 535-მდე გაიზარდა. კატასტროფიდან თითქმის ორი კვირის შემდეგ, მაშველები ნანგრევებში სამძებრო-სამაშველო სამუშაოებს განაგრძობენ.ოფიციალური მონაცემებით, სტიქიის შედეგად თითქმის 17 000 ადამიანი დაშავდა, 6 500 ადამიანის გადარჩენა მოხერხდა, 30 000-ზე მეტი უგზო-უკვლოდ დაკარგულად ითვლება.24 ივნისს, ერთწუთიანი ინტერვალით, ქვეყანაში ორი ძლიერი მიწისძვრა მოხდა. დაზიანდა 850-ზე მეტი შენობა.

მსოფლიო • 1783150498

8 დღე ნანგრევებში გაატარა - ვენესუელაში დაცვის თანამშრომელი გადაარჩინეს

ვენესუელაში მომხდარი დამანგრეველი მიწისძვრიდან რვა დღის შემდეგ მაშველებმა ნანგრევებიდან ცოცხალი ადამიანი ამოიყვანეს. 43 წლის დაცვის თანამშრომელი ერნან ალბერტო ხილ ფლორესი იქცა იმედის სიმბოლოდ ქვეყნისთვის, სადაც სტიქიას უკვე 2 200-ზე მეტი ადამიანის სიცოცხლე ემსხვერპლა. ტრაგედიის დღეს ფლორესი ღამის ცვლაში მუშაობდა ქალაქ ლა-გუაირაში მდებარე Galerías Playa Grande-ის სავაჭრო ცენტრში. ძლიერი მიწისძვრების დროს შენობა მთლიანად ჩამოინგრა. მიუხედავად ამისა, დაცვის პატარა ჯიხური, სადაც ის იმყოფებოდა, არ დაინგრა და მის გარშემო წარმოქმნილმა ჰაერის სივრცემ სიცოცხლის შენარჩუნების შესაძლებლობა მისცა.რამდენიმე დღის განმავლობაში მაშველები სიცოცხლის ნიშნებს ეძებდნენ. საბოლოოდ, სპეციალური კამერის დახმარებით მათ ფლორესთან კონტაქტი დაამყარეს. ვიწრო მილით მას წყალსა და თხევად საკვებს აწვდიდნენ, რათა გადარჩენის შანსი გაეზარდათ, სანამ უსაფრთხო გვირაბს გათხრიდნენ.სამაშველო ოპერაცია 100 საათზე მეტხანს გაგრძელდა. მუშაობას ართულებდა ნანგრევების არასტაბილურობა, განმეორებითი ბიძგები და ძლიერი წვიმა, თუმცა საერთაშორისო სამაშველო ჯგუფებმა ძალები გააერთიანეს და ფლორესის ცოცხლად გამოყვანა შეძლეს. გადარჩენის შემდეგ ფლორესი საკაცით, ჟანგბადის ნიღბითა და თერმოსაფარით სასწრაფო დახმარების მანქანამდე მიიყვანეს. ადგილზე შეკრებილები ტაშითა და ოვაციებით შეხვდნენ იმ კაცს, რომლის გადარჩენაც ბევრს უკვე შეუძლებლად მიაჩნდა. მისმა მეუღლემ, გუსბიმარ გონსალესმა, ემოციურად გაიხსენა მომენტი, როცა შეიტყო, რომ ქმარი ცოცხალი იყო: „როდესაც მითხრეს, რომ ის ცოცხალია, სიბნელეში სინათლის სხივი დავინახე.“ოჯახს ორი მცირეწლოვანი შვილი ჰყავს. 

მსოფლიო • 1782972397

შვიდდღიანი გლოვა ვენესუელაში - მიწისძვრების შედეგად დაღუპულთა რიცხვი 2 300-მდე გაიზარდა

ვენესუელაში მიწისძვრების შედეგად დაღუპულთა რიცხვი 2 300-მდე გაიზარდა.აღნიშნულის შესახებ ქვეყნის ეროვნული ასამბლეის პრეზიდენტმა, ხორხე როდრიგესმა განაცხადა.მისი თქმით, სტიქიით დაზარალებულთა რიცხვი ამჟამად 12 841 ადამიანს შეადგენს.„რაც შეეხება გუშინ გადარჩენილებს, შეგვიძლია, განვაცხადოთ ერთი გოგონას გადარჩენის შესახებაც, რითაც სამაშველო ოპერაციების შედეგად გადარჩენილთა საერთო რაოდენობამ 6 461 ადამიანს მიაღწია. ამ ოპერაციებში დღემდე 4 000-ზე მეტი ადგილობრივი და საერთაშორისო მაშველი მონაწილეობს“, – აღნიშნა ხორხე როდრიგესმა.ამასთან, ვენესუელას პრეზიდენტმა, დელსი როდრიგესმა ქვეყანაში შვიდდღიანი გლოვა გამოაცხადა.ცნობისთვის, გასულ კვირას ვენესუელაში 7.2 და 7.5 მაგნიტუდის ორი ძლიერი მიწისძვრა თითქმის ერთწუთიანი ინტერვალით დაფიქსირდა.  სტიქიამ ათასობით შენობა დაანგრია და მოსახლეობა ნანგრევებში მოიყოლა.

მსოფლიო • 1782918632

„ღმერთო, გადმოგვხედე, დაგვეხმარე...“ - გაბრიელა სპანიკის ემოციური პოსტი ვენესუელაში მომხდარ დამანგრეველ მიწისძვრაზე

გასულ კვირას ვენესუელაში 7.2 და 7.5 მაგნიტუდის ორი ძლიერი მიწისძვრა, თითქმის ერთწუთიანი ინტერვალით დაფიქსირდა.სტიქიამ ათასობით შენობა დაანგრია და მოსახლეობა ნანგრევებში მოიყოლა, სამძებრო-სამაშველო სამუშაოები ამ დრომდე გრძელდება. ვენესუელაში მომხდარი ორი მიწისძვრის შედეგად, დაღუპულთა რიცხვი ბოლო მონაცემებით 2000-ს უახლოვდება.ვენესუელაში მიწისძვრის შედეგების სალიკვიდაციო სამუშაოებში აშშ-ის სამხედროები ჩაერთნენ. ვაშინგტონმა ქვეყანაში 900-ზე მეტი სამხედრო განათავსა, ხოლო კიდევ დაახლოებით 800 სამხედრო ოპერაციებს პუერტო-რიკოსა და კიურასაოში მდებარე ბაზებიდან უჭერს მხარს.დამანგრეველი მიწისძვრიდან ოთხი დღის შემდეგ, შენობის ნანგრევებიდან მამა და შვილი ცოცხლები ამოიყვანეს.ფრანგი და ამერიკელი მაშველები მამა-შვილის გადარჩენაზე  12 საათის განმავლობაში მუშაობდნენ. ისინი ნანგრევებს სპეციალიზებული საძიებო კამერებით იკვლევდნენ.ვენესუელური წარმოშობის მსახიობი, Gabriela Spanic, სოციალურ ქსელში ემოციურად გამოეხმაურა სტიქიურ უბედურებას, რომელმაც ვენესუელა და რეგიონის სხვა ქვეყნები დააზარალა.მექსიკაში მცხოვრებმა მსახიობმა თავდაპირველად Instagram-ის „სთორიში“ მოკლე მიმართვა გამოაქვეყნა:„ღმერთო ჩემო, შეიწყალე ვენესუელა, კოლუმბია, არუბა და კიურასაო.“მოგვიანებით, მას შემდეგ, რაც მედიაში სტიქიის მასშტაბების ამსახველი კადრები გავრცელდა, სპანიკმა კიდევ ერთი პოსტი გამოაქვეყნა და გამომწერებს ლოცვისკენ მოუწოდა.„ღმერთო, გადმოგვხედე, დაგვეხმარე. ვილოცოთ ვენესუელისთვის. ვუყურებ სოციალურ ქსელებში გავრცელებულ ვიდეოებს და ვცდილობ ჩემს ნათესავებსა და მეგობრებს დავუკავშირდე, მაგრამ ვერ ვახერხებ. მიმდინარეობს შენობებისა და დასახლებული ტერიტორიების ევაკუაცია, ხოლო საგანგებო სამსახურები ზარალს აფასებენ,“ — წერს მსახიობი.

მსოფლიო • 1782887083

ვენესუელაში მიწისძვრის შედეგების სალიკვიდაციო სამუშაოებში ამერიკელი სამხედროები ჩაერთნენ

ვენესუელაში მიწისძვრის შედეგების სალიკვიდაციო სამუშაოებში აშშ-ის სამხედროები ჩაერთნენ.სააგენტო „როიტერის“ ინფორმაციით, ვაშინგტონმა ქვეყანაში 900-ზე მეტი სამხედრო განათავსა, ხოლო კიდევ დაახლოებით 800 სამხედრო ოპერაციებს პუერტო-რიკოსა და კიურასაოში მდებარე ბაზებიდან უჭერს მხარს.აშშ-ის სამხრეთის სარდლობის ხელმძღვანელის, გენერალ ფრენსის დონოვანის განცხადებით, ამერიკელი სამხედროები მონაწილეობენ სამძებრო-სამაშველო ოპერაციებში, ეხმარებიან აეროპორტის მუშაობის აღდგენას და ჰუმანიტარული დახმარების მიწოდების კოორდინაციას უწყობენ ხელს. ასევე, მათ ჰუმანიტარული დახმარების ჩასატანად საჰაერო და საზღვაო რესურსები აამოქმედეს. გარდა ამისა, აშშ-მა ვენესუელის საჰაერო სივრცეში, სულ მცირე, 4-5 ერთეული MQ-9 Reaper-ის ტიპის დრონი განათავსა, რომლებიც ადგილობრივ ხელისუფლებას დანგრეული შენობებისა და გზების მდგომარეობის შეფასებაში ეხმარება.ცნობისთვის, გასულ კვირას ვენესუელაში 7.2 და 7.5 მაგნიტუდის ორი ძლიერი მიწისძვრა, თითქმის ერთწუთიანი ინტერვალით დაფიქსირდა. სტიქიამ ათასობით შენობა დაანგრია და მოსახლეობა ნანგრევებში მოიყოლა, სამძებრო-სამაშველო სამუშაოები ამ დრომდე გრძელდება. ვენესუელაში მომხდარი ორი მიწისძვრის შედეგად, დაღუპულთა რიცხვი ბოლო მონაცემებით 2000-ს უახლოვდება.

მსოფლიო • 1782817941

ვენესუელაში ძლიერი მიწისძვრიდან რამდენიმე დღის შემდეგ ვითარება კვლავ მძიმეა - ბოლო ცნობები

ვენესუელაში მომხდარი ძლიერი მიწისძვრებიდან რამდენიმე დღის შემდეგ ქვეყანაში სამაშველო და აღდგენითი სამუშაოები კვლავ უწყვეტ რეჟიმში მიმდინარეობს. საერთაშორისო ორგანიზაციებისა და ადგილობრივი ხელისუფლების ინფორმაციით, დაღუპულთა და დაშავებულთა რაოდენობა იზრდება, ხოლო ათასობით ადამიანი კვლავ დროებით თავშესაფრებში რჩება.სტიქია 24 ივნისს მოხდა, როდესაც ქვეყანას ერთმანეთის მიყოლებით 7.2 და 7.5 მაგნიტუდის ორი ძლიერი მიწისძვრა დაატყდა თავს. ეპიცენტრი ქვეყნის ჩრდილოეთ ნაწილში დაფიქსირდა, თუმცა ძლიერი ბიძგები დედაქალაქ კარაკასშიც იგრძნობოდა. მიწისძვრებმა მრავალსართულიანი შენობების ნგრევა, ინფრასტრუქტურის დაზიანება და მასშტაბური შეფერხებები გამოიწვია.უახლესი მონაცემებით, დაღუპულთა რიცხვმა 1 700-ს გადააჭარბა, დაშავებულია 5 000-ზე მეტი ადამიანი. სამაშველო ჯგუფები ნანგრევებში მოყოლილებს კვლავ ეძებენ.

მსოფლიო • 1782802487

ვენესუელაში ორმაგი მიწისძვრის დროს ნანგრევებში მოყოლილი 21 წლის ბიჭი 4 დღის შემდეგ ცოცხალი იპოვეს

ვენესუელაში ორმაგი მიწისძვრის დროს ნანგრევებში მოყოლილი 21 წლის ბიჭი 4 დღის შემდეგ ცოცხალი იპოვეს. უცხოური მედია მომხდარს ნამდვილად სასწაულს უწოდებს. ახალგაზრდამ ნანგრევებში 106 საათი, დაახლოებით 4 დღე გაატარა.შეგახსენებთ, 25 ივნისს ვენესუელაში ერთ წუთზე ნაკლებ დროში 7.2 და 7.5 მაგნიტუდის სიმძლავრის ორი მიწისძვრა მოხდა. გაეროს მონაცემებით, მიწისძვრის შედეგად 1 000-ზე მეტი ადამიანი დაიღუპა, 10 000 დაკარგულად ითვლება, თითქმის 7 მილიონი კი დაზარალდა.

საზოგადოება • 1782797209

ვენესუელაში მაშველებმა გადაარჩინეს ადამიანი, რომელმაც ნანგრევებში 5 დღე გაატარა

ვენესუელაში მაშველებმა 21 წლის კაცი გადაარჩინეს, რომელმაც ნანგრევებში 5 დღე გაატარა. 106-საათიანი ტყვეობიდან ახალგაზრდა მამაკაცის ამოყვანის ოპერაცია 43 საათის განმავლობაში მიმდინარეობდა. გადარჩენილი კლინიკაში გადაიყვანეს. მის სიცოცხლეს საფრთხე აღარ ემუქრება.ბოლო მონაცემებით, ვენესუელაში მომხდარი ორი დამანგრეველი მიწისძვრის შედეგად 1 700- ზე მეტი ადამიანი დაიღუპა. 

მსოფლიო • 1782679842

„ოჯახს რამდენიმე დღე ეძებდა...“ - ვენესუელაში მომხდარ დამანგრეველ მიწისძვრას არგენტინელი ფეხბურთელის ცოლი და ორი შვილი ემსხვერპლა

არგენტინელი ფეხბურთელის, ლუკას ტრეხოს მეუღლე იანინა მარანელა და მათი ორი შვილი - აარონი და აინოა - ვენესუელაში მომხდარ დამანგრეველ მიწისძვრას ემსხვერპლნენ. გავრცელებული ინფორმაციით, ისინი იმ საცხოვრებელ კორპუსში იმყოფებოდნენ, რომელიც სტიქიის დროს ჩამოინგრა.ოჯახის წევრები რამდენიმე დღის განმავლობაში დაკარგულად ითვლებოდნენ. სამძებრო-სამაშველო ოპერაცია დაახლოებით 72–74 საათის განმავლობაში გაგრძელდა, რის შემდეგაც მაშველებმა მათი ცხედრები ნანგრევებში აღმოაჩინეს.ადგილობრივი და საერთაშორისო მედიის ცნობით, ტრეხო კატასტროფის დროს კარაკასში იმყოფებოდა, სადაც საკუთარ კლუბთან ერთად მატჩისთვის ემზადებოდა, რის გამოც ოჯახთან ერთად არ ყოფილა.ფეხბურთელის ტრაგედიას არაერთი საფეხბურთო კლუბი გამოეხმაურა. მათ შორის, „დეპორტივო ლა გუაირამ“ ლუკას ტრეხოსა და მისი ოჯახის მიმართ სამძიმრის ოფიციალური განცხადება გაავრცელა.

მსოფლიო • 1782592875

ვენესუელაში მიწისძვრის დროს დედამ შვილის გადასარჩენად თავი გაწირა

ვენესუელაში მიწისძვრის დროს დედამ შვილის გადასარჩენად თავი გაწირა.ამის შესახებ ინფორმაცია ფეხბურთელმა ჰექტორ ბელომ და ადგილობრივმა მედიამ გაავრცელეს. ბელოს თქმით, მისი მეუღლე ანდრეა ძლიერი მიწისძვრების დროს მათი მცირეწლოვანი შვილის სიცოცხლის გადარჩენას შეეწირა.ფეხბურთელმა სოციალურ ქსელ „ინსტაგრამზე“ დაწერა, რომ მისი მეუღლე ბოლო წუთამდე ცდილობდა შვილის გადარჩენას. „მოვუყვები ჩვენს შვილს, როგორ გადაარჩინე იგი, ჩემო სიყვარულო, როგორ გაწირე საკუთარი სიცოცხლე მისთვის“, - დაწერა ბელომ.მედიის ცნობით, მიწისძვრებს ვენესუელის დედაქალაქ კარაკასის მახლობლად სულ მცირე 920 ადამიანი ემსხვერპლა, ხოლო 3 000-ზე მეტი დაშავდა. სამაშველო ჯგუფები ამ დრომდე ნანგრევებში გადარჩენილებს ეძებენ.

მსოფლიო • 1782542152

ლა გუაირაში მიწისძვრის ნანგრევებში გადარჩენილები იპოვეს

ვენესუელას შტატ ლა გუაირას კარაბალედას რაიონში, მიწისძვრის შემდეგ მიმდინარე სამაშველო სამუშაოების დროს, ნანგრევებიდან გადარჩენილები ამოიყვანეს.ვრცელდება თვითმხილველების ვიდეოჩანაწერები. დრისკოლ როხასის ჩანაწერში, რომელმაც საზოგადოებას კინორეჟისორად წარუდგინა თავი, აღნიშნავს, რომ მის მიერ გადაღებულ ვიდეოზე კარაბალედაში ნანგრევების გროვებია ასახული.გადარჩენილების ამოყვანისას როხასი მათ სახელებს ეკითხება და აღნიშნავს, რომ ექვსსართულიანი შენობის ნანგრევებიდან ერთი ადამიანი წარმატებით ამოიყვანეს, თუმცა ამ ტერიტორიაზე ბევრი ადამიანი დაიღუპა.

მსოფლიო • 1782537488

ბოლო ცნობები ვენესუელადან, სადაც მიწისძვრების შედეგად დაღუპულთა რიცხვი 920-მდე გაიზარდა

ვენესუელაში მომხდარი ორი ძლიერი მიწისძვრის შედეგად დაღუპულთა რიცხვი 920-მდე გაიზარდა. ხელისუფლების ინფორმაციით, სტიქიის ზონაში სამძებრო-სამაშველო ოპერაცია გრძელდება, ასობით ადამიანი კი კვლავ ნანგრევებშია მოყოლილი, იუწყება Reuters-ი.ოფიციალური მონაცემებით, დაშავებულია 3 360, ხოლო უგზო-უკვლოდ დაკარგულად 50 000-ზე მეტი პირია რეგისტრირებული. მიწისძვრამ ოთხშაბათს საღამოს კარაკასისა და მის შემოგარენში მნიშვნელოვანი ნგრევა გამოიწვია.როგორც Reuters-ი წერს, პარასკევს შუადღისას ვენესუელაში კიდევ ერთი, 4.9 მაგნიტუდის მიწისძვრა დაფიქსირდა, რომელიც დედაქალაქ კარაკასსა და ახლომდებარე ქალაქ მარაკაიშიც იგრძნობოდა.ყველაზე მეტად დაზარალებულ რეგიონებში, მათ შორის ლა-გუაირას შტატში, მოსახლეობა და მოხალისეები ნანგრევების ხელით გაწმენდას აგრძელებენ. მძიმე ტექნიკის დეფიციტისა და სამაშველო ძალების არასაკმარისი მობილიზების გამო, ადგილობრივებში უკმაყოფილება იზრდება.გაეროს შეფასებით, 7.2 და 7.5 მაგნიტუდის მიწისძვრებმა ვენესუელას დაახლოებით 6.7 მილიარდი დოლარის ზარალი მიაყენა. მეორე მიწისძვრა ქვეყნისთვის უკანასკნელ 100 წელზე მეტი ხნის განმავლობაში ყველაზე ძლიერი იყო.