მსოფლიო • 1761752702

თურქეთში კორპუსის ჩამონგრევას მსხვერპლი მოჰყვა

თურქეთის ქალაქ გებზეში შვიდსართულიანი საცხოვრებელი კორპუსის ჩამონგრევას ორი არასრულწლოვანის სიცოცხლე ემსხვერპლა.ამის შესახებ ინფორმაციას „ესოშიეთიდ პრესი“ ავრცელებს.მედიის ინფორმაციით, ნანგრევებში ერთი ოჯახის ხუთი წევრი მოჰყვა. ამ დრომდე ეძებენ 43 წლის მამაკაცს და 37 წლის ქალს.ნაპოვნია მათი არასრულწლოვანი შვილების და-ძმის ცხედრები. რაც შეეხება წყვილის მესამე შვილს, მაშველებმა 18 წლის დილარას გადარჩენა შეძლეს.გამოძიება ვიდრე ნგრევის ზუსტ მიზეზს დაადგენს, გებზეს მერი არ გამორიცხავს, რომ მომხდარი ახლომდებარე მეტროსადგურის მშენებლობას უკავშირდებოდეს.

შემთხვევა • 1761203153

კოპეისკში სამხედრო მასალების ქარხანაში აფეთქებას 12 ადამიანი ემსხვერპლა, დაშავებულია ხუთი პირი

რუსეთში, ჩელიაბინსკის ოლქის ქალაქ კოპეისკში სამხედრო მასალების ქარხანაში აფეთქებას 12 ადამიანი ემსხვერპლა, დაშავებულია ხუთი პირი.აფეთქების შედეგად ტერიტორიაზე ხანძარი გაჩნდა, რომელიც ამ დროისთვის ლიკვიდირებულია.ადგილზე მუშაობენ სახანძრო-სამაშველო ეკიპაჟები და არ გამორიცხავენ, რომ ნანგრევებში შესაძლოა, ადამიანები იყვნენ მოყოლილი, რომლებსაც  ამ დროისთვის დაკარგულად მიიჩნევენ, ამ ადამიანების ზუსტი რაოდენობა უცნობია.გავრცელებული ცნობით, ქარხანაში აფეთქების წინასწარ მიზეზად ტექნიკური უსაფრთხოების დარღვევას ასახელებენ, რასაც განმეორებითი აფეთქება მოჰყვა.როგორც ცნობილია, ქარხანა საბრძოლო მასალებსა და ასაფეთქებელ ნივთიერებებს აწარმოებს.

მსოფლიო • 1760869571

„ჰამასმა“ ისრაელს გამთენიისას კიდევ ორი მძევლის ცხედარი გადასცა

„ჰამასმა“ ისრაელს გამთენიისას კიდევ ორი მძევლის ცხედარი გადასცა. სამშვიდობო შეთანხმების მიხედვით „ჰამასმა“ ისრაელს 28 გარდაცვლილიდან ამ დროისთვის მხოლოდ 12 დაუბრუნა. დანარჩენი მძევლების ცხედრების მოსაძიებლად დაჯგუფებამ დახმარება ითხოვა. „ჰამასი“ აცხადებს, რომ ისინი ნანგრევებში არიან მოყოლილი.მძევალთა ცხედრების სამძებრო სამუშაოები ჰან იუნისში, ბულდოზერების გამოყენებით ტარდება.

მსოფლიო • 1760446581

ღაზის სექტორში შენობების 80 პროცენტი დანგრეული ან დაზიანებულია, იმისთვის, რომ ცხოვრება კვლავ შესაძლებელი გახდეს, საჭიროა 70 მილიარდი დოლარის გამოყოფა - გაერო-ს ანგარიში

გაერო-ს განვითარების პროგრამის ანგარიშის თანახმად, ღაზის სექტორში მდებარე შენობა ნაგებობების 80% დანგრეული ან დაზიანებულია. ამასთან, ქალაქ ღაზაში ეს მაჩვენებელი 92%-ს აღწევს.გაერო-ს განვითარების პროგრამის პრესსპიკერის თქმით, ღაზის სექტორში ნგრევა კატასტროფულ მასშტაბებს აღწევს. ორგანიზაციის განცხადებით, ღაზის სექტორიდან აუცილებელია 55 მილიონი ტონა ნანგრევების გატანა.„გაერო-ს განვითარების პროგრამის“ თანამშრომლებმა თავად დაიწყეს გაწმენდითი სამუშაოები, თუმცა ამ პროცესს ხელს უშლის ნანგრევებში ნაპოვნი საბრძოლო მასალა და ჭურვები, რომელთა გაუვნებელყოფა აუცილებელია.ასევე მუდმივად ხდება გარდაცვლილთა ცხედრების ამოყვანა, რომელთა ამოცნობაც საჭიროა.ორგანიზაციის ანგარიშის მიხედვით, გაერო-ს, ევროკავშირისა და მსოფლიო ბანკის შეფასებით, იმისთვის, რომ ღაზაში ცხოვრება კვლავ შესაძლებელი გახდეს, საჭიროა 70 მილიარდი დოლარის გამოყოფა.

მსოფლიო • 1759912193

ბელგოროდის ოლქის გუბერნატორი აცხადებს, რომ ერთ-ერთ სოფელზე იერიშისას სამი ადამიანი დაიღუპა

ბელგოროდის ოლქის გუბერნატორი ვიაჩესლავ გლადკოვი აცხადებს, რომ ერთ-ერთ სოფელზე იერიშისას სამი ადამიანი დაიღუპა და ერთი დაშავდა.გლადკოვის ცნობით, სარაკეტო დარტყმა სოფელს მასლოვა პროისტანზე განხორციელდა. როგორც გუბერნატორი აღნიშნავს, ნაწილობრივ დანგრეულია სოციალური ობიექტის შენობა.„ბიბისის“ რუსული სამსახურის ცნობით, დარტყმა სავარაუდოდ სპორტულ კომპლექსზე განხორციელდა.გლადკოვის თქმით, ადგილზე საგანგებო სამსახურების თანამშრომლები იმყოფებიან. ნანგრევებში შესაძლოა, ადამიანები იყვნენ მოყოლილი.დასახლება მასლოვა პრისტანი ბელგოროდის წყალსაცავთან მდებარეობს, ქალაქ ბელგოროდიდან 15 კილომეტრში.

შემთხვევა • 1759842925

მადრიდის ცენტრში შენობის ნაწილი ჩამოინგრა - არიან დაშავებულები

Reuters-ის ინფორმაციით, მადრიდის ცენტრში შენობის ნაწილის ჩამონგრევის შედეგად სულ მცირე 3 ადამიანი დაშავდა, ერთი მათგანის მდგომარეობა მძიმეა.ამ დროისთვის მიმდინარეობს სამაშველო ოპერაცია, მაშველები ნანგრევებში მოყოლილ ადამიანებს ეძებენ.

მსოფლიო • 1759332692

THE SUN: ნიუ-იორკში 20-სართულიანი საცხოვრებელი კორპუსი გაზის აფეთქების შემდეგ „ჩამოინგრა“. ძაღლები და დრონები ნანგრევებში მსხვერპლს ეძებენ

ბრიტანული გამოცემა The sun აქვეყნებს ვიდეო კადრებს, როდესაც ნიუ-იორკში 20-სართულიანი საცხოვრებელი კორპუსის ერთი გვერდი გაზის აფეთქების შემდეგ „ჩამოინგრა“.ძაღლები და დრონები ნანგრევებში მსხვერპლს ეძებენ. ვიდეოში ნაჩვენებია გაზის აფეთქების შედეგად გამოწვეული დამანგრეველი შედეგები. ნიუ-იორკის მერმა, ერიკ ადამსმა, განაცხადა, რომ ინფორმირებულია სიტუაციის შესახებ და მცხოვრებლებს მოუწოდა, თავი აარიდონ აღნიშნულ ტერიტორიას.„ნიუ-იორკელებო, ბრონქსის მოტ ჰეივენის რაიონში შექმნილი საგანგებო სიტუაციის შესახებ ინფორმირებული ვარ. ჩვენ მაშველებისგან ვიღებთ სიტუაციის სრულ შეფასებას და გავაგრძელებთ განახლებული ინფორმაციის მიწოდებას. გთხოვთ, თქვენივე უსაფრთხოებისთვის მოერიდოთ ტერიტორიას“, - დაწერა ადამსმა X-ზე.

მსოფლიო • 1758552976

„ვდგავართ გზაგასაყარზე, უნდა ავირჩიოთ სწორი მიმართულება და ვანახოთ მსოფლიოს, რომ ერთად შეგვიძლია უკეთესად ვიყოთ“ - ანალენა ბერბოკი

ნიუ-იორკში გაეროს გენერალური ასამბლეის მე-80 სესია ოფიციალურად გაიხსნა. მსოფლიო ლიდერებთან ერთად, შტატებშია საქართველოს პრეზიდენტი. სესია გენერალური ასამბლეის პრეზიდენტმა ანალენა ბერბოკმა გახსნა, რომელმაც გაეროს მთავარ გამოწვევებზე ისაუბრა.„ჩვენ ვხედავთ ბავშვებს მშობლების გარეშე, როლებიც საკვებს ეძებენ ღაზას ნანგრევებში, უკრაინაში მიმდინარე ომს, ძალადობას სუდანში, კრიმინალებს, რომლებიც ატერორებენ ჰაიტის მოსახლეობას, ონლაინ წარმოებულ, უმართავ სიძულვილის კამპანიას, მთელი მსოფლიოს მასშტაბით მიმდინარე გვალვებს და წყალდიდობებს. დღეს, გაეროს დაარსებიდან 80 წლის შემდეგ, კიდევ ერთხელ ვდგავართ გზაგასაყარზე, არ გვაქვს მარტივი გადაწყვეტილებები. უნდა ავირჩიოთ სწორი მიმართულება და ვანახოთ მსოფლიოს, რომ ერთად შეგვიძლია უკეთესად ვიყოთ“ , - განაცხადა ანალენა ბერბოკმა.

მსოფლიო • 1758180561

რუმინეთში, რომაული ოჯახის დამწვარ სახლში უძველესი საგანძური იპოვეს - ფოტო

რუმინეთში არქეოლოგებმა დამწვარი რომაული ოჯახის სახლის ნანგრევებში გამდნარი ლითონის საგანძური აღმოაჩინეს, იტყობინება  Live Science.რუმინეთის ეროვნული ისტორიის მუზეუმის განცხადების თანახმად, განძი, რომელიც მონეტებისა და ლითონის სამკაულებისგან შედგებოდა, სავარაუდოდ, დაახლოებით 1900 წლის წინ დიდგვაროვან ოჯახს ეკუთვნოდა.შავი ზღვის დასავლეთ სანაპიროზე მდებარე არქეოლოგიურ ძეგლ ჰისტრიაში, ქალაქის ნანგრევებში მკვლევრებმა 40-ზე მეტი მონეტა და ძვირფასი ლითონის სამკაული აღმოაჩინეს. თავდაპირველად ძველი ბერძნული კოლონია ჰისტრია რომის იმპერიამ ახ. წ. I საუკუნეში შეიერთა.მუზეუმის ცნობით, ხანძრის დროს ლითონები გადნა და დაიწვა, რამაც შეინარჩუნა ხის ყუთის ფორმა, რომელშიც ისინი ინახებოდა. ცალკეულმა მონეტებმაც შეინარჩუნა მრგვალი ფორმა, თუმცა საუკუნეების განმავლობაში დაჟანგდა.განცხადებაში ასევე ნათქვამია, რომ გათხრების ადგილზე იმავე ფენაში სხვა არტეფაქტებიც აღმოაჩინეს, მათ შორის კერამიკული ჭურჭელი, წარწერები და ბრინჯაოს, რკინის, მინისა და ქვისგან დამზადებული ნივთები.არქეოლოგები არტეფაქტებს სავარაუდოდ ახ. წ. მეორე ან მესამე საუკუნით, რომის იმპერიის პრინციპატის პერიოდით ათარიღებენ. აღნიშნულია, რომ ეს აღმოჩენები, გათხრების ადგილზე აღმოჩენილ სხვა აღმოჩენებთან ერთად, როგორიცაა გზები, წყლის მილები და ღუმელი, არქეოლოგებს ეხმარება ისტორიის შესაძლო გარეგნობის რეკონსტრუქციაში რომის იმპერიის დროს.არტეფაქტები ამჟამად რუმინეთის ეროვნული ისტორიის მუზეუმის კოლექციის ნაწილია. იქ ისინი გამოფენამდე დამატებით შესწავლას, რესტავრაციასა და კონსერვაციას გაივლიან. 

შემთხვევა • 1756798136

ავღანეთში, მიწისძვრის შედეგად დაღუპულთა რიცხვმა 900-ს გადააჭარბა

ავღანეთში მიწისძვრის შედეგად დაღუპულთა რიცხვმა 900-ს გადააჭარბა.  ამის შესახებ ინფორმაციას „ინდეფენდენთი“ ავრცელებს.სტიქიის დროს დაშავდა 3 000 მოქალაქე. სამაშველო ოპერაცია ავღანეთში ამ დრომდე გრძელდება.როგორც „თალიბანის“ ხელისუფლების წარმომადგენლები აცხადებენ, მაშველები დაჭრილი ადამიანების ევაკუაციას განაგრძობენ და დაღუპულების და დაზარალებულების რიცხვი შესაძლოა, შეიცვალოს.ცნობისთვის, 6 მაგნიტუდის სიმძლავრის მიწისძვრა 31 აგვისტოს ღამით მოხდა. ეპიცენტრი ქვეყნის მთიან ნაწილში დაფიქსირდა. შედეგად დანგრეულია სოფლები. დაზარალებულების ნაწილმა ნანგრევებში რამდენიმე საათი გაატარა. მიწისძვრამ ზოგიერთ რეგიონში გამოიწვია მეწყერი, ჩახერგილია გზები.მედიის ცნობით, შექმნილი მდგომარეობის გათვალისწინებით, „თალიბანმა“ დახმარებისთვის საერთაშორისო საზოგადოებას მიმართა.

მსოფლიო • 1756551855

ინდოეთის ჩრდილოეთ რაიონებში გადაუღებელმა წვიმამ ძლიერი წყალდიდობა და მეწყერი გამოიწვია

გადაუღებელმა წვიმამ ინდოეთის ჩრდილოეთ რაიონებში ძლიერი წყალდიდობა და მეწყერი გამოიწვია.სტიქიამ რამდენიმე საცხოვრებელი სახლი და შენობა გაანადგურა. სტიქიის რეგიონში სამაშველო ოპერაცია ტარდება. ვარაუდობენ, რომ ნანგრევებში ათამდე ადამიანია მოყოლილი.

მსოფლიო • 1756441937

რუსეთის იერიშის შედეგად კიევში დაღუპულთა რაოდენობა 23-მდე გაიზარდა

რუსეთის იერიშის შედეგად კიევში დაღუპულთა რაოდენობა 22-მდე გაიზარდა. ვარაუდობენ, რომ ნანგრევების ქვეშ ამ დრომდე ხალხია. დაღუპულთა შორის ოთხი ბავშვია. დაშავებულია 52 ადამიანი, – ამის შესახებ კიევის სამხედრო საქალაქო ადმინისტრაციის ხელმძღვანელი ტიმურ ტკაჩენკო აცხადებს.მისივე თქმით, სამძებრო-სამაშველო სამუშაოები ამ დრომდე გრძელდება და ვარაუდობენ, რომ ნანგრევებში ათამდე ადამიანია.უკრაინის საგანგებო სიტუაციების სახელმწიფო სამსახურის განახლებული მონაცემებით, რუსეთის იერიშის შედეგად კიევში დაზიანდა 225 საცხოვრებელი შენობა, ასევე დაზიანდა საბავშვო ბაღები, ავტოფარეხები.როგორც საგანგებო სიტუაციების სახელმწიფო სამსახურში აცხადებენ, დედაქალაქის ყველა რაიონში არის დაზიანება. ასევე, ზიანი მიადგა უკრაინაში ევროკავშირის დელეგაციის შენობას, დაზიანდა ბრიტანული საბჭოს, „რადიო თავისუფლების“, გამოცემა „უკრაინსკაია პრავდის“ ოფისები.