პოლიტიკა • 1722000658

ყველამ უნდა გაიაროთ საკონსულო აღრიცხვაზე რეგისტრაცია, რათა საარჩევნო სიაში მოხვდეთ - გიორგი ვაშაძე ემიგრანტებს

ემიგრანტების არჩევნებში მონაწილეობის მნიშვნელობაზე, დღეს გამართულ ბრიფინგზე, პლატფორმა "ერთობის" ლიდერებმა ისაუბრეს.გიორგი ვაშაძემ უცხოეთში მცხოვრებ ქართველებს საკონსულო აღრიცხვაზე რეგისტრაციისაკენ მოუწოდა. მისვე თქმით, აუცილებელია, საარჩევნო უბნები საზღვარგარეთ, მაქსიმალურად მეტ ქალაქში გაიხსნას."ყველამ უნდა გაიაროთ საკონსულო აღრიცხვაზე რეგისტრაცია, რათა თქვენ მოხვდეთ საარჩევნო სიაში და თუნდაც იმ უბნებზე, რომლებიც იქნება გახსნილი უცხოეთში, თქვენ გქონდეთ საარჩევნო ხმის უფლება. გამოიყენეთ რომელი მექანიზმიც გინდათ. მთავარია, გაიაროთ საკონსულო აღრიცხვა, რადგან თქვენს ხელშია ამ ქვეყნის ბედის გადაწყვეტა", - განაცხადა გიორგი ვაშაძემ.საპასუხო კომენტარი გაკეთდა მმართველ გუნდშიც.

პოლიტიკა • 1721987984

დიახაც ვაპირებთ, რომ ვაჭრობა გავაგრძელოთ რუსეთთან, არასდროს გვითქვამს, რომ ვაჭრობა უნდა შეწყდეს - გიორგი ვაშაძე

პარლამენტის თავმჯდომარის დღევანდელ განცხადებებს, სადაც შალვა პაპუაშვილი ოპოზიციის შეცვლილ რიტორიკაზე და მოსახლეობის შეცდომაში შეყვანის მცდელობაზე საუბრობს, ოპოზიციაში ეხმაურებიან."სტრატეგია აღმაშენებლის" წევრის, გიორგი ვაშაძის შეფასებით, შალვა პაპუაშვილი ამ განცხადებებით ცდილობს, საზოგადოება ორად გაყოს. ვაშაძემ რუსეთთან სავაჭრო საკითხთან დაკავშირებით, საკუთარ მოსაზრებაზე, კიდევ ერთხელ ისაუბრა."ეს არის პარლამენტის თავმჯდომარის განცხადება? დაპირისპირებისკენ მოწოდება? კიდევ მეტი ზიზღი? კიდევ მეტი სიძულვილი? სიყალბე არის მათი ხელწერა. ჩვენ დიახაც ვაპირებთ, რომ ვაჭრობა გავაგრძელოთ რუსეთთან. არასდროს არ გვითქვამს, რომ ვაჭრობა უნდა შეწყდეს, მთავარი ჩვენი ამოცანაა, რომ რუსულ ეკონომიკაზე არ იყოს დამოკიდებული ქართული ეკონომიკა, როგორც ეს გააკეთა "ქართულმა ოცნებამ."საქართველო იქნება ევროკავშირის წევრი, საქართველოს ექნება რუსეთთან ვაჭრობა, ოღონდ სამჯერ მეტს გავყიდით ჩვენ და არა რუსეთი. ეს არის ჩემი პირდაპირი მიზანი," - აღნიშნა გიორგი ვაშაძემ.გიორგი გახარიას გუნდში კი ამბობენ, რომ, სამწუხაროდ, ოპოზიციის ნაწილს სჩვევია არათანმიმდევრულობა და საკუთარი რიტორიკის შეცვლა, რაც მთლიან ოპოზიციურ განწყობებს ქვეყანაში აზიანებს.თუმცა, როგორც ბექა ლილუაშვილმა აღნიშნა, თავად მათ პარტიას  რუსეთთან ეკონომიკური კავშირების ნაწილში რიტორიკა არ შეუცვლიათ.

პოლიტიკა • 1721985555

"პრობლემა ის არის, რომ ვითომ ლაპარაკობენ, საბოლოოდ, მგონი "ლელოს" ფულებით ერთობიან ზღვაზე" - იაგო ხვიჩია

პარლამენტის თავმჯდომარის, შალვა პაპუაშვილის განცხადებას, სადაც ამბობს, რომ წინასაარჩევნო აგიტაციაში არასამთავრობო ორგანიზაციები არიან ჩართულნი, ოპოზიციურ სპექტრში აფასებენ."გირჩის" ლიდერი იაგო ხვიჩია პრობლემას ვერ ხედავ იმაში, რომ წინასაარჩევნოდ სამომავლო გეგმები დასახონ, თუმცა არ იცის ვისი ფული იხარჯება აღნიშნულ ღონისძიებებში."ზოგადად იმაში არაფერია არ არის გასაკვირი, რომ ხალხთან ერთად მსჯელობდნენ იმაზე, თუ რა მოხდება ქვეყანაში შემოდგომაზე და საკუთარ გეგმებს ამზადებდნენ. არც ვიცი დონორების ფულით არის თუ არა. "ლელოს" დონორების ფული არ სჭირდება იმისთვის, რომ თავის წარმომადგენელი ბათუმში დაასვენოს თავის NGO მეგობრებთან ერთად. ვერ გეტყვით რაში იხარჯება ეს ფული, ვისი ფულია, მაგრამ ლაპარაკი მომავალთან დაკავშირებით პრობლემა არ არის. პრობლემა ის არის, რომ ვითომ ლაპარაკობენ. საბოლოო ჯამში, მგონი "ლელოს" ფულებით ერთობიან ზღვაზე", - განაცხადა იაგო ხვიჩიამ."სტრატეგიული აღმაშენებლის" თავმჯდომარის, გიორგი ვაშაძის განცხადებით, ამ არჩევნებზე გადაწყდება, როგორ ქვეყანაში გვინდა რომ ვიცხოვროთ."ეს არჩევნები არის იმაზე თუ როგორ ქვეყანაში გვინდა ვიცხოვროთ, დაპირისპირების ქვეყანაში თუ ერთიანობის ქვეყანაში. ჩვენ ვართ სრულად მომზადებული იმისთვის, რომ არცერთი ხმა არ გავაყალბებინოთ "ქართულ ოცნებას", ამას როგორ ვიზამთ ნახავთ", - განაცხადა გიორგი ვაშაძემ.

პოლიტიკა • 1721979702

ადამიანები, რომლებიც ქსენოფობიის დონემდე მისულ ისტერიას თესდნენ, დღეს რუსეთთან ღვინით და ვაშლით ვაჭრობაზე და რუსი ტურისტებისგან მიღებულ სარგებელზე ალაპარაკდნენ - პაპუაშვილი

შალვა პაპუაშვილმა რუსეთისთვის სანქციებთან დაკავშირებით ბოლო პერიოდში რადიკალური ოპოზიციის შეცვლილ რიტორიკაზე ისაუბრა. პარლამენტის თავმჯდომარემ და „ქართული ოცნების“ პოლიტსაბჭოს წევრმა ამ თემაზე მმართველი პარტიის ცენტრალურ ოფისში გამართულ ბრიფინგზე გააკეთა განცხადება. მან საზოგადოებას გაახსენა ის განცხადებები, რომლებსაც ოპოზიციის და არასამთავრობო სექტორის წარმომადგენლები სანქციებთან დაკავშირებით აკეთებდნენ.„ბოლო პერიოდში ვხედავთ რადიკალური ოპოზიციის შეცვლილ რიტორიკას საქართველოს ხელისუფლების მიერ რუსეთისთვის სანქციების არდაწესების პოლიტიკის მიმართ. ადამიანები, რომლებიც ქსენოფობიის დონემდე მისულ ისტერიას თესდნენ, დღეს რუსეთთან ღვინით და ვაშლით ვაჭრობაზე და რუსი ტურისტებისგან მიღებულ სარგებელზე ალაპარაკდნენ. ცხვრის ქურქის მოსხმის ეს ტაქტიკა ოპოზიციის მხრიდან ახალი არაა, ეს მათი ნირი და წესია. არჩევნების მოახლოებასთან ერთად დადგა მომენტი, როდესაც მათ მოუწევთ, რომ მოსცილდნენ საკუთარ ფეისბუკ-გვერდებს, გამოვიდნენ საკუთარი ტელევიზიების სტუდიებიდან და ხალხს დაელაპარაკონ.და განა გასაკვირი უნდა იყოს, რომ კახელები პასუხს მოსთხოვენ ოპოზიციას ღვინის შეგინებისთვის? განა გასაკვირი უნდა იყოს, რომ აჭარლები პასუხს მოსთხოვენ ოპოზიციას ტურისტებისთვის კვერცხების დაშენისთვის? განა გასაკვირი უნდა იყოს, რომ ქართველები, ვისაც რუსეთში ოჯახის წევრები ჰყავთ, პასუხს მოსთხოვენ ოპოზიციას აეროპორტის პიკეტირებისთვის? დაბოლოს, რომელ ქალაქშიც, რომელ სოფელშიც და რომელ უბანშიც არ უნდა მივიდნენ, განა გასაკვირია, რომ მათ პასუხს მოსთხოვენ იმისთვის, რომ ხალხს ომისთვის, ნგრევისთვის და სიკვდილისთვის სწირავდნენ? ხალხის რისხვის პირველი ტალღა მათ ამ დღეებში უკვე მიიღეს. დაინახეს, რომ ხალხი ხელისუფლების წინდახედულ პოლიტიკას უჭერს მხარს და სწორედ ამიტომ არის, რომ ახლა ყველა ვინც ომში მიგვაქანებდა მშვიდობაზე ალაპარაკდა, ყველა ვინც ქართველ გლეხებს და მეწარმეებს გაკოტრების გზაზე დაყენებას უპირებდა, დღეს რუსეთთან ვაჭრობაზე ალაპარაკდა. მაგრამ ქართველმა ხალხმა მათი ფარისევლური სახე დიდი ხანია ამოიცნო.ბოლო ორი წელი საუკეთესო ლუსტრაცია იყო იმისთვის, თუ სად დგება ოპოზიცია კრიტიკულ მომენტებში. დრომ დაადასტურა, რომ არც ერთ საბედისწერო მომენტში ოპოზიციას და მათ არასამთავრობო ორგანიზაციებს ქართველი ხალხის მხარე არ დაუჭერია. ყოველ ჯერზე ისინი უყურებდნენ არა იმას, თუ რა სჭირდებოდა ჩვენს ხალს, არამედ იმას თუ რას სჭირდებოდათ სხვებს და რომელ სიტყვად თუ ნაბიჯს შეუქებდნენ გარედან. ამიტომ დარწმუნდა ყველა, რომ ერთი რამ გარანტირებულია, თუკი ოპოზიცია შეძლებს ერთი გრამი ძალაუფლების ხელში ჩაგდებასაც კი, საქართველო დაუბრუნდება კვლავ ომების და ნგრევის ქაოსს, რომლიდანაც, როგორც იქნა ეს ქვეყანა დავიხსენით, 12-წლიანი უწყვეტი მშვიდობის პერიოდი შევქმენით და ხალხს ამოსუნთქვის და განვითარების შესაძლებლობა მივეცით. დღეს ოპოზიციას და მათ ენჯეოებს აღარ უნდათ გაიხსენონ, თუ სად მიაქანებდნენ ამ ქვეყანას უკრაინაში ომის დაწყებიდან პირველივე დღეებში, თუმცა მათი ღალატის ისტორიას საჯარო არქივები ინახავს და არც ორი წელია ისე დიდი დრო, რომ ხალხს მივიწყებოდა. ყველას გვახსოვს რისგან შედგებოდა საქართველოს ნგრევის სანაცვლოდ უკრაინის დახმარების მათეული ხედვა, მათ მიერ ინიციირებული კანონების და რეზოლუციების პროექტებიც, რომლებიც დღესაც პარლამენტშია და არ გაუწვევიათ, ამის დასტურია. გეტყვით ჩამონათვალს, თუ რა იყო მათი ხედვა.ეს იყო: სამხედრო დახმარება, მოხალისე მებრძოლების გაგზავნა უკრაინაში და უკრაინისთვის შეიარაღების მიწოდება და მეორე, სანქციების დაწესება, კერძოდ, საჰაერო სივრცის ჩაკეტვა რუსეთისთვის, რუსეთთან პირდაპირი ფრენების აკრძალვა, სავიზო რეჟიმის შემოღება , რუსეთის მოქალაქეებისთვის დასაქმების აკრძალვა, რუსული სანომრე ნიშნებით შემოსვლის აკრძალვა, საოკუპაციო მოსაკრებლის დაწესება. თითოეულ ამ საკითხზე შეგახსენებთ თუ როგორი პოზიცია ჰქონდა მაშინ ოპოზიციას და რას ითხოვდნენI. სამხედრო დახმარება, მოხალისეების გაგზავნა უკრაინაში. ომის პირველივე დღეებში ოპოზიცია უკრაინის ხელისუფლებასთან შეთანხმებით ითხოვდა საქართველოს მთავრობისგან ჩარტერულ რეისზე თანხმობის მიცემას, რაზეც მთავრობამ უარი განაცხადა.შეგახსენებთ ზოგიერთ განცხადებას: გიგა ბოკერია: „ქართველი მოხალისეებისთვის უკრაინაში დასახმარებლად გამგზავრებაზე ხელის შეშლა პუტინის რუსეთის პირდაპირი მხარდაჭერაა. ამიტომ, ახლა ჩვენი მთელი ძალისხმევა უნდა იყოს სვლა ვადამდელ არჩევნებზე“. ნიკა გვარამია: „მაშინ, როცა ცივილიზებული სამყარო ცას უკეტავს რუსეთს, ჩვენ ცას ვუკეტავთ უკრაინას. ვიდრე ასეთი მუხანათების მძევლები ვართ, ჩვენი ადგილი არ არის თავისუფალ სამყაროში“. თინა ხიდაშელი: „მოხალისეს, როდესაც არ უშვებ ფრონტზე - ეს არის პოლიტიკური არჩევანი.“ ნიშანდობლივია, რომ მიუხედავად იმისა, რომ საქართველოს ნებისმიერ მოქალაქეს ნებისმიერ დროს შეეძლო დაეტოვებინა საქართველო რეგულარული ავიარეისით, ან თუნდაც სახმელეთო გზით, რატომღაც იყო დაჟინებული მოთხოვნა, როგორც რადიკალური ოპოზიციისგან ისე გარე აქტორებისგან, რომ სპეციალურად ამ მიზნით შესრულებულიყო ჩარტერული რეისი, რომელზეც იქნებოდა მთავრობის საგანგებო თანხმობა. რა თქმა უნდა, ეს აჩენს ეჭვს, რომ მიზანი იყო არა იმდენად რამდენიმე ათეული მოხალისის ომში ჩართვა, არამედ ის, რომ წარმოჩენილიყო სურათი, სადაც თბილისის აეროპორტიდან აფრინდებოდა საქართველოს ხელისუფლების მიერ ორგანიზებული რეისი, რომლითაც ქართველები უკრაინაში რუსეთის წინააღმდეგ საბრძოლველად მიემართებოდნენ. ყველასთვის გასაგებია, რომ საკუთარი მოქალაქეების ორგანიზებული გაგზავნა ბრძოლის ველზე, სხვა არაფერი იქნებოდა თუ არა ომში ოფიციალურად ჩაბმა. თუმცა ოპოზიცია და მისი ენჯეოები ამ მოთხოვნით აქციებსაც კი არ მოერიდნენ.და ეს იმ პირობებში, როცა ომის დაწყებიდან ორი წლის თავზეც არცერთ სახელმწიფოს ხელი არ შეუწყვია საკუთარი მოქალაქეებისთვის უკრაინაში მოხალისეებად საბრძოლველად წასასვლელად. პირიქით, აშშ და ბრიტანეთის მთავრობებმა პირველივე დღეებში საჯაროდ გააფრთხილეს საკუთარ მოქალაქეები, არ წასულიყვნენ საბრძოლველად. 2) შეიარაღების გაგზავნა უკრაინაში მოხალისეების ორგანიზებულად გაგზავნასთან ერთად ოპოზიცია და არასამთავრობო ორგანიზაციები ასევე მოგვიწოდებდნენ უკრაინისთვის შეიარაღების მიწოდებისკენ. შეგახსენებთ ზოგიერთ განცხადებას: თეონა აქუბარდია, „ქართული წარმოების ჯავშანმანქანებისა და სხვადასხვა ამუნიციის სიმბოლური რაოდენობის გადაცემა საკმარისი იქნებოდა, მხარდაჭერის გამოსახატად“. გიორგი რუხაძე, NGO GSAC: „ყველაფერში შეიძლება მივეხმაროთ უკრაინას და ომში ჩართვასთან ამას კავშირი არ აქვს. შეგვიძლია იარაღი მივაწოდოთ.” აქაც შეგახსენებთ, რომ ნატოს წევრ ქვეყნებს ერთ წელზე მეტი დასჭირდათ უკრაინისთვის ტანკები მიწოდების გადაწყვეტილების მისაღებად. მებრძოლების გაგზავნის შემდეგ საბრძოლო ტექნიკის და შეიარაღების უსასყიდლოდ მიწოდება ომში მხარედ ჩართვის კიდევ ერთი მაჩვენებელია. მთელი მსოფლიო აკვირდება, რამდენად ფრთხილად იქცევიან ნატოს წევრი ქვეყნებიც კი, რომ არ გადალახონ ის წითელი ზღვარი, სადაც რუსეთი მათ ომის მხარედ გამოაცხადებს. ამ დროს კი ქართული ოპოზიცია და არასამთავრობო ორგანიზაციები, ომის პირველივე დღეებში საბრძოლო ტექნიკის და შეიარაღების გაგზავნის მოთხოვნით აქციებს მართავდნენ და ამით ომში გვითრევდნენ.II. სანქციების დაწესება სანქციების დაწესების მოთხოვნის, არდაწესების გაპროტესტების და სანქციებისთვის ვითომდა გვერდის ავლის ყალბი კამპანია უკვე ორ წელზე მეტია სხვადასხვა ინტენსივობით მიმდინარეობს. საზოგადოებას კარგად ახსოვს ყველა ის განცხადება, რომელსაც ოპოზიცია აჟღერებდა. შეგახსენებთ ზოგიერთ განცხადებას: ნინო ლომჯარია, სახალხო დამცველი: „ბომბებისგან მიღებული ცეცხლი შეიძლება სჯობდეს, იმ სირცხვილს და იმ წვას, რაც ამ სიტყვების [იგულისხმება, განცხადება, რომ საქართველო არ დაუწესებს რუსეთს სანქციებს] მოსმენის შემდეგ ვიგრძენით.“ ნიკა მელია: „ბოდიში უკრაინელ დებს და ძმებს, დიდი ბოდიში იმისთვის, რომ საქართველოს მთავრობა არ შეუერთდა საერთაშორისო სანქციებს.“ ბათუ ქუთელია, ატლანტიკური საბჭოს ხელმძღვანელი: „ამ სიტუაციიდან გამომდინარე, საქართველომ უნდა დააფიქსიროს თავისი პოზიცია სანქციებთან დაკავშირებით, მიუერთდეს სანქციებს, სანქციების ყველა კომპონენტს“. გიგა ბედინეიშვილი, თავისუფალი უნივერსიტეტი ბიზნეს სკოლის დეკანი: „სანქციის დაწესება ეკონომიკურადაც სწორი იქნება. შეიძლება, მოკლე ვადაში რაღაც ვიზარალოთ, მაგრამ ახლა ისეთი ვითარებაა, რომ შეიძლება, ეს ბოროტების იმპერია მსოფლიომ დაამარცხოს და ჩვენი წვლილი უნდა შევიტანოთ ამაში“.სანქციებს სხვადასხვა მიმართულებით ითხოვდნენ. პირველი ეს იყო სავიზო რეჟიმის დაწესება გახსოვთ, რომ ოპოზიციის, არასამთავრობო ორგანიზაციების და სალომე ზურაბიშვილის მონაწილეობით შეიქმნა სრულად ისტერიული ფონი საქართველოში რუსეთის მოქალაქეების თითქოსდა მოზღვავებასთან დაკავშირებით. ყველას გვახსოვს პირდაპირ სპეცსამსახურების სახელმძღვანელოებიდან ამოკითხული მეთოდებით წარმოებული პროპაგანდა, რომელსაც ეს ჯგუფები ავრცელებდნენ: გახსოვთ ნახატები კედლებზე, რომლებზეც ოპოზიცია და მისი მედია სრული დამაჯერებლობით გვიმტკიცებდნენ, რომ ეს იყო რუსი დივერსანტების სასიგნალო ნიშნები, რომლებიც მოგვიანებით ერთ-ერთი ქუჩის მხატვრის მიერ დახატული კატები აღმოჩნდა; გახსოვთ ქსენოფობიამდე მისული სიძულვილის მარშები თბილისის ტურისტულ ადგილებში, რამაც საბოლოოდ იმ ფაქტამდეც კი მიგვიყვანა რომ ჭავჭავაძის გამზირზე სლავური გარეგნობის ქალს ვიღაცამ ქვა ესროლა. ამ ქსენოფობიური კამპანიის მიზანი იყო რუსეთის მოქალაქეებისთვის საქართველოში გაუსაძლისი პირობების შექმნა და სახელმწიფოს იძულება, რომ დაეწესებინა სავიზო რეჟიმი.შეგახსენებთ განცხადებებს და ქმედებებსაც: ომის დაწყებიდან რამდენიმე დღეში ძალადობრივი ორგანიზაცია „სირცხვილიას“ ორგანიზებით, პარლამენტთან გაიმართა საპროტესტო აქცია, მოთხოვნით - „დაწესდეს სავიზო რეჟიმი რუსეთთან“. 21-მა არასამთავრობო ორგანიზაციამ - მათ შორის იყვნენ სოროსის ფონდი, სირცხვილია, სამართლიანი არჩევნები, საფარი, მედიაომბუდსმენი, მწვანე ალტერნატივა, საქართველოს პენცენტრი - გაავრცელეს ერთობლივი განცხადება, რომლითაც ისინი, იმავე კონსპირაციაზე დაყრდნობით, რომ რუსეთის მოქალაქეების საქართველოში ინტერვენციისთვის იქნებოდნენ გამოყენებული, ითხოვდნენ რუსეთის მოქალაქეებისთვის სავიზო რეჟიმის დაწესებას. მამუკა ხაზარაძის განცხადება: „სასწრაფოდ დაუწესდეს რუსეთის მოქალაქეებს სავიზო რეჟიმი! ასე თუ გაგრძელდება, მივიღებთ საქართველოს ქართველების გარეშე!“ თინა ხიდაშელი, NGO სამოქალაქო იდეა: „ვინაიდან რუსეთის მიერ ვიზების გაუქმების გადაწყვეტილებაში ჩვენ ვერ ჩავერევით და ვერაფერს ვუზამთ, საპასუხო ღონისძიებად დაწესდეს ვიზები რუსების მოქალაქეებისთვის და ამით გაკეთდეს პოლიტიკური განაცხადი“.შემდეგი მოთხოვნა იყო საჰაერო სივრცის სრულად ჩაკეტვა რუსული თვითმფრინავებისთვის. ომის პირველივე დღეებში ოპოზიცია მოითხოვდა საჰაერო სივრცის სრულად დაკეტვას რუსეთისთვის. შეგახსენებთ განცხადებას: პოლიტიკური ჯგუფი გირჩი: სასწრაფოდ ჩაიკეტოს საჰაერო სივრცე რუსეთთან. ეს გახლავთ ომის დაწყებიდან მეორე თუ მესამე დრეს გაკეთებული განცხადება. ნიკა მელია: ჩაიკეტოს საჰაერო სივრცე რუსეთისთვის და ამით დავიცვათ უკრაინა. ამავე დროს შედგა ენჯეოების პეტიცია, რომელსაც სხვადასხვა ენჯეოები აწერდნენ ხელს. შემდეგი მოთხოვნა იყო პირდაპირი ფრენების აკრძალვა. მას შემდეგ რაც რუსეთმა აღადგინა ცალმხრივად შეჩერებული პირდაპირი ფრენები საქართველოსთან, ოპოზიციამ და არასამთავრობო ორგანიზაციებმა დაიწყეს სანქციების დაწესების ახალი კამპანია და ითხოვდნენ ფრენების აკრძალვას. შეგახსენებთ განცხადებას: ეკა გიგაური „საერთაშორისო გამჭვირვალობა“: „ევროკავშირის სახელმწიფოებში რუსული თვითმფრინავებისთვის სივრცე არის დაკეტილი. ევროკავშირი აღიქვამს ამ საკითხს შემდეგნაირად, რომ თუკი ქვეყანას უნდა ევროკავშირში გაწევრიანება, თუკი ქვეყანა ცდილობს, რომ კანდიდატი ქვეყნის სტატუსი მიიღოს, მაშინ მან უნდა გაიზიაროს ის პოლიტიკა და ეს არის რუსეთის იზოლაციაში ჩაყენების პოლიტიკა.“ გიორგი ვაშაძე: თუ რუსული ავიაკომპანიები საქართველოში იწყებენ ფრენას, ჩვენ არანაირი უფლება არ გვაქვს ვისხდეთ სახლში.სანქციების დაწესების დაჟინებულ მოთხოვნას, იმ პირობებში როდესაც საქართველომ თავიდანვე განაცხადა, რომ საქართველო იღებდა ვალდებულებას არავისთვის მიეცა სანქციების გვერდის ავლის შესაძლებლობა, რაიმე რაციონალური ახსნა არ ჰქონდა: ორმოცმილიონიან უკრაინაში რამდენიმე ათეული მოხალისის ჩასვლა, ოკუპაციის პირობებში მყოფი საქართველოს მიერ შეიარაღების მიწოდება, რუსეთის ეკონომიკაში 0,02% წილის მქონე ქვეყნის მიერ სანქციების დაწესება, არათუ გარდამტეხ, რაიმე საგრძნობ გავლენასაც კი ვერ მოახდენდა ომის მსვლელობაზე. ერთადერთი შედეგი რასაც ეს ნაბიჯი მოიტანდა იქნებოდა რუსეთთან ესკალაციაში შესვლა, რომლის ბოლოშიც გარანტირებულად იყო რუსეთთან როგორც ეკონომიკურ ისე ცხელ ომში საქართველოს ჩართვა.ხაზგასასმელია ერთი გარემოებაც. რადიკალურ ოპოზიციასთან და არასამთავრობო ორგანიზაციებთან უნისონში მყოფი უცხოელების მხრიდან სანქციების დაწესების მოთხოვნის პარალელურად, არავინ, ხაზს ვუსვამ არცერთი ქვეყანა და არცერთი ორგანიზაცია არ გვაძლევდა და დღემდე არ გვაძლევს უსაფრთხოების გარანტიებს, იმ შემთხვევისთვის, თუ სანქციების დაწესება საქართველოს ეკონომიკურ კრიზისამდე ან სამხედრო კონფლიქტამდე მიიყვანდა. და ეს იმ პირობებში, როდესაც სანქციების დაწესება ევროკავშირის წევრობის კანდიდატის სტატუსის მიღების წინაპირობადაც კი სახელდებოდა. საზოგადოებას ალბათ ახსოვს სალომე ზურაბიშვილის განცხადება, რომ არავინ საქართველოსგან სანქციების დაწესებას არ ითხოვს, რაც, რა თქმა უნდა, არ არის სიმართლე. ბევრი უცხოელი ხვდებოდა, რომ სანქციების დაწესების საჯარო მოთხოვნას საზოგადოებისგან შესაბამისი რეაქცია მოჰყვებოდა, ამიტომ ეს მოთხოვნები დახურულ კარს მიღმა ან არაპირდაპირ ჟღერდებოდა.თუმცა ვნახეთ საქართველოს პოლიტიკის საჯარო დაგმობაც და სანქციების დაწესების მოთხოვნებიც, მაგ. ლიეტუვის პარლამენტის 2022 წლის აპრილის რეზოლუციაში, ევროპარლამენტის 2022 წლის დეკემბრის რეზოლუციაში, ლატვიის პრეზიდენტის 2023 წლის სექტემბრის განცხადებაში, ევროკომისიის საგარეო სამსახურის პრესსპიკერის 2023 წლის თებერვლის განცხადებაში და ა.შ. რას და როგორ ითხოვდნენ უცხოელები დახურულ კარს მიღმა, ეს ცალკე საუბრის თემაა, რომლის დროც აუცილებლად დადგება.რა იქნებოდა ამგვარი თავქარიანი თუ მოღალატეობრივი პოლიტიკის ეკონომიკური შედეგი, ეკონომისტების მიერ დეტალურად დათვლილია. 2022 წელს ნაცვლად 10%-იანი ეკონომიკური ზრდისა, საქართველოს ექნებოდა 17%-მდე ეკონომიკური ვარდნა, რაც 18 მილიარდი ლარის ზარალს უდრის. შედეგად, ჩვენ სამჯერ უფრო დიდ ეკონომიკურ დარტყმას მივიღებდით, ვიდრე ეს პანდემიის დროს იყო, რაც ეკონომიკის ჩამოშლის ტოლფასია. თანაც, ეს იმ შემთხვევაში თუ ესკალაცია ეკონომიკურ ომს არ გაცდებოდა.რა მოხდებოდა იმ შემთხვევაში, თუ ამგვარი ესკალაცია ცხელ ომამდე მიგვიყვანდა, ამას ვფიქრობ ჩვენი ქვეყნის ყველა მოქალაქე არა მხოლოდ უკრაინის მაგალითზე, არამედ ჩვენი ქვეყნის ახლო წარსულიდანაც კარგად ხვდება. ამის საპირისპიროდ, სწორედ იმიტომ, რომ „ქართულმა ოცნებამ“ ქართველი ხალხის ინტერესებზე მაღლა არავის ინტერესი არ დააყენა, დღეს ვართ ლამის ერთადერთი მშვიდობის კუნძული ცეცხლის ალში გახვეულ რეგიონში და გვაქვს ევროპაში ყველაზე მაღალი ეკონომიკური ზრდის მაჩვენებლები. ამიტომაც, 26 ოქტომბერს, ჩვენს მოქალაქეებს ყველაზე მარტივი და ცხადი არჩევანი ექნება, ვინაიდან არჩევანი დგას ომსა და მშვიდობას, ნგრევასა და წინსვლას, ომის პარტიასა და მშვიდობის პარტიას შორის“, - განაცხადა პაპაუშვილმა.

პოლიტიკა • 1721825200

არ მომწონს, რომ რუსეთი 3-ჯერ მეტს ყიდის საქართველოში პროდუქციას, ვიდრე ჩვენ ვყიდით რუსეთში... ვაპირებთ, ვაწარმოოთ მეტი, უფრო ძვირად გავყიდით, მათ შორის - რუსეთში - გიორგი ვაშაძე

რუსეთთან ურთიერთობასთან დაკავშირებით, ოპოზიცია დღეს უკვე განსხვავებულ განცხადებებს აკეთებს. როგორც მმართველი გუნდის წევრები მიიჩნევენ, ოპოზიციამ წინასაარჩევნოდ რიტორიკა შეცვალა.მმართველი გუნდის შეფასებით, "ლელოში" აღარ აქტიურობენ იმ 9-პუნქტიან გეგმასთან დაკავშირებით, რომელიც პარტიამ "საქართველოს დაცვის აქტით" და რუსეთისთვის სანქციების დაწესებასთან დაკავშირებით, რამდენიმე თვის წინ წარმოადგინა. "ლელოში", ამასთან დაკავშირებით, განმარტებები გაკეთდა და მას სხვა მიზეზით ხსნიან."იცით, რომ ამ მოწვევის პარლამენტში "ლელოს", სამწუხაროდ, არ აქვს ხმების ის რაოდენობა, რომელიც საჭიროა ამ ტიპის საკანონმდებლო ცვლილებების მისაღებად. ყველაფერი ის, რაც წერია, საქართველოს დაცვის აქტში, არის ის ხედვა, რომელიც აქვს "ლელოს," - განაცხადა "ლელოს" წევრმა, ანა ნაცვლიშვილმა.რაც შეეხება ნიკა გვარამიას, პარტია "ახალის" თანათავმჯდომარე ამბობს, რომ განცხადება, თითქოს რუსეთთან ყველანაირი ურთიერთობა შეწყდება, არის "ბოდვა"."რუსეთთან ყველანაირი ურთიერთობა შეწყდება და, თურმე, ვაშლსაც ვეღარ გავყიდით და ეგრევე ომი დაიწყება, არის ბოდვა. მე მიმაჩნია, რომ პრაგმატულ ურთიერთობებს აზრი აქვს," - ამბობს ნიკა გვარამია.რაც შეეხება "სტრატეგია აღმაშენებლის" ლიდერს - გიორგი ვაშაძე აღნიშნავს, რომ რუსეთთან ვაჭრობა არ შეჩერდება."მე მინდა, რომ, ბევრი ვაწარმოოთ და ბევრი გავყიდოთ ნებისმიერ ქვეყანაში. ეს არის ჩვენი ამოცანა. არ მომწონს ის, რომ რუსეთი 3-ჯერ მეტს ყიდის საქართველოში პროდუქციას, ვიდრე ჩვენ ვყიდით რუსეთის ფედერაციაში. რუსეთი გაცილებით უფრო სარგებლობს, დღეის მდგომარეობით, საქართველოსთან ვაჭრობით, ვიდრე საქართველო სარგებლობს რუსეთთან ვაჭრობით. რა თქმა უნდა, ვაპირებთ, ვაწარმოოთ მეტი, ვაპირებთ, ვაწარმოოთ უფრო ხარისხიანი და უფრო ძვირად გავყიდით, მათ შორის - რუსეთში," - აღნიშნა გიორგი ვაშაძემ.ცნობისთვის, მმართველი გუნდი, წინასაარჩევნოდ, ოპოზიციის შეცვლილ რიტორიკაზე საუბრობს. ნიკა გვარამიას შემდეგ, ერთ-ერთ სატელევიზიო ინტერვიუში, გიორგი ვაშაძემაც განაცხადა, რომ მას არასდროს მოუთხოვია, საქართველო რუსეთის წინააღმდეგ სანქციებს შეუერთდეს. "ქართულ ოცნებაში" ამომრჩევლის გულის მოგების მცდელობაზე საუბრობენ. იხსენებენ "ლელოს" 9-პუნქტიან გეგმასაც, რომელიც პარლამენტში რამდენიმე თვის წინ დააინიცირეს და რუსეთისთვის მკაცრი სანქციების დაწესება და ფრენების აკრძალვა მოითხოვეს, თუმცა, საპარლამენტო უმრავლესობის შეფასებით, წინასაარჩევნოდ, ამ თემებზე აღარც "ლელოში" საუბრობენ.

პოლიტიკა • 1721821993

"ფაქტებისა და მტკიცებულებების გარეშე, ეს ყველაფერი ემსგავსება ერთადერთ რამეს - დაიწყეს ახალი პროპაგანდისტული ხაზი" - მიხეილ დაუშვილი სუს-ის გამოძიებაზე

სახელმწიფო უსაფრთხოების სამსახურში მიმდინარე გამოძიება ისევ პოლიტიკური ურთიერთბრალდებების თემაა - ოპოზიციის წარმომადგენლები, აღნიშნულთან დაკავშირებით, წინასაარჩევნოდ ხელისუფლების პოლიტიკურ მიზნებზე საუბრობენ."სტრატეგია აღმაშენებლის" ლიდერის, გიორგი ვაშაძის შეფასებით, მსგავსი ტიპის საკითხზე საუბარი არასერიოზულია. მისივე თქმით, ქვეყანაშ სხვა უფრო მნიშვნელოვანი პრობლემები არსებობს."პირველი - ძალიან არასერიოზულია ეს განცხადებები. მეორე - დღეს საქართველოში არის კატასტროფულად ძვირი ფასები, საშინელი უმუშევრობა და ევროკავშირში ინტეგრაციის პროცესი შეაჩერა "ქართულმა ოცნებამ." ეს არის მთავარი, რაზეც უნდა ვისაუბროთ. ეს არჩევნები არის წყალგამყოფი, ჩვენ ევროკავშირის წევრი გავხდებით თუ არაა და ამ ტყუილებს იგნორირება, იგნორირება და იგნორირება [სჭირდება]. მათ სისულელეებს ჩვენ არ უნდა ავყვეთ," - განაცხადა გიორგი ვაშაძემ.რაც შეეხება გიორგი გახარიას გუნდს, პარტია "საქართველოსთვის" წევრის, მიხეილ დაუშვილის შეფასებით, მსგავსი მუხლით, გამოძიება არაერთხელ დაწყებულა, თუმცა, შედეგი არცერთ შემთხვევაში არ დამდგარა."ასეთი შეთქმულების თეორია ბევრი ვნახეთ და ვერსად ვნახეთ შედეგი. ვერსად ვნახეთ გამოძიებული და ბოლომდე მიყვანილი საქმე. ამიტომ, ყველა ასეთ განცხადებას, იმისთვის, რომ მათ ნდობა მოიპოვონ, სჭირდება ფაქტები და მტკიცებულებები. ამის გარეშე, ეს განცხადება არის მორიგი განცხადება, რომელსაც საზოგადოების ნდობა ვერ ექნება. ფაქტებისა და მტკიცებულებების გარეშე, ეს ყველაფერი ემსგავსება ერთადერთ რამეს - მათ დაიწყეს ახალი პროპაგანდისტული ხაზი," - აღნიშნა მიხეილ დაუშვილმა.ბიძინა ივანიშვილის მკვლელობის მომზადება ქვეყანაში არეულობის მოწყობისა და ხელისუფლების ძალადობრივი გზით დამხობის მიზნით - საქმეზე სახელმწიფო უსაფრთხოების სამსახურში გამოძიება გრძელდება. გამოკითხვაზე დაბარებულია კიდევ რამდენიმე პირი. სუს-ის ინფორმაციით, უწყება იძიებს უკრაინაში მყოფი, საქართველოს ხელისუფლების ყოფილი მაღალჩინოსნებისა და ძალოვანი უწყებების ყოფილი თანამშრომლების ორგანიზებით და დაფინანსებით, საქართველოში დანაშაულებრივი ქმედებების, მათ შორის ბიძინა ივანიშვილის მკვლელობის მომზადების ფაქტებს. ოფიციალურ განცხადებაში ნათქვამია, რომ დანაშაულებრივი ქმედებების მიზანია, ქვეყანაში არეულობის მოწყობისა და ხელისუფლების დასუსტების ფონზე, დესტრუქციული ძალების მიერ სახელმწიფო ხელისუფლების ძალადობრივი გზით დამხობა.

პოლიტიკა • 1721724243

სასამართლომ ჩაიდინა სამართლებრივი აბსურდი - ანა ნაცვლიშვილი

უმძიმესი ვითარებაა - იცით, რომ ევროკავშირში ინტეგრაციის პროცესი შეჩერებულია და ამას ზემოდან უმატებს "ქართული ოცნება" კონსტიტუციის უგულებელყოფას, პრეზიდენტის უფლებამოსილებაში პირდაპირ და უხეშ ჩარევას, კლანური მართლმსაჯულების ნათელ გამოვლინებასა და, სამწუხაროდ, კიდევ ერთ მძიმე დარტყმას საქართველოს ევროინტეგრაციის პროცესთან მიმართებით, - ასე გამოეხმაურა "ერთიანობის" ერთ-ერთი ლიდერი გიორგი ვაშაძე იუსტიციის უმაღლესი საბჭოს წევრად კახა წიქარიშვილის დანიშვნის შესახებ პრეზიდენტის განკარგულების შეჩერებას. მისი თქმით, ქვეყანას მართავს "კლანი", რომელსაც "მიტაცებული აქვს ძალაუფლება და ქვეყანაში აღარ არის კანონი და კონსტიტუცია". "არ არსებობს, სამწუხაროდ, არც კონსტიტუცია, აღარც კანონი, ქვეყანას მართავს "კლანი", რომელსაც მიტაცებული აქვს ძალაუფლება და რომელსაც უნდა, თვითონ გამდიდრდეს, ხალხი უკიდურესად მძიმე ვითარებაში იყოს და, ნებისმიერ ფასად, ხელისუფლება შეინარჩუნოს. ამ უმძიმესი ვითარებიდან გამოსავალი ერთიანობაა. ერთიანობით, 26 ოქტომბერს, ჩვენ უნდა გავიმარჯვოთ, რომ ყველა ეს ბედუკუღმართი ნაბიჯი, რომელიც ახლა ხდება ქვეყანაში, ყველა ეს ანტიქართული, ანტიკონსტიტუციური, ანტისახელმწიფოებრივი ნაბიჯები, რომელიც ხდება, უმოკლეს ვადაში აღმოვფხვრათ და დაჩქარებული წესით წავიდეთ ევროკავშირისკენ. ამ გზით, ჩვენ ევროკავშირში ვერ შევალთ", - განაცხადა გიორგი ვაშაძემ.  "ლელოს" წევრის, ანა ნაცვლიშვილის განცხადებით, სასამართლომ, თავისი გადაწყვეტილებით, გააუქმა საქართველოს კონსტიტუცია.  "სასამართლომ ჩაიდინა სამართლებრივი აბსურდი. ამ ქვეყანაში ვერ იპოვით ერთ კვალიფიციურ იურისტს მაინც, ვინც იტყვის, რომ ეს უფლებამოსილება სასამართლოს ჰქონდა. სასამართლომ გააუქმა ამ ქვეყნის კონსტიტუცია. რატომ აკეთებს ამას?! იმიტომ, რომ კლანი იყოს კომფორტში და საზოგადოების თვალი და ყური არ შევიდეს სასამართლო სისტემაში", - განაცხადა ანა ნაცვლიშვილმა. 

პოლიტიკა • 1721722448

ეს არის ამ ცრუპენტელა-ტროცკისტ-უსამშობლოს ნამდვილი სახე, რომელიც ახლო წარსულში ყოველ წამს იძახდა ჩაკეტეთ საზღვრები რუსეთთან, ხმა არ გასცეთ, ამ დროს კი რუსი ტურისტები ოჯახში მდგმურებად ჰყავდა და ჯიბეებს ისქელებდა - გვენეტაძე ვაშაძეზე

აი ეს არის ამ ცრუპენტელა-ტროცკისტ-უსამშობლოს ნამდვილი სახე, რომელიც ახლო წარსულში ყოველ წამს იძახდა ჩაკეტეთ საზღვრები რუსეთთან, დაუპირისპირდით რუს ტურისტებს, ხმა არ გასცეთ... ამ დროს კი რუსი ტურისტები ოჯახში მდგმურებად ჰყავდა და ჯიბეებს ისქელებდა! - ასე ეხმიანება ექსპერტი ედიშერ გვენეტაძე „ერთიანობის“ ერთ-ერთი ლიდერის, „სტრატეგია აღმაშენებლის“ თავმჯდომარის, გიორგი ვაშაძის განცხადებას, რომელიც ამბობს, რომ არასდროს იყო სანქციების დაწესების მომხრე.გვენეტაძე აღნიშნავს, რომ გიორგი ვაშაძე აპროტესტებდა რუსეთთან ავიაფრენების აღდგენას და ახლა კი უსირცხვილოდ იძახის - მე როდის ვიყავი სანქციების დაწესების მომხრეო. „აი ეს არის ამ ცრუპენტელა-ტროცკისტ-უსამშობლოს ნამდვილი სახე, რომელიც ახლო წარსულში ყოველ წამს იძახდა ჩაკეტეთ საზღვრები რუსეთთან. დაუპირისპირდით რუს ტურისტებს, ხმა არ გასცეთ... ამ დროს კი რუსი ტურისტები ოჯახში მდგმურებად ჰყავდა და ჯიბეებს ისქელებდა! ეს არის სახე იმ შუბლძარღვგაწყვეტილის, რომელიც ხმის ჩახლეჩამდე ყვიროდა რატომ აღდგა ავიაფრენები რუსეთთანო! ეს არის სახე იმ კოლაბორაციონისტის, რომელიც აშშ-დან ჩამოსვლის შემდეგ ბღაოდა. ვაშინგტონში გადაწყვეტილია საქართველოში ხელისუფლება უნდა შეიცვალოსო!ეს სამშობლოს სიყვარულზე აცრილი დარბოდა ბრიუსელის დერეფნებში, უსაფრდებოდა ტუალეტებთან ევროდეპუტატებს და მუხლებდაჩოქილი სთხოვდა არ მისცეთ საქართველოს კანდიდატის სტატუსიო! ეს უსამშობლო ხაოდა საქართველოდან სანქცირებული საქონელი გადის რუსეთშიო!ეს კლასიკური ტიპის ყორღანაშვილი ყიოდა დაუწესეთ საქართველოს სანქციები! ახლა კი უსირცხვილოდ იძახის ეგ შუბლისძარღვის გარეშე დაბადებული -" მე როდის ვიყავი სანქციების დაწესების მომხრეო!" რას ვიზამთ ასეთია უსამშობლო, ყორღანაშვილ-ბერბიჭაშვილ-ნეოტროცკისტ ჭიჭიკო ვაშაძის საშინელი ხვედრი!“, - წერს გვენეტაძე.

პოლიტიკა • 1721719740

ნაცკონგლომერატის გამორჩეულად უდონო ჯამბაზი გიორგი ვაშაძე შეუერთდა რადიკალთა იმ საერთო "მესიჯბოქსს", რომ თითქოს არ ერჩიან რუს ტურისტებსა და ორმხრივ ვაჭრობას - თუ სექტაში მეხსიერების პრობლემა აქვთ, საზოგადოებაში ასე არ არის - გია აბაშიძე

ანალიტიკოსი გია აბაშიძე ეხმიანება „ერთიანობის“ ერთ-ერთი ლიდერის, „სტრატეგია აღმაშენებლის“ თავმჯდომარის, გიორგი ვაშაძის განცხადებას, რომელიც ამბობს, რომ არასდროს იყო სანქციების დაწესების მომხრე, მაშინ როცა იგივე ვაშაძე 2022 წელს აცხადებდა, რომ უნდა ჩაიკეტოს საზღვარი რუსეთის მოქალაქეებისთვის.აბაშიძის თქმით, გიორგი ვაშაძე შეუერთდა რადიკალთა საერთო "მესიჯბოქსს", რომ თითქოს არ ერჩიან რუს ტურისტებსა და ორმხრივ ვაჭრობას. მანვე აღნიშნა, რომ თუ სექტაში მეხსიერების პრობლემა აქვთ, საზოგადოებაში ასე არ არის. „ნაცკონგლომერატის გამორჩეულად უდონო ჯამბაზი გიორგი ვაშაძე შეუერთდა რადიკალთა იმ საერთო "მესიჯბოქსს", რომ თითქოს არ ერჩიან რუს ტურისტებსა და ორმხრივ ვაჭრობას. უდონო ვახსენე იმიტომ, რომ თუ სექტაში მეხსიერების პრობლემა აქვთ, საზოგადოებაში ასე არ არის.აქვე დავსვამ შეკითხვას - ლუზერები ჩამოყალიბდნენ თუ ვინ იქნება "პოლიტიკობანას" თამაშში მომავალი პრემიერი? პრეტენდენტი არაერთია, მათ შორის კლოუნი ჭიჭე ვაშაძე, თაღლითი მამუკა ხაზარაძე, მოღალატე გახარია და ა.შ. ჩამონათვალი არასრულია“, - წერს აბაშიძე.

პოლიტიკა • 1721651580

გიორგი ვაშაძეს პოლიტიკური მაჭანკლობა აქვს დაწყებული, „ლელოს“ ახალი შემადგენლობა სასაცილოა და მათთან გახარიას გაერთიანება რეიტინგულ ზრდას ვერ უზრუნველყოფს - ნინო წილოსანი

გიორგი ვაშაძეს პოლიტიკური მაჭანკლობა აქვს დაწყებული, „ლელოს“ ახალი შემადგენლობა სასაცილოა და მათთან გახარიას გაერთიანება რეიტინგულ ზრდას ვერ უზრუნველყოფს, – ამის შესახებ საპარლამენტო უმრავლესობის წევრმა, ნინო წილოსანმა განაცხადა.წილოსანს კითხვა დაუსვეს „სტრატეგია აღმაშენებლის“ ლიდერის, გიორგი ვაშაძის განცხადებაზე, რომლის მიხედვითაც, „ლელოს“ და პარტია „საქართველოსთვის“ გაერთიანებისკენ მოუწოდებს.„გიორგი ვაშაძეს თავის თავზე ძალიან საინტერესო მისია აქვს აღებული, პოლიტიკური მაჭანკლობა აქვს დაწყებული და რაღაცნაირად უნდა, რომ „ლელო“ და გახარია შეაწყვილოს. მათი ფორმალური დაწყვილების მიუხედავად, დარწმუნებული ვარ, ერთმანეთში თანამშრომლობით არაერთხელ გაგვაოცებენ, რადგან ოპოზიციურ ველზე არცერთი პოლიტიკური პარტია არ მეგულება, რომელიც დამოუკიდებლად რაიმე გადაწყვეტილებას იღებს. მათი ერთმანეთში აღრევა ხდება და მათი დაწყვილება მხოლოდ ფორმალური იქნება. შეიძლება, პირველი ნაბიჯის გადადგმა უჭირთ, ამიტომ მათ გაერთიანებაზე ინიციატივას მესამე პირი აჟღერებს. მსუბუქად რომ ვთქვათ, „ლელოს“ ახალი შემადგენლობა ძალიან სასაცილოა და გახარიას მათთან გაერთიანება მათ რაიმე რეიტინგულ ზრდას მაინც ვერ უზრუნველყოფს. საინტერესო იქნება, საარჩევნო კამპანიის გახსნისას რა მოცემულობამდე მივალთ“, – განაცხადა ნინო წილოსანმა.

პოლიტიკა • 1721647257

სხვის პარტიას ხარ შეკედლებული, ვის უნდა მოუწოდო გაერთიანებისკენ. ომბუჯგუმ გაჯობა თავის დროზე - ირაკლი ზარქუა ვაშაძეს

ზემოდან აქვთ დაკვეთა პატრონებისგან, რომ არ აქვს მნიშვნელობა თუ ვინმეს, რომელიმე ჯგუფს, რომელიმე მიმართულებას, პარტიას ჰყავს სამზე მეტი მხარდამჭერი, გაერთიანდნენ და ის სამი ხმაც არ დაკარგონ, - ამის შესახებ რეგიონული პოლიტიკისა და თვითმმართველობის საპარლამენტო კომიტეტის თავმჯდომარის პირველმა მოადგილემ, ირაკლი ზარქუამ განაცხადა, რითაც გამოეხმაურა გიორგი ვაშაძის მოწოდებას ოპოზიციური პარტიების გაერთიანები შესახებ.„ვაშაძე, ვის უნდა მოუწოდო, შენ თვითონ მოსაწოდებელი ხარ. ვაშაძე რომ მოუწოდებს სხვა პარტიას. სხვის პარტიას ხარ შეკედლებული, ვის უნდა მოუწოდო. ომბუჯგუმ გაჯობა თავის დროზე. რისი ლიდერი, რა პრემიერ მინისტრობის კანდიდატი, ვის უნდა მოუწოდო. თვითონ წყალწაღებული ხარ, იქით არ მოგიწოდონ. სერიოზულად ვერ გავაკეთებ ამ კომენტარს, კომიკური ფიგურაა“, - განაცხადა ირაკლი ზარქუამ.გიორგი ვაშაძე მათი საერთო საქმისთვის ხაზარაძესა და გახარიას გაერთიანებისკენ მოუწოდებს. „ლელოსა“ და „საქართველოსთვის“ ლიდერებს ალიანსზე უარი უკვე ნათქვამი აქვთ, თუმცა ვაშაძე ამბობს, რომ დრო ჯერ კიდევ არის.ხელისუფლება ამბობს, რომ როგორც არ უნდა გაერთიანდეს რომელიმე ოპოზიციური პარტია, კოლექტიური „ნაციონალური მოძრაობა“ არჩევნებში მძიმედ დამარცხდება.

პოლიტიკა • 1721645428

„ბოკუს“ ეტყობა, ესირცხვილება, რომ კეზერაშვილთან ჩავიდა - თან ფული უნდათ „მისტერ ოფშორისგან“, ისევე, როგორც „ნაცებს“ მიშას პარტია უნდათ, მაგრამ სახელი ესირცხვილებათ. მიშა, ღირსი ხარ, რასაც გიკეთებენ - ზარქუა რადიკალებზე

„ბოკუს“ ეტყობა, ესირცხვილება, რომ კეზერაშვილთან ჩავიდა. არადა, ის იბარებს და ეუბნება, როგორც გეტყვით, ისე იქნება. თან ფული უნდათ „მისტერ ოფშორისგან“ და თან მალავენ, ისევე, როგორც „ნაცებს“ მიშას პარტია უნდათ, მაგრამ სახელი ესირცხვილებათ, - ამის შესახებ რეგიონული პოლიტიკისა და თვითმმართველობის საპარლამენტო კომიტეტის თავმჯდომარის პირველმა მოადგილემ, ირაკლი ზარქუამ თინა ბოკუჩავაზე საუბრისას განაცხადა.იგი რადიკალური ოპოზიციის წარმომადგენლების ლარნაკაში, დავით კეზერაშვილთან შესაძლო ვიზიტის საკითხს გამოეხმაურა.„ბრენდი, რაც იყო „ნაცმოძრაობა“, გადაარქვეს სახელი და რატომ გიკვირთ, რომ უკვე ესირცხვილებათ, კეზერასთან რომ ჩადიან. „მისტერ ოფშორი“ დაარქვეს თქვენმა ევროპელმა კოლეგებმა, რადგან ევროპელებს ძარცვავდა. ჩვენ რომ გაგვძარცვა, თავდაცვის უწყება რომ გაძარცვა და ჩვენი მეომარი ბიჭები, ეს დამტკიცებულია და მისჯილი აქვს, მაგრამ თქვენს კოლეგებსაც ძარცვავდა და ამიტომ დაარქვეს „მისტერ ოფშორი“. ახლა „ბოკუს“ ეტყობა, ესირცხვილება, რომ იქ ჩავიდა. არადა, ის იბარებს და ეუბნება, როგორც გეტყვით, ისე იქნება. თან ფული უნდათ „მისტერ ოფშორისგან“ და თან მალავენ.ისევე, როგორც „ნაცების“ მიშას პარტია უნდათ, მაგრამ სახელი ესირცხვილებათ და გადაარქვეს. ამათი სახელი უსამშობლოა. ბიჭო, კაცმა პარტია მოგანდოთ, აქამდე მოგიყვანათ, ჰოდა, ახლა სახელის ხსენებაც აღარ გინდათ, ხომ?!მიშა, ღირსი ხარ, რასაც ესენი გიკეთებენ! აი, ღირსი ხარ! იჯექი ახლა იქ“, - მიმართა მაჭარაშვილმა მიხეილ სააკაშვილს.„ქრონიკის“ ინფორმაციით, ლარნაკაში დავით კეზერაშვილი ოპოზიციონერ ლიდერებს შეხვდა. შეხვედრას „ნაციონალური მოძრაობის“ თავმჯდომარე თინა ბოკუჩავა, გენერალური მდივანი პეტრე ცისკარიშვილი, საარჩევნო შტაბის ხელმძღვანელი გიორგი ვაშაძე, აღმასრულებელი მდივანი დავით კირკიტაძე და პოლიტ-საბჭოს წევრი დიმიტრი ჩიქოვანი ესწრებოდნენ.