ფინანსები • 1710093051

რა ეღირება 1 კვ.მეტრი ბინა თბილისში 2025 წლისთვის - კალკულაცია მშენებლობის ყველა ხარჯის გათვალისწინებით

„თბილისში უძრავი ქონების ფასი საშუალოდ 10 - 15%-ით გაძვირდა და კვლავ გაძვირდება 2025 წლისათვის“, - ამის შესახებ ეკონომისტი ოთო აბესაძე სოციალურ ქსელში წერს."თბილისში უძრავი ქონების ფასი საშუალოდ 10 - 15 % ით გაძვირდა და კვლავ გაძვირდება 2025 წლისათვის.მიზეზები:1️⃣ მიწის ფასი გაძვირდა საშუალოდ 20% - ით.2️⃣ დაქირავებითდასაქმებულთა ანაზღაურება გაძვირდა საშუალოდ 30% - ით.3️⃣ სამშემებლო ინვენტარი და მასალები გაძვირდა საშუალოდ 20% - ით.4️⃣ სახანძრო უსაფრთხოების 2024 წლის დადგენილებით სამშენებლო სამუშაოების წარმოების ხარჯი გაძვირდა საშუალოდ 20% - ით.5️⃣ ეროვნული ბანკის რეგულაციებით ბიზნესს საკრედიტო ხაზი გაუძვირდა რამაც სარეალიზაციო ფასი გაზარდა საშუალოდ 10% - ით. ყოველივე ამის გათვალისწინებით თბილისში 1 კვ მეტრი უძრავი ქონების ფასი (თეთრი კარკასი) შეადგენს 1000-1200 USD.2025 წლისათვის თბილისში 1 კვ მეტრი საცხოვრებელი ფართის ფასი იმერყევებს 1100-1400 USD ფარგლებში", - წერს ეკონომისტი.

საზოგადოება • 1708020212

სიახლე 1-ელი მარტიდან ამოქმედდება - რა უნდა იცოდეთ, თუ წყლის აბონენტად დარეგისტრირება გსურთ

1-ელი მარტიდან თვითმმართველი ქალაქებისთვის (თბილისი, რუსთავი, ქუთაისი, ბათუმი, ფოთი) ახალი მომხმარებლის წყალმომარაგების სისტემაზე მიერთება ძვირდება. როგორც „ბიზნესპრესნიუსს“ სემეკის წყალმომარაგების დეპარტამენტის დირექტორმა რევაზ გერაძემ განუცხადა, ცვლილება ძირითადად მსხვილ მომხმარებლებს შეეხო.„ცვლილება ყველა კატეგორიის მომხმარებელს შეეხება, თუმცა ძირითადად მსხვილი მომხმარებლებისთვის გაძვირდება. მცირე დიამეტრით მიერთებულ მომხმარებელზე კი ეს გადაწყვეტილება ნაკლებად იმოქმედებს“, - განაცხადა რევაზ გერაძემ.მისი თქმით, ამ გადაწყვეტილების მიზეზი განპირობებული იყო კომპანიის მიერ ფაქტობრივი ხარჯების ზრდით. კომისიამ, რომელიც ამ ხარჯებს რეგულარულად ითვლის, დაასკვნა, რომ ფაქტობრივი ხარჯები მომატებულია, ამიტომ თვითმმართველ ქალაქებში ახალ აბონენტად დარეგისტრირების გაძვირება გარდაუვალი გახდა.ცნობისათვის, ამ დრომდე წყლის ახალ აბონენტად რეგისტრაცია თვითმმართველ ქალაქებში 500 ლარი ღირდა, წყალარინების საფასური კი 1000 ლარი იყო. 1-ელი მარტიდან განხორციელებული ცვლილების შედეგად კი წყალზე მიერთების საფასური 2 500 ლარამდე გაიზრდება. ეს თანხა მაღალი დიამეტრით მიერთებული აბონენტებისთვის იმოქმედებს.ცვლილება შემდეგ კომპანიებს შეეხება: შპს "ჯორჯიან უოთერ ენდ ფაუერი", შპს "საქართველოს გაერთიანებული წყალმომარაგების კომპანია" და შპს "ბათუმისწყალი". ასევე ნახეთ:„გიორგი მამალაძის გათავისუფლებისას გაითვალისწინეს, მათ შორის, ჯანმრთელობის მდგომარეობა და შორენა თეთრუაშვილის თანხმობა“ - "სოციალური სამართლიანობის ცენტრი"„იმედი მაქვს, ერთხელაც, ეს დღე ისევ შეიძენს ჩემთვის მნიშვნელობას...“ - რას წერს ლიზა იასკო მიხეილ სააკაშვილთან დაშორების შემდეგ

ფინანსები • 1706034676

„უძრავი ქონების ფასი გაძვირდა და 2025 წლისთვის კვლავ გაძვირდება“ - ოთო აბესაძე

თბილისში უძრავი ქონების ფასი საშუალოდ 10 - 15%-ით გაძვირდა და კვლავ გაძვირდება 2025 წლისათვის, - ამის შესახებ ეკონომისტი ოთო აბესაძე აცხადებს და შემდეგ მიზეზებს ასახელებს:„მიწის ფასი გაძვირდა, საშუალოდ 20% -ით. დაქირავებით დასაქმებულთა ანაზღაურება გაძვირდა საშუალოდ 30% - ით. სამშენებლო ინვენტარი და მასალები გაძვირდა საშუალოდ 20% - ით. სახანძრო უსაფრთხოების 2024 წლის დადგენილებით, სამშენებლო სამუშაოების წარმოების ხარჯი გაძვირდა საშუალოდ 20% - ით. ეროვნული ბანკის რეგულაციებით ბიზნესს საკრედიტო ხაზი გაუძვირდა, რამაც სარეალიზაციო ფასი გაზარდა საშუალოდ 10% - ით.ყოველივე ამის გათვალისწინებით, თბილისში 1 კვ მეტრი უძრავი ქონების ფასი (თეთრი კარკასი) შეადგენს 1 000-1 200 USD. 2025 წლისათვის თბილისში 1 კვ მეტრი საცხოვრებელი ფართის ფასი იმერყევებს 1100-1400 USD ფარგლებში,“ - წერს ეკონომისტი.ასევე ნახეთ:„გაქვთ შანსი, ივნისში ფინანსურად განსაკუთრებულად დაწინაურდეთ“ - ნახეთ, ვის მოუტანს იღბალს „მილიონერის ასპექტი“იტალიაში ქართველი ემიგრანტი გარდაიცვალა

მსოფლიო • 1700112839

ევროკავშირი რუსული ალმასის იმპორტის აკრძალვას გეგმავს

ევროკავშირში რუსული ალმასის იმპორტის აკრძალვა იგეგმება. როგორც BBC წერს, სან­ქცი­ე­ბის მე-12 პა­კე­ტი, სავარაუდოდ, მო­მა­ვალ კვი­რას განიხილება.სანქციის ამოქმედების შემდეგ, სფეროს სპეციალისტები გლობალურ ბაზარზე ბრილიანტის გაძვირებას პროგნოზირებენ.„რუსეთი ძალიან დიდი ბიზნესი იყო ანტვერპენისთვის: მთელი თქვენი ბიზნესის ახალ მომწოდებელზე გადაწყობა უამრავ თავის ტკივილს წარმოშობს. არარუსული ბრილიანტების იმპორტი ძვირი დაჯდება, რადგან ყველა ერთსა და იმავე მომწოდებელზე იქნება დამოკიდებული. ეს ნიშნავს, რომ ბრილიანტი რიგითი მომხმარებლისთვისაც გაძვირდება“,- ამბობს ტიერი ტუგენდჰაფტი, რომელიც, 30 წელზე მეტია, ბრილიანტის დილერია.2022 წლიდან, რუსეთის უკრაინაში შეჭრის შემდეგ, ევროკავშირის სანქციები გავრცელდა რუსულ ნახშირზე, გაზზე, ოქროზე, არაყსა და ხიზილალაზეც კი, თუმცა რუსეთის ჩრდილო-აღმოსავლეთში მოპოვებული ბრილიანტები, მთელი მსოფლიოს მასშტაბით, კვლავ გამოიყენება ნიშნობის ბეჭდებში, ყელსაბამებსა და საყურეებში."ევროკავშირი აქამდე თავს არიდებდა აკრძალვას, ძირითადად იმის გამო, რომ სურდა, დაეცვა ქალაქი ანტვერპენი - საპორტო ქალაქი, რომელიც, მე-15 საუკუნიდან, ბრილიანტის კერაა. მთელ მსოფლიოში მოპოვებული დაუმუშავებელი ალმასების 80%-ზე მეტი აქ ინახება", - წერს BBC.

საზოგადოება • 1690541212

თურქული წამლები საქართველოში არ გაძვირდება - ჯანდაცვის სამინისტრო

თურქეთში, მედიკამენტებისთვის ევრო/ლირის ფიქსირებული გაცვლითი კურსის გადახედვის შესახებ მიღებული გადაწყვეტილება არ აისახება საქართველოში იმპორტირებული თურქული მედიკამენტის ფასზე. ამის შესახებ განცხადებას ჯანდაცვის სამინისტრო ავრცელებს.„საზოგადოების ინფორმირებისთვის განვმარტავთ, რომ ლარის კურსი, თურქულ ლირასთან მიმართებით, 2023 წლიდან 46%-ით არის გამყარებული. შესაბამისად, ლარის გამყარების ფონზე, თურქეთში გაძვირებული წამლები საქართველოში მედიკამენტების ფასზე გავლენას ვერ იქონიებს და ქართული კომპანიები, თურქულ ფარმაცევტულ ბაზარზე მედიკამენტის შეძენას და იმპორტს ისევ დაბალ ფასად შეძლებენ.შეგახსენებთ, რომ თურქეთში მედიკამენტების ფასები 2022 წელს რამდენჯერმე დაკორექტირდა, თუმცა ლირასთან მიმართებით, ლარის კურსის გამყარების გამო, აღნიშნულ გადაწყვეტილებას, საქართველოში, თურქეთიდან მედიკამენტების იმპორტის ღირებულებაზე გავლენა არ მოუხდენია.თურქული ფარმაცევტული ბაზარი, საქართველოსთვის, 2022 წლის იანვარში გაიხსნა. შედეგად, მედიკამენტების ფასები 70-80%-ით გაიაფდა.  თურქული ფარმაცევტული ბაზრის გახსნის შედეგად, საქართველოს მოსახლეობა, წლიურად, დაახლოებით, 200 მილიონ ლარამდე ზოგავს“, - აცხადებენ უწყებაში. 

საზოგადოება • 1673623180

გაძვირდება თუ არა პური

ხორბლისა და ფქვილის მწარმოებელთა ასოციაციის აღმასრულებელი დირექტორის, ლევან სილაგავას განმარტებით, რუსეთის მხრიდან მარცვლეულის ექსპორტის გაძვირების მიუხედავად, საქართველოში პურის ფასი 2023 წლის მარტამდე არ შეიცვლება.როგორც სილაგავამ საქართველოს პირველ არხთან საუბრისას აღნიშნა, 2022 წლის ბოლოს შემცირებული საბაჟო გადასახადის შედეგად, ქვეყანაში ხორბლისა და ფქვილის გარკვეული მარაგები შეიქმნა.მისივე ინფორმაციით, თუ 11 იანვრიდან 17 იანვრის ჩათვლით რუსეთიდან ერთი ტონა ხორბლის საექსპორტო ფასი ტონაზე 65 დოლარია დაწესებული, დეკემბერში საბაჟო გადასახადი 40 დოლარის ფარგლებში იყო, რამაც ქართველ იმპორტიორებს მარცვლეულის მარაგების გაკეთების საშუალება მისცა.„რუსეთში არის ძალიან დიდი ხორბლის მოსავალი, შესაბამისად, ეს ცოტა კონტექსტიდან ამოვარდნილი გაძვირება იყო და უფრო დაკავშირებული იყო რუბლის გაუფასურებასთან. ეს რაც შეეხება ექსპორტის გადასახადს. რაც შეეხება საქართველოს, ამ ეტაპზე, მარაგების კუთხით, ჩვენ სტაბილურობა გვაქვს, ვინაიდან ჯერ კიდევ ერთი თვის წინ საბაჟო გადასახადი დაკლებული იყო და შესაბამისად, მაშინ წისქვილკომბინატებმა შემოიტანეს მარაგები. საერთოდ, ისტორიულად, ახალი წლის წინ უფრო მეტი რაოდენობის ხორბალს იმარაგებენ ხოლმე ქვეყნები, მათ შორის ჩვენც, შესაბამისად, ხორბალიც და ფქვილიც დღესდღეობით გვაქვს საკმაოდ კომფორტულ ფასად და ამ ფასით მუშაობა გაგრძელდება დაახლოებით მარტის თვემდე. შემიძლია გითხრათ, რომ ფასის მხრივ მარტის თვემდე სტაბილურობა იქნება შენარჩუნებული როგორც ფქვილზე, ისე პურზე. კიდევ ერთხელ, გარანტირებულად შემიძლია გითხრათ, რომ ძველი შემოტანილი ხორბლის და მათი ფასის მიხედვით, პურის გაძვირება არ იგეგმება“, – აღნიშნა საქართველოს პირველ არხთან ლევან სილაგავამ.

სოციალური თემა • 1670856500

გაძვირდება თუ არა გაზი - სემეკის გადაწყვეტილება

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) მიერ საჯარო სხდომაზე მიღებული გადაწყვეტილების შესაბამისად, ბუნებრივი გაზის სამომხმარებლო ტარიფები უცვლელი დარჩა.სემკის ინფორმაციით, ტარიფების შენარჩუნება განპირობებულია სახელმწიფოს მიერ გატარებული პოლიტიკით სოციალური გაზის ხელმისაწვდომობაზე და ტარიფში შემავალი კომპონენტების, მათ შორის აშშ დოლართან მიმართებაში ლარის გაცვლითი კურსის სტაბილურობით.სემეკის თავმჯდომარემ, დავით ნარმანიამ საჯარო სხდომაზე აღნიშნა, რომ მომდევნო წლების განმავლობაში საყოფაცხოვრებო მომხმარებლები გადაიხდიან ბუნებრივი გაზის იგივე ტარიფს, რასაც აქამდე იხდიდნენ.„დღეს, ბუნებრივი გაზის კომუნალურ კომპანიებს დავუდგინეთ ტარიფები მომდევნო რეგულირების პერიოდისთვის. ევროპაში ენერგეტიკული კრიზისის ფონზე შევძელით, რომ არ გაზრდილიყო ტარიფები. ტარიფების შენარჩუნება განაპირობა სახელმწიფოს თანამონაწილეობამ სოციალური გაზის დაფინანსების ნაწილში, ასევე გავლენა იქონია ლარის კურსის სტაბილურობამ. ახალ ტარიფებში გათვალისწინებულია საინვესტიციო კომპონენტი, რაც იმას ნიშნავს, რომ ბუნებრივი გაზის გამანაწილებელი ქსელის რეაბილიტაცია და განვითარება გაგრძელდება, მოსახლეობას ბუნებრივი გაზის მიწოდების კუთხით პრობლემა არც მომდევნო წლებში შეექმნება.მოგეხსენებათ, საქართველოს გაზის მოხმარების 99% კმაყოფილდება აზერბაიჯანიდან მიღებული გაზით, რომლის მოწოდებაც გამყარებულია გრძელვადიანი ხელშეკრულებით. სემეკმა გაითვალისწინა კომპანიების მოთხოვნა ტექნიკური პერსონალისთვის ხელფასების ზრდასთან დაკავშირებით. კომისიას მიაჩნია, რომ ნამდვილად იმსახურებს ხელფასების მატებას პერსონალი, რომლებსაც რთულ პირობებში უწევს მუშაობა. მინდა მივმართო კომპანიებს და გავაფრთხილო, რომ ამას უნდა მოჰყვეს შესაბამისი დროული რეაგირება ავარიების სწრაფად აღმოფხვრისა და მომსახურების გაუმჯობესების კუთხით. აქვე, ვაფრთხილებ კომპანიებს, მარეგულირებელი კომისია იქნება ძალიან მკაცრი თუ მათი მხრიდან ადგილი ექნება მომხმარებელთა უფლებების დარღვევას“, - განაცხადა დავით ნარმანიამ.სემეკის ინფორმაციით, ენერგეტიკულ ბაზარზე მიმდინარე რეფორმის ფარგლებში განხორციელებული სატარიფო ცვლილებების შესაბამისად, 3 წლიანი რეგულირების პერიოდის ნაცვლად, ტარიფები განისაზღვრა 5 წლიან რეგულირებად პერიოდზე - 2023 წლის 1 იანვრიდან 2028 წლის 1 იანვრამდე შემდეგი კომპანიებისათვის: შპს „სოკარ ჯორჯია გაზი“, სს „საქორგგაზი“, შპს „თელავგაზი“, შპს „დი-ვი-ესი“, შპს „ჩირაღდანი“, შპს „გამა“, შპს „გოგოჭური და კომპანია“, შპს „ენერგია +“.12 დეკემბრის საჯარო სხდომაზე კომისიამ ასევე იმსჯელა 2023-2027 წლებისთვის შპს „საქართველოს გაზის ტრანსპორტირების კომპანიის“ ტარიფზე. გადაწყვეტილების შესაბამისად, შემცირდა გაზის ტრანსპორტირების ტარიფი. კერძოდ, მოქმედი 1,895 თეთრი/მ3-ის ნაცვლად მომდევნო წლებისთვის ტარიფი განისაზღვრა 1,583 თეთრი/მ3-ით.

რჩევები • 1668062412

10 სადღესასწაულო პროდუქტი, რომელიც უკვე უნდა იყიდოთ, რადგან საახალწლოდ ფასები გაიზრდება

ეკონომისტებმა დაასახელეს, თუ რომელი საქონელი გაძვირდება საახალწლო არდადეგებზე.ახალ წლამდე მოსალოდნელია ზოგიერთ საქონელზე ფასების მატება, ამიტომ თუ ფულის დაზოგვა გსურთ, სადღესასწაულო სუფრისთვის საკვების ყიდვა ახლავე დაიწყეთ. ყველაზე მეტად გაძვირება ალკოჰოლზე აისახება, დღესასწაულების წინ ალკოჰოლური სასმელები ყოველწლიურად დაახლოებით 30-40%-ით ძვირდება. დეფიციტის თავიდან აცილება შესაძლებელია, მაგრამ უმჯობესია, წინასწარ ეწვიოთ ჰიპერმარკეტებსა და საბითუმო მაღაზიებს.2021 წლის ნოემბერ-დეკემბერთან შედარებით ბოსტნეული გაძვირდება პირველ რიგში, რადგან სეზონი უკვე გავიდა.ალკოჰოლური სასმელიალკოჰოლური სასმელები, როგორიცაა შამპანური, წინასწარ უნდა იყოს შენახული, განსაკუთრებით მაშინ, როდესაც საქმე ეხება იმპორტირებულ ბოთლებს - ისინი უბრალოდ შეიძლება გაიყიდოს დეკემბრის ბოლო დღეებში. და კიდევ ერთი კვირით ადრე ახალ წლამდე, საცალო მოვაჭრეებს უყვართ ფასების აწევა.წითელი ხიზილალა ხიზილალა ფაქტობრივად საახალწლო სუფრის სიმბოლოა, პროდუქტი, რომლისთვისაც ბევრი მზადაა, სოლიდური თანხა გამოყოს. დეკემბერში ხიზილალის ფასები ნახტომებით იზრდება, ასე რომ თქვენ უნდა იყიდოთ ის, სანამ ღირებულება კოსმოსში გაფრინდება. ვინაიდან პროდუქტის შენახვის ვადა 365 დღეა, ხიზილალის წინასწარ ყიდვის პრობლემა არ არის - შეგიძლიათ შეინახოთ მაცივარში ან საყინულეში.მაიონეზი და სალათის სოუსისალათის სოუსები და მაიონეზი ერთ-ერთი პირველია, რომელიც ახალი წლის წინ თაროებიდან ქრება, ამიტომ სჯობს წინასწარ მოიმარაგოთ. ზოგიერთ ქსელურ მაღაზიაში შეგიძლიათ იპოვოთ აქციები, თუ რამდენიმე პაკეტს იყიდით. კაკალიახალი წლისთვის საუკეთესო ნიგვზის ფასი ასტრონომიულ ციფრს აღწევს ხოლმე. ამიტომ, იზრუნეთ, რომ წინასწარ შეიძინოთ და გრილ ადგილას შეინახოთ.  მცენარეული ზეთისაახალწლო კერძების ერთ-ერთი ყველაზე პოპულარული ინგრედიენტი მცენარეული ზეთია. უმჯობესია, გქონდეთ რამდენიმე ბოთლი ერთდროულად, რათა არ იჩქაროთ მაღაზიაში, როცა ზეთი მოულოდნელად ამოიწურება.ყველიყველი ახლავე შეგიძლიათ შეიძინოთ. შეინახეთ საყინულეში, მაშინ ყველი დღესასწაულამდე არ გაფუჭდება. თევზი და ხორცითუ ხორცის კერძების მომზადებას აპირებთ, ახალ წლამდე ერთი თვით ადრე იყიდეთ ძროხის ფილე. მნიშვნელოვანი პუნქტი: ის უნდა ინახებოდეს საყინულეში. ხუთ-შვიდ პროცენტამდე გაიზრდება ქათმის ხორცის ფასი. ასევე შეგიძლიათ წინასწარ შეიძინოთ გაყინული თევზი. ტკბილეულიჯერ კიდევ შეგიძლიათ, ასაწონი ტკბილეული ფასდაკლებით შიძინოთ. საახალწლო აჟიოტაჟში ასეთი გულუხვობა არ იქნება. ყველაზე მოგებიანია ტკბილეულის შეძენა ჰიპერმარკეტებში ან საბითუმო საწყობებში. შეინახეთ ისინი ოთახის ტემპერატურაზე და არა მაცივარში. უალკოჰოლო სასმელები სადღესასწაულო სუფრაზე ყოველთვის საჭიროა მინერალური წყალი და წვენები. მათზე ფასები მუდმივად იზრდება, მაგრამ ახალი წლისთვის ისინი მიაღწევენ ზედა  ზღვარს. ტკბილეულისთვის საჭირო ინგრედიენტებითუ საახალწლო ნამცხვრის სახლში გაკეთებას აპირებთ, ახლავე შეგიძლიათ, იზრუნოთ და იყიდოთ ფქვილი, შაქარი, შესქელებული რძე, კაკაო, ვანილი, ჟელატინი, თაფლი და სხვა. გაითვალისწინეთ, რომ ფქვილი შესაძლოა, ხაჭაპურისა და ლობიანისთვისაც დაგჭირდეთ.

ომი უკრაინაში • 1667189379

რუსეთი მსოფლიოს შიმშილით აშანტაჟებს - ზელენსკი

რუსეთის ფედერაციის ლიდერები ავადმყოფი ადამიანები არიან, რომლებიც კიდევ ერთხელ აყენებენ მსოფლიოს სასურსათო კრიზისის ზღვარზე, – ამის შესახებ უკრაინის პრეზიდენტმა, ვოლოდიმირ ზელენსკიმ ვიდეომიმართვისას განაცხადა.უკრაინის პრეზიდენტის თქმით, ჩერნომორსკის პორტში 40 ათასი ტონა ხორბლით დატვირთულია მორიგი გემი, რომელმაც მარცვლეული შიმშილის ზღვარზე მყოფ ეთიოპიაში უნდა ჩაიტანოს, მაგრამ აღნიშნული ხომალდი სხვა გემების მსგავსად იძულებულია, გაჩერდეს, რადგან რუსეთი მსოფლიოს შიმშილით აშანტაჟებს.ზელენსკის თქმით, რუსეთი ერთადერთი დამნაშავეა იმაში, რომ საკვები ახლა გაძვირდება დასავლეთ აფრიკის სხვადასხვა ქვეყანაში აღმოსავლეთ აზიამდე და რუსეთი არის მიზეზი იმისა, რომ ეთიოპიაში, იემენში ან სომალიში მოსახლეობა საკვების კატასტროფული დეფიციტის წინაშეა.„რა გაიგო მსოფლიომ? თითქოს ვიღაც მარცვლეულის სატვირთოდან უშვებს თვითმფრინავებს. ჯერ მებრძოლ ფრინველებზე ისაუბრეს, მერე მებრძოლ კოღოებზე, ახლა მებრძოლ მარცვლეულზე. ხორბალი არის მკვლელი, რომელიც ახრჩობს რუს „ადმირალებს“. რა შეიძლება ითქვას? ნამდვილი ავადმყოფი ხალხია. მაგრამ ეს ავადმყოფები კიდევ ერთხელ აყენებენ მსოფლიოს საკვების მძიმე კრიზისის ზღვარზე. რა თქმა უნდა, პარტნიორები ცდილობენ, დაარწმუნონ ტერორისტული სახელმწიფო, რომ ცოტა შეანელოს შანტაჟი. მაგრამ არის ეს რეალური? ჯერჯერობით ფაქტები მიუთითებს იმაზე, რომ რუსეთის ხელმძღვანელობა უფრო მეტად დაინტერესებულია სასურსათო კრიზისის გამწვავებით, ვიდრე ხელმოწერილი დოკუმენტების შესრულებით. სხვათა შორის, ეს არის პასუხი ყველასთვის, ვინც რუსეთთან მოლაპარაკებებზე საუბრობს. მარცვლეულის დერეფანი ძალიან კონკრეტული მაგალითია“, – თქვა ვოლოდიმირ ზელენსკიმ.ასევე ნახეთ: 👉 „ბინძური ბომბის“ პროვოკაცია - ბინძურად მოაზროვნე კრემლის ბრალდება უკრაინელებს და პოტენციური საფრთხე👉 „ეს არ არის ბლეფი“ - რა ვიცით იარაღზე, რომლითაც პუტინი იმუქრება👉 პუტინმა გაზის ვენტილი გადაკეტა - რა ელის ევროპას ცივ ზამთარში

პოლიტიკა • 1664521917

„რუსეთიდან შემოსული მასა არის ხიფათის მომტანი, ზოგს აქვს გარკვეული ამოცანები...“ - ექსპერტი მოსალოდნელი საფრთხეების შესახებ საუბრობს 

რუსეთის ფედერაციაში გამოცხადებული ნაწილობრივი მობილიზაციის შემდეგ, ოკუპანტი ქვეყნის წარმომადგენლების ქვეყნიდან გადინების პროცესი დაიწყო.შესაბამისად, 21 სექტემბრის შემდგომ საქართველო-რუსეთის ფედერაციის საზღვარზე მოიმატა რუსეთიდან შემომსვლელ პირთა რაოდენობამ.27 სექტემბერს შინაგან საქმეთა სამინისტროს მიერ გამოქვეყნებული მონაცემების თანახმად, მხოლოდ ბოლო 10 დღეში რუსეთიდან შემომსვლელთა რაოდენობამ 78 742 შეადგინა.კავკასიის საკითხებში ექსპერტი მამუკა არეშიძე „პრაიმტაიმთან“ საუბრობს იმ მოსალოდნელი საფრთხეების შესახებ, რომლებიც რუსეთიდან მოქალაქეების საქართველოში შემოდინებას ახლავს თან. როგორც ექსპერტი აცხადებს, ეს პროცესი დაკავშირებულია, როგორც ეკონომიკურ, ისე პოლიტიკურ საფრთხეებთან.„რუსების საქართველოში შემოდინება დაკავშირებულია, როგორც პოლიტიკურ, ისე ეკონომიკურ საფრთხეებთან. მათი შემოსვლის შემდეგ, ქვეყანაში, ბუნებრივია, ეკონომიკური სურათი შეიცვლება, რადგან რუსების ფინანსური შესაძლებლობები საგრძნობლად აღემატება ქართველი ადამიანის შემოსავლის საშუალო მაჩვენებელს, ანუ ქვეყანაში გაძვირდება ცხოვრება, ეს უკვე დაეტყო ბინების გადასახადებსა და ტაქსის ტარიფებს.რუსეთიდან საქართველოში გარკვეული პირები შესაბამისი ამოცანებით არიან შემოსულები, მაგალითად, კონკრეტული პირების გავლენების გაძლიერებისთვის და საკუთარ მოქალაქეებზე კონტროლის დამყარების მიზნით. რა უნდა იყოს ქართული მხარის პასუხი? აუცილებელია, რომ ჩვენმა ქვეყანამ თავად ამყოფოს კონტროლ ქვეშ რუსეთიდან შემოსულების ხალხის მასა, რადგან ეს ჭრელი მასა არის ჩვენი ქვეყნისთვის,როგორც სიკეთის, ისე ხიფათის მომტანი.როგორია რუსეთის პოზიცია ქვეყნიდან მრავალი ადამიანის გადინებაზე? - როგორც მამუკა არეშიძე აცხადებს, რუსეთისთვის სასიამოვნოა კიდეც, რომ ადამიანთა გარკვეული ნაწილი ქვეყნიდან მიდის. „რუსეთს რომ არ მოსწონდეს ქვეყნიდან ამდენი მოქალაქის გასვლა, არ გამოუშვებდნენ.  რუსეთისთვის სასიამოვნოა კიდეც, რომ გამვლელების გარკვეული ნაწილი ქვეყნიდან გადის, რადგან იქ თვლიან, რომ ეს ადამიანები ქვეყანაში შექმნიდნენ პრობლემებს აქციების სახით“,- განაცხადა არეშიძემ.ნახეთ ვრცლად, რამდენმა რუსეთის მოქალაქემ გადმოკვეთა და გადაკვეთა საქართველოს საზღვარი ყველა გამშვები პუნქტიდან :17 სექტემბერი  6986 – 7406;18 სექტემბერი 6606 – 6743;19 სექტემბერი 6411 – 6782;20 სექტემბერი 5603 – 6199;21 სექტემბერი 6402 – 6011;22 სექტემბერი 6150 – 6050;23 სექტემბერი 9307 – 6214;24სექტემბერი 9330 – 6249;25 სექტემბერი 11 143 – 5519;26 სექტემბერი 10 804 – 4947 ;

საზოგადოება • 1659211875

გაძვირდება თუ არა ზეთი - 1-ლი აგვისტოდან რუსულ ზეთზე საექსპორტო გადასახადი 127 დოლარით იზრდება

1-ლი აგვისტოდან, რუსულ ზეთზე, საექსპორტო გადასახადი 127 დოლარით იზრდება. როგორ აისახება ქართულ ბაზარზე გაზრდილი საექსპორტო გადასახადი და გაძვირდება თუ არა ზეთის ფასი.1-ლი აგვისტოდან რუსეთის ფედერაციიდან მზესუმზირის ზეთის ექსპორტზე გადასახადი ტონაზე წინა თვის 8615,9-დან 15,987,1 რუბლამდე (148-დან 275 დოლარამდე), შროტზე კი 1819-დან 2,265,4 რუბლამდე (31,5-დან 39 დოლარამდე) იზრდება. ამის შესახებ ინფორმაცია რუსეთის სოფლის მეურნეობის სამინისტროს ვებგვერდზე განთავსდა.მზესუმზირის ზეთზე აგვისტოს საბაჟო განაკვეთი ტონაზე 1873,3 დოლარის საორიენტაციო ფასით გამოითვალა. ივლისში ტონაზე 8615,9 რუბლის (148 დოლარის) ოდენობის გადასახადი მოქმედებდა, რომლის ღირებულებაც 1800,2 დოლარის საორიენტაციო ფასიდან იყო გამოთვლილი.რაც შეეხება შროტს, აგვისტოს საექსპორტო გადასახადი ტონაზე 304,3 დოლარის საორიენტაციო ფასით გამოითვალა. ივლისში მისი ოდენობა ტონაზე 1819,1 რუბლს (31,5 დოლარს) შეადგენდა, რაც 312,8 დოლარის საორიენტაციო ფასიდან იყო დადგენილი.რუსეთში მზესუმზირის ზეთზე მოქნილი საექსპორტო გადასახადი 2021 წლის 1-ლი სექტემბრიდან მიმდინარე წლის 31 აგვისტომდე პერიოდისთვის არის შემოღებული, ხოლო შროტის ექსპორტზე გადასახადი 1-ლი მაისიდან დადგინდა და იმავე 31 აგვისტომდე იმოქმედებს.ივლისიდან საექსპორტო გადასახადები რუბლებით გამოითვლება, რომელიც ბოლო ხუთ სამუშაო დღეში რუსეთის ბანკის მიერ დადგენილი რუბლის მიმართ დოლარის საშუალო არითმეტიკული კურსით გამოითვლებაზეთის იმპორტიორი კომპანია "ოლეინას" წარმომადგენელი დიმიტრი რამიშვილი "რუსთავი 2-თან" საუბრისას აცხადებს, რომ შესაძლოა, ზეთის ფასმა არ მოიმატოს. იმპორტიორი ასევე აცხადებს, რომ პროდუქციის დეფიციტი მოსალოდნელი, ჯერჯერობით, არ არის.რამდენით გაძვირდა ზეთი ბოლო პერიოდში„ბოლო სამ თვეში ზეთი სტაბილურ ფასზეა და არ გაძვირებულა, პირიქით, ამ ეტაპზე კლების ტენდენცია შეინიშნება“,  აღნიშნა რამიშვილმა.რუსეთის გარდა, საიდან ხდება შემოტანა და იპოვეთ თუ არა ალტერნატიული ბაზრები?„სამწუხაროდ ალტერნატიული ბაზრები რთული მოსაპოვებელია, მითუმეტეს, როდესაც კონკურენტუნარიანი ხაზი არცერთ ბაზარს არ შემოუთავაზებია. რუსული ბაზრის ჩანაცვლება ნამდვილად აისახება ფასებზე გაძვირების კუთხით. ამ ეტაპზე რუსული წარმოების ზეთს კონკურენტუნარიანი ალტერნატივა არ გააჩნია სამწუხაროდ“, - აღნიშნა დიმიტრი რამიშვილმა.კითხვაზე, 1-ლი აგვისტოდან, საბაჟო გადასახადის მომატება რამდენი პროცენტით გაზრდის ფასს ზეთზე? - იმპორტიორი აცხადებს, რომ გადასახადის ზრდა, არ ნიშნავს პროპორციულად ზეთზე ფასის მატებას.„კომპონენტები ოდნავ შეიცვალა, თავიდან ბოლომდე დამოკიდებულია ეს რა კურსი იქნება რუსულ რუბლზე და დოლარს შორის. დანარჩენი კომპონენტები ინდიკატიური ფასი, საშუალო საბაზრო გამოყვანილი ფასი ეს ყველაფერი შეიცვალა, გადაიყვანეს რუბლებზე და გაყინეს. ამიტომ ეს გაყინული რუბლებიგადაჰყავთ დოლარში მაშინ და იმ დღეს, როდესაც უშუალოდ კონტრაქტი ფორმდება.მიუხედავად იმისა, რომ გადასახადი გაიზრდება, შესაძლოა, ზეთის ფასი საერთოდ არ გაიზარდოს. ამ ეტაპზე იმის თქმა, რამდენი პროცენტით გაიზრდება ზეთის ფასი, ძალიან რთულია. ვიმეორებ, ცოტა რთული პროგნოზირებადია ეს ყველაფერი. მე იმედს ვიტოვებ, რომ არათუ გაიზრდება, არამედ კლების ტენდენციაც კი შევნიშნოთ.რაც შეეხება დეფიციტს, არ მგონია, რომ დეფიციტი შეიქმნას პროდუქტზე, ამ ეტაპზე, ამის არანაირი საფუძვლიანი მოლოდინი არ არსებობს,"- აცხადებს რამიშვილი.

ჯანდაცვა • 1658424384

„თურქეთიდან იმპორტირებული მედიკამენტები კვლავ იაფი იქნება“ - ჯანდაცვის მინისტრი

„დიდი აჟიოტაჟი იყო ატეხილი, თითქოს, თურქეთის ბაზრის გახსნის პროექტი კოლაფსის ზღვარზეა. სამწუხაროდ, ეს არის ქვეყნის მტრობა“, - ასე გამოეხმაურა ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი თურქეთიდან იმპორტირებული მედიკამენტების ფასებთან დაკავშირებით გავრცელებულ ინფორმაციას.როგორც ზურაბ აზარაშვილმა „საზოგადოებრივი მაუწყებლის“ ეთერში აღნიშნა, 2022 წლის იანვრიდან, საქართველოს მოქალაქეებმა, მედიკამენტებზე 50 მილიონზე მეტი დაზოგეს, შესაბამისად, მათი ხარჯები მნიშვნელოვნად შემცირდა. რაც შეეხება თურქეთში, მედიკამენტებზე ფასების მატებას, მინისტრის განცხადებით, საქართველოში, თურქეთიდან შემოტანილ მედიკამენტები  არ გაძვირდება.„თურქეთში, ფასების კორექტირება, პერიოდულად, ხდება და ეს აჟიოტაჟის საფუძველი ნამდვილად არ უნდა იყოს. ზუსტად იგივე მოხდა 2022 წლის თებერვალში, მაგრამ საერთოდ არ ასახულა თურქეთიდან შემოტანილი მედიკამენტების ფასებზე. ახლაც ასე დაკორექტირდა ლირის ფარმაცევტული კურსი ევროსთან მიმართებით. საქართველოში ამას არანაირი ეფექტი არ შეიძლება ჰქონდეს, რადგან, რეალურად, ფასების კორექტირება თურქეთში, ადგილზე ხდება, საქართველოში კი, მომხმარებელი, ამ მედიკამენტებს ლარში ყიდულობს“, - განაცხადა მინისტრმა.ზურაბ აზარაშვილმა თურქეთიდან იმპორტირებული მედიკამენტების ხარისხზეც ისაუბრა  და აღნიშნა, რომ ყველა დასახელების წამალი სრულად აკმაყოფილებს GDP და GMP საერთაშორისო სტანდარტებს.